تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Category Archives: مکيه خبرون

سجل علي ۽ احد رضا مير “پيسا ايوارڊز” 2020ع لاءِ نامزد

 

ڪراچي (شوبز نيوز) پاڪستان جي مقبول ۽ خوبصورت اداڪارا سجل علي ۽ سندس مڱيندو اداڪار احد رضا مير هن وقت ٽي وي اسڪرين جي پسنديده جوڙن ۾ شامل آهن. سجل ۽ احد جي جوڙي 2017ع ۾ ڊراما سيريل “يقين ڪا سفر” سان مقبوليت جي اوچاين کي ڇهيو جنهن کانپوءِ ٻنهي جي جوڙي “آنگن” ۾ جوهر ڏيکاريا. سجل ۽ احد گذريل سال 6 جون تي سوشل ميڊيا تي پنهنجي مڱڻي جي خوشخبري به ڏني هئي. پاڪستان انٽرنيسنل اسڪرين ايوارڊز (پيسا) 2020ع جون نامزدگيون سامهون آيون آهن جن ۾ سجل علي کي بهترين اداڪارا جي طور تي نامزد ڪيو ويو اهي جڏهن ته احد رضا کي بهترين اداڪار جي ڪيٽيگري ۾ نامزد ڪيو ويو آهي. نجي خابرو اداري جي رپورٽ موجب ٻنهي کي گذريل سال ڊراما سيريل “آنگن” ۾ بهترين اداڪاري جا جوهر ڏيکارڻ تي نامزد ڪيو ويو آهي.

 

”ميري پاس تم هو“ تي تنقيد: ليکڪ جي نظرين سان اتفاق نٿي ڪريان: رحمت اجمل

 

ڪراچي (شوبز نيوز) سوشل ميڊيا تي هر ڏينهن ٽرينڊنگ ۾ رهندڙ ڊراما سيريل “ميري پاس تم هو” ۾ اداڪاري جا جوهر ڏيکاريندڙ رحمت اجمل چيو آهي ته هو ليکڪ جي نظرين سان اتفاق نٿي ڪري. انٽرنيٽ تي مقبول ٿيل رحمت هن ڊرامي ۾ عائشا نالي ڇوڪري جو ڪردار ادا ڪيو آهي جيڪا ڊرامي جي مرڪزي ڪردار دانش جي دوست بڻي آهي. ڊرامي توڙي اداڪارن جي اداڪاري کي پسند به ڪيو ويو آهي ۽ مٿن تنقيد پڻ ڪئي وئي آهي. رحمت اجمل تنقيد ٿيڻ کانپوءِ خليل الرحمان قمر جي نظرين کان پاڻ کي ڌار ڪرڻ جو اعلان ڪري ڇڏيو آهي. پنهنجي انسٽاگرام اڪائونٽ تي هڪ پوسٽ ذريعي اداڪارا لکيو ته مونکي خبر آهي ته فنڪار هجڻ جي حيثيت سان اسان جي سماجي ذميواري آهي ته اسان اهڙو مواد پروڊيوس ڪريون جنهن ذريعي هاڪاري پيغام ڏنو وڃي ۽ مان پنهنجي اهڙي ذميواري کي بي حد سنجيدگي سان ادا ڪرڻ جي ڪوشش ڪندي آهيان. مونکي ڪيترن ئي ڏينهن کان اهڙا پيغام ملي رهيا آهن جن ۾ نفرت ڏياريندڙ جملا ۽ پريشانين جو اظهار ڪيو ويو، اهو ئي سبب آهي جو مان کليل نموني ڳالهائن جو فيصلو ڪيو. مان خليل الرحمان قمر جي نظرين سان اتفاق نٿي ڪريان، مان خليل الرحمان قمر جو انٽرويو ٻڌو ۽ ڊرامي جي پڄاڻي کان اڳ مونکي ان جي پريشاني جوڳن خيالن جو اندازو ٿيو، مان اهڙي ڪنهن پراجيڪٽ جو حصو بڻجي فخر محسوس نٿي ڪريان جنهن جي ليکڪ جا نظريا اهڙا هجن. مان ۽ مون جهڙا ٻيا اداڪار خليل الرحمان قمر جي سوچ بابت ان وقت نه ڄاڻيندا هئا جڏهن اسان هن ڊرامي جي گڏجي شوٽنگ ڪئي، هن لکيو ته ماڻهو نون فنڪارن کي موقعو ڏين ته اهي سکي سگهن. هن کي ڊرامي جي مڪمل ڪهاڻي به خبر نه هئي، پراجيڪٽ ۾ منهنجو ڪردار هونئن به مختصر آهي، هي منهنجي ڪيريئر جو پهريون ٽي وي ڊرامو آهي ۽ مان هن وقت سکي رهي آهيان، مان هن پراجيڪٽ سان اهو به سکيو ته پنهنجي چونڊ کي لاءِ محتاط رهڻ جي ضرورت آهي.

