تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Category Archives: فن ۽ تفريح

سجل علي ۽ احد رضا مير “پيسا ايوارڊز” 2020ع لاءِ نامزد

 

ڪراچي (شوبز نيوز) پاڪستان جي مقبول ۽ خوبصورت اداڪارا سجل علي ۽ سندس مڱيندو اداڪار احد رضا مير هن وقت ٽي وي اسڪرين جي پسنديده جوڙن ۾ شامل آهن. سجل ۽ احد جي جوڙي 2017ع ۾ ڊراما سيريل “يقين ڪا سفر” سان مقبوليت جي اوچاين کي ڇهيو جنهن کانپوءِ ٻنهي جي جوڙي “آنگن” ۾ جوهر ڏيکاريا. سجل ۽ احد گذريل سال 6 جون تي سوشل ميڊيا تي پنهنجي مڱڻي جي خوشخبري به ڏني هئي. پاڪستان انٽرنيسنل اسڪرين ايوارڊز (پيسا) 2020ع جون نامزدگيون سامهون آيون آهن جن ۾ سجل علي کي بهترين اداڪارا جي طور تي نامزد ڪيو ويو اهي جڏهن ته احد رضا کي بهترين اداڪار جي ڪيٽيگري ۾ نامزد ڪيو ويو آهي. نجي خابرو اداري جي رپورٽ موجب ٻنهي کي گذريل سال ڊراما سيريل “آنگن” ۾ بهترين اداڪاري جا جوهر ڏيکارڻ تي نامزد ڪيو ويو آهي.

 

”ميري پاس تم هو“ تي تنقيد: ليکڪ جي نظرين سان اتفاق نٿي ڪريان: رحمت اجمل

 

ڪراچي (شوبز نيوز) سوشل ميڊيا تي هر ڏينهن ٽرينڊنگ ۾ رهندڙ ڊراما سيريل “ميري پاس تم هو” ۾ اداڪاري جا جوهر ڏيکاريندڙ رحمت اجمل چيو آهي ته هو ليکڪ جي نظرين سان اتفاق نٿي ڪري. انٽرنيٽ تي مقبول ٿيل رحمت هن ڊرامي ۾ عائشا نالي ڇوڪري جو ڪردار ادا ڪيو آهي جيڪا ڊرامي جي مرڪزي ڪردار دانش جي دوست بڻي آهي. ڊرامي توڙي اداڪارن جي اداڪاري کي پسند به ڪيو ويو آهي ۽ مٿن تنقيد پڻ ڪئي وئي آهي. رحمت اجمل تنقيد ٿيڻ کانپوءِ خليل الرحمان قمر جي نظرين کان پاڻ کي ڌار ڪرڻ جو اعلان ڪري ڇڏيو آهي. پنهنجي انسٽاگرام اڪائونٽ تي هڪ پوسٽ ذريعي اداڪارا لکيو ته مونکي خبر آهي ته فنڪار هجڻ جي حيثيت سان اسان جي سماجي ذميواري آهي ته اسان اهڙو مواد پروڊيوس ڪريون جنهن ذريعي هاڪاري پيغام ڏنو وڃي ۽ مان پنهنجي اهڙي ذميواري کي بي حد سنجيدگي سان ادا ڪرڻ جي ڪوشش ڪندي آهيان. مونکي ڪيترن ئي ڏينهن کان اهڙا پيغام ملي رهيا آهن جن ۾ نفرت ڏياريندڙ جملا ۽ پريشانين جو اظهار ڪيو ويو، اهو ئي سبب آهي جو مان کليل نموني ڳالهائن جو فيصلو ڪيو. مان خليل الرحمان قمر جي نظرين سان اتفاق نٿي ڪريان، مان خليل الرحمان قمر جو انٽرويو ٻڌو ۽ ڊرامي جي پڄاڻي کان اڳ مونکي ان جي پريشاني جوڳن خيالن جو اندازو ٿيو، مان اهڙي ڪنهن پراجيڪٽ جو حصو بڻجي فخر محسوس نٿي ڪريان جنهن جي ليکڪ جا نظريا اهڙا هجن. مان ۽ مون جهڙا ٻيا اداڪار خليل الرحمان قمر جي سوچ بابت ان وقت نه ڄاڻيندا هئا جڏهن اسان هن ڊرامي جي گڏجي شوٽنگ ڪئي، هن لکيو ته ماڻهو نون فنڪارن کي موقعو ڏين ته اهي سکي سگهن. هن کي ڊرامي جي مڪمل ڪهاڻي به خبر نه هئي، پراجيڪٽ ۾ منهنجو ڪردار هونئن به مختصر آهي، هي منهنجي ڪيريئر جو پهريون ٽي وي ڊرامو آهي ۽ مان هن وقت سکي رهي آهيان، مان هن پراجيڪٽ سان اهو به سکيو ته پنهنجي چونڊ کي لاءِ محتاط رهڻ جي ضرورت آهي.

