تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Category Archives: مکيه خبرون

ڪشمير بدران آئي فون تي ٽوئيٽ، مٿيرا جي ملالا تي تنقيد

 

ڪراچي(شوبز نيوز) اداڪارا مٿيرا نوبل انعام حاصل ڪندڙ ملالا يوسفزئي کي والاريل ڪشمير جي هاڻوڪي صورتحال بدران نئين آئي فون جي باري ۾ ٽوئيٽ ڪرڻ تي سخت تنقيد جو نشانو بڻايو آهي.ڪيليفورنيا ۾ ايپل ڪمپني طرفان آءِ فون 11 پرو جي پروموشن جي تقريب کان فوري پوءِ ملالا ٽوئيٽ ڪئي ته جيڪي ڪپڙا اڄ هن پاتا آهن اهي آئي فون جي ٽرپل ڪيميرا سان غير معمولي هڪجهڙائي ر کن ٿا.ڪجهه تنقيد ڪندڙن آئي فون جي ٽرپل ڪيميرا کي ناريل سان مشابهت ڏني، جڏهن ته سوشل ميڊيا ته گهڻي ڪندڙ ملالا جي ٽوئيٽ ۽ ان جا پاتل ڪپڙا ئي بحث هيٺ رهيا.ملالا جي ٽوئيت تي پنهنجي مايوسي جو اظهار ڪندي بيباڪ اداڪارا مٿيرا چيو ته نوبل انعام رکندڙ پاڪستاني شاگردياڻي کي نئين آئي فون ۽ پنهنجي ڪپڙن بدران ڀارتي اداڪارا پريانڪا چوپڙا ۽ والاريل ڪشمير جي صورتحال تي ڳالهائڻ گهرجي.مٿيرا جي جوابي ٽوئيٽ ۾ ڪجهه ماهن ملالا جي حمايت ۾ ٽوئيٽ ڪندي چوڻ لڳا ته ڪنهن کي اهو حق ناهي ته هوءَ نوبل انعام رکندڙ پاڪستاني ناري کي حڪم ڏئي ته ان کي ڇا ڪرڻ گهرجي.

 

ماورا حسين بي پهچ ماڻهن جي مدد لاءِ وڪالت سکڻ لڳي

 

ڪراچي (شوبز نيوز) مشهور اداڪارا ماورا حسين چيو آهي ته اداڪاري سان وڪالت جي پريڪٽس به ڪري رهي آهيان، وڪالت جو مقصد اهڙن ماڻهن جي قانوني مدد ڪرڻ آهي جيڪي وڪيل ڪرڻ جي طاقت نٿا رکن. هڪ انٽرويو ۾ اداڪارا چيو ته پاڻ کي شوبز کان ڪڏهن ڌار نٿي ڪري سگهان پر مان فلم ۽ ٽي وي ٻنهي ۾ ڪم ڪري رهي آهيان. وڪالت جي پريڪٽس جو اهو مقصد ناهي ته مان ڪا وڏي وڪيل بڻجي وينديس پر ان جو مقصد اهڙن ماڻهن جي قانوني مدد ڪرڻ آهي جيڪي پنهنجي دفاع لاءِ وڪيل ڪرڻ جي سگهه نٿا رکن.

 

پرفارمنس، فٽنيس ۽ ڊسيپلين قومي ٽيم ۾ اچڻ جي واحد چاٻي آهي: مصباح الحق

 

