تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: December 3, 2019

مشڪل معاشي حالتن باوجود حڪومتي قدمن سبب معيشت سگهاري ٿي آهي: عمران خان

اسلام آباد (اين اين آءِ) وزيراعظم عمران خان اٽارني جنرل کي ايف بي آر بابت التوا هيٺ جلد کان جلد حل ڪرڻ جي هدايت ڪندي چيو آهي ته ڪيس جلد حل ٿيڻ سان ڪاروباري برادري جا مسئلا حل ٿيندا، ڪاروباري معاملن ۾ سولائي پيدا ٿيندي، ريفنڊنگ جي ادائگي جي سلسلي ۾ متعارف ڪرايل نظام کي وڌيڪ آسان بڻايو وڃي، مشڪل معاشي حالتن جي باوجود حڪومتي قدمن جي نتيجي ۾ معيشت سگهاري ٿي آهي، ڪاروباري طبقي جو اعتماد وڌيو آهي، مستحڪ ماڻهن کي در تي کاڌو فراهم ڪرڻ وارو قدم ساراهه جوڳو آهي، حڪومت منصوبي جي ڪاميابي لاءِ سهولت فراهم ڪندي، هنرمند نوجوان لاءِ نوڪرين جا موقعا پيدا ڪرڻ حڪومت جي پهرين ترجيح آهي، وزيراعظم عمران جي صدارتي هيٺ سومر تي حڪومتي معاشي ٽيم جو اجلاس ٿيو، اجلاس ۾ حماد اظهر، مخدوم خسرو بختيار، اسد عمر، عمر ايوب، عبدالحفيظ شيخ، اٽارني جنرل انور منصور خان، فردوس عاشق اعواڻ، ڊاڪٽر ثانيا نشتر، نديم بابر، زبير گيلاني، رضا باقر، شوڪت ترين ۽ ٻين شرڪت ڪئي، اجلاس ۾ ملڪي معاشي صورتحال، اعليٰ عدالتن ۾ ايف بي آر سان لاڳاپيل ڪيسن جي حوالي سان اڳڀرائي، ايڪسپورٽرز جي ٽيڪس ريفنڊ جون ادائگيون، ترڪمانستان، افغانستان، پاڪستان، ڀارت (تاپي) گيس لائين منصوبي ۾ اڳڀرائي، نان ٽيڪس روينيو وڌائڻ جي سلسلي ۾ قدم ۽ ترقياتي منصوبن ۾ اڳڀرائي جو جائزو وٺڻ لاءِ کينل قدمن تي بريفنگ ڏني وئي. اٽارني جنرل اجلاس کي سپريم ڪورٽ، اسلام آباد ها3 ڪورٽ، لاهور هاءِ ڪورٽ، سنڌ هاءِ ڪورٽ ۽ پشاور هاءِ ڪورٽ ۾ ايف بي آر سان لاڳاپيل التوا هيٺ ڪيسن تي بريف ڪيو، وزيراعظم اٽارني جنرل کي هدايت ڪئي ته التوا هيٺ ڪيس جلد کان جلد حل ڪرڻ لاءِ ڪوشش تيز ڪئي وڃي، هن چيو ته ايف بي آر سان لاڳاپيل ڪيسن ۾ حڪومت جو موقف عدالت اڳيان رکڻ لاءِ اٽارني جنرل آفيس کي گهربل وسيلا فراهم ڪيا ويندا، وزيراعظم نان روينيو ٽيڪس وڌائڻ جي سلسلي ۾ ڪوششن کي ساراهيو، ترقياتي منصوبن تي عمل ۽ ان جي اڳڀرائي تي نظر رکڻ لاءِ سيڪريٽري رٿابندي ٻڌايو ته ترقياتي منصوبن جو پهريون 3 ماهي جائزو 21 آڪٽومبر پهرين نومبر دوران ورتو ويو جنهن ۾ سمورن ادارن کي هدايت ڪئي وئي آهي ته اهي سمورن ترقياتي منصوبن تي بروقت عمل ڪن، هن چيو ته ترقياتي منصوبن جو جائزو جنوري 2020، جڏهن ته ساليانو جائزو آگسٽ ۾ ورتو ويندو، ان سان گڏ وزيراعظم جي هدايت تي ترقياتي منصوبن جو ماهوار جائزو ورتو پيو وڃي، جهن ٻڌايو ته ترقياتي منصوبن کي اڳيان رکي نظر رکڻ لاءِ آن لائين نظام شروع ڪيو پيو وڃي، ان سان گڏ ڏورانهن علائقن ۾ انهن منصوبن تي نظر رکڻ لاءِ سيٽ لائيٽ مانيٽرنگ ڪئي پئي وڃي، اڳوڻي ناڻي وزير شوڪت ترين اجلاس کي لاهور ۾ فوڊ بينڪ جاري ٿيڻ جي حوالي سان آگاهه ڪيو، وزيراعظم مستحڪ ماڻهن کي سندن در تي کاڌو فراهم ڪرڻ واري قدم جي ساراهه ڪندي چيو ته حڪومت هن منصوبي جي ڪاميابي لاءِ وڌ ۾ وڌ سهولت فراهم ڪندي، وزيراعظم چيو ته حڪومت جو سمورو ڌيان عام ماڻهو کي رليف فراهم ڪرڻ تي آهي.

