تازيون خبرون

Category Archives: ايڊيٽوريل

سعودي شهزادي جي پاڪستان آمد…!

سعودي ولي عهد شهزادو سلمان بن عبدالعزيز پاڪستان پهچي ويو، اسلام آباد پهچڻ تي  سندس شاندار آجيان ڪئي وئي. وزير اعظم عمران خان، آرمي چيف قمر جاويد باجوه ۽ وفاقي ڪابينا سعودي مهمان جي نور خان ائير بيس تي آجيان ڪئي، سعودي شهزادي کي وزير اعظم هائوس تائين وزير اعظم عمران خان پاڻ گاڏي هلا                         ئي آندو جتي کيس هٿياربند فوج جي دستي گارڊ آف آنر ڏنو ۽ 21 توپن جي سلامي پڻ ڏني وئي،  وزيراعظم عمران خان ۽ سعودي ولي عهد شهزاده محمد بن سلمان جي موجودگي ۾ پاڪستان ۽  سعودي عرب جي وچ ۾ مختلف شعبن ۾ تعاون ۽ سيڙپڪاري جي 20 ارب ڊالر ماليت جي 7 معاهدن ۽ مفاهمت جي ياداشتن تي صحيحون ڪيون ويون،   وزيراعظم هائوس ۾  معزز مهمان ۽ سندس وفد جي مان ۾ پروقار آجياڻو پڻ ڏنو ويو. آجياڻي کي خطاب ڪندي وزيراعظم عمران خان سعودي ولي عهد، وزيرن ۽ وفد ۾ شامل ٻين مهمانن جا ٿورا مڃيندي انهن کي پاڪستان ۾ ڀليڪار چيو. 6 مهينا اڳ جڏهن آئون وزيراعظم جي حيثيت سان مڪي ۽ مديني آيس ته ان موقعي تي مون خانه ڪعبه ۽ روضه رسول صه جي اندر وڃي حاضري ڀري جيڪو منهنجي زندگي جو بهترين موقعو هو، ان تي آئون ذاتي طور تي ٿورا مڃان ٿو. سعودي عرب اسان جي خراب معاشي حالتن ۾ مدد ڪئي جيڪو تحسين جوڳو آهي. پاڪستان ۽ سعودي عرب جا گڏيل لاڳاپا ڪيترن ئي ڏهاڪن تي ٻڌل آهن پر اسان انهن لاڳاپن کي نئين بلندين تائين وٺي وڃڻ چاهيون ٿا. سعودي عرب ۾ هن وقت 80 ملين سياح اچن ٿا جن جو انگ سعودي عرب 100 ملين تائين وڌائڻ چاهي ٿو. پاڪستان ۾ به سياحت جي شعبي ۾ تيزي سان ترقي  ڪري رهيو آهي ۽ اسان سعودي عرب کان سياحت جي هڪ شعبي ۾ اڳتي آهيون ڇو ته هتي جابلو سياحت جون وسيع جايون موجود آهن. پيٽرو ڪيميڪلز، معدنيات، زراعت ۽ خوراڪ جي پراسيسنگ جي شعبن ۾ گڏيل تعاون جي فروغ سان ٻنهي ملڪن جي لاڳاپن ۾ وڌيڪ سگهه ايندي. اسان سي پيڪ تحت دنيا جي وڏي مارڪيٽ چين سان ڳنڍي رهيا آهيون ۽ آئون سعودي عرب کي ان ۾ حصيداري جي دعوت ڏيان ٿو.سعودي عرب جي ولي عهد شهزاده محمد بن سلمان چيو آهي ته پهرين مرحلي ۾ پاڪستان ۾ 20 ارب ڊالر جي سيڙپڪاري جي معاهدن تي صحيحون ڪيون آهن، اسان گڏيل ترقي ۽ استحڪام جي لاءِ ڪم ڪنداسين، پاڪستان ۽ سعودي عرب گڏجي علائقائي ۽ خطي جي ترقي ۾ اهم ڪردار ادا ڪري سگهن ٿا، ولي عهد بڻجڻ کانپوءِ سڀ کان پهريون دورو مون پاڪستان جو ڪيو آهي، يقين آهي ته مستقبل ۾ پاڪستان اهم ملڪ بڻجي اڀرندو ۽ اسان کي گڏجي گهڻو ڪجهه ڪرڻو آهي.  سعودي عرب ۽ پاڪستان ڀائر ۽ دوست ملڪ آهن جيڪي مشڪل حالتن ۾ سدائين گڏ رهيا آهن. هن پاڪستان ۽ ان جي قيادت کي عظيم قرار ڏنو ۽ چيو ته اسان يقين رکون ٿا ته مستقبل ۾ پاڪستان هڪ اهم ملڪ بڻجي اڀرندو.

