تازيون خبرون

Category Archives: مکيه خبرون

پاڪستان زبردست قيادت جي ڪري روشن مستقبل رکي ٿو: محمد بن سلمان

اسلام آباد(بيورو رپورٽ) سعودي عرب جو ولي عهد محمد بن سلمان 2 ڏينهن جي دوري تي پاڪستان پهچي ويو آهي، نور ان ايئر بيس پهچڻ تي سعودي شهزادي جو وزير اعظم عمران خان، آرمي چيف قمر جاويد باجوه ۽ وفاقي ڪابينا استقبال ڪيو، ٻارڙن سعودي شهزادي کي گلدستا پيش ڪيا، وزير اعظم ولي عهد کي ڳلي سان لڳائي آجيان ڪئي، ۽ پاڻ گاڏي هلائي سعودي ولي عهد کي وزير اعظم هائوس وٺي آيو، کيس وزير اعظم هائوس ۾ گارڊ آف آنر به پيش ڪيو ويو.21 توپن جي سلامي پڻ ڏني وئي،  سعودي شهزادي کي هٿياربند فوج جي دستي سلامي پشن ڏني، ان موقعي تي ٻنهي ملڪن جو قومي ترانو پڻ وڄايو ويو، سعودي شهزادو پاڪستان جي سياسي ۽ فوجي قيادت سان ملاقاتون ڪندو، جڏهن ته ٻنهي ملڪن ۾ اهم معاهدا به ٿيندا.سعودي شهزادو محمد بن سلمان اسلام آباد جي نور خان ايئربيس تي پهتو ته وزير اعظم عمران خان سندس استقبال ڪيو، جڏهن ته وزير اعظم عمران خان پاڻ گاڏي ڊرائيو ڪري سعودي شهزادي محمد بن سلمان کي وزير اعظم هائوس آندو. سعودي شهزادي جي آجيان لاءِ سعودي عرب جو پرڏيهي وزير تي ٻڌل 121 رڪني وفد پهتل هو.  وزير اعظم عمران خان سان سعودي ولي عهد محمد بن سلمان ون آن ون ملاقات ڪئي. وزير اعظم ۽ سعودي ولي عهد جي ملاقات وزير اعظم هائوس ۾ ٿي. ملاقات ۾ پاڪ سعودي لاڳاپن ۽ گڏيل دلچسپي جي معاملن تي خيالن جي ڏي وٺ ڪئي. ان موقعي تي خطاب ڪندي سعودي ولي عهد شهزادي محمد بن سلمان چيو ته پاڪستان زبردست قيادت جي ڪري روشن مستقبل رکي ٿو، 20 ارب ڊالر جي سيڙپڪاري جي معاهدن جو پهريون مرحلو مڪم ڪيو آهي. تقريب کي وزير اعظم عمران خان خطاب ڪندي چيو ته پاڪستناين جي لاءِ اڄوڪو ڏينهن عظيم آهي، سعودي ولي عهد ۽ سندس وفد کي پاڪستان اچڻ تي ڀليڪار چئون ٿا، سعودي عرب هميشه سان پاڪستان جو دوست ۽ ڀاءُ رهيو آهي، سعودي قيادت ۽ عوام اسان جي دلين ۾ رهندو آهي.  بعد ۾ پاڪستان ۽ سعودي عرب جي وچ ۾ ععاهدن ۽ مفاهمت جي يادداشتن تي صحيح جي تقريب به رٿي وئي جنهن ۾ وزير اعظم عمران خان ۽ سعودي ولي عهد به موجود هئا. ٻنهي ملڪن جي وفد معاهدن ۽ ايم او يوز تي صحيح ڪئي. پاڪستان ۽ سعودي عرب جي وچ ۾ اسٽينڊرائزيشن جي شعبي ۾ ٽيڪنڪي سهڪار ۽ نوجانن جي معاملن ۽ راندين جي شعبي ۾ سهڪار جو معاهدو ڪيو ويو.  ٻنهي ملڪن بجلي جي پيداوار جي شعبي ۽ معدني وسيلن جي شعبي ۾ ايم او يوز تي صحيح ڪئي جڏهن ته ريفائنري پيٽرول ڪيميڪل پلانٽ جي قيام ۽ متبادل توانائي شين جي ترقي لاءِ مفاهمتي يادداشت تي صحيح ڪئي.

