تازيون خبرون
اقتصادي رابطا ڪميٽي3 لک ميٽرڪ ٽن ڪڻڪ ٻاهران گهرائڻ جي منظوري ڏئي ڇڏي - سنڌ حڪومت جو پاسڪو کان اضافي ڪڻڪ خريدڻ ۽ ذخيره اندوزن خلاف آپريشن جو فيصلو - 4 ڏينهن جيل ۾ نه رهندڙن جو رڙيون ختم نه پيون ٿين: فردوس عاشق - سنڌ هاءِ ڪورٽ آءِ جي ڪليم امام جي بدلي روڪي ڇڏي، ڪم جاري رکڻ جي هدايت - صدر پاڪستان عارف علوي جو اين آئي سي وي ڊي جو دورو، معياري علاج جي تعريف، مريضن سان به ملاقات - مشهور رسالي ٽائم پاڪستاني وزيراعظم عمران خان کي ماحوليات جي ترجماني ڪندڙ دنيا جي 5 شخصيتن ۾ شامل ڪري ورتو - عارف علوي جو ڪم اسپتالن جا دورا ڪرڻ ناهي. سنڌ حڪومت تي الزام هڻي وفاقي وزيرن غير ذميواري جو مظاهرو ڪيو: سعيد غني - تحريڪ انصاف ۾ ڌڙابندي، 20 ميمبرن الڳ گروپ ٺاهي ڇڏيو - مولانا فضل الرحمان هيل پنهنجي ڏڍ تي اسلام آباد آيو هو، هن ڀيري ملا ملٽري الائنس اڳ جهڙو نه هو: شيخ رشيد - 16 مهينن ۾ عوام کي نواز شريف جي ترقي ڪندي پاڪستان ۽ عمران خان جي نئين پاڪستان ۾ فرق جي خبر پئجي وئي: ن ليگ

Daily Archives: January 14, 2020

ٻاهريان عنصر قبيلائي علائقن ۾ انتشار پکيڙڻ جي ڪوشش پيا ڪن، ناڪام ويندا: وزيراعظم

اسلام آباد (اين اين آءِ) وزيراعظم عمران خان چيو آهي ته ضم ٿيل علائقن جو عوام باشعور آهي، ضم ٿيل علائقن جي ترقي ۽ ان کي ملڪ جي ٻين حصن جي برابر آڻڻ حڪومت جي پهرين ترجيح آهي، حڪومت کي ان ڳالهه جو مڪمل احساس آهي ته ڪجهه ٻاهريان عنصر انهن علائقن۾ ڏڦيڙ ڪرائڻ جي ڪوشش ڪري رهيا آهن، عوام سان گڏجي اهڙن سازشن کي ناڪام بڻائينداسين، ان لاءِ ضروري آهي ته ترقياتي منصوبن ۽ مسئلن جي حل جي حوالي سان ٿيل ڪوششن جي حوالي سان ضم ٿيل عوام کي مڪمل طور تي باخبر رکيو وڃي ۽ ان کي هن سموري عمل ۾ هر حوالي سان شريڪ بڻايو وڃي، مالاڪنڊ، ٿري هائڊرو پاور پراجيڪٽ ۽ پهوڙ هائڊرو پاور پراجيڪٽ جي رهتن جون ادائگيون، مڇاني هائڊرو پاور پراجيڪٽ جا معاملا ۽ پيڊو منصوبن تي انڪم ٽيڪس جي رعايت ڏيڻ جي معاملي تي وزيراعظم توانائي واري وزارت کي هدايت ڪئي ته صوبائي حڪومت سان گڏجي اهي سمورا معاملا حل ڪيا وڃن، سومر تي وزيراعظم جي صدارت هيٺ ڪي پي ڪي ۾ توانائي، هائير ايجوڪيشن، صحت، ترقياتي منصوبن بابت معاملا، خاص ڪري ضم ٿيل علائقن۾ ترقيتي رٿائن جي رفتار جي جائزي وارو اجلاس ٿيو، اجلاس ۾ عمر ايوب، محمود خان، نديم بابر، تيمور سليم خان، وفاقي ناڻي سيڪريٽري، سيڪريٽري رٿابندي، ڪي پي ڪي جو چيف سيڪريٽري، چيئرمين هائير ايجوڪيشن ڪميشن طارق بنوري ۽ ٻين شرڪت ڪئي، اجلاس ۾ ضم ٿيل علائقن ۾ ترقياتي رٿائن تي عمل ۽ هن وقت تائين اڳڀرائي جو جائزو ورتو ويو، اجلاس ۾ ڪي پي ڪي ۾ مختلف شعبن بابت منصوبن تي ڳالهائيندي وزيراعظم ان ڳالهه تي زور ڀريو ته مختلف علائقن ۾ پيئڻ جو صاف پاڻي جي فراهمي وارن منصوبن کي ترجيحي بنيادن تي مڪمل ڪيو وڃي، ڪي پي ڪي جي شهرن ۾ سالڊ ويسٽ مئنجمينٽ جي حوالي سان ڳالهائيندي وزيراعظم چيو ته سڄي ملڪ ۾ سالڊ ويسٽ مئجمينٽ جي حوالي سان قومي پاليسي جوڙڻ جي ضرورت آهي، هن چيو ته ان ڏس ۾ سمورين صوبائي حڪومتن سان گڏجي قومي سطح تي سالڊ ويسٽ مئجمينٽ پاليسي جوڙڻ جو عمل شروع ڪيو وڃي ته جتي شهرن جي صفائي ٿي سگهي اتي سالڊ ويسٽ مئنجمينٽ جي حوالي سان منظم نظام جوڙيو وڃي ۽ سالڊ ويسٽ کي توانائي لاءِ ڪتب آڻي سگهجي.

