تازيون خبرون

ميڊيا رياست جو چوٿون ٿنڀو آهي، افراتفري جي سياست کان پاسو ڪرڻ گهرجي: مريم اورنگزيب

اسلام آباد (ويب ڊيسڪ): سڌ سماءَ واري مملڪتي وزير مريم اورنگزيب چيو آهي ته انفارميشن سروس اڪيڊمي ۾ تغيراتي تبديليءَ تي ٽريننگ شروع ڪري رهيا آهيون، موسمياتي تبديلي سيمينار کي خطاب ڪندي مريم اورنگزيب چيو ته تغيراتي تبديلي لاءِ آگاهي اسان سڀني جي گڏيل ذميداري آهي، ان رپورٽنگ ۾ وڌ کان وڌ تحقيق ۽ تربيت جي ضرورت آهي، موسمياتي تبديلي جي رپورٽنگ سڀ کان وڌيڪ ٽيڪنيڪل ڪم آهي، پارلياماني سطح تي تغيراتي تبديلي تي ڪم ٿي رهيو آهي، تغيراتي تبديلي تي رپورٽنگ سٺو سنئوڻ آهي، هن چيو ته اسان جون نديون خشڪ، گليشيئر تيزي سان ڳري رهيا آهن، ٻوڏ اچڻ جي خبر آهي پر ڇو آئي، ان تي ڪا ڳالهه ناهي ٿيندي، هن چيو ته دهشتگردي کانسواءِ صحت، موسميات، تعليم، فلم تي ڳالهه ٿيڻ سٺي ڳالهه آهي، موسمياتي تبديلي سان خطي ۽ پاڪستان تي خطرا وڌي رهيا آهن، سٺو سنئوڻ اهو آهي ته انهن موضوعن تي ڳالهه ٿي رهي آهي، تغيراتي تبديلي جي اثرن کان اسان مان ڪو به بچيل ناهي، هن چيو ته پاڪستان ۾ جمهوريت مضبوط ٿي رهي آهي، سمورا سياسي نمائندا، پارليامينٽيرينز عوام جون زندگيون بهتر بڻائڻ لاءِ ڪم ڪن، پايرليامينٽ ۾ ايجوڪيشن، صحت، تغيراتي تبديلي تي بحث ٿيڻ گهرجي، ميڊيا رياست جو چوٿون ٿنڀو آهي، افراتفري جي سياست کان پاسو ڪرڻ گهرجي، سڌ سماءَ واري مملڪتي وزير مريم اورنگزيب سيمينار کي خطاب ڪندي وڌيڪ چيو ته پاڙيسري ملڪ افراتفري جي بحث کان اڳتي نڪري ويا آهن.

 

Leave a Reply

Your email address will not be published. Required fields are marked *