تازيون خبرون
اقتصادي رابطا ڪميٽي3 لک ميٽرڪ ٽن ڪڻڪ ٻاهران گهرائڻ جي منظوري ڏئي ڇڏي - سنڌ حڪومت جو پاسڪو کان اضافي ڪڻڪ خريدڻ ۽ ذخيره اندوزن خلاف آپريشن جو فيصلو - 4 ڏينهن جيل ۾ نه رهندڙن جو رڙيون ختم نه پيون ٿين: فردوس عاشق - سنڌ هاءِ ڪورٽ آءِ جي ڪليم امام جي بدلي روڪي ڇڏي، ڪم جاري رکڻ جي هدايت - صدر پاڪستان عارف علوي جو اين آئي سي وي ڊي جو دورو، معياري علاج جي تعريف، مريضن سان به ملاقات - مشهور رسالي ٽائم پاڪستاني وزيراعظم عمران خان کي ماحوليات جي ترجماني ڪندڙ دنيا جي 5 شخصيتن ۾ شامل ڪري ورتو - عارف علوي جو ڪم اسپتالن جا دورا ڪرڻ ناهي. سنڌ حڪومت تي الزام هڻي وفاقي وزيرن غير ذميواري جو مظاهرو ڪيو: سعيد غني - تحريڪ انصاف ۾ ڌڙابندي، 20 ميمبرن الڳ گروپ ٺاهي ڇڏيو - مولانا فضل الرحمان هيل پنهنجي ڏڍ تي اسلام آباد آيو هو، هن ڀيري ملا ملٽري الائنس اڳ جهڙو نه هو: شيخ رشيد - 16 مهينن ۾ عوام کي نواز شريف جي ترقي ڪندي پاڪستان ۽ عمران خان جي نئين پاڪستان ۾ فرق جي خبر پئجي وئي: ن ليگ

Daily Archives: December 10, 2019

نوجوان پاڻ ڪرپٽ ماڻهن جي پويان پئجي وڃن ته نئون پاڪستان ٺهي ويندو: عمران خان

اسلام آباد(ويب ڊيسڪ) وزير اعظم عمران خان پنجاب ۾ ڪرپشن جي خلاف ڪارڪردگي کي متاثر ڪندڙ قرار ڏيندي چيو آهي ته پنجاب جي وڏي وزير کي چيو آهي هو پنهنجي قدمن جي مشهوري ڪري.  وزير اعظم عمران خان اسلام آباد ۾ اينٽي ڪرپشڻ ايپ جو افتتاح ڪيو ۽ تقريب کي خطاب ڪندي چيو ته ايپ لانچ ڪري مون کي ڏاڍي خوشي ٿي آهي ڇو ته پاڪستان کي ماڊرن سوسائٽي بڻائڻ ۾ هڪ وڏو قدم آهي. سندس چوڻ هو ته اينٽي ڪرپشن اسٽيبلشمينٽ جيڪا ڪارڪردگي ڏيکاري ۽ پيسا هٿ ڪيا اِهي انتهائي متاثر ڪندڙ آهن ۽ آ؟ون وڏي وزير کي درخواست ڪندس ته توهان ان جي مشهوري ڪيو جيئن ماڻهن کي خبر پئي ته اينٽي ڪرپشن جي قدمن سان عوام کي ڪهڙو فائدو ٿيو آهي؟ وزير اعظم چيو ته لڳ ڀڳ 130 ارب رپين جي عوام جي زمين واپس آندي ۽ 5 ارب رپيا ڪيش هٿ ڪيا هي سڀ عوام تي خرچ ٿيندا پر پاڪستان ۾ ڏکيائي اِها آهي ته عوام کي سمجهه ئي ناهي ته ڪرپشن ۽ انهن جي زندگي جو پاڻ ۾ ڪهڙو تعلق آهي. هن چيو ته ماڻهو سمجهن ٿا ته ڪرپشن ٿي ته حڪومت جو پيسو هليو ويو ان سان اسان کي ڪهڙو فرق پوندو ۽ مون ڏٺو ته ڪيترائي ڪرپٽ ماڻهن تي گل ورسائيندا آهن ۽ انهن کي زندهه باد به چئون ٿا پر اِهو سڀ ائين آهي ڄڻ ڪير توهان جو گهر لٽي ڦري ويو ۽ توهان انهن تي گلن جو پتيون اڇلايون. عمران خان چيو ته ماڻهن کي اِهو سمجهه ۾ ناهي ايندو ته جڏهن هڪ ملڪ جو پيسو چوري ٿيندو آهي ته اصل ۾ اُهو سڄي قوم جو نقصان هوندو آهي ۽ ان جو تعلق ان وقت واضح ٿيندو جڏهن توهان پنهنجي ڪارڪردگي ماڻهن کي باقاعده ٻڌائيندا.  پنجاب جي وڏي وزير کي مخاطب ڪندي چيو ته توهان جيڪا ايپ ٺاهي ان تي توهان جي هر ميهني جيڪا ڪارڪردگي هجي ان کان ماڻهن کي آگاهه ڪيو پر اشتهار ڏيو ۽ ٻڌايو ته عوام کي ڪيترو فائدو ٿيو. هن چيو ته اڄ دنيا کي ڏسو اڄ جيڪا سڀ کان تيز معيشت اڳتي وڌي رهي آهي اُها چين جي آهي، هن جي صدر شي جن پنگ جي مقبوليت جو وڏو راز اِهو ئي آهي ته گذريل 6 کان 7 سالن ۾ 400 کان وڌيڪ وزير جي سطح جي ماڻهن کي ڪرپشن تي جيل موڪليو آهي، مطلب ته هن سڀ کان وڏو احتساب ڪيو جنهن جي ڪري هو چين ۾ مقبول آهي. سندس چوڻ هو ته اڄ بيروت ۾ عوام حڪمرانن جي ڪرپشن جي خلاف روڊن تي آهي، اهڙي طرح چلي ۽  عراق ۾ عوام روڊن تي نڪتو آهي ڇو ته هي نئون زمانو آهي، سوشل ميڊيا ۽ موبائل فون جو زمانو آهي جنهن سان ماڻهن کي خبر پئجي رهي آهي.  هن چيو ته دنيا ۾ ماڻهن کي احساس ٿي ويو ته ڪرپشن ٿيندي ته اسان جو ملڪ اڳتي نٿو وڌي سگهي، دنيا ۾ جيڪي ڪرپٽ قومون آهن اُهي سڀ غريب آهن. وزير اعظم چيو ته جيڪي غريب ترين قومون آهن انهن وٽ سڀ کان وڌيڪ وسيلا آهن، ڪانگو ۾ ڪي هيرا ۽ سون ناهي پر هو غريب ترين ملڪ آهي، نائيجيريا تيل تي ويٺو آهي پر غربت اسان کان به وڌيڪ آهي ۽ سوئٽزرلينڊ کي ڏسي وسيلا ناهن ۽ دنيا جو امير ترين ملڪ آهي. ڪرپشن کي غربت جو بنيادي سبب قرار ڏيندي هن چيو ته جيڪڏهن توهان کي خوشحالي ڏسڻي آهي ته جنهن قوم ۾ ڪرپشن ناهي شفاف آهي اُها مٿي آهي جڏهن ته جيڪا قوم وسيلن جي باوجود ڪرپشن تي آهي اُها هيٺ آهي. تقريب کي خطاب ڪندي هن چيو ته جيڪي ماڻهو حڪومت ۾ اچي ڪرپشڻ ڪندا آهن انهن کي ڊپ هوندو آهي ته پيسو بينڪ ۾ رکنداسين ته سڀني کي خبر پئجي ويندي اُهو پيسو ٽي ٽي وغيره جي ذريعي ملڪ کان ٻاهر موڪليو ويندو آهي، ملڪ ۾ رهندو ته نظر اچي ويندو اهڙي ٻيڻو نقصان ڪندا آهن. پنهنجي ڳالهه کي جاري رکندي هن چيو ته جڏهن هنن کي پيسو ٻاهر موڪلڻو هوندو آهي ته انهن کي ڊالر خريدڻا پوندا آهن، جڏهن خريد ڪندا آهن ۽ مني لانڊرنگ ڪندا آهن ته ان سان رپئي تي دٻاءُ وڌي ويندو آهي، جڏهن رپيو ڪرندو آهي ته قوم جي دولت به گهٽ ٿي ويندي آهي. وزير اعظم عمران خان چيو ته ملتان ميٽرو آهي، ملتان جا ماڻهو چون ٿا ته اسان کي ميٽرو نه گهرجي، هنن کي ميٽرو هرو ڀرو ڏني وئي جيڪا خالي هلي رهي آهي ۽ اربين رپين جو نقصان ڪري رهيا آهن.

