تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Category Archives: اسپيشل

ايراني ڪمانڊر جي جنازي نماز ادا ڪئي وئي، لکين ماڻهو شريڪ، آمريڪا ۽ اسرائيل کي ڪارو ڏينهن ڏسڻو پوندو: قاسم سليماني جو چتاءُ

تهران (ويب ڊيسڪ) ايراني تخت گاهه تهران ۾ قدس فورس جي سربراهه جنرل قاسم سليماني جي آخري رسمن ۾ لکين ماڻهن شرڪت ڪئي، جڏهن ته جنازي جي نماز پڙهندڙن ۾ سپريم ليڊر خامنه اي به شامل هو. ايران جي پاسداران انقلاب جي سپاهه قدس جي سربراهه جنرل قاسم سليماني کي عراقي تخت گاهه بغداد ۾ هڪ آمريڪي فضائي حملي ۾ ماريو ويو هو، سندس مڙهه سان گڏ اڄ تهران ۾ لکين شهرين تعزيتي مارچ ڪيو. تهران ۾ جنرل قاسم سليماني جي جنازي نماز ۾ ايران جي سپريم ليڊر آيت الله علي خامنه اي ۽ صدر حسن روحاني پڻ شرڪت ڪئي. عالمي ميڊيا موجب سليماني جي آخري رسمن ۾ حصو وٺندڙ شهرين جو انگ لکن ۾ هو، جڏهن ته اڄ ايران ۾ عام موڪل رهي. جنرل قاسم سليماني جي جنازي نماز تهران يونيورسٽي جي حدن ۾ پڙهي وئي، جتي لکين سوڳوارن کي سندس تصويرن جا پورٽريٽ کنيل هئا ۽ انهن ڳاڙها جهنڊا به لوڏيا، جن کي ايران ۾ شهيدن جي رنگ جي علامت سمجهيو ويندو آهي، جڏهن ته حجوم ”آمريڪا مرده باد“ ۽ ”اسرائيل مرده باد“ جا نعرا پڻ هنيا. تهران يونيورسٽي ۾ اڄ قاسم سليماني جي جنازي نماز جي موقعي تي هڪ تقريب کي خطاب ڪندي شهيد جي ڌيءُ زينب به شرڪت ڪندڙن کي خطاب ڪيو. زينب سليماني سوڳوارن جي حجوم ۾ تقرير ڪندي چيو ته آمريڪا ۽ اسرائيل اڄ هڪ ڪاري ڏينهن سامهون بيٺا آهن، ڊونلڊ ٽرمپ اهو نه سمجهي ته منهنجي پيءَ جي هڪ شهيد طور موت سان سڀ ڪجهه ختم ٿي ويو آهي.

 

آمريڪي فوج کي واپس وڃڻ جو چيو ويو ته بغداد کي سخت پابندين جو منهن ڏسڻو پوندو: ٽرمپ جي ڌمڪي

واشنگٽن (ڊيسڪ رپورٽ) امريڪي صدر ٽرمپ ايران کانپوءِ عراق کي ڌمڪي ڏني وئي آهي ته سندن فوج کي واپس وڃڻ لاءِ چيو ويو ته بغداد کي سخت پابندين جو منهن ڏسڻو پوندو. امريڪي صدر عراقي پارليامينٽ ۾ امريڪا سوڌو پرڏيهي فوج جي نيڪالي لاءِ ٺهراءُ منظور ٿيڻ کانپوءِ بيان ڏنو آهي.ميڊيا سان ڳالهائيندي امريڪي صدر ٽرمپ فوج جي نيڪالي بابت چيو ته جيڪڏهن اهڙو جارحاڻو قدم کنيو ويو ۽ عراقي حڪومت ڪجهه ڪيو ته عراق تي وڏيون ۽ ڳريون پابنديون لڳايون وينديون، جنهن لاءِ هو سمجهي ٿو ته نامناسب آهي. عراقي سرڪار غير دوستاڻي طريقي سان امريڪي فوج کي واپس وڃڻ لاءِ چيو ته مٿن اهڙيون پابنديون لڳايون وينديون، جو هُنن پهرين ڪڏهن به نه ڏٺيون هونديون. امريڪي صدر چيو ته عراق ۾ سندن تمام وڏو هوائي اڏو آهي، جنهن جي اڏاوت تي اربين ڊالرز خرچ ٿيا آهن، اسان تيستائين نه ڪرنداسين، جيستائين عراقي اُن جي قيمت ادا نٿا ڪن. واضح رهي ته عراقي پارليامينٽ گذريل ڏينهن امريڪا سوڌو سموري پرڏيهي فوج کي ملڪ نيڪالي ڏيڻ جو ٺهراءُ منظور ڪندي حڪومت کان اُن حوالي سان فوري قدم کڻن جو مطالبو ڪيو هو. عراق جي نگران وزيراعظم جو چوڻ هو ته جيتوڻيڪ اهڙي قدم سان کين اندروني ۽ پرڏيهي ڏکيائين جو منهن ڏسڻو پوندو، تڏهن به اهو عراق جي مفادن وٽان هوندو.

 

ڪراچي کان ڪشمور ۽ ڪينجهر کان ڪارونجهر تائين سنڌ ايڪتا جي رنگن ۾ رڱجي وئي، قومي عيد تي سنڌ رهي آباد جو دعائون، ڪراچي ۾ لکين سنڌن جو سمنڊ اٿلي پيو

