تازيون خبرون

Category Archives: فن ۽ تفريح

فلمن ۾ ماءُ جو ڪردار ادا ڪرڻ پسند آهي: ايوا لنگوريا

 

لاس اينجلس (شوبز نيوز) هالي ووڊ اداڪاره ايوا لنگوريا جو چوڻ آهي ته فلمن ۾ ماءُ جو ڪردار ادا ڪرڻ پسند آهي. امريڪي خابرو اداري موجب اداڪاره ايوا لنگوريا جو چوڻ هو ته جيڪڏهن فلم ۾ ڪا به اداڪاره ماءُ بڻجڻ جو ڪردار خوشي سان قبول ڪندي آهي ته اهو فطري عمل آهي ڇو ته هر عورت کي ماءُ بڻجڻ پسند آهي. هن چيو ته سندس زندگي جو بهترين وقت اهو هوندو آهي جيڪو هو پنهنجي پٽ سان گذاريندي آهي ۽ پنهنجي پٽ جا ننڍا ننڍا ڪم ڪري کيس سڪون ملندو آهي.

 

پشيماني جو اظهار ، روينا ٽنڊن، پنهنجا ٽوئٽ ڊيليٽ ڪري ڇڏيا

 

ممبئي (شوبز نيوز) بالي ووڊ اداڪارا روينا ٽنڊن، دنگل گرل زائرا وسيم کي ناشڪرو چوڻ تي پڇتائڻ لڳي جنهن بعد هن پنهنجا ٽوئٽ ڊيليٽ ڪري ڇڏيا.فلم “سيڪريٽ سپر اسٽار” ۽ “دنگل” ذريعي شهرت ماڻيندڙ اداڪارا زائرا وسيم جي مذهب خاطر بالي ووڊ ڇڏڻ جي اعلان سموري بالي وووڊ کي حيران ڪري ڇڏيو آهي ۽ هر ڪو ان معاملي تي پنهنجي راءِ جو اظهار ڪري رهيو آهي.پر اداڪارا روينا ٽنڊن اها پهرين شخصيت آهي جنهن زائرا جي فيصلي تي رد عمل ڏيندي هن کي ناشڪرو قرار ڏنو هو ۽ گھڻي سخت لهجي ۾ چيو هو ته ان سان ڪو به فرق نٿو پوي ته رڳو ٻه فلمن ۾ ڪندڙ اداڪارا هن انڊسٽري کي ڇڏي رهي آهي جنهن کيس سڀ ڪجهه ڏنو. آئون رڳو اهو ئي چئي سگھان ٿي ته جيڪڏهن وڃڻو اٿو ته باوقار طريقي سان وڃو ۽ پنهنجا تنگ نظر خيال پاڻ تائين محدود رکو.پر هاڻي روينا ٽنڊن کي پنهنجن  لفظن جو سختي سان اندازو ٿي ويو، جنهن کان پوءِ هن پنهنجي رد عمل تي پشيماني جو اظهار ڪندي چيو ته زائرا جو فيصلو اسان جهڙن ماڻهن لاءِ قبول ڪرڻ جوڳو ناهي جيڪي فلمن، سينيما ۽ انڊسٽري سان محبت ڪندا آهن. آئون پنهنجا پهريان ٽوئيٽ ڊيليٽ ڪري رهي آهيان جنهن ۾ آئون سخت لفظ استعامل ڪيا هئا.

