تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Category Archives: رانديون

پاڪستان ۾ سيڪيورٽي خدشا ناهن: بنگالي ڪپتان

 

لاهور(اسپورٽس نيوز) بنگلاديش ڪرڪيٽ ٽيم جي ڪپتان محمود الله چيو آهي ته پاڪستان ۾ سيڪيورٽي خدشا ناهن: اسان جو ڌيان سيريز کٽڻ تي آهي. لاهور ۾ٽي ٽوئنٽي سيريز جي ٽرافي جي مهورت بعد صحافين سان ڳالهائيندي بنگلاديشي ڪپتان چيو ته سيڪيورٽي خدشن وارو معاملو بنگلاديش ۾ ئي ڇڏي آيا هئاسين، هاڻ رڳو سٺي ڪرڪيٽ کيڏڻي آهي. هن چيو ته پاڪستان نمبر ون ٽيم آهي، سيريز ۾ ڪاميابي لاءِ پرعزم آهيون، رانديگرن جا حوصلا بلند آهن. هڪ سوال جي جواب ۾ هن چيو ته جيڪو رانديگر پاڪستان نه آيو، اهو ان جو ذاتي فيصلو هو، بورڊ منهنجي قيادت ۾ ٽيم پاڪستان موڪلي آهي.

 

بنگلاديش ڪرڪيٽ ٽيم کي لاهور ۾ فول پروف سيڪيورٽي ڏني آهي: عثمان بوزدار

 

لاهور(اسپورٽس نيوز) پنجاب جي وڏي وزير عثمان بوزدار چيو آهي ته بنگلاديش جي ڪرڪيٽ ٽيم کي لاهور آمد تي ڀليڪار ڪريون ٿا، بنگلاديش ڪرڪيٽ ٽيم جي پاڪستان آمد سان ملڪ ۾ انٽرنيشنل ڪرڪيٽ مڪمل طور بحال ٿي وئي، هاڻي ٻين ٽيمن کي به پاڪستان اچي کيڏڻ گهرجي، هن چيو ته واضح ٿي ويو ته پاڪستان سيڪورٽي لحاذ سان محفوظ ملڪ آهي، مهمان ٽيم کي بهترين سيڪيورٽي فراهم ڪئي آهي، قذافي اسٽيڊيم ٻاهران ۽ اندران فول پروف انتظام ٿيل آهن.

 

حارث رئوف بنگلاديشي ٽيم کي ڪمزور قرار ڏئي ڇڏيو

 

لاهور (اسپورٽس نيوز) قومي ٽيم جي فاسٽ بالر حارث رئوف ٽي ٽوئنٽي سيريز ۾ بنگلاديش جي ٽيم کي ڪمزور ۽ پاڪستان کي فيوريٽ قرار ڏئي ڇڏيو.لاهور ۾ تربيتي ڪيمپ جوائن ڪرڻ بعد ميڊيا سان ڳالهائيندي حارث رئوف بلند ارادن جو اظهار ڪندي چيو ته پاڪستان ۽ بگ بيش لاءِ کيڏڻ الڳ الڳ شيون آهن، هر نوجوان جو خواب هوندو آهي ته پاڪستان ٽيم جو ٽريڪ سوٽ پائي، ايترو جلدي ان جي تعبير ٿيڻ بابت سوچو نه هو، اهو ڪيترو وڏو اعزاز آهي ان جو احساس هاڻي ٿي رهيو آهي.حارث رئوف چيو ته هوم سيريز ۾ ڊيبيو ڪرڻ منهنجي خوش قسمتي آهي، سيريز ۾ بهترين بالر بڻجڻ جي ڀرپور ڪوشش ڪندس، عاقب جاويد کان گهڻو ڪجهه سکيم ۽ هاڻي وقار يونس کان بال ريورس ڪرڻ سکي رهيو آهيان.فاسٽ بالر بنگلاديش جي ٽيم کي ڪمزور قرار ڏيندي چيو ته ان ٽيم ۾ ڪو اهڙو رانديگر ناهي جنهن سان خطرو هجي، سڀني کي جلد پويلين موڪلڻ جي ڪوشش ڪنداسين.