 

 

وزيراعظم عمران خان سان سعودي ولي عهد جي ملاقات، مختلف ٺاهن تي صحيحون ڪيون ويون

اسلام آباد(م.ڊ) وزيراعظم عمران خان سان سعودي ولي عهد محمد بن سلمان ون آن ون ملاقات ڪئي آهي. وزيراعظم ۽ سعودي ولي عهد جي ملاقات وزيراعظم هائوس اسلام آباد ٿي. ملاقات ۾ پاڪ_سعودي لاڳاپن ۽ گڏيل دلچس/ڏسو صفحو 3 بقايا نمبر 39

پي وارن معاملن تي خالن جي ڏي وٺ ٿي. ان کانپوءِ پاڪستان ۽ سعودي عرب وچ ۾ ٺاهن تي صحي ڪرڻ واري تقريب ڪوٺائي وئي، جنهن ۾ وزيراعظم عمران خان ۽ سعودي ولي عهد محمد بن سلمان به موجود هئا. ٻنهي ملڪن وچ جي وفدن مختلف ٺاهن تي صحيحون ڪيون.

پاڪستان ۽ سعودي عرب وچ ۾ اسٽينڊرائزيشن واري شعبي ۾ ٽيڪنيڪي سهڪار ۽ نوجوان جي معاملن ۽ راندين جي شعبي ۾ سهڪار جو معاهدو ڪيو ويو. ٻنهي ملڪن بجلي جي پيداوار جي شعبي ۽ معدني وسيلن واري شعبي ۾ ٺاهه تي صحيحون ڪيون، جڏهن ته ريفائنري پيٽروڪيميڪل پلانٽ جي قيام ۽ متبادل توانائي وارين شين جي ترقي لاءِ مفاهمتي يادداشت تي پڻ صحي ڪئي وئي.

ٺاهن واري تقريب کانپوءِ وزيراعظم عمران خان سعودي ولي عهد محمد بن سلمان جي اعزاز ۾ ڊنر ڏنو، جنهن ۾ ٻنهي ملڪن جي وفدن شرڪت ڪئي. ڊنر ۾ آرمي چيف جنرل قمر جاويد به موجود هو.

 

ڪجهه ماڻهن کي ڀارت شهريت جي آڇ نه پيو ڪري نه ته اسان جي جان ڇٽي پوي: فواد چوڌري

اسلام آباد ( ويب ڊيسڪ ) سڌ سماءَ وارو وفاقي وزير فواد چوڌري ۽ سينيٽر مشاهد حسين سيد ٽوئٽر تي آمهون سامهوجن اچي ويا آهن.  مسلم ليگ ن جي سينيٽر  مشاهد حسين سيد ٽوئٽر تي بيان ۾ چيو ته پاڪستان کي پنهنجو هائوس ان آرڊر رکڻ گهرجي،  ڪنهن به ملڪ کي پنهنجي ڌرتي ڪنهن ٻئي ملڪ خلاف استعمال ٿيڻ کان روڪڻ گهرجي.  فواد چوڌري کيس جواب ڏيندي چيو ته ڪجهه ماڻهن کي ڀارت اميگريشن جي آڇ نه ڪري رهيو آهي نه ته اسان جي جان ڇٽي پوي، ڪيترو هائوس ان آرڊر ڪيون. هن چيو ته نه توهان کي پرڏيهي وزير ٿيڻو آهي ۽ نه وري توهان جي قدمن سان اطمينان ٿيڻو آهي. هن چيو ته مهرباني ڪري سينيت جي خرچن تي دورن کان پاسو ڪيو، حيرت آهي ته توهان کي ڪشمير تي نمائندگي جو چيو ويو توهان جي خدمتن جا ٿورا.  سوشل ميڊيا صارف ٻنهي اڳواڻن جي بيانن تي مختلف رد عمل ظاهر ڪري رهيا آهن. هڪ صارف مشاهد حسين سيد جي ٽوئٽ تي رد عمل ظاهر ڪندي چيو ته رڳو اسان نه پر خطي ۾ موجود سمورن ملڪن کي اهو ئي ڪرڻ گهرجي، ڀارت، افغانستان ۽ ايران اسان جا پاڙيسري آهن ته اسان به سندن پاڙيسري آهيون، اسان جي ڌرتي تي ٿيندڙ پرتشدد واقعن ۾ ڀڀارت،  افغانستان ۽ ايران جي ڌرتي استعمال ٿي آهي، اسان کي گڏيل سهڪار ۽ احترام کي هٿي ڏيڻي پوندي.