 

پاڪستان ۾ سيڪيورٽي خدشا ناهن: بنگالي ڪپتان

 

لاهور(اسپورٽس نيوز) بنگلاديش ڪرڪيٽ ٽيم جي ڪپتان محمود الله چيو آهي ته پاڪستان ۾ سيڪيورٽي خدشا ناهن: اسان جو ڌيان سيريز کٽڻ تي آهي. لاهور ۾ٽي ٽوئنٽي سيريز جي ٽرافي جي مهورت بعد صحافين سان ڳالهائيندي بنگلاديشي ڪپتان چيو ته سيڪيورٽي خدشن وارو معاملو بنگلاديش ۾ ئي ڇڏي آيا هئاسين، هاڻ رڳو سٺي ڪرڪيٽ کيڏڻي آهي. هن چيو ته پاڪستان نمبر ون ٽيم آهي، سيريز ۾ ڪاميابي لاءِ پرعزم آهيون، رانديگرن جا حوصلا بلند آهن. هڪ سوال جي جواب ۾ هن چيو ته جيڪو رانديگر پاڪستان نه آيو، اهو ان جو ذاتي فيصلو هو، بورڊ منهنجي قيادت ۾ ٽيم پاڪستان موڪلي آهي.

 

بنگلاديش ڪرڪيٽ ٽيم کي لاهور ۾ فول پروف سيڪيورٽي ڏني آهي: عثمان بوزدار

 

لاهور(اسپورٽس نيوز) پنجاب جي وڏي وزير عثمان بوزدار چيو آهي ته بنگلاديش جي ڪرڪيٽ ٽيم کي لاهور آمد تي ڀليڪار ڪريون ٿا، بنگلاديش ڪرڪيٽ ٽيم جي پاڪستان آمد سان ملڪ ۾ انٽرنيشنل ڪرڪيٽ مڪمل طور بحال ٿي وئي، هاڻي ٻين ٽيمن کي به پاڪستان اچي کيڏڻ گهرجي، هن چيو ته واضح ٿي ويو ته پاڪستان سيڪورٽي لحاذ سان محفوظ ملڪ آهي، مهمان ٽيم کي بهترين سيڪيورٽي فراهم ڪئي آهي، قذافي اسٽيڊيم ٻاهران ۽ اندران فول پروف انتظام ٿيل آهن.

 

طالبان سان امن معاهدو پاڪستان جي معيشت جي بحالي ۽ خطي ۾ امن لاءِ ضروري آهي: عمران خان

