تازيون خبرون
بي نامي ملڪيتون ضبط ڪري غريب کي ڏينداسين، ڪجهه به ڪيو احتساب ٿي ئي رهندو: وزير اعظم - دفاعي صنعت کي پاڻ ڀرو بڻائڻ لاءِ خانگي شعبي ۾ ڀائيواري وڌائڻ جي ضرورت آهي: آرمي چيف - ڳالهين لاءِ ڪيترائي ڀيرا رابطو ڪيو ويو پر نواز شريف ۽ مان تيار ناهيون: مريم نواز - سينيٽ چيئرمين خلاف رٿ، مخالف ڌر طرفان 60 سينيٽرن جي حمايت جي دعويٰ - عمران خان ۽ ملالا يوسفزئي دنيا جي سڀ کان وڌيڪ پسنديدا شخصيتن ۾ شامل - انصاف تي ٻڌل معاشر جي لاءِ ڪوڙي شاهدي جو خاتمو ڪرڻو پوندو: چيف جسٽس آصف سعيد کوسا - ملڪ ۾ ادارا آزاد آهن، پهريون ڀيرو طاقتور ماڻهو احتساب جي وڪڙ ۾ آهن: فردوس عاشق - فردوس شميم ادارن جو ترجمان نه بڻجي، وعدي موجب نرسن جي مطالبن جي منظوري جو نوٽيفڪيشن جاري ڪري ڇڏيو: مرتضيٰ وهاب - شاهد خاقان عباسي ايل اين جي ڪيس ۾ 13 ڏينهن جي رمانڊ تي نيب حوالي، هڪ ئي وقت 90 ڏينهن جو رمانڊ ڏنو وڃي: عباسي - پرامن ڪارڪنن جون گرفتاريون عمران نيازي جي خوف ۾ مبتلا هجڻ جي علامت آهي: شهباز شريف

Category Archives: مکيه خبرون

ايڇ آءِ وي تي ڪنٽرول ۽ پکيڙجڻ کي روڪڻ لاءِ 600 ملين رپيا مختص، متاثرن جي بحاليءَ لاءِ ھڪ ارب فنڊ قائم ڪيو آھي: وڏو وزير