 

سنڌ ڪابينا شاگرد يونين جي بحالي جو بل منظور ڪري ورتو، ڪميٽي حوالي

ڪراچي(اسٽاف رپورٽر)  سنڌ ڪابينا شاگرد يونين جي بحالي جو بل سنڌ اسٽوڊنٽ يونين بل 2019 جي منظوري ڏئي ڇڏي آهي اسٽوڊنٽ يونين ڪنهن به تعليمي اداري، تعليمي تربيتي اداري چاهي اهو پبلڪ يا پرائيوٽ هجي بڻائي سگهي ٿو. سنڌ ڪابينا جي اجلاس ۾ فيصلا. اهڙين ڳالهين جو اظهار اطلاعات ۽ محنت واري صوبائي وزير سعيد غني سنڌ ڪابينا جي اجلاس ۾ ٿيل فيصلن بابت سنڌ اسيمبلي جي ڪميٽي روم ۾ پريس ڪانفرنس ڪندي ڪيو. هن چيو ته سنڌ جي وڏي وزير جي صدارت ۾ سنڌ ڪابينا جو اجلاس منعقد ٿيو. جنهن ۾ سنڌ جو چيف سيڪريٽري، صوبائي وزير، صوبائي صلاحڪار، ۽ تمام لاڳاپيل آفيسر شريڪ ٿيا. اجلاس ۾ گذريل نڪتن جي منظوري، 2019.20 لاءِ ڪمند جا اگهه مقرر ڪرڻ، کنڊ برآمد ڪرڻ لاءِ 10.7 رپيا في ڪلو گرام سپورٽ فريٽ ڏيڻ تي غور، ٿر بلاڪ ون ۾ بجلي ۽ مائننگ جي ڪم لاءِ چائنا جي ڪمپني کي ليز ڏيڻ، ورڪس پرافيٽ پارٽيسپيٽ فنڊ ۽ ورڪس ويلفيئر فنڊ جي ڪجهه منصوبن لاءِ ٿر پاور ڪمپني لميٽيد کي ڇوٽ ڏيڻ تي غور عائشه گيس فيلڊ کان گولارچي تائين وفاقي حڪومت پاران گيس لائڻ وڇائڻ لاءِ اين او سي کي جاري ڪرڻ، ڪمپيوٽر آپريٽر، ڊيٽا انٽري آپريٽر ۽ ڊيٽا پروسيسنگ آفيسرن جي اپ گريڊيشن، اسٽوڊنٽ يونين بل تي خيالن جي ڏي وٺ موٽروهيڪل آرڊينينس ۾ ترميم، سنڌ مينٽل هيلٿ جي رولز تي غورسنڌ ڪابينا جي فنانس سب ڪميٽي جي سفارشن جي منظوري ۽ ڪابينا جي مختلف رپورٽون پيش ڪيون ويون. سعيد غني ٻڌايو ته اجلاس ۾ شاگرد يونين جي بحالي وارو بل 2019 منظور ڪندي طئي ڪيو ويو ته اسٽوڊنٽ يونين کي تعليمي سرگرميون روڪڻ يا اسٽوڊنٽ گروپ ۾ نفرت وڌائڻ قانون جي خلاف هوندو اسٽوڊنٽ يونين لاءِ اسحلو رکڻ اسحلي جو استعمال ڪرڻ يا تعليمي ادارن ۾ آڻڻ قانون جي خلاف هوندو. اسٽودنٽ يونين جو ڪم تعليم جو ماحول بهتر ڪرڻ، نظم و ظبط پيدا ڪرڻ، غير نصابي سرگرمين کي هٿي وٺرائڻو هوندو، اسٽوڊنٽ يونين 7 کان 11 ميمبرن تي مشتمل هوندي اها يونين شاگرد چونڊ ڪندا اسٽوڊنٽ يونين جو ڪم سوشل ۽ اڪيڊمڪ ويلفيئر کي بهتر ڪرڻ هوندو هن ٻڌايو ته اجلاس ۾ ڪمند جا اگهه مقرر ڪرڻ جي حوالي سان ڳالهين جي ڏي وٺ ڪئي وئي زراعت واري وزير ۽ زراعت واري سيڪريٽري صوبائي ڪابينا کي بريفنگ ڏيندي ٻڌايو ته پنجاب حڪومت ڪمند جي قيمت 190 رپيا في 40 ڪلو گرام مقرر ڪئي آهي ۽ کنڊ جي قيمت به 66 رپيا في ڪلو گرام ٿي وئي آهي جنهن کانپوءِ سنڌ ڪابينا ڪمند جي قيمت گهٽ کان گهٽ 192 رپيا في 40 ڪلو گرام مقرر ڪرڻ جي منظوري ڏئي ڇڏي آهي اجلاس ۾ ٻڌايو ويو ته هن وقت 26 ملون ڪريش ڪري رهيون آهن سنڌ حڪومت ڪريشنگ جي تاريخ 30 نومبر مقرر ڪري ڇڏي جڏهن ته 50 پئسو في 40 ڪلو گرام پريميم جي به منظوري ڏني وئي اجلاس ۾ ٻڌايو ويو ته پاڪستان شگر ملز ايسوسي ايشن ( پي ايس ايم اي ) 2016.17 ۾ وفاقي سرڪار کي درخواست ڪئي هئي ته ان کي سرپلس کنڊ برآمد ڪرڻ جي اجازت ڏني وڃي ( پي ايس ايم اي )  به درخواست ڪئي هئي ته انهن کي 20 رپيا في ڪلو گرام ڪيش فريٽ سپورٽ ڏني وڃي ڇو ته عالمي منڊي ۾ کنڊ جي قيمت گهٽ آهي وفاقي ۽ صوبائي حڪومت 50.50 شيئر جي بنياد