تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Category Archives: سنڌ

“آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو

ڪراچي(اسٽاف رپورٽر)  سينيٽر رضا رباني سنڌ اسيمبلي بلڊنگ ۾ هڪ وڏي هجوم سان خطاب ڪندي چيو ته وفاقي حڪومت آرٽيڪل 161 جي تحت اين ايف سي ايوارڊ ڏيڻ ۾ ناڪام ٿي چڪي آهي سنڌ کي گيس جا پئسا به فراهم ناهن ڪيا ويا  جنهن سان سنڌ حڪومت مالي طور مشڪلن جو شڪار رهي آهي اگر 18 ترميم کي رول بيڪ ڪيو ويو ته خاص طور ننڍن صوبن جي ڳالهه نه مڃي وئي ته ننڍا صوبا وسيع اتحاد جيڪو حڪومت لاءِ تعزيانو ثابت ٿيندو سنڌ جي عوام کي ڪراچي جي تقسيم جنهن طور قبول ناهي ڪراچي کي الگ ڪرڻ واري سوچ  رکندڙ سياسي اڳواڻ سنڌ جي حالتن کي نظر ۾ رکي وفاقي حڪومت آئين جي پاسداري ڪري 18 هين ترميم هجي يا قاضي عيسي فائز هجي جڏهن به ڪو حق جي خلاف ڳالهائيندو آهي ته ان جي اواز دٻائي ويندي آهي ۽ ان خلاف ريفرنس تيار ڪيو ويندو آهي . سنڌ جي اطلاعات ۽ پورهئي واري کاتي جي صوبائي وزير سعيد غني  ۽ سينيٽر رضا رباني چيو ته سنڌ حڪومت ڪراچي خلاف سازشن جي نئين دور جي سخت مذمت ڪئي آهي اها ڳالهه هن اڄ سنڌ اسيمبلي ۾ پريس ڪانفرنس سان خطاب ڪندي ڪئي سعيد غني ان موقعي تي چيو ته اسان ڪراچي جي خلاف وفاقي حڪومت کي خبردار ڪيو آهي ته سنڌ حڪومت، عوام ۽ انهن جي قيادت سنڌ جي دارالحڪومت خلاف ڪنهن به سازش کي برداشت نه ڪندي سينيٽر رضا رباني چيو ته هڪ وفاقي وزير پنهنجي بيان ۾ چيو ته وفاق آرٽيڪل 149 جي ذريعي ميگا……. ڪراچي جا انتظامي معاملا سنڀالڻ تي غور ڪري رهيو آهي ۽ نيازي ڪراچي کي اسلام آباد مان هلائڻ چاهي ٿو ڪجهه ڏينهن پهريون وفاقي وزير فروغ نسيم بيان ڏنو هو ته مرڪز، ڪراچي جي معاملي تي اسٽريجٽڪ ڪنٽرول تي غور ڪري رهيو آهي ۽ وفاقي وزير وزيراعظم کي سفارش ڪرڻ وڃي رهيو آهي ته هو ڪراچي جي لاءِ آرٽيڪل 149 تي عمل ڪري سينيٽر رضا رباني پريس ڪانفرنس سان خطاب ڪندي چيو ته سنڌ ۾ حڪمران جماعت صوبي سنڌ سان ڪنهن به امتيازي سلوڪ جي سازش کي قبول نه ڪندا هن وفاقي حڪومت کي تنقيد جو نشانو بڻائيندي چيو ته وفاقي حڪومت عوام جو جيئن ازاب ڪري ڇڏيو آهي ۽ روزمره جي ضرورتن جي شين تي هوش اڌائيندڙ واڌ ڪري رهي آهي جنهن سان عوام جا مسئلا انتها جي حد تائين پهچي ويا آهن سعيد غني پريس ڪانفرنس سان خطاب ڪندي چيو ته وفاقي حڪومت عوام کي مهانگائي ۽ بيرزگاري کانسواءِ ڪجهه ناهي ڏنو جنهن ڪارڻ عوام جي معياري زندگي بدترين سطح تائين پهچي وئي آهي. سنڌ جي اطلاعات ۽ پورهئي واري کاتي جي صوبائي وزير ۽ سينيٽر رضا رباني چيو ته اسان اهڙي ڪنهن به تجويز کي واضح طور رد ڪندي ان جي سخت مزمت ڪندا آهيون اهڙي ڪنهن به تجويز سان شهري ۽ ٻهراڙي بنيادن تي تقسيم ۽ تفريق کان علاوه ڪجهه حاصل نه ٿيندو صوبائي وزير سعيد غني چيو ته تحريڪ انصاف جي حڪومت مالي معاشي بحران کانپوءِ آئيني بحران پيدا ڪرڻ جي ڪريل سازش ڪري رهي آهي هن چيو ته فيڊريشن ڪراچي تي ڪنٽرول سنڀالن ۽ وفاقي حڪومت  ۽ ان جي ڪابينا آرٽيڪل 149 جي تحت ملڪ کي خوف ۽ حراس جي ماحول ۾ هلائڻ جي خواهشمند آهي فيدريشن امن امان جي صورتحال ۽ مالياتي معاملا بابت ڪنهن به صوبي کي مشورو ڏئي سگهي ٿي جڏهن ته پي ٽي آئي جي قيادت حڪومت آئيني شق جي تحت سنڌ ۾ ايگزيڪٽو اٿارٽي جو استعمال ڪرڻ چاهي ٿي اطلاعات ۽ پورهئي کاتي جي وزير سعيد غني وڌيڪ چيو ته آرٽيڪل 149 ڪراچي جي مسئلن جو حل ناهي ان عمل کي براه راست غير آئيني مداخلت ۽ صوبائي خود مختياري تي حملو سمجهيو ويندو صوبائي وزير سعيد غني چيو ته آرٽيڪل 149 منتخب سنڌ حڪومت جي خلاف سازش آهي پر اسان کي اميد آهي ته اهڙي ڪابه سازش جلد ختم ٿي دم ٽوڙي ويندي

 

ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي

ڪراچي (اين اين آءِ) ڪراچي ۾ واري، بجري ۽ پٿرن جون ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز کي ڏني ويئي شهر ۾ سيوريج جي مين لائينن مان بجري ۽ پٿر جون ٻوريون نڪرڻجو سلسلو وڌي رهيو آهي جنهن کي روڪڻ لاءِ رينجرز کي حڪم ڏنا ويا جنهن کان پوءِ رينجرز ڪراچي شهر جي مين هولز ۾ بجري جون ٻوريون وجهي بند ڪندڙ اڻڄاتل شرپسندن جي ڳولا ۽ علائقي واسين کان ڄاڻ وٺڻ شروع ڪري ڇڏي مڪمل ثبوت ملڻ کان پوءِ گرفتاريون به ٿينديون سهر جي مختلف علائقن، ملير، ڪورنگي، لانڍي، حسين آباد، سرجاني، ناظم آباد، نيوڪراچي، نارٿ ڪراچي سميت اولڊ ستي ايريا جي اڪثر علائقن مان صفائي وقت بجري سان ڀريل ٻوريون هٿ آيون اهن جيڪي پاڻي کي روڪڻ جو سبب بڻجي رهيون هيون شهر جا ڳچ علائقا ڪني پاڻي جو تلاءُ وارو ڏيک ڏيئي رهيا آهن جڏهن ته جڳهه جڳهه گندي پاڻي شهرين کي عذاب ۾ مبتلا ڪري ڇڏيو آهي ماڊل ملير زون سعودآباد بن داد جي سامون مين هولز مان 10، کوکراپار پي ايس او پيٽرول پمپ جي سامهون مين هولز مان 7 کان وڌيڪ، ماڊل ڪالوني سعيد سپر اسٽور مان 11، ماڊل ڪالوني ڊاخانه مان 10 جڏهن ته جلباڻي ڳوٺ مان اٽڪل 60 ٻوريون سيوريج جي نالن مان هٿ آيون آهن جنهن سان سيوريج لائيون بند ٿي ويون جنهن سان ڪنو پاڻي روڊن رستن ۽ گهٽين ۾ گڏ ٿي رهيو هو ٻئي پاسي وفاقي وزير علي زيدي جي ٽيوٽ ۾ گٽر ۽ نالن مان ٻوريون ڪڍندڙ سينيٽري ورڪز جو پتو لڳايو ويو سينيٽر ورڪز صدر سرافا بازار ۾ سيوريج لائين مان نڪرندر ٻورين سميت بيٺو هو ۽ ان کي جيولرز سيوريج لائون کولڻ لاءِ گهرايو هو وفاقي وزير علي زيدي ڪراچي ۾ سيوريج جي نظام کي برباد ڪرڻ لاءِ گٽرن ۾ ٻوريون وجهڻ جي سازش جو انڪشاف ڪيو هو ۽ اهي تصويرون به ٽوئٽ ڪيون هيون جن ۾ روڊ رستي ڪجهه ماڻهو گٽر مان نڪتل ٻورين سميت بيٺل نظر اچي رهيا هئا وفاقي وزير علي زيدي جيڪا تصوير ٽوئٽ ڪئي ان ۾ جيڪو سينيٽر ورڪر بيٺو آهي اهو رنڇوڙلائين جو رهواسي 22 سالن جو ساجن آهن ساجن جو چوڻ آهي ته هو پنهنجي والد سان ننڍپڻ کان سرافا بازار جي ڪارخانن مان نڪرندڙ گند گڏ ڪري سون جا زرڙا ڪڍندڙن کي وڪرو ڪري ٿو جنهن ۾ سون جا زرا نڪرن ٿا تازين برساتن ۾ علائقو پاڻي هيٺ اچي ويو ۽ سيوريج نظام ڊانواڊول ٿي ويو پريشان سونارن سيوريج جي نظام جي بحالي لاءِ سينيٽري ورڪرز سان رابطو ڪيو ۽ پنهنجي مدد پاڻ تحت سيوريج جي نظام کي بهال ڪيو ان ڪم ۾ حصو وٺندڙ ٻين مزدورن جو چوڻ هو ته سرافا بازار جي ٻين مرڪزي گهٽين مان سيوريج جي نالن مان 150 ٻوري مٽي ۽ گند ڪڍيو ويو ان عمل جي ڪنهن تصوير ٺاهي سوشل ميڊيا تي وجهي ڇڏي ۽ وفاقي وزير بنا تحقيق ۽ تصديق انهن ٻورين کي نالن ۾ وجهڻ جو شڪ ظاهر ڪندي سي سي ٽي وي فوٽيج پوسٽ ڪري ڇڏي هئي.

 

 

بنگلاديش ٺهي ويو، جيڪڏهن ظلم برقرار رهيو ته سنڌو ديش به ٺهي ويندو: بلاول زرداري

حيدرآباد (اين اين آءِ) پ پ پ چيئرمين بلاول ڀٽو زرداري چيو آهي ته ڪراچي تي غيرآئيني قبضي جي ڪوشش ڪئي ته حڪومت کي گهر وڃڻو پوندو حڪم هڪ حد تائين برداشت ٿي سگهي ٿو ڪالهه بنگلاديش چيو هو ته جيڪڏهن ظلم ڪندا رهيا ته سڀاڻي سنڌوديش به ٺهي سگهي ٿو ۽ پختونستان به عمران خان ملڪ ۾ ماڻهن کي سياسي قيدي بڻائي ڇڏيو آهي وفاق ۾ اقتداري ڌرين پاران 18هين ترميم تي حملي جي ڪوشش ڪئي پئي وڃي پر اسان سنڌ ڇا ڪنهن به صوبي جي سازش برادشت نهڪنداسين اڄ مرسون مرسون ڪندڙ سنڌي سياستدان ڪٿي آهن غير جمهوري قوتن کي پيغام ڏيڻ چاهيان ٿو هوش مان ڪم وٺو اسان ڪنهن به صورت ملڪ ٽٽڻ نه ڏينداسين اهڙنخ يالن جو اظهار هن خميس تي حيدرآباد پريس ڪلب ۾ پريس ڪانفرنس کي خطاب ڪندي ڪيو بلاول ڀٽو زرداري چيو ته صوبن جي معاشي قتل جي ڪوشش ڪئي پئي وڃي وفاقي حڪومت پاڻ پنهنجو ٽيڪس جمع نٿي ڪري صوبي جي وسيلن ۾ نظر وڌي پئي وڃي ڪالهه قانون جي وفاقي وزير ڪراچي تي قبضي جو پلان پيش ڪيو جيڪڏهن ڪراچي تي غيرآئيني قبضي جي ڪوشش ڪئي ته حڪومت کي گهر وڃڻُ پوندو هاڻي اسان هن غير جمهوري حڪومت کي هلڻ نه ڏينداسين سنڌ حڪومت تي چئني پاسن کان حملا ٿي رهيا آهن وزيراعطم چوي ٿو ته 18هين ترميم جي ڪري وفاق جو ڏيوالو نڪري رهيو آهي بلاول ڀٽو زرداري چيو ته سنڌ مان گئس سڄي ملڪ کي ڏني وڃي ٿي اوهان ڪراچي تي قبضي جي ڳالهه ڪري ڇا ثابت ڪرڻ چاهيون ٿا هن چيو ته موجوده وزيراعظم پاران مودي جي شروع ۾ آجيان ڪئي ويئي اهو به نه سوچيو ويو ته مودي من موهن سنگهه نه آهي اهو مسلمانن جو قاتل آهي پاڪستان کي مودي کي بينقاب ڪرڻ گهرجي ها جيڪو نه ڪيو ويو بلاول ڀٽو چيو ته مودي جي هٿان گجرات سانحو ٿيو ان جي خلاف سخت موقف رکڻ گهرجي مودي آر ايس ايس جي نطريي تي ڪم ڪري رهيو هو دنيا کي اها ڳالهه ٻڌائڻ گهرجي ها هن سوال ڪيو ته وزيراعظم گڏيل سيشن ۾ والاريل ڪشمير تي تقرير به ناهي ڪئي وزيراعظم عمرانخ ان والاريل ڪشمير تي اهم ڪم ڪهڙو ڪهڙو آهي پ پ پ چيئرمين چيو ته پاڪستان ۾ جمهوريت ۽ انساني حقن جي تحفظ لاءِ صحافي برادري سدائين جدوجهد ڪئي آهي هن وقت اسان جو ملڪ ڏکئي دور مان لنگهي رهيو آهي هن چيو ته اسان هن وقت خطرناڪ صورتحال کي منهن ڏيئي رهيا آهيون ملڪ کي ڊڪٽيٽر شپ ڏانهن ڌڪيو پيو وڃي ملڪ ۾ صحافت تي پابنديون لڳايون پيون وڃن هن چيو ته ميڊيا کي معاشي سطح تي ڄاڻي واڻي ڪمزور ڪيو پيو وڃي ته جيئن غير جمهروي طاقتون عوام جا حق کائينديون رهن اسان کي گڏجي جمهوري ۽ عوامي انساني حقن جو تحفظ ڪرڻُ آهي اسان کي 18هين ترميم جي حفاظت ڪرڻي آهي بلاول چيو ته اسان قربانيون ڏيئي 30 سالن جي جدوجهد کان پوءِ آئين کي بحال ڪرايو شهيد بي بي  ضياءالحق جي سياسي وارثن جي ذهنن ۾ تبديلي آڻڻ لاءِ جدوجهد ڪئي. پ پ پ چيئرمين چيو ته موجوده حڪومت اسانجن صوبن کي به وسيلن کان محروم ڪري رهي آهي اوهان جو آئين اوهان جي قدرتي وسيلن کي تحفظ ڏياري ٿو آئين ۾ درج آهي ته جتي قدرتي وسيلا آهن اتان جي ماڻهن جو پهريون حق آهي هن چيو ته جمهوريت جو سفر زوال ڏانهن وڃي رهيو آهي پ پ پ ادارن جيآزادي تي يقين رکي ٿي پر پاڪستان کي اڄ جمهوريت کان آمريت ڏانهن ڌڪيو پيو وڃي. عوام کي مهانگائي جو بار وڌو ويو آهي. هن چيو ته اين ايف سي جي باوجود صوبن کي وسيلا نه ڏنا ويا پ پ پ قيادت کي بنا جواز جيلن ۾ بند ڪيو ويو آهي هن چيو ته پ پ پ ملڪ جي واحد پارٽي آهي جيڪا اقتدار ۾ اچي عوام کي عوام جا حق فراهم ڪري ٿي.