ڪراچي (اسٽاف رپورٽر) وڏي وزير سيد مراد علي شاهه چيو آھي تھ سندس ايڇ آءِ وي تي ڪنٽرول ۽ ان جي پکيڙجڻ کي روڪڻ لاءِ 600 ملين رپيا مختص ڪيا آھن ۽ ايڇ آءِ وي کان متاثر ماڻھن جي بحاليءَ لاءِ ھڪ ارب رپين جو انڊومينٽ فنڊ پڻ قائم ڪيو آھي. ھن اھا ڳالھھ اڄ امريڪا جي ھڪ وفد گليڊ سائنسز سان ھڪ اجلاس جي صدارت ڪندي ڪئي، وفد جي اڳواڻي تنظيم جي نائب صدر ڪلفورڊ سيميول ڪري رھيو ھو، وفد جي ٻين ميمبرن ۾ سينئر ڊائريڪٽر ڏکڻ ايشيا مس ھيما سرينيوسن، سينئر ڊائريڪٽر گورنمينٽ افيئرز ايشيا پيسفڪ جو ڪيلوڊيو ليلن فيلڊ ۽ فيروز سنز ليب جي سي اِي او عثمان خالد وحيد شامل ھئا. وڏي وزير چيو تھ سندس جڏھن ضلعي لاڙڪاڻي جي شھر نئون ديرو ۾ ايڇ آءِ وي کان متاثر ڪجھھ ماڻھن بابت ٻڌو تھ انھن متاثر ماڻھن جي اسڪريننگ لاءِ خاص ٽيمون اماڻيون. ھن چيو تھ اسان معاملي کي ڌٻائڻ بدران علائقي جي ماڻھن جي اسڪريننگ ڪرڻ کي ترجيح ڏئي رھيا آھيون. مراد علي شاھھ چيو تھ 32151 ماڻھن جي اسڪريننگ ڪئي وئي جنھن مان 936 بشمول 770 ٻار ۽ 166 نوجوان ايڇ آءِ وي پازيٽوِ متاثر ھئا. ھن چيو تھ انھن 936 مريضن مان 47 سيڪڙو مرد ۽ 53 عورتون شامل آھن. وڏي وزير ايڇ آءِ وي مريضن جي ڄمار بابت ٻڌائيندي چيو تھ 936 ايڇ آءِ وي پازيٽِوِ ڪيسن ۾ 56 مريض 5 ورھين جي ڄمار جا آھن جڏھن تھ 26 سيڪڙو جي ڄمار 5 کان 14 ورھيا، 16 سيڪڙو 15 کان 45 ورھيا ۽ 2 سيڪڙو 45 کان وڌيڪ واري ڄمار آھي. وڏي وزير سندس حڪومت پاران ڪيل اپائن بابت ٻڌائيندي چيو تھ چلڊرين اسپتال لاڙڪاڻي ۾ نئون پيڊرياٽرڪ ٽريٽمنٽ سينٽر قائم ڪري رھيا آھيون ۽ اھڙو ھڪ سينٽر تعلقي اسپتال رتوديرو ۾ پڻ قائم ڪري رھيا آھيون. سنڌ بلڊ ٽرانسفيوزن اٿارٽي (ايس بي ٽي اي) غيرقانوني بلڊ بينڪ خلاف آپريشن شروع ڪيو آھي ۽ اتائي ڪلينڪن کي پڻ سيل ڪيو ويو آھي. ھن چيو تھ ان سان گڏ ڪجھھ ننڍا پروگرام جھڙوڪ ليڊي ھيلٿ ورڪرز، اي پي آءِ، نيوٽريشن، ايم اين سي ايڇ، ھيپاٽائيٽس بھ موئثر ريت رتوديرو ۽ لاڙڪاڻي ۾ جاري آھن. ھن چيو تھ اسان لاڙڪاڻي ۾ آٽو لاڪ سرنج بھ متعارف ڪرائي آھي. مراد علي شاھھ چيو تھ بين الاقوامي اين جي اوز ۽ يو اين ايجنسين جھڙوڪ يونيسيف، ڊبليو ايڇ او، يو اين ايڊ، جي ايف اي ٽي ايم، يو ايس ايڊ-جي ايس آءِ کي فني سھڪار لاءِ آن بورڊ ورتو ويو آھي. ھن چيو تھ آغا خان يونيورسٽي اسپتال، ايس آءِ يو ٽي ۽ ٻيا ادارا علاج، اسڪريننگ، لاڳاپيل ميڊيڪل آفيسرن ۽ ٽيڪنيڪل اسٽاف جي صلاحيتن ۾ واڌ ۾ سھڪار ڪري رھيا آھن. واضح رھي تھ ڊبليو ايڇ او مشن رتيديري، لاڙڪاڻي جو ھڪ ھفتي وارو دورو ڪيو ۽ ايڇ آءِ وي ٽريٽمنٽ سينٽرن تي ٽيسٽنگ ۽ علاج سميت فزيشن جي سکيا تي ڌيان ڏنو ويو. وڏي وزير ڊبليو ايڇ او واري ايڇ آءِ وي آئوٽ بريڪ بابت ٽي مشن جو اھتمام ڪرڻ ۽ 600 ايڇ آءِ وي پازيٽو ٻارن کي ٽن مھينن لاءِ ضروري دوائون فراھم ڪرڻ تي ٿورا مڃيا. ھن يونيسف، اين اي سي پي، گلوبل فنڊ، يو اين ايڊ، يو اين ايف پي اي، يو ايس ايڊ، نئين زندگي ٽرسٽ، اي ڪي يو ايڇ، ايس آءِ يو ٽي، ڊي يو ايڇ ايس ۽ اي پي ايل ايڇ آءِ وي جو بھ سندس حڪومت سان گڏ ايڇ آءِ وي جي پکيرجڻ کي روڪڻ ۽ متاثر ماڻھن جي علاج ۾ سھڪار ڪرڻ تي ٿورا مڃيا. گليڊ سائنسز جي نائب صدر ڪلفورڊ سيميول وڏي وزير کي سندس اداري پارنا سھڪار جي آڇ ڪئي. وڏي وزير سيڪريٽري صحت سعيد اعواڻ کي ھدايت ڪئي تھ گليڊ سائنسز جي وفد سان اجلاس منعقد ڪري ۽ جتي سندن سھڪار جي گھرج آھي ان تي خيالن جي ڏي وٺ ڪئي وڃي. ھن چيو تھ مان سروسز ۾ ڊپليڪيشن نھ ٿو چاھيان پر ان جي جتي ضرورت ھجي اتي ان جي لازمي وضاحت ٿيڻ گھرجي.

