تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Category Archives: رانديون

پرفارمنس، فٽنيس ۽ ڊسيپلين قومي ٽيم ۾ اچڻ جي واحد چاٻي آهي: مصباح الحق

 

لاهور(اسپورٽس نيوز) قومي ڪرڪيٽ ٽيم جي هيڊڪوچ مصباح الحق جو چوڻ آهي ته رانديگرن جي لاءِ پرفارمنس سان گڏوگڏ فٽنيس ۽ ڊسيپلين قومي ٽيم ۾ اچڻ جي واحد چاٻي آهي.قائداعظم ٽرافي جي لاءِ ٽيمن جي ڪيمپس جي شروعات ٿي وئي آهي جنهن جي پهرئين مرحلي ۾ سمورن ڪرڪيٽرن جي قذافي اسٽيڊيم ۾ فٽنيس ٽيسٽ ورتي وئي، ان کانپوءِ نيشنل ڪرڪيٽ اڪيڊمي ۾ سينٽرل پنجاب جي ڪيمپ ۾ قومي ٽيم جي هيڊڪوچ مصباح الحق ليڪچر ڏنومصباح الحق جو چوڻ هو ته پرفارمنس سان گڏوگڏ فٽنيس ۽ ڊسيپلين قومي ٽيم ۾ اچڻ جي واحد چاٻي آهي، نئين سسٽم ۽ نئين طريقيڪار موجب پاڻ کي تيار ڪيو، جنهن شئي جي به پريڪٽس ڪريو ان کي پريڪٽس براءِ پريڪٽس سمجهي نه ڪريو پر پوري جان هڻو ۽ اهو ذهن ۾ رکو ته مون ان خامي کي بهتر ڪرڻو آهي، اها سوچ هوندي ته پرفارمنس به بهتر هوندي.هيڊ ڪوچ واضح ڪيو ته ٽيم جا دروازا سڀني لاءِ کليل آهن، جيڪو فتنيس، ڊسيپلين سان گڏوگڏ ڪارڪردگي ۾ سڀني کان اڳتي هوندو اهو اسان جي ترجيحن ۾ شامل هوندو، مصباح ڪرڪيٽرن کي تلقين ڪئي ته محنت کي پنهنجي عادت بڻائي ڇڏيو، ڪوبه مسئلو هجي ته ڪوچز سان ڳالهايو ۽ مون سان رابطو ڪريو.

 

سرفراز احمد قومي ڪرڪيٽ جو ڪپتان برقرار، بابر اعظم نائب ڪپتان مقرر

 

لاهور(اسپورٽس نيوز)پاڪستان ڪريڪٽ بورڊ سريلنڪا جي دوري لاءِ بابر اعظم کي قومي ٽيم جو نائب ڪپتان مقرر ڪيو آهي جڏهن ته سرفراز احمد بدستور ڪپتان جا فرض سرانجام ڏيندو.ايندڙ سيريز لاءِ ڪپتان ۽ نائب ڪپتان جو اعلان پاڪستان ڪرڪيٽ بورڊ جي سربراهه احسان ماني نئين هيڊڪوچ ۽ چيف سليڪٽر مصباح الحق لاهور ۾ هڪ پريس ڪانفرنس دوران ڪيو.سرفراز احمد کي 2016ع ۾ ٽي ٽوئنيٽي ٽيم جو ڪپتان مقرر ڪيو ويو هو جنهن کانپوءِ 2017ع ۾ کيس ون ڊي ٽيم ۽ ٽيسٽ تيم جي قيادت پڻ ڏني وئي. سرفراز جي ڪپتاني ۾ پاڪستان 13 ٽيسٽ، 48 ون ڊي ۽ 34 ٽي توئنٽي ميچون کيڏيون جن مان کيس ترتيبوار 4، 26 ۽ 29 ميچن ۾ ڪاميابي حاصل ٿي.جڏهن ته بابر اعظم جو شمار پاڪستان جي بهترين بيٽسمينن ۾ هوندو آهي، هو ٽيسٽ ڪرڪيٽ جي رينڪنگ ۾ 16 هين، ون ڊي ۾ ٽئين ۽ ٽي ٽوئنٽي ۾ پهرئين نمبر تي موجود آهي. سرفراز کي ڪپتان برقرار رکڻ ۽ بابر اعظم کي نائب ڪپتان مقرر ڪرڻ جو فيصلو مصباح الحق جي سفارش تي پي سي بي چيئرمين ڪيو.