لاهور(اسپورٽس نيوز) قومي ڪرڪيٽ ٽيم جي هيڊڪوچ مصباح الحق جو چوڻ آهي ته رانديگرن جي لاءِ پرفارمنس سان گڏوگڏ فٽنيس ۽ ڊسيپلين قومي ٽيم ۾ اچڻ جي واحد چاٻي آهي.قائداعظم ٽرافي جي لاءِ ٽيمن جي ڪيمپس جي شروعات ٿي وئي آهي جنهن جي پهرئين مرحلي ۾ سمورن ڪرڪيٽرن جي قذافي اسٽيڊيم ۾ فٽنيس ٽيسٽ ورتي وئي، ان کانپوءِ نيشنل ڪرڪيٽ اڪيڊمي ۾ سينٽرل پنجاب جي ڪيمپ ۾ قومي ٽيم جي هيڊڪوچ مصباح الحق ليڪچر ڏنومصباح الحق جو چوڻ هو ته پرفارمنس سان گڏوگڏ فٽنيس ۽ ڊسيپلين قومي ٽيم ۾ اچڻ جي واحد چاٻي آهي، نئين سسٽم ۽ نئين طريقيڪار موجب پاڻ کي تيار ڪيو، جنهن شئي جي به پريڪٽس ڪريو ان کي پريڪٽس براءِ پريڪٽس سمجهي نه ڪريو پر پوري جان هڻو ۽ اهو ذهن ۾ رکو ته مون ان خامي کي بهتر ڪرڻو آهي، اها سوچ هوندي ته پرفارمنس به بهتر هوندي.هيڊ ڪوچ واضح ڪيو ته ٽيم جا دروازا سڀني لاءِ کليل آهن، جيڪو فتنيس، ڊسيپلين سان گڏوگڏ ڪارڪردگي ۾ سڀني کان اڳتي هوندو اهو اسان جي ترجيحن ۾ شامل هوندو، مصباح ڪرڪيٽرن کي تلقين ڪئي ته محنت کي پنهنجي عادت بڻائي ڇڏيو، ڪوبه مسئلو هجي ته ڪوچز سان ڳالهايو ۽ مون سان رابطو ڪريو.

 

سرفراز احمد قومي ڪرڪيٽ جو ڪپتان برقرار، بابر اعظم نائب ڪپتان مقرر

 

لاهور(اسپورٽس نيوز)پاڪستان ڪريڪٽ بورڊ سريلنڪا جي دوري لاءِ بابر اعظم کي قومي ٽيم جو نائب ڪپتان مقرر ڪيو آهي جڏهن ته سرفراز احمد بدستور ڪپتان جا فرض سرانجام ڏيندو.ايندڙ سيريز لاءِ ڪپتان ۽ نائب ڪپتان جو اعلان پاڪستان ڪرڪيٽ بورڊ جي سربراهه احسان ماني نئين هيڊڪوچ ۽ چيف سليڪٽر مصباح الحق لاهور ۾ هڪ پريس ڪانفرنس دوران ڪيو.سرفراز احمد کي 2016ع ۾ ٽي ٽوئنيٽي ٽيم جو ڪپتان مقرر ڪيو ويو هو جنهن کانپوءِ 2017ع ۾ کيس ون ڊي ٽيم ۽ ٽيسٽ تيم جي قيادت پڻ ڏني وئي. سرفراز جي ڪپتاني ۾ پاڪستان 13 ٽيسٽ، 48 ون ڊي ۽ 34 ٽي توئنٽي ميچون کيڏيون جن مان کيس ترتيبوار 4، 26 ۽ 29 ميچن ۾ ڪاميابي حاصل ٿي.جڏهن ته بابر اعظم جو شمار پاڪستان جي بهترين بيٽسمينن ۾ هوندو آهي، هو ٽيسٽ ڪرڪيٽ جي رينڪنگ ۾ 16 هين، ون ڊي ۾ ٽئين ۽ ٽي ٽوئنٽي ۾ پهرئين نمبر تي موجود آهي. سرفراز کي ڪپتان برقرار رکڻ ۽ بابر اعظم کي نائب ڪپتان مقرر ڪرڻ جو فيصلو مصباح الحق جي سفارش تي پي سي بي چيئرمين ڪيو.

 

