تازيون خبرون
لاهوري وڪيلن تاريخ رقم ڪري ڇڏي، اسپتال تي ڪاهه، عوام۽ صوبائي وزير تي تشدد، 4 مريض فوت - آصف زرداري جي طبي بُنيادن تي ضمانت منظور، هڪ ڪروڙ جا مچلڪا جمع ڪرائڻ جو حڪم - اخباري مالڪ اسان جي نه پر لڳي ٿو ته اسان هنن جي ماتحت ٿي ويا آهيون: وڏو وزير - نيب پ پ ايم پي اي نادر مگسي ۽ سردار چانڊيو خلاف جاچ جي منظوري ڏئي ڇڏي - وزيراعظم لاهور اسپتال ۾ وڪيلن جي هنگامن واري واقعي تي نوٽيس ورتو، رپورٽ طلب، وڏي وزير جاچ ڪميٽي جوڙي ڇڏي - جهيڙو ٽارڻ لاءِ پهتل صوبائي وزير فياض چوهاڻ تي به وڪيلن جو تشدد، وار پٽيا ويا - پنجاب انسٽيٽيوٽ آف ڪارڊيالاجي (پي آءِ سي) ۾ پيش آيل واقعي جي ذميوارن خلاف سخت ڪارروائي ڪبي: وفاقي سرڪار - لاهور ۾ وڪيل گردي جي مذمت، وڪيل تنظيمون ذميواري پوري ڪن، نيب ڪو ادارو نه تماشو آهي: سعيد غني - مورو ۾ پيءُ هٿان ڌيءَ ڪارنهن الزام تحت قتل، جوابدار گرفتار، ڏوهه جو اعتراف، ڪيس داخل - ڪوٽڏيجي ڀرسان ويگن جو موٽر سائيڪل کي ٽڪر، 2 عورتن سميت 3 ڄڻا فوت، هڪ زخمي