 

ڪارٿڪ آريان ۽ سارا علي خان جا هڪ ٻئي لاءِ محبت ڀريا پيغام

 

ممبئي (شوبز نيوز) ڀارت جي اڀرندڙ فلمي جوڙي ڪارٿڪ آريان ۽ سارا علي خان فلم “لو آج ڪل 2” جي شوٽنگ ختم ٿيڻ کان پوءِ  هڪ ٻي لاءِ جذباتي ٿي ويا، ڪارٿڪ آريان سارا کي بهتري اداڪارا ساٿي قرار ڏئي ڇڏيو.پرڏيهي ميڊيا رپورٽن موجب “لو آج ڪل 2” جي هيرو ۽ هيروئن ڪارٿڪ آريان سارا علي خان فلم جي شوٽنگ ۾ لاڳيتو 66 ڏينهن مصروف رهيا ۽ فلم جي شوٽنگ ختم ٿيڻ تي فلمي جوڙي هڪ ٻي لاءِ جذباتي ٿي ويا ۽ سماجي رابطن جي ويب سائٽ انسٽاگرام تي ٻنهي هڪ ٻي جون تصويرون شيئر ڪندي تعريف هڪ ٻي جي تعريف ڪئي ۽ فلم جي هدايتڪار امتياز علي سان ڪم ڪرڻ کي پنهنجي خوش قسمتي قرار ڏنو.ڪارٿڪ آريان پنهنجي ۽ سارا علي خان جي تصوير مداحن سان شيئر ڪندي سارا علي خان جي تعريف ڪئي ۽ کيس شهزادي قرار ڏيندي لکيو ته ان فلم لاءِ سارا علي خان منهنجي بهترين ساٿي ثابت ٿي آهي، آئون سارا سان ٻيهر به ڪم ڪرڻ پسند ڪندس.ٻئي پاسي فلم “لو آج ڪل 2” جي هيروئن سارا به ڪارٿڪ آريان جو ٿورو مڃيندي پنهنجي انسٽاگرام تي لکيو ته مون سان سٺو پيش اچڻ جي مهرباني، آئون اوهان کي ۽ شوٽنگ دوران گذريل ڏينهن کي گھڻو ياد ڪنديس، ايتري گھڻو ياد ڪنديس جو اوهان ان جو اندازو به نٿا لڳائي سگھو ۽ آئون ان کي لفظن ۾ بيان نٿي ڪري سگھان.فلم “ڪيدارناٿ” سان پنهنجي ڪيريئر جي شروعات ڪندڙ سارا علي خان ڀارتي هدايتڪار ڪرن جوهر جي چيٽ شو ۾ ڪارٿڪ آريان لاءِ پسنديدگي جو اظهار پڻ ڪري چڪي آهي.واضح رهي ته فلم “فلم لو آج ڪل 2”  کي ايندڙ سال 14 فيبروري تي ويلنٽائنز ڊي جي موقعي تي رليز ڪيو  ويندو.

 

انتها پسندن هندو اداڪارن کي زائرا وسيم کان سبق سکڻ جو مشورو

 

ممبئي(شوبز نيوز) ڀارتي هندو انتهاپسندن پنهنجن هندو اداڪارن کي پاڪستاني اداڪارن کان سبق سکڻ جو مشورو ڏئي ڇڏيو آهي. سوامي چڪرا جو چوڻ آهي ته جيئن مسلمان اداڪارا زائرا وسيم ڀارتي فلم انڊسٽري ڇڏڻ جو اعلان ڪيو آهي ائين ڀارتي هندو اداڪارن کي به فلم انڊسٽري ڇڏڻ گهرجي. سندس چوڻ هو ته ڀارتي فلمون هندو مذهب جي توهين ڪري رهيون آهن.انهن ۾ جيڪو ڪلچر ڏيکاريو پيو وڃي اهو اسان جو ناهي

 

افغانستان جي مداحن طرفان دشمنن جهڙو رويو رکڻ تي تڪليف پهتي: انيقه علي

 

لاهور: (شوبز نيو) مشهور ڳائڻي انيقه علي چيو آهي ته افغانستان جي مداحن جو پرتشدد رويو ان جي جارحاڻي ارادن کي ظاهر ڪري ٿو.پاڪستان ته هميشه پيار، امن ۽ محبت جون ڳالهيون ڪيون آهن. پاڪستاني رانديگرن ميچ کٽڻ کان پوءِ به افغان ڪرڪيٽرن جي حوصله افزائي ڪئي.ٻئي طرف افغان مداحن پاڪستاني مداحن تي حملو ڪندا رهيا. جڏهن ته هنن پاڪستاني مداحن تي حملي ڪرڻ کان پوءِ به گرائونڊ اندر وڃي پاڪستاني رانديگرن تي به حملي جي ڪوشش ڪئي.راند جي ميدان ۾ اهڙو جارحاڻو رويو مذمت جوڳو آهي. هن چيوته پاڪستان هميشه پنهنجي پاڙيسرين سان سٺا تعلقات رکڻ جي ڪوشش ڪئي آهي.