مظلوم ڪشميرين جي زندگيءَ کي خطرو آهي. گڏيل قومون مبصر مشن موڪلي: عارف علوي

اسلام آباد (اين اين آءِ/م.ڊ) صدر عارف علوي پارليامينٽ جي گڏيل اجلاس ۾ اپوزيشن جي احتجاج دوران خطاب ڪندي چيو آهي ته پاڪستان جو عوام ڪشميري ڀائرن سان گڏ آهي، گڏيل قومون والاريل ڪشمير ۾ ڀارتي ظلم ڏسڻ لاءِ مبصر مشن موڪلي. پارليامينٽ جي گڏيل اجلاس دوران صدر عارف علوي خطاب شروع ڪيو ته اپوزيشن ميمبرز احتجاج ۽ گوڙ ڪيو. هٿن ۾ پلي ڪارڊ کڻي اپوزيشن ميمبرز اسپيڪر جي ڊائيس آڏو گڏ ٿي ويا، پلي ڪارڊز تي ”نيب جو ڪارو قانون نامنظور“ وارا نعرا لکيل هئا. اپوزيشن جي گوڙ سبب وزيراعظم عمران خان هيڊ فون لڳائي ڇڏيو، جڏهن ته حڪومتي ميمبرز اپوزيشن ميمبرز کان بچائڻ لاءِ سندس سيٽ آڏو گڏ ٿي ويا. خطاب دوران اپوزيشن ميمبرز حڪومت مخالف نعريبازي ڪندا رهيا ۽ صدر جي تقرير جون ڪاپيون ڦاڙي ايوان ۾ اُڇلي ڇڏيون.پارليامينٽ جي اجلاس دوران ن ليگ ميمبر ايوان ۾ شاهد خاقان عباسي، سعد رفيق ۽ راڻا ثناءُ الله جون تصويرون کڻي آيا ۽ اپوزيشن طرفان سخت نعريبازي ڪئي وئي پر ان باوجود صدر پنهنجي تقرير جاري رکي، جڏهن ته وزيراعظم عمران خان صدر جي تقرير ٻڌڻ لاءِ هيڊ فون لڳائي ڇڏي. صدر ڊاڪٽر عارف علوي والاريل ڪشمير جي صورتحال تي سخت ڳڻتي جو اظهار ڪندي هڪ دفعو ٻيهر واضح ڪيو آهي ته عالمي برادري ڀارتي جنون کي نطرانداز ڪيو ته هي سخت خطري جو سبب هوندو مظلوم ڪشميرين جي نسل ڪشي برداشت نه ڪئي ويندي 50 سالن کان پوءِ ڪسمير جو مسئلو گڏيل قومن جي سلامتي ڪائونسل جي اجلاس ۾ بحث هيٺ اچڻ وڏي ڪاميابي آهي ڪشمير ڀارت جو اندروني معاملو نه آهي پر تڪراري مسئلو آهي جنهن جي حل لاءِ عالمي برادري خاص ڪري گڏيل قومن جي سلامتي ڪائونسل کي ڀرپور ڪردار ادا ڪرڻو پوندو پاڪستان آمريڪا جي والاريل ڪشمير جي منصفاڻي ۽ جٽادار حل لاءِ ٽياڪڙي جي هر ڪوشش جي آجيان ڪندو پاڪستان هميشه ڀارتي جنگي جنون جو جواب صبر ۽ تحمل سان ڏنو اسان جي امن جي خواهش کي ڪمزوري نه سمجهيو وڇي اسان جي فوج وطن جي حفاطت لاءِ جيڪي قربانيون ڏيئي رهي آهي ان جو ڪوئي مثال نه آهي پوري قوم وطن جي دفاع ۽ سلامتي لاءِ پاڪ فوج سان ڪلهو ڪلهي سان ملائي بيٺي آهي امن قائم ڪرڻ لاءِ نيشنل انٽرنل سيڪيورٽي ڪميٽِ ۽ نيشنل انٽيليجنس ڪميٽي جي جوڙجڪ سٺي ڳالهه آهي حڪومت پهرين ڏينهن