تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Category Archives: سنڌ

ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير

راڻيپور /خيرپور(ويب ڊيسڪ) سنڌ جي وڏي وزير سيد مراد علي شاهه چيو آهي ته سنڌ حڪومت کي جي حضور ڪندڙ نه پر عوام جي خدمتن ۽ صوبي ۾ امن و امان برقرار رکڻ وارو آفيسر گهرجي. خيرپور ۾ ميڊيا سان ڳالهائيندي سنڌ جي وڏي وزير سيد مراد علي شاهه چيو ته پوليس ڪيتريون ئي قربانيون ڏنيون آهن ۽ انهن قربانين کي رائيگان نه وڃڻ گهرجي، هن صوبي جي چونڊيل سياسي حڪومت جون پاليسيون ماڻهن جي بهتري جي لاءِ ئي هونديون ڇو ته اسان عوام جا نمائندا آهيون ۽ پوليس آفيسر انهن جا خادم آهن. راڻي پور ۾ هڪ ڪروڙ جي ڌاڙي ۽ بدامني جي حوالي سان سوال تي هن چيو ته پوليس جي ڪري راڻي پور سميت ڪجهه ضلعن ۾ بدامني جو ماحول پيدا ٿيو آهي ۽ ان بدامني جي ماحول جي ڪري ئي ڪابينا گڏيل طور تي فيصلو ڪيو هو ته ان جو حل اِهو ئي آهي ته آءِ جي سنڌ کي تبديل ڪيو وڃي. سندس چوڻ هو ته پوليس صوبي ۽ ملڪ ۾ امن امان جي قيام جي لاءِ جيڪي جانيون ڏنيون آهن، انهن کي اسان ڪجهه نااهل آفيسرن جي ڪري رائيگان نه وڃڻ ڏينداسين. هڪ سوال جي جواب ۾ وڏي وزير چيو ته اسان کي جي حضوري ڪندڙ ماڻهو نه پر اُهو ماڻهو گهرجي جيڪو صوبي ۾ امن امان برقرار رکي سگهي ۽ صوبي جي عوام جي خدمت ڪري سگهي ڇو ته هو خادم آهي. هن چيو ته جيڪڏهن نااهل آفيسرن کي بچايو ويندو ته بدامني جي صورحال پيدا ٿيندي ۽ جيڪڏهن نااهل آفيسر پنهنجي نااهلي لڪائڻ جي لاءِ عوامي نمائندن تي ڪوڙا الزام هڻندا ته اِها عوام جي تذليل آهي. سندس وڌيڪ چوڻ هو ته اسان عوامي نمائندا آهيون، عوام جي بهتري کي نظر ۾ رکندي پاليسي آڻيندا آهيون ۽ ان پاليسي تي هر سرڪاري ملازم ۽ خادم کي عمل ڪرڻو پوندو.  سنڌ جو وڏو وزير سيد مراد علي شاھ راڻيپور پهچي ويو، ايم اين اي سيد فضل علي شاھ، ايم پي اي سيد احمد رضا شاھ جي سئوٽ درگاھ غوثيه دستگير جي اڳوڻي گادي نشين مرحوم پير غلام غوث شاھ جيلاني جي وفات تي تعزيت ڪئي، ميڊيا سان ڳالهائيندي وڏي وزير چيو ته وفاق جي نااهلي سبب ملڪ ۾ اٽي جو بحران پيدا ٿيو آھي، ڪڻڪ افغانستان اسمگل ڪري هٿ سان بحران پيدا ڪيو ويو آهي، غريب عوام جي مٿان اٽي جو بحران پيدا ڪري مهانگائي جو جبل ڪيرايو ويو آهي، مراد علي شاهه چيو ته سنڌ ۾ تعليم بهتر آھي، اسان والدين به آھيون، ڪاپي ڪلچر کي ختم ڪرڻ لاءِ اپاءُ وٺي رهيا آھيون، تعليمي بورڊن تي نظرثاني ڪري رهيا آھيون، ڪرپشن يا مارڪس جي لاءِ ڪي ثبوت مليا ته انشاءَ الله ڪاروائي ڪنداسين، بلدياتي چونڊون وقت تي ٿينديون، خيرپور سوڌو پوري سنڌ ۾ امن امان جي صورتحال بهتر آهي.