 

ونڊر وومين جو ڪردار نڀائڻ جي خواهش هئي: جينيفر آئنسٽن

 

ڪراچي (شوبز نيوز) هالي ووڊ جي مشهور اداڪارا جينيفر آئنسٽن چيو آهي ته کيس هميشه کان ونڊر وومين جو ڪردار نڀائڻ جي خواهش هئي ۽ مان ان جو وڏو انتظار به ڪيو. فاڪس نيوز جي رپورٽ موجب اداڪارا جو چوڻ هو ته کيس ونڊر وومين جهڙو سپر هيروئن جو ڪردار ادا ڪرڻ جو موقعو نه مليو پر هو ٻين پراجيڪٽس ۾ انوکا ڪردار نڀائڻ تي غور ڪري رهي آهي. اداڪارا موجب مون وٽ ڪرڻ لاءِ گهڻو ڪجهه آهي، مان ڪيريئر جي ان موڙ تي ڌيان ڏئي رهي آهيان ته هڪ اداڪارا جي حيثيت سان مان ڇا ڪري سگهان ٿي. جينيفر آئنسٽن موجب مان وڌيڪ ڪاميڊي ڪردار نڀائڻ جي خواهشمند آهيان، چاهيان ٿي ته مان هاڻي کل ڀوڳ ڪريان ۽ ماڻهن کي به کلايان.

 

هاڻ احساس ٿي رهيو آهي ته مسلمان هجڻ سبب ڀارتي ۾ وڌيڪ نٿو رهي سگهان:نصيرالدين شاهه

 

نئين دهلي(شوبز نيوز) مشهور اداڪار نصيرالدين شاهه شهريت جي تڪراري بل تي سخت تنقيد ڪندي چيو آهي ته منهنجي خاندان جا ڪيترائي ماڻهو ڀارتي فوج ۾ خدمتون انجام ڏئي چڪا آهن. ڪڏهن به سوچيو نه هو ته اسان مسلمان آهيون، پر هاڻ احساس ٿيڻ لڳو آهي ته مان مسلمان ٿي ڀارت ۾ نٿو رهي سگهان.هڪ انٽرويو ۾ هن چيو ته مان 70 سال ڀارت ۾ گذاريا ۽ ڪم ڪيو آهي ڇا اهو ثابت نٿو ڪري ته مان به ڀارتي آهيان.؟ مشهور اداڪار چيو ته موجوده صورتحال کي ڏسي مان ڊڄي ويو آهيان پر ڏک ۽ ڪاوڙ ضرور آهي. فلم انڊسٽري ۾ نوجوان اداڪارن ان تڪراري قانون جي خلاف آواز اٿاريو آهي پر خبر ناهي ڇو وڏا فلمي اداڪار ان صورتحال تي خاموش ڇو آهن.؟هن چيو ته مان حيران آهيان ته اسان جي ملڪ ۾ ايتري نفرت ڪٿان آئي آهي. وزيراعظم نريندر مودي پاڻ نفرت ڦهلائي ٿو ۽ نفرت ڦهلائيندڙن جي پيروي به ڪري رهيو آهي. هن چيو ته ان قانون ۽ حڪومت جي خلاف احتجاج ڪندڙن کي ڌمڪيون ڏنيون پيون وڃن ته اوهان کي قتل ڪيو ويندو.هن چيو ته روڊن ۽ شهرن جو نالو بدلائي ڇا ثابت ڪيو پيو وڃي.؟ مغلن ۽ ٻين مسلمان حڪمرانن کي ولين بڻائي پيش ڪيو پيو وڃي. هن چيو ته مودي حڪومت نفرت سان ڀريل آهي هي ماڻهو هاڻ اعلان ڪري رهيا آهن ته پاڪستان جي حصي ۾ موجود ڪشمير تي به قبضو ڪري وٺندا.