ڊيووس (ويب ڊيسڪ) وزيراعظم عمران خان چيو آهي ته جڏهن هن جي حڪومت آئي ته پاڪستان دنيا جي خطرناڪ ترين ملڪن مان هڪ تصور ڪيو ويندو هو پر ”اسان امن جو ساٿي بڻجڻ جو فيصلو ڪيو“، جنهن جي نتيجي ۾ پاڪستان کي پهريون فائدو سياحت جي شعبي ۾ ٿيو. سوئٽزرلينڊ جي شهر ڊيووس ۾ ٿيل عالمي اقتصادي فورم ۾ پاڪستان اسٽريٽجي ڊائلاگ سان خطاب ۾ ماضي جو ذڪر ڪندي عمران خان چيو ته پاڪستان 2 تڪرارن ۾ حصو ورتو جنهن ۾ 1980ع جي ڏهاڪي ۾ افغان جهاد جڏهن ته 11 سيپٽمبر 2001ع کان پوءِ دهشتگردي خلاف جنگ هئي. ۽ اسان کي ٻنهي جي ڳري قيمت ادا ڪرڻي پئي. هن چيو ته پهرين تڪرار ۾ سوويت يونين طرفان افغانستان ڇڏڻ کان پوءِ عسڪريت پسند گروپن، فرقيوار گروهن، ڪلاشنڪوف ۽ منشيات جي ڪلچر کي هٿي ملي، جنهن اسان جي معاشري کي گھڻو نقصان پهچايو. هن چيو ته دهشتگردي خلاف جنگ جي نتيجي ۾ 70 هزار پاڪستانين پنهنجي جانين جي قرباني پيش ڪئي ۽ آپگھاتي ڌماڪن سبب پاڪستان دنيا جي خطرناڪ ترين ملڪن مان هڪ تصور ٿيڻ لڳو. سندس چوڻ هو ته جڏهن اسان جي حڪومت آئي ته اسان ڪجهه اهم فيصلا ڪيا اسان رڳو امن برقرار رکنداسين ۽ ڪنهن به تڪرار جو حصو نه بڻجنداسين. عمران خان چيو ته پاڪستان ۾ امن قائم ٿيڻ کان پوءِ پهريون فائدو سياحت جي شعبي ۾ ٿيو ڇو ته پاڪستان دنيا جي انهن ملڪن مان هڪ آهي جتان جا گھڻا سياحتي هنڌ اڃا به دنيا جي نظر کان گم آهن. وزيراعظم چيو ته پاڪستان ڪيترين ئي قديم ترين تهذيبن جو ٿاڪ آهي، جنهن مان انڊس ويلي سولائيزيشن هڪ آهي، جيڪا 5 هزار ورهيه پراڻي آهي. سندس چوڻ هو ته اسان دنيا جي سياحت دوست ملڪن مان هڪ آهيون ۽ هتي سياحت جا وڏا موقعا آهن. هن چيو ته پاڪستان ۾ سياحت موٽي آئي آهي ۽ ان کي 2020ع ۾ دنيا جي بهترين سياحتي ملڪن جي فهرست ۾ شامل ڪيو ويو، تنهنڪري اسان سمجهون ٿا ته پاڪستان سياحت ذريعي گھڻو ريونيو گڏ ڪري سگھي ٿو. پنهنجي حڪومت جي ٻين قدمن بابت ٻڌائيندي عمران خان چيو ته حڪومت سيڙپڪارن کي متاثر ڪرڻ لاءِ هر ممڪن قدم کڻي رهي آهي ۽ صنعتن کي مراعتون فراهم ڪري رهي آهي. سندس چوڻ هو ته اسان سيڙپڪارن جي رستي ۾ ايندڙ رنڊڪون ختم ڪرڻ جي ڪوشش ڪري رهيا آهيون ۽ پاڪستان عالمي بينڪ جي ڪاروبار ۾ سولايون فراهم ڪندڙ انڊيڪس ۾ شامل ٿي ويو آهي، پر اڃا وڌيڪ قدم کڻڻ جي ضرورت آهي. وزيراعظم چيو ته پاڪستان ۾ هڪ سال جي عرصي ۾ پرڏيهي سيڙپڪاري 200 سيڪڙو کان وڌيڪ تائين پهچي وئي آهي. اسان ٻيهر تڪرار ۾ نه پونداسين جي عزم جو اظهار  هن چيو ته اسان سعودي عرب ۽ ايران وچ ۾ ڇڪتاڻ جي خاتمي جي ڪوشش ڪري رهيا آهيون، ان کان سواءِ هاڻ اسان آمريڪين سان افغانستان ۾ امن قائم ڪرڻ لاءِ فعال ڪردار ادا ڪري رهيا آهيون. وزيراعظم عمران خان چيو ته افغانستان ۾ جنگ بندي جا امڪان موجود آهن ۽ اهو اسان لاءِ گھڻو اهم آهي ڇو ته ان سان پاڪستان کي وچ ايشيا ۾ اقتصادي راهداري کولڻ ۾ مدد ملندي. واضح رهي ته عالمي اقتصادي فورم ۾ وزيراعظم کان سواءِ آمريڪي صدر ڊونلڊ ٽرمپ سوڌو مخلتف ملڪن جا سربراهه موجود آهن.

 