 

وطن ۽ هتان جي مداحن سدائين پيار ڏنو آهي باليووڊ يا ٻئي هنڌ ڪم نه ٿي ڪري سگهان : نيلم منير

 

ڪراچي (شوبز نيوز) پاڪستاني ڊرامن ۽ فلمن جي مشهور اداڪاره ۽ ماڊل نيلم منير چيو آهي ته اسڪرپٽ جاندار ۽ ڪاسٽ شاندار هجي ته فلم کي ڪاميابيءَ کان ڪير به نه ٿو روڪي سگهي. “رانگ نمبر 2” جي ڪاميابي کانپوءِ تازي ڏنل انٽرويو ۾ نيلم منير چيو ته “رانگ نمبر 2” جي ڪاميابي منهنجي ڪيريئر کي نئون ۽ مضبوط رخ ڏئي ڇڏيو آهي، سٺن ڪردارن تي ٻڌل وڌيڪ فلمون به ڪرڻ چاهيان ٿي. نيلم منير چيو ته “رانگ نمبر 2” فلم ۾ ڪم ڪرڻ جو وڌيڪ موقعو هو، ڇاڪاڻ ته هيءَ فلم هڪ ئي وقت ڪاميڊي، رومانس، ڊانس ۽ جذبن سان ڀرپور هئي. هن چيو ته هڪ اداڪاره طور پرفارم ڪرڻ سندس ڪم آهي، ان سان فرق نٿو پوي، پوءِ اهو سيڪوئل ئي ڇو نه هجي پر اوهان جي ڪارڪردگي ڳالهائيندي آهي، فلم ان وقت ئي سائن ڪندي آهيان، جڏهن ان جو اسڪرپٽ مضبوط هجي. اداڪاره جو چوڻ هو ته ٽي وي اسڪرين ۽ فلم ڌار ڌار ميڊيم آهن، مان ٿيٽر، ٽي وي ۽ فلم لاءِ موجود آهيان، اسان جي ملڪ ۾ ڊراما انڊسٽري مضبوط آهي، هتي ڊراما وڌيڪ ڏٺا ويندا آهن، انڪري هتي سڃاڻپ ٺاهڻ آسان آهي، اسان وقت سان گڏ بهتر ٿي رهيا آهيون، مونکي يقين آهي ته 2019 پاڪستاني شوبز انڊسٽري لاءِ بهتر ثابت ٿيندو. نيلم باليووڊ ۾ ڪم ڪرڻ جي خواهش وارو خيال رد ڪندي چيو ته مون پنهنجي وطن ۽ هتان جي مداحن سدائين پيار ڏنو آهي، انڪري ٻئي هنڌ ڪم نه ٿي ڪري سگهان. مشهور اداڪاره پنهنجي ايندڙ فلم “ڪاف ڪنگنا” ۾ وڏي پردي تي جلوه ڏيکاريندي.