 

جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس

ڪراچي (اسٽاف رپورٽر) دعا ڀٽو خلاف جاچ جي سلسلي ۾ ايف آءِ اي جي ٽيم کي سنڌ اسيمبلي گهرائڻ وارو عمل پي ٽي آءِ کي ڳچيءَ ۾ پئجي ويو. سنڌ اسيمبلي جي اسپيڪر آغا سراج دُراني معاملي جو نوٽيس وٺندي ڪاوڙ ظاهر ڪئي آهي ۽ پُڇيو آهي ته جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟ اسپيڪر آغا سراج دُراني پُڇيو آهي ته دعا ڀٽو ۽ حليم عادل شيخ جاچ ٽيم جي آفيسرز کي ڪنهن جي اجازت سان اسيمبلي گهرايو؟ اهڙي عمل خلاف سنڌ اسيمبلي جي ضابطن پٽاندڙ سخت ايڪشن کنيو ويندو، جِن ميمبرز ايف آءِ اي ۾ بيان رڪارڊ ڪرايو، اُنهن کي شوڪاز نوٽيس جاري ڪري پُڇاڻو ڪيو ويندو. آغا سراج دُراني چيو آهي ته جاچ آفيسرز کي اسيمبلي گهرائڻ کان اڳ نه اسپيڪر کان اجازت ورتي وئي ۽ نه ئي وري ڄاڻ ڏني وئي، ڪنهن به جاچ اداري جا آفيسرز ڪنهن ميمبرز خلاف جاچ جي سلسلي ۾ اسپيڪر جي اجازت کانسواءِ اسيمبلي نٿا اچي سگهن. پ پ سينيٽر روبينا خالد ايف آءِ اي کي شڪايت ڪئي هئي ته دعا ڀٽو جعلي آءِ ڊيز تي سندس ڪردار ڪُشي ڪري رهي آهي. پي ٽي آءِ ايم پي اي ايف آءِ اي جي ٽيم آڏو پيش ٿيڻ بدران جاچ آفيسرز کي سنڌاسيمبلي گهرايو، جتي هُن 20 جعلي آءِ ڊيز واري مامري تي بيان رڪارڊ ڪرايو. اُن وقت پي ٽي آءِ ايم پي اي حليم عادل شيخ به موجود هو.

 

 

آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي

اسلام آباد (اين اين آءِ) آءِ جي سنڌ جي تڪرار ۾ اهم اڳڀرائي ٿي آهي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي، ذريعن موجب وفاقي ڪابينا جي منظوري کانپوءِ آءِ جي سنڌ جي بدلي ٿيندي، وزيراعظم جي آفيس ان حوالي سان اسٽبلشمينٽ ڊويزن کي سمري تيار ڪرڻ جي هدايت ڪري ڇڏي آهي، ذريعن موجب وزيراعظم آفيس هدايت ڪئي آهي ته سنڌ حڪومت جي تجويز ڪيل نالن تي ٻڌل سمري موڪلي وڃي، آءِ جي سنڌ جي بدلي جو معاملو وفاقي ڪابينا ڏسندي، اسٽبلشمينٽ ڊويزن آءِ جي سنڌ جي مقرري ۽ بدلي لاءِ سمري تيار ڪئي آهي، سنڌ حڪومت پاران ڏنل نالا شامل ڪري وزيراعظم هائوس ڏانهن موڪليا ويا آهن، انعام غني، ثناءُ الله عباسي، غلام قادر ٿيٻو، ڪامران فضل ۽ مشتاق مهر جا نالا سمري ۾ شامل آهن، ثناءُ الله عباسي پهرين جنوري تي آءِ جي ڪي پي ڪي مقرر ڪيو ويو آهي تنهنڪري ان جي 21 ڏينهن کانپوءِ آءِ جي سنڌ طور بدلي ممڪن ناهي، ذريعن موجب آءِ جي سنڌ لاءِ انعام غني جي نالي تي غور ڪيو پيو وڃي جيڪو موجوده ايڊيشنل آءِ جي پنجاب آهي، وفاق مشتاق مهر جي نالي تي به سنجينده آهي، ذريعن ٻڌايو ته سنڌ هاءِ ڪورٽ ۾ آءِ جي ڪيس جو درخواست گذار جبران ناصر به ان حوالي سان متحرڪ آهي جنهن جي وڪيل وفاق ۽ سنڌ کي خط لکيو آهي جنهن ۾ معاملو سنڌ هاءِ ڪورٽ ۾ هجڻ جي يادگيري ڏياري آهي، وفاق سنڌ حڪومت جي نموني معاملو ڪابينا ۾ آڻڻ جو فيصلو ڪيو آهي، سنڌ حڪومت ڪليم امام جي بدلي جي منظوري ڪابينا کان ورتي هئي، اسٽبلشمينٽ ڊويزن جي ذريعن موجب ان معاملي تي اسٽبلشمينٽ ڊويزن ۽ وزيراعظم آفيس رابطي ۾ آهي.