 

سنڌ ۾ ماڪڙ جا حاڃان، سنڌ حڪومت وفاق کان مدد گهري ورتي، 10 ملين جي گرانٽ به منظور

ڪراچي(اسٽاف رپورٽر)  وزير اعليٰ سنڌ سيد مراد علي شاھ جي وفاقي وزير خسرو بختيار سان ٽيليفو تي رابطو ۽ سنڌ صوبي ۾ ماڪڙ سان متاثر علائقن ۾ اسپري لاءِ پلانٽ پروٽيڪشن کاتي جي جهارن جي فراهمي جي درخواست. وزير اعليٰ سنڌ چيو ته لاڳاپيل کاتي ۾ فنڊز جي ڪمي جيڪري دوائن ۽ پائلٽ جي ڪمي کي پورو ڪرڻ لاءِ سنڌ حڪومت 10 ملين روپين جي فوري گرانٽ به منظوري ڪري ڇڏي آهي ته جيئن ماڪڙ جي خاتمي لاءِ اسپري ڪري سگھجي. وزير اعليٰ سنڌ زراعت کاتي جي اجلاس جي صدارت ۾ ماڪڙ سان متاثر علائقن جو فوري سروي ڪرڻ جي هدايت ڪئي. تفصيل مطابق وزير اعليٰ سنڌ سيد مراد علي شاھ سومر واري ڏينهن نيشنل فوڊ سڪيورٽي اينڊ ريسرچ واري وزير خسرو بختيار سان ٽيلي فون تي رابطو ڪيو ۽ کيس صوبي ۾ ماڪڙ جي حملي ۽ انڪري وڏي پيماني تي فصلن جي خرابي جي حوالي سان تفصيلي طور تي آگاھ ڪيو. وزير اعليٰ سنڌ سيد مراد علي شاھ وفاقي وزير کي چيو ته سندس انتظام هيٺ پلانٽ پروٽيڪشن ڊپارٽمينٽ وٽ موجود اسپري جي جهاز جي فراهمي کي يقيني بڻايو وڃي. وزير اعليٰ سنڌ چيو ته ماڪڙ جيڪري صوبي جي ڪيترن ئي ضلعن ۾ بيٺل فصل کي نقصان رسيو آهي ۽ اڃان به ڊپ آهي ته ماڪڙ جي حملي سان وڌيڪ نقصان ٿيندو. وزير اعليٰ چيو ته ڄاڻايل وفاقي اداري وٽ وسيلن جي ڪمي سبب سنڌ حڪومت 10 ملين روپين جي گرانٽ به منظور ڪري ورتي آهي ۽ اسان چاهيون ٿا ته فوري طور تي متاثر علائقن ۾ جهاز جي ذريعي اسپري جو ڪم سرانجام ڏنو وڃي. ان کان پهرين وزير اعليٰ سنڌ سيد مراد علي شاھ جي صدارت هيٺ زراعت کاتي جو اجلاس منعقد ٿيو. اجلاس ۾ صوبي ۾ ماڪڙ جي حملن سان فصلن کي ٿيل نقصان تي ڳڻتي جو اظهار ڪيو ويو آهي. وزير اعليٰ سنڌ زارعت کاتي جي آفيسرن کي هدايت ڪئي ته فوري طور تي ماڪڙ سان متاثر علائقن جو سروي ڪري نقصان جو جائزو ورتو وڃي.  سنڌ جي وڏي وزير سيد مراد علي شاهه پاران وفاقي پلانٽ پروٽيڪشن ڊپارٽمنٽ کي رڻ پٽ وارن علائقن ۾ ٽڊين جي رهائشگاهه تي فضائي اسپري ڪرڻ لاءِ 3 ايئر ڪرافٽس، فيول ۽ ڪيڙي مار دوائن جو بندوبست ڪرڻ لاءِ 10 ملين رپيا ڏيڻ جو فيصلو ڪيو آهي. هن اهو فيصلو اڄ وزيراعليٰ هائوس ۾ هڪ اجلاس جي صدارت ڪندي ڪيو. اجلاس ۾ چيف سيڪريٽري سنڌ سيد ممتاز علي شاهه، سينئر صلاحڪار نثار کهڙو، صوبائي وزير زراعت اسماعيل راهو، وڏي وزير جو پرنسپل سيڪريٽري ساجد جماو ابڙو، سيڪريٽري زراعت آغا ظهير الدين، ڊي جي ايگريڪلچر ايڪسٽينشن هدايت الله، وفاقي حڪومت جي پلانٽ پروٽيڪشن واري ڊي جي فلڪ ناز  ۽ ٻين لاڳاپيل عملدارن شرڪت ڪئي. وڏي وزير چيو ته ٽڊين 11 ضلعن ۾ تيار فصلن کي گهڻو نقصان پهچايو آهي جيڪڏهن وفاقي حڪومت جو ادارو پلانٽ پروٽيڪشن وقت تي اسپري ڪري ها ته نقصان تي ضابطو ڪري سگهجي پيو. هن زراعت کاتي کي هدايت ڪئي ته فصلن کي پهچندڙ نقصانن جو سروي ڪرايو وڃي.  