 

شاهد خاقان کي گرفتاري جي خبر هئي، ايل اين جي ڪيس ۾ اڃان به ڪيتريون ئي گرفتاريون ٿينديون؛ شيخ رشيد

اسلام آباد(ويب ڊيسڪ) ريلوي واري وفاقي وزير شيخ رشيد احمد اڳوڻي وزير اعظم شاهد خاقان عباسي جي گرفتاري تي رد عمل ڏيندي چيو آهي ته ايل اين جي ڪيس ۾ اڃان به ڪيتريون ئي گرفتاريون ٿينديون. تفصيل موجب شيخ رشيد احمد جو چوڻ هو ته شاهد خاقان عباسي کي خبر هئي ته اڄ سندس گرفتاري ٿيندي، هن پهرين کان طئي ڪيو هو ته نيب ۾ پيش نه ٿيندس. سندس چوڻ هو ته شاهد خاقان عبس کي ته اڄ نيب طلب ڪيو هو ڪيڏانهن وڃي رهيو هو، سپريم ڪورٽ ايل اين جي جا سمورا دستاويز نيب کي ڏئي ڇڏيا هئا. هن اِهو به چيو ته مون وٽ جيترا به دستاويز آهن عدالت ۾ جمع ڪرائي چڪو آهيان، 90 ڏينهن ۾ وڏن وڏن ڪيسن جا فيصلا ٿي ويندا. شيخ رشيد جو چوڻ هو ته اِها گرفتاري منهنجي لاءِ ڪا نئين خبر ناهي، چيو هو ته ڪيترن ئي اهم ڪيسن جا فيصلا ٿيندا. هن وڌيڪ چيو ته جيڪو شخص جيتريون رڙيون ڪري رهيو آهي ان جو ڪيس اوترو ئي وڏو آهي، آسان نسخو ٻڌائي ڇڏيو آهي جيڪو وڏيون رڙيون ڪري رهيو آهي ايندڙ وارو ان جو ئي آهي.

 

جج ويڊيو اسڪينڊل: ايف آءِ اي ٽيم جو ميان طارق جي دڪان ۽ آفيس تي ڇاپو، اهم دستاويز هٿ

ملتان (ويب ڊيسڪ) ايف آءِ اي جي سائبر ڪرائم ونگ جج ارشد ملڪ جي ويڊيو جي اهم ڪردار ميان طارق جي دڪان ۽ آفيس تي ڇاپو هڻي هم دستاويز ۾ قبضي ۾ وٺي ڇڏيا. اسلام آباد جي ايف آءِ اي سائبر ڪرائم ونگ ملتان ۾ ڪارروائي ڪندي جج ارشد ملڪ جي ويڊيو جي اهم ڪردار ميان طارق جي دڪان ۽ آفيس تي ڇاپو هنيو، جنهن دوران اهم دستاويز ۽ ڊوائس قبضي ۾ ورتي وئي. ايف آءِ اي ٽيم ميان طارق جي گهر به وئي ۽ گهر ڀاتين کان ساڍن ٽن ڪلاڪن تائين پڇا ڳاڇا ڪئي، جنهن کانپوءِ ٽيم اسلام آباد رواني ٿي وئي. واضح رهي ته ايف آءِ اي جج ارشد ملڪ خلاف ويڊيو اسڪينڊل ۾ ملوث جوابدار ميان طارق کي ڪالهه گرفتار ڪيو هو.