 

 

محمد بن سلمان جو دورو تاريخي آهي، ٻنهي ملڪن وچ ۾ نئين اقتصادي باب جي شروعات ٿيندي: اسد عمر

اسلام آباد: آچر 17 فيبروري 2019ع: وفاقي ناڻي واري وزير اسد عمر چيو آهي ته سعودي ولي عهد شهزاده محمد بن سلمان جو پاڪ/ڏسو صفحو 2 بقايا نمبر 04

ستان جو دورو تاريخي آهي جنهن سان ٻنهي ملڪن وچ ۾ نئين اقتصادي باب جي شروعات ٿيندي، سعودي توانائي ڪمپني جو پاڪستان ۾ دلچسپي وٺڻ سٺو سنوڻ آهي، سعودي عرب متبادل توانائي جي منصوبن ۾ به سيڙپڪاري جو خواهشمند آهي.

پي ٽي وي سان خاص ڳالهه ٻولهه ڪندي وفاقي ناڻي واري وزير چيو ته سعودي ولي عهد شهزاده محمد بن سلمان جو هي تاريخي دورو آهي ان دوري سان ٻنهي ملڪن جا لاڳاپا نئين بلندين تائين پهچندا ۽ نئين اقتصادي باب جي شروعات ٿيندي. هن چيو ته سعودي عرب پاڪستان ۾ توانائي جي شعبي ۾ به سيڙپڪاري ڪندو، پاڪستان ۾ توانائي جي مد ۾ آمدني واپار سڀ کان وڌيڪ آهي.

وفاقي وزير جو چوڻ هو ته سعودي توانائي ڪمپني جو پاڪستان ۾ دلچسپي وٺڻ سٺو سنوڻ آهي، سعودي عرب متبادل توانائي جي منصوبن ۾ به سيڙپڪاري ڪرڻ جو خواهشمند آهي.

 

 

ڪوٽڙي ۾ گونگي ناري شيرين جو قتل، جوابدار اعتراف ڪري ورتو، ڪيس داخل نه ٿيو

ڪوٽڙي (ڊ.ر) ڪوٽري پوليس طرفان گونگي ناريءَ کي بدترين تشدد بعد گهٽا ڏئي قتل ڪندڙ جوابدار رحمان شيخ شيرين بروهيءَ جي لڄ لُٽڻ جو اعتراف ڪري ورتو آهي. پوليس موجب پُڇاڳاڇا دوران جوابدار اعتراف ڪيو آهي ته هُن گونگي ناريءَ سان لڄالٽ ڪئي ۽ مزاحمت ڪرڻ تي کيس بدترين تشدد جو نشانو بڻائڻ بعد گهٽا ڏئي قتل ڪري ڇڏيو. گذريل ڏينهن لڄالٽ ۽ بدترين تشدد بعد گهٽا ڏئي قتل ٿيل گونگي ناري شيرين بروهريءَ جي جنازي نماز ملڪ اسد سڪندر اسپورٽس ڪامپليڪس ۾ ادا ڪئي وئي، جنهن ۾ ن ليگ ايم اين اي کيئل داس ڪوهستاني ۽ پي ٽي آءِ ايم پي اي حليم عادل شيخ سوڌو وڏي انگ ۾ ماڻهو شريڪ ٿيا. شيرين بروهيءَ جو مڙهه جنازي نماز بعد ايراني پير قبرستان ۾ دفنايو ويو. ٻئي پاسي شيرين بروهيءَ جي بيرحماڻي قتل واري واقعي جو ڪيس داخل نه ٿي سگهيو آهي، جڏهن ته پوليس گرفتار جوابدار رحمان شيخ جو بلاول ميڊيڪل اسپتال مان ميڊيڪل چيڪ اپ ڪرائي ورتو آهي.