وفاق سنڌ کي پورو حق نه پيو ڏئي، آءِ جي واري معاملي تي هڪ پيج تي آهيون: وڏو وزير

ڪراچي/عمرڪوٽ (اسٽاف رپورٽر/م.ڊ) سنڌ جي وڏي وزير سيد مراد علي شاهه جي صوبائي وزير سيد علي مردان شاهه جي لاڏاڻي تي کاروڙو پهچي پونيئرن سان تعزيت ڪئي آهي. وڏي وزير مراد علي شاهه سان گڏ صوبائي وزير ناصر شاهه، صوبائي وزير شبير بجاراڻي، صوبائي تيمور ٽالپر، نواب يوسف ٽالپر ۽ اڳواڻ موجود هئا. اُن موقعي تي ميڊيا سان ڳالهائيندي وڏي وزير چيو ته علي مردان شاهه جي لاڏاڻي سان پارٽي کي وڏو نقصان پهتو آهي، علي مردان شاهه منهنجي والد سان گڏ سياست ڪئي، هو اسان جو سينيئر ۽ استاد هو. آءِ جي سنڌ جي معاملي تي ڳالهائيندي وڏي وزير چيو ته آءِ جي معاملي تي هڪ پيج تي آهيون، بدلي ٿيڻ ۾ لازمي ٽائيم لڳي ٿو، انشاءَ الله ڪجهه ڏينهن ۾ مسئلو حل ٿي ويندو. هڪ سوال جي جواب ۾ وفاقي حڪومت سان اختلاف آهن، خاص ڪري اِنهي معاملي تي ته جيترو هصو ٻين صوبن کي ملي ٿو، اُهو سنڌ کي به ملڻ گهرجي، ملڪ ۾ ٻيون ڀيرو اٽي جو بحران ٿيو آهي. پهرين نواز شريف دور ۾ ٿيو، تڏهن به ڪڻڪ ايڪسپورٽ ڪئي وئي، هن وقت عمران خان افغانستان کي امداد ڏئي بحران پيدا ڪيو آهي. پاسڪو کان ڪڻڪ خريد ڪئي آهي، ٽرانسپورٽ جي ڪري مسئلو پيدا ٿيو آهي، هڪ ٻن ڏينهن ۾ مسئلو حل ٿي ويندو. وڏي وزير مراد علي شاھ چيو ته ٿر ڪول تي سنڌ حڪومت ڪامياب پلاننگ سان ڪم ڪيو آھي، ايندڙ 10-15 سالن دوران ٿر جي قسمت ئي تبديل ٿي ويندي، ٿر ڪول مان ملندڙ بجلي ۽ فائدن سان ٿر سنڌ سميت دنيا جو اھم خطو بڻجي ويو آھي، اھي ڪوششون اسان جي حڪومت ورتيون آھن، گئس جي معاملن سميت مختلف اشوز تي سنڌ حڪومت ۽ وفاق وچ ۾ ڪافي معاملن تي اعتراض ۽ خدشا آهن، ماڪڙ خلاف آپريشن پهرين سنڌ حڪومت ڪيو، پر ان جو ڪنٽرول وفاقي حڪومت وٽ هو، وفاق پيپلزپارٽي خلاف ڪوئليشن ٺاهيو آهي، اميد آهي ته سيوهڻ ۾ ڇوڪري سان زيادتي واري معاملي تي چيف جسٽس متاثر ڇوڪري کي انصاف ڏياريندو.  ٻئي طرف  ڪڻڪ ڪرائسس سنڌ ڪابينا 14 لک ٽن ڪڻڪ خريد ڪرڻ جو ٽارگيٽ مقرر ڪري ڇڏيو وزير خوراڪ، بلديات واري صوبائي وزير، زراعت کاتي واري وزير تي لاڳاپيل ڪميٽي پروڪيورمينٽ جو طريقيڪار بڻائيندي ۽ 10 ڏينهن جي اندر پنهنجي رپورٽ ڏيندي. ڪميٽي قائم ڪرڻ جو مقصد ننڍن هارين کان خريداري ڪرڻ آهي.وزير اعليٰ سنڌ سيد مراد علي شاھ ڪابينا جي اجلاس ۾ فيصلو، سنڌ جي اطلاعات ۽ محنت واري صوبائي وزير سعيد غني صوبائي ڪابينا ۾ ڪيل فيصلن جا تفصيل ٻڌائيندي چيو ته وزير اعليٰ سنڌ سيد مراد علي شاھ جي صدارت هيٺ ڪابينا جو اجلاس منعقد ٿيو جنهن ۾ سڀ کان پهرين مرحوم ايم پي اي سيد مردان شاھ جي مغفرت لاءِ دعا ڪئي وئي جنهن کان پوءِ ڪابينا جي گذريل اجلاس جي منٽس جي منظوري ڏني وئي. اجلاس ۾ سنڌ هزار دئوس ( سليڪان) رولز 2018 جي ڊرافٽ تي بحث ڪيو ويو. وزير محنت