 

زائرا وسيم ”ايمان“ بچائڻ لاءِ بالي ووڊ کي الوداع ڪري ڇڏيو

 

ممبئي (شوبز نيوز) 2016ع ۾ عامر خان جي سپر هٽ فلم ”دنگل“ ذريعي بالي ۾ شهرت ماڻيندڙ اداڪارا زائزا وسيم فلم انڊسٽري ڇڏڻ جو فيصلو ڪري ورتو.انسٽاگرام تي پنهنجي هڪ پوسٽ ۾ زائرا وسيم اهو اعلان ڪندي چيو ته ڪيريئر جي چوند منهنجي مذهبي عقيدي تي اثرانداز ٿي رهي آهي.هن لکيو ته بالي ووڊ ۾ منهنجا پنج ورهيه مڪمل ٿي ويا آهن ۽ ان موقعي تي آئون اعتراف ڪرڻ چاهيان ٿي ته پنهنجي ڪم سبب ملندڙ سڃاڻپ تي خوش نه آهيان، ڊگھي عرصي کان مون کي محسوس ٿي رهيو هو ته آئون ڪا ٻي شخصيت بڻجڻ جي جدوجهد ڪري رهي آهيان، آئون هاڻي اهڙيون شيون ڳولڻ ۽ محسوس ڪرڻ شروع ڪيون آهن، جن لاءِ آئون پنهنجو وقت، ڪوششون ۽ جذبا رکڻ چاهيان ٿي ۽ هڪ نئين قسم جي زندگي کي برقرار رکڻ جي ڪوشش ڪري رهي آهيان.زائرا وسيم وڌيڪ لکيو ته مونکي احساس ٿيڻ لڳو ته شايد آئون هن انڊسٽري ۾ سٺي طرح فٽ ٿي وينديس پر ان سان واسطو نٿي رکڻ چاهيان، ان شعبي سان مون کي گھڻي محبت ۽ سهڪار مليو پر ان سان گڏوگڏ اهو مون کي لاعلمي جي رستي تي وٺي آيو، ڇو جو آئون خاموشي ۽ لاشعوري طور تي ايمان کان ٻاهر نڪرڻ لڳي آهيان.سندس چوڻ هو ته آئون لاڳيتو پنهنجن خيالن ۽ وجدان سان مفاهمت لاءِ پنهنجي روح سان ويڙهه وڙهي رهي هيس ته جيئن پنهنجي ايمان جو تصور مضبوط ڪري سگھان پر آئون بري طرح ناڪام ٿي ويس ۽ اهو هڪ ڀيرو نه پر سئو ڀيرا ٿيو. آئون اهڙي ماحول ۾ ڪم ڪندي رهيس، جيڪو لاڳيتو منهنجي ايمان ۾ مداخلت ڪندو رهيو، جنهن سبب منهنجي مذهب سان منهنجو واسطو خطري ۾ پئجي ويو پر آئون ان کي نظر انداز ڪري اڳتي وڌندي پاڻ کي قائل ڪرڻ جي ڪوشش ڪندي رهيس ته آئون سٺو ڪري رهي آهيان ۽ ان سان متاثر نه ٿينديس پر ان سبب منهنجي زندگي مان رحمت ختم ٿي وئي.18 ورهين جي اداڪارا لکيو ته برڪت اهو لفظ آهي، جنهن جي معنيٰ رڳو خوشي يا انگ ناهي پر استحڪام جي خيال تي ڌيان ڌرڻ به آهي، جنهن بابت مون کي گھڻي جدوجهد ڪرڻي پئجي رهي هئي.اداڪارا موجب مون کي پنهنجي ان فيصلي تي برقرار رهڻ لاءِ پاڻ سان جيتري به ويڙهه ڪرڻي پئي ڪنديس، آئون هڪ ڏينهن اهڙي شخصيت طور سامهون اينديس، جنهن جو مقصد پاڻ کي تبديل ڪرڻ هوندو آهي ۽ آئون جلد تبديل ٿي ڏيکارينديس، آئون پنهنجن خيالن سان جنگ جاري رکينديس.سندس وڌيڪ چوڻ هو ته زندگي گھڻي مختصر آهي پر پاڻ سان جنگ لاءِ ڊگھي هوندي آهي، اهو ئي سبب آهي جو اڄ آئون سوچي سمجهي فيصلو ڪيو آهي ۽ آئون اداڪاري ڇڏڻ جو باضابطا اعلان ڪريان ٿي.زائرا وسيم گھڻو عرصو اڳ اسڪرين تي ”سيڪرٽ سپر اسٽار“ فلم ۾ نظر آئي هئي ۽ هن جي هڪ ٻي فلم ”دي اسڪاءِ از پنڪ“ جي شوٽنگ مڪمل ٿيڻ واري آهي، جنهن ۾ هوءِ پريانڪا چوپڙا ۽ فرحان اختر جي ڌيءَ جو ڪردار ادا ڪندي، جيڪا هڪ موذي مرض جو شڪار هوندي آهي.