 

وڏي ڪريڪ ڊائون جو اعلان، ڪنهن کي نفرت پکيڙڻ نه ڏينداسين: وفاقي حڪومت

اسلام آباد (ويب ڊيسڪ) حڪومت سوشل ميڊيا تي نفرت پکيڙڻ وارن خلاف ايندڙ هفتي وڏي ڪريڪ ڊائون جو اعلان ڪري ڇڏيو. اسلام آباد ۾ تقريب سان خطاب ڪندي سڌ سماءَ واري وفاقي وزير فواد چوڌري چيو آهي ته ڪنهن کي نفرت پکيڙڻ نه ڏينداسين، سوشل ميڊيا تي فتويٰ ۽ ڌمڪيون ڏيڻ تي ڪجهه ماڻهن کي گرفتار ڪيو ويو آهي، ايندڙ هفتي سوشل ميڊيا تي نفرت پکيڙيندڙن خلاف وڏو ڪريڪ ڊائون ڪنداسين.هن چيو ته نفرت پکيڙيندڙ ڳالهين کي عام ميڊيا تي گھڻي حد تائين ڪنٽرول ڪيو آهي، اهڙو طريقو ٺاهيو آهي جنهن سان سوشل ميڊيا تي به نفرت جوڳين تقريرن کي روڪي سگھنداسين. ڊجيٽل ميِڊيا رسمي ميڊيا تي حاوي ٿي رهي آهي، سوشل ميڊيا تي نفرت جوڳي مواد کي ڪنٽرول ڪيو ويندو. فواد چوڌري وڌيڪ چيو ته پي ٽي آءِ جي حڪومت جي اچڻ سان اسان منظم طريقي سان وڌي رهيا آهيون، ڊائيلاگ بنيادي شرط آهي ۽ جيڪو ڊبيٽ ڪندو آهي ان خلاف فتويٰ ڏني وينديون آهن، ڪنهن کي حق ناهي ته ٻين جي آزادي ختم ڪري.

 

 

 

نئوديرو ۾ هٿياربندن هٿان 3 پورهيت قتل، وڏي وزير نوٽيس ورتو، جوابدارن جي گرفتاري جي هدايت

ڪراچي/لاڙڪاڻو(م.ڊ/اسٽاف رپورٽر)نئون ديرو شگر مل باءِ پاس روڊ تي موٽر سائيڪل سوار ٻن اڻڄاتل هٿياربندن چنگچيءَ مٿان فائرنگ ڪري ڏني، جنهن جي نتيجي ۾ چنگچيءَ ۾ ويٺل 2 ڄڻا ٿڏي تي مارجي ويا، جڏهن ته هڪ زخمي ٿي پيو. واقعي جي اطلاع تي نئون ديرو ٿاڻي جي پوليس مارجي ويلن جا لاش ۽ زخميءَ کي نئون ديرو اسپتال پهچايو، جتي زخميءَ جي حالت نازڪ هجڻ ڪري کيس چانڊڪا اسپتال لاڙڪاڻي نيو آندو ويو جتي هن به زخمين جا سور نه سهندي دم ڌڻي حوالي ڪيو. اسپتال ۾ موجود چنگچي ڊرائيور مختيار علي صحافين کي ٻڌايو ته آئون روزانو جي معمول جيان لاڙڪاڻي کان سواري کڻي نئون ديرو اچي رهيو هيس ته شگر مل باءِ پاس روڊ سان پاور هائوس وٽ موٽر سائيڪل تي سوار ٻن هٿياربندن چنگچيءَ جو اڳ جهلي فائرنگ ڪري ڏني جنهن ۾ چنگچيءَ ۾ ويٺل ٽئي ڄڻا رتورت ٿي ويا، آئون ڊڄي ويس مون هنن کي ايلاز منٿون ڪيا پر هنن هڪ به نه ٻڌي. هوڏانهن مارجي ويلن سان ڊنر سيٽ جا ٿانوَ به گڏ هئا، جيڪي چنگچيءَ ۾ پيل هئا،ڊي ايس پي نئين ديري  خان محمد کوسي  جوچوڻ آھي ته جوابدار  چنگچي تي فائرنگ ڪري ٻن ڄڻن کي قتل ۽ ھڪ ڄڻي کي زخمي ڪري فرار ٿي ويا آھن جڏهن تھ جوابدارن جي گرفتاري لاءِ  علائقي جي ناڪابندي ڪري ڇڏي آهي، کين جلد قانون جي ڪٽهڙي ۾ آندو ويندو. ٻئي پاسي سنڌ جي وڏي وزير سيد مراد علي شاهه نئون ديرو شگر مل ويجھو مزدورن جي قتل جو نوٽس وٺندي ڊي آءِ جي لاڙڪاڻي کي قاتلن جي فوري گرفتاريءَ جي ھدايت ڪئي. ھن چيو تھ قاتلن جي گرفتاريءَ لاءِ ناڪابندي ڪري ڪارروائي وڃي. وڏي وزير سيد مراد علي شاھھ ڪمشنر لاڙڪاڻي ۽ ڊي آءِ جي لاڙڪاڻي سان رابطو ڪيو ۽ سندن ھدايت ڪئي تھ قتل ٿيل مزدورن جي وارثن سان رابطو ڪيو وڃي. ھن چيو تھ مزدورن جا مڙھھ سندن ڳوٺن تائين پھچائڻ لاءِ ھر قسم جون سھولتون فراھم ڪيون وڃن. وڏي وزير چيو تھ اھو ھڪ انتھائي ڏکوئيندڙ واقعو آھي، جيڪو سنڌ جي امن امان کي خراب ڪرڻ جي ھڪ سازش آھي. ھن چيو تھ سنڌ ۾ رھندڙ ھر شخص چاھي اھو ڪابھ ٻولي ڳالھائيندو ھجي اھو سنڌي آھي ۽ اسانجو ڀاءُ آھي. مراد علي شاھھ چيو تھ جيڪو بھ سنڌ جي امن کي خراب ڪندو ۽ معصومن جو رت وھائيندو اھو سندس دشمن آھي ۽ انھن دشمن خلاف سخت ڪارروائي ڪئي ويندي. ھن چيو تھ ڪنھن جو رت وھائڻ ڪٿان جي انسانيت آھي. وڏي وزير ڊي آءِ جي لاڙڪاڻي کي ھدايت ڏيندي چيو تھ مونکي قاتل گرفتار ڪري انھن تي دھشتگرديءَ جي شق لڳائي ڪيس داخل ڪري رپورٽ پيش ڪئي وڃي ۽ قاتلن جي گرفتاريءَ تائين پوليس جي ڪارروائي جاري رکي وڃي.