 

 

حد دخلين هڪ ڏينهن اندر ختم نه ٿينديون، چاهيون ٿا ڪنهن جو گهر نه ڊهي: وڏو وزير

بدين/تلهار (نمائندن وٽان/اين اين آءِ) سنڌ جي وڏي وزير سيد مراد علي شاهه ڊي ايڇ ڪيو اسپتال بدين جي افتتاحي تقريب کي خطاب ڪندي چيو ته اڄ آئون گهڻو خوش آهيان ان ڪري ته جيڪو نيڪ ڪم اسان شروع ڪيو هو هاڻي هڪ بهترين ادارو بڻجي چڪو آهي. اسان پي پي پي ماڊل بڻايو ۽ انڊس نيٽورڪ بهترين ڪم ڪيو. آئون انڊس وارن کي سيوهڻ آڻڻ چاهيندو هوس پر ڊاڪٽر سڪندر مينڌرو انهن کي بدين وٺي آيو. جڏهن بدين ڊي ايڇ ڪيو تيار ٿيو ته ان وقت کيس نيڪالي وارو نظام تعمير ٿي نه سگهيو هو. اسان جلد نيڪالي وارو نظام جوڙي ڏنو. جسماني بحالي مرڪز  جتي هٿراڌو عضوا ٺاهيا ۽ لڳايا وڃن ٿا، پاڪستان جو چوٿون سينٽر ٿيندو. مون سينٽر ۾ هڪ ٻار جي بحالي ڏٺي. ٻار سجاول جو هو، هاڻي اهو گهمي ڦري سگهي ٿو، اهو ڏسندي مونکي خوشي ٿي. مون ڊاڪٽر باري کي چيو هو ته جڏهن هو چاهيندو اسان نرسنگ انسٽيٽيوٽ ٺاهي ڏينداسين. اوهان پلان ٺاهي ڏيو ته ايندڙ ڏهن سالن اندر ڊي ايڇ ڪيو کي ڪيئن ڏسو ٿا. وڏي وزير چيو ته اسان وسيلن جي کوٽ منهن ڏئي رهيا آهيون تنهن هوندي به اسان صحت جي شعبي ۾  ڪم ڪرڻ بند ڪنداسين. هن چيو ته اسان جي نون ڊاڪٽرن ۾ محنت جي جذبو گهٽ آهي. آئون جيڪڏهن ڪنهن به اجلاس ۾ پنهنجي ڪاوڙ تي ڪنٽرول نٿو ڪري سگهان ته اهو صحت بابت اجلاس هوندو آهي. آئون ڪنهن مريض کي تڪليف ۾ نٿو ڏسي سگهان. آئون چاهيان ٿو ته 6 هزار ڊاڪٽر مقرر ڪري ڇڏيان ڇوته اسان کي ڊاڪٽرن جي ضرورت هئي، جڏهن سڀ ڪليئر ٿي ويا ته ميل ۽ فيميل ڊاڪٽرن جو مسئلو ڪَرُکنيو. اهو فارمولو به مون ئي جوڙي ڏنو هو، مون ئي انهن ڊاڪٽرن کي مراعتون ڏنيون ڇوته اهي بهتر ڪم ڪري رهيا آهن. هن چيو ته ڪيترائي ڊاڪٽر سياست ۽ سول بيوروڪريسي ۾ اچي ويا پر اهي هينئر به پنهنجي نالي اڳيان ڊاڪٽر لکن ٿا. اسان ڪيترا به سٺا اسپتال ٺاهيون پر ڊاڪٽر نه هوندا ته عمارت بيڪار آهي. اسان کي نرسز، ٽيڪنيشن به گهرجن. اسان کي پنهنجو پلان بڻائڻو آهي ته ڪيترا ڊاڪٽرز ڪهڙي مهارت جا گهرجن. هن چيو ته آئون خانگي ڊونرز  جو ٿورائتو آهيان جنهن اسان جو هٿ ونڊايو. بدين جا ڪجهه ماڻهو آهن اهي پنهنجي ئي شهر جون برائيون ڪن ٿا. اهي ڪڏهن به نٿا چون ته بدين ۾ سٺا روڊ ۽ اسپتال هجن. اسان کي شهيد بينظير ڀٽو جي اصولن تي هلڻو آهي. بدين جي عوام اسان تي چونڊن ۾ اعتماد ڪري پنهنجي خدمت جو موقعو ڏنو. اسان بدين ۾ پيراميڊيڪل اسٽاف لاءِ انسٽيٽيوٽ ٺاهينداسين. تعليمي بورڊز ۾ هڪ مافيا هو جنهن کي اسان ختم ڪرڻ جي ڪوشش ڪري رهيا آهيون. هن چيو ته ايم ڪيو ايم جڏهن اسان سان گڏ آهي ته اها الڳ ٿيڻ جي ڳالهه نه ڪري. حددخليون کي هڪ ڏينهن اندر ختم ڪرڻ ڏکيو آهي، اسان فقط اهو چاهيون ٿا ته ڪنهن جو به گهر نه ٽوڙيو وڃي. سپريم ڪورٽ به گهر نه ٽوڙڻ جي هدايت ڪئي آهي. نوان قبضا ڪرڻ نه ڏينداسين. 23 ڊسمبر 2019 تي ٿيندڙ سي سي آئي جي اجلاس ۾ آرٽيڪل 158 تي عملدرآمد جي ڳالهه ڪئي هئي. سڀني آرٽيڪل 158 کي ڪليئر ڪرڻ جو چيو. سي سي آئي جا اڃان منٽس نه آيا آهن. آئون ته وزيراعظم کي خط لکيو هو پر هن اڃان منٽس جو انتظار ڪرڻ جي ڳالهه ڪئي آهي. سي سي آئي ۾ 8 ميمبر هوندا آهن، جنهن مان 5 ڄڻن پاران ڳالهه مڃڻ تي کين ٿورائتو آهيان. ويڪسينيٽرز جي معيار کي به بهتر بڻائينداسين ۽ کين تعينات ڪنداسين. 20 ارب رپيا پاڻي جي رٿائن لاءِ سڄي صوبي لاءِ رکيا آهن. سپريم ڪورٽ ۾ جيڪا ايراضي جي رقم ڏني وئي آهي اها سنڌ جي آهي. اهي فنڊز سنڌ جي عوام جي اسڪيمن لاءِ آهن. اسان سپريم ڪورٽ کي درخواست ڪريون ٿا ته جيڪي اوهان اسڪيمن تي عملدرآمد لاءِ بينچ جوڙيو ۽ ان کي مانيٽر ڪريو پر اهي ايراضي جا پيسا سنڌ کي ڏيو. ٽڊي دل جو مسئلو آهي، کيس روڪٿام جي ذميداري وفاقي پروٽيڪشن کاتي جو ڪم آهي. آئون انهن کي 10 ملين رپين جي گرانٽ ڏني ته جيئن ڪم ٿي سگهي. هاڻي اسين چين ۽ يو اي اي کان هيلي ڪاپٽر هائير ڪري ڦوهارو ڪرائينداسين. ان کان پهرين وڏو وزير مراد علي شاهه اڄ تلهار/بدين شرن جو دور ڪيو. ان موقعي تي کيس گڏ سينيٽر ڊاڪٽر سڪندر مينڌرو ۽ پيپلز پارٽي ايم پي اي الله بخش ٽالپر پڻ هئا. وڏو وزير  جيٽ/هوائي جهاز ذريعي پي اي ايف بيس تلهار تي لينڊ ڪيو. وڏي وزير سيد مراد علي شاهه جو تلهار ۾ پرتپاڪ استقبال ڪيو ويو. وڏي وزير تي گلن جي ورکا ڪئي وئي ۽ جئي ڀٽو جا نعرا لڳايا ويا. تلهار کان بدين ويندڙ روڊ تي وڏي وزير ۽ چيئرمين پيپلز پارٽي بلاول ڀٽو زرداري جون تصويرون لڳل هيون. وڏي وزير سيد مراد علي شاهه جو بدين پهچڻ تي شاندار استقبال ڪيو ويو. وڏي وزير سيد مراد علي شاهه روڊ تي لهي عوام کان مليو جتي ماڻهن وڏي وزير کي اجرڪون ۽ سنڌي ٽوپيون پيش ڪيون. وڏي وزير سيد مراد علي شاهه کي هڪ شخص بوسڪي پڳڙي پڻ پهرائي. وڏي وزير جي استقبال لاءِ روڊن جي ٻنهي پاسن کان عوام جو وڏو انگ موجود هو. وڏي وزير سيد مراد علي شاهه صوبائي ميمبر اسيمبلي تاج محمد ملاح جي گهر تي پارٽي ورڪرن سان ملاقات ڪئي. ماڻهن جو جوش ۽ جذبو ڏسي وڏي وزير چيو ته ايڏي وڏي انگ ۾ پارٽي جي ڪارڪنن ۽ عوام جي موجودگي پارٽي چيئرمين تي اعتماد جو ڏيک آهي. اسان عوام جا مسئلا حل ڪرڻ لاءِ سرگرم آهيون. وڏي وزير سيد مراد علي شاهه بدين جي مرڪزي بازار ۾ گاڏي کان لهي عوام کي مليو. وڏي وزير سيد مراد علي شاهه بدين ۾ ضلعي هيڊڪوارٽرز اسپتال جو افتتاح ڪيو. ان موقعي تي هن چيو ته ڪراچي کانپوءِ هي واحد اسپتال آهي جنهن ۾ حادثن، ڪينسر ۽ شگر جهڙن موذي مرضن ۾ ورتل مريضن لاءِ عضوا ٺاهيا ويندا آهن. بدين ڊي ايڇ ڪيو اسپتال ۾ سڀئي شعبا قائم ڪيا ويا آهن جنهن ۾ فقط ٻه ڊپارٽمنٽس نه آهن ۽ اهي ٻئي شعبا نفسيات ۽ برين سرجري جا آهن جنهن کي پوءِ قائم ڪيو ويندو. هن چيو ته بدين ڊي ايڇ ڪيو اسپتال ۾ روزاني 500 مريضن جي او پي ڊي ٿيندي آهي. بدين ڊي ايڇ ڪيو اسپتال انڊس اسپتال وارا هلائيندا آهن. بدين ڊي ايڇ ڪيو سنڌ حڪومت ۽ انڊس اسپتال جي ڪامياب پبلڪ پرائيويٽ پارٽنرشپ آهي ۽ اهو سنڌ جو واحد اسپتال آهي جيڪو پيپر فري آهي ۽ هتي سڀني مريضن جو ريڪارڊ ڪمپيوٽرائزڊ آهي. هن چيو ته بدين ڊي ايڇ ڪيو 5 هزار اسڪوائر فٽ تي تعمير ڪيو ويو آهي. اهو اسپتال سنڌ حڪومت 50 ملين رپين جي لاڳت سان تعمير ڪيو آهي جنهن ۾ ريڊ ڪراس ۽ آئي سي آر سي به 25 ملين رپين جا فنڊز ڏنا. وڏي وزير سيد مراد علي شاهه جسماني بحالي مرڪز جو افتتاح ڪيو جتي هن مختلف وارڊن جو دورو ڪيو ۽ هٿراڌو عضوا تيار ٿيندڙ يونٽ جو به معائنو ڪيو. هن چيو ته ڏکوئيندڙ انسانيت جي خدمت ئي اصل خدمت آهي. سنڌ حڪومت جي صحت جي شعبي ۾ خدمتون گهڻي قدر بهتر ٿي ويون آهن.

ان کان پهرين وڏو وزير مراد علي شاهه اڄ تلهار/بدين شرن جو دور ڪيو. ان موقعي تي کيس گڏ سينيٽر ڊاڪٽر سڪندر مينڌرو ۽ پيپلز پارٽي ايم پي اي الله بخش ٽالپر پڻ هئا. وڏو وزير  جيٽ/هوائي جهاز ذريعي پي اي ايف بيس تلهار تي لينڊ ڪيو. وڏي وزير سيد مراد علي شاهه جو تلهار ۾ پرتپاڪ استقبال ڪيو ويو. وڏي وزير تي گلن جي ورکا ڪئي وئي ۽ جئي ڀٽو جا نعرا لڳايا ويا. تلهار کان بدين ويندڙ روڊ تي وڏي وزير ۽ چيئرمين پيپلز پارٽي بلاول ڀٽو زرداري جون تصويرون لڳل هيون. وڏي وزير سيد مراد علي شاهه جو بدين پهچڻ تي شاندار استقبال ڪيو ويو. وڏي وزير سيد مراد علي شاهه روڊ تي لهي عوام کان مليو جتي ماڻهن وڏي وزير کي اجرڪون ۽ سنڌي ٽوپيون پيش ڪيون. وڏي وزير سيد مراد علي شاهه کي هڪ شخص بوسڪي پڳڙي پڻ پهرائي. وڏي وزير جي استقبال لاءِ روڊن جي ٻنهي پاسن کان عوام جو وڏو انگ موجود هو. وڏي وزير سيد مراد علي شاهه صوبائي ميمبر اسيمبلي تاج محمد ملاح جي گهر تي پارٽي ورڪرن سان ملاقات ڪئي. ماڻهن جو جوش ۽ جذبو ڏسي وڏي وزير چيو ته ايڏي وڏي انگ ۾ پارٽي جي ڪارڪنن ۽ عوام جي موجودگي پارٽي چيئرمين تي اعتماد جو ڏيک آهي. اسان عوام جا مسئلا حل ڪرڻ لاءِ سرگرم آهيون. وڏي وزير سيد مراد علي شاهه بدين جي مرڪزي بازار ۾ گاڏي کان لهي عوام کي مليو. وڏي وزير سيد مراد علي شاهه بدين ۾ ضلعي هيڊڪوارٽرز اسپتال جو افتتاح ڪيو. ان موقعي تي هن چيو ته ڪراچي کانپوءِ هي واحد اسپتال آهي جنهن ۾ حادثن، ڪينسر ۽ شگر جهڙن موذي مرضن ۾ ورتل مريضن لاءِ عضوا ٺاهيا ويندا آهن. بدين ڊي ايڇ ڪيو اسپتال ۾ سڀئي شعبا قائم ڪيا ويا آهن جنهن ۾ فقط ٻه ڊپارٽمنٽس نه آهن ۽ اهي ٻئي شعبا نفسيات ۽ برين سرجري جا آهن جنهن کي پوءِ قائم ڪيو ويندو. هن چيو ته بدين ڊي ايڇ ڪيو اسپتال ۾ روزاني 500 مريضن جي او پي ڊي ٿيندي آهي. بدين ڊي ايڇ ڪيو اسپتال انڊس اسپتال وارا هلائيندا آهن. بدين ڊي ايڇ ڪيو سنڌ حڪومت ۽ انڊس اسپتال جي ڪامياب پبلڪ پرائيويٽ پارٽنرشپ آهي ۽ اهو سنڌ جو واحد اسپتال آهي جيڪو پيپر فري آهي ۽ هتي سڀني مريضن جو ريڪارڊ ڪمپيوٽرائزڊ آهي. هن چيو ته بدين ڊي ايڇ ڪيو 5 هزار اسڪوائر فٽ تي تعمير ڪيو ويو آهي. اهو اسپتال سنڌ حڪومت 50 ملين رپين جي لاڳت سان تعمير ڪيو آهي جنهن ۾ ريڊ ڪراس ۽ آئي سي آر سي به 25 ملين رپين جا فنڊز ڏنا. وڏي وزير سيد مراد علي شاهه جسماني بحالي مرڪز جو افتتاح ڪيو جتي هن مختلف وارڊن جو دورو ڪيو ۽ هٿراڌو عضوا تيار ٿيندڙ يونٽ جو به معائنو ڪيو. هن چيو ته ڏکوئيندڙ انسانيت جي خدمت ئي اصل خدمت آهي. سنڌ حڪومت جي صحت جي شعبي ۾ خدمتون گهڻي قدر بهتر ٿي ويون آهن.

