تازيون خبرون
ملڪ ڇڏڻ تي پابندي، آصف، بلاول، فريال، مراد ، رياض، سيال، چاولا جا نالا اي سي ايم ۾ شامل - ڳالهه نڪتي ته پري تائين ويندي، ڪو ڊيڄاري ۽ جهڪائي نٿو سگهي ٿو: آصف زرداري - پي ٽي آءِ وڏي وزير کان استعيفيٰ جو مطالبو ڪري ڇڏيو - پاڻي ۽ صحت جي معاملن ۾ دير برداشت نه ڪنداسين: سپريم ڪورٽ - مني لانڊرنگ خلاف ملڪي تاريخ جي سڀ کان وڏي آپريشن جو اعلان، غربت جو خاتمو حڪومت جي پهرين ترجيح آهي: عمران خان - اي سي ايل ۽ نوٽيس کان ناهيون ڊڄندا، اسان سرڏيڻ وارا آهيون، ڀڄڻ وارا ناهيون، بزدل خان ڀڄي ويندو: بلاول ڀٽو زرداري - عمران خان کي زال ياد ڏياريندي آهي ته هو وزيراعظم آهي، مڙهڻو هو ته حڪومت ڪرڻ سيکاريو وڃي ها: مراد علي شاهه - مارچ کان اڳ سمورا گندا آنا گڏ ٿي ويندا، ڪرپٽ ماڻهن کي سزائن تائين ملڪ ۾ استحڪام نه ايندو: شيخ رشيد - سانگهڙ لڳ زير تعمير گهر جي ڇت جو ڀيم ڪري پيو، هڪ عورت سميت 2 معصوم ٻارڙين سميت فوت، هڪ ٻارڙو زخمي - مخالف ڌر ۽ حڪومت جو انگ برابر آهي، مخالف ڌر 6 مهينن کانپوءِ حڪومت ڪيرائي سگهي ٿي: راڻا ثناءَ الله

Category Archives: رانديون

باڪسر عامر خان ليور پول واري ڪاميابي پاڪستانين جي نالي ڪري ڇڏي

 

لنڊن(اسپورٽس نيوز) پاڪستان ڄائي برطانوي باڪسر عامر خان ليور پول ۾ ڪينڊين مخالف خلاف کٽڻ واري راند پاڪستانين جي نالي ڪري ڇڏي آهي.پنهنجي وڊيو پيغام ۾ باڪسر عامر خان چيو ته پاڪستانين منهنجي ڪاميابي لاءِ دعائون ڪيون ۽ اها ڪاميابي رڳو منهنجي نه پر پاڪستان ۾ منهنجي سپورٽرن جي به آهي. هن چيو ته پاڪستان وڃي پنهنجي مداحن سان ملاقات ڪندس، جن مون کي سپورٽ ڪيو.عامر خان پاڪستان ۾ باڪسنگ ليگ جو به ارادو رکي ٿو، ان حوالي سان سندس چوڻ هو ته پاڪستان ۾ عامر خان سپر باڪسنگ ليگ ڪرائڻ جو ارادو آهي. هن چيو ته مان ايندڙ ڪجهه هفتن ۾ پاڪستان ايندس، جتي باڪسنگ ليگ بابت وڏو اعلان ڪندس

 

نجم سيٺي حسن علي جي واهگا بارڊر واقعي تي ڀارتي اعتراض رد ڪري ڇڏيو

 

ممبئي(اسپورٽس نيوز) پاڪستان ڪرڪيٽ بورڊ جي چيئرمين نجم سيٺي فاسٽ بالر حسن علي جي واهگا بارڊر واقعي تي ڀارتي اعتراض رد ڪري ڇڏيا آهن.ڪولڪتا ۾ جاري آءِ سي سي ميٽنگز جي موقعي تي ڀارتي صحافين طرفان جڏهن حسن علي جي ”جنريٽر اسٽائيل“ اختيار ڪرڻ جي باري ۾ سوال ٿيو ته هن چيو ته ڪرڪيٽر پهريان به واهگا بارڊر تي ويندا رهيا آهن.فاسٽ بالرز هميشه اهي ئي ڪندا آهن، جيڪو سندن دل چاهيندي آهي، مان نه ئي ان ڳالهه کي اهميت ڏيندو آهيان ۽ نه ئي ان حوالي سان ڪا ڳالهه ڪريان چاهيان ٿو، نه ته اوهان ان ۾ به سياست شامل ڪري ويندا.