 

وفاق ناڪامي جو اعتراف ڪري چڪو، آرٽيڪل 149 (4) جو مطلب  گورنر راڄ ناهي: سنڌ حڪومت

ڪراچي(ويب ڊيسڪ) سڌُ سماءَ ۽ محنت بابت صوبائي وزير سعيد غني چيو آهي ته ڪراچي جون حالتون اهڙيون به ناهن جو هتي آرٽيڪل ون فورٽي نائن فور لاڳو ڪيو وڃي، وفاقي حڪومت جي خط جو آئين موجب جواب ڏينداسين، مرتضيٰ وهاب جو چوڻ آهي ته وفاق ڪراچي پيڪيج ڏيڻ جو واعدو پورو ڪري. اِها ڳالهه هن ڪراچي ۾ پريس ڪانفرنس سان خطي کي چئي، ساڻس گڏ صوبائي وزير شهلا رضا، وقار مهدي ۽ راشد رباني به موجود هئا. سعيد غني چيو ته حڪمران آئين جي اختيارات جو غلط استمال ڪري صوبائي حڪومت جو اختيارات ختم ناهن ڪري سگهندا. هنن کي ڪجهه به نه ملندو، وفاقي حڪومت جو خط ايا ته آئين جي موجب جواب ڏينداسين. سندس وڌيڪ چوڻ هو ته ان کان اڳ ڪراچي ٽرانسفارمر ڪميٽي بڻائي وئي ۽ 200 ارب رپين جا منصوبا وزير اعظم جي علم ۾ آندا ويا، مڪاني نظام ۾ ترميم وفاقي حڪومت جو ڪم ناهي جيڪڏهن ائين ڪرڻ جي ڪوشش ڪئي وئي ته اسان سخت مزاحمت ڪنداسين. ان کان سواءِ قانون ۽ ماحوليات واري صوبائي صلاحڪار مرتضيٰ وهاب جو ان حوالي سان چوڻ آهي ته آرٽيڪل 149 (4) جو مطلب  گورنر راڄ ناهي، وفاقي حڪومت اعتراف ڪري چڪي آهي هو ناڪام ٿي وئي آهي. آرٽيڪل 149 (4) جي تحت وفاقي صوبي کي رڳو هدايتون ڏئي سگهن ٿا، اسان جو وفاق کان مطالبو آهي جو ڪراچي پيڪيج جو واعدو ڪيو اُهو ئي ڏئي ڇڏيو، ڪراچي کي رڳو سياست جي لاءِ استعمال ڪيو ويو آهي. يا رهي ته ان کان اڳ سعيد غني چيو هو ته ڊرامو بند ڪيو وڃي، وفاق ڪراچي لاءِ جيترا به منصوبا ٺاهي، ان کي سنڌ حڪومت جي دَر مان گذرڻو پوندو. صحافين سان ڳالهائيندي سعيد غني چيو هو ته ڪجهه ڏينهن اڳ ڪلين ڪراچي مهم شروع ڪئي وئي، جنهن لاءِ چندو گڏ ڪيو ويو پر ان مهم ڪراچي کي وڌيڪ ڪِنو ڪري ڇڏيو، ڪراچي صفائي مهم ڪٿي آهي؟ صفائي ڪرائيندڙ ڪيڏانهن ويا؟ وزيراعظم کي ڪلين ڪراچي مهم جي خبر پئي ته علي زيدي کي برطرف ڪري ڇڏي.

 

گلاب لغاري ڀرسان مسافر بس موٽر سائيڪل سان ٽڪرائجڻ بعد ڪلٽي, نوجوان فوت، عورتن توڙي ٻارن سوڌو 25 کان وڌيڪ مسافر زخمي ٿي پيا.

گلاب لغاري (م.ڊ) گلاب لغاري ڀرسان مسافر بس موٽر سائيڪل سان ٽڪرائجڻ بعد ڪلٽي ٿي پئي، موٽر سائيڪل سوار نوجوان فوت ۽ عورتن توڙي ٻارن سوڌو 25 کان وڌيڪ مسافر زخمي ٿي پيا. شيخ ڀرڪيو مين روڊ تي مسافر بس موٽر سائيڪل سان ٽڪرائجڻ بعد ڪلٽيون کائي ڪري پئي. حادثي جي نتيجي ۾ موٽر سائيڪل سوار فرمان ولد انور رند ٿڏي تي فوت ٿي ويو، جڏهن ته سندس ڀاڄائي قزبانو، نينگر شهباز ۽ صدام رند زخمي ٿي پيا. موٽر سائيڪل سان ٽڪرائجڻ بعد بس ڪلٽي ٿيڻ جي نتيجي ۾ 25 کان وڌيڪ مسافر زخمي ٿي پيا، جِن ۾ مولا بخش چانڊيو، ڪارو چانڊيو، مسمات حرمت، شمشاد، سنيتا، اقرا، ابراهيم، لکاڏنو، راجو، روپو، سورج، فاطمه، جميلا، ياسمين، عليزه، شير محمد، شنڪر، ارُن، زليخان، جواد حسين ۽ ٻيا شامل آهن. حادثي جي زخمين کي پوليس موبائيل ۽ پي پي ايڇ آءِ جي گاڏين ذريعي بي ايڇ او منتقل ڪيو ويو، جتي 6 زخمين جي حالت ڳڻتي جوڳي ٻڌائي وئي آهي.