تي 10.7 في ڪلو گرام سبسڊي جي منظوري ڏني هئي جنهن کانپوءِ سنڌ حڪومت پنهنجي شيئر جي 3.393 بلين رپيا رليز ڪرڻ جي مشروط منظوري ڏني آهي فنڊ اسٽيٽ بينڪ کي ڏنا ويا آهن جيڪا پهريون کان ئي ادائيگي ڪري چڪي آهي ڪابينا اهو فيصلو به ڪيو ته ان کان پهريون ڪابينا اجلاس جي فيصلي تي عمل ڪيو وڃي ان وقت اهو معاملو نيب جي انڪوائري ۾ آهي اسٽيٽ بينڪ کي ان لاءِ فنڊ رليز ناهيون ڪري سگهيا ڇو ته انڪوائري جاري آهي نيب کي ڪليئرنس لاءِ لکنداسين اگر نيب ڪليئر ڪري ٿو ته رقم اسٽيٽ بينڪ کي جاري ڪئي ويندي سعيد غني ٻڌايو ته ٿرڪول فيلڊ بلاڪ ون ۾ ڪول مائننگ جي ترقي لاءِ سنو سنڌ ريسورس لميٽيڊ جي عملدرآمد معاهدي ۽ ليز معاهدي ۾ ڪجهه معمولي ترميم آهي ان ترميم جي روشني ۾ جيڪي سهولتون ٿر بلاڪ ٽو ۾ ڏنيون ويون آهن اهي بلاڪ ون کي به حاصل هونديون اجلاس ۾ توانائي واري کاتي ورڪرز پرافٽ پارٽيشپيشن فنڊ ( ڊبليو پي پي ايف) ۽ ورڪرز ويلفيئر فنڊ ( ڊبليو ڊبليو ايف ) کي ڇوٽ جي حوالي سان توانائي واري وزير امتياز احمد شيخ چيو ته 30 سالن لاءِ ٿرڪول فيلڊ جيڪا اسپيشل اڪنامڪ زون آهي کي ڊبليو پي پي ايف کان ڇوٽ ڏني وڃي اهو ڇوٽ جو معاملو فنانس ڪميٽي جي حوالي ڪيو ويو آهي ۽ فنانس ڪميٽي جيڪو فيصلو ڪندي اهو ئي ڪابينا جو فيصلو هوندو سنڌ ڪابينا توانائي واري وزير امتياز احمد شيخ کي ٿر پاور ڪمپني جو ڊائريڪٽر/ چيئرمين مقرر ڪرڻ جي منظوري ڏني آهي سعيد غني وڌيڪ ٻڌايو ته اجلاس ۾ ايس ايس جي سي ايل کي عائشه گيس فيلڊ کان ايم وي اي گولارچي ۾ گيس پائپ لائن وڇائڻ جي اجازت تي غور ڪيو ويو ۽ ٻڌايو ويو ته اها زمين ٻيلي کاتي سنڌ جي ملڪيت آهي، 40 فٽ ڪشادا ۽ 8 ڪلو ميٽر ڊگهي اها زمين ايس ايس جي سي ايل کي کپي جنهن تي سنڌ ڪابينا ٻيلي کاتي کي هدايت ڪئي ته هو قانون جي مطابق طريقو طئي ڪري اجلاس ۾ موٽر وهيڪل آرڊينينس 1965 ۾ ترميم تي غور ڪندي ٻڌايو ويو ته موٽر وهيڪل آرڊينينس 1965 ۾ ترميم جو مقصد سي اين جي فٽنس کي بهتر ڪرڻ آهي جنهن تي ڪابينا جي ميمبرن چيو ته وزير ٽرانسپورٽ ۽ قانون ان ترميم جو جائزو وٺي ڪري ان کي ٻيهر ڪابينا ۾ پيش ڪن اجلاس ۾ سنڌ مينٽل هيلٿ اٿارٽي جي رولز ۾ ترميم جي حوالي سان چيو ويو ته ترميم جي تحت ڪجهه لفظن ۾ تبديلي ڪئي وئي آهي جنهن کي صحت وارو وزير وڌيڪ بهتر ڪري ٻيهر پيش ڪندو. ڪابينا جلاس ۾ سنڌ جيل اصلاحات خدمتن جو بل 2019 به منظور ڪيو ويو آهي قانون موجب بزرگ قيدين جي جلد رهائي جي ڪوشش ڪئي ويندي. جڏهن ته بزرگ مرد قيدين جي عمر جي حد 65 سال ۽ عورت قيدين جي عمر جي حد 60 سال رکي وئي آهي. ڪابينا ۾ اهو به فيصلو ڪيو ويو ته جن قيدين کي سزئاون ٿي ويون آهن انهن کي سول سوسائٽي جا حق حاصل هوندا. سعيد غني ٻڌايو ته ڪابينا ميمبرن کي بريفنگ ڏني وئي ته بحريا ٽائون کان سنڌ جي زمين جي عيوض جيڪي چاو سئو سٺ ارب روپين جو معاهدو ٿيو هو جنهن تي سنڌ ڪابينا ايڊوڪيٽ جنرل سنڌ کي هدايت ڏني ته هو سپريم ڪورٽ ۾ درخواست دائر ڪري ته اهي پئسا سنڌ حڪومت کي ڏنا وڃن ۽ اهي پئسا سنڌ حڪومت واٽر سيڪٽر ۾ استعمال ڪندي. ڪابينا جي اجلاس ۾ ڄام اڪرام الله ڌاريجو جي والده لاءِ مغفرت جي دعا ڪئي وئي.