 

عماد وسيم جي جاءِ تي ايئن مورگن ڪراچي ڪنگز جو نئون ڪپتان مقرر

 

شارجا(اسپورٽس نيوز) عماد وسيم جي انجري سبب ميچ ۾ شرڪت نه ڪرڻ سبب ايئن مورگن ان جي جاءِ تي ڪراچي ڪنگز جي ڪپتاني ڪندو.تفصيل موجب عماد وسيم کي ڊاڪٽرن هڪ يا ٻه ڏينهن جي وڌيڪ آرام جو مشورو ڏنو آهي. عماد وسيم لاهور قلندرز خلاف ميچ جي 19 هين اوور ۾ سهيل خان جو ڪيچ وٺندي مٿي ڀر ڪري پيو هو جنهن کانپوءِ ان کي گرائونڊ کان اسٽريچر تي ٻاهر نيو ويو.انگلش بيٽسمين گذريل ڏينهن ڪراچي ڪنگز جي اسڪواڊ کي جوائن ڪيو هو. مورگن قومي ڪرڪيٽ ٽيم ۾ خدمتن سبب اڃان تائين پي ايس ايل ٿري جو حصو نه بڻجي سگهيو هو جڏهن ته هاڻ هن دبئي ۾ ڪراچي ڪنگز جو اسڪواڊ جوائن ڪري ورتو

 

مشهور ڪرڪيٽر يونس خان پٽ جو پيءُ بڻجي ويو

 

ڪراچي(اسپورٽس نيوز) بهترين ٽيسٽ ڪرڪيٽر ۽ اڳوڻي پاڪستان ٽيم جي ڪپتان يونس خان کي الله ٻئين پٽ سان نوازيو آهي.يونس خان پنهنجي ٽوئيٽر هينڊل تي ٻار جي تصوير شئي ڪئي ۽ ان سان گڏ الله جو شڪر به ادا ڪيو.يونس خان جي تصوير سوشل ميڊيا تي شيئر ٿيندي ئي پرستارن ۽ دوستن طرفان مبارڪباد جي ڪيترائي پيغام ملڻ لڳا آهن.مداحن يونس خان جي پٽ جي وڏي ڄمار ۽ صحت جون دعائون به ڪيون آهن

 

 

عمر گل ٽي ٽوئنٽي ڪرڪيٽ ۾ وڪيٽن جي ڊبل سينچري ٺاهي ورتي

دبئي(اسپورٽس نيوز) پاڪستان ڪرڪيٽ ٽيم جو بهترين بالر عمر گل هنن ڏينهن ۾ پي ايس ايل ۾ ملتان سلطانز جي نمائندگي ڪري رهيو آهي پي ايسا يل جي ايونٽ ۾ ڪوئيٽا گليڊيئيٽرز خلاف هن پنهنجي پهرين ميچ کيڏي ۽ ان ميچ ۾ عمر گل 24 رنسن عيوض 6 رانديگرن کي پويلين موڪليو.اها پي ايس ايل جي تاريخ جي ٻئين بهترين بالنگ آهي ان کان اڳ روي بوپارا 16 رنسن جي عيوض 6 رانديگرن کي آئوٽ ڪيو هو.عمر گل کي ان شاندار ڪارڪردگي سبب مين آف دي ميچ جي ايوارڊ سان نوازيو ويو جڏهن ته ان جي ٽيم اها ميچ هارائي وئي، ڪوئيٽا خلاف 6 وڪيٽون حاصل ڪري عمر گل ٽي ٽوئنٽي ڪرڪيٽ ۾ ڊبل سينچري ڪري وڌي.ان جي وڪيٽن جو تعداد 201 آهي، عمر گل ٻيون بالر آهي جنهن ٽي 20 ۾ تيز ترين 200 وڪيٽون حاصل ڪيون.عمر گل اهو ڪارنامو 147 ميچن ۾ انجام ڏنو، تيز ترين 200 وڪيٽون حاصل ڪرڻ جو رڪارڊ سعيد اجمل وٽ آهي جنهن اهو ڪارنامو 139 ميچون کيڏي سرانجام ڏنو