کان ئي ملڪ جي ترقي ۽ عوامي ڀلائين جي منصوبن کي عملي جامو پهرائڻ لاءِ پاليسين جي جوڙجڪ ۽ انهن تي عمل جي سلسلي ۾ مصروف عمل آهي آءِ ٽي جي مقامي مارڪيٽ کي ترقي ڏيڻ بنا دنيا سان قدم سان قدم ملائي نه هلي سگهدناسين معيشت جي ترقي ۽ استحڪام لاءِ ٽيڪنالوجي تي هلندڙ معيشت ۽ آءِ ٽي کي پنهنجي پاليسين ۾ خاص ڌيان ڏيڻ جي ضرورت اهي پنهنجن نوجوانن کي ڪميپوٽر ناليج جو احساس انٽرنيٽ ڪوائوڊ ڪمپيوٽنگ جهڙِ جديد علم سان روشناس ڪرائڻو پوندو وطن جو مستقبل صرف جمهوريت سان لاڳاپيل آهي جمهوري ادارن جو استحقام ۽ وافقي ٿنڀ مضبوط ٿيڻ سان ئي جٽادار جمهوريت وڌي ويجهي سگهي ٿي معاشي اعتبار کان وطن هن وقت تاريخ جي ڏکئي دور مان لنگهي رهيو آهي حڪومت کي ڪرنٽ اڪائونٽ ۽ بجيٽ خسارو ۽ گردشي قرض ورثي ۾ مليا ملڪي قرض انهتهائي حد کان گهڻا هئا گذريل مالي سال جي ڀيٽ ۾ اپورٽيڊ ۾ گهٽتائي ۽ ايڪسپورٽ ۾ واڌ جي ڪري ڪرنٽ اڪائونٽ ڊفيسٽ ۾ جوڳي گهٽتائي ٿي آهي حڪومت معيشت سان لاڳاپيل سمورو ڪاروبار ڊاڪوميٽينشن ڪري حڪومتي دائره اختيار ۾ آندو ۽ اسمگلنگ جي لعنت کي ختم ڪري ته ايف بي آر ۾ سڌارا آندا وڃن ٽيڪس گوشوارن جي نظام کي وڌيڪ سولو بڻايو وڃي ڪاروبار ۾ آسانين بابت انڊيڪس ۾ پاڪستان جي درجه بندي ۾ ڪيل درجه بهتري اچڻ سڄي ڳالهه آهي اميد آهي ته ان ۾ وڌيڪ بهتري ٿيندي ڪرپشن ڪنهن به معاشري جون پاڙون ڪمزور ڪري ان کي تباهه ءٌ۽ برباد ڪرڻ جي صلاحيت رکي ٿي ملڪي ناڻي ۽ وسيلن کي لٽينڊرن جو احتساب جاري آهي معاشرو پاڪ ۽ صاف سٿرو هوندو ته اخلاقي اعتبار کان اسان پنهنجي شاندار قومي روايتن کي زنده رکڻ ۽ پاڻ کي دنيا جي قومن ۾ سربلند رکڻ جي ڪابل ٿي سگهنداسين آبادي ۾ تيزي سان واڌ ٿي رهي آهي ان تي به ڌيان ڏيڻ جي ضرورت آهي. هن چيو ته هي پاڪستان جي وڏي سفارتي ڪاميابي آهي جو 50 سالن کان پو3 ڪشمير جي مسئلي کي گڏيل قومن جي سلامتي ڪائونسل جي خاص اجلاس ۾ بحث هيٺ آندو ويو خاص ڪري جڏهن ڀارت ان کي روڪڻ لاءِ ننهن چوٽي جو زور ڏيئي رهيو هو ڪشمير جي مسئلي تي ڏهاڪن کان پوءِ سلامتي ڪائونسل جي اجلاس ۾ ڳالهه ٻولهه ان ڳالهه کي ظاهر ڪري ٿي ته ڪشمير ڀارت جو اندروني معاملو نه آهي پر هي هڪ حل طلب مسئلو آهي جيڪو حل ڪرڻ لا3 عالمي برادري خاص ڪري گڏيل قومن جي سلامتي ڪائونسل کي پنهنجو ڀرپور ڪردار ادا ڪرڻو پوندو.

