تازيون خبرون
اقتصادي رابطا ڪميٽي3 لک ميٽرڪ ٽن ڪڻڪ ٻاهران گهرائڻ جي منظوري ڏئي ڇڏي - سنڌ حڪومت جو پاسڪو کان اضافي ڪڻڪ خريدڻ ۽ ذخيره اندوزن خلاف آپريشن جو فيصلو - 4 ڏينهن جيل ۾ نه رهندڙن جو رڙيون ختم نه پيون ٿين: فردوس عاشق - سنڌ هاءِ ڪورٽ آءِ جي ڪليم امام جي بدلي روڪي ڇڏي، ڪم جاري رکڻ جي هدايت - صدر پاڪستان عارف علوي جو اين آئي سي وي ڊي جو دورو، معياري علاج جي تعريف، مريضن سان به ملاقات - مشهور رسالي ٽائم پاڪستاني وزيراعظم عمران خان کي ماحوليات جي ترجماني ڪندڙ دنيا جي 5 شخصيتن ۾ شامل ڪري ورتو - عارف علوي جو ڪم اسپتالن جا دورا ڪرڻ ناهي. سنڌ حڪومت تي الزام هڻي وفاقي وزيرن غير ذميواري جو مظاهرو ڪيو: سعيد غني - تحريڪ انصاف ۾ ڌڙابندي، 20 ميمبرن الڳ گروپ ٺاهي ڇڏيو - مولانا فضل الرحمان هيل پنهنجي ڏڍ تي اسلام آباد آيو هو، هن ڀيري ملا ملٽري الائنس اڳ جهڙو نه هو: شيخ رشيد - 16 مهينن ۾ عوام کي نواز شريف جي ترقي ڪندي پاڪستان ۽ عمران خان جي نئين پاڪستان ۾ فرق جي خبر پئجي وئي: ن ليگ

Daily Archives: January 6, 2020

جيڪڏهن فون تي ڳالهايو ته ڇا ٿيو؟ ڪا غلط ڳالهه ته ناهي ڪئي : شيخ رشيد جو حريم شاهه سان فون تي رابطي جو اعتراف

اسلام آباد(ويب ڊيسڪ) ريلوي واري وفاقي وزير شيخ رشيد ٽڪ ٽاڪ اسٽار حريم شاهه سان فون تي ڳالهائڻ واري معاملي تي پنهنجو موقف جاري ڪري ڇڏيو. پارليامينٽ هائوس ۾ ميڊيا سان ڳالهائيندي شيخ رشيد حريم شاهه سان فون تي ڳالهائڻ جي تصديق ڪندي چيو ته جيڪڏهن فون تي ڳالهايو ته ڇا ٿيو؟ ڪا غلط ڳالهه ته ناهي ڪئي. شيخ رشيد پنهنجي نڪاح بابت حريم شاهه جون دعوائون رد ڪندي چيو ته مون ڪو به نڪاح ناهي ڪيو ۽ نه ئي متعه ڪيو آهي. سندس وڌيڪ چوڻ هو ته مون کي ته متعه جي مطلب جي ئي خبر ناهي ته هي ڇا هوندو آهي؟ جيڪي ڪري رهيا آهن اُهي ڪن پيا مون تي ڪو فرق ڪو نه پوندو.

 

جسماني رمانڊ ۾ 7 ڏينهن واڌ: جڏهن هوائن جو رُخ مَٽجڻ جو وقت آيو ته حڪومت قانون ئي تبديل ڪري ڇڏيو: احسن اقبال