 

عمران خان جي اڳواڻي ۾ ٽيڪس اڳاڙي ۾ واڌ ٿي آهي:فردوس عاشق

اسلام آباد (اين اين آءِ) وزيراعظم جي سڌ سماءَ بابت خاص مددگار فردوس عاشق اعواڻ چيو آهي ته سعيد غني صاحب توهان جي لاعملي تي افسوس آهي، قوم جو مال لٽڻ ۽ ڪوڙن انگن اکرن تي معيشت هلائيندڙن کي اهو به پتو ناهي ته وزيراعظم جي اڳواڻي ۾ ٽيڪس اڳاڙي ۾ واڌ ٿي آهي، ايف بي آر جي پورٽل تي ماڻهن جو سفر، زمين جي لين دين، ود هولڊنگ ۽ گاڏين بابت تفصيل مهيا آهي، ٽوئيٽر تي بيان ۾ هن چيو ته هلندڙ مالي سال جي ڇهه ماهي ۾ حاصل ڪيل ٽيڪس 2085 آهي جيڪا گذريل سال جي ڀيٽ ۾ 16.4 سيڪڙو وڌيڪ آهي، فردوس عاشق اعواڻ چيو ته امپورٽيڊ جو انگ 21 سيڪڙو گهٽ ٿيو، جڏهن ته گهرو ٽيڪسز يعني انڪم ٽيڪس، سيلز ٽيڪس ۽ ايڪسائيز ڊيوٽي ۾ ترتيبوار 21.2 سيڪڙو. 34 سيڪڙو ۽ 25.6 سيڪڙو واڌ ٿي، هن چيو ته سماٽ فونز ذريعي ساليانا گوشوارا جمع ڪرائڻ لاءِ ٽيڪس آسان ايڪٽ متعارف ڪرائي وئي، هن چيو ته عمران خان اهو پهريون وزيراعظم آهي جنهن ملڪ ۾ ٽيڪس اڳاڙين کي هڪ تحريڪ جي شڪل ڏني ۽ ٽيڪس نظام ۾ سڌارن تي ڪم ڪيو، هن چيو ته هلندڙ سال 105 ريفنڊ جاري ٿيا، گذريل سال 36 ارب جا ريفنڊ جاري ٿيا هئا.