 

اجتماعي مذاحمت ۾ روح ڦوڪيندڙ ارشاد رانجهاڻي جو رت

سنڌ جي راڄڌاني ۾ قتل بيدردي سان ماريل قوم پرست اڳواڻ ارشاد رانجهاڻي جي رت سنڌ قوم ۾ اجتماعي مذاحمت جو روح ڦوڪي ڇڏيو آهي، سنڌ جو اهو ڪو به شهر ناهي جنهن ۾ قتل خلاف سنڌي سراپا احتجاج نه ٿيا هجن، هر ننڍي توڙي وڏي، مرد توڙي عورت کي ارشاد جي قتل جهوري ڇڏيو آهي، پر سنڌ سرڪار جي بيحثي پنهنجي جڳهه تي برقرار آهي جنهن جو چٽو ثبوت قاتل دهشتگرد رحيم شاهه جي عدم گرفتاري آهي. رحيم شاهه جيڪو نامي گرامي ڏوهاري رڪارڊ رکندڙ ۽ وقت جي حڪمرانن جو ائين ئي لاڏو بڻيل آهي  جئين اڳ انڪائونٽر اسپيشلسٽ رائو انوار بڻيل هو، پر الله وٽ دير آهي انڍير ناهي جئين رائو انوار کي هڪ قبائلي جي قتل نيسط و نابوت ڪري ڇڏيو ائين ئي ڀينس ڪالوني جي گنڊي رحيم شاهه کي ارشاد رانجهاڻي جوقتل سفائي هستي سان مٽائي رکندو. هن وقت پوري سنڌ توڙي وفاقي راڄڌاني ۾ ارشاد رانجهاڻي جي قتل سنڌي قوم جي رت کي گرمائي ڇڏيو آهي، هن وقت سنڌ ۾  مختلف قومپرست پارٽيون جن ۾ سنڌ نيشنل پارٽي، ايس ٽي پي، جسقم آريسر، رانجهاڻي برادري، قومي عوامي تحريڪ، جسقم، جي ڊي اي توڙي حڪمران پارٽي پاڪستان تحريڪ انصاف ۾ شامل سنڌي ماڻهو به روڊن تي آهن، جن جو صرف هڪڙو مطالبو آهي ته ارشاد رانجهاڻي جي قتل واقعي جي شفاف جاچ ڪرائي قاتل يوسي چيئرمين رحيم شاهه کي ڪيفرِ ڪردار تائين پهچايو وڃي. مقتول جي اباڻي شهر  دادو ۾ جي ڊي اي اڳواڻ نصرت سحر عباسي ۽ پي ٽي آءِ ايم پي اي حليم عادل شيخ جي اڳواڻيءَ ۾ وڏي انگ ۾ ماڻهو رستن تي نڪري آيا، مظاهري دوران ارشاد رانجهاڻي جي قاتل جي گرفتاري لاءِ نعرا هنيا ويا. سڄي سنڌ ۾ ٿيل مظاهرن دوران ڪراچي ۾ بيدرديءَ سان قتل ٿيل ارشاد رانجهاڻي جي جوابدارن کي ڪيفرِ ڪردار تائين پهچائڻ جو مطالبو ڪيو ويو آهي. وقت جي حۡڪمرانن کي خاص طور تي سنڌ سرڪار جنهن ۾ سنڌي وزير شامل آهن تن کي ٿورو غور ڪرڻ جي ضرورت آهي ته ڪراچي ۾ هڪ قبائلي جي قتل خلاف جئين پختون نڪري پيا هئا هتي به پنهنجي ڌرتي جي حفاظت خاطر اهي به ميدان تي لهي انصاف جي اوسيئيڙي ۾ ويٺل سنڌي قوم جي داد رسي ڪندي پنهنجي سنڌي جي قاتل غير سنڌي خلاف ڌرتي تپائي ڇڏين، جوابدارن کي گرفتار ڪري شهيد ارشاد رانجهاڻي جي خون سان انصاف ڪيو وڃي…..

 

هل ڙي هل پڇ ڪاري….!

 