زراعت بابت صوبائي وزير اسماعيل راهو وڏي وزير کي ڄاڻ ڏيندي ٻڌايو ته ريگستاني ٽڊيون سڀ کان پهرين خيرپور جي نارا ٻيٽ ۾ 13 مئي 2019 تي نظر  آيون هيون جيڪو انڊيا وٽان آيون هيون. هن چيو ته ڊگهي چوماسي واري موسم ڪارڻ ٽڊين ريگستاني علائقن ۾ بيضا ڏنا ۽ انهن مان نڪرندڙ ٽڊين رڻ پٽ وارن علائقن ۾ تباهي ڪئي جنهن جي نتيجي ۾ هارين کي سخت نقصان پهتو. وڏي وزير کي ٻڌايو ويو ته ٽڊين جا لشڪر ڪيترن ئي ضلعن ۾ لڌا ويا جنهن جي نتيجي ۾ تيار فصلن کي سخت نقصان پهتو.  واضح رهي ته وفاقي پلانٽ پروٽيڪشن واري کاتي کي ٻڌايو ويو هو ته هو نارا جي ٻيٽ ۾ ڪنٽرول آپريشن شروع ڪري. وفاقي پلانٽ پروٽيڪشن جي اداري ڪنٽرول آپريشن شروع ڪري ڇڏو هو پر کين مالي ڏکائين ۽ ٻين سببن وگهي ڪنٽرول پروگرام مناسب طريقي سان شروع نه ٿي سگهيو. وڏي وزير کي ٻڌايو ويو ته وڌيڪ متاثر ٿيندڙ علائقن ۾ ضلعي سکر جو صالح پٽ، خيرپور جو نارا ٻيٽ، گهوٽڪي جو رڻ پٽ، ٿر جا ريگستاني علائقا مثال طور ڇاڇرو، ڏاهلي، ننگرپارڪر، اسلام ڪوٽ، اڇڙو ٿر، سانگهڙ، عمرڪوٽ جو رڻ پٽ، شهيد بينظير آباد جو تعلقو دوڙ جو گنگو ٿر شامل آهن.  زراعت واري صوبائي وزير اسماعيل راهو چيو ته کاتي مختلف متاثر ٿيندڙ علائقن 247،297 ايڪڙ ۾ ڦوهارو ڪرايو جيڪو 319.695 ملين رپين جي فنڊز سان ڪرايو ويو جيڪي وڏي وزير ڊپٽي ڪمشنر کي ڏنا. وڏي پلانٽ پروٽيڪشن بابت وفاقي وزير جي ڊائريڪٽر جنرل کي چيو ته اهي ڪيترا ايئر ڪرافٽس استعمال ڪري رهيا آهن. هن چيو ته کين سنڌ ۾ هڪ هيلي ڪاپٽر آهي جنهن کي فيول ۽ ڪيڙي مار دوائون جي کوٽ جهڙا مسئلا درپيش آهن. هن چيو ته جيڪر ان جي فنڊز جا مسئلا حل ڪيا وڃن ته هو 3 هيلي ڪاپٽر جو بندوسبت ڪري سگهن ٿا. هن چيو ته جيڪڏهن انهن لاءِ فيول ۽ ڪيڙي مار دوائون جو بندوبست ڪيو وڃي ته هو وڌيڪ 2 هيلي ڪاپٽر جو انتظام ڪري سگهن ٿا. جنهن تي وڏي وزير ناڻي واري سيڪريٽري حسن نقوي کي جلد 10 ملين رپيا جاري ڪرڻ جي هدايت ڪئي ته جيئن وفاقي حڪومت جو ادارو پلانٽ پروٽيڪشن صوبائي زراعت کاتي سان گڏجي آپريشن شروع ڪري سگهي. هن چيو ته زمين ڪڻڪ جي فصل لاءِ تيار ڪئي وئي آهي ۽ هلندڙ مهيني جي آخر تائين لڻائي به شروع ٿي ويندي. جيڪڏهن اها ئي صورتحال رهي ته سڄي جو سڄو فصل ٽڊيون کائي وينديون. هن چيو آپريشن ايندڙ 4 ڏينهن اندر لازمي طور شروع ڪيو وڃي. وڏي وزير چيف سيڪريٽري کي هدايت ڪئي ته هو ريگستاني علائقن ۾ ٽڊين جي خلاف آپريشن جي مانيٽرنگ ڪن ۽ ضلعي انتظاميا ، زراعت کاتو ۽ وفاقي ادارو پلانٽ پروٽيڪشن وچ ۾ ويجها رابطا رکيا وڃن ته جيئن اهو ڪم گهٽ کان گهٽ وقت ۾ ٿي سگهي.