 

نيب جو نالو تبديل ڪري ن ليگ احتساب بيورو رکيو وڃي، عمران خان کي پاڪستاني هٽلر ٿيڻ نه ڏينداسين: احسن اقبال/مريم اورنگزيب

لاهور ( ويب ڊيسڪ ) مسلم ليگ ن اڳواڻن چيو آهي ته ڀلي سڀني کي جيل ۾ وڌو وڃي، اسان جي آواز کي دٻائي نه ٿو سگهجي، عمران خان جي ڌمڪين کان نه ڊڄنداسين. لاهور ۾ ميڊيا سان ڳالهائيندي احسن اقبال چيو ته اڄ وري جمهوريت لاءِ هڪ ڪارو ڏينهن آهي، ووٽن سان چونڊيل وڌيڪ هڪ وزيراعظم کي نيب گرديءَ جو نشانو بڻايو ويو آهي. هن چيو ته پاڪستان جي تاريخ ۾ اهڙي ڪا حڪومت نه آئي آهي جنهن کي هر پاسي کان ٿڌي هوا ملي هجي، حڪومت ملڪي معيشت کي ڏيوالي طرف وٺي وڃي رهي آهي. سندس چوڻ هو ته موجوده حڪومت جي اسڪينڊل تي پردا وڌا پيا وڃن، نيب جو نالو تبديل ڪري ن ليگ احتساب بيورو رکيو وڃي، اسان عمران خان کي پاڪستاني هٽلر ٿيڻ نه ڏينداسين. مريم اورنگزيب چيو ته غير تصديق ٿيل گرفتاري وارنٽ جي فوٽو ڪاپي تي اڳوڻي وزيراعظم کي گرفتار ڪيو ويو آهي.

 

شاهپورچاڪر لڳ جلباڻي برادري جي ٻن ڌُرين ۾ جھيڙو، نوجوان قتل، 3 زخمي ڄڻا

شاهپورچاڪر( رپورٽر) شاهپورچاڪر ٿاڻي جي حد چودڳي ۾ سڱاوتي تڪرار تان جلباڻي برادري جي ٻن ڌُرين ۾ جھيڙو، گوليون لڳڻ سبب 27 ورهين جو محمد لقمان جلباڻي قتل ٿي ويو، جڏھن ته 3 ڄڻا عباس علي وحيد علي ۽ معشوق جلباڻي گوليون ۽ لٺيون لڳڻ سبب شديد زخمي ٿي پيا، اهڙي اطلاع تي شاهپورچاڪر پوليس واقعي واري هنڌ پهچي لاش پنهنجي تحويل ۾ وٺي پوسٽ مارٽم لاءِ شاهپورچاڪر رورل هيلٿ سينٽر آندو ۽ زخمي ٽنهي ڄڻن کي پڻ علاج واسطي مقامي اسپتال آندو ويو، قتل ٿيل نوجوان جي وارثن سائين ڏتو، شير محمد ۽ حڪيم جلباڻي ٻُڌايو ته گذريل رات اسانجي ڳوٺ سڱاوتي حساب سان برادري جي ماڻھن جون پاڻ ۾ ڳالهين دوران ٿوري ڏند چڪ ٿي پر اسانجي برادري جي خدا بخش الھ بخش ۽ ٻين جن وٽ پسٽل هو چودڳي اسٽاپ تي  اچي مانڊڻي هلائيندڙ لقمان جلباڻي تي فائرنگ ڪري قتل ڇڏيو ۽ فائرنگ ۽ لٺيون لڳڻ سبب 3 ڄڻا زخمي پڻ ٿي ويا آھن ۽ جوابدار فرار ٿي ويا، هنن ٻڌايو ته قتل ٿيل پورهيت لقمان جلباڻي ٽن معصوم  پٽن جو پيءُ ۽ گهر جو اڪيلو ڪمائيندڙ ھو، آخري اطلاعن تائين ڪوبه ڪيس داخل نه ٿي سگهيو ۽ نه ئي گرفتاري عمل ۾ اچي سگهي هئي.

