تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

ملڪ ۾ جمهوريت ايندي آهي پر مظلوم عوام کي بنيادي سهولتون به ميسر نه ٿينديون آهن: شاهه محمود

ميرپورخاص (مختيار ڪيريو) تحريڪ انصاف جي مرڪزي اڳواڻ ۽ غوثيه جماعت جي روحاني پيشوا مخدوم شاھ محمود قريشي ”ڪرپشن هٽايو ملڪ بچايو، سنڌ جڳايو“ ريلي جي سلسلي ۾ پوسٽ آفيس چوڪ تي عوامي ميڙ کي خطاب ڪندي چيو ته هتي جمهوريت ايندي آهي پر سنڌ جو پيڙهيل مزدور ۽ مظلوم طبقو جيڪو صاف پاڻي، صحت تعليم، روڊ رستن جي سهولتن کان محروم بڻيل آهي غريب کي ٿاڻي ۾ رشوت ڏيڻ عيوض انصاف ملي ٿو، ميرٽ جي لتاڙ جاري آهي، انهن مظلوم ماڻهن کي حق ڏيارڻ لاءِ عوام جي وچ ۾ آيو آهيان. هنن جي هر سطح تي وڪالت ڪندس، ڪرپشن ملڪ کي اڏوهي جيان کائي رهي آهي، ان مان نجات حاصل ڪرڻ لاءِ عوام کي تحريڪ انصاف جو ساٿ ڏيڻو پوندو. هن چيو ته پاڪستان ۾ هر نئون ڄاول ٻار هڪ لک 10 هزار جو قرضي هوندو آهي. هنن ڪرپٽ حڪمرانن سڄي ملڪ جي عوام کي مقروض بڻائي پنهنجا پيٽ ڀريا آهن، سنڌ ۾ تعليم تباھ آهي، 25 هزار گهوسٽ استاد آهن، خراب پاڻي واپرائڻ سبب هر سال 50 هزار ٻار موت جو شڪار ٿين ٿا، اسان گذريل 60 سالن کان ظلم برداشت ڪري رهيا آهيون پر هاڻي وقت اچي ويو آهي عوام سان واعدو ٿا ڪريون انهن لٽيرن کي الٽو ڪري عوام جو پئسو واپس وٺنداسين، صرف تحريڪ انصاف عوام کي ناانصافين مان نجات ڏياريندي، ملڪ جي بقا چاهيو ٿا ته اسان جا هٿ مضبوط ڪري ڪرپشن جي خاتمي جي هن جدوجهد ۾ اسانجو ساٿ ڏيو. سنڌ صوبو جيڪو معدني وسيلن سان مالا مال صوبو آهي پر اربين ڊالرن جي ڪرپشن ڪري هتي جي عوام کي اذيتن واري زندگي گذارڻ تي مجبور ڪري ڇڏيو آهي، انهن حڪمرانن مان جان ڇڏائي پنهنجي مستقبل کي روشن ڪرڻ جي سخت ضرورت آهي. هن چيو ته 30 اپريل تي ڪرپشن خلاف سکر ۾ عمران خان جي اڳواڻي ۾ جلسو ڪيو ويندو، جلسي ۾ وڌ کان وڌ شريڪ ٿي نئين ڪرپشن کان پاڪ پاڪستان ٺاهڻ جي شروعات ڪندا. جڏهن ته جلسي کي ايم اين اي لال مالهي، عارف علوي ، حليم عادل شيخ ، نور محمد سيال ۽ ٻين پڻ خطاب ڪيو.ا

 

Leave a Reply

Your email address will not be published. Required fields are marked *