 

آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

عمرڪوٽ (د.ر)  سروي جماعت جي روحاني رهبر ۽ پي پي ايم اين اي مخدوم جميل الزمان ، سنڌ اسميبلي اسپيڪر آغا سراج دوراني ، اطلاعات کاتي جي صوبائي وزير سعيد غني ، صوبائي وزير هري رام ڪشوري لال پاران ڳوٺ کاروڙو سيد پهچي اڳواڻي صوبائي وزير سيد حاجي علي مردان شاهه جي وفات تي ان جي ڀاءٌ ڊاڪٽر سيد نور علي شاهه ، فرزند سيد امير علي شاهه ۽ صوبائي وزير سيد سردار علي شاهه سان تعزيت ڪئي ۽ دعا مغفرت ڪئي ، ان موقعي تي ميڊيا سان ڳالهائيندي صوبائي وزير سعيد غني چيو ته سيد علي مردان شاهه پيپلزپارٽي جي هڪ سنئير اڳواڻ ۽ پارٽي ۾ هڪ وڏو اثاثي جي اهميت جو حامل هويو ۽ پارٽي ۾ ان جي خدمتن کي هميشه ياد رکيو ويندو ، هن چيو ته 39 سال پارٽي جي بي لوث خدمت ڪئي ۽ پارٽي کي مضبوط ۽ منظم رکيو ، ان جي اوڇتي وڇوڙي تي  ان جي خال کي ڪڏهن به  ڀري نٿو سگهجي ، ان موقعي تي هن صحافين جي سوالن جا جواب ڏيندي چيو ته سرڪاري آفيسر ۽ ملازم جي بدلي نوڪري جو حصو آهي ۽ پنجاب ۾ 05 دفعا آئي جي ، ڪي پي ڪي ۾ 04 دفعا ۽ اسلام آباد ۾ 03 دفعا آئي جي تبديلي ٿي چڪي آهي پر حڪومت سنڌ 16 مهنين کانپوءِ آئي جي جي تبديلي جي لاءِ سنڌ ڪابينه ۾ منظوري ورتي ۽ ڪابينه آئي جي جي ڪارڪردگي ۽ ان جي اختيارن جو ناجائيز استعمال تي عدم اعتمادي ظاهر ڪئي ۽ آئي جي حڪومت سنڌ کان ڪنهن به قسم جو تعاون نٿو ڪري، صحافين جي هڪ ٻئي ڪيل سوال جي جواب ۾ چيو ته ڪنهن به صوبي جي آئي جي کي تبديل ڪرڻ جي لاءِ وفاقي ڪابينه مان منظوري نه ورتي وئي پر سنڌ ۾ جي آئي جي جي تبديلي جي لاءِ وفاقي ڪابينه ۾ منظوري ورتي پئي وڃي ، صحافين پاران ڪيل اٽي جي قلت جي جواب ۾ چيو ته اٽي جي قلت صوبي سنڌ ۾ نه پر سڄي ملڪ ۾ هئي ۽ ان صورتحال ۾ نا جائيز منافع خورن موقعي سان فائدو ورتو ۽ اٽي جا ريٽ وڌيڪ ڪيا جنهن جي ڪري مسئلا پيش ٿيا ۽ خصوصي طور تي جيڪا سنڌ ۾ اٽي جي قلت ٿئي هن جو سبب ٽرانسپورٽرن جي 10 يا 12 ڏينهن جي هڙتال هئي جنهن جي ڪري ڪڻڪ جي قلت پيدا ٿي ، ان موقعي تي ڪڻڪ جي گودامن ۾ ڪڻڪ جو ڪرايو وٺڻ جي  ڇپيل خبر جي جواب ۾ ان خبر جي ترديد ڪندي چيو ته سرڪاري گودامن ۾ ڪڻڪ جو بوريون جو ڪو ڪرايو ادا نه ڪيو ويو آهي ۽ ڪا به خبر هلائڻ کان پهرين کاتي جي سيڪريٽري سان معلومات ورتي وڃي ، ايم ڪيو ايم پاران ڪيل سوال جي جواب ۾ هن چيو ته آزادي سان سياست ڪرڻ هر پارٽي جو بنيادي حق آهي ۽ جيڪا ايم ڪيو ايم جا دفتر ۽ سيڪٽر کولڻ  تي پابندي هئي ان جي وجهه ماضي ۾ ايم ڪيو ايم پاران سرڪاري عمارتن ، اسڪولن ۽ راندين جي گرائونڊ تي پنهنجا ناجائيز دفتر کوليا هئا جيڪا غلط ڪم ۾ استعمال ٿي رهيا هئا پر هاڻ جيڪڏهن انهن جا دفتر کولڻ جي اجازت ملندي ته اها سياست ۽ فلاح و بهبود جي ڪمن ۾ استعمال ڪرڻ جي لاءِ هوندي …

 

ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان

ڪراچي (اسٽاف رپورٽر) ڪراچي ۾ ٽن گڏهن جي منڍين ۽ اوجهه پوليس کي پريشان ڪري ڇڏيو. ڪلفٽن واري علائقي ۾ باقيات هٿ اچڻ کانپوءِ پوليس جاچ شروع ڪري ڇڏي آهي ته گڏهن جو گوشت ڪيڏانهن ويو؟ ڪلفٽن جي لائسنس برانچ ڀرسان ڪچري ۾ گڏهن جون منڍيون ۽ اوجهه هٿ آيا آهن، پوليس جو چوڻ آهي ته ڪچره ڪنڊي ۾ ٽن گڏهن جون منڍيون ۽ اوجهه هٿ آيا، رات دير سان اڻڄاتل ماڻهو مبينا طور ڪُٺل گڏهن جي باقياتي اُڇلي ويا. سائوٿ زون جي پوليس ٽيم پهچي علائقي واسين ۽ رهواسين کان پُڇاڳاڇا ڪئي. پوليس جو چوڻ آهي ته جاچ ڪئي پئي وڃي ته گڏهن جون منڍيون ۽ اوجهه ڪير اُڇلي ويو آهي، جڏهن ته رهيل گوشت ڪيڏانهن ويو؟