Category Archives: سنڌ

وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور

ڪراچي (اين اين آءِ) صوبائي پبلڪ سيفٽي ايند پوليس ڪمپلينٽس ڪميشن پنهنجي ٽئين اجلاس ۾ گڏيل هڪ قرارداد پاس ڪئي جنهن ۾ انسپيڪٽر جنرل آف پوليس ڊاڪٽر ڪليم امام جي لڳاتار ٻئين اجلاس ۾ غير حاضري تي ڪاوڙ جو اظهار ڪيو ويو. اجلاس ۾ وڏي وزير سيد مراد علي شاهه جي صدارت هيٺ وزيراعليٰ هائوس ۾ ڪوٺايو ويو. اجلاس ۾ سندس ميمبرن، ايم پي ايز شرجيل انعام ميمڻ، امداد علي پتافي، محمد علي عزيز، شهناز بيگم، شميم ممتاز، ڪرامت علي، ايڊوڪڪيٽ جهمت مل، قربان علي ملاڻو، قانون وارو صوبائي صلاحڪار  مرتضيٰ وهاب خاص طور تي اجلاس ۾ شرڪت ڪئي. اجلاس جي ايجنڊن ۾ گٽڪي تي پابندي، مين پڙي ۽ منشيات جي اسمگلنگ/ٺاهيندڙ خلاف ڪيل ڪارروائي، کين گرفتاري ۽ جائيدد ضبط ڪرڻ ۽ عدالتن ۾ پيش ڪيل چالان- آئي جي کي هڪ جامع رپورٽ پيش ڪرڻي هئي. آئي جي پاران شهيد بينظير آباد يونيورسٽي جي شاگردن جا مسئلا، محراب پور ۾ ٻارڙي تي تشدد واري واقعي ۽ پير جو ڳوٺ ۾ هڪ ٻار جي خودڪشي جي ڪيس بابت پيش ڪيل تفصيلي رپورٽن جو جائزو، آئي جي پوليس پاران ڪي پي آئيز سان سالياني پوليسنگ پلان، ڪميشن جي آفيس لا جڳهه، ڊسٽرڪٽ پبلڪ سيفٽي ۽ پوليس ڪمپلينٽ ڪميشن جي قيام تي ٿيندڙ اڳڀرائي، ڪميشن لاءِ ميمبرن جي ضلعي چونڊن جي پينل ۽ قانون جو طريقيڪار شامل آهن. آئي جي پوليس جنهن ڊرگ مافيا خلاف ٿيندڙ ڪارروائي بابت رپورٽ يپش ڪرڻي هئي، هو  اجلاس ۾ موجود نه هو. پڇڻ تي ٻڌايو ويو ته آئي جي پوليس هڪ اجلاس ۾ شرڪت ڪرڻ لاءِ اسلام آباد ويا آهن. وڏي وزير چيو ته مونکي آئي جي پوليس ٻڌايو هو ته ان کي وزيراعظم پاران سڏايل هڪ هنگامي اجلاس ۾ شرڪت ڪرڻ لاءِ وڃڻو آهي جنهن لاءِ کيس سڏايو ويو آهي. ڪميشن جي ميمبرن مان هڪ ٻڌايو ته هو ڪو هنگامي اجلاس نه هو پر اهو ڊسمبر کان پهرين جو هڪ شيڊول اجلاس هو. ڪميشن جي ميمبرن چيو ته هي لڳاتار ٻيو اجلاس آهي جنهن ۾ آئي جي پوليس شريڪ ڪونهي. هن چيو ته کيس محسوس ٿي رهيو آهي ته آئي جي پوليس اجلاس ۾ شرڪت لاءِ تيار نه آهي. ڪميشن جي هڪ سينئر ميمبر ڪرامت علي ڪميشن جي ٻين ميمبرن جي صلاح سان هڪ قرارداد پيش ڪئي جنهن ۾ آئي جي پوليس جي لڳاتار ٻئي اجلاس کان غير حاضري تي ناراضگي جو اظهار ڪيو ويو. قرارداد ۾ وڌيڪ چيوي ويو ته آئي جي پوليس اسلام آباد ۾ هڪ سياسي اجلاس ۾ شرڪت کي ترجيح ڏني ۽ سنڌ ۾ اسٽيٽو باڊي اجلاس ۾ شرڪت کان گريز ڪيو. ڪميشن آئي جي پوليس جي غير حاضري خلاف گڏيل قرارداد کي منظور ڪيو. ڪميشن قرارداد جي منظوري کانپوءِ آئي جي پوليس ڪراچي غلام نبي ميمڻ، ايڊيشنل آئي جي يعقوب منهاس ۽ ڊي آئي جي خالق شيخ کي اجلاس ۾ گهرايو ۽ ڪرامت علي انهن کي ڪميشن پاران جنهن ۾ آئي جي پوليس جي غير حاضري بابت ڪاوڙ مشاهدو ڪيو ويو آهي بابت پاس ٿيندڙ قرارداد ۾ ٻڌايو ويو. ڪرامت علي ايڊيشنل آئي جي پوليس ڪراچي کي ٻڌايو ته ڪميشن آئي جي پوليس بابت ايجنڊي واري آئيٽم کي رد ڪري ڇڏيو آهي ۽ هاڻي فقط انتظامي نوعيت جي آئٽمن تي غور ڪيو ويو. ڪميشن جي ميمبرن ان ڳالهه تي حيرت جو اظهار ڪيو ته وفاقي حڪومت آئي جي پوليس ۽ ٻين اعليٰ آفيسرن جيڪي سنڌ اندر خدمت ڪري سرانجام ڏئي رهيا آهن انهن پاران وڏي وزير  کي ڄاڻ ڏيڻ کانسواءِ گهرايو پيو وڃي. اصولي طور انهن کي گهرجي ته صوبي جي چيف ايگزيڪٽو ذريعي اجلاسن ۾ گهرايو وڃي. ڪميشن ٻين ايجنڊن سميت ڪميشن لاءِ جاءِ ۽ ٻين معاملن تي غور ويچار ڪيو. ڪميشن کي ٻڌايو ويو ته ڪجهه آفيسن جي نشاندهي ڪئي وئي آهي ۽ هاڻي ميمبرن پاران انهن آفيسن جو دورو ڪرڻو آهي ته جيئن انهن منجهان ڪنهن هڪ جو انتخاب ڪري حتمي شڪل ڏني وڃي. جيتريقدر ڪميشن جي رولز ۽ طريقيڪار جو تعلق آهي ته لاڳاپيل ايڊوڪيٽ جهمت مل اجلاس کي ٻڌايو ته هن وڌيڪ ميمبرن جي شموليت بابت قاعدا جوڙيا آهن ان ڪري ڪميشن جي ميمبرن تي زور ڏنو ته هو پنهنجا ويچار پيش ڪن ته جيئن رولز ۽ طريقيڪار کي حتمي شڪل ڏني وڃي. ڪميشن جي سيڪريٽري سيف الله ابڙو ميمبرن کي ٻڌايو ته هن ضلعي انتظاميا کان درخواست ڪئي آهي ته هو ڊسٽرڪٽ پبلڪ سيفٽي اينڊ پوليس ڪمپلينٽس ڪميشن لاءِ نالن جي سفارش ڪن ته جيئن ان جو قيام عمل ۾ آڻي سگهجي. ڪميشن جي ميمبرن فيصلو ڪيو ته ڪميشن جو چوٿون اجلاس 10 ڏينهن اندر سڏرايو ويندو جنهن ۾ پوليس بابت شڪايتن تي غور ڪيو ويندو.

 

 

ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون

ڪراچي (م.ڊ) نالي واري ليکڪ اعجاز منگي جي ڀاڻيجي دعا منگي جي آزادي لاءِ سنڌ جي مختلف شهرن ۾ مظاهرا جاري آهن، ڪراچي، حيدرآباد، سکر، دادو، لاڙڪاڻو، جيڪب آباد، قمبر، نصيرآباد ۽ شهرن ۾ هندو ويلفيئر، منگي ويلفيئر، پ پ شهيد ڀٽو، سول سوسائٽي توڙي ٻين تنظيمن طرفان اڄ به احتجاجي مظاهرا جاري رکيا ويا، جيڪب آباد ۾ نوجوان ھندو ويلفيئر پاران ڪراچي مان سنڌ جي نياڻي دعا منگي جي بازيابي لاءِ احتجاج ڪيو ويو، پريس ڪلب اڳيان ڌرڻو هنيو ويو، مظاھرين شھر جي مختلف رستن تان مارچ ڪندي دعا منگي جي بازيابي لاءِ سخت نعريبازي ڪئي. مظاھرين پريس ڪلب آڏو پھچي ڌرڻو هنيو، اڳواڻن چيو ته سنڌ حڪومت کي دعا منگي جي بازيابي لاءِ ڪوششون وٺڻ گهرجن. قمبر ۾ پ پ پ شھيد ڀٽو لائيرز فورم طرفان ڪراچي مان اغوا ٿيل دعا منگي جي بازيابي لاءِ بينرز ۽ پلي ڪارڊ کڻي احتجاج ڪيو ويو، دعا منگي جي جلد بازيابي جو مطالبو ڪيو ويو.