 

اڳوڻي ڪپتان ثنا مير ايشيا گيم چينجر ايوارڊ لاءِ چونڊجي وئي

 

لاهور: (اسپورٽس نيوز) پاڪستان وومين ڪرڪيت ٽيم جي اڳوڻي ڪپتان ثنا مير کي ايشيا گيم چينچر ايوارڊ لاءِ چونڊ ڪيو ويو آهي.تفصيل موجب پاڪستان وومين ڪرڪيت ٽيم جي اڳوڻي ڪپتان ثنا مير کي ايشيا گيم چينجر ايوارڊ لاءِ چونڊ ڪيو ويو.ايشيا سوسائٽي طرفان ثنا مير کي راندين ۾ بهترين ڪارڪردگي جي ايوارڊ جي لاءِ چونڊ ڪيو ويو آهي.ايشيا گيم چينجر ايوارڊ جي تقريب 24 آڪتوبر تي نيويارڪ ۾ ٿيندي جنهن ۾ ثناءَ مير سميت خطي جي ڇهن عورتن کي ايوارڊ ڏنو ويندو.

 

سريلنڪا سيڪيورٽي انتطامن جو ٻيهر جائزو وٺڻ لاءِ رابطو ناهي ڪيو: پي سي بي

 

لاهور (اسپورٽس نيوز) سريلنڪن ڪرڪيٽ بورڊ پاران پنهنجي ٽيم پاڪستان موڪلڻ کان اڳ هڪ دفعو ٻيهر سيڪيورٽي انتظامن جو جائزو وٺڻ جي فيصلي تي پاڪستان ڪرڪيٽ بورڊ جي ترجمان چيو ته سريلڪن بورڊ سيڪيورٽي انتظامن جو ٻيهر جائزو وٺڻ لاءِ اڃا تائين رابطو ناهي ڪيو هن چيو ته سريلنڪن ڪرڪيٽ ٽيم لاءِ فول پروف سيڪيورٽي جو پلان تيار آهي جڏهن ته پي سي بي سريلنڪن بورڊ پاران باضابطه رابطي کان پوءِ آئينده جو لائحه عمل تيار ڪندو ترجمان ٻڌايو ته پي سي بي سيريز لاءِ تيارين ۾ مصروف آهي ۽ سريلنڪا ڪرڪيٽ ٽيم جي مڪمل حفاطت ۽ سيڪيورٽي جي عزم کي ورجائي ٿو جڏهن ته ان ڏس ۾ سريلنڪا ڪرڪيٽ سان تعاون جاري رکندو. سريلنڪن ڪرڪيٽ بورڊ گذريل ڏينهن سيڪيورٽِ خدشن کي آڏو رکي ٻيهر انتظامن جو جائزو وٺڻ جو فيصلو ڪيو هو سريلڪن بورڊ جي ترجمان موجب کيس پنهنجي وزيراعظم آفيس مان ٽيم تي امڪاني حملي جو اطلاع مليو آهي هن چيو ته وزيراعظم آفيس پاران پاڪستان ۾ امڪاني حملي جو اطلاع اهم ذريعن ڏنو آهي ذريعن مطابق پاڪ سريلنڪا سيريز کان اڳ مهمان ملڪ جي سيڪيورٽِ ٽيم هڪ دفعو ٻيهر پاڪستان ۾ حفاظتي انتظامن جو جائزو وٺندي.