سياست به عجيب راند آهي، ڪنهن وقت ڪنهن جو پلڙو ڀاري ٿي وڃي ڪا به خبر ناهي پوندي، ۽ نه وري سياستدان پنهنجي ڪيل ڳالهه تي ڪو قائم رهندو آهي، اسان وٽ وري سياست جو روپ به نرالا آهن، هت “هل ڙي هل پڇ ڪاري” وارو قانون بڻيل آهي، هر ڪو ٻئي تي ٺٺول جلد ڪري ٿو پر ڪڏنهن پنهنجي عملن کي ياد ناهي ڪيو ويندو، ڪالهوڪو ڏينهن آهي ته ن ليگ جي حڪومتي دور ۾ ماڊل ٽائون واقعو ٿيو جنهن ۾ بيگناهه ماڻهو ماريا ويا ۽ زخمي ڪيا ويا ان وقت موجوده سرڪار جيڪا اقتدار کان ٻاهر هئي بار بار پنجاب سرڪار کان حڪومت ڇڏڻ جا مطالبا ڪندي رهي پر وفاق خلاف به رڻ ٻريل رهيو، ڪنٽينر لڳي ويا مهيني ماڻهو ڌرڻو هڻي سخت سردي ۾ به اسلام آباد کي جام ڪري ويٺل رهيا ۽ وري هاڻي تاريخ پاڻ کي ڪئين وجائي هي ته اڳ اقتدار ۾ رهندڙ سرڪار مخالف ڌر ۾ اچي وئي ۽ سندس خلاف احتجاج ڪندڙ صاحبِِ اقتدار آهن، خبرن موجب ته ن ليگ ساهيوال سانحي تي جي آڙ ۾  پنجاب جي وڏي وزير عثمان بوزدار کان ته استعفيٰ جو مطالبو ڪري رهي آهي پر وزير اعظم عمران خان کان به ساڳي ئي گهر ڪئي پئي وڃي، ڪالهه قومي اسمبلي ٻاهران صحافين سان ڳالهائيندي ن ليگ اڳواڻ راڻا ثناءَ الله  جو چوڻ هو ته وزيراعظم ۽ وڏو وزير استعفيٰ ڏين، غيرجانبدار جي آءِ ٽي اڳيان پيش ٿين ۽ جيڪڏهن بي ڏوهه ثابت ٿي وڃن ته پنهنجي عهدن تي واپس اچي ڪم ڪن. ساهيوال سانحي تي جي آءِ ٽي رپورٽ اکين ۾ ڌوڙ وجهڻ برابر آهي، ڪو به شخص حڪومت جي بيوقوفاڻي ۽ جاهلاڻي موقف کي نٿو مڃي سگهي.  اسان ان ڊرامي کي رد ڪريون ٿا. ڪٺ پتلي حڪومت ڊرامو ڪري ذميوارن کي فائدو ڏيڻ جي ڪوشش ڪئي جڏهن ته وزيرن مارجي ويل چئني ڄڻن کي دهشتگرد چيو، چيو ويو ته چئني جا نالا ريڊ بڪ ۾ داخل هئا. مزاحمت ۽ 2 دهشتگردن جي فرار ٿي وڃڻ جو چيوويو  ۽ آپگهاتي جيڪٽ ۽ هٿيارهٿ اچڻ جو به چيوويو، هاڻي جواب ڏيو ته وزيرن جو اهو موقف جوابدارن کي بچائڻ جي ڪوشش هئي، هاڻي هو قوم کان معافي گهرن. ذيشان پهريون دهشتگرد هو جنهن جو واسطو دهشتگردن سان ٽن ڏينهن کان ڳنڍڻ جي ڪوشش ڪئي پئي وڃي، اڃا تائين هي ذيشان جو تعلق دهشتگردن جوڙڻ ۾ ڪامياب ناهن ٿي سگهيا. ساهيوال سانحي سان پوري قوم ۾ بي چيني ۽ خوف آهي، ڪجهه آفيسرن جي قرباني جو ٻڪرو بڻايو ويو، ڪيترائي سوال اڃا تائين حل طلب آهن.وزيراعظم جو ٽوئيٽ ڪجهه ٻيو ۽ وزيرن جو موقف ڪجهه ٻيو هو.  هڪ پاسي دهشتگرد چون ٿا ٻئي پاسي وري ٻه ڪروڙ امدا ڏين ٿا. پر ن ليگ اڳواڻ اهو وساري ويٺا آهن ته سندس جي سرڪار ۾ ڊان ليڪس به ٿي هئي جنهن ۾ هنن پاڻ آفيسرن کي قرباني جو ٻڪرو بڻايو هو…..

 

 

سيد جي سالگرهه ۽ بغاوت جو ڪيس…!