 

ڊيل گهرجي نه وري ڪا ڍر، اين آر او گهرندڙن جا نالا ته کڻو: پيپلز پارٽي

سکر(بيورو رپورٽ) پ پ اڳواڻ خورشيد شاهه چيو آهي ته وفاقي سرڪار ٻڌائي ته ڪهڙي نڀاڳي اين آر او گهريو آهي، ڪو ته نالو کڻو، ڪجهه ته ٻڌايو، پي ٽي آءِ سرڪار وٽ اڪثريت ناهي، اسان ڪجهه به ڪري سگهون ٿا. سکر ۾ ڳالهائيندي خورشيد شاهه چيو ته پهريان ڪڏهن به اسٽيڊنگ ڪميٽي جي چيئرمين خلاف بي اعتمادي جي رٿ ناهي آئي، اسان کي به خبر آهي ته وزيراعظم عمران خان ۽ وزيرن خلاف نيب ڪيسز آهن، خورشيد شاهه چيو ته عمران خان وٽ اڪثريت ناهي، اسان گهڻو ڪجهه ڪري سگهون ٿا. خورشيد شاهه وفاقي سرڪار سان مخاطب ٿيندي چيو ته ڪهڙي نڀاڳي اوهان کان اين آر او گهريو آهي، ڪو ته نالو کڻو، ڪجهه ته ٻڌايو، هن چيو ته اسان کي نه ڪا ڊيل گهرجي. نه وري ڪا ڍر چاهيون ٿا.