ڪراچي (نمائندن وٽان) سموري سنڌ پنهنجي ايڪتا جي لڙي ۾ پوئجي وئي آهي، هر پاسي ثقافتي رنگ جرڪي پيا آهن، پرڏيهه ۾ رهندڙ سنڌي ڀائر به ايڪتا جي قومي عيد ڀرپور نموني ملهائي رهيا آهن. ڪراچي کان ڪشمور ۽ ڪينجهر ڪارونجهر تائين سموري سنڌ پنهنجن سان ايڪتا جي قومي ڪاڄ جي موقعي تي ثقافتي رنگن ۾ رڱجي وئي آهي، هر پاسي ٽوپي، اجرڪ ۽ پٽڪو پهريل ماڻهو پنهنجي ايڪتا جو ڏهاڙو قومي عيد جيان ملهائي رهيا آهن. ڪراچي، حيدرآباد، سکر، ميرپور خاص ۽ نواب شاهه ڊويزن جي ننڍن وڏن شهرن ۾ ننڍا توڙي وڏڙا عيد جي خوشين ۾ سرها نظر اچي رهيا آهن ۽ هڪٻئي کي قومي عيد جون واڌايون ڏئي رهيا آهن. تقريبن ۾ قومي گيتن تي رقص سان گڏ ٽوپي اجرڪ پهريل نوجوان ريليون ڪڍي ڌرتيءَ سان محبت جو اظهار ڪري رهيا آهن. قبائلي ۽ برادرين جا جهيڙا جهٽا ختم ڪري، خانداني ويڇا وساري ۽ ننڍڙي ڳالهه تي ڪاوڙ ڪشمت ختم ڪري ماڻهو ڀاڪر پائي هڪٻئي کي قومي ڪاڄ جون مبارڪون ڏئي رهيا آهن. سنڌ جي سمورن ضلعن توڙي هيڊڪوارٽرز ۾ پنهنجي ايڪتا جون مرڪزي تقريبون ٿي رهيون آهن، جتي ڀلوڙ فنڪار سُريلي آواز ۾ قومي گيت ڳائي ماڻهن کي جهومڻ تي مجبور ڪري ڇڏيو آهي.ايڪتا جي موقعي تي هر ماڻهو اِنهي عزم جو اظهار ڪري رهيو آهي ته سنڌ هڪ آهي ۽ هڪ رهندي، ساهه جي قرباني ڏئي به ڌرتيءَ ماءُ جو تحفظ ڪيو ويندو، ڌرتيءَ جي نياڻين جو تحفظ ڪيو ويندو، تعليمي ادارن جي بهتري لاءِ ايڪتا جو مظاهرو ڪيو ويندو، سنڌ ڌرتيءَ تي هر طبقي سان ٿيندڙ ظلم خلاف ڀرپور آواز اٿاريو ويندو ۽ سنڌ کي امن جو گهوارو بڻايو ويندو. حيدرآباد ضلعي ۾ به ثقافتي عيد ملهائي پئي وڃي، هر پاسي اجرڪ ۽ ٽوپين جي بهار آهي، شاگرد ٽولين جي صورت ۾ رستن تي نڪري آيا، ٽنڊو رحيم ۽ آسپاس جي شهرن توڙي ڳوٺن ۾ ثقافتي عيد ملهائي پئي وڃي، هزارين پاران ريليون ڪڍيون ويون آهن، مسڻ جي مختلف ڳوٺن مان ٽنڊوالھيار پريس ڪلب تائين ريليون ڪڍيون ويون، سڄي سنڌ جيئان مسوڀرڳڙي پڻ ايڪتا جي رنگن سان رنگجي ويو،  مسوڀرڳڙي پريس ڪلب جي طرفان ايڪتا ريلي ڪڌي ايڪتا ثقافتي تقريب ڪوٺائي وئي، جنهن ۾ سياسي سماجي اڳواڻن وڏي انگ ۾ شرڪت ڪئي، قومي گيتن تي رقص ڪيوويو.سنڌ جي ٻين شهرن جيان لاڙڪاڻي ضلعي ۾ به پنهنجي ايڪتا ڏهاڙو ملهايو پيو وڃي، لاڙڪاڻي شهر جي جناح باغ چوڪ تي مختلف سنڌي چينلن پاران مُک تقريب ڪوٺائي وئي،سنڌ جي ناليوارن راڳين ۽ فنڪارن ساجد سوز سانگي، شيراز عباسي، مظهر، عاشق مگسي،۽ ٻين پنهنجي فن جو مظاهرو ڪيو، پنهنجي ڌرتي ۽ ثقافت سان محبت رکندڙ ماڻهو ريلين جي صورت ۾ مک تقريب ۾ شرڪت ڪئي. ثقافت، سياحت، اينٽي ڪئيٽي ۽ آرڪائيز کاتي جي سيڪريٽري اڪبر لغاري، ڊي جي منظور قناصرو ڊائريڪٽر ثقافت روشن قناصرو سنڌ جي قديم ماڳ موهن جي دڙي جو دورو ڪيو. هڪ پنهنجي ايڪتا جي سري هيٺ ايڪتا ڏهاڙي جي موقعي تي دورو ڪيو ويو. سيڪريٽري ۽ ڊي جي ثقافت اسٽوپا ۽ سائيٽ تي ڪيل ڪم جو معائنو ڪيو. وارث ڏنو ماڇي ۾ پنھنجي ايڪتا، پنھنجـي ثقافت جي عنوان هيٺ مهراڻ ماڊل اسڪول پاران ريلي ڪڍي وئي، ريلي دوران شاگردن سنڌي گيتن تي رقص پڻ ڪئي. هو جمالو تي پڻ رقص ڪيو ويو. ڊکڻ ۾ ثقافتي ڏهاڙي جي حوالي سان شاندار مچ ڪچهري منعقد ڪئي وئي، صوفي راڳين سنڌي ٻوليءَ جي گيت صوفي جي سوز ساز کي سمجهڻ ته ڏکيو آ، هن عشق جي انداز کي سمجهڻ ته ڏکيوآ، سنڌي ٽوپي شان اسان جي آ،سنڌي ماڻھو روح جا راڻا، آھن موتي داڻا ۽ٻيا ڪيترائي سنڌي گيت ڳائي ڀرپور داد حاصل ڪيو. سنڌ جي ثقافت ڏهاڙي تي پوري سنڌ جيان سکر واسي به پنهنجي ايڪتا وارو ڏوهاڙو ڀرپور جوش ۽ جذبي سان ملهائي رهيا آهن. نوجوان، پيرسن توڙي معصوم ٻارڙا سنڌي ثقافتي ويس وڳا، سنڌي ٽوپي ۽ اجرڪ، صاف سٿرا ڪپڙا پهري مختلف هنڌن کان ريلين جي شڪل ۾ ايڪتا ڏهاڙي کي عيد جيان ملهائي رهيا آهن، سکر شهر جي روڊن، رستن، محلن ۽ گهٽيون سنڌ جي ثقافتي رنگ ۾ رڱيل آهن، ثقافتي ڏهاڙي جي حوالي سان مک تقريب سکر پريس ڪلب ٻاهران رکي وئي آهي جِتي سياسي، سماجي، برادري توڙي مختلف تنظيمن طرفان ريلين جي صورت ۾ توڙي سنڌي نوجوان پنهنجي معصوم ٻارڙن کي ساڻ ڪري پهچي رهيا آهن.  دادو ضلعو به ثقافت جي رنگن ۾ جرڪي پيو، هر ماڻهو اجرڪ، ٽوڪي ۽ پٽڪا پهري رستن تي نڪري آيو، خيرپورناٿن شاھ ۾ پنهنجي ايڪتا جي حوالي سان سڄو شھر ٻھڪي اٿيو، مهراڻ پريس ڪلبخيرپورناٿن شاھ پاران شاندار تقريب ٿي گذري،شهري ايڪشن ڪاميٽي، ايس ٽي پي، ايس يو پي، گسٽا، جي يو پي، جسقم، مسلم فنڪشنل ليگ جي اڳواڻن وڪيلن استادن شاعرن اديبن سگهڙن ۽ واپارين سميت وڏي تعداد ۾ معزز شخصتين شرڪت ڪئي. تقريب ۾ فنڪارن فقير عمران، عاشق بخت گاڏھي سنڌي گيت ڳائي پنڊال کي جهومائي ڇڏيو.ميهڙ ۾ پنهنجي ايڪتا ۽ هڪ سنڌ ۽ هڪ ثقافت ڀرپور نموني ملهايو ويو، امن فائونڊيشن، سوشل ميڊيا ڪلب ميهڙ، سنڌ پريس ڪلب ۽ ٻين تنظيمن پاران ريليون ڪڍيون ويون، نوجوانن، شاگردن ۽ ٻارن طرفان ريلين ۾ قومي گيتن تي رقص ڪيو ويو. جوهي ۾ ايڪتا ڏينھن کي قومي ڏينھن ڪري ملھايو ويو، مختلف سياسي شھري تنظمن واپارين دڪاندارن سميت مختلف شعبن سان تعلق رکندڙ ماڻهن ريليون ڪڍيون، مخدوم بلاول پارڪ پهچي قومي گيتن تي رقص ڪيو ويو. ڪوٽ لالو ۾ به پنهنجي ايڪتا ڏهاڙي جي موقعي تي ريلي ڪڍي وئي، ننڍا وڏا شريڪ ٿيا، ٻارڙن وڏي انگ ۾ شرڪت ڪئي، ٽوپيون اجرڪ پائي قومي گيتن تي رقص ڪيو ويو، ريلي ۾ وڏي انگ ۾ شهرين به شرڪت ڪئي. ڪوٽ لالو جي نوجوانن ٽوپيون ۽ اجرڪ سان گڏ نوان لباس پهري ريلي ڪڍي ۽ شهر جي ڪيترن ئي علائقن جو گشت ڪري پنهنجن کي قومي عيد جون واڌايون ڏيندا رهيا.