 

پريانڪا چوپڙا ۽ دپيڪا پڊڪون کان پوءِ ڪترينا ڪيف هاڻي هالي ووڊ ۾ ڪم ڪرڻ لاءِ تيار

 

ممبئي (شوبز نيوز) بالي ووڊ باربي ڊول ڪترينا ڪيف هاڻي هالي ووڊ ۾ به جلوا ڏيکارڻ جي خواهشمند نظر اچي رهي آهي.رپورٽن موجب بالي ووڊ ۾ پنهنجو نالو ڪمائيندڙ باربي ڊول جي نالي سان مشهور ڪترينا ڪيف هاڻي هالي ووڊ ۾ انٽري لاءِ تيار آهي، پريانڪا چوپڙا ۽ دپيڪا پڊڪون کان پوءِ ڪترينا ڪيف به هالي ووڊ جي پراجيڪٽ ۾ ڪم جي حوالي سان دلچسپي رکي ٿي، اداڪارا اسڪرپٽ پڙهڻ کان پوءِ فيصلو ڪندي ته کيس ڪنهن هالي ووڊ پراجيڪٽ ۾ ڪم ڪرڻو آهي يا نه.ڪترينا ڪيف گذريل ڪجهه ڏينهن کان (فاڪس اسٽوڊيوز) جي مالڪن سان رابطي ۾ هئي، جڏهن ته اهي افواهه پڻ آهن ته هوءَ هالي ووڊ فلم ”ايونجرز“ جي اسٽار ”جيريمي رينز“ سان ڪو پراجيڪٽ سائن ڪري رهي آهي.

 

بولڊ اداڪاره سني ليون تمام جلد هڪ هارر ڪاميڊي فلم ۾ نظر ايندي

ممبئي (شوبز نيوز) باليووڊ جي مشهور ۽ بولڊ اداڪاره سني ليون تمام جلد هڪ هارر ڪاميڊي فلم ۾ نظر ايندي. خبرن موجب تمام گهٽ عرصي ۾ تمام زبردست نموني هندي ٻولي ڳالهائيندڙ اداڪاره سني ليون پنهنجي ايندڙ هارر ڪاميڊي فلم “ڪوڪا ڪولا” ۾ ڪردار سٺي نموني نڀائڻ لاءِ اتر پرديش جو هندي لهجو سکي رهي آهي. ان بابت هڪ بيان ۾ سني ليون چيو ته جڏهن ڳالهه ڪم جي اچي ويندي آهي ته مان نيون شيون سکڻ لاءِ سدائين دماغ کليل رکندي آهيان، پوءِ اها نئين ٻولي سکڻ جي ڳالهه ڇو نه هجي./ڏسو صفحو 6 بقايا نمبر 25

سني وڌيڪ چيو ته ان سان هڪ سٺو اداڪار ٿيڻ ۾ مونکي وڌيڪ مدد ملندي آهي ۽ ڪم دوران نيون شيون سکڻ جو پنهنجو مزو آهي. مشهور اداڪاره چيو ته مان هڪ نئين ٻولي سکي رهي آهيان، جيڪا سٺي نموني ڳالهائڻ لاءِ گهڻي محنت به ڪري رهي آهيان. سني ليون ڪينيڊا ڄائي ڀارتي اداڪاره ۽ ماڊل آهي، جنهن باليووڊ انڊسٽري کي ڪيتريون ئي بهترين فلمون ڏنيون آهن ۽ پنهنجي بولڊ انداز سان سڄي دنيا ۾ سڃاڻ ٺاهي آهي.