 

 

سنڌ جي مختلف شهرن ۾ برسات جاري، ٿڌ ۾ واڌ، ماڻهو گهرن تائين محدود، نينگر فوت

ڪراچي (نمائندن وٽان) سنڌ جي مختلف شهرن ۾ برسات وقفي وقفي سان جاري، ٿڌ ۾ واڌ ٿي وئي، ماڻهو گهرن تائين محدود ٿي ويا، بجلي جو نظام پڻ درهم برهم ٿي ويو، سکر ۾ گهر جي ڇت ڪرڻ سبب هڪ نينگري حياتي وڃائي ويٺي، هڪ ئي گهر جا 7 ڀاتي زخمي ٿي پيا، لاڙڪاڻو، سکر، دادو، خيرپورناٿن شاهه، قمبرشهدادڪوٽ، نصيرآباد، ڏوڪري ۽ ٻين شهرن ۾ برسات وقفي وقفي سان جاري آهي، صالح پٽ ۾ برسات سبب پولٽري فارم ڪري پيو.سکر جي نئون پنڊ واري علائقي احمد نگر پاڙي ۾ گهر جي اوچتو ڇت ڪري پئي، نتيجي ۾ چئن ورهين جي نينگري عليشه عرف تسليم شيخ فوت ٿي وئي، 7 گهر ڀاتي زخمي ٿي پيا، زخمين ۾ پيرسن عورت مٺان، ڇوڪري نازيا، نوجوان راشد، ماجد، زوهيب، عبدالمجيد ۽ عبدالحميد شيخ شامل آهن، واقعي بعد علائقي واسين ٻجي فوت ٿيل نينگري جو لاش ۽ زخمين کي ٻاهر ڪڍي ايڌي ايمبولنس ذريعي سول اسپتال منتقل ڪيو، زخمين جي حالت ڳڻتي جوڳي ٻڌائي پئي وڃي. پوليس جو چوڻ آهي ته اصل جڳهه عبدالحق بگٽي جي آهي، متاثر شيخ برادري جو خاندان ڪرائي تي رهندو هو، جڳهه ڪمزور هجڻ سبب ڪري پئي، وڌيڪ واقعي جي جاچ ڪئي پئي وڃي صالح پٽ ڀرسان ڳوٺ ڪاري بڪار ۾ رات جو برسات پوڻ سبب محمد سليم مهر جو پولٽري فارم ڪري پيو، نتيجي ۾ 1500 کان وڌيڪ ڪڪڙيون مري ويون، لکين رپين جو نقصان ٻڌايو پيو وڃي. پيرڳوٺ ۾ برسات ۽ ٿڌ سان گڏ 20 ڪلاڪن کان بجلي بند ٿيڻ ماڻهن جي سورن کي وڌائي ڇڏيو، پيرڳوٺ ۾ سڄي رات وقفي وقفي سان برسات پوڻ ۽ خطرناڪ حد تائين واڌ وڃڻ کانپوءِ سيپڪو پيرڳوٺ 20 ڪلاڪن کان بجلي بند ڪري ماڻهن جي اهنجن ۾ اضافو ڪري ڇڏيو، رهواسي سخت پريشان ٿي ويا، ڪاروبار ٺپ ٿي ويو، کاهي ۽ آسپاس جي علائقن ۾ ٿڌين هوائن سان گڏ هلڪي برسات جو وسڪارو جاري، سيءَ جي شدت ۾ اضافو ٿي ويو، بجلي جي اکٻوٽ جاري آهي،ڪاڇي ۾ مسلسل برسات کانپوءِ موسم ٿڌڙي ٿي وئي، سنڌ جي تفريحي ماڳ گورک هل اسٽيشن تي به بي انتها ٿڌ، برف ڄمي وئي، برف جي خوبصورت منظرن کي ڏسڻ لاءِ سياحن جو وڏو انگ گورک هل اسٽيشن وڃڻ لاءِ واهي پانڌي پهتل آهن،خانواهڻ شھر ۽ آسپاس جي مختلف علائقن تنيا بقا شاھ ديهات، ڏيوڻ شاخ ابياڻي ۽ شھر جي مختلف علائقن ۾ برساتي پاڻي بيهجي ويو،  گورنمينٽ هاءِ اسڪول تنيا بقا شاھ جي گيٽ وٽ پڻ برسات جو پاڻي تلاءُ جي صورت اختيار ڪري ويو. سنڌ جي مختلف شهرن سان گڏ ڪشمور شهر ۾ برسات جو وسڪارو ٿيڻ جي ڪري ڪشمور شھر روڊ ۽ رستن تي اڳئي نالين جو گندو پاڻي بيٺل، علائقي واسي ٻٽي عذاب ۾ مبتلا ٿي ويا، نيوڇور ۽ ڀرپاسي وارن ڳوٺن ۾ تيز برسات وقفي وقفي سان جاري آهي، ٿڌ ۾ اضافو ٿي ويو، اسڪولن ۾ شاگردن جي حاضري گهٽجي وئي، ماڻهو گهرن تائين محدود ٿي ويا، نئون ڪوٽ ۽ ان جي ڀرپاسي واري علائقن ۾ برسات پڻ جاري آهي. ٿڌ ۾ واڌ ٿي وئي.