اسلام آباد (اين اين آءِ) ن ليگ جي اڳواڻ احسن اقبال هڪ ڀيرو ٻيهر آرڊيننس مان فائدو وٺڻ کان انڪار ڪندي چيو آهي ته مان نيب ترميمي آرڊيننس جو فائدو نٿو وٺڻ چاهيان جن ماڻهن کي نوازڻ لاءِ آرڊيننس آندو ويو انهن کي ئي فائدو ڏيو، جڏهن ته احتساب عدالت ن ليگ جي اڳواڻ جو 7 ڏينهن جو ريمانڊ ڏئي ڇڏيو، سومر تي اسلام آباد جي احتساب عدالت ۾ احسن اقبال جي خلاف نارو وال اسپورٽس سٽي ڪامپلڪيس اڏاوت بابت ڪيس جي ٻڌڻي ٿي، نيب عملدارن جوڊيشل ريمانڊن مڪمل ٿيڻ تي کيس عدالت ۾ پيش ڪيو، نيب پراسيڪيوٽر احسن اقبال جي وڌيڪ 14 ڏينهن جي جسماني ريمانڊ جي اپيل ڪئي جنهن تي جج محمد بشير پڇاڻو ڪيو ته پهريان توهان اهو ٻڌايو ته وڌيڪ ريمانڊ ڇو گهرجي، نيب پراسيڪيوٽر ٻڌايو ته اسان وٽ احسن اقبال جي خلاف اڻ ڳڻيا ثبوت آهن، نارو وال اسپورٽس سٽي جي لاڳت ۾ 180 سيڪڙو واڌ ٿي، هڪ ضلعي سطح جي گرائونڊ تي عالمي معيار جي اسٽيڊيم جيترو خرچ ڪيو ويو، رٿا جي منظوري ۾ قانون جي ڀڃڪڙي ڪئي وئي، احسن اقبال پلانننگ اينڊ ڊيولپمينٽ جي چارج سنڀالڻ کانپوءِ اختيارن جو غلط استعمال ڪيو، هن ٻڌايو ته احسن اقبال پنهنجي وزارت کي نارو وال اسپورٽس سٽي رٿا کي پي ايس ڊي پي ۾ شامل ڪرڻ جو چيو، سچ اهو آهي ته هي رٿا 2012 پنجاب حڪومت کي منتقل ٿي چڪي هئي، 18 هين ترميم کانپوءِ 2 سئو ملين رپيا وفاقي بجيٽ مان نارو وال لاءِ رکڻ غير قانوني هو، نيب پراسيڪيوٽر ٻڌايو ته احسن اقبال جي اثاثن جي ڇنڊ ڇاڻ ٿي رهي آهي، تنهنڪري وڌيڪ جسماني ريمانڊ جي ضرورت آهي، وائيٽ ڪالر ڪرائيم ۾ بااثر جوابدارن کي گرفتار نه ڪريو ته ڪو به تعاون نٿو ڪري، سرڪاري ادارا بااثر جوابدارن کان ڊڄن ٿا ۽ رڪارڊ نٿا ڏين، احسن اقبال جي وڪيل ظفر الله وڌيڪ جسماني ريمانڊ جي مخالفت ۾ دليل ڏيندي چيو ته نيب هڪ سال تائين رڳو رڪارڊ لاءِ ئي خط لکي رهيو آهي، گذريل ٻڌڻي تي ريمانڊ جا جيڪي سبب ٻڌايا ويا اهي اڄ به آهن، هاڻ ته نيب اثاثن جي ڇنڊ ڇاڻ جي ڳالهه به شروع ڪري ڇڏي آهي، لڳي ٿو ته نيب آرڊيننس جي روشني ۾ به احسن اقبال کي هن ڪيس سان ڳنڍڻ چاهي ٿو، هي رڳو سياسي اتنقام آهي، ان موقعي تي عدالت نيب پراسڪيوٽر کان پڇاڻو ڪيو ته احسن اقبال ڪيس تي نيب ترميمي آرڊيننس لاڳو ٿيندو يا نه نه، ان تي پراسيڪيوٽر ٻڌايو ته لاڳو نه ٿيندو، احسن اقبال عدالت ۾ بيان ڏيندي چيو ته آرڊيننس مان فائدو وٺڻ کان انڪار ڪندي چيو آهي ته مان نيب ترميمي آرڊيننس جو فائدو نٿو وٺڻ چاهيان جن ماڻهن کي نوازڻ لاءِ آرڊيننس آندو ويو انهن کي ئي فائدو ڏيو، جنهن کانپوءِ عدالت احسن اقبال جي 7 ڏينهن جي جسماني ريمانڊ ۾ واڌ ڪري ڇڏي.

 

 

اداڪاره عائشه عمر به حراسمينٽ ٿيڻ جو انڪشاف ڪري ڇڏيو

 

لاهور(شوبز نيوز) مشهور اداڪاره ۽ ميزبان عائشه عمر به حراسان ڪرڻ جو انڪشاف ڪيو آهي. عائشه عمر هڪ انٽرويو جي دوران(مي ٽو) تي ڳالهيون  ڪيون پئي ويون ته ان دوران اداڪاره  به پنهنجي زندگي جي حوالي سان ڳالهيون ڪيون.عائشه عمر(مي ٽو) مهم جي حوالي سان ڳالهائيندي چيو ته هي هڪ  ضروري مهم آهي جيڪا جنسي زيادتي جو شڪار ٿيندڙ بيشمار ماڻهن کي ان باري ۾ ڳالهيون ڪرڻ جي لاءِ بااختيار بنائي ٿي. هن وڌيڪ چيو ته انڊسٽري ۾ اهڙا ڪيترائي مرد ۽  عورتون آهن  جنهن کي جنسي زيادتي کي منهن ڏيڻو پيو آهي. اداڪاره ان حوالي سان  ڳالهائيندي انڪشاف ڪيو ته  مون کي به پنهنجي زندگي دوران حراسان ڪيو ويو ۽ مون کي خبر ناهي ته انسان اهڙي وقت ۾ ڇا محسوس ڪندو آهي پر هو اڃان ايترو بهادر ناهي جو ان حوالي سان کلي طريقي سان ڳالهائي سگهي.عائشه عمر چيو ته ٿي سگهي ٿو ته هڪ ڏينهن مان ان حوالي سان کلي ڳالهايان ۽ مان انهن سمورن ماڻهن سان اتفاق ڪريان ٿي  جيڪي ان صورتحال مان گذريا آهن. واضح رهي ته ڪجهه ڏينهن اڳ پاڪستان فلم انڊسٽري جي مشهور فلمساز جامي به جنسي زيادتي جي حوالي سان وڏو انڪشاف ڪيو هو.