وارھ ۾ پنهنجي ايڪتا عيد بنا ڪنهن رنگ نسل واري فرق جي جوش ۽ جذبي سان ملهائي وئي، شاندار ريلي ڪڍي وئي، سوين ماڻھن جي شرڪت، سموري شھر جو گشت ڪيو ويو ، سنڌ جي ٻين شھرن وانگر وارھ ۾ به پنهنجي ايڪتا ڏهاڙي کي ڀرپور موٽ، وارھ پريس ڪلب کان هڪ شاندار ريلي ڪڍي وئي،سياسي سماجي استادن شاگردن شھرين مزدورن واپارين سميت هر طبقي سان تعلق رکندڙ ماڻهن شرڪت ڪئي. ريلي شھر جي مختلف رستن کان ٿيندي فاضل راهو چوڪ تي پهتي، ثقافتي گيتن هو جمالو، هن سنڌ جا ٿئي دلير ماڻهو تي رقص ڪري پنهنجي ايڪتا زنده باد جي نعري بازي ڪئي وئي.ٺٽو ضلعو به پنھنجي ايڪتا جي ڏھاڙي جي موقعي تي ٺٽو شهر سنڌي ثقافتي انڊلٺي رنگن سان جرڪي اٿيو ، سنڌ جي قومي گيتن تي پٽڪي، ٽوپي پاتل اجرڪ اوڍيل سنڌين رقص ڪري جھمريون ھڻي ڀرپور نموني سنڌ سان پنھنجي ايڪتا جو اظھار ڪيو. تاريخي بادشاھي شاھجھان مسجد کان پريس ڪلب ٺٽو الف آرگنازيشن طرفان ريلي ڪڍي وئي. قومي گيتن تي رقص ڪيو ويو. سنڌي ثقافتي عيد جي موقعي تي ساهتي ضلعو نوشهروفيروز ثقافتي رنگن ۾ رنڱجي ويو، صبح سان ئي نوجوان، پوڙها پڪا، ٻارڙا نوان ثقافتي ويس اوڍي، ٽوپي اجرڪ ۽ پٽڪا پائي ريلين جي صورت ۾ روڊن تي نڪري آيا، مختلف تنظيمن طرفان ريليون ڪڍي شهر جو گشت ڪيو ويو، ٻارڙا توڙي ٻارڙين وڏي انگ ۾ حصو ورتو، نوجوان ڇوڪريون به پوئتي نه رهيون، ثقافتي ريلين ۾ عورتن به شرڪت ڪئي، قومي گيتن تي رقص ڪيو ويو.  ڊگهڙي جي نوجوانن ”نواب گروپ“ جي پليٽ فارم تان ثقافتي ريلي ڪڍي وئي، ريلي شھر جي مختلف روڊ کان ٿيندي پريس ڪلب ڊگهڙي پهتي، شاگردن، شاگردياڻين توڙي ٻارن قومي گيتن تي رقص ڪيو، نوجوانن چيو ته اڄ عيد جو ڏينهن آهي، ثقافتي ڏينهن تي تنقيد اجائي آهي، ثقافتي هزارين سال پراڻي آهي.ٿرپارڪر ضلعي ۾ پنهنجن سان ايڪتا جي سلسلي ۾ ثقافتي ريليون، هزارين ماڻهو ثقافتي رنگ ۾ رڱجي ويا،مٺي شھر جي گهٽي گهٽي پنهنجي ايڪتا ۽ سنڌي ثقافت جي انڊلٺي رنگن جو گلدستو بڻيل، سياسي سماجي تنظيمن، واپارين، شاگردن، ڍاٽ جي راجپوتن سميت مختلف برادرين پاران ڌار ڌار ريليون ڪڍي شھر جو گشت جاري آھي، راجپوت برادري پاران ثقافتي لباس ۽ راجستاني پٽڪا پاتل سوين ماڻھن جي راڻا هائوس کان نڪتل ريلي شھر جي مختلف علائقن مان ٿيندي ڪشمير چوڪ تي پهچي چڪي، قديمي ثقافتي راندين ذريعي شاندار رقص ڪيو ويو، مختلف اسڪولن مان نڪتل ريليون پڻ شھر جي مختلف چوڪن تان ٿيندي منزلن طرف روان دوان، ريلين جي جشن ۾ شامل نوجوانن پاران ڀرپور نعرا هنيا پيا وڃن، سنڌڙي ۾ به پنهنجي ايڪتا ڏهاڙو ملهايو ويو، قومي عيد ڏھاڙي تي صبح ٿيندي سموري سنڌڙي ثقافتي لباس سان جرڪي اٿي، ثقافتي عيد جي ڏھاڙي تي سنڌڙي، ھڱورنو، ڦلھڏيون ۽ گرھوڙ شريف ۾ ننڍن، وڏن، ٻڍڙن، ٻارڙن ثقافتي لباس ٽوپي، اجرڪ، پٽڪا پھري وڏي جوش ۽ جذبي سان ملھائي رھيا آھن. ھنڱورنو جي سمورن اسڪولن ۾ تقريبون ھلندڙ آھن،شاگردن پاران سنڌي ثقافت تي ٽيبلوز پيش ڪري رھيا آھن ۽ قومي گيتن تي رقص پڻ ڪيو پيو وڃي. ڇاڇرو ۾ ايڪتا ڏهاڙو جوش جذبي سان ملهايو پيو وڃي، شهر ڀر ۾ ريليون نڪرڻ جو سلسلو جاري، شهر جي مک چوڪ کان پريس ڪلب تائين ريلي ڪڍي وئي، شهر ۽ ٿر جي ٻهراڙي جي ڳوٺن کان آيل سوين ماڻهن جي شرڪت، ايڪتا جي حوالي سان ثقافتي لباس پائي ٻارڙن ۽ فنڪارن پاران رقص ڪيو ويو. گهوٽڪي ضلعي ۾ به سموري سنڌ جيان ثقافتي ريليون ڪڍيون ويون، شهر ۾ مختلف تنظيمن طرفان ريليون ڪڍي قومي گيتن تي رقص ڪيو ويو، گھوٽڪي جي ھيڊ ڪوارٽر ميرپورماٿيلو ۾ “ايڪتا عيد” جي سلسلي ۾ هر پاسي ثقافت رنگ نظر اچڻ لڳا، سياسي، سماجي، شھري اتحاد، ايس ٽي پي، جسقم، پ پ شھيد ڀٽو، پ پ پ، چنا اتحاد، لاشاري اتحاد ۽ ٻين پارٽين جي ڪارڪنن ريلي ۾ شرڪت ڪئي، قومي گيتن تي نوجوانن، شاگردن، شاگردياڻين رقص ڪيو، سنڌ ڌرتي سان ٻڌي جو اظهار ڪيوويو، خانپورمھــر م پنھنجي ايڪتا ڏهاڙو ملهايو ويو، پنھنجـي ثقافت جي مرڪـزي ريلي ينگ سوشــل فورم پاران مختيار ڪار آفيس کان ڪــڍي ويئي، ريلي گھوٽڪي بس اسٽينڊ تي پھتي، پنھنجي ايڪتا زنده آباد ۽ پنهنجي ثقافت زنده آباد جا نعرا هنيا ويا. جروار ۽ آس پاس جي شھرن ۽ ڳوٺن ۾ پنهنجي ايڪتا جو ڏينهن جوش ۽ جذبي سان ملهايو ويو، جروار ۾ ايس ٽي پي، جروار سجاڳ سٿ ۽ هندو پئجائت طرفان ريلي ڪڍي وئي، پنهنجي ايڪتا جي مک تقريب پريس ڪلب اڳيان ٿي، جتي سنڌي ٽوپي اجرڪ ۽پ ٽڪا ٻڌي سوين ماڻھو شريڪ ٿيا. قومي گيتن تي جهمريون هينون ويون، سڄو ڏينهن شھر ۾ ٽوپي اجرڪ پاتل ماڻھن جا هجوم گهمندا رهيا. نوابشاهه ضلعي ۾ “پنهنجي ايڪتا” ڏهاڙو ڀرپور نموني سان ملهايو پيو وڃي، شهر توڙي واهڻ وستين ۾ ثقافتي ڏهاڙو ملهايو پيو وڃي، ميخانه بيت التصوف جي وشال پنڊال تان سنڌ جي ناميارن صوفي راڳين صوفي فقير ۽ ٻين راڳين صوفياڻا قومي ۽ ثقافتي گيت ڳائي پريس ڪلب پهتا، قومي گيتن تي رقص ڪيو ويو، تقريب جي موقعي تي سنڌ جي ناميارن صوفي فقيرن زبردست صوفياڻا، قومي ۽ ثقافتي گيت ڳائي رقص ڪيو، صوفي راڳين جي ڳايل گيتن تي فقير مشتاق ڪرد پير اشفاق آچر فقير، حسين فقير ۽ ٻين رقص ڪيو ۽ ويچار ونڊيا، پنهنجي ايڪتا پنهنجي ثقافت جي سري هيٺ اعلانيل ثقافتي ڏھاڙي جي سلسلي ۾ شاهپورچاڪر ۾ سنڌ ايجوڪيشن فائونڊيشن جي تعاون سان هلندڙ فائن فيوچر پبلڪ اسڪول ۾ شاگردن ۽ استادن سنڌي اجرڪ ٽوپيون پائي پٽڪا ٻَڌي قومي ويس اوڍي سنڌي قومي ثقافتي گيتن تي شاندار ٽيبلوز ۽ خاڪا پيش ڪيا، قومي گيتن تي رقص ڪيو ويو، اسڪولي انتظاميه ۽ استادن شاگردن سنڌي ميڊيا جا ٿورا مڃيا، شھر جا روڊ رستا قومي رنگن جي رنگجي ويا، قومي ثقافتي گيتن تي جهومي اٿيا، سڪرنڊ ايگل ھاءِ اسڪول سڪرنڊ ۾ ايڪتا ڏھاڙو انتهائي شاندار نموني ملھايو پيو وڃي، نيشنل پريس ڪلب ۾ تقريب ڪوٺائي وئي. پوري سنڌ جيان ھالاڻي شھر ۾ به “ايڪتا عيد” ڏهاڙو ملهايو پيو وڃي، پوڙھا، نوجوان ۽ ٻارڙا پٽڪا اجرڪ ۽ ٽوپيون پائي خوشيون ڪندي نظر آيا، ثقافتي رنگ جرڪي پيا، سمورو شھر ٽوپين، پٽڪن ۽ اجرڪن جي چمڪار سان چمڪي پيو، پ پ يوٿ پاران سيد بابر شاھ چوڪ کان ھالاڻي پريس ڪلب تائين ريلي ڪڍي وئي، ريلي ۾ شريڪ معصوم ٻارڙن توڙي نوجوانن قومي گيتن تي رقص ڪري جھمريون هڻي سنڌ ڌرتي کي ڀيٽا پيش ڪئي. خانواهڻ ۾ به “پنهنجي ايڪتا” ڏهاڙي جي موقعي تي جسقم، سنڌي ادبي سنگت، شاھ لطيف فائونڊيشن، ڪسوا، مدني ايڪشن ڪاميٽي، آئيڪون اڪيڊمي اسڪول، ينگ ويلفيئر آرگنائيزيشن خانواهڻ ۽ ٻين تنظيمن طرفان شاندار ريلي ڪڍي وئي، دڪاندارن طرفان ريلي تي گل نڇاوڙ ڪيا ويا، ريلي ۾ مٺائي پڻ ورهائي وئي. محفل موسيقي منعقد ڪئي وئي، فقير غوث بخش تنيو،عبد الغفور سحر ۽ ٻين قومي گيت ڳائي واهه واهه ڪرائي ڇڏي. ٻانڌي ۾ پنھنجي سنڌ، پنهنجي ايڪتا جي سلسلي ۾ جيئي سنڌ قومي محاذ، ايس ٽي پي، ڏاھري ينگ اتحاد، پ پ ش ب پاڪستان خاصخيلي تنظيم پاران الڳ الڳ ريليون ڪڍيون ويون، جسقم ۽ پ پ شهيد ڀٽو طرفان گڏيل ريلي ڪڍي وئي، سوين ماڻهن شرڪت ڪئي، ريلي شھر جي مختلف بازارن ۾ ٿيندي قومي گيتن تي رقص ڪندي پريس ڪلب پهچي، اڳواڻن خطاب ڪيو، ڌرتي سان محبت جو وچن ورجايو. سڄي سنڌ جيان کڏڙو ۾ به پنھنجي ايڪتا ڏهاڙو وڏي جوش ۽۽ جذبي سان ملھايو پيو وڃي، کڏڙو پريس ڪلب کان مختلف تنظيمن طرفان ريلي ڪڍي وئي، شھدادپور يوٿ پروگرام پاران لطيف چوڪ کان ريلي ڪڍي وئي، ريلي ۾ شھرين، نوجوانن ۽ ٻارڙن جي وڏي انگ شرڪت ڪري قومي گيتن تي جھمريون هڻي رقص ڪيو. کاهي ۾ به پنهنجي ايڪتا جي سلسلي ۾ ريلي ڪڍي وئي، آئيڊيل پبلڪ اسڪول، شاھ لطيف پبلڪ اسڪول جي شاگردن ۽ شاگردياڻين ۽ شهر جي سياسي سماجي ڪارڪنن اجرڪ ٽوپيون پٽڪا پائي ريلي ۾ شرڪت ڪئي، قومي ۽ لوڪ گيتن تي رقص ڪيو ويو.  سموري سنڌ جيان شڪارپور ضلعو به پنهنجي ايڪتا جي رنگن ۾ رڱجي ويو، هر پاسي سنڌي ٽوپين، ارجڪن ۽ پٽڪن جي لهر، وستي وستي واهڻ واهڻ ۾ عيد جي خوشي جهڙا منظر، ڏهرڪي ۾ پنهنجي ايڪتا جي سلسلي ۾ وڏي ريلي ڪڍي وئي، قومي گيتن تي شهري جهومي پيا، گهوڙن جي ڊوڙ جا مقابلا ڪرا ويا، ڳوٺ وارث ڏنو شر ۾ حاتن خان شر ۽ ممتاز خان شر طرفان گهوڙن جي ڊوڙ جا مقابلا ڪرائي سڄي علائقي واسين جي منهن تي مرڪون وکيري ڇڏيون، سوين ماڻهو گهوڙن جي ڊوڙ جا مقابلا ڏسڻ لاءِ مختلف شهرن کان ڳوٺ وارث ڏنو خان شر ۾ پهتا. چڪ شهر ۾ به پنهنجي ايڪتا ڏهاڙي جي سلسلي ۾ ثقافتي ريلي ڪڍي وئي، شهر جي سياسي سماجي ادبي ڌرين پاران چڪ ناڪي نمبر هڪ کان شاندار ريلي ڪڍي وئي، هزارين شهرين طرفان انساني هٿن جي زنجير ٺاهي وئي، ٻارڙن توڙي نوجوانن قومي گيتن تي رقص ڪري سنڌ سان محبت جو اظهار ڪيو. جيڪب آباد ضلعي ۾ به ثقافتي ڏهاڙو ڀرپور نموني ملهايو پيو وڃي، مختلف تنظيمن، اسڪولن طرفان الڳ الڳ ريليون ڪڍيون پيون وڃن، وڏي انگ ۾ شهرين توڙي مختلف شعبن سان تعلق رکندڙ ماڻهو شريڪ، ٺل ۾ پنهنجي ايڪتا انتهائي جوش ۽ جذبي سان ملهايو ويو، صبح سان ئي ٻارڙا پنهنجي ايڪتا جي پينا فليڪس اڳيان پهچي قومي گيتن تي رقص ڪرڻ شروع ڪيو، ٻارڙا توڙي خوشي وچان جهمريون هڻندا رهيا، سنڌي ادبي سنگت ۽ اديبن پاران ريلي ڪڍي پريس ڪلب پهچي تقريب ڪوٺائي وئي، اڳواڻن خطاب ڪيو. لعلورائنڪ ۾ پنهنجي ايڪتا عيد جون زبردست ريليون، پ پ، پي ٽي آءِ، نوجوان سنگت،صوفي سنگت، لعلو ڪنگز ڪرڪيٽ ڪلب، بادشاھ ڪرڪيٽ ڪلب، حيدري نوجوان سنگت، هاءِ اسڪول لعلورائنڪ سميت مختلف ڌرين طرفان ڌار ڌار ريليون ڪڍيون ويون مک رستن کان ٿينديون پريس ڪلب پهتيون، جتي هزارين ماڻهن هٿ هٿ ۾ ڏئي انساني هٿن جي زنجير ٺاهي ڌرتي ماءُ کي ڀيٽا پيش ڪئي ، صوفياڻي محفل پڻ ٿي.