 

فلم ساز ڪرسٽوف تي نابالغ ڇوڪري جي جنسي استحصال جو الزام لاڳو

 

ڪراچي (شوبز نيوز) فرانسيسي عدالت 55 سالن جي مشهور فلم ساز ڪرسٽوف روجيا تي نا بالغ ڇوڪري جي جنسي استحصال جو الزام لاڳو ڪري ڇڏيو. اڊيل هينيل فرانسيسي ويب سائيٽ ميڊيا پارٽ کي ٻڌايو هو ته فلم ساز کيس 2 ڏهاڪا اڳ 2002ع ۾ پهرين فلم جي شوٽنگ دوران جنسي هراسان ڪيو. اداڪارا موجب ان وقت سندس عمر 12 کان 15 سال هئي. اداڪارا 18 سال پراڻي واقعي جي رپورٽ پوليس کي داخل ڪرائي هئي. پيرس جي پوليس هدايتڪار خلاف جاچ شروع ڪئي هئي ۽ هاڻي عدالت 55 سالن جي فلمساز تي نابالغ ڇوڪري جي جنسي استحصال جو الزام لاڳو ڪري ڇڏيو آهي. خابروا داري رائيٽرز جي رپورٽ موجب پيرس جي پراسيڪيوٽر ان ڳالهه جي تصديق ڪري ڇڏي ته فلم ساز ڪرسٽوف روجيا تي نابالغ ڇوڪري جي جنسي استحصال جو الزام لاڳو ڪيو ويو آهي.

 

روڊ حادثي ۾ زخمي ٿيندڙ ڀارتي اداڪاره شبانه اعظمي آءِ سي يو منتقل

 

ممبئي(شوبز نيوز) روڊ حادثي ۾ زخمي ٿيندڙ ڀارتي اداڪاره شبانه اعظمي کي انتهائي نگهداشت واري وارڊ ۾ منتقل ڪيو ويو آهي.ڀارتي ميڊيا موجب گذريل ڏينهن ممبئي پوني ايڪسپريس وي تي ٿيندڙ روڊ حادثي ۾ شبانه اعظمي سخت زخمي ٿي پئي هئي جيڪا ممبئي جي مقامي اسپتال ۾ علاج هيٺ آهي ۽ هاڻ کيس انتهائي نگهداشت واري وارڊ(آءِ سي يو) منتقل ڪيو ويو آهي.روڊ حادثي ۾ شبانه اعظمي سان گڏ ئي معمولي زخمي ٿيندڙ ان جي مڙس ۽ مشهور شاعر جاويد اختر ٻڌايو هو ته شبانه اعظمي جي حالت خطري کان ٻاهر  آهي ۽ ان جا ميڊيڪل ٽيسٽ به بهتر آيا آهن.ٻئي طرف اسپتال جي ڊاڪٽر جو چوڻ اهي ته شبانه اعظمي پهريان کان  بهتر ۽ ڊاڪٽرن جي نگراني هيٺ آهي.هوڏانهن ممبئي پوليس حادثي بابت ٻڌايو آهي ته ظاهري طور تي ڪار جو ڊرائيور ٻئي گاڏي کي اوور ٽيڪ ڪرڻ جي ڪوشش ڪري رهيو هو جنهن سبب حادثو پيش آيو.