 

 

جيڪو ڪندو اهو ڀريندو، مالم جبه ۽ بي آر ٽي تي ايڪشن تيار آهي: نيب چيئرمين

اسلام آباد(ويب ڊيسڪ) قومي احتساب بيورو جي جسٽس (ر) جاويد اقبال جو چوڻ آهي ته بس ريپڊ ٽرانزٽ (بي آر ٽي) پشاور ۽ مالم جبا جا ريفرنسز تيار آهن پر منع نامي جي ڪري ڪارروائي نٿا ڪري سگهون. اسلام آباد ۾ بدعنواني جي عالمي ڏينهن جي مناسبت سان ٿيل تقريب کي خطاب ڪندي نيب چيئرمين چيو ته بدعنواني هڪ عالمگير مسئلو آهي، اِهو رڳو نيب جو ڪم ناهي جو هو بدعنواني جو خاتمو ڪري پر پر هر پاڪستاني جي فرضن ۾ شامل آهي. نيب چيئرمين چيو ته سسٽم جا بنياد ان ڪري مضبوط ناهن ڇو ته هر پاسي خود غرضي هئي، پنهنجا مفاد هئا زر ۽ اقتدار جي هوس هئي ان ڪري ملڪ ۾ اهڙا اهڙا تجربا ڪيا ويا جڏهن ماڻهو اکيون بند ڪري سوچيندو آهي ته اسان جي فهم ۽ فراست ڪٿي ويندي آهي ۽ اسان ڪهڙن رستن تي هليا ويندا. سندس چوڻ هو ته جڏهن حضرت ابو بڪر صديق خلافت سنڀالي ته پهريون ڪم  جي مشاورت کان پوءِ عمل ۾ آندو ويو هو اُهو اِهو هو ته هو پنهنجا ذاتي واپار نه ڪندا پر هتي ذاتي واپار تڏهن شروع ڪيو ويندو آهي جڏهن مضبوط اقتدار هجي ها يا اقتدار جي راهدارين ۾ هجن ها. جسٽس (ر) جاويد اقبال چيو ته خود احتسابي پهريون عمل آهي جنهن تي اسان کي عمل ڪرڻ گهرجي. نيب چيئرمين چيو ته پارليامينٽ قانون سازي ڪندو ته قانون جي حڪمراني جو تصور ايندو، قانون جي حڪمراني اِها ناهي ته پهرين توهان اسٽيٽس ڏٺو، پوءِ منهن ڏٺو، مرتبو پهچ ۽ اثر رسوخ ڏٺو پوءِ چيو ته اسان ايڪشن ناهيون وٺندا پر ٻئي پاسي ٿي نڪري ويندا آهيون. جسٽس (ر) جاويد اقبال چيو ته قانون سازي ۾ پارليامينٽ کي فعال ڪردار ادا ڪرڻو آهي. سندس چوڻ هو ته 2017ع کان پوءِ ڪو به اثر رسوخ، لالچ يا ڪا ڌمڪي اهڙي ناهي جيڪا رستي ۾ رنڊڪ بڻجي. هن چيو ته ماضي ۾ جيڪو ڪجهه ٿيو اهڙا ماڻهو به سامهون آهن جو ڪنهن جي اِها جرعت نه هوندي هئي جو انهن کان پڇيو وڃي ته توهان ڇا ڪيو آهي ان جو  ڪريڊٽ نيب ڏانهن وڃي ٿو جو اُهي ماڻهو جن وڏن ڇڪا هنيا اڄ اُهي جيل ۾ آهن، ضمانتن جي لاءِ ڪوشان آهن يا وري روانا ٿي چڪا آهن. نيب چيئرمين چيو ته حڪومت ڏانهن رڳو ايترو ڪريڊٽ ضرور وڃي ٿو ته ان ڪڏهن نيب ۾ يا ان جي معاملن دخل اندازي ناهي ڪئي. هن چيو ته ڪڏهن ڪڏهن وزيرن جا بيان ايندا رهندا آهن پر جيستائين هو جذباتي بيان نه ڏيندا انهن جو ووٽ بينڪ ڪيئن محفوظ رهندو. جسٽس (ر) جاويد اقبال چيو ته وزيرن کان گذارش ڪندس ته هو جيترا به قابل ۽ تجربيڪار آهن پر هو اڳڪٿين کان پاسو ڪن جيئن اڳڪٿي ڪئي ويندي آهي ته 2 هفتن ۾ فلاڻو شخص گرفتار ٿي ويندو ۽ هو اتفاق سان گرفتار ٿي وڃي ته هو وڏي برداشت وارو ثابت ٿيو جڏهن ته حقيقتون توهان جي سامهون آهن. هن چيو ته هميشه اِهو چيو ويندو آهي ته نيب جو رخ ته هڪ پاسي آهي گذريل ڀيري مون کي مجبور ٿي چوڻو پيو ته هوائن جو رخ تبديل ٿيڻ لڳو آهي ۽ اِهو ايندڙ ڪجهه هفتن ۾ توهان محسوس ڪندا. نيب چيئرمين چيو ته هڪ پاسي 30 کان 35 سالن جو دور ٻئي پاسي 12 کان 14 مهينن جو دور آهي ٿورو فرق ته ڪرڻو پوندو پر آئون خاطري ٿو ڪرايان ته پاڪستان ۾ ڪو به شخص، ڪو عهديدار ڀلي ارباب اختيار مان هجي يا مخالف ڌر مان نه ڪنهن سان دوستي آهي نه ڪنهن سان دشمني آهي، ڳالهه معمولي آهي ته جيڪو ڪندو اُهو ڀريندو. جسٽس (ر) جاويد اقبال چيو ته نيب تي الزام آهي ته بي آر ٽي پشاور 17 ارب کان شروع ٿي هئي 117 ارب تائين پهچي ويا آهن نيب ايڪشن ڇو نٿو وٺي رڳو ان ڪري ڪارروائي نٿي ڪري ڇو ته ڪجهه عدالتن جا منع ناما آهن. نيب چيئرمين بي چيو ته آر ٽي پشاور ۽ مالم جبا ريفرنسز تيار آهن منع نامي جي ڪري ڪارروائي نه پيا ڪري سگهون ۽ جڏهن هو ختم ٿي وينديون تڏهن ريفرنس داخل ڪرڻ جو وارو ايندو. نيب چيئرمين چيو ته چيو ويندو آهي ته نيب ڇا ڇا ڪيو آهي؟ نيب جڏهن کان وجود ۾ آيو تڏهن کان وٺي هن وقت تائين 3 سئو 82 ارب جي ريڪوري آهي جيڪا سرڪاري ناڻي ۾ جمع ٿي. هن وڌيڪ چيو ته 2017ع کان پوءِ نيب ۾ ٿوري تبديلي ٿي ۽ مداخلت جو خاتوم ٿيو جنهن جو خاتمو ڪيو ويو هو، 2017ع کان هن وقت تائين 1 سئو 53 ارب جي ريڪوري ٿي جنهن ۾ سڌي سنئين ۽ بالواسطه ريڪوري ٿي اُها به سرڪاري ناڻي ۾ جمع ڪرائي وئي.