سنڌي ايڪتا جي عالمي ڏهاڙي جي حوالي سان ثقافتي ڏهاڙو ملهايو پيو وڃي، ڄامشورو ضلعي اندر به ثقافتي تقريبون ڀرپور نموني شروع ٿي ويون، ايڪتا جي ڏهاڙي جي موقعي تي ڄامشورو ضلعي جي سيوهڻ، ڀان سيد آباد، سن، مانجهند ، ڄامشورو ، ڪوٽڙي، نوري آباد، ٿاڻو بولا خان پريس ڪلبن آڏو تقريبون جاري آهن، صحافين، سياسي، سماجي، علمي، ادبي، مذهبي، ڪاروباري تنظيمن جي اڳواڻن، شهرين جو وڏو انگ سنڌي ثقافتي لباس سان سنڌي ٽپيون اجرڪ، پٽڪا پھري گهرن کان ٻاهر نڪري آيو آهي، سڄي سنڌ جيان ڄامشورو ضلعي ۾ به عيد جو منظر پسجي رهيو آهي، جڏهن ته ضلعي جي مختلف سرڪاري غير سرڪاري اسڪولن، ڪاليجن ۾ تقريبن سان گڏ سياسي سماجي عملي ادبي تنظيمن طرفان به الڳ الڳ پروگرام منعقد ڪيا ويا آهن، جتي قافلن جي صورت ۾ پروگرامن ۾ شريڪ ٿي رهيا آهن، تقريبن ۾ مقامي فنڪارن، شاعرن، سگهڙن طرفان فن جو مظاهرو ڪيو پيو وڃي، جڏهن ته ٻارڙن طرفان ٽيبلوز پيش ڪيا پيا وڃن. مقررن پاران سنڌي ٻوليءَ، ادب ۽ سنڌي ثقافت تي روشني وجهي نوجوان نسل کي پنهنجي سنڌ وطن، سنڌي ٻوليءَ، ادب ۽ سنڌي ثقافت کي بچائڻ لاءِ هدايتون ۽ درس ڏئي رهيا آهن.سموري سنڌ جيان ڪشمور ۽ ڪنڌڪوٽ ضلعي ۾ به ثقافتي عيد ملهائي پئي وڃي، سموري سنڌ جيان بخشاپور ۾ پنهنجي ايڪتا عيد ڏهاڙي جي موقعي تي سنڌي ادبي سنگت سنڌ سگهڙ سلات ۽ شهر واسين سري هيٺ هاءِ اسڪول ۾ تقريب منعقد ڪئي وئي، تقريب ۾ سگهڙن اديبن شاعرن سنڌ کي امڙ کي لفظن جي ڀيٽا پيش ڪئي، هاءِ اسڪول کان ايڪتا عيد جي خوشي ۾ ناڪا چوڪ تائين هڪ شاندار ريلي ڪڍي وئي، قومي گيتن تي رقص ڪيو ويو، ڪشمور ۾ پنهنجي ايڪتا جا رنگ نکري پيا، ڪشمور شھر ثقافتي رنگن سان رگجي ويو، ڪشمور سٽيزن ويلفيئر شھري ايڪشن ڪاميٽي، شھري اتحاد، ايس ٽي پي، سياسي سماجي تنظيمن ۽ تعليمي ادارا طرفان ثقافتي ڏهاڙو ملهايو پيو وڃي، ننڍا توڙي وڏا سنڌي ٽوپي اجرڪ پٽڪا ٻڌي روڊن تي نڪري آيا، ڪشمور شھر جو پيادل گشت ڪيو ويو. تنگواڻي ۾ قومي عيد ڀرپور نموني ملهائي وئي، قومي گيتن تي رقص ڪيو ويو، جسقم، ايس ٽي پي ۽ ٻين تنظيمن طرفان الڳ الڳ ريليون ڪڍيون ويون، هزارين نوجوانن گهرن کان نڪري ريلين ۾ شرڪت ڪري قومي گيتن تي رقص ڪيو.  خيرپور ضلعو به قومي عيد ۾ رڱجي ويو. هر پاسي ٽوپين، اجرڪن ۽ پٽڪن جي بهار اچي وئي، سوڀوديرو ۾ جسقم، شهري اتحاد سوڀوديرو، سنڌي ادبي سنگت جي اڳواڻن پاران ريلي ڪڍي وئي، وڏي انگ ۾ ماڻهو قومي جهنڊا ۽ اجرڪ ٽوپيون پائي دهل شرنائين سان جهمريون هڻندا پريس ڪلب پهتا، سنڌ ڌرتي کي ڀيٽا پيش ڪئي وئي. فقيرآباد ۾ عوامي پريس ڪلب ۾ ايڪتا پروگرام ملهايو ويو، پروگرام ۾ سياسي سماجي توڙي صحافين شرڪت ڪئي، ڪنب ۾ ايڪتا ڏڻ تي سموري سنڌ ٽوپي اجرڪ سان رنگجي وئي، هرطرف سنڌ امڙ جي نعرن جي گونج، شھرين پاران ريليون ڪڍيون پيون وڃن، اڪري چودڳي ۾ پنهنجي ايڪتا جي حوالي سنڌي ثقافت جا جلوا، سنڌ توکي سلام ڪڍي وئي، قومي گيتن تي رقص ڪيو ويو، هرمڪتب ئي فڪر جو ماڻهو ايڪتا جي رنگن ۾ رڱجي ويو، شهري اتحاد، پريس ڪلب اڪري، ديوان برادري، برابري پارٽي پاڪستان، طرفان شاندار ريلي ڪڍي وئي، ريلي ۾ نمرتا ڪماري جي قاتلن جي گرفتاري جو پڻ مطالبو ڪيو ويو، فيض گنج جي مختلف شهرن، پڪا چانگ ڀنگو بهڻ، جلالجي چودڳي امين پاتو سميت ٻين شهرن ۾ پڻ ثقافتي عيد ملهائي پئي وڃي، ريلين ۾ قومي گتين تي نوجوانن رقص پڻ ڪيو، ريلين ۾ جسقم، عوامي تحريڪ، آبادگار، هاري، شهري سول سوسائٽي شاگردن استان شرڪت ڪئي. پيرجوڳوٺ ۾ “پنهنجي ايڪتا پنهنجي ثقافت” جي سري هيٺ ايڪتا جو قومي ڪاڄ جاري، مک تقريب ۾ فنڪارن پاران سر وکيري سنڌ کي ڀيٽا پيش، ماڻهو اجرڪ ٽوپيون ۽ ثقافتي لباس پهري روڊن تي نڪري پيا، هر طرف ايڪتا جا رنگ جرڪي پيا، نوجوانن جون قومي گيتن تي روايتي جهمريون، خوشي جو اظهار ڪيو پيو وڃي.   ٽنڊوباگو ڀرسان ڳوٺ عبدالله چنڙ ۾ يونيورسل پبلڪ اسڪول عبدالله چنڙ ۾ پنهنجي ايڪتا ثقافتي پروگرام منعقد ڪيو ويو، ثقافتي پروگرام ۾ شاگردن قومي گيتن تي ٽيبلوز پيش ڪيا، جڏهن ته شاگردياڻين سنڌي گيتن تي رقص ڪري جهمريون هنيون، پروگرام ۾ اسڪولي شاگردن ننڍا ڊراما پيش ڪري سنڌي ثقافت جي فلسفي کي اجاگر ڪيو، ڏسندڙن خوب داد ڏنو، ثقافتي تقريب ۾ ڀرپاسي جي ماڻهن سنڌي ويس اجرڪون ۽ سنڌي ٽوپيون پائي وڏي تعداد ۾ شرڪت ڪئي، پروگرام ۾ شاگردن سان گڏ عورت استادن بھترين ثقافتي ويس پائي شرڪت ڪئي. پروگرام ۾ شامل سمورن ماڻهن ايڪتا ثقافتي ڏينهن کي قومي ثقافتي عيد ڏهاڙو ڪري ملهائڻ جو وچن ورجايو.  بدين ضلعي ۾ ثقافتي عيد ملهائي پئي وڃي، هر پاسي ثقافت جا رنگ نکري پيا، بدين شهر ۾ مختلف تنظيمن طرفان ريليون ڪڍيون ويون، قومي گيتن تي رقص ڪيو ويو، شادي لارج ۾ به ايڪتا ڏهاڙي جي سلسلي ۾ ريلي ڪڍي وئي، سوين ماڻهن سنڌي ٽوپيون، اجرڪ ۽ پٽڪا پائي قومي گيتن تي رقص ڪيو، اڳواڻن طرفان خطاب ڪيو ويو. کور واهه ۾ به ثقافتي عيد ملهائي پئي وڃي، ڳوٺ ٻانهون خان چانڊيو ۾ ثقافت جي حوالي سان ثقافتي ڪچهري ٿي گذري، سگهڙن اقبال خان، علي بخش چانڊيو، مددعلي ۽ ٻين مقامي سگهڙن ڏور ڳجهارتون ۽ لطيف سائين جون وايون ٻڌائي واهه واهه ڪري ڇڏي. پنگريو ۾ پنھنجي ايڪتا، پنھنجي ثقافت جي سري هيٺ هڪ وڏي ريلي ڪڍي وئي، ريلي هاءِ اسڪول گرائونڊ کان پريس ڪلب تائين ڪڍي وئي، ريلي ۾ مختلف سياسي سماجي پارٽين پيپلز پارٽي، فنڪشنل ليگ مرزا گروپ، جسقم، ايس ٽي پي، نواز ليگ، گسٽا، پي ٽي الف ۽ ٻين مختلف برادرين طرفان شرڪت ڪئي وئي، واپارين ۽ شهرين ريلي تي گل نڇاور ڪيا، اڳواڻن ثقافتي ريلي کي خطاب ڪيو.