سعيد غني ۽ سيڪريٽري رشيد سولنگي ان حوالي سان ميمبرن کي آگاهي فراهم ڪئي قانون ۾ مختلف وضاحتون ڏنيون ويون. جن رولز ۾ سرٽيفائي سرجن، انسپيڪٽر فيڪٽريز، فٽنيس سرٽيفڪيٽ ۽ ٻيا تفصيل شامل آهن. قانون جي تحت فيڪٽري کي پيٽرا گرافڪ ٽيسٽ يا ايڪسري ڊراڪشن( ايڪس آر ڊي) کان هر 12 مهينن ۾ پنهنجو ميٽريل جيڪو هو تيار ڪري رهيا آهن جو ٽيسٽ ڪرائڻو پوندو. فيڪٽري جو ميٽريل جيڪو استعمال ڪيو پيو وڃي ان جا نمونا ڪنهن به وقت انسپيڪٽر ٽيسٽ ڪري سگھي ٿو. سعيد غني چيو ته سنڌ ڪابينا جي اجلاس ۾ گھرن ۾ ڪم ڪندڙ ملازمن بابت قانون تي بحث کان پوءِ ان کي منظور ڪيو ويو رولز ۾ 10 ميمبرن تي مشتمل صوبائي ڪونسل قائم ڪئي وئي ڪونسل هوم بيسڊ ورڪرز جي ميپنگ ڪندي ۽ رولز جي تحت ورڪرز جي رجسٽريشن ٿيندي. ڪابينا سنڌ پروبيشن آف ايمپلائيز آف چلڊرن رولز 2018 به منظور ڪري ورتو رولز ۾ انسپيڪٽر جا اختيار، قانون جي مطابق هر ورڪر کي ٽن ڪلاڪن جي ڪم کان پوءِ بريڪ ڏنو ويندو جڏهن ته ننڍي عمر جي ورڪرز جو عمر جو سرٽيفڪيٽ جاري ڪيو ويندو. هن وڌيڪ ٻڌايو  ته موٽر وهيڪل آرڊيننس 1965 ۾ ترميم جي منظوري به ڏني وئي آهي جنهن جو مقصد موٽر سائيڪل ۾ ٽريڪر لڳائڻ آهي ٽريڪر لڳائڻ جو مقصد موٽر سائيڪل جي چوري روڪڻ آهي موٽر وهيڪل آرڊيننس 1965 جي سيڪشن 89 کان پوءِ هڪ نئون سيڪشن لڳايو ويو آهي ٽريڪر نئين موٽر سائيڪل ۾ لڳائڻ ضروري هوندو ۽ پراڻي بائيڪ ۾ ٽريڪر لڳائڻ مالڪ جي مرضي تي هوندو. باقي سمورين موٽر سائيڪلن ۾ ٽريڪر لڳائڻ لازمي هوندو. ميمبرن کي ٻڌايو ويو ته هن وقت صوبي ۾ 44 لک موٽر سائيڪلون موجود آهن ان حوالي سان ٽرانسپورٽ واري وزير جي سربراهي ۾ ڪابينا ڪميٽي قائم ڪئي وئي جنهن ۾ ايڪسائيز ۽ لوڪل گورنمينٽ وارو صوبائي وزير شامل هوندا. اهو پرپوزل قانون واري کاتي کي ڏيکاريو ويندو ته جيئن سفارشون ڏئي سگھي. هن چيو ته ڪابينا اجلاس ۾ سنڌ اربن اينڊ ريجنل پلان اٿارٽي قائم ڪرڻ تي خيالن جي ڏي وٺ ڪئي وئي اٿارٽي جي حوالي سان بلديات واري صوبائي وزير ناصر حسين شاھ ۽ سيڪريٽري لوڪل گورنمينٽ روشن شيخ پريزنٽيشن ڏني ۽ ٻڌايو ته اٿارٽي جي قيام لاءِ سپريم ڪورٽ هدايتون ڏنيون آهن. تفصيل بريفنگ کان پوءِ ڪابينا اربن اٿارٽي جي قيام جي منظوري ڏني ڪميٽي صوبي جي سمورن شهرن جا ماسٽر پلان بڻائڻ جي مجاز هوندي. سعيد غني وڌيڪ ٻڌايو ته سنڌ ڪابينا دي ڪنسٽي ٽيوشن اينڊ ريگوليشن آف دي سنڌ ڪونسلز يونيفائيڊ گريڊيز (سروسز) رولز 2019 جي منظوري ڏني آهي يونيفائيڊ گريڊز ۾ ايڊمنسٽريشن انجنيئرنگ(سول،ا ليڪٽريڪل ۽ مڪينيڪل)، اڪائونٽس ۽ ميڊيڪل جا ڪيڊر شامل آهن يونيفائيڊ سروس جي ملازمن جي لاءِ پينشن فنڊ قائم ڪيو ويو آهي فنانس ڊپارٽمينٽ هر مهيني 50 ملين روپيا ان جو فنڊ ڏيندو آهي هن وڌيڪ ٻڌايو ته وزير اعليٰ سنڌ سيد مراد علي شاھ ڪابينا اجلاس ۾ لوڪل گورنمينٽ جي ملازمن جي پگهارن جو مسئلو حل ڪرڻ جي هدايت ڪندي چيو ته يوسيز ۾ هڪ لک روپيا ڏيندا هئا ان وقت به پگهار جو مسئلو هو هاڻ يوسي گرانٽ هڪ لک مان وڌائي پنج لک ڪئي وئي آهي پوءِ به پگھارن جو مسئلو آهي ان ڪري اهو سمورو سسٽم ڪمپيوٽرائيڊ ڪيو ويندو هن وڏي پيماني تي لوڪل ڪونسلز جي ملازمن جي پگهارن جي سسٽم جو آڊٽ ۽ خصوصي ٽيم جي ذريعي سمورن لوڪل ڪونسلز جي ملازمن جا فگرز تيار ڪرڻ جي هدايت جي هدايت ڪئي. اطلاعات واري وزير سعيد غني ٻڌايو ته سنڏ رويونيو بورڊ (ايس آر بي) ڪابينا ۾ ٽيڪس ريٽ گھٽ ڪرڻ جي تجويز ڏني جنهن جي مطابق هوٽڪ، موٽل، ڪلبز، ريسٽورينٽس، هيلٿ سينٽرز، ڪاسميٽڪس ۽ پلاسٽڪ سرجري ، فيشن ڊزائن، سلمنگ ڪلنڪس ۽ بيوٽي پارلرز جي خدمتن تي ٽيڪس ريٽ گھٽ ڪرڻ جي تجويز منظور ڪئي وئي اجلاس ۾ فوتي ڪوٽا جي ڪرائيٽريا تي ڳالھ ٻولھ ڪئي وئي ۽ ٻڌايو ويو ته جيڪڏهن ڪنهن جو به والد يا والده نوڪري جي دوران انتقال ٿي وڃي ٿو ته ان جو ٻار 60 ڏينهن جي اندر اپروچ ڪري. اجلاس کي ٻڌايو ويو ته هن وقت فوتي ڪوٽا لاءِ 300 ڪيسز پيا آهن جيڪي ٽائيم تي آهن جنهن تي وزير اعليٰ سنڌ چيو ته مان چاهيان ٿو ته فوتي ڪوٽا تي جلد نوڪري ڏني وڃي ۽ هر هڪ ڊپارٽمينٽ جو انچارج فوتي ڪوٽا ۾ فوري طور تي نوڪري ڏين ڪوٽي جي مسئلي کي به اي سي آر ۾ شامل ڪيو وڃي ان سلسلي ۾ وزير اعليٰ فوتي ڪوٽا جي واضع پاليسي بنائڻ لاءِ چيف سيڪريٽري کي هدايت ڏني آهي. اهو آئٽم ڪميٽي کي موڪليو ويندو ۽ قابل عمل سمجھيو وڃي ڪابينا اجلاس ۾ صوبائي محتسب جي ترميمي بل 2020 تي ڳالھ ٻولھ ڪئي وئي ۽ قانون واري صلاحڪار بئريسٽر مرتضيٰ وهاب ٻڌايو ته اهو بل سنڌ اسيمبلي پاس ڪيو هو پر سنڌ جي گورنر پنهنجا اعتراض لڳائي اهو بل واپس در ڪري ڇڏيو آهي مرڪز ۾ وفاقي محتسب وزير اعظم جي مشاورت سان مقرر ٿيندو آهي پر گورنر محتسب جي تقرر جي اٿارٽي ناهي. اجلاس ۾ گورنر جي اعتراضن تي ڳالھ ٻولھ ڪئي وئي ۽ چيو ويو ته ٽنهين صوبن ۾ صوبائي حڪومتون ئي محتسب مقرر ڪنديون آهن ته سنڌ ۾ به محتسب جو تقرر صوبائي حڪومت ڪندي جنهن کان پوءِ ڪابينا ترميمي بل پاس ڪندي ان کي اسيمبلي موڪلڻ جي منظوري ڏني ۽ گورنر جي اعتراضن کي رد ڪري ڇڏيو. سعيد غني چيو ته ڪابينا اجلاس ۾ ڪڻڪ جي فصل 20-2019 جي خريداري جو ٽارگيٽ ۽ سپورٽ پرائس تي ڳالھ ٻولھ ڪئي وئي اجلاس ۾ سنڌ ڪابينا 14 لک ٽن ڪڻڪ خريد ڪرڻ جو حدف مقرر ڪيو آهي خوراڪ کاتي جي ڪريڊٽ جي حد 138 بلين روپيا آهي ڪابينا سپورٽ پرائس جي آئٽم ئي رد ڪري ڇڏيو جڏهن ته خوراڪ، بلديات، ۽ زراعت واري صوبائي وزير تي لاڳاپيل ڪميٽي قائم ڪئي آهي جيڪا پروڪيورمينٽ جو طريقيڪار بڻائيندي. ڪميٽي قائم ڪرڻ جو مقصد ننڍن آبادگارن کان خريداري ڪرڻ آهي. ڪميٽي 10 ڏينهن ۾ رپورٽ ڏيندي اجلاس ۾ ٻڌايو ويو ته وفاقي حڪومت 1365/40 ڪلو سپورٽ پرائس مقرر ڪري ڇڏيو آهي..