 

ارشاد رانجهاڻي قتل ڪيس، ڊيوٽي آفيسر رياض حسين عامر جي ضمانت منظور

ڪراچي (اين اين آءِ) سنڌ هاءِ ڪورٽ رحيم شاهه جي فائرنگ ۾ ارشاد رانجهاڻي قتل ڪيس ۾ ڊيوٽِ آفيسر رياض حسين عامر جي ٻن لکن رپين جي مچلڪن عٿيوض ضمانت منظور ڪري جسٽس صلاح الدين پنهوري ۽ جسٽس شمس الدين عباسي تي ٻڌل بئنچ ٻڌڻي ڪئي وڪيل صفائي موقف ڏنو هو ته رياض حسين عامر جو ان وقت زخمي ٿيل ارشاد رانجهاڻي کي پوليس ٽيم جي حوالي ڪرڻ هو مقتول جي وڪيل موقف ڏنو ته پوليس جي غفلت ۽ لاپرواهي سان ارشاد رانجهاڻي قتل ٿيو پوليس اهلڪار به ارشاد رانجهاڻي قتل ۾ برابر جا شريڪ آهن عدالت ڊيوٽي آفيسر عامر رياض جي ضمانت منظور ڪري ورتي عدالت پوليس افيسر جوابدار کي ٻه لک رپين جا مچلڪا جمع ڪرائڻ جو حڪم ڏيئي ڇڏيو.

 

ڪراچي ڪميٽي سنڌ ٽوڙڻ جي سازش قرار، پ پ جو فضل الرحمان جي ڌرڻي ۾ شرڪت نه ڪرڻ جو اعلان