 

اڳ ۾ اسان جو وزيراعظم نئون ايندو پوءِ آئين ۾ ترميم ٿيندي: بلاول ڀٽو زرداري

اسلام آباد (ويب ڊيسڪ) پ پ چيئرمين بلاول ڀٽو زرداري چيو آهي ته اڳ ۾ اسان جو وزيراعظم نئون ايندو، پوءِ آئين ۾ ترميم ٿيندي. پاڪستان انسٽيٽيوٽ آف ميڊيڪل سائنسز (پمز) ۾ پيءُ آصف زرداري سان عيادت کانپوءِ صحافين سان ڳالهائيندي بلاول ڀٽو زرداري چيو ته اڳوڻي صدر سان ملڪ جي سياسي صورتحال تي تفصيلي ڳالهه ٻولهه ٿي، پ پ پنهنجي نظريي ۽ موقف کان پوئتي هٽڻ لاءِ تيار ناهي، 27 ڊسمبر تي لياقت باغ مان هڪ ڀيرو ٻيهر صاف ۽ واضح پيغام ويندو. آرمي چيف جي ملازمت جي مدي ۾ واڌ جي معاملي تي هن چيو ته اسان سپريم ڪورٽ جي تفصيلي فيصلي جو انتظار ڪري رهيا آهيون، اميد آهي ته عدالتي فيصلي سان اسان کي قانون سازي ۾ رهنمائي ملندي، جيئن 18هين ترميم تي به عدالتي فيصلي سان رهنمائي ملي هئي. سندس وڌيڪ چوڻ هو لڳي ٿو ته وزيراعظم اپوزيشن سان اتفاق راءِ نٿو چاهي، حڪومت 3 مهينن ۾ هڪ نوٽيفڪيشن نه ٺاهي سگهي، تنهن ڪري مون کي لڳي رهيو آهي ته حڪومت 6 مهينن ۾ قانون سازي تي اپوزيشن ۾ اعتماد ۾ نه وٺي سگهندي. بلاول ڀٽو زرداري چيو ته اسان جو وزيراعظم هر موقعي تي اپوزيشن جماعتن کي نشانو بڻائيندو آهي، وزيراعظم اڃا تائين ڪنٽينر تي بيٺو آهي، سندس رويي سبب ملڪ جو ۽ هر اداري جو نقصان ٿي رهيو آهي، تنهن ڪري منهنجي خيال سان اڳ ۾ اسان جو وزيراعظم نئون ايندو، پوءِ آئين ۾ ترميم ٿيندي. پ پ چيئرمين چيو ته پي ٽي آءِ فارن فنڊنگ ڪيس ڊگهي عرصي کان هلي رهيو آهي پر اڃا تائين ان جو فيصلو ناهي آيو، ن ليگ اپوزيشن سان صلاح مشوري کانپوءِ چيف اليڪشن ڪمشنر لاءِ 3 نالا وزيراعظم کي موڪليا.