 

ارشاد رانجهاڻي قتل واري واقعي کي لساني رنگ نه ڏنو وڃي، اهو انسانيت جو قتل هوۡ: مراد علي شاهه

ٽنڊو باگو/ ڪراچي (نمائندن وٽان) سنڌ جي وڏي وزير سيد مراد علي شاهه چيو آھي تھ ارشاد رانجھاڻي جي قتل کي لساني رنگ ڏيڻ جي ڪوشش ڪئي پئي وڃي اسان ان مامري تي ڪنھن کي بھ سياسي رنگ نھ ڏيڻ ڏينداسين. چيف جسٽس ايف آءِ اي کي بلاول ڀٽو زرداري ۽ سنڌ جي وڏي وزير سيد مراد علي شاھھ جو نالو اِي سي ايل مان فوري طور تي ڪڍڻ جو حڪم ڏنو آھي. سنڌ حڪومت تعليم جي بھتريءَ لاءِ ھر ممڪن ڪوشش ڪري رھي آھي. اسان صوبي ۾ يونيورسٽيون پڻ قائم ڪري رھيا آھيون. اھڙن خيالن جو اظھار ھن ٽنڊو باگو ۾ ميڊيا سان گفتگو دوران ڪيو، ميڊيا سان ڳالھائيندي وڏي وزير سيد مراد علي شاھھ چيو تھ اسڪولن ۾ سھولتن جي کوٽ کي ھنگامي بنيادن تي پورو ڪري رھيا آھيون. اسان سھولتن جي کوٽ کي پورو ڪرڻ لاءِ 4200 اسڪولن کي بجيٽ ڏنو آھي. ارشاد رانجھاڻي قتل جي حوالي سان سندس چوڻ ھو تھ ارشاد رانجھاڻي جي قتل کي لساني رنگ ڏيڻ جي ڪوشش ٿي رھي آھي. اھو واقعو انسانيت خلاف آھي جنھن سان بھ ناانصافي ٿيندي سنڌ حڪومت انھن سان بيٺل ھوندي، ھوُ سنڌي آھي يا ڪو ٻيو منھنجو ان سان ڪو تعلق نھ آھي. اسان ڄاڻايل مامري ۾ ڪنھن بھ قسم جو ڪو سياسي رنگ ھرگز برداشت نھ ڪيو ويندو. ڪنھن کي بھ پروپيگنڊا ۾ اچڻ جي ضرورت نھ آھي. ھن چيو تھ رمشا وساڻ ڪيس ۾ بھ اسان سختيءَ سان عمل ڪيو آھي. رمشا وساڻ ڪيس ۾ سمورن ڏوھارين کي گرفتار ڪيو آھي. اِي سي ايل ۾ شامل نالن جي حوالي سان وڏي وزير سيد مراد علي شاھھ چيو تھ چيف جسٽس ايف آءِ اي وارن کان پڇا ڪئي تھ اوھان ڪنھن جي چوڻ تي بلاول ڀٽو زرداري ۽ سنڌ جي وڏي وزير جو نالو اِي سي ايل ۾ وڌو آھي. چيف جسٽس کين بلاول ڀٽو زرداري ۽ مراد علي شاھھ جو نالو فوري طور تي اِي سي ايل مان ڪڍڻ جو حڪم ڏنو آھي. ھن پاڻيءَ جي کوٽ بابت چيو تھ سنڌ کي ان جي حصي جو پاڻي نھ پيو ڏنو وڃي جنھن ڪري سنڌ جا آبادگار پاڻي جي کوٽ ھئڻ ڪري پريشان آھن. وڏي وزير سيد مراد علي شاھھ چيو تھ وفاقي حڪومت پاران صوبن کي وسيلن جي ورڇ بھتر نھ پئي ڪئي وڃي. 85 سيڪڙو وسيلا صوبن کي وفاق کان ملندا آھن جنھن لاءِ اسان وفاق سان ڳالھايو آھي. تقريب کي خطاب دوران سنڌ جي تعليم واري وزير سيد سردار شاھھ چيو تھ استادن جي کوٽ گھڻي نھ آھي جيڪڏھن مقرري ۽ بدليءَ جو مسئلو ضرور آھي. ھن چيو تھ سنڌ ۾ 28 شاگردن لاءِ ھڪ استاد مقرر ھوندو آھي. 150000 شاگردن لاءِ 42000 استاد موجود آھن. اسان رڳو ريشنلائيز ڪري رھيا آھيون. جتي جتي استادن کي کوٽ ھوندي انھن اسڪولن کي استاد ڏنا ويندا. ھي مير غلام محمد ٽالپر اسڪ پراڻو اسڪول آھي ان کي اصل حالت ۾ بحال ڪرڻ لاءِ وڏي وزير ھدايتون ڪيون آھن. وڏي وزير جي ٽنڊو باگو پھچڻ تي سندس شاندار آجيان ڪئي وئي. انھيءَ بعد وڏي