 

اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

اسلام ڪوٽ(رپورٽ:سجاول بجير)ڇاڇرو کان ڪراچي ويندڙ اي سي مسافر ڪوچ موٽر سائيڪل سوار کي بچائيندي ڪلٽي هڪ واٽھڙو فوت ٽي عورتن سميت 7 ڄڻا زخمي ٿي پيا، ڇاڇرو کان ڪراچي ويندڙ ڍاڻي ٽرانسپورٽ ڪمپني جي اي سي مسافر ڪوچ موڙاسيو ڳوٺ ويجهو روشن جي ڍاڻي وٽ اچانڪ اڳيان موٽر سائيڪل اچڻ تي موٽر سائيڪل کي بچائيندي گاڏي ڊرائيور جي ڪنٽرول ۾ نڪرڻ سبب بس هڪ واٽاڙو مٿي ڪري پئي جنهن جي نتيجي ۾ 50 سالن جو عالم ولد روشن سميجو چپاٽجي سرزمين تي فوت ٿي ويو جڏهن تي بس ۾ سوار ٽي عورتن سميت 7 مسافر زخمي ٿي پيا جنهن کي ڇاڇرو ۽ عمرڪوٽ جي اسپتال ۾ داخل ڪيو ويو آهي،

 

ٽماٽرن ۽ مٽرن جي اگهن کان اڻڄاڻ مهانگائي ڇا ڪنٽرول ڪندا: سعيد غني

ڪراچي(اسٽاف رپورٽر) سنڌ جي اطلاعات ۽ محنت واري صوبائي وزير سعيد غني چيو آهي ته وفاقي سرڪار کي غريبن جي ڪا به پرواهه ناهي ملڪ ۾ مهانگائي جي شرح 9 سال کان وڌيڪ آهي اهي ماڻهو عوام جي ووٽن سان نه پر چور دروازن کان اقتدار ۾ آيا آهن ان حڪومت کي عوام جو احساس ناهي ۽ ملڪ جا ڪروڙين ماڻهو انهن کي برداشت ڪرڻ تي مجبور آهن عوام جي چونڊيل وزيرن کي ٽماٽرن ۽ مٽرن جي اگهن جو علم ناهي اهي مهانگائي کي ڇا ڪنٽرول ڪندا. ان ملڪ ۾ ڪو فرد اهڙو ناهي جيڪو سڪون جي زندگي گزاري رهيو هجي. صوبائي وزير سعيد غني سنڌ اسيمبلي ۾ ميڊيا ڪارنر تي صحافين سان ڳالهه ٻولهه ڪري رهيو هو. سعيد غني وڌيڪ چيو ته وزيراعظم، پنجاب جي وڏي وزير جي تعريف ڪندي ناهي ٿڪندو پر اتان جو حال اهو آهي ته صوبي ۾ پنج آئي جي ۽ ڪيترائي سيڪريٽرين کي تبديل ڪيو ويو آهي ان لاءِ اسان چوندا آهيون جيستائين نااهل حڪمران اقتدار ۾ رهندا ملڪ ۾ بهتري نه ايندي. اطلاعات ۽ محنت واري وزير چيو ته خبر شايع ٿي آهي ته پنجاب جي اسپتالن ۾ اينٽي ريبيز ويڪسين 83 سيڪڙو اسپتالن ۾ ناهي ۽ 1732 مرڪز اهڙا آهن جٿي اها ويڪسين ناهي جڏهن ته پي ٽي آئي سنڌ حڪومت کي چوندي آهي اسان ته هڪ هڪ ويڪسين جي تفصيل ٻڌائي چڪا آهيون ان مان اندازو ڪيو ته پنجاب ۾ ڪهڙي صورتحال هوندي هن چيو ته وزيراعظم جي حلقي ميانوالي ۾ نانگ جي ڪکڻ سان ٻارڙي فوت ٿي وئي ۽ اتي ڪنهن کي به ويڪسين نه ملي ڇو ته ويڪسين جي کوٽ پوري پاڪستان ۾ آهي. هن چيو ته شماريات کاتي مطابق ملڪ ۾ گذريل 9 سالن جي ڀيٽ ۾ مهانگائي ۾ اضافو ٿيو آهي. هن حڪومت کي عوام جو ڪو به احساس ناهي ملڪ جا ڪروڙين ماڻهو نه اهل حڪمرانن جيڪري ڀوڳي رهيا آهن، جنهن حڪومت جي وزيرن کي ٽماٽرن ۽ مٽرن جي قيمت جي ڄاڻ ناهي اهي مهانگائي تي ڪهڙو ڪنٽرل ڪري سگهندا هن چيو ته ملڪ جو ڪو به اهڙو شهري ناهي جيڪو سڪون جي زندگي گزراي رهيو هجي. خرابي باوجود ڪا به تبديلي نه پئي اچي. ان هائوس تبديلي ذڪر آئين ۾ موجود آهي. سعيد غني چيو ته نالائقي ۽ نا اهلي وڏي پيماني تي ڏسڻ ۾ اچي پئي. قانون واري وزير، اٽارني جنرل، پاڪستان جي بهترين وڪيلن جي باوجود هڪڙو نوٽيفڪيشن به درست نموني ٺهي نه سگهيو. آرمي چيف جي ملازمت جي مدي ۾ واڌ وارو فائيل عام اهميت نٿو رکي. ملڪ جو صدر جو اهو چوڻ ته ياد نه رهيو، اها غلط بياني آهي. سپريم ڪورٽ ۾ وڃي ڪوڙ ڳالهيو ويو. ڏسڻو پوندو ته اها نالائقي آهي يا ڄاڻي واڻي ايئن ڪيو ويو. هن چيو ته اسان کي هميشه عوام چونڊيو ۽ عمران خان کي جن سليڪٽ ڪيو انهن سڀني کي خبر آهي ته آرٽيڪل 243 ۾ ترميم لاءِ حڪومت کي ٻه ڀاڱي ٽي اڪثريت گهربل هوندي آهي حڪومت سنجيده هجي ها ته ڳالهه ٻولهه ڪري ها پر ان معاملي کي تڪراري بڻائڻ جي ڪوشش ڪئي وئي هن چيو ته پيپلزپارٽي کي آسان گرنهه نه سمجهيو وڃي، جيڪڏهن ترميم ڪرائڻي آهي ته سنجيده ڳالهيون ڪيون وڃن ۽ زيادتيون بند ٿيڻ گهرجن.