 

ڪوهلي، ٽنڊولڪر جو سئو سينچرين جو رڪارڊ ٽوڙي ڇڏيندو: شين وارن

 

دهلي(اسپورٽس نيوز) آسٽريلين ڪرڪيٽ ٽيم جي اڳوڻي رانديگر شين وارن اڳڪٿي ڪئي آهي ته ڀارتي ڪپتان ويرات ڪوهلي جلد سچن ٽينڊولڪر جو رڪارڊ ٽوڙي وٺندو. سچن ٽينڊولڪر ٽيسٽ ڪرڪيٽ ۾ 51 ۽ ون ڊي ۾ 49 سينچريون ٺاهي سينچرين جي سينچري ڪرڻ جو اعزاز ماڻيو هو. هن اهو رڪارڊ 200 ٽيسٽ ۽ 463 ون ڊي ميچز کيڏي قائم ڪيو. ڀارتي ميڊيا سان ڳالهائيندي شين وارن چيو ته سچن ٽينڊولڪر جو رڪارڊ هڪڙو بيٽس مين ٽوڙي سگهي ٿو ۽ اهو آهي ويرات ڪوهلي. هن چيو ته ويرات ڪوهلي ون ڊي ۽ ٽيسٽ ميچز ۾ 68 سينچريون ٺاهي چڪو آهي، جلد رڪارڊ ٽوڙي وٺندو، ٽنڊولڪر جو اهو رڪارڊ خطري م آهي. هن چيو ته سچن ٽينڊولڪر کان پڇجي ته اهو به اهو ئي چوندو ته ڪوهلي سندس رڪارڊ ٽوڙي سگهي ٿو. ٽينڊولڪر کي چوان ٿو ته ڏس ويرات اچي رهيو آهي، هن چيو ته ڪرڪيٽ جي سمورن فارميٽس ۾ ڪوهلي بهترين بيٽس مين آهي پر ٽيسٽ ڪرڪيٽ ۾ آسٽريليا جو اسٽيو اسمٿ پنهنجو مٽ پاڻ آهي. واضح رهي ته ويرات ڪوهلي 79 ٽيسٽ ميچز ۾ 25 ۽ 239 ون ڊي ميچز ۾ 43 سينچريون ٺاهي چڪو آهي. ان کانپوءِ اسٽيو اسمٿ 66 ٽيسٽ ميچز ۾ 25 ۽ 118 ون ڊي ميچز ۾ 23 سينچريون ٺاهيون آهن.

 

سري لنڪن بورڊ پاڪستان جي دوري کان انڪار ڪندڙ رانديگرن خلاف ايڪشن کڻي ورتو

 

ڪولمبو:(اسپورٽس نيوز) سري لنڪن ڪرڪيٽ بورڊ پاڪستان جي دوري کان انڪار ڪندڙ رانديگرن جي خلاف ايڪشن کڻي ورتو.ذريعن موجب سريلنڪن ڪرڪيٽ بورڊ رانديگرن جي انڪار کي غلط قرار ڏيندي چيو آهي ته نيشنل ڊيوٽي کان انڪار ڪوڊ آف ڪنڊيڪٽ جي خلاف ورزي آهي. ذريعن جو چوڻ آهي ته  سريلنڪن ڪرڪيٽ بورڊ پنهنجي رانديگرن کي اين او سي نه ڏيڻ جو فيصلو به ڪيو آهي.واضح رهي ته پاڪستان ۽ سريلنڪا جون ٽيمون 27 سيپٽمبر کان 9 آڪٽوبر جي وچ ۾ پاڪستان ۾ 3 هڪ ڏينهن وارا ميچ ۽ 3 ٽي 20 ميچون کيڏندا. سريلنڪا جي ٽيم 25 سيپٽمبر تي ڪراچي پهچندي جتي 27 سيپٽمبر، 29 سيپٽمبر ۽ 2 آڪٽوبر تي 3 هڪ ڏينهن وارا ميچ کيڏيا ويندا.سريلنڪا جي 10 سينئر رانديگرن پاڪستان اچڻ کان انڪار ڪري ڇڏيو هو جنهن ۾ ون ڊي ڪرڪيٽ جي ڪپتان ديموتهه ڪرونارتني، ٽي ٽوئنٽي ڪرڪيٽ ٽيم جي ڪپتان لسيتهه ملنگا ۽ اڳوڻو ڪپتان انجيلو ميتهيوز به شامل آهن.