 

بنگلاديش ٺهي ويو، جيڪڏهن ظلم برقرار رهيو ته سنڌو ديش به ٺهي ويندو: بلاول زرداري

حيدرآباد (اين اين آءِ) پ پ پ چيئرمين بلاول ڀٽو زرداري چيو آهي ته ڪراچي تي غيرآئيني قبضي جي ڪوشش ڪئي ته حڪومت کي گهر وڃڻو پوندو حڪم هڪ حد تائين برداشت ٿي سگهي ٿو ڪالهه بنگلاديش چيو هو ته جيڪڏهن ظلم ڪندا رهيا ته سڀاڻي سنڌوديش به ٺهي سگهي ٿو ۽ پختونستان به عمران خان ملڪ ۾ ماڻهن کي سياسي قيدي بڻائي ڇڏيو آهي وفاق ۾ اقتداري ڌرين پاران 18هين ترميم تي حملي جي ڪوشش ڪئي پئي وڃي پر اسان سنڌ ڇا ڪنهن به صوبي جي سازش برادشت نهڪنداسين اڄ مرسون مرسون ڪندڙ سنڌي سياستدان ڪٿي آهن غير جمهوري قوتن کي پيغام ڏيڻ چاهيان ٿو هوش مان ڪم وٺو اسان ڪنهن به صورت ملڪ ٽٽڻ نه ڏينداسين اهڙنخ يالن جو اظهار هن خميس تي حيدرآباد پريس ڪلب ۾ پريس ڪانفرنس کي خطاب ڪندي ڪيو بلاول ڀٽو زرداري چيو ته صوبن جي معاشي قتل جي ڪوشش ڪئي پئي وڃي وفاقي حڪومت پاڻ پنهنجو ٽيڪس جمع نٿي ڪري صوبي جي وسيلن ۾ نظر وڌي پئي وڃي ڪالهه قانون جي وفاقي وزير ڪراچي تي قبضي جو پلان پيش ڪيو جيڪڏهن ڪراچي تي غيرآئيني قبضي جي ڪوشش ڪئي ته حڪومت کي گهر وڃڻُ پوندو هاڻي اسان هن غير جمهوري حڪومت کي هلڻ نه ڏينداسين سنڌ حڪومت تي چئني پاسن کان حملا ٿي رهيا آهن وزيراعطم چوي ٿو ته 18هين ترميم جي ڪري وفاق جو ڏيوالو نڪري رهيو آهي بلاول ڀٽو زرداري چيو ته سنڌ مان گئس سڄي ملڪ کي ڏني وڃي ٿي اوهان ڪراچي تي قبضي جي ڳالهه ڪري ڇا ثابت ڪرڻ چاهيون ٿا هن چيو ته موجوده وزيراعظم پاران مودي جي شروع ۾ آجيان ڪئي ويئي اهو به نه سوچيو ويو ته مودي من موهن سنگهه نه آهي اهو مسلمانن جو قاتل آهي پاڪستان کي مودي کي بينقاب ڪرڻ گهرجي ها جيڪو نه ڪيو ويو بلاول ڀٽو چيو ته مودي جي هٿان گجرات سانحو ٿيو ان جي خلاف سخت موقف رکڻ گهرجي مودي آر ايس ايس جي نطريي تي ڪم ڪري رهيو هو دنيا کي اها ڳالهه ٻڌائڻ گهرجي ها هن سوال ڪيو ته وزيراعظم گڏيل سيشن ۾ والاريل ڪشمير تي تقرير به ناهي ڪئي وزيراعظم عمرانخ ان والاريل ڪشمير تي اهم ڪم ڪهڙو ڪهڙو آهي پ پ پ چيئرمين چيو ته پاڪستان ۾ جمهوريت ۽ انساني حقن جي تحفظ لاءِ صحافي برادري سدائين جدوجهد ڪئي آهي هن وقت اسان جو ملڪ ڏکئي دور مان لنگهي رهيو آهي هن چيو ته اسان هن وقت خطرناڪ صورتحال کي منهن ڏيئي رهيا آهيون ملڪ کي ڊڪٽيٽر شپ ڏانهن ڌڪيو پيو وڃي ملڪ ۾ صحافت تي پابنديون لڳايون پيون وڃن هن چيو ته ميڊيا کي معاشي سطح تي ڄاڻي واڻي ڪمزور ڪيو پيو وڃي ته جيئن غير جمهروي طاقتون عوام جا حق کائينديون رهن اسان کي گڏجي جمهوري ۽ عوامي انساني حقن جو تحفظ ڪرڻُ آهي اسان کي 18هين ترميم جي حفاظت ڪرڻي آهي بلاول چيو ته اسان قربانيون ڏيئي 30 سالن جي جدوجهد کان پوءِ آئين کي بحال ڪرايو شهيد بي بي  ضياءالحق جي سياسي وارثن جي ذهنن ۾ تبديلي آڻڻ لاءِ جدوجهد ڪئي. پ پ پ چيئرمين چيو ته موجوده حڪومت اسانجن صوبن کي به وسيلن کان محروم ڪري رهي آهي اوهان جو آئين اوهان جي قدرتي وسيلن کي تحفظ ڏياري ٿو آئين ۾ درج آهي ته جتي قدرتي وسيلا آهن اتان جي ماڻهن جو پهريون حق آهي هن چيو ته جمهوريت جو سفر زوال ڏانهن وڃي رهيو آهي پ پ پ ادارن جيآزادي تي يقين رکي ٿي پر پاڪستان کي اڄ جمهوريت کان آمريت ڏانهن ڌڪيو پيو وڃي. عوام کي مهانگائي جو بار وڌو ويو آهي. هن چيو ته اين ايف سي جي باوجود صوبن کي وسيلا نه ڏنا ويا پ پ پ قيادت کي بنا جواز جيلن ۾ بند ڪيو ويو آهي هن چيو ته پ پ پ ملڪ جي واحد پارٽي آهي جيڪا اقتدار ۾ اچي عوام کي عوام جا حق فراهم ڪري ٿي.