سن ۾سائين جي ايم سيد جي 115 هين سالگرھه تقريب ۾شرڪت ڪندڙن مختلف قومپرست پارٽين جي 52 اڳواڻن ۽ ڪارڪنن تي ڪيس داخل ڪيو ويو آهي، ڇڇر ايٽ سن ٿاڻي تي ايڊيشنل ايس ايڇ او خادم حسين راڌڻ جي فرياد تي داخل ڪيل ڪيس ۾جسقم چيئرمين صنعان قريشي، گلڻ عرف ايڊووڪيٽ ڪيهر انصاري، جسقم چيئرمين اسلم خير پوري، جسقم سينيئر وائيس چيئرمين امير آزاد پنهور، جيئي لبرل فرنٽ چيئرمين نواز خان زئنور، حسين زئنور جسقپ آرگنائزنگ ڪميٽي جي چيئرمين سوڀ قمر ڀٽي، جيئي سنڌ تحريڪ ڪرناڻي گروپ جو مرڪزي اڳواڻ محمد قاسم عرف سورهيه سنڌي، انور علي ڪرناڻي، جيئي سنڌ تحريڪ جو اڳوڻو مرڪزي اڳواڻ  ظفر ڪوريجو، جسمم جو شهزاد منگلو، آصف جوڻو، جمي تنيو، وقار عرف وڪي چانڊيو، حبيب ولد سونو لغاري، نثار اوٺو، صدام نوحاڻي، بلاول پنهور، امام دين عرف طوطو چانڊيو، عمران لغاري، ڪامران لغاري، ابو نوحاڻي ۽ ٻين خلاف ڪيس داخل ڪيو ويو آهي،  قومپرستن تي داخل ڪيس ۾  01/2019 قلم A / 123 ملڪ جي خلاف ڳالهائڻ A/124 ملڪ سان بغاوت ڪرڻ ، 153 ملڪ خلاف عوام کي ڀڙڪائڻ 149 هٿيارين جي نمائش ڪرڻ سميت مختلف قلم لڳايا ويا آهن، بغاوت جي ڪيس داخل ٿيڻ بعد قومپرستن جو موقف آهي ته بغاوت جو ڪيس داخل ڪرڻ وارو  عمل سيد جي فڪر اڳيان حڪمرانن جي شڪست جو ثبوت آهي، سيد جو فڪر پيار، امن، رواداري ۽ آزادي جو فڪر آهي جنهن جي سالگرھه ملهائڻ تي سن ٿاڻي تي بغاوت جو ڪيس داخل ڪيو ويو آهي، اسين سمجهون ٿا اهو اظهار جي آزادي تي وار آهي، سن ۾ سائين جي ايم سيد جي فڪر جي ڳالهه ڪرڻ کي اسين قومي فرض سمجھو ٿا، ڪيس داخل ڪري اسان کي سائين جي ايم سيد جي فڪر تان هٽائي نٿو سگھجي. سنڌي ھڪ قوم آھي. اسان پنھنجي جداگانا قومي تشخص تان ھٿ نٿا کڻي سگھون.

 

 

ڪراچي ۾ هلڪي برسات ۽ نااهلي انتطاميه..!

 

سومر تي شام کان شروع ٿيل هلڪي برسات ڪراچي جي انتظاميه کي بي وس ڪري ڇڏيو،  وقفي وقفي سان ڪراچي جي مختلف علائقن ۾ پيل هلڪي برسات شهر جو نقشو تبديل ڪري ڇڏيو، جڳهه جڳهه تي پاڻي جمع ٿي ويو،  ڪرنٽ لڳڻ سبب 2 شهري حياتيون وڃائي ويٺا، روڊ پسيل هئڻ ڪري موٽر سائيڪلون سلپ ٿيڻ سبب ڪيترائي ماڻهو زخمي پڻ ٿيا،  جتي هلڪي برسات جتي بلدياتي انتظامن جا پول پڌرا ڪيا اتي ڪي اليڪٽرڪ جي پت به وائکي ڪري ڇڏي، ڪي اليڪٽرڪ انتظاميه جي نااهلي اڌ شهر اونداهي ۾ ٻوڙي ڇڏيو،  ڪيترن ئي هنڌن تي 18 ڪلاڪ گذرڻ باوجود بجلي بحال نه ٿي سگهي،  موسميات کاتي ڪراچي سميت سنڌ جي ٻين شهرن جو منهن رڪارڊ ڪيو جنهن موجب سڀ کان وڌيڪ مينهن لانڍي ۾ 31 ملي ميٽر ريڪارڊ  ڪيو ويو. گلستان جوهر ۾ 29، نارٿ ڪراچي 6، ناظم آباد ۾ 10، پي ايف بيس، فيصل ۽ مسرور بيس جي ڀرپاسي وارن علائقن ۾ 12 ملي ميٽر برسات ريڪارڊ ڪيو ويو. حيدرآباد ، ميرپورخاص ۽ ٽنڊو الهيار ۾ برسات کان بعد مرڪزي شاهراهون شاهراهون ندين نالن جو منظر پيش ڪرڻ لڳيون. کااتي اها به اڳڪٿي ڪئي اهي  ملڪ جي ٻين شهرن سميت سنڌ جي  ميرپرخاص ۽ ٺٽي ڊويزن ۾ ڪجهه هنڌن تي برسات جو امڪان آهي.سنڌ جي  بلديات جي صوبائي وزير لاڳاپيل ادارن کي 2 ڪلاڪن اندر روڊن ۽ گھٽين پاڻي ڪڍڻ جي هدايت ڪري ڇڏي آهي گڏگڏ چتاءُ به ڏنو ته ڪوتاهي ڪرڻ تي آفيسرن ۽ ملازمن کي شوڪاز نوٽيس جاري ڪيا ويندا، شوڪاز جڏهن جار ي ٿين في الحال ته عوام سخت پريشاني جو شڪار آهي، روڊ رستا پاڻي سان ڀريل آهي، ماڻهن کي اچ وڃ ۾ تمام گهڻي ڏکيائي پيش اچي رهي آهي، مسلسل هلندڙ هلڪي هلڪي ڦڙ ڦڙ ٿڌ ۾ به اضافو ڪري ڇڏيو آهي،

 

ڪُنَ ۾ ڦاتل ڪپتان سرڪار ..!