 

رابي پاران مذهبي تعليمات موجب زندگي گذارڻ جي شروعات

 

ڪراچي (شوبز نيوز) اڳوڻي ڳائڻي رابي پيرزادا پنهنجي سوشل ميڊيا اڪائونٽ تي هڪ وڊيو شيئر ڪئي آهي جنهن ۾ هو اردو ترجمي سان قرآن پاڪ جي تلاوت ڪندي نظر اچي رهي آهي. شوبز جي دنيا ڇڏي دين جي واٽ وٺندڙ اڳوڻي ڳائڻي رابي پيرزادا اڄ ڪلهه دين جي تعليم حاصل ڪرڻ ۾ رڌل آهي. گذريل ڏنهن هن پنهنجي سوشل ميڊيا اڪائونٽ تي هڪ وڊيو شيئر ڪئي جنهن ۾ هو پنهنجي استاد جي رهنمائي ۾ قرآن پاڪ کي اردو ترجمي سان پڙهي رهي آهي. رابي پيرزادا سان ويٺل سندس استاد ڪيترين ئي جاين تي قرآن پڙهندي سندس رهنمائي به ڪئي. وڊيو سان گڏوگڏ رابي پيرزادا نئين سال جو وچن وٺندي لکيو ته مان لائيو قرآن پاڪ جي تلاوت ڪري رهي آهيان پر هن نئين سال ۾ مونکي دين سکڻ ۽ پکيرڻ آهي ۽ اهو به ترجمي سان. رابي پيرزادا سڀني ماڻهن کي نصيحت ڪندي لکيو ته ڪجهه وقت الله کي ڏئي اوهان به ڏسو، ڪهڙي خبر اوهان جي زندگي به تبديل ٿي وڃي. واضح رهي ته رابي پرزادا ۾ تبديلي گذريل سال ان وقت آئي هئي جڏهن سندس موبائيل فون مان سندس ڪجهه نجي وڊيوز ۽ تصويرون ليڪ ٿيون هيون جنهن کانپوءِ هن ديني تعليمات موجب زندگي گذارڻ جو اعلان ڪيو هو ۽ هڪ وڊيو بيان جاري ڪيو هو جنهن ۾ هن ٻڌايو هو ته هو هاڻي سموري زندگي دين جي تعليمات موجب گذاريندي ۽ دين جو پيغام پکيڙڻ جي ڪوشش ڪندي.

 

ڀارتي رانديگر عرفان پٺاڻ ڪيريئر جي تباهي جو ذميوار گريگ چيپل کي قرار ڏئي ڇڏيو

 

ممبئي(اسپورٽس نيوز)  ڀارت جي اڳوڻي آل رائونڊر عرفان پٺاڻ گريگ چيپل کي پنهنجي ڪيريئر جي تباهي جو ذميوار قرار ڏئي ڇڏيو آهي.عرفان گذريل ڏينهن 35 سالن جي عمر ۾ راند جي سمورن فارميٽ مان رٽائرمينٽ جو اعلان ڪيو هو. هاڻ هن ٻيهر دعويٰ ڪئي آهي ته اڳوڻي ڀارتي ڪوچ گريگ چيپل جي 2005 کان 2007 واري دور ۾ مان بال جي سوئنگ ڪرڻ جي صلاحيت کي وڃائي ويٺو هئس.مون کي چيو ويو ته تنهنجو ڪم صرف رنسون روڪڻ آهي. سريلنڪا سان هڪ ميچ ۾ ٽيم کي ڪاميابي ڏياري جنهن کان پوءِ ٻئي ميچ ۾ مون کي ڊراپ ڪيو ويو. ڀارت ۾ ماڻهو 27، 28 سالن ۾ پنهنجو ڪيريئر شروع ڪندا آهن ۽ مون ان ئي عمر ۾ پنهنجو آخري ميچ کيڏيو.واضح رهي ته ڀارتي فاسٽ بالر گذريل ڏينهن ٽنهي فارميٽ تان رٽائرمينٽ جو اعلان ڪيو هو. هو پنهنجي منفرد انداز جي ڪري ڪرڪيٽ جي شوقينن ۾ تمام گهڻو مشهور آهي.