 

لنڊن ۾ ڊرائيور جي سونم سان اڻ وڻندڙ حرڪت، “اوبر” کان پاسو ڪريو: اداڪارا

 

ڪراچي (شوبز نيوز) بالي ووڊ اداڪارا سونم ڪپور انڪشاف ڪيو آهي ته برطانوي راڄڌاني لنڊن ۾ آن لائن سفري سهولتون فراهم ڪندڙ ڪمپني اوبر جو ڊرائيور ساڻس اڻ وڻندڙ انداز ۾ پيش آيو. اداڪارا پنهنجي مداحن کي خبردار ڪيو آهي ته هو اڳتي لنڊن ۾ اوبر سان سفر نه ڪن. نجي ٽي وي جي ويب سائيٽ موجب سونم ڪپور پنهنجي ٽوئيٽ ۾ لکيو ته لنڊن ۾ اوبر سان سفر دوران هو انتهائي ڊڄي وئي ۽ کيس ڊرائيور جي اڻ وڻندڙ رويي ڇرڪائي ڇڏيو. اداڪارا طرفان ٽوئيٽ ڪرڻ کانپوءِ ماڻهن کانئس خيريت دريافت ڪئي ۽ پڇيو ته ساڻس ڇا ٿيو؟ اداڪارا ڪجهه مداحن کي جواب به نه ڏنا ۽ هن مداحن ۽ ماڻهن کي چيو ته هو اڳتي لنڊن ۾ اوبر سان سفر نه ڪن ۽ جيڪڏهن سفر ڪن ته هو اڳ ئي احتياطي اپاءَ اختيار ڪن. اداڪارا ماڻهن کي صلاح ڏني ته هو لنڊن ۾ نجي ۽ عوامي گاڏين ۾ سفر ڪن. اداڪارا جي ٽوئيٽ کانپوءِ اوبر به کانئس معذرت ڪئي ۽ اداڪارا کي چيو ته هو واقعي جا تفصيل پنهنجي اي ميل ۽ فون نمبر سان کين موڪلي. اوبر جي سوال تي اداڪارا کين جواب ڏنو ته هن واقعي جي فوري بعد ئي اوبر کي شڪايت ڪرڻ جي ڪوشش ڪئي پر ناڪام رهي، شڪايت داخل ڪرڻ لاءِ به اوبر کي پنهنجو سسٽم اپڊيٽ ڪرڻ جي ضرورت آهي ۽ هاڻي جيڪو ساڻس ٿيڻو هو ٿي ويو هاڻي ڪجهه نٿو ڪري سگهجي. اداڪارا جي ٽوئيٽ کانپوءِ ماڻهو اهو ڄاڻڻ جي ڪوشش ڪندا رهيا ته ڊرائيور اداڪارا سان ڇا ڪيو پر اداڪارا ان جي وضاحت نه ڪئي.

 

منهنجي ڪاميابي جي پويان منهنجي مڙس جو وڏو هٿ آهي: حرا ماني

 

ڪراچي(شوبز نيوز) پاڪستاني اداڪاره حرا ماني پنهنجي مشهوري جو ڪريڊٽ پنهنجي مڙس سلمان شيخ عرف ماني جي مٿي تي سچائيندي چيو آهي ته اڄ مان جيڪا ڪجهه به آهيان جيئن به آهيان ۽ جيتري به مشهور آهيان اها پنهنجي مڙس جي ڪري آهيان.رپورٽ موجب حرا ماني جو شمار پاڪستان ڊرامه انڊسٽري جي موجوده دور جي مشهور ترين اداڪارائن ۾ ٿيندو آهي. ڪامياب ڊرامي(دو بول) کان پوءِ هاڻ حرا ماني هڪ ٻئي سپرهٽ ڊرامي(ميري پاس تم هو) ۾ هانيه نالي ٽيچر جو ڪردار ادا ڪري رهي آهي جنهن کي ماڻهن طرفان تمام گهڻو پسند ڪيو پيو وڃي.حرا ماني هڪ وڊيو پيغام جي ذريعي پنهنجي ڪاميابي جو سهرو ماني جي مٿي تي سجائيندي چيو آهي ته اڄ کان 11 سال اڳ جڏهن مان هڪ عام ڇوڪري هئس جنهن هڪ مشهور شخص سان شادي ڪئي هئي ۽ ماني جي زال جي نالي سان سڃاتي ويندي هئي. ان وقت مون کي هڪ شو ۾ آفر ٿي جنهن مون کي ڊپ ۾ وجهي ڇڏيو هو ته مان اهو ڪري به سگهندس يا نه پر ان وقت منهنجي مڙس ماني مون کي يقين ڏياريو ته حرا سڀ ڪجهه ٿي سگهي ٿو.ان ڪري مان اڄ جيڪا ڪجهه به آهيان پنهنجي مڙس جي ڪري آهيان. هن مون ۾ ڪاميابي جو اعتماد جاڳايو جنهن کان پوءِ مون ۾ مختلف ٽي وي ڊرامن ۽ شو ۾ ڪم ڪرڻ جو جذبو پيدا ٿيو.