ڪجهه مهينا ٿئي آيل پاڪستان تحريڪ انصاف جي سرڪار مختلف وقتن تي پريشاني جو شڪار رهندي پئي اچي، ڪجهه وقت اڄ سنڌ سرڪار خلاف سندرا ٻڌي پي ٽي آءِ جا وزير عمران خان سميت ميدان تي لٿل هئا، الله الله ڪري سائين سرڪار تان اها تلوار سپريم ڪورٽ وقتي طور هٽائي ڇڏي ته وري فواد چوڌري جي بيان ق ليگ کي ڪاوڙائي ڇڏيو، ان بعد صوبائي وزير عمار ياسر جي استعيفيٰ بعد پي ٽي آءِ ق ليگ ۾ ويڇا وڌي ويا آهن جنهن کي ختم ڪرڻ لاءِ پنجاب جو وڏو وزير متحرڪ رهيو سندس ناڪامي بي وزير اعظم پاڻ ميدان تي لهي ق ليگ قيادت سان رابطو ڪيو پر في الحال ڪو خاص رستو ناهي نڪتو جنهن سان ظاهر ٿئي ته سياسي ماحول ۾ برف ڳرڻ شروع ٿي وئي آهي.

سياسي ماحول پنهنجي جڳهه تي هر وقت ڳرم رهي ٿو پر ساهيوال ۾ سي ٽي ڊي اي جي ڪارروائي ويتر تبديلي سرڪار جا دونها ڪڍي ڇڏيا آهن، واقعي بابت شروعاتي رپورٽ موجب ته قادر آباد ۾ سي ٽي ڊي ڪارروائي ڪري عورت کي ڌيءُ  مڙس ۽ پاڙيسري سميت دهشتگرد ڄاڻائي ماري ڇڏيو آهي، ٽول پلازه  وٽ سي ٽي ڊي پوليس ڪارروائي  ڪري ڪار ۾ سوارن تي هٿيارن جا منهن کولي ڇڏيا، مارجي ويلن ۾ عورت نبيلان سندس مڙس محمد خليل، 13 ورهين جي نياڻي اريبا ۽ هڪ پاڙيسري شامل، زخمين ۾ هڪ ڌيءُ  ۽ 2 نياڻيون شامل آهن سڄو خاندان لاهور کان شادي تقريب ۾ شرڪت لاءِ بوري والا وڃي رهيو هيو ته کائن حياتيون کسيون ويون، واقعي بعد سي ٽي ڊي مارجي ويلن جو تعلق دهشتگرد تنظيم داعش سان قرار ڏئي ڇڏيو ۽ ان بعد مختلف موقف ميڊيا تي شيئر ٿيندار رهيا ته وري واقعي واري هنڌ تي موجود ماڻهن جا بيان توڙي رڪارڊ ڪيل وڊيو به وائر ٿيون آهن جن سي ٽي ڊي اي جي ڪارروائي جا پول کولي ڇڏيا آهن، وڊيو رڪارڊنگ توڙي موقعي تي موجود ماڻهن سچ سامهون آڻيندي چيو ته ڪار مان ڪا به مذاحمت ناهي ٿي نه ئي وري ڪار مان ڪي هٿيار يا ڪو بارودي مواد مليو، جعلي ڪارروائي بعد سي ٽي ڊي اي ٻارڙن کي ڪار مان ڪڍي بعد ۾ گولين جو مينهن وسايو ۽ گاڏي جي نمبر پليٽ لاهي فرار ٿي ويا.هوڏانهن علائقي واسين پڻ شهيد خاندان کي نهايت ئي شريف ۽ نيڪ نمازي سڏيندي واقعي جي مذمت ۽ سڏک جو اظهار ڪندي ڪارروائي کي مڪمل طور تي ڪوڙ قرار ڏنو آهي،  مارجي ويلن جي ٻارن  به سي ٽي ڊي اي جي منهن تي ڪارنهن ملي ڇڏي آهي، ٻارڙن موجب ته هنن وٽ ڪوبه هٿيار نه هو پر پوليس گوليون هلايون،واقعي  بعد وزيراعظم نوٽيس ورتو ۽ پنجاب  جي وڏي وزير سان رابطو ڪيو جنهن بعد وڏي وزير جي  حڪم تي اهلڪارن کي حراست ۾ ورتو ويو.