 

ڀارت ڌمڪين ذريعي ڪشميرين لاءِ آواز اٿارڻ کان نٿو روڪي سگهي: ايمنسٽي انٽرنيشنل

لنڊن (ويب ڊيسڪ) انساني حقن جي عالمي تنظيم ايمنسٽي انٽرنيشنل جي سربراهه ڪُمي نائيڊو چيو آهي ته ڀارتي حڪومت طرفان ڊيڄارڻ ۽ ڌمڪائڻ جي ڪوششن باوجود سندن گروپ کي ڪشمير جي صورتحال تي آواز اٿارڻ کان نٿو روڪي سگهجي. مالياتي ڏوهن جي جاچ ڪندڙ ڀارتي کاتي تازو ايمنسٽي جي مقامي برانچ تي الزام مڙهيو هو ته اها ناڻي جي مٽاسٽا جي حوالي سان ڀارتي قاعدن جي ڀڃڪڙي ڪري رهي آهي. اهو الزام والاريل ڪشمير ۾ مودي حڪومت جي قدمن تي تنقيد کانپوءِ سامهون آيو. ايمنسٽي انٽرنيشنل جي سربراهه ڪُمي نائيڊو موجب مودي حڪومت ڀارت ۾ ايمنسٽي کي چِٿڻ جي ڪوشش ڪئي آهي، ڊيڄارڻ ۽ ڌمڪائڻ باوجود ڪشمير جي صورتحال تي آواز اٿارڻ کان نه مُڙنداسين.

 

ڪشمير مسئلو ايٽمي جنگ جو سبب بڻجي سگھي ٿو: آمريڪي ٿنڪ ٽينڪ

نيويارڪ (ويب ڊيسڪ) آمريڪن ٿنڪ ٽينڪ خبردار ڪيو آهي ته ڪشمير مسئلو پاڪستان ۽ ڀارت وچ ۾ ايٽمي جنگ جو سبب بڻجي سگھي ٿو. آمريڪي ٿنڪ ٽينڪ اسٽار فور پنهنجي رپورٽ  ۾ چيو آهي ته جوهري صلاحيت رکندڙ پاڙيسري ملڪ پاڪستان ۽ ڀارت وچ ۾ هن وقت ڇڪتاڻ عروج تي آهي جنهن جي شروعات نئين دهلي طرفان غير قانوني طور تي ڪشمير کي ڏنل خاص کي آئيني طور ختم ڪرڻ سان ڪئي وئي. ٿنڪ ٽينڪ رپورٽ موجب جوهري جنگ جي امڪانن ۾ واڌ ان وقت ي جڏهن ڀارت جي بچاءَ واري وزير راج ناٿ سنگھه کليل لفظن ۾ خطي ۾ جوهري هٿيار استعمال ڪرڻ جي ڌمڪي ڏني، راج ناٿ هٿيار اسعتمال ڪرڻ جي آپريشن ۾ ڪنهن ملڪ جو نالو ته نه ورتو پر ان ۾ ڪو شڪ ناهي ته سندس ڌمڪي واضح طور تي پاڪستان لاءِ هئي. رپورٽ موجب جيڪڏهن پاڪستان ۽ ڀارت وچ ۾ نيوڪليئر هٿيارن جو استعمال ڪيو ويو ته آمريڪا ۽ جاپان جي 1945ع ۾ ٿيل جنگ دوران جاپاني شهرن هيروشيما ۽ ناگاساڪي جي تباهي کان پوءِ اهو جوهري جنگ جو پهريون واقعو هوندو. ٿنڪ ٽينڪ ان ڳالهه کي رد ڪري ڇڏيو ته ڪشمير مسئلو ڀارت جو اندروني معاملو آهي.

 

پاڪ ڀارت مسئلا ٻطرفا آهن، مودي ڪشمير تي ٽرمپ جي ٽياڪڙي رد ڪري ڇڏي. ٻنهي ملڪن جي مدد لاءِ موجود آهيون:ٽرمپ

بيارٽز(اين اين آءِ) ڀرتي وزيراعظم نريندر مودي والاريل ڪشمير جي معاملي تي صدر ٽرمپ آڏو هي ان جي ٽياڪڙي جي آڇ کي هڪ دفعو ٻيهر رد ڪري ڇڏيو جڏهن ته آمريڪي صدر ٽرمپ چيو ته ڀارت ۽ پاڪستان پنهنجا اختلاف پاڻ ۾ حل ڪندا فرانس جي شهر بيارٽز ۾ جي سيون ڪانفرنس دوران صدر ٽرمپ ۽ ڀارتي وزيراعظم مودي وچ ۾ سائيڊ لائين تي ملاقات ٿي جنهن ۾ ٻطرفي دلچسپي جي معاملن تي خيالن جي ڏي وٺ ڪئي ويئي ٻنهي اڳواڻن والاريل ڪشمير جي صورتحال ۽ واپاري معاملن تي به ڳالهه ٻولهه ڪئي ميڊيا بريفنگ دوران ٽرمپ چيو ته مودي کيس ٻڌايو ته ڪشمير ۾ صورتحال ڪنٽرول ۾ آهي ٽرمپ چيو ته اسان جي گذريل رات ڪشمير تي ڳالهه ٿي وزيراعظم مودي سمجهي ٿو ته سڀڪجهه ڪنٽرول ۾ آهي آمريڪي صدر چيو ته هو پاڪستان سان ڳالهه ڪري ٿو ۽ کيس يقين آهي ته اهو ڪجهه ڪري وٺندو جيڪو تمام سٺو ٿيندو ٽرمپ چيو ته ڀارت ۽ پاڪستان پنهنجا اختلاف پاڻ ۾ حل ڪندا ان موقعي تي مودي چيو ته پاڪستان ۽ ڀارت وچ ۾ سمورا مسئلا ٻطرفا آهن ان لاءِ ڪنهن ٽئين ملڪ کي تڪليف نٿا ڏيڻ چاهيون مودي چيو ته وزيراعظم عمران خان کي ان جي فتح تي جڏهن مبارڪ ڏني هئي ته چيو هو ته ڀارت ۽ پاڪستان غربت جي خلاف گڏ وڙهندا ۽ ماڻهن جي ترقي لاءِ ڪم ڪرڻو آهي واضح رهي ته وزيراعظم عمران خان جي آمريڪا جي دوري ۾ ٽرمپ واپاريل ڪشمير جي معاملي تي ٽياڪڙي جيآڇ ڪئي هئي جڏهن ته ڀارت هٺڌرمي جو مطآهرو ڪندي ٽرمپ جي آڇ کي رد ڪري ڇڏيو هو وزيراعظم جي آمريڪا جي دوري کان پوءِ ڀارت والاريل ڪشمير جي خاص حيثيت ختم ڪري ڇڏي ۽ وادي کي دنيا جي سڀ کان وڏي جيل ۾ تبديل ڪري ڇڏيو جتي گذريل ڪيترن ڏينهن کان ڪرفيو لڳل آهي.