 

ڪنڌڪوٽ ڀرسان ٻن ڌُرين ۾ خوني جهيڙو، ٻن عورتن سوڌو 5 قتل، عورت سميت 2 زخمي

ڪنڌ ڪوٽ (اين اين آءِ) ڪنڌ ڪوٽ ۾ ٻن ڌرين ۾ پراڻي دشمني تان فائرنگ ۾ 5 ڄڻا قتل ۽ 2 سخت زخمي ٿي پيا، تفصيل موجب ڪنڌ ڪوٽ جي علائقي غوث پور ي ڪچي جي علائقي ۾ لولائي ۽ جاگيراڻي برادري جي ٻن ڌرين ۾ پراڻي دشمني سبب فائرنگ ۾ 2 عورتن سميت 5 ڄڻا مارجي ويا، جڏهن ته 2 زخمي ٿي پيا، پوليس پهچي لاشن ۽ زخمين کي اسپتال پهچايو، جيڪي قانوني ڪارروائي کانپوءِ لاش وارثن جي حوالي ڪيا ويا، مارجي ويلن ۾ حرمت خاتون، بيگي خاتون لولائي، جاڳڻ لولائي، لالڻ لولائي ۽ عبدالقدوس شامل آهن، سنڌ جي وڏي وزير ڪنڌ ڪوٽ جي ڪچي واري علائقي ۾ ٻن ڌرين ۾ ٿيل جهيڙي جو نوٽيس وٺندي پوليس کي بنا دير متحرڪ ٿيڻ جي هدايت ڪري ڇڏي، مراد علي شاهه چيو ته جهيڙي ۾ جاني نقصان جي اطلاع تي افسوس آهي، اهڙا واقعا روڪڻ لاءِ ضلعي انتظاميا قدم کڻي، هٿيار کڻي پنهنجي جهيڙن جو فيصلو ڪرڻ جي اجازت نٿي ڏئي سگهجي.

 

پي ٽي آءِ مڪاني چونڊون پوري تياري سان وڙهندي ۽ ڪلين سوئيپ ڪندي: فردوس عاشق اعواڻ

لاهور (اين اين آءِ) وزيراعظم عمران جي سڌ سماءَ بابت خاص مددگار فردوس عاشق اعواڻ تحريڪ انصاف پنجاب جي صدر اعجاز احمد چوڌري جي گهر ملاقات ڪري ملڪ جي سياسي صورتحال ۽ پارٽي معاملن تي ڳالهيون ڪيون، فردوس عاشق اعواڻ چيو ته اعجاز چوڌري سينٽرل پنجاب ۾ پارٽي جي تنظيم سازي بهتر نموني ڪري رهيو آهي، پي ٽي آءِ مڪاني چونڊون پوري تياري سان وڙهندي ۽ ڪلين سوئيپ ڪندي، ڪارڪنن پارٽي جي طاقت آهن، اعجاز چوڌري چيو ته پارٽي کي تعلقي، وارڊ جي سطح تائين مضبوط ڪنداسين ۽ سمورا پارٽي عهديدار حڪومت جا مددگار هوندا، هن وڌيڪ چيو ته هاڻ تعلقي، ٽائون، ميونسپل ڪميٽي جي سطح تي جلد تنظيمون قائم ڪيون وينديون، تنظيم سازي سان پارٽي گراس روٽ سطح تائين وڌيڪ مستحڪم ٿيندي، تنظيم لاءِ وڏو ٽارگيٽ مڪاني چونڊن ۾ تاريخي ڪاميابي آهي.

 

هڪ مڇي نه پئي ملي، ٻي اندر آهي، اسان صفائي مهم شروع ڪئي ته سنڌ حڪومت به هوش ۾ آئي: علي زيدي