 

سياست جا اهم کلاڙي عدالتي گرفت ۾ …

 

اسلام آباد جي احتساب عدالت طرفان اڳوڻي وزيراعظم نواز شريف خلاف العزيزيه اسٽيل ملز ۽ فليگ شپ ريفرنس جو محفوظ ڪيل فيصلو ٻڌايو ويو.  احتساب عدالت فيصلو ٻڌائيندي نواز شريف کي العزيزيه ريفرنس ۾ 7 سال قيد جي سزا ۽ ڏيڍ ارب رپيه ڏنڊ جي سزا ٻڌائي وئي. عدالت طرفان نواز شريف کي فليگ شپ ريفرنس ۾ بري ڪيو ويو. عدالت نواز شريف جي درخواست منظور ڪندي کيس اڊيالا جيل بدران لاهور جي ڪوٽ لکپت جيل منتقل ڪرڻ جو حڪم ڏئي ڇڏيو آهي. نواز شريف خلاف فيصلي جي موقعي تي  مسلم ليگ ن جي سينئر اڳواڻن ۽ ڪارڪنن جو وڏو انگ به احتساب عدالت ٻاهران موجود هو .  مسلم ليگ ن قائد تي پرڏيهه ۾ ملڪيتن جي حقيقي مالڪ هئڻ جو الزام آهي. نيب موجب نواز شريف بي نامي ملڪيتون ٺاهيون ۽ سندس اثاثا ظاهر ڪيل آمدني جي ذريعن سان هڪ جهڙائي نه ٿا رکن مٿس سيڪشن 9 اي 5 تحت فرد جرم لاڳو ڪيو ويو.

ٻئي پاسي وري سپريم ڪورٽ ميگا مني لانڊرنگ ڪيس ۾ جي آءِ ٽي جي رپورٽ کي نظر ۾ رکندي اڳوڻي صدر آصف علي زرداري ۽ اومني گروپ کي ذميوار قرار ڏئي ڇڏيو، جڏهن ته اومني گروپ جون ملڪيتون منجمد ڪرڻ جو حڪم  ڏنو ويو آهي،  چيف جسٽس ثاقب نثار جي سربراهيءَ ۾ بئنچ جعلي بئنڪ اڪائونٽس بابت پاڻمرادو نوٽيس ڪيس جي ٻڌڻي ڪئي.  اومني گروپ ۽ آصف زرداري جا وڪيل عدالت ۾ پيش ٿيا. جي آءِ ٽي پنهنجي رپورٽ سپريم ڪورٽ ۾ جمع ڪرائي ڇڏي آهي. عدالتي حڪم تي جي آءِ ٽي رپورٽ جي سمري پروجيڪٽر تي هلائي وئي. چيف جسٽس ريمارڪس ڏنا ته لڳي ٿو ته اومني گروپ جي مالڪن جو غرور ختم نه ٿيو آهي، قوم جا اربين رپيه کائي ويا پوءِ به بدمعاشي ڪري رهيا آهن. لڳي ٿو ته کين اڊيالا جيل مان ڪٿي ٻي هنڌ منتقل ڪرڻو پوندو، انور مجيد سان هاڻي ڪو به رحم ناهي، بلاول فيملي جو هڪ ڪروڙ 20 لک کان وڌيڪ مهيني جو خرچ ڪمپنين ادا ڪيو، ڪراچي، لاهور جي بلاول هائوسز جي اڏاوت لاءِ جعلي اڪائونٽس مان به رقم منتقل ڪئي وئي.  جي آءِ ٽي سربراهه چيو ته  زرداري گروپ 53 ڏهائي 4 ملين جا قرض حاصل ڪيا، بلاول هائوس جي ايراضي زرداري گروپ جي نالي تي آهي، اومني گروپ مان زرداري گروپ جا ذاتي خرچ به ادا ڪيا ويا.چيف جسٽس رمارڪس ڏيندي چيو ته اهو اهو پاڪستان ناهي جو پهريون هو، جتي سرڪاري زمين جي ونڊ ورڇ ڪئي وئي، زرداري ۽ بلاول جي جي گهر جا خرچ به انهن ڪمپنين هلايا، جيڪڏهن ايراضي گفٽ ڪئي وئي ته پئسا ڇو ادا ڪيا ويا. سندن ڪتن جو کاڌو ۽ هيٽر جو بل به ڪو ٻيو ڏيندو هو.

 

موجوده حۡڪومت جي نه هلڻ جو اڳڪٿيون…

 