 

ڪپتان سان ڪو اختلاف ناهي، مغرور ٿيڻ جو تاثر به غلط آهي: حسن علي

دبئي (اسپورٽس نيوز) پاڪستاني فاسٽ بالر حسن علي چيو آهي ته منهنجو ڪپتان سرفراز احمد سان ڪو اختلاف ناهي. حسن علي چيو ته اها ڳالهه درست ناهي ته پاڪستان جي تازوئي ڪاميابين ۾ حصو وجھڻ بعد آئون مغرور ٿي ويو آهيان، آئون بااخلاق ۽ پنهنجي وِک زمين تي رکندڙ انسان آهيان. ان بابت خليجي اخبار کي انٽرويو ۾ حسن علي چيو ته ميڊيا ان واقعي کي وڌائي پيش ڪيو، اهو ميچ جي شدت جي ڪري ٿيو هو، آئون سرفراز جي گھڻي عزت ڪندو آهيان ۽ کيس پنهنجو وڏو ڀاءُ سمجھندو آهيان، آئون اها ڳالهه واضح ڪرڻ چاهيان ٿو ته منهنجو ٽيم ۾ موجود ڪنهن به رانديگر سان اختلاف ناهي.

 

شين وارن محل کپائي ڇاهٺ ڪروڙ رپيا منافعو ڪمائي ورتو

 

ميلبورن(اسپورٽس نيوز) آسٽريليا جي ليجنڊ ليگ اسپنر شين وارن 2 سال اڳ خريد ڪيل محل جهڙو گهر سٺو اگهه ملڻ تي 2 ارب 21 ڪروڙ 40 لک رپين ۾ وڪرو ڪري ڇڏيو آهي .شاندار ڪرڪيٽ ڪيريئر جي پڄاڻي بعد ملڪيتون خريد ڪري کپائڻ شين وارن جو پسنديده مشغلو آهي. هن 2 سال اڳ ميلبورن ۾ 14 ملين ڊالر (هڪ ارب 54 ڪروڙ 98 لک) ۾ 6 بيڊ رومن تي مشتمل مينشن (محل) خريد ڪيو هو، جنهن جي هاڻي 20 ملين ڊالر (2 ارب 21 ڪروڙ 40 لک رپيا) قيمت لڳي آهي.برطانوي ويب سائيٽ ڊيلي ميل موجب اڳوڻي ڪرڪيٽر شين وارن جي وڪرو ڪيل محل ۾ 6  لگزري بيڊ روم، فلم ڏسڻ لاءِ ٿيٽر، 7 باٿ روم، گاڏي بيهارڻ جا 4 گئريج، سوئمنگ پول، ورزش لاءِ پرائيويٽ جم ۽ ٽينس ڪورٽ به موجود آهن. اهڙي طرح ٻن سالن ۾ شين وارن کي 66 ڪروڙ 42 لک رپيا فائدو پهتو آهي.

 

لاهور قلندرز کي جھٽڪو، آل رائونڊر ڪيمرون ڊيلپورٽ جي اوچتو وطن واپسي

 

 

