تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

ماورا خان 5 ڪروڙن ۾ وڪالت جي ڊگري خريد ڪرڻ بابت ٻڌائي ڇڏيو

ڪراچي (شوبز نيوز) پاڪستان جي مشهور ۽ سهڻي اداڪارا ماورا حسين وڪالت جي ڊگري 5 ڪروڙن ۾ خريد ڪرڻ تي خاموشي ٽوڙيندي سچائي بيان ڪري ڇڏي. پاڪستان جي مشهور اداڪارا ماورا حسين جڏهن يونيورسٽي آف لنڊن مان وڪالت جي ڊگري حاصل ڪرڻ جي خبر ماڻهن سان شيئر ڪئي ته سوشل ميڊيا تي طوفان اچي ويو ۽ ماڻهو ماورا کي ساراهڻ بدران هن تي اعتراض وارڻ لڳا ته ماورا هر وقت پرڏيهي ملڪن جي دورن تي هوندي آهي، شوٽنگ ڪري رهي هوندي آهي يا وري ايوارڊ فنڪشنن ۾ شرڪت ڪندي آهي تنهنڪري سندس کي پڙهائيءَ جو وقت ڪڏهن مليو جڏهن ته ڪجهه ماڻهن ته ماورا تي وڪالت جي ڊگري 5 ڪروڙن ۾ خريد ڪرڻ جو الزام به لڳائي ڇڏيو. هاڻوڪي هڪ انٽرويو دوران ماورا وڪالت جي ڊگري خريد ڪرڻ جي الزام تي ڳالهائيندي چيو ته ماڻهن جو چوڻ آهي ته آئون گھڻي امير آهيان ان ڪري آئون يونيورسٽي آف لنڊن مان وڪالت جي ڊگري 5 ڪروڙن ۾ خريد ڪئي آهي. پر ٽيڪنيڪي طور تي اهو ممڪن ناهي ائين ڪٿي به ناهي ٿيندو پر آئون ماڻهن جا اهڙا تبصرا ڏسي حيرا ٿيس. مونکي ماڻهن جي ان سوچ تي کل ايندي آهي ۽ منهنجو مڃڻ آهي ته اهڙين ڳالهين کي نظر انداز ڪري اڳتي وڌڻ گھرجي. ماورا چيو ته پڙهائي ڪرڻ جو وقت گھٽ ملندو هو هوءُ اڪثر ڪنهن ڊرامي يا فلم جي شوٽنگ ۾ مصروف هوندي هئي ۽ ميڪ اپ ڪرڻ دوران يا شوٽنگ ۾ وقفي دوران پنهنجي پڙهائي ڪندي هئي ۽ صبح جو سوير اٿندي هئي ته جيئن شوٽنگ شروع ٿيڻ کان اڳ ئي پنهنجي پڙهائي ڪري سگھي. ماورا حسين مستقبل جي حوالي سان ڳالهه ٻولهه ڪندي چيو  ته هوءَ نه رڳو اداڪاري جاري رکندي پر گڏوگڏ وڪالت جي ڪيريئر کي به اڳتي وڌائيندي ۽ هڪ ڏينهن جج جي به ٿيندي.

 

Leave a Reply

Your email address will not be published. Required fields are marked *