 

لينڊ اسڪينڊل: سنڌ حڪومت 45 ڄڻن تي 72 ڪيس داخل ڪرڻ جي منظوري ڏئي ڇڏي

ڪراچي (م.ڊ) چيف سيڪريٽري سرڪاري زمينن جي غيرقانوني الاٽمينٽ، ڪرپشن ۽ قانون جون حدون اورانگھڻ سميت اربين رپين جي فراڊ اسڪينڊل ۾ روينيو کاتي جي 45 کان مٿي ڪامورن ۽ بااثر خانگي ماڻهن خلاف 27 ڪيس داخل ڪرڻ جي منظوري ڏئي ڇڏي، ان حوالي سان ڪالهه چيف سيڪريٽري سيد ممتاز علي شاھ جي صدارت هيٺ اينٽي ڪرپشن ڪاميٽي ون ( اي سي سي 1) جو اجلاس ٿيو، جنهن ۾ اينٽي ڪرپشن اختيارين پاران روينيو ۽ ڪوآپريٽو کاتي سميت پوليس اسپتال جي ڪرپشن ۽ لاقانونيت وارا معاملا پيش ڪيا ويا. ڪيسن جو جائزو وٺڻ کانپوءِ چيف سيڪريٽري سيد ممتاز علي شاھ روينيو کاتي ۽ پوليس اسپتال خلاف 27 ڌار ڌار ڪيس داخل ڪرڻ جي منظوري ڏني، روينيو کاتي جي سرڪار جي اربين رپين جي ماليت واري زمين جي غيرقانوني الاٽمينٽ سميت ٻين معاملن تي لينڊ يوٽيلائيزيشن کاتي جي ٽن اڳوڻن سيڪريٽرين دانش سعيد، آفتاب ميمڻ ۽ غلام مصطفيٰ ڦُل، سيڪشن آفيسر عمران حميد ۽ حمادالدين چاچڙ، اسسٽنٽ ڪمشنر غلام حيدر چانڊيو، ڊي سي عارف ڪلوڙ، مختيارڪار طفيل خاصخيلي، سيڪشن آفيسر زين العابدين، پي ٽي آءِ ملير جي مقامي اڳواڻ ڊاڪٽر مسرور سيال، خانگي ماڻهن ۽ عملدارن الهڏنو بروهي، وحيد عبدالقادر، آمنه بانو، عامر عباس، محمد جميل، منصور ميمڻ، اعظم خان، بلال خان، رفيق احمد صديقي، عبدالستار، فيصل عباس، ڀاشاني ملتان، ايوب ڪلوڙ، خليل الرحمان، سيد ذوالفقار شاھ، سڪينه، رحيمداد، ملڪ داد، محمد طفيل، فضل داد، نصرت بيبي، فوزيه، محمد مشتاق احمد، محمد صالح، محمد صفر بروهي، خادم حسين، سراج احمد، مشتاق سولنگي، يوسف عباسي، محمد اسلم، سائره پرويز، محبوب علي، محمد موسيٰم، محمد عيسيٰ، فياض مهيسر، عباس سڌايو، جليل بروهي، عمران بٽ، ظفر احمد، محمد اسلم، شڪيل احمد، رياض احمد، بهادر پنجواڻي، صادق پنجواڻي ۽ ٻين تي ڪيس داخل ٿيندا هڪ ئي وقت 2 سرڪاري نوڪريون ڪرڻ وارو اسڪينڊل، 24 سالن تائين اعليٰ عهدن تي 2 نوڪريون ڪندڙ ڪاموري طيب عمراڻي خلاف اينٽي ڪرپشن کي ڪيس داخل ڪرڻ جي منظوري ڏني وئي آهي. ان سلسلي ۾ مليل ڄاڻ موجب طيب عمراڻي 1992ع ۾ سيسي ۾ ميڊيڪل آفيسر طور ڀرتي ٿيو هو، جيڪو 1993ع ۾ ڪميشن پاس ڪري صحت کاتي ۾ ڊاڪٽر طور ڀرتي ٿيو، لاڳيتو 2 نوڪريون ڪرڻ ۽ ٻنهي هنڌن تان پگھارون کڻڻ واري معاملي جو ڦاٽ ڦاٽڻ کانپوءِ سندس خلاف اينٽي ڪرپشن ۾ جاچ هلي رهي هئي. اينٽي ڪرپشن اختيارين پاران سندس ڪيس اي سي سي ون ۾ پيش ڪيو ويو، جنهن بعد چيف سيڪريٽري مٿس ڪيس داخل ڪرڻ جي منظوري ڏني آهي.  روينيو کاتي جي ڪامورن خلاف 6 اوپن انڪوائريون ۽ ڪرپشن سميت غيرقانوني ڪمن جي الزام هيٺ آيل ڪوآپريٽو کاتي جي ڪامورن خلاف 3 اوپن انڪوائرين جي به منظوري ڏني وئي آهي. ان سلسلي ۾ مليل ڄاڻ موجب ته اينٽي ڪرپشن کاتي جي اختيارين پاران چيف سيڪريٽري جي صدارت هيٺ ٿيل اينٽي ڪرپشن ڪاميٽي ون جي اجلاس ۾ روينيو کاتي ۾ غيرقانوني الاٽمينٽ ۽ ٻين معاملن تي اجلاس جي ميمبرن پاران تفصيلي جائزو وٺڻ کان پوءِ چيف سيڪريٽري پاران 6 اوپن انڪوائريون ڪرڻ جي منظوري ڏني وئي. جڏهن ته ڪوآپريٽو کاتي جي ڪرپشن ڪيسن جو به جائزو ورتو ويو جنهن کانپوءِ چيف سيڪريٽري پاران اينٽي ڪرپشن کاتي جي اختيارين کي هدايت ڪئي ته ڪوآپريٽو جي ڪامورن خلاف 3 اوپن انڪوائريون ڪيون وڃن.