 

 

وفاق سنڌ کي پورو حق نه پيو ڏئي، آءِ جي واري معاملي تي هڪ پيج تي آهيون: وڏو وزير

ڪراچي/عمرڪوٽ (اسٽاف رپورٽر/م.ڊ) سنڌ جي وڏي وزير سيد مراد علي شاهه جي صوبائي وزير سيد علي مردان شاهه جي لاڏاڻي تي کاروڙو پهچي پونيئرن سان تعزيت ڪئي آهي. وڏي وزير مراد علي شاهه سان گڏ صوبائي وزير ناصر شاهه، صوبائي وزير شبير بجاراڻي، صوبائي تيمور ٽالپر، نواب يوسف ٽالپر ۽ اڳواڻ موجود هئا. اُن موقعي تي ميڊيا سان ڳالهائيندي وڏي وزير چيو ته علي مردان شاهه جي لاڏاڻي سان پارٽي کي وڏو نقصان پهتو آهي، علي مردان شاهه منهنجي والد سان گڏ سياست ڪئي، هو اسان جو سينيئر ۽ استاد هو. آءِ جي سنڌ جي معاملي تي ڳالهائيندي وڏي وزير چيو ته آءِ جي معاملي تي هڪ پيج تي آهيون، بدلي ٿيڻ ۾ لازمي ٽائيم لڳي ٿو، انشاءَ الله ڪجهه ڏينهن ۾ مسئلو حل ٿي ويندو. هڪ سوال جي جواب ۾ وفاقي حڪومت سان اختلاف آهن، خاص ڪري اِنهي معاملي تي ته جيترو هصو ٻين صوبن کي ملي ٿو، اُهو سنڌ کي به ملڻ گهرجي، ملڪ ۾ ٻيون ڀيرو اٽي جو بحران ٿيو آهي. پهرين نواز شريف دور ۾ ٿيو، تڏهن به ڪڻڪ ايڪسپورٽ ڪئي وئي، هن وقت عمران خان افغانستان کي امداد ڏئي بحران پيدا ڪيو آهي. پاسڪو کان ڪڻڪ خريد ڪئي آهي، ٽرانسپورٽ جي ڪري مسئلو پيدا ٿيو آهي، هڪ ٻن ڏينهن ۾ مسئلو حل ٿي ويندو. وڏي وزير مراد علي شاھ چيو ته ٿر ڪول تي سنڌ حڪومت ڪامياب پلاننگ سان ڪم ڪيو آھي، ايندڙ 10-15 سالن دوران ٿر جي قسمت ئي تبديل ٿي ويندي، ٿر ڪول مان ملندڙ بجلي ۽ فائدن سان ٿر سنڌ سميت دنيا جو اھم خطو بڻجي ويو آھي، اھي ڪوششون اسان جي حڪومت ورتيون آھن، گئس جي معاملن سميت مختلف اشوز تي سنڌ حڪومت ۽ وفاق وچ ۾ ڪافي معاملن تي اعتراض ۽ خدشا آهن، ماڪڙ خلاف آپريشن پهرين سنڌ حڪومت ڪيو، پر ان جو ڪنٽرول وفاقي حڪومت وٽ هو، وفاق پيپلزپارٽي خلاف ڪوئليشن ٺاهيو آهي، اميد آهي ته سيوهڻ ۾ ڇوڪري سان زيادتي واري معاملي تي چيف جسٽس متاثر ڇوڪري کي انصاف ڏياريندو.  ٻئي طرف  ڪڻڪ ڪرائسس سنڌ ڪابينا 14 لک ٽن ڪڻڪ خريد ڪرڻ جو ٽارگيٽ مقرر ڪري ڇڏيو وزير خوراڪ، بلديات واري صوبائي وزير، زراعت کاتي واري وزير تي لاڳاپيل ڪميٽي پروڪيورمينٽ جو طريقيڪار بڻائيندي ۽ 10 ڏينهن جي اندر پنهنجي رپورٽ ڏيندي. ڪميٽي قائم ڪرڻ جو مقصد ننڍن هارين کان خريداري ڪرڻ آهي.وزير اعليٰ سنڌ سيد مراد علي شاھ ڪابينا جي اجلاس ۾ فيصلو، سنڌ جي اطلاعات ۽ محنت واري صوبائي وزير سعيد غني صوبائي ڪابينا ۾ ڪيل فيصلن جا تفصيل ٻڌائيندي چيو ته وزير اعليٰ سنڌ سيد مراد علي شاھ جي صدارت هيٺ ڪابينا جو اجلاس منعقد ٿيو جنهن ۾ سڀ کان پهرين مرحوم ايم پي اي سيد مردان شاھ جي مغفرت لاءِ دعا ڪئي وئي جنهن کان پوءِ ڪابينا جي گذريل اجلاس جي منٽس جي منظوري ڏني وئي. اجلاس ۾ سنڌ هزار دئوس ( سليڪان) رولز 2018 جي ڊرافٽ تي بحث ڪيو ويو. وزير