عمران خان جي حڪومت  پاليسي به  ناهي ٺاهي سگهي. جيڪو ماڻهو چوي ٿو گورنر هائوس جي ديوار ڊهرائينداسين اهو ملڪ ڇا هلائيندو . غير سنجيده وزيراعظم ملڪ نه سنڀالي سگهندو، حڪومت کي خطرو هوندو ته اهي سپورٽ ڪندا جن کيس آندو آهي. عمران خان ته چئي انتقامي ڪارروائي ڪري رهيو آهي،  وزيراعظم مخالف ڌر کي جيلن ۾ وجهڻ جي ڳالهه ڪئي، اسان ۾ جيل وڃڻ جو صبر به آهي ۽ حوصلو به آهي، ڇا عمران خان جيل جون سختيون برداشت ڪري سگهي ٿو. جيستائين جان ۾ جان آهي، اهي جنگيون هلنديون رهنديون، پهريون به بي بي کي تنگ ڪرڻ لاءِ مون کي قيدي بڻايو ويو، اسان جي همت آزمايو، اسان سندن ظلم آزمائينداسين. ميان صاحب احتساب جو قانون منهنجي لاءِ ٺاهيو ۽ کيس ڳچيءَ ۾ پئجي ويو. بلاول ڀٽو کي نه پر جي آءِ ٽي مون کي ۽ منهنجي ڀيڻ کي طلب ڪيو.  ملڪي حالتون ڳنڀير آهن، پ پ آئين کي اصلي حالت ۾ بحال ڪيو، هو چون ٿا ته ارڙهين ترميم ۾ ڪجهه شقون ڪمزور آهن، هو ڪمزور شقن جو بهانو ڪري 18 هين ترميم کي ختم ڪرڻ چاهين ٿا.  ڪراچيءَ ۾ هزارين دڪان ڪيرائي ماڻهن کي بيروزگار ڪيو ويو، مان نه ٿو سمجهان ته حڪومت معاملا سنڀالي سگهندي. حڪومت غير سنجيده آهي، سياسي اپروچ ناهي، 100 سال پراڻي گورنر هائوس جي ڀت  ٽوڙڻ جي پاليسي سندن پاليسي آهي. عمران خان مون کي جيل ۾ موڪليو ته کيس ايندڙ وزيراعظم جيل حوالي ڪندو.

 

چونڊن جا اڻپورا سرڪاري نتيجا..!

اليڪشن ڪميشن طرفان قومي ۽ صوبائي اسيمبليءَ جي ڪامياب اميدوارن جو نوٽيفڪيشن جاري ڪيو ويو. قومي اسيمبليءَ جي تڪ اين اي 53 اسلام آباد، اين اي 35 بنون، اين اي 95 ميانوالي، اين اي 243 ڪراچيءَ تان تحريڪ انصاف جي سربراهه عمران خان جي ڪاميابيءَ جو نوٽيفڪيشن جاري ڪندي ان کي ضابطه اخلاق جي ڀڃڪڙيءَ جي ڪيس جي حتمي فيصلي سان مشروط ڪيو آهي. اين اي 129 لاهور تان قومي اسيمبليءَ جي اسپيڪر اياز صادق جي ڪاميابيءَ جو نوٽيفڪيشن به جاري ڪندي ان کي ضابطه اخلاق جي ڀڃڪڙي جي حتمي فيصلي سان مشروط ڪيو ويو آهي. اين اي 25 نوشهره تان ڪامياب اميدوار پرويز خٽڪ جي نوٽيفڪيشن کي اليڪشن ڪميشن طرفان ضابطه اخلاق جي ڀڃڪڙيءَ جي ڪيس جو حتمي فيصلو اچڻ سان مشروط ڪيو ويو آهي. اين اي 131 لاهور تان ڪاميابيءَ جو نوٽيفڪيشن لاهور هاءِ ڪورٽ جي فيصلي جي روشني ۾ روڪيو ويو آهي. قومي ۽ صوبائي اسيمبلين جي 34 تڪن جو نوٽيفيڪيشن  ڪيس عدالتن ۾ ٻڌڻي هيٺ هئڻ يا چونڊ ملتوي ٿيڻ سبب جاري نه ٿي سگهيو.   اين اي 60 راولپنڊي ۽ 103 فيصل آباد ۾ چونڊ ملتوي ٿيڻ سبب  نوٽيفيڪيشن جاري نه ٿي سگهيو، ٽوبه ٽيڪ سنگهه، اين اي 140 قصور جو نوٽيفيڪيشن لاهور هاءِ ڪورٽ جي فيصلي جي روشني ۾ روڪيو ويو آهي. اين اي 215 سانگهڙ جو نتيجو سنڌ هاءِ ڪورٽ جڏهن ته اين اي 271 ڪيچ جو نتيجو ڪامياب اميدوار زبيده جلال طرفان  چونڊن جي خرچن جو تفصيل جمع نه ڪرائڻ سبب جاري ناهي ڪيو ويو، اهڙي طرح پنجاب اسيمبلي جي تڪ پي پي 76 سرگوڌا، پي پي 118 ٽوبه ٽيڪ سنگهه، پي پي 123 ٽوبه ٽيڪ سنگهه، پي پي 77 قصور تان ڪامياب اميدوارن جو نتيجو لاهور هاءِ ڪورٽ جي فيصلي جي روشني ۾ روڪيو ويو آهي جڏهن ته  پي پي 103 فيصل آباد ۽ پي پي 87 ميانوالي ۾ اميدوارن جي وفات سبب چونڊ ملتوي ڪئي وئي هئي. پي پي 296 راجن پور تان ڪامياب اميدوار جي وفات سبب نوٽيفڪيشن روڪيو ويو. سنڌ اسيمبليءَ جي تڪ پي ايس 29 خيرپور، پي ايس 36 نوشهروفيروز، پي ايس 48 ميرپورخاص، پي ايس 54 ٿرپارڪر، پي ايس 82 ڄامشورو جو نتيجو سنڌ هاءِ ڪورٽ جي فيصلن جي روشنيءَ تحت جاري ناهي ڪيو ويو،

 

ڪالا باغ ڊيم بابت سنڌي خدشن جي تصديق….!