وزير سيد مراد علي شاھھ ٽنڊو باگو ۾ مير غلام محمد ٽالپر اسڪول جي سئو سالا تقريب ۾ شرڪت ڪئي. سيڪريٽري ڪاليجز پرويز احمد سيھڙ ڪاليج جي حوالي سان بريفنگ ڏني. وڏي وزير سيد مراد علي شاھھ ھڪ ڪلاس ۾ شاگردن سان ڳالھھ ٻول پڻ ڪئي. تقريب جا انتظام اولڊ بوائز ايسوسيئيشن ڪيا ھئا. ان موقعي تي محترمھ بينظير ڀٽو شھيد جي ايثال ثواب لاءِ دعا پڻ ڪئي وئي. انھيءَ بعد وڏي وزير سيد مراد علي شاھھ تقريب کي خطاب ڪندي چيو تھ بدين ۾ اڳ بھ آيو آھيان  پر اڄ وڌيڪ خوش آھيان ڇاڪاڻ تھ ھتي اسٽيج تي ٽالپر، جمالي، نظاماڻي، پير ۽ ٻيون اھم شخصيتون موجود آھن. مان تمام خوش آھيان تھ 100 سال پراڻي ترجيحي اسڪول ۾ آيو آھيان. مير غلام محمد ٽالپر جھڙي عظيم انسان جي اسڪول ۾ موجود ھئڻ مون لاءِ ھڪ اعزاز جي ڳالھھ آھي.، مير صاحب پنھنجي وقت جو سنڌ جو سر سيد ھو. اسان جا پراڻا ھندو ۽ پارسي تعليم جي ماھرن سنڌ ۾ تعليم کي اڳتي وڌائڻ ۾ اھم ڪردار ادا ڪيو آھي. مراد علي شاھھ ڊگري ڪاليج جو افتتاح ڪندي چيو تھ ٽنڊو باگو کي ھر سھول فراھم ڪئي ويندي. اسان ملازمن کي پڪو ڪندا آھيون جيڪي محترمھ شھيد ڀٽو جو سبق آھي ۽ ان تي عمل ڪندا رھنداسين. جن اسڪولن ۾ اينرولمنيٽ وڌيڪ آھي اسان انھن کي اھميت ڏئي رھيا آھيون. تعليم واري شعبي ۾ اسان کي اوھان سڀ ۽ خاص طور تي استادن کي دل سان ڪم ڪرڻ گھرجي. ھن چيو تھ مير غلام محمد ٽالپر جڏھن گرلز اسڪول بڻايو تھ ليڊي استاد جي ضرورت پئي مير صاحب ھڪ ليڊي استاد جو خاندان حيدرآباد کان بدين منتقل ڪرايو ۽ گرلز تعليم شروع ڪئي. ھن چيو تھ استادن جو ڪم آھي تھ ٻارن کي سٺي تعليم ڏني وڃي. استادن جي کوٽ نھ آھي پر اسان وٽ سائين ۽ رياضي جي استادن جي ضرورت آھي. اسان استادن کي نئين گھرجن ۽ ٽيڪنالاجي موجود سکيا ڏئي رھيا آھيون. اسان کي ھن ملڪ ۽ صوبي جي تعمير ڪرڻي آھي ۽ اھو رڳو تعليم سان کي ٿي سگھي ٿي. ھي قديم شھر آھي. مون ان جي روڊن جي تعمير لاءِ ورڪس کاتي کي ھدايت ڪئي آھي. ھن چيو تھ بدين پڇڙيءَ ۾ آھي اسان ھتان جي نھري نظام کي بھتر بڻائي رھيا آھيون. وفاقي حڪومت پنھنجو ڪم نھ پئي ڪري جنھن ڪري اسان کي گذريل سال کان بھ گھٽ فنڊ ملي رھيا آھن. فنڊن جي کوٽ آھي پر اسان ڪوشش ڪري مسئلن کي حل ڪنداسين. صحت واري شعبي ۾ بھ ھن ضلعي کي خاص توجھھ ڏئي رھيا آھيون. ھن اسڪول جي اولڊ بوائز جيڪي ھاڻي اولڊ مين ٿي ويا آھن سندن ڪوشش ڪري ھي پروگرام ٿي رھيو آھي مان انھن جو ٿورائتو آھيان. وڏي وزير چيو تھ ھن پراڻي اسڪول کي اصل حالت ۾ بحال ڪيو ويندو. ان موقعي تي ھن وڌيڪ چيو تھ اڄ ميڊيا ھلايو تھ مراد علي شاھھ گاڏين جي قافلي ۾ ٽنڊو باگو پھتو جڏھن تھ مون سان رڳو ھڪ گاڏي ھئي باقي ھتان جي دوستن جون ھيون. مراد علي شاھھ اولڊ بوائز ايسوسيئيشن مير غلام محمد خان ٽالپر اسڪول جي نمائندن ۾ ايوارڊ ورھايا.