 

افغانستان ۾ آمريڪي ناڪامي جو الزام پاڪستان نه لڳائڻ غير منصفاڻو آهي: وزيراعظم

اسلام آباد (اين اين آءِ) وزيراعظم عمران خان چيو آهي ته افغانستان ۾ آمريڪا ڪامياب نه ٿيڻ جو الزام پاڪستان تي لڳائڻ غير منصفاڻو آهي جيڪڏهن اسان نائين اليون کان پوءِ آمريڪا جي جنگ نه وڙهون ها ته اسان دنيا جو خطرناڪ ملڪ نه هجون ها دهشتگردي خلاف جنگ ۾ 70 هزار پاڪستانين شهادتون ماڻيون معيشت کي 100 ارب ڊالرن کان وڌيڪ نقصان ٿيو 51 ملڪن جو پاڪستان جو ساٿ ڏيڻ ساراهه جوڳو ۽ يورپي يونين جو مطالبو سٺي ڳالهه آهي روسي ٽي وي کي انترويو ۾ عمران خان چيو ته سوويت يونين جي خلاف جنگ ۾ انهن ئي ماڻهن کي تربيت ڏني ويئي جنهن جو فنڊ سي آءِ اي ڏنو هو هي تربيت يافته ماڻهو هئا ۽ هڪ ڏهاڪي کان پوءِ جڏهن آمريڪا اتي ويو ته چيو ويو ته هي جهاد نه آهي هي دهشتگردي آهي هن چيو ته هي وڏو تضاد هو جيڪو هن محسوس ڪيو هن چيو ته پاڪستان کي ان جنگ ۾ اڻ ڌريو رهڻ گهرجي ها آمريڪا جو اتحادي بڻجڻ سان هي گروپ اسان جي خلاف ٿي ويا ۽ 70 هزار پاڪستانين پنهنجون حياتيون قربان ڪيون وزيراعظم چيو ته هو شروع کان ئي هن جنگ جي خلاف هو هن جنگ سان معيشت کي 100 ارب ڊآلرن کان وڌيڪ نقصان ٿيو ان کان سواءِ وزيراعظم عمران خان ٽوئٽ ڪندي چيو ته گڏيل قومن جي انساني حقن واري ڪائونسل ۾ 58 ملڪن ڀارت تان واريل ڪشمير ۾ طاقت جو استعمال روڪڻ۽ پابنديون ختم ڪرڻ جو مطالبو ڪيو وزيراعظم عمران خان زور ڏنو ته ڪشمير جو مسئلو گڏيل قومن جي ٺهرائن مطابق حل ڪيو وڃي ۽ ڪشميرين جي حقن جو تحفظ ۽ احترام ڪيو وڃي.

 

 