 

 

خطي جي امن ۽ استحڪام لاءِ ضروري آهي ته ايران ۽ آمريڪا کي ڳالهين لاءِ راضي ڪجي: شاهه محمود قريشي

اسلام آباد /رياض (اين اين آءِ/م.ڊ) پرڏيهي وزير شاهه محمود قريشي چيو آهي ته خطي جي امن ۽ استحڪام لاءِ ضروري آهي ته ايران ۽ آمريڪا کي ڳالهين لاءِ راضي ڪجي ته جيئن مسئلا پرامن طريقي سان حل ٿين. پرڏيهي وزير شاهه محمود قريشي سعودي عرب پهچڻ کانپوءِ رياض ۾ سعودي پرڏيهي آفيس ويو، جتي سعودي هم منصب شهزادي فيصل بن فرحان السعود سندس آجيان ڪئي. ان موقعي تي ٻنهي اڳواڻن ۾ ملاقات ٿي، جنهن ۾ وچ اوڀر ۾ ڇڪتاڻ ۽ خطي ۾ امن جي صورتحال سميت گڏيل دلچسپي جي معاملن تي ڳالهيون ٿيون. شاهه محمود قريشي چيو ته خطي ۾ ڇڪتاڻ تي ڳڻتي آهي، امن ۽ استحڪام کي تحفظ فراهم ڪرڻ لاءِ ضروري آهي ته معاملا سفارتي ذريعن سان حل ٿين، پاڪستان جي ڪوشش اها ئي آهي ته ڌريون صبر جو مظاهرو ڪندي ڳالهين جو رستو اختيار ڪن. هن ڇڪتاڻ واري صورتحال گهٽائڻ لاءِ خطي جي ٻين پرڏيهي وزيرن سان رابطن بابت به سعودي هم منصب کي آگاهه ڪيو. سندس چوڻ هو اسان کي ڳڻتي آهي ته جيڪڏهن ان باهه کي ٿڌو ڪرڻ لاءِ وقت سر قدم نه کنيا ويا ته اها سڄي خطي ۾ متاثر ڪري سگهي ٿي، سٺي ڳالهه اها آهي ته ايران ۽ آمريڪا پنهنجي بيانن ۾ واضح ڪري چڪا آهن ته اسان وڌيڪ ڇڪتاڻ نٿا چاهيون، ان حالتن ۾ ڌرين کي ڳالهين لاءِ راضي ڪرڻ ضروري آهي. ان کان اڳ شاهه محمود قريشي رياض جي شاهه خالد انٽرنيشنل ايئرپورٽ پهتو ته سعودي عرب جي پروٽوڪول واري ڊپٽي وزير اعظم اليقين، سعودي ۾ پاڪستاني سفير راجا علي اعجاز ۽ ٻين سينيئر اختيارين سندس آڌرڀاءُ ڪيو.

ٻئي طرف پاڪستان چيو آهي ته جنگ ڪنهن جي مفاد ۾ ناهي، ڳالهين ۽ سفارتڪاري ذريعي مسئلو حل ٿيڻ گهرجي، پاڪستان رڳو امن ۾ حصيدار بڻجي سگهي ٿو ڪنهن ٻئي ملڪ جي خلاف پنهنجي سرزمين استعمال ٿيڻ جي اجازت، نه خطي ۾ ڪنهن جنگ جو حصو بڻجندو، جڏهن ته ايران چيو آهي ته ايران ڇڪتاڻ گهٽائڻ ۽ خطي ۾ امن ۽ سلامتي برقرار رکڻ کي اهميت ڏئي ٿو، سومر تي شاهه محمود قريشي جي ايران بابت دوري جي حوالي سان جاري ڪيل بيان موجب وزيراعظم عمران خان جي هدايت جي روشني ۾ خطي جي ملڪن جي دوري جي پهرين حصي ۾ شاهه محمود قريشي 12 ۽ 13 جنوري تي ايران جو دورو ڪيو جنهن جو مقصد ڇڪتاڻ گهٽائڻ، سفارتي ذريعن سان اڳتي وڌڻ جو رستو هموار ڪرڻ ۾ مدد فراهم ڪرڻ هو، پرڏيهي وزير ايران جي صدر حسن روحاني سان ملاقات ڪئي، جڏهن ته ايراني پرڏيهي وزير جواد ظريف سان ڌار ملاقات ٿي انهن ملاقاتن ۾ وچ اوڀر، نار وارن ملڪن جي صورتحال ۽ تازن واقعن تي خيالن جي ڏي وٺ ٿي، پاڪستان ۽ ايران جي لاڳاپن تي به ڳالهيون ٿيون.

 

تحريڪ انصاف حڪومت نه صرف عوام پر پنهنجي اتحادين سان ڪيل وعدن کي به وساري ڇڏيو آهي: سعيد غني