 

اومني گروپ کي 29 ارب غير قانوني ڏيڻ جو الزام، ريفرنس داخل

اسلام آباد (م.ڊ) نيب راولپنڊي سنڌ بئنڪ ۾مبينا ڪرپشن اسڪينڊل جو ريفرنس داخل ڪري ورتو آهي. نيب طرفان اسلام آباد جي احتساب عدالت ۾ جعلي بئنڪ اڪائونٽس ڪيس جي حوالي سان اٺون ريفرنس پيش ڪيو ويو. نيب سنڌ بئنڪ ۾ قرضن جي حوالي سان مبينا ڪرپشن جو ريفرنس داخل ڪري ورتو آهي، جنهن ۾ بلاول شيخ ۽ طارق احسن وڌو 20 ڄڻن کي جوابدار نامزد ڪيو ويو آهي. ريفرنس ۾ نيب چيو آهي ته جوابدارن تي اومني گروپ کي غيرقانوني طريقي سان 29 ارب رُپيا قرض ڏيڻ جو الزام آهي، اُنهن مان 25 ارب رُپيا اڃا تائين ادا نه ڪيا ويا آهن. ريفرنس موجب 1.84 ارب رُپين جو قرض اومني جي ٽن بي نامي اڪائونٽس کي فراڊ ذڙيعي ڏنو ويو، جڏهن ته 1.84 ارب جو قرض سمٽ بئنڪ کي ڪيپيٽل کي پورو ڪرڻ لاءِ ڏنو ويو. سنڌ بئنڪ ۾ مبينا ڪرپشن جي حوالي سان داخل ٿيل ريفرنس ۾ ڄاڻايو ويو آهي ته اومني گروپ جي 6 ملازمن جي نالي تي جعلي بئنڪ اڪائونٽس کوليا ويا، بلال شيخ ۽ طارق احسن سنڌ بئنڪ جي صدر طور ذميواريون ڏيندا رهيا. ٻئي اڊيالا جيل ۾ قيد آهن.