وفاق ناڪامي جو اعتراف ڪري چڪو، آرٽيڪل 149 (4) جو مطلب  گورنر راڄ ناهي: سنڌ حڪومت

ڪراچي(ويب ڊيسڪ) سڌُ سماءَ ۽ محنت بابت صوبائي وزير سعيد غني چيو آهي ته ڪراچي جون حالتون اهڙيون به ناهن جو هتي آرٽيڪل ون فورٽي نائن فور لاڳو ڪيو وڃي، وفاقي حڪومت جي خط جو آئين موجب جواب ڏينداسين، مرتضيٰ وهاب جو چوڻ آهي ته وفاق ڪراچي پيڪيج ڏيڻ جو واعدو پورو ڪري. اِها ڳالهه هن ڪراچي ۾ پريس ڪانفرنس سان خطي کي چئي، ساڻس گڏ صوبائي وزير شهلا رضا، وقار مهدي ۽ راشد رباني به موجود هئا. سعيد غني چيو ته حڪمران آئين جي اختيارات جو غلط استمال ڪري صوبائي حڪومت جو اختيارات ختم ناهن ڪري سگهندا. هنن کي ڪجهه به نه ملندو، وفاقي حڪومت جو خط ايا ته آئين جي موجب جواب ڏينداسين. سندس وڌيڪ چوڻ هو ته ان کان اڳ ڪراچي ٽرانسفارمر ڪميٽي بڻائي وئي ۽ 200 ارب رپين جا منصوبا وزير اعظم جي علم ۾ آندا ويا، مڪاني نظام ۾ ترميم وفاقي حڪومت جو ڪم ناهي جيڪڏهن ائين ڪرڻ جي ڪوشش ڪئي وئي ته اسان سخت مزاحمت ڪنداسين. ان کان سواءِ قانون ۽ ماحوليات واري صوبائي صلاحڪار مرتضيٰ وهاب جو ان حوالي سان چوڻ آهي ته آرٽيڪل 149 (4) جو مطلب  گورنر راڄ ناهي، وفاقي حڪومت اعتراف ڪري چڪي آهي هو ناڪام ٿي وئي آهي. آرٽيڪل 149 (4) جي تحت وفاقي صوبي کي رڳو هدايتون ڏئي سگهن ٿا، اسان جو وفاق کان مطالبو آهي جو ڪراچي پيڪيج جو واعدو ڪيو اُهو ئي ڏئي ڇڏيو، ڪراچي کي رڳو سياست جي لاءِ استعمال ڪيو ويو آهي. يا رهي ته ان کان اڳ سعيد غني چيو هو ته ڊرامو بند ڪيو وڃي، وفاق ڪراچي لاءِ جيترا به منصوبا ٺاهي، ان کي سنڌ حڪومت جي دَر مان گذرڻو پوندو. صحافين سان ڳالهائيندي سعيد غني چيو هو ته ڪجهه ڏينهن اڳ ڪلين ڪراچي مهم شروع ڪئي وئي، جنهن لاءِ چندو گڏ ڪيو ويو پر ان مهم ڪراچي کي وڌيڪ ڪِنو ڪري ڇڏيو، ڪراچي صفائي مهم ڪٿي آهي؟ صفائي ڪرائيندڙ ڪيڏانهن ويا؟ وزيراعظم کي ڪلين ڪراچي مهم جي خبر پئي ته علي زيدي کي برطرف ڪري ڇڏي.

 

اچو هلون سب مظفرآباد، بڻجي ڪشميرين جو آواز: فردوس عاشق اعواڻ پاران ٽوئٽ

اسلام آباد (اين اين آءِ) وزيراعظم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته اچو سڀ هلون مظفرآباد، بڻجي ڪشميرين جو آواز خميس تي ٽيوتر تي پنهنجي بيان ۾ چيو ته وزيراعظم عمران خان جي قيادت ۾ اڄ جمعي تي مظفرآباد ۾ ڀارتي ظلمن جي خلاف والاريل ڄمون ۽ ڪشمير جي مظلوم عوام جي آواز کي سڄي دنيا تائين پهچائينداسين هن چيو ته هي وقت اتحاد ۽ ٻڌي هو آهي دنيا کي پيغام ڏيڻو آهي ته سڄو پاڪستان ڪشمير جي لاءِ هڪ آهي.

 

حڪومت جو چيف اليڪشن ڪمشنر جي خلاف ريفرنس داخل ڪرڻ جو فيصلو

اسلام آباد (اين اين آءِ) حڪومت چيف اليڪشن ڪمشنر سردار رصا جي خلاف سپريم جڊيشل ڪائونسل ۾ ريفرنس داخل ڪرڻ جو فيصلو ڪري ورتو آهي خانگي ٽي وي ذريعن جي حوالي سان ٻڌايو ته گذريل ڏينهن اهم اجلاس دوران چيف اليڪشن ڪمشنر جي خلاف ريفرنس داخل ڪرڻ لاءِ قانوني صلاح مشورا ڪيا ويا ذريعن موجب حڪومتي ريفرنس ۾ سردار رضا کي عهدي تان هٽائڻ جي اپيل ڪئي ويندي واضح رهي ته چيف اليڪسن ڪمشنر حڪومت پاران مقرر ڪيل نون اليڪشن ڪميشن ميمبرن کان حلف وٺڻ کان انڪار ڪري ڇڏيو هو هن موقف اختيار ڪيو ته نون ميمبرن جي مقرري آئين جي ڀڃڪڙي آهي جيڪا آئين جي شق 213 ۽ 214 مطابق نه ٿي جيڪا پوءِ اليڪشن ڪميشن جي نون ٻين ميمبرن جي مقرري کي اسلام آباد هاءِ ڪورٽ ۾ چئلينج ڪيو ويو.