اسلام آباد (اين اين آءِ) سنڌ جي اطلاعات ۽ ليبر کاتي واري وزير سعيد غني آچر ڏينهن متحده قومي موومينٽ جي ليڊر خالد مقبول صديقي پاران وفاقي ڪابينه جي استعيفيٰ ڏيڻ جي فيصلي کي ڀليڪار چوندي چيو ته هن کي هي فيصلو پهريان ڪرڻ گهرجي ها. سعيد غني چيو ته پاڪستان تحريڪ انصاف جي وفاقي حڪومت نه صرف عوام سان ڪيل وعدا پورا نه ڪيا پر هنن پنهنجي اتحادين سان ڪيل وعدن کي وساري ڇڏيو آهي. اطلاعات کاتي واري صوبائي وزير واضح ڪيو ته متحده قومي موومينٽ پاران پاڪستان پيپلز پارٽي جي چوڻ تي وفاقي ڪابينه کي نه ڇڏيو پر اهو هن جو پنهنجو فيصلو هو. هن چيو ته هي فيصلو خود وفاقي حڪومت کي ئي ڪرڻو آهي ته هو سنڌ حڪومت جو حصو بڻجڻ چاهن ٿا يا نه. سعيد غني چيو ته پاڪستان پيپلز پارٽي جي چيئرمين بلاول ڀٽو زرداري هي ڳالهه هرهر دهرائي آهي ته وفاقي حڪومت جي غلط پاليسين سبب عوام پريشان آهي. صوبائي وزير سعيد غني چيو ته وفاقي حڪومت ڪراچي ۾ ترقياتي ڪمن جي حوالي سان ڪيل پنهنجن وعدن مان هڪ به وعدو پورو نه ڪيو آهي. هن چيو ته ڪراچي لاءِ مختص ڪيل 162 ارب روپين مان هڪ روپيو به نه ڏنو ويو آهي. هن چيو ته پاڪستان تحريڪ انصاف جي ماڻهن کي مهانگائي ۽ بيروزگاري کانسواءِ ڪجهه ناهي ڏنو. سعيد غني جو چوڻ هو ته جيستائين تحريڪ انصاف جي حڪومت رهندي ايستائين ڪنهن سٺي ڪم يا خوشخبري جي اميد رکڻ بيڪار آهي. ان کان علاوه شهيد ذوالفقار علي ڀٽو جي 92 هين سالگرهه جي حوالي سان منعقد ٿيل هڪ تقريب سان خطاب ڪندي اطلاعات کاتي واري صوبائي وزير سعيد غني چيو ته شهيد ذوالفقار علي ڀٽو هڪ شخصيت جو نه پر هڪ تحريڪ ۽ نظريي جو نالو آهي. سعيد غني چيو ته شهيد ذوالفقار علي ڀٽوجو ڪارنامو هو جنهن هن ملڪ کي حقيقي جمهوريت ۽ هڪ متفقه آئين ڏنو. اطلاعات کاتي واري صوبائي وزير سعيد غني چيو ته بيشڪ شهيد ذوالفقار علي ڀٽو کي بيشڪ شهيد ڪيو ويو پر هو هن ملڪ جي هر غريب ۽ عام انسان جي دل ۾ هميشه زنده رهندي. هن چيو ته هن جو ڏوهه صرف هي هو ته هن سامراجي قوتن کي للڪاريو. سعيد غني چيو ته شهيد ذوالفقار علي ڀٽو پنهنجي زندگي عوام مان نا اميدي، غربت ۽ محرومي ختم ڪرڻ لاءِ وقف ڪري ڇڏي هئي. هن چيو ته اڄ پهريان کان به وڌيڪ ان ڳالهه جي ضرورت آهي ته قائد عوام شهيد ذوالفقار علي ڀٽو جي نقش قدم هلي ڪري ملڪ ۾ جمهوريت کي مضبوط ڪيو وڃي. ان کان پوءِ اطلاعات کاتي واري صوبائي وزير سعيد غني پارٽي جي ٻين رهنمائن ۽ جيالن سان گڏ شهيد ذوالفقار علي ڀٽو جي 92 هين سالگرهه جو ڪيڪ به ڪٽيو.

 

جرمن وزير جو جي ايڇ ڪيو جو دورو، آرمي چيف سان خاص ملاقات

راولپنڊي(ويب ڊيسڪ) پاڪ فوج جي شعبي آءِ ايس پي آر جو چوڻ آهي ته جرمني جي فارن آفيس جي مملڪتي وزير مسٽر نيلز جي ايڇ ڪيو جو دورو ڪيو ۽ آرمي چيف جنرل قمر جاويد باجوه سان ملاقات ڪئي. تفصيل موجب آرمي چيف جنرل قمر جاويد باجوه سان جرمني جي مملڪي وزير ملاقات ڪئي، ان دوران گڏيل دلچسپي جي معاملن ۽ علائقائي سيڪيورٽي تي خيالن جي ڏي وٺ ڪئي وئي. آءِ ايس پي آر جو چوڻ آهي ته ان ملاقات دوران مختلف شعبن ۾ گڏيل سهڪار کي وڌائڻ تي ڳالهيون ڪيون ويون، ان کان اڳ جرمن مملڪتي وزير خطي ۾ امن ۽ مضبوطي جي لاءِ پاڪستان جي ڪردار جي تعريف ڪئي.

 

پي ٽي آءِ وفد متحده وٽ پهچي ويو، پرچائڻ جي ڪوشش، خالد مقبول صديقي استعيفيٰ واري فيصلي تي قائم

ڪراچي (م.ڊ) وفاقي وزير اسد عمر جي سربراهيءَ ۾ حڪومتي وفد متحده پاڪستان کان استعيفيٰ جو فيصلو واپس وٺڻ لاءِ قائل ڪرڻ ۾ ناڪام ٿي ويو آهي. وزيراعظم عمران خان جي هدايت تي وفاقي وزير اسد عمر جي سربراهيءَ ۾ پي ٽي آءِ جو وفد بهادر آباد ڪراچي پهتو، جتي متحده سان ڳالهيون ڪري سندن خدشا ٻڌايا ويا. ملاقات بعد اسد عمر ۽ خالد مقبول صديقي گڏيل پريس ڪانفرنس ڪئي. اُن موقعي تي ڳالهائيندي اسد عمر چيو ته سندن خواهش آهي ته خالد مقبول صديقي وفاقي ڪابينا ۾ رهي، پر هو وزارت ڇڏڻ واري پنهنجي فيصلي تي قائم آهي. جڏهن ته متحده پاڪستان جي اڳواڻ خالد مقبول صديقي به وزارت تان اسعتيفيٰ واپس نه وٺڻ جو اعلان ڪيو ۽ چيو ته هو وزارت ڇڏڻ واري فيصلي تي سئو سيڪڙو قائم آهي. ميڊيا جي سوالن جا جواب ڏيندي وفاقي وزير اسد عمر چيو ته متحده وفد سان اتفاق آهي ته ڪراچي واسين لاءِ گڏجي ڪم ڪنداسين، ڇاڪاڻ جو اُنهن کي پنهنجا حق نه مليا آهن. گورنر سنڌ جي تبديليءَ جي حوالي سان سوال جو جواب ڏيندي اسد عمر چيو ته گورنر عمران اسماعيل زبردست ڪم ڪري رهيو آهي، سندس تبديلي جي ڪي به امڪان نه آهن. واضح رهي ته متحده پاڪستان جي اڳواڻ خالد مقبول صديقي گذريل ڏينهن پارٽي اڳواڻن سان گڏ پريس ڪانفرنس ڪئي ۽ وفاقي وزارت تان اسعتيفيٰ ڏيندي چيو ته ڪابينا ۾ سندس ويهڻ سان ڪراچي واسين جو ڪوبه فائدو نه آهي.