 

عمران خان کي مائنس ڪرڻ جا خواب ڏسندڙ پاڻ مائنس ٿي رهيا آهن، قومي ناڻو لُٽيندڙ سياست ڇڏڻ جو منصوبو جوڙن: فردوس عاشق اعواڻ

اسلام آباد (اين اين آءِ) وزيراعظم جي سڌ سماءَ بابت مددگار فردوس عاشق اعواڻ چيو آهي ته عمران خان کي مائنس ڪرڻ جو خواب ڏسڻ وارا پاڻ مائنس ٿي رهيا آهن، ٽوئيٽر تي بيان ۾ هن چيو ته هن وقت سياسي محاظ تي ٻن نظرين جو ٽڪراءُ ٿي رهيو آهي، هن چيو ته هڪ نظريو قومي دولت لٽي مني لانڊرنگ ذريعي ٻاهر ملڪيتون اڏڻ وارن جو آهي، هن چيو ته ٻيو نظريو عمران خان جو آهي جيڪو قوم جي لٽيل هڪ هڪ پائي اڳاڙڻ جي مشن تي ڪم ڪري رهيو آهي، هن چيو ته انشاالله عمران خان قومي دولت هٿ ڪرڻ جي جدوجهد ۾ ڪامياب ٿيندو، هن چيو ته جن کي پاڪستان جي عوام مائنس ڪيو آهي اهي سازشون ڪري پاڻ کي ٻيهر ڪابل بڻائڻ لاءِ منٿون ڪري رهيا آهن، سازشون ڪندڙن کي خبر هئڻ گهرجي ته اهي پاڪستان جي سياست مان مائنس ٿي چڪا آهن، ڪرپشن سان پنهنجي دولت کي پلس ڪرڻ وارا هاڻ مائنس جو گوڙ ڪرڻ بدران قوم کي لٽيل دولت واپس ڪن، هن چيو ته پاڪستان ۾ سياسي احتجاج ٺيڪي تي ان جي رهبر مولانا ۽ ساٿارين جي حوالي آهي، هن چيو ته دولت ۽ پاڻ کي بچايو پلانز ۽ سازشون ناڪام ٿي ويون آهن، هن چيو ته پاڻ کي رليوينٽ رکڻ جو آخري پلان به ناڪام ٿي چڪو آهي. هاڻ کين سياست ڇڏڻ جو پلان جوڙڻ گهرجي.

 

پاڪ ايران فورسز جي بارڊر تي گڏيل پيٽرولنگ بابت ڊان اخبار جي خبر غلط آهي: ترجمان پاڪ فوج

راولپنڊي (ويب ڊيسڪ) پاڪ فوج جي ترجمان ميجر جنرل آصف غفور چيو آهي ته پاڪ ايران فورسز جي بارڊر تي گڏيل پيٽرولنگ بابت ڊان اخبار جي خبر غلط آهي. سماجي رابطن جي ويب سائيٽ ٽوئيٽر تي بيان جاري ڪندي ڊي جي آءِ ايس پي آر چيو ته پاڪ ايران بارڊر تي گڏيل پيٽرولنگ جي حوالي سان ڊان اخبار ۾ ڇپيل خبر ۾ ڪا صداقت ناهي. سندس چوڻ هو ته پاڪستاني بارڊر تي ڪنهن به قسم جي گڏيل پيٽرولنگ نه پئي ٿئي، پيٽرولنگ يا آپريشنز جي ضرورت پئي ته پنهنجي علائقن ۾ لاڳاپيل فورسز ڪنديون.

 

سنڌ ۾ گونر راڄ وفاق جو خواب آهي، ڪيتريون ئي اڳڪٿيون ٿيون ته سنڌ حڪومت وڃي ٿي پر اڄ به قائم آهي: بلاول ڀٽو زرداري

اسلام آباد (ويب ڊيسڪ) پ پ چيئرمين بلاول ڀٽو زرداري چيو آهي ته سنڌ ۾ گونر راڄ وفاقي حڪومت جو خواب آهي، ڪيتريون ئي اڳڪٿيون ٿيون ته سنڌ حڪومت وڃي ٿي پر اڄ به قائم آهي. اسلام آباد ۾ صحافين سان ڳالهائيندي بلاول ڀٽو زرداري چيو ته نااهل ۽ سليڪٽڊ وزيراعظم ۽ سندس حڪومت عوام جا مسئلا حل نٿي ڪري سگهي، رڳو مخالفن کي دٻاءَ ۾ رکڻ لاءِ مختلف حربا استعمال ڪيا پيا وڃن، حڪومت سياسي مخالفن تي دٻاءُ وجهڻ چاهي ٿي پر اسان ڪنهن به صورت ۾ خاموش نه ٿينداسين. هن چيو ته وزيراعظم ڪرپٽ ماڻهن کي ڳولڻ لاءِ موبائل ايپ لائچ ڪري رهيو هو پر کيس پنهنجي ڀر ۾ ويٺل ماڻهو نظر نه پيا اچن، موبائل ايپ ايوان ۾ ويٺڪ ڪرپٽ ماڻهن کي ڇو نٿي پڪڙي سگهي، بي آر ٽي ۽ مالم جبا ڪيس جي اڄ تائين ڪا جاچ ناهي ٿي. سندس چوڻ هو ته اهي پنهنجي جعلي حڪومت بچائڻ لاءِ سوديبازي ڪندا آهن، عمران خان، نواز شريف کي ٻاهر موڪلي چئي ٿو ته کيس نه ڇڏيندس، ماڻهن توهان کي سڃاڻي ورتو آهي، ڪوڙ ڳالهائڻ بند ڪيو، عوام ڪٺ پتلي جو تماشو نٿو ڏسڻ چاهي پر مسئلن جو حل گهري ٿو. پ پ چيئرمين وڌيڪ چيو ته نواز شريف کي سزا ٿي چڪي هئي، جڏهن ته آصف زرداري جي رڳو الزام آهن پر پوءِ به هو جيل ۾ آهي، طبي بنيادن تي نواز شريف کي رليف ملڻ ان جو حق هو، آصف زرداري جي ميڊيڪل بورڊ جي رپورٽ عدالت ۾ پيش ڪئي وڃي، ضمانت ٿي ته آصف زرداري کي ڪراچي جي اسپتال ۾ منتقل ڪنداسين، اميد ته عدالت مان انصاف ملندو.