ڪراچي  (اين اين آءِ) وفاقي وزير علي زيدي صفائي مهم جي حوالي سان سنڌ حڪومت تي تنقيد ڪندي چيو آهي ته اسان صفائي مهم شروع ڪئي ته سنڌ حڪومت کي هوش آيو، صفائي صوبائي حڪومت جو ڪم هو، مهم هلائڻ نه، 18 هين ترميم کانپوءِ 12 نوٽيڪل ميل سمنڊ ته سنڌ حڪومت جو به آهي، سنڌ حڪومت وارا چون ٿا ته فشريز اسان جي آهي، وڏي وڏي مڇي هتان پڪڙي وئي، نثار مورائي ۽ عذير بلوچ مان ان ئي فشريز مان نڪتا آهن، هڪ مڇي نه پئي ملي، ٻي اندر آهي، دنيا جي ٻين شهرن ۾ گند ڪچرو سمنڊ تي ترندي نظر نٿو اچو، نئون سال شروع ٿيڻ تي طريقو ٻڌائينداسين ته سمنڊ کي ڪيئن صاف ڪريون، سامونڊي معاملن جي وزارت ۽ سنڌ حڪومت جي فشريز کاتي وچ ۾ ڇڪتاڻ ختم ٿيڻ گهرجي، اهڙن خيال جو اظهار هن سومر تي مقامي هوٽل ۾ هندي سمنڊ ٽونا ڪميشن جي سائنسي ڪميٽي جي 22 هين اجلاس جي تقريب کي خطاب ڪندي ڪيو. تقريب ۾ ڀارت سميت 15 ملڪن جي نمائندن شرڪت ڪئي، وفاقي وزير چيو ته اسان لاءِ سڀ کان وڏو چئلينج فيڊرل سامونڊي وزارت جي ڪم کي فشريز کاتو سنڌ کاتي سان مربوط ڪرڻ آهي ته جيئن صنعت کي هٿي ڏئي سگهجي، ٽونا مڇي جي ٻين نسلن وانگر ان کي محفوظ ڪري سگهجي، سامونڊي معاملن جي وزير فشريز ڊيولپمينٽ ڪمشنر جي حيثيت سان ڊاڪٽر صفيه جي ساراهه ڪندي چيو ته اسان وٽ گذريل 10 سالن کان فشريز ڊيولپمينٽ ڪمشنر نه هو جيڪو ماضي ۾ سامونڊي صنعت بابت اسان جو غير سنجينده رويو ظاهر ڪري ٿو. 4 ڏينهن واري بين الاقوامي ڪانفرنس ۾ ڪيترن ئي بين الاقوامي نمائندن شرڪت ڪئي جن ۾ انڊونيشيا، ڪينيا، ملائيشيا، سريلنڪا، ٿائيلينڊ، ڀارت، يورپي يونين، ايران، مالديپ، فرانس وغيره شامل هئا.

 

 

ملڪ ۾ هن وقت حق حاڪميت عوام بدران ٻاهرين طاقتن وٽ آهي: مولانا فضل رحمان

ڪوئيٽا (اين اين آءِ) جي يو آءِ جي سربراهه مولانا فضل رحمان چيو آهي ته ملڪ ۾ هن وقت حق حاڪميت عوام بدران ٻاهرين طاقتن وٽ آهي، اسان اسٽبلشمينٽ سميت سمورن ادارن جو احترام ڪريون ٿا، اسان جي ادارن سان جنگ جي ڪا به پاليسي نه آهي پر ادارن کي به حدن ۾ رهڻ گهرجي، آزادي مارچ ملڪي سياسي تاريخ ۾ هڪ روشن باب جو اضافو ڪيو، آزادي مارچ ۾ ساٿ ڏيڻ تي محمود اچڪزئي ۽ پشتونخواهه جي ڪارڪنن جو ٿورائتو آهيان، اسان جو هي اتحاد عوام جا مسئلا حل ڪرڻ تائين جاري رهندو، مارچ سان دنيا کي پيغام مليو ته پاڪستاني عوام سليڪٽيڊ حڪومت جي خلاف گڏ آهي، سليڪٽيڊ حڪومت کي نٿا مڃون، اهڙن ماڻهن سان وڙهن ڄاڻو ٿا، اسان غلام اڳيان ڪنڌ نه جهڪائينداسين، اها ڳالهه هن سومر تي شهيد عبدالصمد اچڪزئي جي 46 هين ورسي جي موقعي تي هاڪي گرائونڊ ڪوئيٽا ۾ جلسي کي خطاب ڪندي ڪئي، جلسي کي محمود خان اچڪزئي، مولانا عبدالغفور حيدري، سينيٽر عثمان ڪاڪڙ، عبدالرحيم زيارت وال، نصرالله زيري سميت ٻين به خطاب ڪيو، مولانا فضل رحمان چيو ته هو هن جلسي ذريعي خان شهيد کي خراج عقيدت پيش ڪري ٿو جنهن پنهنجي قرباني سبب تاريخ ۾ پنهنجو نالو ائين لکرايو جيڪو هميشه رهندو، هن چيو ته آزادي مارچ تاريخي اهميت حاصل ڪئي، اڄ ملڪ ۾ مخالف ڌر جون سموريون پارٽيون هڪ پليٽ فارم تي گڏ آهن، هي قومي وحدت آهي، آزادي مارچ ذريعي پاڪستاني قوم هڪ آواز بڻجي سليڪٽيڊ حڪومت کي رد ڪيو، هن چيو ته قوم کي اهو قبول ناهي ته آزاد وطن ۾ ڪو مداخلت ڪري، اسان جا حڪمران انگريز جا غلام آهن، جڏهن ته اسان وڏڙا ڪڏهن به نه جهيڪا ته اسان فرگين جي غلامن جي اڳيان ڇو جهڪنداسين، اسان پاڪستاني ادارن جو قدر ڪريون ٿا ۽ دنيا سان دوستي چاهيون پر ائين ڪڏهن به قبول نه ڪنداسين ته عوام جي مينڊينٽ تي ڌاڙو هنيو وڃي، پاڪستاني قوم هڪ آزاد قوم آهي، اسان چئون ٿا ته جيڪڏهن پاڪستان ۾ جمهوريت آهي ته عوام جي ووٽ جو قدر ڪريو. ان موقعي تي محمود خان اچڪزئي، عبدالصمد خان اچڪزئي، سينيٽر مولانا عبدالغفور حيدر، عثمان ڪاڪڙ ۽ ٻين به خطاب ڪيو.