 

پرڏيهي سي اي او جي مقرري، جاويد ميانداد پي سي بي تي ڪاوڙيل

 

ڪراچي(اسپورٽس  نيوز)اڳوڻي ٽيسٽ ڪپتان جاويد ميان جي پي سي بي تي سخت تنقيد، سندس چوڻ آهي ته پاڪستان جا ماڻهو مري ويا جو ڪرڪيٽ هلائن لاءِ پرڏيهي آندا پيا وڃن.ڪراچي جي هڪ تقريب دوران ميڊيا سان ڳالهائيندي جاويد ميانداد ڪرڪيٽ بورڊ جي چيف ايگزيڪيوٽو وسيم خان جو نالو وٺڻ بنا چيو ته حڪومت ۽ بورڊ جواب ڏئي ته اسان جا ماڻهو ان قابل ناهن جو ٻاهران پرڏيهي آڻي رهيا اهيون، اها ڳالهه منهنجي سمجهه کان ٻاهر آهي ته ڪهڙي طرح ادارا هلايا پيا وڃن.هن چيو ته پاڪستان ۾ ٽيلينٽ جي ڪابه کوٽ ناهي، اسان جا رانديگر گهٽين ۽ رستن تي ئي کيڏي سامهون آيا، اوهان رانديگرن کي سهولتون مهيا ڪيو هو ڪارڪردگي ڏيکاريندا، غلط شين تي آواز اٿارڻ جي ضرورت آهي، ان حوالي سان قومي ميڊيا کي به پنهنجو ڪردار ادا ڪرڻو پوندو.مصباح الحق کي هيڊڪوچ ۽ چيف سليڪٽر جي ٻٽي ذميواري ڏيڻ تي به ميانداد سخت تنقيد ڪئي، هن يچو ته نظام کي هلائڻ لاءِ وڌ کان وڌ ماڻهن کي ذميواري ملڻ گهرجي، اهو عمل فائديمند رهندو پر هتي ڏکوئيندڙ طور تي پي سي بي ۾ صرف هڪ ئي گروپ کيڏي رهيو آهي.

 

شاهد آفريدي پاڪ فضائيه جي شهيد عورت پائليٽ مريم مختار جي گهر پهچي ويو

 

 

ڪراچي(اسپورٽس  نيوز) قومي ڪرڪيٽ ٽيم جو اڳوڻو ڪپتان شاهد آفريدي پاڪ فضائيه جي شهيد عورت پائليٽ مريم مختار جي گهر پچي ويو.سماجي رابطن واري ويب سائٽ تي ٽوئيٽ ڪندي پاڪستان ڪرڪيٽ ٽيم جي اڳوڻي ڪپتان بوم بوم آفريدي چيو ته 6 سيپٽمبر جي مناسبت سان شهيدن کي خراج عقيدت پيش ڪئي ۽ ان سلسلي ۾ هو پاڪ فضائيه جي شهيد عورت پائليٽ مريم مختار جي گهر پهچي ويو.شاهد آفريدي پاڪ فضائيه جي شهيد عورت پائليٽ مريم مختار جي گهروارن سان ملاقات ڪئي ۽ شهيد جي خدمتن کي ساراهيو، اڳوڻي ڪپتان ڪتاب ۾ پنهنجا تاثر پڻ لکيا.آفريدي جو چوڻ هو ته شهيد مريم مختار جي گهروارن سان ملي سندن همت ۽ حوصلي جي ڪهاڻي ٻڌي تمام سٺو لڳو، شهيد مريم مختار کي هميشه ياد رکيو ويندو.