 

سيڪيولر ڀارت پنهنجي ئي ماڻهن جي خلاف ڪيترن ئي سالن کان فوج کي هٿيار طور استعمال ڪندو پيو اچي: ارونڌتي راءِ

اوٽاوا(ويب ڊيسڪ) عالمي شهرت يافته ليکڪه، صحافڻ ۽ انساني حقن جي ڪارڪن ارونڌتي راءِ موجب سيڪيولر ڀارت پنهنجي ئي ماڻهن جي خلاف ڪيترن ئي سالن کان فوج کي هٿيار طور استعمال ڪندو پيو اچي. ڀارتي ليکڪه ۽ صحافڻ ارونڌتي راءِ انڊيا ۾ انساني حقن جي ڀڃڪڙي، هندو انتهاپسندي، والاريل ڪشمير ۾ انسانيت سوز قدمن ۽ اقليتن جي خلاف ٿيندڙ ظلمن تي آواز بلند ڪرڻ جي ڪري دنيا ۾ شهرت رکي ٿي. عالمي سطح تي ڀارتي حڪومت جي پروپيگنڊه ۽ انساني حقن جي ڀڃڪڙي جي قدم کي سامهون آڻڻ جي ڪري ارونڌتي راءِ تي حڪومت پابنديون به لاڳو ڪندي رهي آهي. پرڏيهي خابرو اداري موجب ارونڌتي راءِ ڪينيڊا ۾ هڪ تقريب دوران خطاب ڪندي چيو ته ڀارت والاريل ڪشمير، مني پور، ناگالينڊ، ميزورام تلنگانه، پنجاب، گوا ۽ حيدرآباد ۾ پنهنجي تحت جنگ جاري رکيل آهي. ايوارڊ يافته ليکڪه جو چوڻ هو ته ڀارت 1947ع کان وٺي والاريل ڪشمير ۾ مسلمانن، تلنگانه ۾ خاص قبائلي ۽ ڪجهه رياستن ۽ علائقن ۾ هيٺين ذات جي هندوئن جي خلاف فوج کي استعمال ڪندو رهيو آهي. ارونڌتي راءِ موجب انگريز سرڪاري کان آزادي ملندي ئي ڀارت پنهنجي ئي ماڻهن جي خلاف طاقت استعمال ڪندي ڪيترن ئي علائقن ۾ ڳري انگ ۾ فوجي مقرر ڪري عوام جي خلاف فوج کي استعمال ڪيو. صحافڻ پاڪستان سان مقابلو ڪندي چيو ته سيڪيولر ڀارت جي ڀيٽ ۾ ان جي پاڙيسري ملڪ پاڪستان ڪٿي به پنهنجي ماتحت علائقن ۾ فوج جي مقرري ناهي ڪئي. سندس وڌيڪ چوڻ هو ته پاڪستان پنهنجي ئي ماڻهن جي خلاف فوج کي استعمال ناهي ڪري رهيو. ارونڌتي راءِ طرفان پاڪستاني فوج ۽ پاڪستان جي حمايت ۾ بيان ڏيڻ کان پوءِ ڀارتين ۽ نالي ماتر انڊين صحافين ۽ سماجي ڪارڪنن کيس تنقيد جو نشانو بڻايو.

 

ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور

واشنگٽن (ويب ڊيسڪ) آمريڪي صدر ڊونلڊ ٽرمپ هڪ ڀيرو ٻيهر ڪشمير مسئلي تي ٽياڪڙي جي آڇ ڪندي چيو آهي ته ڀارتي وزيراعظم سان هن هفتي ٿيندڙ ملاقات ۾ ڪشمير بابت ڳالهائيندس. وائيٽ هائوس ۾ صحافين سان ڳالهائيندو آمريڪي صدر چيو ته ڪشمير هڪ پيچيده مسئلو آهي اتي هندو به آهن ۽ مسلمان به، آئون اهو ته نه چوندس ته اتي ٻئي سٺي طريقي رهي رهيا آهن پر آئون ان معاملي تي ڀارتي وزيراعظم مودي سان هفتي ٿيندڙ ملاقات ۾ ضرور ڳالهائيندس ۽ پوري ڪوشش ڪندس ته ان مسئلي تي ٻنهي ملڪن وچ ۾ ٽياڪڙي ڪرايان. هوڏانهن آمريڪي گھرو کاتي جي هڪ وڏي عهديدار خطي جي دوري تان واپسي کان پوءِ صحافين سان ڳالهائڻ دوران ڀارت تي زور وڌو آهي ته هو ترت والاريل ڪشمير مان ڪرفيو ۽ پابنديون هٽائي، بنيادي شهرين آزادي بحال ڪئي وڃي ۽ گرفتار ڪشميري اڳواڻن کي آزاد ڪيو وڃي آمريڪي عهديدار جو چوڻ هو ته آمريڪا کي والاريل ڪشمير ۾ گرفتارين ۽ اتان جي شهرين کي قيد رکڻ جي اطلاعن تي ڳڻتي آهي، اسان ڀارت تي زور ڏينداسين ته هو شهرين جي انفرادي حقن جو احترام، قانوني طريقيڪار جي پابندي ۽ ان مسئلي جي حل لاءِ ڳالهايون ڪري. هن چيو ته صدر ٽرمپ هن وقت پاڪ _ڀارت وزيراعظمن سان فون تي ڳالهايو آهي ۽ هنن تي ڪشمير جي معاملي تي ڇڪتاڻ ۾ گھٽتائي آڻڻ تي زور ڏنو ويو آهي، آمريڪا کي ڀارت جي خدشن جي خبر آهي پر خطي جو حالتون معمول تي آڻڻ لاءِ جلد کان جلد قدم کنيا وڃن، پاڪستان ۽ ڀارت ٻئي ايٽمي طاقتون آهن اسان انهن تي زور وڌو آهي ته هو ڪشمير تي ڳالهيون شروع ڪن. ان کان پوءِ برطانيا ۽ فرانس به ڀارت تي زور ڏ نو آهي ته هو ڇڪتاڻ ۾ گھٽتائي آڻي ۽ پاڪستان سان ان مسئلي کي حل ڪرڻ لاءِ ڳالهيون شروع ڪري. هن هفتي فرانس ۾ ٿيندڙ جي 7 ملڪن جي اجلاس ۾ به اهو مسئلو ڀارتي وزيراعظم نريندر مودي جي سامهون اٿارڻ جو فيصلو ڪيو آهي. برطانوي وزيراعظم بورس جانسن جي ترجمان طرفان جاري ڪيل پڌرائي موجب وزيراعظم جانسن ڪشمير جي صورتحال تي ڀارتي وزيراعظم نريندر مودي سان فون تي رابطو ڪيو آهي ۽ هن کي واضح ڪيو آهي ته برطانيا چاهي ٿو ته پاڪستان ۽ ڀارت ٻه طرفي ڳالهائين ذريعي ان مسئلي کي حل ڪن، هن چيو ته فرانس ۾ ٿيندڙ جي 7 سربراهي اجلاس ۾ ان تي وڌيڪ ڳالهه ٻولهه ٿيندي. پيرس ۾ هڪ فرانسيسي عهديدار به چيو آهي ته صدر ايمانوئيل ميڪرون ميڪرون ڪشمير جي مسئلي تي ڀارتي وزيراعظم سان جي 7 اجلاس دوران ڳالهائيندو، صدر ميڪرون ۽ مودي وچ ۾ ورڪنگ ڊنر تي ملاقات ٿيندي. هڪ فرانسيسي سفارتڪار نالو نه ظاهر ڪرڻ جي شرط تي ٻڌايو ته ان ۾ ڪو شڪ ناهي ته اها ملاقات ڪشمير ايجنڊا تي هوندي.

 

الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو

مڪو شريف (ويب ڊيسڪ) مسجده نمره ۾ حج جو خطبو ڏيندي ڪعبي شريف جي امام الشيخ محمد بن حسن آل الشيخ فرمايو ته سٺو اخلاق ۽ بهترين سلوڪ اڄ دنيا جو ضرورتون آهن، مسلمان امت نفرتن کي مٽائي پاڻ کي سياسي طور تي مضبوط ڪري. 20 لک کان ڌويڪ مسلمان اهم ترين اسلام جي رڪن حج جي مناسڪ جو آغاز ڪري ڇڏيو جڏهن ته روح پرور حج جو خطبو ٻڌڻ جي لاءِ فرزندان توحيد عرفات جي ميدان ۾ گڏ ٿيا. ڪعبي جي امام حج جو خطبو ڏيندي چيو ته الله جي رسول صلي الله عليه وآله وسلم جي حديث بيان ڪئي جنهن جو مفهوم آهي ته مسلمان جيڪڏهن استطاعت رکندو هجي اُهو پنهنجي ۾ هڪ ڀيرو حج ضرور ڪري. ڪعبي جي امام خطبو ڏيندي چيو ته اسلام ۾ توحيد جي شاهدي ۽ ختم نبوت جي شاهدي آهي، نماز آهي، زڪوات آهي جنهن کي غريبن، يتيمن ۽ فلاحي ڪمن جي لاءِ استعمال ڪيو ويندو آهي. وڌيڪ چيو ته بي شڪ الله تعاليٰ هر شئي تي قادر آهي، الله ڏاڍو رحم وارو ۽ مغفرت ڪرڻ وارو آهي، اهو ئي خدا آهي جنهن آسمان تان پاڻي وسايو. ڪعبي جي امام حج جي خطبي ۾ چيو ته الله جي ڳالهه ڪڏهن به تبديل ناهي ٿيندي. هن چيو ته الله انسانن ۽ جنن کي پنهنجي عبادت جي لاءِ پيدا ڪيو آهي، الله جي توحيد ۽ وحدانيت کي مصبوطي سان پڪڙڻ گهرجي. ڪعبي جي امام چيو ته قرآن پاڪ ۾ الله جي رحمتن بابت هر هر ارشاد آهي، نجات جو رستو رڳو الله جي رسي کي مضبوطي سان پڪڙڻ ۾ آهي. هن وڌيڪ چيو ته الله جيترا به آسماني ڪتاب نازل ڪيا انهن ۾ ضابطه حيات ٻڌايو، الله قرآن ۾ فرمايو ته اڄوڪي ڏينهن اسان دين کي مڪمل ڪيو. ڪعبي جي امام چيو ته قرآن انهن ماڻهن جي لاءِ آهي جن ايمان آندو، انهن جي لاءِ  نيڪي جو سرچشمو ثابت ٿيندو. هن حاجين کي مخاطب ڪندي چيو ته اي حاجيو جيترو ممڪن ٿي سگهي الله کي ياد ڪيو، دعائون ڪيو، الله دعائون قبول ڪرڻ وارو آهي. ڪعبي جي امام چيو ته جيڪي ماڻهو حق جي شاهدي ڏيندا الله انهن کي جنت ۾ داخل ڪندو. وڌيڪ چيو ته اسان جي لاءِ الله ئي ڪافي آهي جيڪو نهايت وڏو مهربان، ڏاڍو رحيم ۽ معاف ڪرڻ وارو آهي. هن چيو ته الله جي رحمت مان مايوس نه ٿيڻ گهرجي، الله جي رحمت جو دروازو هميشه کليل رهندو آهي. ڪعبي جي امام چيو ته نبي ڪريم صه جي زندگي دنيا جي هر شعبي جي لاءِ مشعل راهه آهي، الله جي رسول صه فرماريو ته سمورا مسلمان هڪ ئي جهڙا آهن. پنهنجي خطاب ۾ چيو ته الله سمورن مسلمانن کي پاڻ ۾ ڀاءُ بڻايو آهي، سٺو اخلاق، بهترين سلوڪ اڄ دنيا جون ضرورتون آهن. ڪعبي جي امام چيو ته نبي ڪريم صه جن فرمايو ته توهان زمين وارن تي رحم ڪيو الله توهان تي رحم فرمائيندا. هن حاجين کي خطاب ڪندي چيو ته پنهنجي والدين سان ڀلائي جو رستو اختيار ڪيو، والدين کان پوءِ مائٽن مٽن سان سٺو رويو اختيار ڪيو. وڌيڪ چيو ته اي مسلمانون! پنهنجي نفس کي پاڪ رکو، بي شڪ الله سموريون دعائون ٻڌڻ وارو ۽ دلين جا حال ڄاڻڻ وارو آهي.ڪعبي جي امام چيو ته نبي ڪريم صه ارشاد فرمايو ته جيڪي مسلمان نيڪ عمل ڪندا اُهي جنت ۾ ويندا. هن وڌيڪ چيو ته ڪيترائي سبب آهن جن جي ذريعي الله جي رحمت کي پاڻ ڏانهن راغب ڪري سگهجي ٿو. هن چيو ته مسلمان امت نفرتن کي ختم ڪري ڇڏي ۽ پنهنجي پاڻ کي سياسي طور تي مضبوط ڪري، اڄ مسلمانن کي پنهنجي سياسي معاشي حالتون دين جي موجب اختيار ڪرڻ جي ضرورت آهي. امام  الشيخ  محمد بن حسن آل الشيخ حج جي خطبي ۾ واپاري برادري کي مخاطب ڪندي چيو ته واپار طبقي جي لاءِ هدايت آهي ته هو وڪرو ۽ خريداري ڪري ته ايمانداري سان ڪم وٺي.

 

ڀارت هٿان وڌيڪ 6 ڪشميري شهيد، پاڪستان جو ڀارت کي منهن ٽوڙ جواب ڏيڻ جو فيصلو

سرينگر / اسلام آباد (اين اين آءِ) پاڪستان ڀارت پاران والاريل ڪشمير جي خاص حيثيت کي ختم ڪرڻ واري فيصلي تي سخت رد عمل ڏيندي ٻه طرفي واپار کي معطل ڪرڻ ۽ سفارتي لاڳاپن کي محدود ڪرڻ جو فيصلو ڪيو آهي، اربع تي وزيراعظم عمران خان جي صدارت هيٺ قومي سلامتي ڪونسل جو اجلاس ٿيو جنهن ۾ شاهه محمود قريشي، پرويز خٽڪ، چيئرمين جوائنٽ چيفس آف اسٽاف ڪميٽي، آرمي چيف جنرل قمر جاويد، نيول چيف سميت ڊي جي آءِ ايس آءِ، ڊي جي آءِ ايس پي آر، سيڪريٽري فارين افيئرز ۽ ٻين شرڪت ڪئي، اجلاس ۾ سول ۽ عسڪري قيادت ڀارت جي حوالي سان اهم فيصلا ڪيا، وزيراعظم هائوس پاران جاري ڪيل بيان موجب قومي سلامتي جي اجلاس ۾ فيصلو ڪيو ويو ته ڀارت سان ٻه طرفي واپار کي معطل ڪيو ويندو، سفارتي لاڳاپا محدود ڪيا ويندا، پڌرائي موجب فيصلو ڪيو ويو ته پاڪ ڀارت لاڳاپن تي نظرثاني ڪئي ويندي، ڀارت سان ٻه طرفي سمورن معاهدن جو نئين سر جائزو ورتو ويندو، اجلاس ۾ فيصلو ڪيو ويو ته ڀارت جي غير قانوني قدمن کي گڏيل قومن اڳيان اٿاريو ويندو، قومي، سياسي ۽ عسڪري قيادت فيصلو ڪيو آهي ته آزادي واري ڏينهن کي ڪشميرين سان ٻڌي جي ڏهاڙي طور ملهايو ويندو ۽ ڪشمير جي مسئلي کي بهتر نموني اجاگر ڪيو ويندو، اجلاس ۾ وزيراعظم سمورن سفارتي چينلز کي ڀارتي ظالماڻو ۽ نسل پرستاڻو رويو، ان جي ارادن ۽ انساني حقن جي ڀڃڪڙين کي اجاگر ڪرڻ جي هدايت ڪئي، وزيراعظم پاڪ فوج کي تيار رهڻ جي به هدايت ڪئي.ٻئي طرف  والاريل ڪشمير ۾ ڀارتي فوجين پاران مظاهرو ڪندڙن تي فائرنگ جي نتيجي ۾ 6 ڄڻا شهيد ۽ هڪ سئو کان وڌيڪ زخمي ٿيا، اربع تي ٽئين ڏينهن به والاريل علائقي ۾ ڪرفيو ۽ ڪشمير جو ٻاهرين دنيا سان رابطو ڪٽيل رهيو، ڪشمير ميڊيا سروس موجب سخت ڪرفيو ۽ وڏي انگ ۾ فوجي لاهڻ جي باوجود ماڻهو ڀارت پاران قلم 370 ۽ 35 اي ختم ڪرڻ خلاف احتجاج ڪرڻ لاءِ سريننگر، پلواما، باره مولا ۽ ٻين علائقن ۾ ٻاهر نڪري آيا، فوجين مظاهرين تي گوليون، پيلٽ گن ۽ ڳوڙها آئيندڙ گيس جو استعمال ڪيو جنهن سبب گهٽ ۾ گهٽ 6 ڄڻا شهيد ۽ سوين زخمي ٿيا، اطلاعن موجب سومر تي خطرناڪ هٿيارن جي استعمال سبب زخمي ٿيل گهٽ ۾ گهٽ 6 ڄڻن کي سرينگر جي اسپتال ۾ آندو ويو هو، برطانوي خابرو اداري پوليس جي حوالي سان تصديق ڪئي آهي ته ڀارتي فوج سرينگر ۾ پيلٽ گن ۽ ڳوڙها آڻيندڙ گيس جو استعمال ڪيو آهي.