تازيون خبرون

ڀارتي سيز فائر جي ڀڃڪڙين جو ڀرپور جواب ڏنو وڃي: آرمي چيف

راولپنڊي (ويب ڊيسڪ): آرمي چيف جنرل قمر جاويد باجوه لائين آف ڪنٽرول  جو دورو ڪيو آهي، آرمي چيف جنرل قمر جاويد باجوه نوجوانن سان ڳالهائيندي چيو ته پاڪستان ۾ دهشتگردي ۾ ڀارتي ارادن کان مڪمل طور آگاهه آهيون، هن چيو ته ڀارتي ايجنٽ ڪلڀوشن ياديو ڀارتي ارادن جو ثبوت آهي، آرمي چيف چيو ته والاريل ڪشمير جي عوام سان اسان جي ايڪتا جاري رهندي،  ڪشمير جي عوام پنهنجي حق خوداراديت جي لاءِ جدوجهد ڪري رهيا آهن، آرمي چيف هدايت ڪئي ته ڀارتي بنا جواز سيز فائر ڀڃڪڙين جو ڀرپور جواب ڏنو وڃي، آرمي چيف چيو ته پاڪ فوج پاڪستاني ۽ ڪشميري عوام جي تحفظ جي پنهنجي ذميداري ادا ڪندي، پاڪ فوج جا جوان پنهنجي پيشيوراڻي مهارت، جذبي سبب سڃاتا ويندا آهن، جنرل قمر جاويد باجوه چيو ته پاڪ فوج جا جوان پاڪ فوج جي ڪرنگهي جي هڏي آهن. آءِ ايس پي آر موجب دوري دوران آرمي چيف جنرل قمر جاويد باجوه کي آپريشنل تيارين بابت بريفنگ ڏني وئي.

 

Leave a Reply

Your email address will not be published. Required fields are marked *