 

شاگردن تي تشدد جمهوريت جو موت آهي: ڪبير خان

 

ڪراچي (شوبز نيوز) ڀارتي فلم ساز ڪبير خان ڀارت جي مشهور يونيورسٽي مليه اسلاميه جي شاگردن تي دهلي پوليس اهلڪارن جي تشدد تي تنقيد ڪندي چيو آهي ته جيڪڏهن حڪومت کي لڳي ٿو ته شاگرد غلط آهن ته انهن سان ڳالهيون ڪيون وڃن پر اهو غلط آهي ته پوليس انهن تي يونيورسٽي ۾ تشدد ڪري. ڪبير خان جو چوڻ آهي ته هن ٽي وي تي پوليس تشدد جي وڊيو ڏٺي جنهن تي هو پريشان ٿي ويو. هن وڌيڪ چيو ته شاگردن کي احتجاج جو حق آهي، اوهان انهن کي اختلاف ڪرڻ کان ڪيئن روڪي سگهو ٿا. ڀارتي فلم ساز ڪبير خان به ڀارت جي يونيورسٽي جامعه مليه اسلاميه مان ئي تعليم حاصل ڪئي آهي. هو ڪيتريون ئي بالي ووڊ جون سپر هٽ فلمون ٺاهي چڪو آهي.

 

منهنجو نئون ڊرامو(بندهي ايڪ ڊور سي) ڏسندڙن کي تمام گهڻو متاثر ڪندو: احسن خان

 

ڪراچي(شوبز نيوز) احسن خان جو ڳانڍاپو پاڪستان جي مشهور اداڪارن ۾ ڪيو ويندو آهي جن جي ڊرامن جو انتظار مداحن کي بي صبري سان هوندو آهي ۽ هاڻ ان جو نئون پروجيڪٽ(بندهي ايڪ ڊور سي) هلندڙ سال مارچ ۾ سامهون ايندو.صحافين سان ڳالهيون ڪندي احسن خان پنهنجي ان ڊرامي جا ڪجهه تفصيل به شيئر ڪيا. اداڪار جو چوڻ هو ته ان ڊرامي جي ڪهاڻي هڪ ئي خاندان جي 9 کان 10 ميمبرن تي ٻڌل آهي ۽ ان جي ئي زندگي جي چوڌاري گهمي ٿي. احسن خان موجب ڊرامي جو هڪ پهلو رومانوي به آهي پر پوري ڪهاڻي صرف رومانوي ڪردار تي ناهي.ڊرامي ۾ ثمينه احمد منهنجي ڏاڏي جو ڪردار ادا ڪري رهي آهي. صبا حميد منهنجي ناني بڻجي آهي ۽ صبا فيصل منهنجي ماءُ جو ڪردار ادا ڪري رهي آهي. گذريل هفتي صبا فيصل پنهنجي انسٽا گرام تي ڪجهه تصويرون شيئر ڪيون هيون جنهن کي ڏسي ائين محسوس ٿي رهيو هو ته هڪ ڪنهن فيملي جي تقريب جي دوران هي تصوير ورتل آهي.احسن خان وڌيڪ چيو ته خاندان تي ٻڌل هي هڪ اهڙو ڊرامو آهي جيڪو يقينن ڏسندڙن کي متاثر ڪندو. منهنجي خيال ۾ هن جي ڪهاڻي تمام سادي آهي. مسئلن کان علاوه گڏيل خاندان جون ننڍيون نڍيون خوشيون ۽ سٺا لمحا سڀ هن ڊرامي ۾ پيش ڪيا ويندا.