محنت سعيد غني ۽ سيڪريٽري رشيد سولنگي ان حوالي سان ميمبرن کي آگاهي فراهم ڪئي قانون ۾ مختلف وضاحتون ڏنيون ويون. جن رولز ۾ سرٽيفائي سرجن، انسپيڪٽر فيڪٽريز، فٽنيس سرٽيفڪيٽ ۽ ٻيا تفصيل شامل آهن. قانون جي تحت فيڪٽري کي پيٽرا گرافڪ ٽيسٽ يا ايڪسري ڊراڪشن( ايڪس آر ڊي) کان هر 12 مهينن ۾ پنهنجو ميٽريل جيڪو هو تيار ڪري رهيا آهن جو ٽيسٽ ڪرائڻو پوندو. فيڪٽري جو ميٽريل جيڪو استعمال ڪيو پيو وڃي ان جا نمونا ڪنهن به وقت انسپيڪٽر ٽيسٽ ڪري سگھي ٿو. سعيد غني چيو ته سنڌ ڪابينا جي اجلاس ۾ گھرن ۾ ڪم ڪندڙ ملازمن بابت قانون تي بحث کان پوءِ ان کي منظور ڪيو ويو رولز ۾ 10 ميمبرن تي مشتمل صوبائي ڪونسل قائم ڪئي وئي ڪونسل هوم بيسڊ ورڪرز جي ميپنگ ڪندي ۽ رولز جي تحت ورڪرز جي رجسٽريشن ٿيندي. ڪابينا سنڌ پروبيشن آف ايمپلائيز آف چلڊرن رولز 2018 به منظور ڪري ورتو رولز ۾ انسپيڪٽر جا اختيار، قانون جي مطابق هر ورڪر کي ٽن ڪلاڪن جي ڪم کان پوءِ بريڪ ڏنو ويندو جڏهن ته ننڍي عمر جي ورڪرز جو عمر جو سرٽيفڪيٽ جاري ڪيو ويندو. هن وڌيڪ ٻڌايو  ته موٽر وهيڪل آرڊيننس 1965 ۾ ترميم جي منظوري به ڏني وئي آهي جنهن جو مقصد موٽر سائيڪل ۾ ٽريڪر لڳائڻ آهي ٽريڪر لڳائڻ جو مقصد موٽر سائيڪل جي چوري روڪڻ آهي موٽر وهيڪل آرڊيننس 1965 جي سيڪشن 89 کان پوءِ هڪ نئون سيڪشن لڳايو ويو آهي ٽريڪر نئين موٽر سائيڪل ۾ لڳائڻ ضروري هوندو ۽ پراڻي بائيڪ ۾ ٽريڪر لڳائڻ مالڪ جي مرضي تي هوندو. باقي سمورين موٽر سائيڪلن ۾ ٽريڪر لڳائڻ لازمي هوندو. ميمبرن کي ٻڌايو ويو ته هن وقت صوبي ۾ 44 لک موٽر سائيڪلون موجود آهن ان حوالي سان ٽرانسپورٽ واري وزير جي سربراهي ۾ ڪابينا ڪميٽي قائم ڪئي وئي جنهن ۾ ايڪسائيز ۽ لوڪل گورنمينٽ وارو صوبائي وزير شامل هوندا. اهو پرپوزل قانون واري کاتي کي ڏيکاريو ويندو ته جيئن سفارشون ڏئي سگھي. هن چيو ته ڪابينا اجلاس ۾ سنڌ اربن اينڊ ريجنل پلان اٿارٽي قائم ڪرڻ تي خيالن جي ڏي وٺ ڪئي وئي اٿارٽي جي حوالي سان بلديات واري صوبائي وزير ناصر حسين شاھ ۽ سيڪريٽري لوڪل گورنمينٽ روشن شيخ پريزنٽيشن ڏني ۽ ٻڌايو ته اٿارٽي جي قيام لاءِ سپريم ڪورٽ هدايتون ڏنيون آهن. تفصيل بريفنگ کان پوءِ ڪابينا اربن اٿارٽي جي قيام جي منظوري ڏني ڪميٽي صوبي جي سمورن شهرن جا ماسٽر پلان بڻائڻ جي مجاز هوندي. سعيد غني وڌيڪ ٻڌايو ته سنڌ ڪابينا دي ڪنسٽي ٽيوشن اينڊ ريگوليشن آف دي سنڌ ڪونسلز يونيفائيڊ گريڊيز (سروسز) رولز 2019 جي منظوري ڏني آهي يونيفائيڊ گريڊز ۾ ايڊمنسٽريشن انجنيئرنگ(سول،ا ليڪٽريڪل ۽ مڪينيڪل)، اڪائونٽس ۽ ميڊيڪل جا ڪيڊر شامل آهن يونيفائيڊ سروس جي ملازمن جي لاءِ پينشن فنڊ قائم ڪيو ويو آهي فنانس ڊپارٽمينٽ هر مهيني 50 ملين روپيا ان جو فنڊ ڏيندو آهي هن وڌيڪ ٻڌايو ته وزير اعليٰ سنڌ سيد مراد علي شاھ ڪابينا اجلاس ۾ لوڪل گورنمينٽ جي ملازمن جي پگهارن جو مسئلو حل ڪرڻ جي هدايت ڪندي چيو ته يوسيز ۾ هڪ لک روپيا ڏيندا هئا ان وقت به پگهار جو مسئلو هو هاڻ يوسي گرانٽ هڪ لک مان وڌائي پنج لک ڪئي وئي آهي پوءِ به پگھارن جو مسئلو آهي ان ڪري اهو سمورو سسٽم ڪمپيوٽرائيڊ ڪيو ويندو هن وڏي پيماني تي لوڪل ڪونسلز جي ملازمن جي پگهارن جي سسٽم جو آڊٽ ۽ خصوصي ٽيم جي ذريعي سمورن لوڪل ڪونسلز جي ملازمن جا فگرز تيار ڪرڻ جي هدايت جي هدايت ڪئي. اطلاعات واري وزير سعيد غني ٻڌايو ته سنڏ رويونيو بورڊ (ايس آر بي) ڪابينا ۾ ٽيڪس ريٽ گھٽ ڪرڻ جي تجويز ڏني جنهن جي مطابق هوٽڪ، موٽل، ڪلبز، ريسٽورينٽس، هيلٿ سينٽرز، ڪاسميٽڪس ۽ پلاسٽڪ سرجري ، فيشن ڊزائن، سلمنگ ڪلنڪس ۽ بيوٽي پارلرز جي خدمتن تي ٽيڪس ريٽ گھٽ ڪرڻ جي تجويز منظور ڪئي وئي اجلاس ۾ فوتي ڪوٽا جي ڪرائيٽريا تي ڳالھ ٻولھ ڪئي وئي ۽ ٻڌايو ويو ته جيڪڏهن ڪنهن جو به والد يا والده نوڪري جي دوران انتقال ٿي وڃي ٿو ته ان جو ٻار 60 ڏينهن جي اندر اپروچ ڪري. اجلاس کي ٻڌايو ويو ته هن وقت فوتي ڪوٽا لاءِ 300 ڪيسز پيا آهن جيڪي ٽائيم تي آهن جنهن تي وزير اعليٰ سنڌ چيو ته مان چاهيان ٿو ته فوتي ڪوٽا تي جلد نوڪري ڏني وڃي ۽ هر هڪ ڊپارٽمينٽ جو انچارج فوتي ڪوٽا ۾ فوري طور تي نوڪري ڏين ڪوٽي جي مسئلي کي به اي سي آر ۾ شامل ڪيو وڃي ان سلسلي ۾ وزير اعليٰ فوتي ڪوٽا جي واضع پاليسي بنائڻ لاءِ چيف سيڪريٽري کي هدايت ڏني آهي. اهو آئٽم ڪميٽي کي موڪليو ويندو ۽ قابل عمل سمجھيو وڃي ڪابينا اجلاس ۾ صوبائي محتسب جي ترميمي بل 2020 تي ڳالھ ٻولھ ڪئي وئي ۽ قانون واري صلاحڪار بئريسٽر مرتضيٰ وهاب ٻڌايو ته اهو بل سنڌ اسيمبلي پاس ڪيو هو پر سنڌ جي گورنر پنهنجا اعتراض لڳائي اهو بل واپس در ڪري ڇڏيو آهي مرڪز ۾ وفاقي محتسب وزير اعظم جي مشاورت سان مقرر ٿيندو آهي پر گورنر محتسب جي تقرر جي اٿارٽي ناهي. اجلاس ۾ گورنر جي اعتراضن تي ڳالھ ٻولھ ڪئي وئي ۽ چيو ويو ته ٽنهين صوبن ۾ صوبائي حڪومتون ئي محتسب مقرر ڪنديون آهن ته سنڌ ۾ به محتسب جو تقرر صوبائي حڪومت ڪندي جنهن کان پوءِ ڪابينا ترميمي بل پاس ڪندي ان کي اسيمبلي موڪلڻ جي منظوري ڏني ۽ گورنر جي اعتراضن کي رد ڪري ڇڏيو. سعيد غني چيو ته ڪابينا اجلاس ۾ ڪڻڪ جي فصل 20-2019 جي خريداري جو ٽارگيٽ ۽ سپورٽ پرائس تي ڳالھ ٻولھ ڪئي وئي اجلاس ۾ سنڌ ڪابينا 14 لک ٽن ڪڻڪ خريد ڪرڻ جو حدف مقرر ڪيو آهي خوراڪ کاتي جي ڪريڊٽ جي حد 138 بلين روپيا آهي ڪابينا سپورٽ پرائس جي آئٽم ئي رد ڪري ڇڏيو جڏهن ته خوراڪ، بلديات، ۽ زراعت واري صوبائي وزير تي لاڳاپيل ڪميٽي قائم ڪئي آهي جيڪا پروڪيورمينٽ جو طريقيڪار بڻائيندي. ڪميٽي قائم ڪرڻ جو مقصد ننڍن آبادگارن کان خريداري ڪرڻ آهي. ڪميٽي 10 ڏينهن ۾ رپورٽ ڏيندي اجلاس ۾ ٻڌايو ويو ته وفاقي حڪومت 1365/40 ڪلو سپورٽ پرائس مقرر ڪري ڇڏيو آهي..