 

ڪانپور ۾ به ڪوئلي جي استري سان پچ خشڪ ڪرڻ جو واقعو سامهون اچي ويو

 

نئين دهلي(اسپورٽس نيوز) ڪانپور ۾ به ڪوئلي جي استري سان پچ خشڪ ڪرڻ جو واقعو سامهون آيو آهي. 2 هفتا اڳ گوهاٽي ۾ انٽرنيشنل ميچ جي موقعي تي پچ کي ويڪيوم ڪليئر، هيٽر ڊرائير ۽ اسٽيم استري سان خشڪ ڪرڻ جون ڀارتي ڪوششن جو سوشل ميڊيا تي مذاق اڏايو ويو هو.هاڻ اتر پرديش ۽ دهلي جي وچ ۾ ڪوچ بهار ٽرافي ميچ ڪانپور جي انٽرنيشنل گرين پارڪ اسٽيڊيم کان ڪملا ڪلب گرائونڊ منتقل ڪيو ويو. پچ جا ڪجهه حصا آلا هئا جنهن کي خشڪ ڪرڻ جي لاءِ ميچ کان اڳ ڪوئلي واريون استريون استعمال ڪيون ويون.ڪيترائي ماڻهو گرائونڊز ۾ ڳرين استرين سان پچ خشڪ ڪندي نظر آيا.

 

بنگلاديش خلاف ميچ ۾ ڪاميابي جي لاءِ سٺي راند کيڏڻي پوندي: مصباح الحق

لاهور(اسپورٽس نيوز)  چيف ڪوچ مصباح الحق چيو آهي ته بنگلاديش خلاف ميچ ۾ ڪاميابي جي لاءِ قومي ٽيم کي سٺي راند کيڏڻي پوندي.لاهور ۾ تقريب جي دوران ميڊيا سان ڳالهيون ڪندي مصباح الحق چيو ته بنگال ٽائيگرز ليگ راند کيڏي آيا آهن جنهن سبب انهن جا رانديگر فارم ۾ هوندا.سيريز جي دوران پاڪستان يا بنگلاديش مان ڪنهن به ٽيم کي فيوريٽ نٿو چئي سگهجي پر ٻنهي ٽيمن جي وچ ۾ سيريز جا سٺا مقابلا ٿيندا. جڏهن ته مهمان سائيڊ جي خلاف سيريز ۾ ڪاميابي جي لاءِ قومي ٽيم کي سٺي راند کيڏڻي پوندي.هڪ سوال تي چيف ڪوچ چيو ته بنگلاديش جي خلاف سيريز جي تيارين جي لاءِ ڀرپور تيارين جو سلسلو جاري آهي. آچر تي به پريڪٽس کان پوءِ ٽارگيٽ ميچ کيڏيا ويا  جنهن ۾ رانديگرن جي فٽنس سان گڏ ٽنهي شعبن ۾ مهارت جو جائزو ورتو ويو.چيف ڪوچ واضح ڪيو ته بنگال ٽائيگرز جي خلاف فتح کي يقيني بنائڻ جي لاءِ قومي رانديگرن کي بيٽنگ، بالنگ ۽ فيلڊنگ ٽنهي شعبن ۾ بهترين ڪارڪردگي ڏيکارڻي پوندي.

 

انڊر-19 ورلڊ ڪپ ۾ پاڪستان جي پهرين ڪاميابي، اسڪاٽ لينڊ کي شڪست

 

پوچيفسٽروم(اسپورٽس نيوز) آءِ سي سي انڊر-19 ورلڊ ڪپ ۾ پاڪستان پنهنجي پهرين گروپ ميچ ۾ اسڪاٽ لينڊ کي 7 وڪيٽن تان شڪست ڏئي ڇڏي آهي. نارٿ ويسٽ يونيورسٽي گرائونڊ ۾ کيڏيل گروپ سي جي ميچ ۾آئرلينڊ انڊر-19 جي ڪپتان اينگس گائي ٽاس کٽي پهرين بيٽنگ جو فيصلو ڪيو، جيڪو غلط ثابت ٿيو، اسڪاٽ لينڊ جيسموري ٽيم محمد وسيم، طاهر حسين ۽ عباس جي خطرناڪ بالنگ جي ڪري 5-23 اوورن ۾ 75 رنز تي ڍير ٿ يوئي، اسڪاٽ لينڊ جي ٻنهي اوپنرن پهرين اوور ۾ کاتو کولڻ کانسواءِ ئي واپس موٽي ويا، ٻنهي کي طاهر حسين ڪلين بولڊ ڪيو. عزيز شاهه 20 ۽ ٽومين ميڪ انتوش 17 رنز سان ٽاپ اسڪورر رهيو،ان کانسواءِ اسڪاٽ لينڊ جو ڪو به رانديگر ڊبل فيگر ۾ داخل ٿي نه سگهيو. جواب ۾ پاڪستان انڊر-19 ٽيم حدف4-11 اوورن ۾ 3 وڪيٽن جي نقصان تي حاصل ڪيو، عرفان خان 38 رنز جي ناقابل شڪست اننگز کيڏي، جڏهن ته ڪپتان روحيل نذير 27 رنز ٺاهي آئوٽ ٿيو، محمد وسيم کي مين آف دي مين جي اعزاز سان نوازيو ويو، پاڪستاني ٽيم پنهنجي ٻي گروپ ميچ 22 جنوري تي زمبابوي خلاف کيڏندي.