 

نواز شريف جي گهر ٻاهران احتجاج جي مذمت، ن ليگ وارا پهرين چوندا آهن ته ووٽ کي عزت ڏيو ۽ پوءِ چوندا آهن اسان کي وڃڻ ڏيو:مراد سعيد

اسلام آباد(ويب ڊيسڪ) مواصلات واري وفاقي وزير مراد سعيد چيو آهي ته نواز شريف جي گهر ٻاهران ٿيل احتجاج جي مذمت ڪيون ٿا، ن ليگ وارا پهرين چوندا آهن ته ووٽ کي عزت ڏيو ۽ پوءِ چوندا آهن ته اسان کي وڃڻ ڏيو. اِها ڳالهه هن قومي اسيمبلي جي اجلاس ۾ مسلم ليگ ن جي اڳواڻ خواجا آصف جي تقرير جي جواب ۾ پنهنجي خيالن جو اظهار ڪندي چئي. مراد سعيد چيو ته ليگي اڳواڻ گهر جي ٻاهران احتجاج جون ڳالهيون ڪري رهيا آحن ان کان ته پهرين مڃيو ئي نه ويندو هو، نواز شريف جي ان گهر کي ثابت ڪرڻ ۾ اسان کي 5 سال لڳا، نواز شريف جي گهر ٻاهران ٿيل احتجاج جي مذمت ڪيون ٿا. وفاقي وزير چيو ته هي ماڻهو عجيب ڳالهيون ڪندا آهن، جيڪي چون ٿا ته ان جي پاڻ ئي نفي ڪن ٿا، پهرين چوندا رهيا ته ووٽ کي عزت ڏيو ۽ هان چون ٿا ته اسان کي وڃڻ ڏيو. هن خواجا آصف جي تقرير جو جواب ڏيني چيو ته اڄ قومي اسيمبلي ۾ اسان کي سڌو سنئون وڏيون وڏيون ڌمڪيون ڏنيون پيون وڃن، اِهو ڄاڻڻ چاهيون ٿا ته لنڊن مان واپسي تي هن کان سوال ٿيندا. وڏا وڏا محل بڻيا پيا آهن هي پاڪستان جو پيسو هو جيڪو لنڊن اچي ويو، هي اِهي ملڪيتون آهن جن جي باري ۾ چيو ويندو هو ته اسان جون لنڊن ۾ ته ڇا پر پاڪستان ۾ به ڪي ملڪيتون ناهن. مراد سعيد چيو ته ٻيڙا اسان به ساڙي سگهون ٿا، ڌمڪين جو ڪلچر نه هلندو، اسان مقابلو ڪرڻ لاءِ تيار آهيون، خواجا آصف وفاقي وزير هوندي متحده عرب امارات مان ڌوٻي يا مزدور جي پگهار وٺندو رهيو.

 

سنڌ ۾مارچ ۾ تبديليون ڏسي رهيو آهيان، مريم جو پرڏيهه وڃڻ نظر نه پيو اچي، ڪابينا ۾ مريم جي لاءِ ڪو ووٽ ناهي: شيخ رشيد

اسلام آباد(ويب ڊيسڪ) ريلوي واري وفاقي وزير شيخ رشيد احمد چيو آهي ته فضل رحمان جي آزادي مارچ ۾ منهنجي سوچ کان وڌيڪ ماڻهو آيا، فضل رحمان منهنجي سوچ کان 4 ڏينهن وڌيڪ اسلام آباد ۾ ترسيو، فضل رحمان پيسا پورا ڪري واپس وريو، شيخ رشيد چيو ته مولانا فضل رحمان ٻڌائي ته کيس آزادي مارچ مان ڇا هٿ آيو، هو اسان کي ڪنهن نٿو ٻڌائي سگهي ته عالم سڳورن کي ٻڌائي ته کيس ڪنهن استعيفيٰ ملي، ڊسمبر جا 10 ڏينهن گذري ويا، 20 ڏينهن به گذري ويندا، پوءِ فضل رحمان چوندو ته مارچ تائين حڪومت هلي ويندي، تاريخن سان حڪومتون ناهن وينديون، اها فضل رحمان جي ڀل آهي، هاڻ فضل رحمان کي ڪجهه هٿ نه ايندو، ان هائوس تبديلي جي ڳالهه ڪندڙ اجايا خواب ڏسي رهيا آهن، ڌرڻن ۾ هڪ ڏينهن جا خرچ 10 سالن جي سياست جي برابر آهن، هن وقت سياست ۾ فضل رحمان کان وڌيڪ خراب هال ن ليگ جو آهي، شريف خاندان کي نزلو، زڪام ۽ بخار ٿئي تڏهن به لنڊن وڃن ٿا، کين سرنجون به لنڊن جون پسند اچن ٿيون، نواز شريف جي ڊاڪٽر جو ميڊيڪل به چيڪ ڪنداسين ته هو سياسي ڊاڪٽر آهي يا اصل ڊاڪٽر سڀ ڪجهه ظاهر ٿي ويندو. هن چيو ته شريف ڀائرن کي آرام لنڊن وڃي اچي ٿو، لنڊن ۾ وڃي ساهه پٽيندڙ ميگا پراجيڪٽ مافيا، چورن ۽ ٺڳن جو ٽولو آهي جيڪو پهريان نواز شريف کي سعوديا وٺي ويو هو ۽ هاڻ اهو ئي ٽولو کيس لنڊن وٺي ويو آهي، جيستائين حالتون نارمل نه ٿينديون آل شريف واپس نه ايندو.