 

 

ڪراچي مان اغوا ڪيل شاگردياڻي دعا منگي جو هن وقت تائين پتو نه پيو، احتجاج جو سلسلو جاري، وڪيل برادري به شامل

ڪراچي(اين اين آءِ/نمائندن وٽان) ڪراچي مان اغوا ڪيل شاگردياڻي دعا منگي جو هن وقت تائين پتو نه پيو، سنڌ جي مختلف شهرن ۾ دعا منگي جي بازيابي لاءِ مظاهرا جاري آهن، ڪراچي پريس ڪلب آڏو دعا منگي جي بازيابي لاءِ وڪيلن ۽ ٻين ڌرين طرفان احتجاجي مظاهرو ڪيو پيو وڃي، ايس ايم لا ڪاليج منگي اتحاد طرفان پريس ڪلب آڏو احتجاج جاري آهي، دعا منگي جي سئوٽ ڪينجهر سنڌو ميڊيا سان ڳالهائيندي چيو ته ڪافي ڏينهن گذري چڪا آهن، هن وقت تائين دعا منگي جو پتو ناهي پئجي سگهيو، پوليس سنڌ حڪومت ۽ ادارا ناڪام ٿي چڪا آهن، حڪومت کي گهرجي ته جلد کان جلد دعا منگي کي بازياب ڪرايو وڃي. خيرپور ۾ دعا منگي جي بازيابي لاءِ جسقم طرفان جادو شاهه موڙ کان پريس ڪلب تائين احتجاجي ريلي ڪڍي وئي،ميهڙ ۾ ناليواري ليکڪ اعجاز منگي جي ڀاڻيجي دعا منگي جي بازيابي لاءِ قلمڪارن ۽ سڃاڻ ڌرين پاران احتجاج ڪيو ويو، دعا منگي جي اغوا ۽ سندس بازيابي لاءِ ميهڙ جي سڄاڻ ڌرين، صحافين ۽ قلمڪارن احتجاج ڪيو، گڏيل بيان ۾ دعا منگي جي بازيابي جو مطالبو ڪيو ويو. هنن چيو ته دعا منگي کي فورن بازيا ب ڪرائي سندس اغوا ۾ ملوث جوابدار گرفتار ڪيا وڃن، ٻي صورت ۾ دعا منگي جي بازيابي ۽ سنڌ حڪومت خلاف سخت احتجاج ڪيو ويندو.

 