 

اٽي جو بحران ڦرلٽ سبب ٿيو آهي:سنڌ هاءِ ڪورٽ

ڪراچي (اسٽاف رپورٽر) سنڌ هاءِ ڪورٽ اٽي جي بحران تي ڪاوڙ ظاهر ڪندي چيو آهي ته اٽي جو بحران ڦرلٽ سبب ٿيو آهي. عدالت ڪڻڪ چوري ڪيس ۾ جوابدارن جون ضمانت واريون درخواستون سنڌ هاءِ ڪورٽ سرڪٽ بئنچ سکر منتقل ڪري ڇڏيون. سنڌ ۾ سرڪاري ڪڻڪ چوري ڪرڻ واري معاملي تي ٻڌڻيءَ دوران سنڌ هاءِ ڪورٽ جي چيف جسٽس اٽي جي بحران تي ڪاوڙ جو اظهار ڪيو. چيف جسٽس احمد علي شيخ ريمارڪس ڏيندي چيو ته ملڪ ۾ اٽي جو بحران ڦرلٽ جي نتيجي ۾ ٿيو آهي ۽ اهڙا ماڻهو ئي وڏين شخصيتن جي پٺڀرائي تي فائدو وٺندا آهن.
ٻڌڻيءَ دوران نيب پراسيڪيوٽر عدالت کي آگاهي ڏني ته سنڌ جي مختلف ضلعن ۾ ڪڻڪ چوري ٿيڻ جي حوالي سان ريفرنس داخل ڪيو ويو آهي، جوابدارن ڪڻڪ چوري ڪري مارڪيٽ ۾ وڪرو ڪئي هئي. عدالت ڪڻڪ چوري ڪيس ۾ جوابدار انيس الرحمان، موهن لال، ابراهيم ٿهيم ۽ ۽ ٻين جي ضمانت واري درخواست وارو مامرو سنڌ هاءِ ڪورٽ سرڪٽ بئنچ سکر منتقل ڪري ڇڏيو.

 

 

عمران خان دنيا جي هر فورم تي ڪشميرين جو ڪيس وڙهي رهيو آهي: فردوس عاشق اعواڻ

ڪوئيٽا (اين اين آءِ) سڌ سماءَ جي خاص مددگار ڊاڪٽر فردوس عاشق اعواڻ چيو آهي ته وزيراعظم عمران خان دنيا جي هر فورم تي ڪشميرين جو ڪيس وڙهي رهيو آهي وزيراعظم عمران خان جي دل بلوچستان جي عوام سان ڌڙڪي ٿي، وزيراعظم عمران خان  بلوچستان جي ترقي کي اهميت ڏئي ٿو بلوچستان جي ترقي سان ئي پاڪستان جي ترقي لاڳاپيل آهي اين ڊي ايم اي صوبائي حڪومت سان گڏجي متاثرن جي بحالي لاءِ قدم کنيا متاثرن جي بحالي لاءِ صوبائي حڪومت سان وڌ ۾ وڌ سهڪار ڪنداسين. اربع تي هتي صحافين سان ڳالهائيندي ڊاڪٽر فردوس عاشق اعواڻ چيو ته تازين برساتن ۽ برفباري سان بلوچستان ۾ جاني ۽ مالي نقصان ٿيو، هن چيو تهوزيراعظم جي آمريڪي صدر ٽرمپ سان اهم ملاقات ٿي، آمريڪي صدر ڪشمير جي مسئلي تي ٽياڪڙي جي آڇ ڪئي آهي، هن چيو ته آمريڪي صدر جي ٽياڪڙي جي آڇ سان ڪشمير جو مسئلو هڪ دفعو ٻيهر دنيا ۾ اجاگر ٿيو.

 

عمران خان جي ڊونلڊ ٽرمپ سان ملاقات مفيد رهي، آمريڪي صدر جلد پاڪستان جو دورو ڪندو: شاهه محمود قريشي

ڊيووس(ويب ڊيسڪ) پرڏيهي وزير شاهه محمود قريشي چيو آهي ته وزير اعظم عمران خان جي عالمي اقتصادي فورم جي موقعي تي آمريڪي صدر ڊونلڊ ٽرمپ سان ملاقات مفيد رهي ۽ آمريڪي صدر هن کي جلد پاڪستان جي دوري جي خاطري ڪرائي آهي. وزير اعظم عمران خان ۽ پرڏيهي وزير شاهه محمود قريشي هن وقت عالمي اقتصادي فورم ۾ شرڪت جي سلسلي ۾ سوئٽرز لينڊ جي شهر ڊيووس ۾ موجود آهي جتي ان فورم ۾ آمريڪي صدر سميت ٻيا عالمي اڳواڻ شريڪ ٿيا. پرڏيهي وزير شاهه محمود قريشي چيو ته فورم جي موقعي تي عمران خان ۽ ڊونلڊ ٽرمپ جي وچ ۾ اهم ملاقات ٿي جيڪا هڪ ڪلاڪ تائين جاري رهي.  ملاقات دوران موجود شاهه محمود قريشي چيو ته صدر ٽرمپ جي پوري ٽيم ملاقات ۾ موجود هئي جنهن ۾ سٺي ماحول ۾ ڳالهه ٻولهه ٿي ۽ وزير اعظم عمران خان ان دوران اهم معاملن تي ڳالهيون ڪيون. هن چيو ته عمران خان آمريڪي صدر جي سامهون ايف اي ٽي ايف جي گري لسٽ مان پاڪستان جو نالو ڪڍڻ جو معاملو کنيو ۽ پاڪستان طرفان ان سلسلي ۾ ڪيل بندوبستن تي بريفنگ ڏني جنهن تي صدر ٽرمپ هن کي ان معاملي ۾ حمايت جي خاطري ڪرائي. وزير اعظم آمريڪي صدر کي ٽريول ايڊوائزري ۾ بهتري جي درخواست ڪرڻ سان گڏوگڏ واپار جي حوالي سان به ڳالهيون ڪيون جنهن بعد فيصلو ڪيو ويو ته آمريڪا جو هڪ واپاري وفد پاڪستان جو دورو ڪندو. ملاقات دوران خطي جي صورتحال خاص ڪري ڪشمير مسئلي تي ڳالهيون ٿيون ۽ وزير اعظم عمران خان والاريل ڪشمير جي صورتحال ۽ اُتي معصوم ڪشميرين تي ڀارتي ظلم جي تفصيل کان آمريڪي صدر کي آگاهه ڪيو. آمريڪي صدر چيو ته ڪشمير جي صورتحال تي ڳڻتي آهي ۽ ان سلسلي جي حل تي زور ڏيندي يقين ڏياريو ته هو ڪشمير جي معاملي تي ڳالهيون ڪندو. وزير اعظم وچ اوڀر ۾ آمريڪا ۽ ايران جي وچ ۾ تڪرار سان گڏوگڏ افغانستان امن عمل ۽ اُتان آمريڪي فوج جي نيڪالي جي حوالي سان به خيالن جي ڏي وٺ ڪئي وئي.

 

 

ڪڻڪ جو بحران وفاقي حڪومت جي ڪري پيدا ٿيو،، پي ٽي آءِ جي وزيرن کي سنڌ فوبيا ٿي وئي آهي: ترجمان سنڌ حڪومت

ڪراچي (اسٽاف رپورٽر) سنڌ سرڪار آءِ جي سنڌ جي سول سوسائٽي جي نمائندن سان ملاقاتن تي اعتراض واري ڇڏيا: مرتضيٰ وهاب چيو آهي ته ڪابينا جي فيصلي کانپوءِ آءَ جي ڌڙاڌڙ ملاقاتون ڪري ڇڏيون آهن، آءِ جي واري عهدي کي سياسي ۽ غير تڪراري بڻائڻ کان پاسو ڪيو وڃي. سنڌ اسيمبلي ٻاهران ميڊيا سان ڳالهائيندي صوبائي صلاحڪار مرتضيٰ وهاب چيو ته ڪڻڪ جو بحران وفاقي حڪومت جي ڪري پيدا ٿيو آهي، پر پي ٽي آءِ جي وزيرن کي سنڌ فوبيا ٿي وئي آهي، تنهن ڪري صوبائي حڪومت تي الزام مڙهيا پيا وڃن. جيڪي وزير الزام مڙهي رهياآهن، اُهي ٻڌائين ته پنجاب ۽ ڪي پي ۾ ته پ پ جي حڪومت نه آهي، پوءِ اُتي بحران ڇو ٿيو آهي؟ الزام لڳائيندڙ وزير ٻڌائين ته پرڏيهه ڪڻڪ موڪلڻ جو فيصلو ڪنهن ڪيو هو؟ وفاقي حڪومت ئي اُن جي منظوري ڏني هئي. آءِ جي سنڌ معاملي تي سوالن جا جواب ڏيندي مرتضيٰ وهاب چيو ته ڪليم امام کي هٽائڻ واري معاملي تي ڪوبه بحران نه آهي، صوبائي حڪومت ۽ وفاقي سرڪار لڳاتار رابطن ۾ آهن، جنهن دوران سگهارا صلاح مشورا به ٿين ٿا. صوبائي صلاحڪار چيو ته وزيراعظم عمران خان پرڏيهه ويو آهي، تنهن ڪري آءِ جي سنڌ کي تبديل ڪرڻ ۾ دير ٿي آهي، جيئن ئي وزيراعظم واپس ايندو ته اهو مسئلو به حل ٿي ويندو. هڪ سوال جي جواب ۾ مرتضيٰ وهاب چيو ته آءِ جي سنڌ جي حمايت ۾ ڪراچي ۾ بئنرز لڳي ويا آهن، ڪابينا جي هٽائڻ واري فيصلي کانپوءِ هو ڌڙا ڌڙا ملاقاتون ڪري رهيو آهي، هو سول سوسائٽي جي نمائندن سان به ملاقاتون ڪري پيو. بيورو ڪريسي کي سياسي ملاقاتون ڪرڻ جا اختيار نه آهن، تنهن ڪري ڪليم امام آءِ جي جي عهدي تي سياسي ۽ تڪراري نه بڻائي. آءِ جي کان اها ئي شڪايت هئي ته ملاقاتون ڪرڻ بدران ڏوهن کي ڪنٽرول ڪرڻ ۾ ڌيان ڏئي، آفيسرز سندس ڪنڊڪٽ ۾ نه آهن.