 

عاطف اسلم بي سُرو ۽ ماهره خان اداڪاري جي فن کان اڻڄاڻ آهي: جويريه عباسي

ڪراچي: (شوبز نيوز) پاڪستان ٽي وي انڊسٽري جي مشهور اداڪاره جويريه عباسي  مشهور ڳائڻي عاطف اسلم کي بي سُرو ۽ ماهره خان کي اداڪاري جي فن کان اڻڄاڻ  قرار ڏيندي کيس خوبصورت عورت قرار ڏنو/ڏسو صفحو 2 بقايا نمبر 39

آهي. اداڪاره جويريه عباسي خانگي ٽي وي شو ۾ سوالن جا جواب ڏيندي جويريه عباسي چيو ته آئون سعديه امام کي پنهنجو جاني دشمن دشمجهندي آهيان. اهي ڪهڙا سبب آهن جنهن جي ڪري آئون سعديه امام کي جاني دشمن سمجهان ٿي اهي آئون نٿي ٻڌائي سگهان.پاڪستاني شوبز انڊسٽري ۾ سڀني کان بهتر اداڪار فيصل قريشي آهي جڏهن ته مهوش حيات مون کي صرف اداڪاره جي طور تي پسند آهي. مشهور بي سُري ڳائڻي جي حوالي سان پڇيل سوال تي جويريه عباسي چيو ته منهنجي ويجهو عاطف اسلم گهڻو مشهور ڳائڻو آهي پر هو بي سُرو آهي.جويريه عباسي چيو ته منهنجو مڃڻ آهي ته عدنان صديقي کي اداڪاري ڇڏڻ گهرجي ڇو ته هو صرف پرڪشش انسان آهي پر سٺو اداڪار نٿو ٿي سگهي. ماهره خان جي حوالي سان جويريه عباس چيو ته هو به خوبصورت عورت آهي پر  مون کي سمجهه ۾ نٿو اچي ته هو فلمن ۾ ڇو اچي رهي آهي.

 

باهه سان ڊانس ڪرڻ سولو ڪم ناهي: نورا فتيحي

ممبئي (شوبز نيوز) مراڪشي ڄائي بالي ووڊ اداڪاره ۽ ڊانسر نورا فتيحي گذريل سال آگسٽ ۾ رليز ٿيل گاني “دلبر دلبر” جي ريميڪ ۾ شاندار ڊانس ڪري سڀني جون دليون کٽي ورتيون هيون. تازو هن 2004 ۾ رليز ٿيل فلم “مسافر” جي گاني “ساقي” جي آفيشل ريميڪ ۾ ڊانس ڪئي آهي جنهن تي مٿس تنقيد ڪئي پئي وڃي. ان حوالي س/ڏسو صفحو 3 بقايا نمبر 23