ٿاڻو احمد خان (رپورٽر): پاڪستان پيپلز پارٽي جي چيئرمين بلاول ڀٽو زرداري اڄ ٿاڻو احمد خان ۾ ايم پي اي ملڪ اسد سڪندر سان کيس امڙ جي لاڏاڻي تي تعزيت ڪئي ۽ مرحومه جي مغفرت لاءِ دعا ڪئي. وڏي وزير سيد مراد علي شاهه، قومي ۽ صوبائي اسيمبلي جا ميمبر به ان سان گڏ هئا. ان موقعي تي ميڊيا سان ڳالهائيندي چيئرمين بلاول ڀٽو چيو ته اڄ اسان هتي ايم پي اي ملڪ اسد سڪندر سان کيس امڙ جي لاڏاڻي تي تعزيت ڪرڻ آيا آهيون. هن چيو ته اسان سمجهون ٿا ته پاڪستان پيپلز پارٽي نه فقط هڪ سياسي جماعت آهي پر اها هڪ خاندان جيان آهي. اسان پارٽي جا سمورا ڪارڪن ۽ اميدوار سڀ هڪ خاندان جيان آهيون ۽ هڪ ٻئي جي خوشي ۽ ڏک ۾ شريڪ ٿيندا رهندا آهيون. پاڪستان پيپلز پارٽي هر دور ڏٺو آهي پهرين به اسان سڀني گڏجي آمريڪيت، انتهاپسندي ۽ دهشتگردي جو مقابلو ڪيو آهي. موجوده حڪومت ملڪ جي عوام تي جيڪو ظلم ڪري رهي آهي ۽ اسان جي صوبي جو معاشي قتل ڪري رهيا آهن ۽ نوان نوان جمهوري طريقا اپنائي رهي آهي ۽ جمهوريت تي حملا ڪري رهي آهي جنهن جو اسان سڀ گڏجي مقابلو ڪنداسين. ڪشمير مان ڪرفيو جي خاتمي تي وفاقي حڪومت جي نااهلي بابت پڇيل سوال تي چيئرمين بلاول ڀٽو زرداري چيو ته آئون وزيراعظم پاڪستان جي تقرير ٻڌي نه آهي، پر وزير خارجه شاهه محمود قريشي جي بيان تي نظر وڌي ته خبر پئي ته اسان جي ملڪ جو وزير خارجه چوي ٿو ته جمون ۽ ڪشمير انڊين صوبو يا رياست آهي. هن پنهنجي نانا شهيد ذوالفقار علي ڀٽو جي لفظن کي ورجائيندي ميڊيا کي ٻڌايو ته اوهان کي ياد هوندو ته هڪ ڀيرو اڳواڻي وزيراعظم شهيد ذوالفقار علي ڀٽو عوامي تقرير ڪندي چيو هو ته ”آئون ننڊ ۾ به ڪشمير بابت غلطي نه ٿو ڪري سگهان“ اوهان ڏسي رهيا هوندا ته جڏهن کان هي نالائق ۽ نااهل سليڪٽڊ نمائندا آيا آهن انهن کان غلطي تي غلطي ٿي رهي آهي، اسان سڀ ڪجهه برداشت ڪري سگهون ٿا جيڪو اسان جي ڪٺ پتلي سليڪٽڊ حڪومت اسان جي معيشت سان ڪيو آهي ۽ وڌيڪ ڪري رهي آهي شايد اهو اسان برداشت به ڪري وڃون پر ڪشمير ڪاز تي ڪوبه پاڪستاني اهڙي طرح جي ڪوتاهي برداشت ڪرڻ لاءِ تيار نه آهي. نه اسان ڪنهن قسم جو ڪشمير ڪاز تي سوديبازي کي قبول ڪرڻ لاءِ تيار آهيون. پاڪستان پيپلز پارٽي جي پاليسي واضح رهي آهي. هي سليڪٽڊ حڪومتون اچي ويهاريون وڃن ٿيون جنهن ۾ نه اهليت آهي نه صلاحيت آهي اها ڇا معيشت کي سنڀالي سگهندي. ڪشمير ڪاز يا وري جيڪو به اسان جو نيشنلسٽ آهي اهي به سنڀالي نه ٿا سگهن. انهن ۾ قيادت جي جو معيار نه آهي ته اها ڪاميابي نه ملي سگهي اها هڪ مايوسي جهڙي ڳالهه آهي هڪ تاريخي حملو ٿيو آهي ۽ سڄو جو سڄو ڪشمير جيل ۾ تبديل ٿي ويو آهي. پر اڄ تائين اسان جي ملڪ جي وزيراعظم هڪ دورو به نه ڪيو آهي ڪشميرين جو آواز بڻجڻ جي ڪوشش ئي نه ڪئي. ابتڙ هڪ فرائڊي تي اوهان پنهنجي ملڪ ۾ بيهي ڇا پيغام ڏئي رهيا آهيو؟ جيڪڏهن اسان حڪومت ۾ هجون ها جيڪڏهن ڪابه چونڊيل حڪومت هجي ها ته ان جي ملڪ جو وزيراعظم نه فقط پنهنجو وزيراعظم هجي ها پر ڪشميرين جو وزيراعظم به هجي ها ۽ انهن جو سفير به بڻجي ها. اهو هر جاءِ وڃي ها ڪشميرين جو پيغام کڻي وڃي ها پر اسان جو وزيراعظم نااهل آهي ، بدقسمتي اها آهي ته عوام ان جي نااهلي جو بار کڻي رهي آهي. هڪ ٻئي سوال جي جواب ۾ چيئرمين بلاول ڀٽو چيو ته وزيراعظم جي پروگرام بابت چاڻ نه آهي پر اهو جيڪو به اعلان ڪندو آهي ان تي يوٽرن وٺي ڇڏيندو آهي. اسان ڪجهه چئي نٿا سگهون ته ڪراچي ايندو يا نه ايندو. وزيراعظم سميت کيس سڄي ٽيم فقط فوٽو سيشن ۽ تماشي ڪرڻ ۾ رڌل آهي. گرين ڪراچي مهم برساتن کان اڳ شروع ٿي هئي ان ۾ انهن هڪ جاءِ کان اسان جو ڪچرو کڻي ٻي جاءِ تي رکي ڇڏيو، جنهن جو نقصان برساتن ۾ اسان جي شهرين کي ڀڳڻو پيو. چيئرمين صاحب وڌيڪ چيو ته سنڌ حڪومت وٽ هڪ به صفائي وارو ملازم نه آهي. سنڌ حڪومت لوڪل باڊيز انفراسڪچر ادا ڪرڻا پوندا آهن ڀلي اهو هتي ٽنڊو محمد خان ۾ هجي يا ڪراچي ۾ هجي. پاڪستان پيپلز پارٽي پهرين کان چوندي آئي آهي ته اسان جي صوبي جو جيڪو حصو آهي جيڪو اين ايف سي اسان کي ارڙهين ترميم موجب ملڻو آهي اهو نه پيو ملي جنهن جو نقصان سڄي صوبي کي ٿي رهيو آهي جنهن جو نقصان هر سنڌ جي هر شهر کي ٿي رهيو آهي جنهن جو نقصان لاڙڪاڻي کان وٺي ڪراچي تائين ٿي رهيو آهي. اسان وٽ ريسورسز نه آهن. وسائل نه هجڻ ڪارڻ اسان جي سنڌ حڪومت زوري ڏئي رهي آهي ۽ محنت ڪري رهي آهي ۽ مختلف طريقا اپنائي رهي آهي ته جيئن عوام جا مسئلا حل ڪري سگهجن ۽ انشاء الله پاڪستان پيپلز پارٽي ئي عوام جا مسئلا حل ڪري سگهي ٿي ۽ ڪندي رهندي. هڪ ٻئي سوال جي جواب ۾ بلاول ڀٽو صاحب چيو ته حڪومت جو سڄو دٻاءُ آهي اپوزيشن جماعتن تي . اهي سمجهن ٿا ته اسان جي قيادت کي جيل ۾ وجهي اسان جي ميمبرن  مٿان  مقدما بڻائي بليڪ ميل ڪري سگهجي ٿو پر مون پهرين ڏينهن ڳڙهي خدا بخش ۾ بيهي چيو هو ته ”جيڪو ڪرڻو آهي اوهان ڪريو جنهن کي به جيل ۾ وجهڻو آهي وجهو، پاڪستان پيپلز پارٽي هڪ نظرياتي ااصولن تي هلندڙ پارٽي آهي. اسان پنهنجو موقف ڀلي اهو 18هين ترميم هجي يا اهو رولز اينڊ لاءَ تي هجي اهو اسان نه بدلينداسين ۽ ظلم برداشت ڪرڻ لاءِ تيار آهيون.“  هن چيو ته مولانا فضل الرحمان جو اسلام آباد ۾ احتجاج  آهي، اسان سمجهون ٿا ته مولانا صاحب اهو فيصلو پاڻ ورتو آهي پهرين اعلان پاڻ ڪيو هئانين. جيتري قدر پيپلز پارٽي جو سوال آهي ته اسان جو واضح پاليسي رهي آهي. ان بابت اسلام آباد ۾ ڌرڻو هجي اهو طاهر القادري جو هجي يا وري عمران خان جو هجي يا وري تحريل لبيڪ جو ڌرڻو هجي اسان اپوزيشن ۾ رهياسين انهن ۾ اسان پاڻ شريڪ نه ٿياسين. هن چيو ته مولانا فضل ارلحمان جي سياست ۽ کيس جيڪي مسئلا آهن انهن جو اسان مورال ۽ سياسي سپورٽ ڪنداسين. هن چيو ته مولانا صاحب اسلام آباد وڃي رهيو آهي ته اسان به ان جي مورال سپورٽ ڪنداسين ۽ جيڪو منهنجو عوامي رابطو جيڪو سڄي ملڪ ۾ هوندو اسان ٻنهي جو هڪ ئي بيانيو هوندو ۽ هڪ ئي موقف هوندو ته ڪٺ پتلي يا نااهل وزيراعظم جيڪو ڌاندلي ذريعي هن ملڪ تي مڙهيو ويو آهي جنهن اسان جي ملڪ جي معيشت کي تباهه ڪيو آهي ان اسان جي ڪشمير کان وٺي سيڪيورٽي صورتحال کي ڏٻرو ڪيو. هي ملڪ جو عوام اهڙي وزيراعظم ۽ ڪٺ پتلي حڪومت کي برداشت نه ڪندي انهن کي گهر وڃڻو پوندو. ڪراچي جي مسئلي تي وفاق پاران هڪ ڪميٽي جوڙڻ واري سوال جي جواب ۾ بلاول ڀٽو زرداري چيو ته هي هڪ سلسلو هلندو اچي پيو ته وفاق اسان کي صوبي جي وسيلن کان محدود رکجي ٿو. اسان کي پورو حصو نه پيو ملي ۽ وري اسان جي غربت تي مذاق ڪيو پيو وڇي ۽ چون ٿا ته اوهين ايترا غريب ڇو آهيو؟ صوبي ۾ صحت، تعليم ۽ اسپتالن جي حالت خراب ڇو آهي؟ اسان کي پنهنجو حصو نه پيو ملي، سنڌ حڪومت پنهنجي وسيلن تي هر ڪوشش ڪندي رهندي چاهي اها پبلڪ پرائيويٽ پارٽنرشپ جي صورت ۾ هجي يا ٻيو طريقيڪار اپنايو وڃي اسان جو پنهنجو صوبو آهي جتي دل جي مريضن جو مفت ۾ علاج ٿئي ٿو اسان جي ڪوشش هلندڙ آهي اسان محدود وسيلن سان عوام جي خدمت ۽ مسئلا حل ڪنداسين. هن چيو ته حڪومت ڊراميبازي ڪري رهي آهي. ڪميٽي تي ڪميٽي ٺاهيندي پئي وڃي ۽ هي ڪميٽي ته غيرآئيني آهي . جي ڊي اي ۽ حڪومت جو ڪٺ پتلي اتحاد آهي جيڪو هميشه سنڌ کي ٽوڙڻ جي سوچ رکي ٿو جيڪو الائنس ٿيو آهي ايم ڪيو ايم ۽ پي ٽي آئي وچ ۾ جنهن جو هن اليڪشن تي جوائنٽ مينوفيسٽو هو ته اسان ڪراچي کي الڳ ڪنداسين . هي جيڪو انهن جو سلسلو هو اهو هڪ الڳ پهلو آهي ، اسان پهرين به انهن جو مقابلو ڪيو آهي ۽ هينئر به ڪنداسين ۽ هاڻي وقت اچي ويو آهي ته اسان کي پنهنجا آئيني حق ۽ وسيلا ڏجن ته جيئن اسان پنهنجي عوام جا مسئلا حل ڪري سگهون.