 

اٽي جو بحران ڦرلٽ سبب ٿيو آهي:سنڌ هاءِ ڪورٽ

ڪراچي (اسٽاف رپورٽر) سنڌ هاءِ ڪورٽ اٽي جي بحران تي ڪاوڙ ظاهر ڪندي چيو آهي ته اٽي جو بحران ڦرلٽ سبب ٿيو آهي. عدالت ڪڻڪ چوري ڪيس ۾ جوابدارن جون ضمانت واريون درخواستون سنڌ هاءِ ڪورٽ سرڪٽ بئنچ سکر منتقل ڪري ڇڏيون. سنڌ ۾ سرڪاري ڪڻڪ چوري ڪرڻ واري معاملي تي ٻڌڻيءَ دوران سنڌ هاءِ ڪورٽ جي چيف جسٽس اٽي جي بحران تي ڪاوڙ جو اظهار ڪيو. چيف جسٽس احمد علي شيخ ريمارڪس ڏيندي چيو ته ملڪ ۾ اٽي جو بحران ڦرلٽ جي نتيجي ۾ ٿيو آهي ۽ اهڙا ماڻهو ئي وڏين شخصيتن جي پٺڀرائي تي فائدو وٺندا آهن.
ٻڌڻيءَ دوران نيب پراسيڪيوٽر عدالت کي آگاهي ڏني ته سنڌ جي مختلف ضلعن ۾ ڪڻڪ چوري ٿيڻ جي حوالي سان ريفرنس داخل ڪيو ويو آهي، جوابدارن ڪڻڪ چوري ڪري مارڪيٽ ۾ وڪرو ڪئي هئي. عدالت ڪڻڪ چوري ڪيس ۾ جوابدار انيس الرحمان، موهن لال، ابراهيم ٿهيم ۽ ۽ ٻين جي ضمانت واري درخواست وارو مامرو سنڌ هاءِ ڪورٽ سرڪٽ بئنچ سکر منتقل ڪري ڇڏيو.

 

 

ڪڻڪ جو بحران وفاقي حڪومت جي ڪري پيدا ٿيو،، پي ٽي آءِ جي وزيرن کي سنڌ فوبيا ٿي وئي آهي: ترجمان سنڌ حڪومت

ڪراچي (اسٽاف رپورٽر) سنڌ سرڪار آءِ جي سنڌ جي سول سوسائٽي جي نمائندن سان ملاقاتن تي اعتراض واري ڇڏيا: مرتضيٰ وهاب چيو آهي ته ڪابينا جي فيصلي کانپوءِ آءَ جي ڌڙاڌڙ ملاقاتون ڪري ڇڏيون آهن، آءِ جي واري عهدي کي سياسي ۽ غير تڪراري بڻائڻ کان پاسو ڪيو وڃي. سنڌ اسيمبلي ٻاهران ميڊيا سان ڳالهائيندي صوبائي صلاحڪار مرتضيٰ وهاب چيو ته ڪڻڪ جو بحران وفاقي حڪومت جي ڪري پيدا ٿيو آهي، پر پي ٽي آءِ جي وزيرن کي سنڌ فوبيا ٿي وئي آهي، تنهن ڪري صوبائي حڪومت تي الزام مڙهيا پيا وڃن. جيڪي وزير الزام مڙهي رهياآهن، اُهي ٻڌائين ته پنجاب ۽ ڪي پي ۾ ته پ پ جي حڪومت نه آهي، پوءِ اُتي بحران ڇو ٿيو آهي؟ الزام لڳائيندڙ وزير ٻڌائين ته پرڏيهه ڪڻڪ موڪلڻ جو فيصلو ڪنهن ڪيو هو؟ وفاقي حڪومت ئي اُن جي منظوري ڏني هئي. آءِ جي سنڌ معاملي تي سوالن جا جواب ڏيندي مرتضيٰ وهاب چيو ته ڪليم امام کي هٽائڻ واري معاملي تي ڪوبه بحران نه آهي، صوبائي حڪومت ۽ وفاقي سرڪار لڳاتار رابطن ۾ آهن، جنهن دوران سگهارا صلاح مشورا به ٿين ٿا. صوبائي صلاحڪار چيو ته وزيراعظم عمران خان پرڏيهه ويو آهي، تنهن ڪري آءِ جي سنڌ کي تبديل ڪرڻ ۾ دير ٿي آهي، جيئن ئي وزيراعظم واپس ايندو ته اهو مسئلو به حل ٿي ويندو. هڪ سوال جي جواب ۾ مرتضيٰ وهاب چيو ته آءِ جي سنڌ جي حمايت ۾ ڪراچي ۾ بئنرز لڳي ويا آهن، ڪابينا جي هٽائڻ واري فيصلي کانپوءِ هو ڌڙا ڌڙا ملاقاتون ڪري رهيو آهي، هو سول سوسائٽي جي نمائندن سان به ملاقاتون ڪري پيو. بيورو ڪريسي کي سياسي ملاقاتون ڪرڻ جا اختيار نه آهن، تنهن ڪري ڪليم امام آءِ جي جي عهدي تي سياسي ۽ تڪراري نه بڻائي. آءِ جي کان اها ئي شڪايت هئي ته ملاقاتون ڪرڻ بدران ڏوهن کي ڪنٽرول ڪرڻ ۾ ڌيان ڏئي، آفيسرز سندس ڪنڊڪٽ ۾ نه آهن.