 

ريشما کي هندي فلمن جي پهرين اسٽنٽ وومين چيو وڃي ٿو

ممبئي ( شوبز نيوز) شعلي فلم جي بسنتي ته سڀني کي ياد هوندي پر بستي جي جڳهه تي ان جا خطرناڪ اسٽنٽ ڪندڙ ريشمان پٺاڻ کي گهٽ ئي /ڏسو صفحو 6 بقايا نمبر 28

ماڻهو سڃاڻيندا هوندا. ريشما کي هندي فلمن جي پهرين اسٽنٽ وومين چيو وڃي ٿو. هن ڪيترين ئي فلمن ۾ اداڪارائن جي پاران اسٽنٽ ڪيا. هن ڪيترائي ڀيرا پنهنجي جان جوکم ۾ وجهي خطرناڪ شاٽ ڏنا. ريشما پٺاڻ ٻڌائي ٿي ته شعلي جو هڪ شاٽ هو ته ٽانگي کي ڊوڙائي هڪ پٿر سان ٽڪرائڻو هو جيئن ان جو هڪ ڦيٿو ٽُٽي پوي پر ٽانگو ڦاسي پيو ۽ ڦيٿو ڪونه ٽُٽو. جهٽڪي سان آئون ڪري پيس ۽ ٽانگو منهنجي مٿان اچي ويو، سڀني سمجهو ته بس آئون ختم ٿي ويس پر جڏهن انهن ٽانگو کنيو ته منهنجو ساهه هليو پئي پوءِ مون کي اسپتال کڻي ويا. ريشمان ننڍي هوندي کان ئي راند روند جي شوقين هئي ۽ هو پاڻ کي ٽام ڪروز سمجهندي هئي. 14 سالن جي عمر ۾“ ايڪ کلاڙي باون پتي” ۾ پهريون اسٽنٽ ڪيائين جنهن لاءِ کيس 100 رپيا مليا هئا. ريشما جي پيءُ کي هن جو فلمن ۾ ڪم ڪرڻ سخت ناپسند هو جنهنڪري هن سندس مار به کاڌي پر هو ريشما جي محنت ۽ لڳن جي سامهون هارائي ويو. ريشمان کي ان وقت بيحد خوشي ٿي جڏهن هن جي زندگي تي فلم“ دي شعلي گرل ريشمان پٺاڻ” ٺهي ۽ ريليز به ٿي. پروڊيوسر جو فون آيو مون کي يقين ڪونه پئي آيو. مون سوچو ته ڪو منهنجو مزاق اڏائي رهيو آهي، مون کي ڪير ٿو سڃاڻي جو مون تي فلم ٺاهيندو؟ ٻه ٽي ڀيرا فون آيو ته پوءِ اڌ پڪ ٿي ته هو واقعي منهنجي“ بايو پڪ” ٺاهڻ ۾ دلچسپي رکي ٿو. منهنجي بايو پڪ ٺهي ۽ مون کي خوشي آهي ته اها فلم ڏسڻ کان پوءِ آئون ماڻهن جي نظر ۾ آيس ۽ مون کي ماڻهن وٽ سڃاڻپ ملي ته آئون به هڪ اسٽنٽ وومين آهيان، آئون ريشمان پٺاڻ آهيان. آئون گمنام هئيس، مون کي نالو مليو. تازو ئي ريشمان پٺاڻ کي“ فلم ڪرٽڪس گلڊ” پاران ايوارڊ ڏنو ويو آهي. ريشمان پٺاڻ خوش آهي ته هاڻي اسٽنٽ وومين کي فلم جو اهم حصو مڃيو ٿو وڃي. 65 سالن جي ٿيڻ باوجود ريشمان اڄ به فلمن ۾ ڪم ڪرڻ جي خواهش رکي ٿي.