 

جيڪڏهن عورتن کي هيسائجڻ کان نٿا بچائي سگھو، اسان کي شرم اچڻ گھرجي: سپريم ڪورٽ

اسلام آباد (ويب ڊيسڪ) سپريم ڪورٽ عورتن جي ڪم ڪرڻ واري هنڌن تي هيسائڻ جي قانون کي وڌيڪ مضبوط بڻائڻ جي هدايت ڪري ڇڏي. عورتن کي هيسائڻ جي معاملن واري وفاقي محتسب ياسمين عباسي پاران لاهور هاءِ ڪورٽ جي جج کي توهين عدالت نوٽيس جي معاملي تي ٻڌڻي ٿي. جسٽس عظمت سعيد کوسا جي سربراهي ۾ ٽي رڪني بينچ ڪيس جي ٻڌڻي ڪئي. سپريم ڪورٽ اٽارني جنرل ۽ صوبائي حڪومتن کان قانون جي تشريح جي حوالي سان جواب طلب ڪري ورتو. جسٽس عظمت سعيد کوسا ريمارڪس ڏنا ته اهو انتهائي اهم معاملو آهي. اٽارني جنرل ۽ صوبائي ايڊووڪيٽ جنرل عالمي قانون سان عدالت کي قانوني مدد فراهم ڪري. عدالت عورتن کي ڪم ڪرڻ واري هنڌن تي نه هيسائڻ واري قانون کي مضبوط بڻائڻ جي هدايت ڪندي چيو ته اهو قانون جي تشريح جو معاملو آهي. صوبن کي ٻڌڻ گھڻو ضروري آهي.جسٽس عظمت سعيد چيو ته جيڪڏهن عورتن کي هيسائجڻ کان نٿا بچائي سگھو ٿي اسان کي شرم اچڻ گھرجي. قانون اهڙا بڻايا وڃن ته جيئن عورتون شڪايتون داخل ڪرائي سگھن. هراسمنٽ واري وفاقي محتسب عورت ڪشمالا طارق چيو ته سنڌ ۾ شڪايتون زيرو آهي. جسٽس عظمنت سعيد چيو ته ماڻهو ان معاملي ۾ ڳالهائڻ کان پاسو ڪندا آهن. جيڪڏهن شڪايت ناهي ايندي ته ان جو مطلب اهو آهي ته مسئلو نه آهي. مسئلو اهو آهي ته توهان عورتن کي اعتماد ۾ ناهي ورتو.هن چيو ته ان قانون کي اهڙي ريت ٺاهيو وڃي جيئن عورتون پنهنجون شڪايتون داخل ڪرائي سگھن. صوبائي حڪومتون عورتن جي هراسمنٽ واري قانون ۾ ترميم نه ڪن ته سٺو آهي ۽ جيڪڏهن ترميم ڪرڻي آهي ته ان قانون کي وڌيڪ مضبوط بڻايو. ايڊيشنل ايڊووڪيٽ جنرل پنجاب موقف اختيار ڪيو ته پنجاب حڪومت ان قانون کي ڪمزور نه ڪندي. ڪشمالا طارق درخواست ڪئي ته سڀني صوبن مان عورتن جي کي هيسائڻ جا انگ اکر گھرايا وڃڻ.سپريم ڪورٽ ٻڌڻي مارچ جي پهرين هفتي تائين ملتوي ڪري ڇڏي.عورتن جي هراسمنٽ واري اڳوڻي وفاقي محتسب ياسمين عباسي لاهور هاءِ ڪورٽ جي اڳوڻي چيف جسٽس منصور علي شاهه کي توهين عدالت جا نوٽيس جاري ڪيا هئا.