 

 

سنڌ حڪومت نئين آءِ جي سنڌ پوليس لاءِ وڌيڪ 2 نالا وفاقي حڪومت کي اماڻي ڇڏيا ، ثناءُالله عباسي ۽ انعام غني شامل

ڪراچي(م.ڊ) سنڌ حڪومت نئين آءِ جي سنڌ پوليس لاءِ وڌيڪ 2 نالا وفاقي حڪومت کي اماڻي ڇڏيا آهن. مليل ڄاڻ موجب وڏي وزير جي هدايتن تي ايس اينڊ جي اي ڊي پاران اسٽيبلشمينٽ ڊويزن کي موڪليل وڌيڪ ٻن نالن ۾ ثناءُالله عباسي ۽ انعام غني شامل آهن، ثناءَ الله عباسي هن وقت آءِ جي ڪي پي ڪي ۽ انعام غني پنجاب پوليس ۾ ايڊيشنل آءِ جي آپريشن طور پنهنجا فرض سرانجام ڏئي رهيو آهي. واضح رهي ته سنڌ حڪومت نئين آءِ جي لاءِ ٽي نالا اڳ ئي وفاق کي اماڻي چڪي آهي، جن ۾ غلام قادر ٿيٻو، مشتاق مهر ۽ ڪامران فضل شامل آهن. 3 ڏينهن گذري وڃڻ باوجود سنڌ حڪومت طرفان موڪليل ٽنهي نالن مان ڪنهن جو به نوٽيفڪيشن جاري نه ڪرڻ کانپوءِ صوبائي حڪومت وڌيڪ 2 نالا موڪلي ڇڏيا آهن.

 

سنڌ هاءِ ڪورٽ ۾ امتياز شيخ ۽ سعيد غني خلاف جي آءِ ٽي جوڙڻ ۽ نااهل ڪرڻ جي لاءِ آئيني درخواست داخل

ڪراچي (اسٽاف رپورٽر) سنڌ هاءِ ڪورٽ ۾ ٻن صوبائي وزيرن خلاف جي آءِ ٽي جوڙڻ ۽ نااهل ڪرڻ جي لاءِ آئيني درخواست داخل، اهڙي درخواست سول سوسائٽي جي اقبال ڪاظمي داخل ڪئي آهي، داخل درخواست ۾ چيو ويو آهي ته صوبائي وزير سعيد غني ۽ امتياز شيخ ڏوهارين جي سرپرستي ڪري رهيا آهن، ايس ايس پي شڪارپور ڊاڪٽر رضوان رپورٽ ۾ چيو آهي ته امتياز شيخ ڏوهاري قسم جي ماڻهن جو سرپرست آهي، سعيد غني ۽ ان جو ڀاءُ فرحان غني ڏوهاري ۽ منشيات فروشن جي سرپرستي ڪندا آهن، درخواست ۾ اپيل ڪئي وئي آهي ته وڌيڪ جاچ جي لاءِ جي آءِ ٽي جوڙي وڃي، ٻئي وزير صادق ۽ امين به ناهن رهيا، انهن کي نااهل ڪيو وڃي، فرحان غني جو ڏوهارين سان ڳالهه ٻولهه جي سي ڊي آر به موجود آهي، پوليس تي سياسي اثر به استعمال ٿيندو رهيو آهي، ٻنهي وزيرن سان پوليس جا عملدار به ملوث آهن، پوليس عملدار شفقت چانڊيو، رياض، انور شيخ، ڪليم شيخ ۽ ٻيا ملوث آهن.