 

سنڌ ۾ شاگرد يونينز تان پابندي هٽائڻ جي منظوري، شاگرد يونين تي پابندي آمريتي دور جو اڻ وڻندڙ داغ هو: مرتضيٰ وهاب

ڪراچي( اسٽاف رپورٽر) وزير اعليٰ سنڌ جي قانون ۽ ماحوليات بابت صوبائي صلاحڪار ۽ سنڌ حڪومت جي ترجمان بئريسٽر مرتضيٰ وهاب سنڌ اسيمبلي جي ڪميٽي روم ۾ پريس ڪانفرنس ڪندي چيو آهي ته شاگرد تنظيمن کي بحال ڪرڻ لاٰءِ سنڌ حڪومت قانون سازي ڪري رهي آهي جنهن کان پوءِ شاگرد تنظيمن کي پوري سنڌ ۾ بحال ڪرڻ جا اُپاءَ ورتا ويندا. هن چيو ته اسٽوڊنٽ يونين تي پابندي آمريتي دور جو اڻ وڻندڙ داغ هو جنهن کان پوءِ تعليمي ادارن ۾ سياسي ۽ تعليمي سرگرميون سستي جو شڪار ٿي ويون. هن چيو ته سنڌ حڪومت شاگرد تنظيمن جي چارٽرڊ ۽ انهن جي مقصدن کي نظر ۾ رکندي انهن يونينز کي ريگوليٽ ڪندي ۽ ان سلسلي ۾ موثر قانون سازي ڪندي ۽ طلبا تنظيمن جي مطالبن جي روشني ۾ سنڌ حڪومت انهن جي ڀرپور معاونت ڪندي. هن چيو ته تعليمي ادارن کي غير سياسي بڻائڻ به آمريت جي حڪمراني آهي جنهن کان پوءِ شاگرد ايندڙ زندگي ۾ سياست کان پري رهندا آهن جنهن جيڪري غير سياسي ماڻهن جي قيادت اڳتي ايندي آهي. سنڌ حڪومت جي ترجمان چيو ته اهو فيصلو سنڌ جي تاريخ ۾ سنگ ميل جي حيثيت رکي ٿو. تمام جلد شاگرد تنظيمن جي فعال ٿيڻ جو قانون سنڌ اسيمبلي ۾ پيش ڪيو ويندو. هن چيو ته پيپلز پارٽي جي قيادت شاگرد تنظيمن جي مڪمل فعال ٿيڻ جي حمايت ڪري ٿي. خاص ڪري بلاول ڀٽو زرداري شاگرد تنظيمن جي سياست جي ڀرپور حمايت ڪندو آهي هن وڌيڪ چيو ته اهي شاگرد تنظيمون ئي اڳتي هلي ملڪ جون واڳون سنڀالينديون آهن ۽ سياسي سرگرمين ۾ حصو وٺنديون آهن انهن سرگرمين مان ئي سماجي معاملن کي سمجھڻ جو ڀرپور موقعو ملندو آهي.