سڀ چئي رهيا آهن ته مريم بي بي پرڏيهه وڃي رهي آهي پر مون کي نٿو لڳي، ڪابينا ۾ مريم جي لاءِ ڪو ووٽ ناهي. تفصيل موجب ريلوي واري وزير شيخ رشيد خانگي ٽي وي چينل جي پروگرام ۾ ڳالهائيندي چيو ته ڪابينا جي صورتحال ٻڌائي رهيو آهيان،  مريم نواز جي لاءِ ووٽ ناهي، وفاقي ڪابينا ۾ نواز شريف جي لاءِ 16 ووٽ هئا، اڱاري تائين مريم نواز ويندي نظر نه پئي اچي، مريم ڇو خاموش آهي، اِهو سڄي قوم ڄاڻي ٿي، هن جي لاءِ خاموشي ئي بهترين عبادت آهي. هن چيو ته ن ليگ بزدلن جي پارٽي آهي، ڪيڏانهن ويو انهن جو نظريو، بيمار نواز شريف آهي پر شهباز شريف به ٻاهر ويو آهي، ملڪ ۾ ڪو هنگامو نه ٿيو ته شريف خاندان جي وطن واپسي ۾ ڏاڍي دير ڏسي رهيو آهيان. شيخ رشيد چيو ته هر سياست دان جي پٺيان چهرا هوندا آهن، اِهي ئي چهرا انهن کي هلائيندا آهن، عمران خان سڀني کي گڏي راضي نٿو رکي، ڪنهن به اي ٽي ايم کي عمران خان کان خوش ناهي ڏٺو، هر اي ٽي ايم ۾ ڪير نه ڪير ڦاٿل آهي، جنوري ۾ وڏا وڏا ڪيس سامهون اچڻ وارا آهن، ٽرڪن جي حساب سان پيسا به پاڪستان پيا اچن. ريلوي واري وزير چيو ته بلاول ڀٽو اخلاق کان ڪريل جملا چئي رهيو آهي، وزير اعظم عمران خان بابت اهڙا جملا مناسب ناهن، ائين نه ٿئي جو مون کي فرنٽ فٽ ۾ اچڻو پوي، تحريڪ انصاف کي ووٽ ئي احتساب جي لاءِ مليو آهي، احتساب کان پوئتي هٽڻ جو مطلب خان جو سياست ۾ پوئتي هٽڻ هوندو، حمزه ۽ خورشيد شاهه جا ڪييس ڏاڍا سنگين آهن، سنڌ ۾مارچ ۾ تبديليون ڏسي رهيو آهيان، ڪيترن ماڻهن جا ڪيس مڪلم ٿيندا رهيا آهن. هن ٻڌايو ته قمر زمان ڪائره جي لاءِ آصف زرداري وٽ سفارشن ورتيون ويون هيون انهن کي وزير اعظم بڻائي ڇڏيو، اِن هائوس تبديلي جون ڳالهيون ڪندڙ خواب ڏسي رهيا آهن، حڪومت جو 7 آرڊيننس گڏي موڪلڻ ٺيڪ نه هو، چوڌري ڀائر اسان جا سڳا ڀائر آهن هو ڪيڏانهن ناهن وڃي رهيا، وفاقي ڪابينا ۾ تبديلي جا افواهه بي بنياد آهن، عمران خان جي سرپرستي ۾ حڪومت 5 سال پورا ڪنداسين.

 

نواز شريف جي دماغ کي رت پهچائيندڙ شريان 88 سيڪڙو بند آهي، ڊاڪٽرن موجب سنگين نتيجا نڪري سگهن ٿا: مريم اورنگزيب

لاهور /اسلام آباد (اين اين آءِ/ويب ڊيسڪ) ن ليگ ترجمان مريم اورنگزيب چيو آهي ته ڊاڪٽرن نواز شريف جو علاج آمريڪا مان ڪرائڻ جي صلاح ڏني آهي. اڳوڻي وزيراعظم نواز شريف جي صحت بابت بيان ڏيندي مريم اورنگزيب جو چوڻ هو ته نواز شريف جي دماغ کي رت پهچائيندڙ شريان 88 سيڪڙو بند آهي، ڊاڪٽرن موجب ڪيترين ئي طبي ڏکيائين جا سنگين نتيجا نڪري سگهن ٿا. هن ٻڌايو ته ڊاڪٽرن نواز شريف کي علاج لاءِ آمريڪا جي ماهرن سان رابطو ڪرڻ جي صلاح ڏني آهي، پي اي ٽي اسڪين جي روشني ۾ نواز شريف جي بائيوپسي ڪئي ويندي، پليٽيليٽس جي معاملي ۾ به بهتري پيدا ناهي ٿي، جنهن سبب اڳوڻي وزيراعظم کي اسٽيرائڊز جو هاءِ ڊوز ڏيڻ جو سلسلو جاري آهي. ن ليگ ترجمان موجب اسٽيرائڊز ۽ پليٽيليٽس جي دوائن سبب نواز شريف جي شگر تمام وڌيل آهي، ڊاڪٽر شگر ۽ جي پليٽيليٽس جي توازن کي برقرار رکڻ جي ڪوشش ڪري رهيا آهن.

ن ليگ جي ترجمان مريم اورنگزيب چيو آهي ته عمران صاحب توهان پنهنجي خطاب ۾ ڇا چيو عوام کي لفظ به سمجهه ۾ نه آيو، توهان جي طبيعت ٺيڪ هئي، سڄو خطاب ٿيندو آهي، جنون آهي، دماغ آهي، دل آهي، هي آهي، هو آهي، هي هو، اهو هو، اهو هو، پنهنجي بيان ۾ هن چيو ته عمران صاحب توهان جو نيان پاڪستان اڄ جي خطاب تائين خيالي آهي، توهان بلڪل صحيح چيو توهان جي ڀيٽ ٻين حڪومتن سان ڪئي ويندي ته 15 مهينن ۾ ترقي جي شرح اڌ ۽ مهانگائي ٽيڻ تي ڪري ڇڏي، ڀيٽ ڪئي ويندي ته 15 مهينن ۾ تاريخ 14 هزار ارب قرض ورتو، نواز شريف جي سي پيڪ، 11 هزار ميگاواٽ بجلي، 11 هزار ڪلوميٽر موٽر وي، آنا، پاڏا ۽ ڪڪڙين سان، شهباز شريف جي لاهور، اسلام آباد، راولپنڊي، ملتان ميٽرو ۽ اورنيج ٽرين جو پشاور ميٽرو جي هڪ ارب جي کڏڻ سان، عمران صاحب ميرٽ جي لتاڙ ته توهان جهڙن نالائقن کي 22 ڪروڙ عوام تي مڙهي ٿي وئي، توهان جي ميرٽ، بي آرٽي جي هڪ کرب جي کڏن جي ڪرپشن جي جاچ کي روڪڻ آهي، توهان جو ميرٽ ڪي پي ڪي ۾ احتساب ڪميشن ۽ اينٽي ڪرپشن کي تالو لڳائڻ آهي.