 

محمد عامر ٽي ٽوئنٽي ٽيم کان ٻاهر هجڻ جو سبب ٽيسٽ رٽائرمينٽ کي قرار ڏئي ڇڏيو

 

ڪراچي(اسپورٽس نيوز)  فاسٽ بالر محمد عامر ٽي ٽوئنٽي ٽيم کان ٻاهر هجڻ جو سبب پنهنجي ٽيسٽ رٽائرمينٽ کي قرار ڏئي ڇڏيو.محمد عامر کي بنگلاديش کان هوم سيريز جي لاءِ چونڊ ناهي ڪيو ويو. جنهن تي هڪ اينڪر جي ٽوئٽ جي جواب ۾ ليفٽ آرم پيسر لکيو هو ته ان جو سبب ٽيسٽ ڪرڪيٽ.27 ساله محمد عامر جلد ئي ان ٽوئيٽ کي ڊيليٽ ڪندي لکيو هو ته ڪنهن کي پريشان ٿيڻ جي ضرورت ناهي مان وڌيڪ مضبوط بڻجي واپس ايندس.کيس پهرين ٽوئٽ جي ڪري سخت تنقيد جو نشانو بنايو پيو وڃي. ياد رهي ته محمد عامر جي ٽيسٽ ڪرڪيٽ ۾ جواني ۾ ئي رٽائرمينٽ وٺڻ جي فيصلي تي ڪافي اعتراض  ڪيو ويندو آهي.

 

ڊبليو ٽي اي هوبارٽ ٽينس: ثانيه مرزا جي سوڀ جو سلسلو جاري

 

نئين دهلي(اسپورٽس نيوز)  ماءُ بنجڻ کان پوءِ ڀارتي ٽينس رانديگرياڻي ثانيه مرزا راندين جي ميدان ۾ بهترين پرفارمنس ڏيندي ڊبليو ٽي اي هوبارٽ انٽرنيشنل ٽينس ٽورنامينٽ جي دوران پنهنجو ميچ کٽي ورتو.پرڏيهي خبرون ڏيندڙ اداري موجب  ڀارتي ٽينس اسٽار ثانيه مرزا ۽ ان جي يوڪرائن جي جوڙيدار ناديه ڪيچنوڪ پنهنجي پيش قدمي کي برقرار رکندي ڊبليو ٽي اي هوبارٽ انٽرنيشنل ٽينس ٽورنامينٽ وومين ڊبلز سيمي فائنل ۾ پهچي وئي آهي.  ثانيه مرزا ۽ ناديه ڪيچنوڪ وومين ڊبلز ڪوارٽر فائنل ۾ ڪرسٽينا مڪ هالي ۽ ان جي هم وطن جوڙيدار وانيا ڪنگ تي ٻڌل آمريڪي جوڙيدار کي شڪست ڏني. فاتح ٽيم جو اسڪور 6-2، 4-6، ۽ 4-10رهيو.ٻئي طرف بيلجيم جي مشهور ٽينس اسٽار ۽ ايونٽ جي ٽاپ سيڊڊ ايليسي مارٽنز جو سفر ڊبليو ٽي اي هوبارٽ انٽرنيشنل ٽينس وومين سنگلز ڪوارٽر فائنل ۾ ختم ٿي ويو. ڊبليو ٽي اي هوبارٽ انٽرنيشنل ٽينس ٽورنامينٽ ۾ کيڏيل وومين سنگلز ڪوارٽر فائنل ميچ ۾ انگلينڊ جي هيتهر واٽسن سخت مقابلي کان پوءِ  مخالف بيلجيم جي مشهور ٽينس اسٽار ۽ ايونٽ جي ٽاپ سيڊڊ ايليسي مارٽنز کي پهرين سيٽ ۾ 7-6(7-5) تان شڪست جي باوجود ايندڙ ڏينهن اسٽريٽ سيٽس ۾ 6-4 ۽ 5-7 تان اپ سيٽ شڪست ڏني.