ان ڊانسر نورا فتيحي جو چوڻ هو ته هن گاني ۾ پرفارمينس لاءِ هن رڳو 3 ڏينهن ۾ تياري ڪئي. فلم فيئر موجب نورا فتيحي “ساقي” جي ناڪامي کانپوءِ ڳالهائيندي چيو ته کيس ساقي ۾ پرفارمينس ڪرڻ جي تياري لاءِ وڌيڪ وقت نه مليو ۽ هن آخري ٽن ڏينهن ۾ تياري ڪئي. ان سان گڏوگڏ مراڪشي ڄائي بالي ووڊ اداڪاره جو چوڻ هو ته گاني ۾ هن باهه سان پرفارمينس ڪئي ۽ باهه سان ڊانس ڪرڻ سولو ناهي هوندو. هن گاني جي ميوزڪ ۽ ان کي ٻيهر ٺاهيندڙ ٽيم ۽ ڳائڻي جي تعريف ڪندي چيو ته هن “ساقي” ۾ بهتر کان بهتر پرفارمينس ڪرڻ جي ڪوشش ڪئي. اداڪاره ٻڌايو ته “ساقي” ۾ ڪيترن ئي ماڻهن سان باهه سان گڏ رقص ڪرڻو پيو جڏهن ته اداڪاره گهٽ وقت ۽ باهه سان پرفارمينس ڪرڻ تي گاني کي ناڪامي قرار نه ڏنو، هن ڊانس پرفارمينس کي ڏکيو قرار ڏنو. هن چيو ته اهم ڳاهه اها آهي ته “بٽلا هائوس” ۾ هن نه رڳو گاني ۾ پرفارمينس ڪئي آهي پر هو فلم ۾ اداڪاري به ڪندي نظر ايندي ۽ هو فلم جي حوالي سان پراميد آهي. واضح رهي ته نورا فتيحي مراڪش ۾ پيدا ٿي جڏهن ته هن وڌيڪ وقت ڪيناڊا ۾ گذاريو ۽ وٽس ٻنهي ملڪن جي شهريت آهي. نورا فتيحي 2014 ۾ ڀارت ۾ ماڊلنگ، اداڪري ۽ ڊانس ڪيريئر جي شروعات ڪئي ۽ هاڻي هندي سميت ملايلم، تيلگو ۽ تامل فلمن ۾ مختصر ڪردارن سميت ڪيترائي آئٽم نمبر ڪري چڪي آهي کيس سڀ کان وڌيڪ شهرت “دلبر دلبر” جي ريميڪ مان ملي جنهن کانپوءِ هن ڪيترائي آئٽم نمبر پڻ ڪيا آهن.

 

آصف علي جو انضمام الحق جي باري ۾ نئون انڪشاف

لاهور: (اسپورٽس نيوز) چيف سليڪٽر جي عهدي تان استعيفيٰ ڏيندڙ انضمام الحق جي باري ۾ قومي ڪرڪيٽر آصف علي نئون انڪشاف ڪري ڇڏيو آهي.مشهور بيٽسمين آصف علي چيو آهي ته جڏهن انضمام/ڏسو صفحو 2 بقايا نمبر 22

کي خبر پئي ته منهنجي ڌيءَ چوٿين درجي جي ڪينسر ۾ مبتلا آهي ته هو ذاتي طور تي پي سي بي آفيس ويو ۽ بورڊ اختيارين کي منهنجي ڌيءَ جي علاج جي لاءِ فنڊن بابت ڳالهايو ۽ اهو سمورو معاملو هن پاڻ حل ڪيو.ٽوئٽر تي جاري ڪيل پنهنجي پيغام ۾ آصف علي چيو ته هو هڪ ليجنڊ آهي. جنهن جي تعريف ڪرڻ جا لفظ ئي ناهن جيڪي بيان ڪري سگهجن. نوجوان رانديگرن جي لاءِ گرائونڊ جي اندر ۽ ٻاهر حقيقي معنيٰ ۾ انضمام رول ماڊل هو.ياد رهي ته انضمام الحق جي چيف سليڪٽر جو مدو 30 جولاءِ تي ختم ٿي رهيو آهي ۽ هن گذريل ڏينهن قذافي اسٽيڊيم لاهور ۾ شيڊول پريس ڪانفرنس ۾ پنهنجي عهدي تان استعيفيٰ ڏيڻ جو اعلان ڪيو هو.