 

 

سازشن کان نٿا ڊڄون. ڪراچي ۾ سيوريج لائين ۾ مخالف ٻوريون وجهي گندگي پکيڙڻ چاهين ٿا: وڏو وزير

ڪراچي/حيدرآباد /سکر (نمائندن وٽان/اسٽاف رپورٽر) سنڌ جي وڏي وزير سيد مراد علي شاھھ اڄ سڄي صوبي ۾ عاشوري جي ڏھاڙي واري موقعي تي نڪرندڙ جلوسن جو دورو ڪيو. وڏي وزير سان گڏ صوبائي وزير سعيد غني بھ ھو. وڏي وزير سيد مراد علي شاھھ ڪراچي ۾ عاشوري جي ڏھاڙي جي جلوسن جو اڳواڻي ڪئي ۽ ان موقعي تي ھن ميڊيا سان ڳالھائيندي چيو تھ اڄ جي ڏينھن سڄي سنڌ ۾ سيڪيورٽي جا سخت انتظام ڪيا ويا آھن. مون ڪوشش ڪئي آھي تھ سڀئي سھولتون ڏنيون وڃن. ھن چيو تھ آئون منتظمين، انتظاميا جو ٿورائتو آھيان ھن گھڻي محنت ڪئي آھي. ھن چيو تھ ٻنھي سرحدن جي ڇڪتاڻ سبب خطرا آھن. ڪجھھ مخصوص خطرا بھ ھئا پر اسان فول پروف سيڪيورٽي جا بندوبست ڪيا آھن. وڏي وزير سيد مراد علي شاھھ سکر شھر، روھڙي، خيرپور، ڪوٽ ڏيجي، جيڪب آباد، شڪارپور، جيڪب آباد جي ماتمي جلوسن جي سيڪيورٽي جو جائزو ورتو. وڏي وزير مراد علي شاھھ سکر پھتو تھ ان سان گڏ صوبائي وزير سعيد غني ۽ اڪرام الله ڌاريجو به هو. وڏي وزير کي سکر ايئرپورٽ تي صوبائي وزير سيد ناصر حسين شاهه، ڪمشنر سکر اويس حيدر شاهه، ڊي آئي جي ۽ ضلعي انتظاميا جي آفيسرن ڀليڪار ڪيو. وڏي وزير مراد علي شاهه سکر ايئرپورٽ تان جلوس ڏانهن روانو ٿيو. وڏي وزير سيد مراد علي شاهه سٽي پوائنٽ، ملٽري روڊ ڪراس ڪندي شهر پهتو. وڏي وزير گهنٽا گهر ۾ جلوس جو معائنو ڪيو. هن گهنٽا گهر ۽ اي سيڪشن پوليس اسٽيشن جو به دورو ڪيو. وڏي وزير اي سيڪشن پوليس اسٽيشن تي بريفنگ ڏني وئي. وڏي وزير ٻڌايو ته سکر ۾ اٽڪل 44 ماتمي جلوس نڪتا جنهن مان 3 جلوس حساس قرار ڏنا ويا آهن. حساس جلوسن ۾ روهڙي، سکر سٽي ۽ پنوعاقل شامل آهن. ايوب گيٽ تي جڏهن جلوس پهتو ته 50 هزار کان وڌيڪ عزادار ٿي وڃن ٿا. اهو جلوس 10 وڳي تائين پنهنجي جاءِ تي پڄي ٿو وڃي. ان کانپوءِ شام غريبان جي مجلس ٿيندي آهي. روهڙي ۾ جلوس 8 تاريخ تي برآمد ٿئي ٿو. 10 محرم الحرام جي جلوس ۾ هڪ لک کان وڌيڪ عزادار هوندا آهن. خيرپور، جيڪب آباد ۽ شڪارپور جا جلوس به حساس آهن. ڄاڻايل شهرن وچ ۾ هم آهنگي سٺي ٿي وئي آهي. وڏي وزير اي سيڪشن پوليس اسٽيشن تي ميڊيا سان ڳالهائيندي چيو ته آئون اڄ هتي عاشوري جي ڏينهن ڪراچي جو دورو ڪري سکر پهتو آهيان. منهنجي دوري جو مقصد سيڪيورٽي جا انتظامن جو جائزو وٺڻ آهي. هن چيو ته آئون پوليس، رينجرز، آرمي، رضاڪارن جو ٿورائتو آهيان هن گڏجي بهترين سيڪيورٽي انتظام ڪيا آهن. هن چيو ته جيڪڏهن بلدياتي ادارن پاران ڪابه ڪوتاهي ٿي ته انهن خلاف ڪارروائي ڪئي ويندي. سنڌ پوليس ۾ پبلڪ سيفٽي ڪميشن ايندڙ 2 ڏينهن  ۾ عوام جي شڪايتون ٻڌندو. وڏي وزير چيو ته پاڪستان پيپلز پارٽي چيئرمين بلاول ڀٽو زرداري ۽ صدر آصف علي زرداري جي اڳواڻي ۾ متحد آهي. هن چيو ته ڏاهري صاحب پيپلز پارٽي جي خلاف ڪابه ڳالهه نه ڪئي آهي، مسئلن جي نشاندهي ڪئي آهي. هن چيو ته اسان سازشن کان نٿا ڊڄون. هن چيو ته ڪراچي ۾ سيوريج لائين ۾ مخالفن ٻوريون وجهي گندگي پکيڙڻ چاهين ٿا. اسان ان کي جلد گرفتار ڪنداسين. هن چيو ته ڪراچي ۾ جيڪي علائقا اسان جي ڪنٽرول هيٺ نه آهن اتي به جيڪڏهن گندگي ٿئي ٿي ته ماڻهو سنڌ حڪومت کي الزام ڏين ٿا. هن چيو ته ميئر ڪراچي وٽ اختيار آهن. هن چيو ته سي سي ٽي وي جو مسئلو سيف سٽي پراجيڪٽ تحت حل ڪنداسين. وڏي وزير چيو ته اسان ڪشمير جي عوام سان گڏ آهيون ان خلاف هندوستاني ظلم جي شديد لفظن ۾ مذمت ڪريون ٿا. وڏي وزير سيد مراد علي شاهه سکر جو دورو ڪرڻ کانپوءِ سکر ايئرپورٽ پهتو. وڏي وزير مراد علي شاهه سکر کان نوابشاه ويو. نواب شاهه جي جلوسن جو فضائي جائزو ورتو ان کانپوءِ وڏو وزير حيدرآباد پهتو. وڏي وزير سيد مراد علي شاهه عاشوري جي ڏينهن جو غير ۽ عافيت سان گذرڻ تي الله تعاليٰ جو شڪر ادا ڪيو. هن چيو ته سيڪيورٽي جي بهترين انتظامن تي پوليس، رينجرز ، آرمي ۽ انيٽيلي جنس ادارن جو ٿورائتو آهيان. هن چيو ته انتظام سٺا هجڻ تي ضلعي انتظاميا، بلديات کاتي ۽ ٻين لاڳاپيل ادارن جو به ٿورائتو آهيان. وڏي وزير سڄي صوبي ۾ جلوسن جي منتظمين جو به ٿورو مڃيو. هن چيو ته سڄي سنڌ ۾ صحت کاتي ۽ رضاڪارن جون خدمتون به سٺيون ۽ واکاڻ جوڳيون هيون. وڏي وزير ڪربلا ٿرٿلي سبب جاني نقصان تي ڏک ۽ افسوس جو اظهار ڪيو.  سنڌ جي وڏي وزير سيد مراد علي شاهه  چيو  آهي ته هو اڄ محرم الحرام  جي عاشوري  واري ڏهاڙي  تي سنڌ جي  مختلف شهرن ڪراچي ، سکر  مان انتظامن جو جائزو  وٺڻ کانپوءِ  حيدرآباد  ۾ عاشوري  جي حوالي سان سنڌ حڪومت پاران  جوڙيل سيڪيورٽي پلان  تي عملدرآمد، انتظامن جو جائزوٺڻ  ۽ عزادارن کي فراهم ٿيندڙ سهولتن  جواحوال  وٺڻ  لاءِ  هتي آيو آهي.  اهڙو اظهار هن اڄ حيدرآباد  جي  دادن  شاهه محلي  مان   برآمد ٿيندڙ ماتمي جلوس  جو جائزور وٺڻ کانپوءِ ميڊيا سان ڳالهائيندي  ڪيو  هن چيو ته  ملڪ جي  سرحدن  تي پيدا ٿيل صورتحال کي نظر ۾ رکندي سنڌ حڪومت پاران  ڪنهن قسم جي اڻوڻندڙ واقعي کان بچڻ لاءِ سڄي صوبي  ۾  عاشوري جي ڏهاڙي جي حوالي سان  جٽادار سيڪيورٽي جو بندو بست ڪيو ويو آهي   سنڌ جي وڏي وزير  سيد مراد علي شاهه  صوبي  جي مذهبي  عالمن  پاران  محرم الحرام دوران مڪمل  سهڪار ڪرڻ تي سندن شڪريو ادا ڪيو  ۽ چيو ته  الله پاڪ جي ڪرم هن مهل تائين ڪنهن به اڻوڻندڙ واقعو  پيش  نه آيو آهي جڏهن الله پاڪ کان  اميد آهي ته  سموري سنڌ ۾ عاشوري جو ڏهاڙو امن امان سان پنهنجي پڄاڻي تي پهچندو  هن چيو  ته  هو هتان کانپوءِ واپس ڪراچي پهچي  اتي مرڪزي ماتمي جلوس جي اختتامي  انتظامن جو جائزو  وٺندو  هڪ سوال تي هن چيو ته  هن سال عاشوري  جي  حوالي سان ڪافي خدشا هئا انهي لاءِ سيڪيورٽي جا جٽادار انتظام  ڪيا ويا آهن  هن چيو ته اسان   شهيد ڪربلا  حضرت امام حسين  جي قربانين جي ياد ۾ نڪتل جلوس  جي  حفاظت  لاءِ هر ممڪن اپاءُ اختيار ڪيا آهن  هن  صوبي ۾ قانون لاڳو ڪندڙ ادارن  سميت پوليس ۽ رينجرز جي ڪارڪردگي جي واکاڻ ڪندي چيو ته  اهي ادارا  صوبي ۾ امن امان جي استحڪام لاءِ  ڏينهن رات پاڻ پتوڙِي رهيا آهن  ماضي ۾  سنڌ پوليس ۽ رينجرز جي ڪيترن ئي جوانن  پنهنجي جانين جا نذرانه پيش ڪري صوبي  جي عوام کي تحفظ فراهم  ڪيو آهي  ۽ اسين ڪڏهن  به پوليس ۽ رينجرز جي جوانن جي  قربانين کي فراموش نٿا ڪري سگهون ان موقعي تي  وزير اطلاعات سعيد غني ، ايم پي ايز شرجيل ميمڻ ، ڄام خان شورو ، جبار خان ،اي آئي جي پوليس حيدر آباد ڊاڪٽر ولي الله دل،  ڪمشنر حيدرآباد محمد عباس بلوچ ، ڊ ي  آئي جي  حيدرآباد نعيم احمد شيخ ،ڊپٽي ڪمشنر حيدرآباد عائشه ابڙو، ايس ايس پي  عديل چانڊيو  پڻ ساڻس گڏ هو.