نيب نثار کهڙو، سراج دُراني ۽ رئوف کوسو خلاف جاچ جي منظوري ڏئي ڇڏي

اسلام آباد (م.ڊ) نيب جي ايگزيڪيوٽو بورڊ اڳوڻي صوبائي وزير نثار کهڙو، اسپيڪر آغا سراج دُراني ۽ اڳوڻي ايم پي اي عبدالرئوف کوسو خلاف جاچ جي منظوري ڏئي ڇڏي، جڏهن ته فرزانه راجا ۽ علي احمد لنڊ خلاف ريفرنس داخل ڪرڻ جي منظوري ڏني وئي آهي. نيب چيئرمين رٽائرڊ جسٽس جاويد اقبال جي سربراهيءَ ۾ ايگزيڪيوٽو بورڊ جو اجلاس ٿيو، جنهن دوران مختلف ريفرنسز ۽ انڪوائريز جو جائزو ورتو ويو. نيب ترجمان جي پڌرائي موجب ايگزيڪيوٽو بورڊ جي اجلاس دوران 6 ريفرنسز جي منظوري ڏني وئي آهي. جنهن موجب بينظير انڪم سپورٽ پروگرام جي اڳوڻي چيئرپرسن فرازانه راجا خلاف ڪرپشن جو ريفرنس داخل ڪيو ويندو، جڏهن ته سنڌ ۾ مبينا طور 13 هزار غيرقانوني ڀرتيون ڪرڻ وارو ريفرنس علي احمد لنڊ ۽ ٻين خلاف داخل ڪرڻ جي منظوري ڏني وئي آهي، جوابدارن تي الزام آهي ته سنڌ جي مڪاني کاتي ۾ جعلي ڀرتيون ڪير قومي ناڻي کي نقصان پهچايو آهي. ترجمان موجب نيب جي ايگزيڪيوٽو بورڊ ٽن انويسٽيگيشنز (جاچ) جي به منظوري ڏني آهي، جنهن موجب خوراڪ کاتي جي اڳوڻي وزير نثار کهڙو ۽ ٻين خلاف به جاچ جي منظوري ڏني وئي آهي، ان کانسواءِ ايگزيڪيوٽو بورڊ 15 انڪوائريز جي به منظوري ڏني وئي آهي، جڏهن ته سنڌ اسيمبلي جي اسپيڪر آغا سراج دُراني ۽ اڳوڻي ايم پي اي عبدالرئوف کوسو خلاف انڪوائريز جي منظوري ڏني وئي آهي. اُن کانسواءِ سنڌ روشن منصوبي جي عملدارن ۽ نوشهروفيروز روينيو کاتي جي عبدالحق سوڌو ٻين آفيسرز خلاف به انڪوائري شروع ڪرڻ جي منظوري ڏني وئي آهي. نيب جي پڌرائي ۾ چيو ويو آهي ته اپوزيشن ليڊر شهباز شريف، بليغ الرحمان ۽ ن ليگ ايم اين راڻا ثناءُ الله خلاف وڌيڪ انڪوائريز جي به منظوري ڏني وئي آهي.

 

ماڪڙ مان جان ڇڏائڻ کان لاچاري ظاهر، ڪمند جا اگهه پنجاب کان وڌيڪ مقرر ڪيڻ جي هام

ڪراچي (اسٽاف رپورٽر) زراعت کاتي جي وزير اسماعيل راهو ماڪڙ هٿان فصل ناس ٿيڻ جو اعتراف ڪندي ماڪڙ مان جان ڇڏائڻ کان لاچاري ظاهر ڪري ڇڏي. اسماعيل راهو چيو آهي ته سروي کانپوءِ نقصان جي معاوضي جي سفارش ڪئي ويندي، وفاقي سرڪار هڪڙو جهاز ڏنو، اُن جو به رڳو تيل ختم ٿي وڃي ٿو.اسپيڪر آغا سراج دراني جي صدارت هيٺ سنڌ اسيمبلي جي اجلاس دوران ڪمند جا اگهه اڃا تائين مقرر نه ٿيڻ ۽ صوبي ۾ ماڪڙ مار اسپري مهم شروع نه ٿيڻ بابت سوال پُڇيا ويا، جِن جا جواب ڏيندي زراعت کاتي جي صوبائي وزير اسماعيل راهو دعويٰ ڪئي ته سنڌ سرڪار پنجاب جي ڀيٽ ۾ ڪمند جا وڌيڪ اگهه مقرر ڪندي، ڪمند جا اگهه سنڌ ڪابينا جي اجلاس ۾ مقرر ڪيا ويندا. سندس چوڻ هو ته گذريل سال ڪمند جو في مڻ اگهه 182 رُپيا مقرر ڪيو ويو هو. عارف مصطفيٰ جو چوڻ هو ته ڇاڪاڻ ته سنڌ ۾ عوامي حڪومت آهي، تنهن ڪري ڪمند جو في مڻ اگهه اڍائي سئو رُپيا مقرر ڪيو وڃي. جي ڊي اي ايم پي اي نصرت سحر عباسي جي سوال تي جواب ڏيندي صوبائي وزير اسماعيل راهو چيو ته ماڪڙ مار اسپري جي حوالي سان وفاقي سرڪار کي ڪيترائي ڀيرا خط لکيا،جڏهن ته فيڊرل پلانٽ پروٽيڪشن وارن کان به 2 ايئر ڪرافت گهريا. هن چيو ته سنڌ ۾ ماڪڙ مار اسپري لاءِ رڳو هڪڙو ايئر ڪرافٽ موڪليو ويو، اُن جو به تيل ختم ٿي وڃي ٿو، ڪڏهن وري دوائون ختم ٿي وڃن ٿيون، جِن دوائن سان اسپري ٿي رهيو آهي، اهي ماڪڙ کي مارڻ نه پر ڀڄائڻ واريون آهن. سنڌ اسيمبلي جي اجلاس ۾ صوبائي وزير اسماعيل راهو دعوي ڪئي ته وفاقي سرڪار طرفان جهازن جي ڀاڙي لاءِ هڪ ڪروڙ رُپيا گهريا ويا، اُهي به ڏئي ڇڏيا، وري چيو ويو ته دوائن لاءِ پئسا نه آهن، ڊسمبر جي آخر ۾ گرانٽ جاري ٿيندي، سنڌ حڪومت پئسا ڏيڻ جي آڇ ڪري چڪي آهي. زراعت کاتي جي صوبائي وزير سنڌ اسيمبلي ۾ اعتراف ڪيو ته نومبر مهيني ۾ ماڪڙ فصلن کي تمام گهڻو نقصان پهچايو آهي، جڏهن ته آڪٽوبر ۽ اُن کان اڳ گهڻو نقصان نه ٿيو هو. هُن چيو ته ماڪڙ سبب فصلن کي ٿيل نقصان جي سروي ڪرائڻ جو فيصلو ڪيو ويو آهي، اُن کانپوءِ متاثرن کي معاوضو ڏيڻ جي سفارش ڪئي ويندي.