 

ڪلڀوشن جي بريت جي استدعا رد، ڀارتي عالمي عدالت ۾ ڪيس هارائي ويو، پاڪستان جي سوڀ

اسلام آباد (اين اين آءِ) وزيراعظم عمران خان چيو آهي ته ماضي ۾ جئين ملڪ کي هلايو پئي ويو هاڻ ائين نٿو هلي سگهي، منهنجو جيئڻ مرڻ پاڪستان ۾ آهي، پاڪستان کي عظيم ملڪ بڻائينداسين، ماڻهن کي ايف بي آر تي اعتماد ناهي، اداري ۾ سڌارا ڪري رهيا آهيون، سڀني کي ٽيڪس نيٽ ۾ آڻينداسين، دٻاءُ وجهندڙ کي چوان ٿو ته پوئتي هٽيس ته قوم سان غداري هوندي، اربع تي گجرانوالا چيمبر آف ڪامرس جي اسلام آباد ۾ انعام ورهائڻ واري تقريب کي خطاب ڪندي وزيراعظم چيو ته مان هر هر مديني جي رياست جي ڳالهه ڪريان ٿو، مديني جي رياست ۾ طاقتور ۽ ڪمزور لاءِ هڪ ئي قانون هوندو آهي، طاقتور ۽ ڪمزور لاءِ ڌار ڌار قانون هجي ته رياست تباهي ٿي ويندي آهي جن معاشرن ترقي ڪئي اتي سڀني لاءِ هڪ ئي قانون آهي، عدل ۽ انصاف مديني جي رياست جا اصول هئا، عمران خان چيو ته منهنجو ملڪ کان ٻاهر نه ڪاروبار آهي ۽ نه ئي وري ڪا ملڪيت آهي، منهنجو جيئڻ مرڻ پاڪستان ۾ آهي، مني لانڊرنگ ڪندڙن جا مقصد ۽ مفاد ڪجهه ٻيا آهن جن تي ڪيس آهن انهن سڀني جا مٽ مائٽ ٻاهر ڀڳل آهن، سندس چوڻ هو ته ملڪ ۾ جيڪو ننڍي چوري ڪري ٿو سڀني کي خبر آهي ان سان جيل ۾ ڪهڙو ورتاءُ ٿئي ٿو، گذريل سال جيترو ٽيڪس ادا ڪيو ان جو اڌ قرض لاهڻ ۾ هليو ويو، هن چيو ته ايف بي آر ۾ 7 سئو ارب رپين جي چوري ٿي هئي تنهنڪري ايف بي آر ۾ سڌارن تي ڪم ڪري رهيا آهيون، وزيراعظم چيو ته سڃاڻپ ڪارڊ جي شرط جي مخالفت اهي واپاري ڪري رهيا آهن جيڪي اسملنگ جو سامان وڪرو ڪن ٿا، هن چيو ته 22 ڪروڙ ماڻهن مان رڳو 15 لک ٽيڪس ڏين ٿا، شبر زيدي ٻڌايو ته پاڪستان جو 70 سيڪڙو ٽيڪس 3 سئو ڪمپنيون ڏئي رهيون آهن، ايندڙ سال لاءِ پوري طاقت سان 5500 ارب روينيو گڏ ڪنداسين، ٽيڪس نظام ٺيڪ هجي ته قرض به لاهينداسين ۽ ترقياتي ڪم به ٿيندا، وزيراعظم شوڪت ترين جو حوالو ڏيندي چيو ته ايف بي آر ۾ 7 سئو ارب رپين جي چوري ٿي آهي تنهنڪري اسان جو پهريون ڪم ايف بي آر کي ٺيڪ ڪرڻ آهي، عمران خان چيو ته اسان جو ڪم آهي ته صنعت جي ترقي ۾ ڪاروباري دوستن جي مدد ڪريون ۽ کين سهولتون ڏيون ته جئين ملڪ جو هر هڪ طبقو ترقي ڪري سگهي، وزيراعظم چيو ته اسان جي حڪومت جيڪو ڪجهه ڪري رهي آهي اهو عوام لاءِ ڪري رهي آهي، منهنجو ڪو ذاتي ڪاروبار يا ايجنڊا نه آهي ۽ نه ئي وري ملڪ کان ٻاهر آهي، هو اڳوڻن حڪمران وانگر نه آهي جيڪي ملڪ کي لٽي ٻاهر هليا وڃن ٿا.