 

 

عمران صاحب عوام جو توهان لاءِ پيغام آهي ته هاڻ توهان گهٻرائڻ شروع ڪيو: مريم اورنگزيب

لاهور (اين اين آءِ) ن ليگ جي ترجمان مريم اورنگزيب چيو آهي ته عمران صاحب عوام جو توهان لاءِ پيغام آهي ته هاڻ توهان گهٻرائڻ شروع ڪريو، توهان جي نالائقي سان هڪ  سال ۾ پاڪستان جي معيشت کي گهٽ ۾ گهٽ 26 ارب ڊالر جو نقصان ٿي چڪو آهي پنهنجي بيان ۾ هن چيو ته توهان جي ڪوڙ، نالائقي ثابت ٿي چڪي آهي، توهان آءِ ايم ايف وڃي نه رهيا آهيو پر وڃي چڪا آهيو، هن چيو ته هڪ سال ۾ تاريخي 11 هزار ارب قرض وٺڻو نه پر وٺي چڪا آهيو، بصر، ٽماٽر، داليون، اٽو مهانگو ٿي چڪو آهي، توهان هڪ ڪروڙ نوڪريون ڏيڻو هيون پر 25 لک نوڪريون کسي چڪا آهيو، توهان کي 50 لک نوان گهر ڏيڻا هئا پر ان ابتڙ لکين گهر عوام کان کسي چڪا آهيو، گيس 2 سئو سيڪڙو ۽ بجلي سئو سيڪڙو مهانگي نه پئي ٿئي پر ٿي چڪي آهي، گيس، بجلي ۽ دوائن جو بلن ۾ ڌاڙو لڳي چڪو آهي، عمران صاحب اسپتالن ۾ مفت دوائون بند ٿي چڪيون آهن، ترقي جي شرح 5.8 سيڪڙو مان 2.5 سيڪڙو، مهانگائي جي شرح 3 کان 14 سيڪڙو ٿي چڪي آهي.

 

22 ڊسمبر تي اسلام آباد ۾ ٿيندڙ ڪشمير مارچ حڪمرانن جا ستل ضمير جاڳائيندو: سراج الحق

لاهور (اين اين آءِ) امير جماعت اسلامي سينيٽر سراج الحق چيو آهي ته ڪشمير مسئلي تي حڪمرانن جي غير سنجينده رويي تي قوم پريشان آهي، معمولي مسئلن تي پارليامينٽ جو گڏيل اجلاس گهرايو وڃي ٿو پر ڪشمير جو مسئلو جيڪو پاڪستان لاءِ زندگي ۽ موت جو مئسلو آهي ان کي لڳاتار نظرانداز ڪيو وڃي، پارليامينٽ جو گڏيل اجلاس گهرائي سنجيندگي سان هڪ حڪمت جوڙڻ جي ضرورت آهي، حڪومت جلد کان جلد سينيٽ ۽ قوامي اسيمبلي جو گڏيل اجلاس سڏائي ۽ قومي قيادت جي صلاح مشوري کانپوءِ روڊ ميپ تيار ڪيو وڃي، 22 ڊسمبر تي اسلام آباد ۾ ٿيندڙ ڪشمير مارچ حڪمرانن جا ستل ضمير جاڳائيندو، اهڙن خيالن جو اظهار هن پريس ڪانفرنس ڪندي ڪيو، هن چيو ته ڪشمير جي آزادي جي مسئلي تي قوم گڏ آهي ۽ حڪمرانن کان گهر ڪري رهي آهي ته هي مسئلو حل ڪرڻ لاءِ بنا دير قدم کنيا وڃن ۽ ڪشميرين کي ڀارت جي ظلم کان بچايو وڃي پر حڪمرانن رڳو خالي واعدا ڪري رهيا آهن، ڀارت 5 آگسٽ جي قدم سان اڍائي سئو سالن کان دنيا جي نقشي تي موجود ڪشمير جو نالو ختم ڪري ان کي ڀارتي رياست قرار ڏئي ڇڏيو پر اسان جا حڪمران خاموش ويٺا آهن، هن چيو ته 22 ڊسمبر تي سڄي ملڪ مان لکين ماڻهو اسلام آباد پهچندا ۽ سنگ مرمر جي قبرستان ۾ ويٺل حڪمرانن جي ضمير کي جاڳائڻ جي ڪوشش ڪندا.