 

 

قومي ٽيم جي اڳوڻي فاسٽ بالر شعيب اختر پاران مصباح الحق جي مقرري تي دلچسپ جملن جو اظهار

 

لاهور: (اسپورٽس نيوز) قومي ٽيم جي اڳوڻي ڪپتان مصباح الحق کي پاڪستان جو هيڊ ڪوچ ۽ چيف سليڪٽر جو عهدو ڏيڻ تي اڳوڻي فاسٽ بالر شعيب اختر انتهائي دلچسپ جملن جو اظهار ڪيو آهي.پاڪستان ڪرڪيٽ بورڊ گذريل ڏينهن مصباح الحق کي 3 سالن جي لاءِ قومي ٽيم جو هيڊ ڪوچ ۽ چيف سليڪٽر مقرر ڪري ڇڏيو آهي. مصباح الحق ان حوالي سان چيو آهي ته قومي ٽيم جي ڪوچنگ جي اهم ذميواري آهي ۽ پوري ايمانداري سان گڏ پاڪستان ٽيم جي بهتري لاءِ ڪم ڪندس. قومي ٽيم جي اڳوڻي ڪپتان يونس خان ٽوئٽر تي پيغام ۾ مصباح ۽ وقار يونس کي مبارڪباد ڏيندي لکيو آهي ته مان ٻنهي سان گڏ ڊريسنگ روم شيئر ڪيو آهي ۽ مون کي اميد آهي ته ٻئي ڄڻا قومي ٽيم کي گهڻو اڳتي کڻي ويندا.اڳوڻي اسٽار آل رائونڊر شاهد آفريدي به سوشل ميڊيا تي پنهنجي پيغام ۾ مصباح الحق کي نيون ذميواريون ملڻ تي مبارڪباد ڏيندي چيو آهي ته منهنجون نيڪ خواهشون اوهان سان گڏ آهن ۽ اسان سڀ اوهان جي حمايت ڪريون ٿا. فاسٽ بالر شعيب اختر به ٽوئٽر پيغام ۾ مصباح الحق کي هيڊ ڪوچ ۽ چيف سليڪٽر جي ٻٽي ڪردار تي مبارڪباد ڏني. شعيب اختر پنهنجي پيغام ۾ وڌيڪ لکيو آهي ته  حيران آهيان ته مصباح کي هيڊ ڪوچ ۽ چيف سليڪٽر سان گڏ چيئرمين پي سي بي  ناهي بڻايو ويو. آخر ۾ شعيب اختر لکيو آهي ته مان مذاق ڪري رهيو آهيان. مون کي اميد آهي ته مصباح پهريان جيان بهتر ڪم ڪندو.

 

اسپين لاءِ پهريون ڀيرو ميڊل کٽيندڙ اڳوڻي اولمپڪ عورت جي لاش هٿ

 

اسپين: (اسپورٽس نيوز)  اسپين جي گم ٿي ويل اڳوڻي اولمپڪ عورت بلانڪا فرنينڊز جي لاش هٿ اچي وئي آهي.برطانوي خابرو اداري موجب اسپين جي اڳوڻي اولمپڪ عورت 23 آگسٽ کان گم هئي جنهن جي لاش پهاري علائقن مان ملي آهي جنهن کان پوءِ جاچ اختيارين عورت جي موت جي جاچ شروع ڪري ڇڏي آهي.ميڊيا رپورٽ موجب عورت جي گم ٿيڻ جي رپورٽ سندس ڌيءَ گذريل مهيني داخل ڪرائي هئي. عورت جي گاڏي پهرين سيپٽمبر تي آخري دفعو ڏٺي وئي هئي. بلانڪا فرنينڊس اسپين جي پهرين اولمپڪ عورت هئي جنهن 1992ع ۾ ٿيندڙ ونٽر اولمپڪس ۾ ميڊل حاصل ڪيو هو.هسپانوي راندين واري وزير عورت جي موت کي اسپين جي راندين جي لاءِ انتهائي افسوسناڪ ڏينهن قرار ڏئي ڇڏيو آهي.