 

سڄي ملڪ ۾ ڊينگي پکڙجي ويو آهي، هن و وقت تائين ڊينگي جا 52 هزار 476 ڪيس رپورٽ ٿيا: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه ڊينگي ڪنٽرول پروگرام جي انتظاميا کي هدايت ڪئي آهي ته هو تحقيق تي ٻڌل ڪم شروع ڪري ته جيئن غير محفوظ علائقن ۾ حفاظتي اُپاءُ ورتا وڃن. هن چيو ته صورتحال کي ڪنٽرول ڪرڻ لاءِ فقط اسپتال جي رپورٽس جي بنياد تي ڊيٽا گڏ ڪرڻ ئي ڪافي نه آهي بلڪه اسان کي اهو ڏسڻو آهي ته گذريل سال ڪيترا علائقا متاثر ٿيا هئا ته جيئن لاڳاپيل کاتن سميت بلدياتي ادارا ۽ صحت کاتو اتي ڊينگي سيزن شروع ٿيڻ سان پهرين حفاظتي اُپائن بابت ڄاڻ ڏئي سگهن. هن اها ڳالهه اڄ وزيراعليٰ هائوس ۾ پري وينشن اينڊ ڪنٽرول پروگرام فار ڊينگي (پي سي ڊي پي) بابت ڪوٺايل اجلاس جي صدارت ڪندي ڪئي. اجلاس ۾ چيف سيڪريٽري سيد ممتاز علي شاهه، صوبائي وزير صحت ڊاڪٽر عذره پيچوهو، صوبائي وزير بلديات ناصر حسين شاهه، وڏي وزير جو پرنسپل سيڪريٽري ساجد جمال ابڙو، سيڪريٽري بلديات روشن شيخ، پري وينشن اينڊ ڪنٽرول آف ڊينگي پروگرام مينجر ڊاڪٽر محمود اقبال ۽ ٻين شرڪت ڪئي. وڏي وزير چيو ته ڊينگي ڪنٽرول پروگرام بابت ماڻهن جو چوڻ آهي ته اهو هڪ روٽين پروگرام آهي ۽ ان منجهان ڪوبه تاثر يا فائدو نه ورندو. هن چيو ته اوهان کي گهرجي ته اوهان حقيقت تي ٻڌل ڊيٽا گڏ ڪريو فقط اسپتالن مان نه پر ليبارٽرين منجهان به گڏ ڪريو ته جيئن متاثر ٿيندڙ ماڻهن جي اصل انگ بابت ڄاڻ ملي سگهي ۽ خبر هجڻ گهرجي ته هلندڙ مهيني/سال ۾ ڪهڙا علائقا متاثر ٿيا ۽ گذريل سال ڪيترا ماڻهو متاثر ٿيا آهن ۽ هلندڙ سال ان جي انگ ۾ ڪيترو فرق آيو آهي. هن چيو ته صورتحال کي منهن ڏيڻ لاءِ سائينٽيفڪ طريقو اپنائڻ جي ضرورت آهي. مراد علي شاهه ڊينگي پروگرام ٽيم کي هدايت ڪئي ته هو گذريل سال ۽ هلندڙ سال جي متاثر ٿيندڙ علائقن جا نقشا تيار ڪن ۽ گذريل سال ورتل اُپائن جي اسٽڊي ڪندي کين نتيجن جو جائرو ورتو وڃي ۽ پوءِ ڪمزورين/اوڻائين جيڪڏهن هجن ته انهن جي نشاندهي ڪئي وڃي. هن چيو ته اوهان پنهنجي رهنمائي لاءِ ميڊيڪل يونيورسٽيز کي تحقيقي ڪم لاءِ چئي سگهو ٿا. مراد علي شاهه ڊينگي ڪنٽرول پروگرام کي اها پڻ هدايت ڪئي ته هو لاڳاپيل کاتن سميت ڪمشنرن ۽ ڊپٽي ڪمشنرن کي ڊينگي مڇرن جي واڌويجهه واري عرصي بابت ڄاڻ ڏني وڃي ته جيئن لاڳاپيل ادارا حفاظتي انتظامات ڪري سگهن. وڏي وزير کي ٻڌايو ويو ته ملڪ جا سڀئي صوبا ڊينگي انفيڪشن وگهي متاثر ٿيا آهن. مجموعي طور پهرين ڊسمبر 2019 تائين 52476 ڪيس رپورٽ ٿيا جنهن ۾ 13283 ڪيس اسلام آباد، 10051 پنجاب، 15521 سنڌ، 7080 ڪي پي ڪي، 3386 بلوچستان ۽ 1690 آزاد ڪشمير ۾ رپورٽ ٿيا آهن. صوبائي وزير صحت ڊاڪٽر عذرا پيچوهو وڏي وزير کي ٻڌايو ته شهر جي وڌيڪ متاثر ٿيندڙ علائقن ۾ ضلع ڏکڻ، شرقي ۽ ڪورنگي شامل آهن. فقط 1085 ڪيس صوبي جي ٻين ضلعن مان رپورٽ ٿيا آهن جنهن ۾ وڌيڪ حيدرآباد، عمرڪوٽ ۽ ميرپورخاص مان آهن. وڏي وزير کي ٻڌايو ويو ته 2019 ۾ مجموعي طور 43 فوتگين جي رپورٽ ٿي آهي جنهن ۾ 37 نجي اسپتالن ۽ 6 سرڪاري اسپتالن ۾ ٿيا آهن. فوتگين جو ڪارڻ ڊينگي هميورهيجڪ، بخار ، ڊينگي شاڪ وغيره شامل آهن. واضح رهي ته ڊينگي انفيڪشن ۾ واڌ سيپٽمبر 2019 کان ٿيو آهي جيڪو شديد برساتن، هوا ۾ وڌيڪ آلاڻ ۽ ٽيمپريچر ۽ سالڊ ويسٽ مسئلن جي ڊسپوزل سبب ٿيو آهي. جنهن تي وڏي وزير چيو ته ڪيترائي ملڪ آهن جتي لڳاتار برساتون ٿين ٿيون پر اتي اهڙي طرح جا ڪيس رپورٽ نه ٿيندا آهن. هن ڊينگي پري وينشن اينڊ ڪنٽرول پروگرام جي ٽيم کي چيو ته آئون چاهيان ٿو ته اوهان حل کي تلاش ڪريو ۽ پنهنجن ماهرن، تحقيق ۽ محنت ذريعي حفاظتي اُپائن کي يقيني بڻايو. پروگرام مينيجر پنهنجي رپورٽ ڏيندي چيو ته 3056 ڪيسن منجهان 2697 يا 88 سيڪڙن جو علاج ڪري انهن کين گهر اماڻيو ويو آهي. 2233493 ميٽر ايراضي ۾ فيوميگيٽڊ/ڦوهارو ڪيو ويو آهي. 11925 ڪمرن م به اسپري ڪيو ويو آهي. 1547 مريضن کي ايل ايل آئي اين نيٽ ڏني وئي آهي. 13495 ڪرم ڪش سرگرميون ڏنيون ويون آهن ۽ ڄاڻ مهم هلندڙ آهي.صورتحال بابت اپ ڊيٽ ڏيندي ڊاڪٽر محمود اقبال چيو ته ڪراچي جو هفتي جي بنياد تي ڊيٽا اهو ظاهر ڪندو آهي ته سيپٽمبر 2019 جي پهرين هفتي ۾ 152 ڪيس رپورٽ ٿيا جنهن ۾ وڌاءُ ٿيندو رهيو ۽ اهو تعداد آڪٽوبر 2019 جي چوٿين هفتي ۾ 2470 تائين پهچي ويو. هن چيو ته نومبر جي پهرين هفتي کان ڪيسن ۾ گهٽتائي اچڻ شروع ٿي آهي جڏهن 1313 ڪيس رپورٽ ٿيا هئا جيڪي وڌيڪ گهٽجي ويا هئا ايتريقدر جو نومبر جي آخري هفتي ۾ 809 ڪيس باقي بچيا