 

ايم ڪيو ايم کانپوءِ جي ڊي اي به پي ٽي آءِ سرڪار سان ناراضگي ظاهر ڪري ڇڏي، واعدا پاڙڻ جو مطالبو

ڪراچي (اسٽاف رپورٽر) ايم ڪيو ايم کانپوءِ جي ڊي اي به پي ٽي آءِ سرڪار سان ناراضگي ظاهر ڪندي واعدا پاڙڻ جو مطالبو ڪري ڇڏيو. جي ڊي اي ترجمان هڪ بيان جاري ڪندي وفاقي حڪومت سان ناراضگي جو اظهار ڪيو آهي. پنهنجي بيان ۾ ترجمان چيو آهي ته وفاقي سرڪار جي ڊي اي جا خدشا اڃا تائين ختم نه ڪيا آهن، تنهن ڪري حڪومت سان ناراضگي جو اظهار ڪريون ٿا. پي ٽي آءِ سرڪار طرفان جي ڊي اي سان ڪيل واعدا پاڙيا وڃن، ڪجهه ڏينهن انتظار ڪريون ٿا، اُن کانپوءِ اتحاد جو مشاورتي اجلاس گهرائي اڳتي جو لائحه عمل جوڙيو ويندو. جي ڊي اي ترجمان چيو ته هُنن سنڌ جي مختلف شهرن لاءِ ترقياتي رٿائون ۽ نوجوانن لاءِ روزگار گهريو هو، اُن تي عمل نه ٿيو، جڏهن ته سنڌ ۾ جاري ڪرپشن ۽ اقربا پروري جي حوالي سان شڪايتن جو به وفاقي حڪومت ازالو نه ڪيو آهي. سندس چوڻ آهي ته سنڌ ۽ صوبي سان واسطو رکندڙ اتحادين جا خدشا ختم ڪرڻ ۾ پي ٽي آءِ سرڪار سنجيده نه آهي، هڪ ڀيرو ٻيهر واعدا ڪيا پيا وڃن پر آخر ۾ ڪوبه نتيجو نٿو نڪري. اين پي پي غيرمشروط پي ٽي آءِ جي حمايت ڪئي، پر حڪومت مايوس ڪيو آهي، ڇاڪاڻ جو عملي ڪم بدران واعدن مٿان واعدا ڪيا وڃن ٿا. هُن مطالبو ڪيو ته اين پي پي سان گڏ جِن به اتحادين سان واعدا ڪيا ويا آهن، حڪومت اُنهن کي پاڙي، اين پي پي وفاقي سرڪار مان خوش نه آهي.

 

شهدادپور: جماعت اسلامي سنڌ جي نائب امير جي گاڏي حادثو جو شڪار، عظيم بلوچ 2 ساٿين سميت فوت، 2 زخمي

شهدادپور ( ڊ ر ) جماعت اسلامي صوبي سنڌ جو نائب امير عظيم بلوچ جي گاڏي نوابشاه ويجھو حادثي جو شڪار ٻن ساٿين سميت فوت،ٻه ڄڻا شديد زخمي نوابشاه اسپتال داخل،جماعت اسلامي پاڪستان جو امير سراج الحق شهدادپور پهچي ڪارڪنن جي جنازي نمازپڙهائي هر طرف اوڇنگارون ئي اوڇنگارون خبر موجب شهدادپور جو مشهور سماجي رهنما جماعت اسلامي جي ڪارڪن کان صوبائي نائب اميررهندڙ محمد عظيم بلوچ پنهنجي ساٿين امير جماعت اسلامي شهدادپور استاد عرفان بدر لاکو،جنرل سيڪريٽري غلام رسول آرائين،سندس فرزند حماد رسول، جاويد عباسي سان گڏجي سکر ويجھو ڪنهن ساٿي سان تعزيت ڪرڻ بعد واپس اچي رهيا هئا ته رات دير سان ٻانڌي روڊ تي بارش جي ڌنڌ سبب اچانڪ سندن گاڏي سامهون ڪمند سان لوڊ بيٺل ٽرالي ۾ اندر گسجي وئي نتيجن نائب امير سنڌ محمد عظيم بلوچ،امير شهدادپور استاد عرفان بدر لاکو ٿڏي تي فوت ٿي ويا جڏهن ته غلام رسول ۽ سندس فرزند حماد رسول،جاويد عباسي کي شديد بيهوشي حالت ۾ نوابشاه اسپتال داخل ڪيو ويو جتي غلام رسول آرائين زخمن جا تاب نه سهندي دم ڌڻي حوالي ڪيو جڏهن ته هماد رسل ،جاويد کي ڳڻتي جوڳي حالت ۾ نوابشاه جي انتهائي نگهداشت واري وارڊ ۾ داخل ڪيو ويو آهي اهڙو اطلاع ملندي ئي مٽ مائٽ ۽ جماعت اسلامي ڪارڪن نوابشاه اسپتال پڻ پهچي ويا فوتين جا لاش گھر پهچڻ تي ڪهرام مچي ويو امير جماعت اسلامي شهدادپور عرفان بدر لاکو جي جنازي نماز حسينيه مدرسي ۾ ادا ڪئي وئي جنهن ۾ شهرين جماعت جي ڪارڪنن وڏي تعداد ۾ شرڪت ڪئي مرحوم کي آلين اکڙين سان سسۡين ۾ نور مسجد قبرستان ۾ سپرد خاڪ ڪيو ويو مرحوم جو تڏو سوسائٽي ڪالوني ۾ وڇايل آهي جڏهن ته نائب امير سنڌ عظيم بلوچ غلام رسول جي جنازي نماز جماعت اسلامي پاڪستان جي امير سراج الحق پريس ڪلب شهدادپور سامهون پاڻ پڙهائي جنازي نماز ۾ سنڌ جي ڪنڊ ڪڙڇ مان ڪهي آيل سوين ڪارڪنن شهرين وڏي تعداد ۾ شرڪت ڪئي مرحومن کي پڻ سسڪين اوڇنگارن سان ابائي قبرستانن ۾ سپرد خاڪ ڪيو ويو آهي.