 

ٽي ٽوئنٽي سيريز: سرفراز جي واپسي جو امڪان

 

لاهور(اسپورٽس نيوز) بنگلاديش خلاف 3 ٽي ٽوئنٽي ميچن جي سيريز لاءِ پاڪستاني ٽي ٽوئنٽي اسڪواڊ ۾ ڪيترين ئي تبديلين جو امڪان آهي. پاڪستان ۽ بنگلاديش جي ٽيمن وچ ۾ 3 ٽي ٽوئنتي ميچز 24، 25 ۽ 27 جنوري تي کيڏيون وينديون، سيريز لاءِ پاڪستان جي اسڪواڊ جي شروعاتي مشاورت شروع ٿي وئي آهي، جنهن ۾ چيف سليڪٽر مصباح الحق ساٿي سليڪٽرن ۽ ڪپتان بابر اعظم سان مشاورت ڪندو.پاڪستان ٽيم آخري ٽي ٽوئنٽي سيريز آسٽريليا ۾ کيڏي هئي، جنهن ۾ شڪست کائڻي پئي، جنهن کانپوءِ ٽي ٽوئنٽي اسڪواڊ ۾ ڪيترين ئي تبديلين جو امڪان ظاهر ڪيو پيو وڃي. آصف علي، محمد عرفان ۽ حارث سهيل کي اسڪواڊ ۾ برقرار رکڻ ڏکيو نظر اچي رهيو آهي، شاهين آفريدي جي اسڪواڊ ۾ واپسي ٿيندي، جڏهن ته لاهور قلندرز جي حارث رئوف کي به کيڏائڻ تي غور ڪيو پيو وڃي. حارث رئوف بي بي ايل ۾ ميلبرن اسٽارز طرفان شاندار ڪارڪردگي جو مظاهرو ڪيو آهي، بالنگ ڪوچ وقار يونس حارث سان گڏ ڪم ڪرڻ جي خواهش ظاهر ڪري چڪو آهي. ان کانسواءِ اڳوڻو ڪپتان سرفراز احمد به ٽي ٽوئنٽي اسڪواڊ لاءِ غور هيٺ آهي، ڇاڪاڻ ته فٽنيس ٽيسٽ ۾ به ڪوچن کي متاثر ڪري چڪو آهي.

 

ايڊيلڊ اوپن ٽينس: اينجليڪ ڪربر انجري جي ڪري آئوٽ

 

ميلبورن(اسپورٽس نيوز)آسٽريليا ۾ کيڏي ويندڙ ايڊيليڊ اوپن جي ٻئي رائونڊ ۾ اڳوڻي عالمي نمبر ون اينجليڪ ڪربر انجري ڪري ميچ مڪمل نه ڪري سگهي ۽ زخمي ٿي پئي. پرڏيهي خابرو اداري موجب ٽينس سيزن جي پهرين گرينڊ سليم جون تياريون عروج تي پهتل آهنم پهرين ايڊيليڊ اوپن جي ٽائٽل لاءِ وومين سنگلز ۾ يوڪرائن جي مشهور رانديگرياڻي يسٽر مسڪا اڳوڻي نمبر ون انجليڪ ڪربر سان مقابلو ڪيو. جرمن رانديگر پهرين سيٽ ۾6-3 تان شڪست کاڌي، جنهن دوران کيس تڪليف ٿي ۽ هوءَ ميچ جاري نه رکي سگهي. ٻئي سيٽ جي شروعات ۾ ئي ڪربر ميچ اڌ ۾ ڇڏڻ جو فيصلو ڪيو ۽ ايونٽ مان ٻاهر ٿي وئي.ياد رهي ته آسٽريلين اوپن ٽينس 2020ع ٽورنامينٽ 20 جنوري کان شروع ٿيندو، جنهن لاءِ ڪواليفائنگ رائونڊ جون ميچز جاري آهن، جڏهن ته ميلبورن ۾ آلودگي جاري ڪري ايونٽ کي اڳتي وڌائڻ يا نه وڌائڻ جي حوالي سان غور جاري آهي.