 

دادو جي ٻارڙي گل سما بابت خبر حڪومت کي ميڊيا ذريعي پئي آهي ۽ ان حوالي سان ڪنهن به شڪايت نه ڪئي هئي: سعيد غني

ڪراچي (اين اين آءِ) سنڌ جي اطلاعات واري وزير سعيد غني چيو آهي ته دادو جي نينگري گل سما بابت خبر حڪومت کي ميڊيا ذريعي پئي ۽ ان حوالي سان ڪنهن به شڪايت نه ڪئي هئي، اڱاري تي سنڌ اسيمبلي جي ڪارروائي وقت هن ايوان کي ٻڌايو ته ڇوڪري کي سنگسار ڪرڻ جا ڪي به پڪا ثبوت نه مليا آهن، مڪمل طرح ڇنڊ ڇاڻ ڪئي پئي وڃي ۽ جيڪو ٿيو اهو ڪنداسين، هن چيو ته گل سما جي قبر ڪشائي ۽ پوسٽ مارٽم جي ڪارروائي ٿيندي، هن ايوان کي ٻڌايو ته ڊفينس جي علائقي مان اغوا ٿيل دعا منگي جي والد نثار منگي سان رابطو ٿيو آهي، پوليس کي ڪجهه ثبوت مليا آهن جن جي روشني ۾ جاچ اڳتي وڌي رهي آهي، جيڪڏهن وفاقي حڪومت کان مدد جي ضرورت پئي ته ضرور وٺنداسين، جنهن کانپوءِ اجلاس اربع تائين ملتوي ڪيو ويو، واضح رهي ته اڱاري تي پرائيويٽ ميمبر ڊي جي باوجود ايوان اڌ کان گهڻو خالي رهيو جنهن تي اسپيڪر ميمبرن کي ڇنڊ پٽي ته جيڪڏهن ايندڙ اجلاس ۾ ائين ٿيو ته اجلاس ملتوي ڪري ڇڏيندس.