 

پروڊڪشن آرڊر باوجود فريال ٽالپر کي اسيمبلي ۾ اچڻ جي اجازت نه ملڻ خلاف پنجاب جي وزيراعلي هائوس وڃي اڳيان ڌرڻي جو چتاءَ

ڪراچي(اسٽاف رپورٽر) اطلاعات ۽ پورهئي واري کاتي جي صوبائي وزير سعيد غني چيو آهي ته ايم ڪيو ايم 30 سال جي سياست ۾ ڪجهه ناهي سکي هو هيمشه استعمال ٿيندا رهيا آهن ۽ اڄ به ٿي رهيا آهن اها ڳالهه هن اڄ صوبائي وزير شهلا رضا، اسپيشل اسسٽنٽ وقار مهندي ۽ راشد رباني سان گڏ پريس ڪانفرنس سان خطاب ڪندي ڪئي. سعيد غني چيو ته 13 تاريخ تي سنڌ اسيمبلي جو اجلاس آهي پروڊڪشن آرڊر جاري ٿيڻ باوجود فريال ٽالپر کي اجلاس ۾ نه آندو ويو ته ڪابينا جي ڪجهه ميمبرن سان هو لاهور ويندو ۽ سي ايم هائوس وڃي انهن کي ياد ڪرائينداسين ته اهي قانون جي پاسداري ڪن هن چيو ته فريال ٽالپر مجرم ناهي هن چيو ته اسان دهشتگرد ناهيون سياسي ماڻهو آهيون ۽ پر امن احتجاج تي يقين رکندا آهيون اگر اهي اسان کي ڏنڊا هڻندا ته اسان ان لاءِ به تيار آهيون پر اسان قانون ۽ آئين جي دائري ۾ رهي احتجاج جاري رکنداسين. صوبائي وزير چيو ته خان صاحب ملڪي معيشيت کي تباهه ڪري ڇڏيو آهي اقتدار جي خواهش پي ٽي آئي ۽ ايم ڪيو ايم جي دل ۾ تڙپي رهي هوندي. پر خواهش آئين ۽ قانون کان وڌي ڪري ناهن صوبائي وزير چيو ته هڪ ٻن ڏينهن ۾ ڪراچي جي مسئلن جي حل لاءِ هڪ ڪميٽي جوڙڻ جي ڳالهه ڪئي پئي وڃي ان کان پهريون ڪراچي ٽرانسفارم ڪميٽي جوڙي وئي ۽ 200 ارب رپئي جا منصوبا وزيراعظم جي علم ۾ آندا ويا ان 200 ارب جي منصوبن کي ڏسندي وزيراعظم 162 ارب جي پيڪيج جو اعلان ڪيو هو جيڪو صرف اعلان ثابت ٿيو هن چيو ته ڪجهه نه ڪيو صرف ڪراچي جا 162 ارب رپيا ڏيو جڏهن ته ان جي برعڪس بجيٽ ۾ 12 ارب رکيا ويا آهن جنهن مان ٽي ارب رپيا ملندا صوبائي وزير چيو ته گورنر جو چوڻ آهي ته ان ڪميٽي جو مقصد هڪ اٿارٽي جو قيام آهي جڏهن ته قانون واري وفاقي وزير جو چوڻ آهي ته ان ۾ ٽرانسپورٽ سميت سمورن مسئلن تي ڳالهه ٻولهه ڪئي ويندي صوبائي وزير وڌيڪ چيو ته ميئر ڪراچي به ان ڪميٽي جو رڪن بڻيو پر هو مطمئن نه هو ان لاءِ هن ان تي سخت تنقيد ڪئي سعيد غني چيو ته روشني جو شهر ڪراچي مهم شروع ڪئي وئي ۽ 300 آر او پلانٽس لڳائن جو اعلان ڪيو ويو اهو دعوو به ڪي پي ڪي منصوبن وانگر هڪ دوکو ثابت ٿيو سعيد غني چيو ته بلدياتي نظام ۾ ترميم وفاقي حڪومت جو ڪم ناهي اگر ايئن ڪرڻ جي ڪوشش ڪئي وئي ته اسان مذمت ڪنداسين صوبائي وزير چيو ته علي زيدي واري ڪراچي ڪلين مهم جا نتيجا اڃا تائين ڀڳتي رهيا آهيون جنهن ۾ ڏيڍ لک ٽن ڪچرو کڻڻ جي دعوا ڪئي وئي هئي جنهن ۾ صرف 13 هزار ٽن لينڊ فل سائيٽ تائين پهچايو ويو سعيد غني چيو ته وزيراعظم مسئلا حل ڪرڻ ۾ سنجيده آهي ته ڪلين ڪراچي مهم جي حقيقت معلوم ڪري شايد علي زيدي کي وزارت کان هٽائي ڇڏي صوبائي وزير چيو ته آرٽيڪل 148 جو ذڪر مناسب ناهي جيڪڏهن مارشل لاءَ لاڳو ڪيو ويو ته ڪجهه به ٿي سگهي ٿو سعيد غني چيو ته اسولي طور تي گهوڙو گاڏي کان اڳتي هوندو آهي پر ايم ڪيو ايم پي ٽي آئي هٿان استعمال ٿي رهي آهي اطلاعات واري صوبائي وزير چيوته سنڌ لاءِ جيترو ڪم ڪيو آهي ان جي نتيجي ۾ پيپلزپارٽي اڄ جيتريون سيٽون کٽيون اهن اهي پهرين ايتريون ڪڏهن به نه هيون هڪ سوال جي جواب ۾ هن چيو ته اسان شهري ۽ ڳوٺاڻي فرق کي ختم ڪرڻ لاءِ اسان مفاهمت جو رستو اختيار ڪيو ۽ نائين زيرو وياسين پر شايد اهو فيصلو غلط هو. اطلاعات ۽ محنت واري صوبائي وزير چيو ته محرم کانپوءِ وزيراعليٰ صفائي جو ڪم جاري رکڻ لاءِ چيو آهي اصل ڳالهه اها آهي ته ڪي ايم سي ۽ ڊي ايم سي سميت ڪونسلز جا سربراهه موجود آهن ته اسان انهن جي ڪمن ۾ مداخلت ڪرڻ جي ڪوشش ناهي ڪئي اسان اهو چاهيون ٿا ته اهي پنهنجا معاملا صحيح رخ ۾ ڪن صوبائي وزير چيو ته جيستائين ميئر پنهنجا ارادا ٺيڪ نه ڪندو اسان ڪجهه نٿا ڪري سگهون. صوبائي وزير چيو ته چونڊن جو فيصلو ڪرڻ انهن جو نه پر انهن جي ليڊر شپ جو فيصلو آهي جيڪڏهن قيادت فيصلو ڪيو ته نئين چونڊن تي به ڳالهه ڪري سگهجي ٿي سعيد غني چيو ته هو خودمختيار ۽ با اختيار بلدياتي نظام جو حامي آهي ماضي ۾ ان ڏس ۾ هڪ تجربو ٿي چڪو آهي جنهن جا تباهه ڪن اثر اڄ به موجود آهن اطلاعات واري وزير چيو ته اسان سيلز ٽيڪس تي جيڪا ڪارڪردگي ڏکاري اها سڀني جي سامهون آهي ۽ اسان اهو مطالبو به ڪريون ٿا ته شين تي سيلز ٽيڪس جي وصولي جو اختيار به صوبي کي ڏنو وڃي اهڙي ريت جيڪڏهن لوڪل گورنمينٽ ۽ ميئر به ڪارڪردگي ڏيکاري ته ٽيڪس وصولي جو اختيار ان کي ڏئي سگهجي ٿو. اطلاعات واري صوبائي وزير سعيد غني چيو ته چيئرمين بلاول ڀٽو جي عوامي رابطا مهم جاري آهي ۽ جاري رهندي مولانا فضل الرحمن جي تحريڪ جو فيصلو ان جو ذاتي آهي جيڪڏهن اپوزيشن گڏيل فصلو ڪيو ته ان ڳالهه تي اسان جي قيادت فيصلو ڪندي صوبائي وزير چيو ته ڪراچي جي مسئلن تي اسان سڀني کان وڌيڪ ڪم ڪري رهيا آهيون ۽ ڪراچي جي 100 ارب کان وڌيڪ خرچ ڪري چڪا آهيون سالڊ ويسٽ مئنيجمينٽ بڻايو ويو اسان ڪميٽيون بڻايون آهن ڪوبه شور ناهي ڪيو هن وقت به سنڌ اسيمبلي جي ڪميٽيز ۾ اپوزيشن جي نمائندگي لاءِ 14 سيٽون خالي رکيون آهن پر انهن پاڻ بائيڪاٽ ڪري رکيو آهي.