شارجه (اسپورٽس نيوز) پاڪستان سپر ليگ 3 ۾ مسلسل پنج ميچن ۾ شڪست کائيندڙ ٽيم لاهور قلندرز کي هڪ ٻيو جھٽڪو، ڏکڻ آفريقي آل رائونڊر ڪيمرون ڊيلپورٽ جي اوچتو وطن واپسي ٿي رهي آهي. ڪيمرپن ڊيلپورٽ جي ماءُ ڏکڻ آفريقا ۾ لاڏاڻو ڪري وئي آهي جنهن جي ڪري جو ٽورنامنٽ ڇڏي فوري طور وطن واپسي روانو ٿي رهيو آهي. ڏکڻ آفريقي آل رائونڊر شارجه مان ڊربن ويندو جتي هو پنهنجي ماءُ جون آخري رسمون ادا ڪندو. في الحال اهو واضح ناهي ٿيو ته ڪيمرون ڪڏهن واپس ايندو ۽ ٽورنامنٽ جو حصو ٿيندو ان ڪري هو ايندڙ ڪُجھه ميچن لاءِ لاهور قلندرز جو حصو نه هوندو. ان حوالي سان لاهور قلندرز جي چيف آپريٽنگ آفيسر ۽ مينيجر ثمين راڻا ڏُک جو اظهار ڪندي چيو آهي ته انتهائي ڏُک سان اسان سڀ کي آگاهه ڪري رهيا آهيون ته ڪيمرون ڊيلپورٽ جي ماءُ فوت ٿي وئي آهي، اسان جون همدرديون  ڊيلپورٽ ۽ سندس گھر وارن سان گڏ آهن.

 

اسپاٽ فڪسنگ: شاهه زيب حسن تي هڪ سال پابندي ۽ 10 لک ڏنڊ لاڳو

 

لاهور (اسپورٽس نيوز) پاڪستان سپر ليگ 2 ۾اسپاٽ فڪسنگ الزامن کان پوءِ معطل ٿيل ڪرڪيٽر شاهه زيب حسن تي هڪ سال پابندي ۽ 10 لک رپيا ڏنڊ لاڳو ڪيو ويو آهي. پي سي بي جي اينٽي ڪرپشن يونٽ 3 شقن جي ڀڃڪڙي تي شاهه زيب حسن کي چارج شيٽ ڪيو هو. مٿس رانديگرن کي اڪلائڻ ۽ بُڪين سان رابطن کي رپورٽ نه ڪرڻ جو الزام لڳايو ويو آهي. شاهه زيب حسن جي اينٽي ڪرپشن ٽربيونل ۾ گذريل سال 21 اپريل کان ٻُڌڻي شروع ٿي ۽ سندس خلاف اسپاٽ فڪسنگ ڪيس جو فيصلو 31 جنوري تي محفوظ ڪيو ويو هو.

 

پي ايس ايل سان پاڪستان جي نوجوان ٽيلينٽ کي اڀرڻ جو موقعو ملندو: شين واٽسن

 

دبئي(ويب ڊيسڪ) آسٽريلوي ڪرڪيٽ ٽيم جي آل رائونڊر ۽ ڪوئيٽا گليڊيئيٽرز جي رانديگر شين واٽسن جو چوڻ آهي ته پي ايس ايل سان پاڪستان جي نوجوان ٽيلينٽ کي اڳتي وڌڻ جو موقعو ملندو.نجي چينل سان ڳالهائيندي شين واٽسن جو چوڻ هو ته پي ايس ايل پوري دنيا ۾ کيڏي ويندڙ ليگز جيان آهي جنهن ۾ ناليوارا رانديگر شامل آهن جن جي خلاف ۽ انهن سان گڏ کيڏي پاڪستان جي نوجوان ٽيلينٽ کي وڌيڪ نکرڻ جو موقعو ملندو.شين واٽسن چيو ته ايونٽ ۾ شامل ڪابه ٽيم ڪمزو ناهي ۽ خاص ڳالهه اها آهي ته فاسٽ ۽ اسپن بالنگ سان گڏ سٺي بيٽنگ به ان ايونٽ جو حصو آهي ۽ اها خوشي جوڳي ڳالهه آهي ته پاڪستان مان فاسٽ بالر، ڪوالٽي اسپنرز ۽ زبردست بيٽسمين ان ۾ شامل آهن.هن چيو ته ايونٽ ۾ رانديگرن کي تمام گهڻي محنت ڪرڻي پئجي رهي آهي جيڪو رانديگرن سان گڏوگڏ پاڪستان ۽ ٻين ملڪن ۾ ڏسندڙن لاءِ به سٺو آهي