 

ماضي جيان ملڪ نه هلندو، سڀني کي ٽيڪس نيٽ ۾ آڻڻو آهي، پوئتي نه هٽندس: عمران خان

اسلام آباد (ويب ڊيسڪ) وزيراعظم عمران خان چيو آهي ته ماضي ۾ جيئن ملڪ کي هلايو ويندو هو هاڻ ائين نٿو هلي سگهي، مان گهڙي گهڙي مديني جي رياست جو ڳالهه ڪندو آهيان، ڇو ته اتي طاقتور ۽ ڪمزور لاءِ هڪ ئي قانون هو، طاقتور ۽ ڪمزور لاءِ ڌار ڌار قانون هجي ته رياست تباهه ٿي ويندي آهي. گوجوانوالا چيمبر آف ڪامرس جي اسلام آباد ۾ انعام ورهائڻ واري تقريب کي خطاب ڪندي وزيراعظم چيو ته جن معاشرن ترقي ڪئي اتي سڀني لاءِ هڪ قانون آهي، عدل ۽ انصاف مديني جي رياست جا اصول هئا، اسان پاڪستان کي عظيم ملڪ بڻائينداسين، ملڪ کان ٻاهر منهنجي ڪا ملڪيت ۽ ڪاروبار ناهي، منهنجو جيئڻ مرڻ پاڪستان ۾ آهي. هن چيو ته مني لانڊرنگ ڪندڙن جا مفاد ڪجهه ٻيا آهن، جن تي ڪيس آهن انهن جا مٽ مائٽ ٻاهر ڀڄي ويا آهن، ملڪ ۾ جيڪو ننڍي چوري ڪندو آهي ته سڀني کي خبر آهي ان سان جيل ۾ ڪهڙو ورتاءُ ڪيو ويندو آهي، گذريل سال جيترو ٽيڪس ادا ڪيو ويو ان جو اڌ قرضن جي ادائيگين ۾ هليو ويو، ماضي ۾ جهڙي ريت ملڪ کي هلايو ويو هاڻ ائين نٿو هلي سگهي. سندس چوڻ هو ته ماڻهن کي ايف بي آر تي اعتماد ناهي، ايف بي آر ۾ 700 ارب رپين جي چوري ٿي هئي، سڌارن لاءِ ڪم ڪري رهيا آهيون، اسان کي سڀني کي ٽيڪس نيٽ ۾ آڻڻو آهي پر دٻاءُ وجهندڙن کي چوان ٿو ته پوئتي هٽيس ته قوم سان غداري هوندي، سڃاڻپ ڪارڊ جي شرط جي مخالفت اهي واپاري ڪري رهيا آهن، جيڪي سمگلنگ جو سامان کپائيندا آهن. وزيراعظم چيو ته 22 ڪروڙ ماڻهن مان 15 لک ٽيڪس ڏيندا آهن، شبر زيدي ٻڌايو ته پاڪستان جو 70 سيڪڙو ٽيڪس 300 ڪمپنيون ڏئي رهيون آهن، ايندڙ سال ڀرپور طاقت سان 5500 ارب روينيو گڏ ڪنداسين، ٽيڪس نظام درست هوندو ته قرض به لهندو ۽ ترقياتي ڪم به ٿيندا.