 

يوم عاشور مذهبي عقيدت ۽ احترام سان ملهايو ويو، سڄي ملڪ ۾ ذوالجناح ۽ تعزيي جا جلوس برآمد ٿيا

ڪراچي (اين اين آءِ) حضرت امام حسين ۽ ان جي ساٿين جي اسلام جي سربلندي ۽ حق ۽ صداقت لاءِڪربلا جي ميدان ۾ ڏنل عظيم قرباني جي ياد ۾ يوم عاشور مذهبي احترام سان ملهايو ويو ملڪ جي سمورن ننڍن وڏن شهرن ڳوٺن ۾ ذوالجناح ۽ تعزيي جا جلوس برامد ٿيا مرڪزي امام بارگاهن تان برآمد ٿيل ذوالجناح ۽ تعزيي جا جلوس پنهنجي روايتي رستن تان ٿيندي 10 محرم تي پنهنجي منزل تي پهچي نهر ٿيا جنهن کان پوءِ شام غريبان برپا ڪئي ويئي. وفاقي ۽ صوبائي حڪومتن پاران سيڪيورٽي جا فول پروف انتظام ڪيا ويا ماتمي جلوسن جي روٽس ۽ ڀرپاسي ۾ موبائيل فون سروس جلوسن جي پڄاڻي تائين بند رهي سڄي ملڪ ۾ امن امان قائم رکڻ لاءِ پوليس سان گڏ پاڪ فوج، رينجرز ۽ ايف سي جا جٿا به حفاظتي ڊيوٽِن تي مقرر رهيا لاهور ڪراچي پشاور سميت ملڪ جي ننڍن وڏن شهرن ۾ 10 محرم تي به ٻيلهه سواري تي مڪمل پابندي لڳل رهي مرڪزي جلوسن ۾ شامل ٿيندڙ عذادارن کي تلاشي کان پوءِ وڃڻ جي اجازت ڏني ويئي يوم عاشور جي موقعي تي ڪنهن به اڻوڻندڙ واقعي کي منهن ڏيڻ لاءِ امام بارگاهن، مسجدن، عبادتگاهن ۽ مزارن جي سيڪيورٽي به سخت ڪئي ويئي جڏهن ته ڪنهن به اڻوڻندڙ واقعي کي منهن ڏيڻ لاءِ سمورن سرڪاري اسپتالن ۾ ايمرجنسي لاڳو رهي ڪراچي سميت سڄي سنڌ ۾ 10 محرم الحرام جي سلسلي ۾ جلوس ڪڍيا ويا جن جي سيڪيورٽي لاءِ سخت انتظام ڪيا ويا هئا ڪراچي ۾ يوم عاسور جو مرڪزي ماتمي جلوس نشتر پارڪ کان برامد ٿيو جيڪو حسينيه ايرانيا امام بارگاهه پهچي نهر ٿيو جلوس جي انتظامن جو جائزو وٺڻ لاءِ سنڌ جو وڏو وزير سيد مرادعلي شآهه صوبائي وزير سعيد غني سان پريڊي اسٽريٽ لائين پهتو ۽ جلوس جي قيادت به ڪئي جنهن کان پوءِ سنڌ جو وڏو وزير سکر روانو ٿيو هن سکر روهڙي، خيرپور، ڪوٽڏيجي، شڪارپور، جيڪب آباد جي ماتمي جلوسن جي سيڪيورٽي جو به جائزو ورتو.