واٽر اينڊ پاور ڊويلپمينٽ اٿارٽي (واپڊا) جي چيئرمين ڪالا باغ ڊيم تي سنڌ جي خدشن کي بالڪل درست قرار ڏئي ڇڏيو  آهي. سينيٽر شميم آفريدي جي صدارت هيٺ سينيٽ جي اسٽيڊنگ ڪميٽي  جو اسلام آباد ۾ اجلاس ٿيو. چيئرمين واپڊا مزمل حسين شرڪت ڪندڙن کي بريفنگ ڏيندي ٻڌايو ته جيستائين اتفاق راءِ نه ٿيندي ڪالا باغ ڊيم تي ڪم شروع نه ڪنداسين، جيڪڏهن ڪالا باغ ڊيم تعمير ٿيو ته ان جو آپريشن سنڌ جي حوالي ڪئي وڃي، سنڌ جا خدشا درست آهن، سنڌ کي خدشو آهي ته ڪالا باغ ڊيم مان پنجاب کي پاڻي ڏنو ويندو. . واپڊا چيئرمين پاڻي کوٽ جو حل  ملڪ ۾ ڪمند جو فصل پوکڻ جي مخالفت ڪندي ڪڍيو آهي، سندس  چوڻ آهي  ته ڪمند ۽ ٻين وڌيڪ پاڻي استعمال ڪندڙ فصلن جي پوک گهٽ ڪرڻ گهرجي، پنجاب ۽ سنڌ ۾ آبپاشي جي لاءِ استعمال ٿيندڙ 50 سيڪڙو پاڻي ضايع ٿي ويندو آهي، پاڻي ماپڻ جي لاءِ لڳايل ٽيلي  ميٽري سسٽم به ٽوڙيو ويو آهي، پاڪستان وٽ 30 ڏينهن جو پاڻي جو ذخيرو ڪرڻ جي صلاحيت آهي، ڀارت 170 ڏينهن جي لاءِ پاڻي ذخيرو ڪرڻ جي صلاحيت رکي ٿو. ڀارت وٽ 943 ڊيم آهن، پاڪستان وٽ رڳو 155 ننڍا وڏا ڊيم آهن، پاڻي جي چوري سڀ کان وڏو مسئلو آهي، نو لک 60 هزار ٽيوب ويلز ملڪ ۾ هلي رهيون آهن جنهن جي ڪري زمين هيٺ پاڻي گهٽ ٿي ويو آهي، نيسپاڪ ۾ 192 سفارشي ڀرتي ڪيا ويا آهن، سياسي ڀرتين جي ڪري اِهو ادارو تباهه ٿي چڪو آهي.

جي يو آءِ ف جنرل سيڪريٽري علامه راشد محمود سومرو  به ڪالاباغ ڊيم جي مخالفت ڪندي چيو آهي ته ڪالاباغ ڊيم جو نالو تبديل ڪري مڪو مدينو رکيو تڏهن به قبول نه هوندو،  ڪالا باغ ڊيم ڪنهن به صورت ۾ قبول نه آهي، ڪالاباغ ڊيم کي سنڌ، ڪي پي ڪي ۽ بلوچستان اسيمبليون رد ڪري چڪيون آهن، قانون موجب عدليا ڪالاباغ ڊيم ٺاهڻ بابت فيصلو نٿي ڏئي سگهي، جي يو آءِ ڪنهن به صورت ۾ ڪالاباغ ڊيم ٺاهڻ نه ڏيندي، سنڌ ۾ لکين ايڪڙ بنجر بڻجي وئي آهي، عالم سڳورن گڏيل طور تي ڪالاباغ ڊيم خلاف فتويٰ ڏني آهي، سنڌو دريا جو پاڻي ڪوٽڙي بئراج تائين نه پيو پهچي، سمنڊ 26 لک ايڪڙ زمين ڳڙڪائي ويو آهي، شهيد خالد محمود سومرو ڪالاباغ ڊيم جي خلاف جدوجهد ڪري فتوا جاري ڪرائي،. جڏهن ته ان سان گڏ ڪالاباغ ڊيم خلاف احتجاجي مارچ ڪيا ويا هئا جيڪي تاريخ جو حصو آهي.