تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Monthly Archives: December 2019

قانون جي بالادستي کي يقيني بڻايو ويندو، حڪومت ڪنهن کي خوش ڪرڻ لاءِ ڪم نه ڪندي: فردوس عاشق

اسلام آباد (اين اين آءِ) سنڌ سماءَ جي خاص مددگار فردوس عاشق اعواڻ چيو آهي ته ڀارت جي موجوده حالتن ٻه قومي نظريي جي حقيقت ثابت ڪري ڇڏي آهي، ٻه قومي نظريي تي قائد اعظم جا سدائين احسان مند رهنداسين، عمران خان جي اڳواڻي ۾ قائد جو پاڪستان محفوظ هٿن ۾ آهي، ملڪ کي مدي خارج نظام کان نجات ڏيارڻ لاءِ سڌارن تي عمل ڪري رهيا آهيون، سومر تي فردوس عاشق اعواڻ تقريب ۾ خطاب ڪندي چيو ته قائد جي شخصيت ۽ تحريڪ کي تصويري انداز ۾ پيش ڪرڻ تي انتظاميا کي مبارڪ ڏيان ٿي، تحريڪ پاڪستان سان لاڳاپيل قيمتي اثاثي کي ايندڙ نسل تائين منتقل ڪرڻ اسان جو فرض آهي، هن چيو ته سڌ سماءَ جي وزارت هن قومي فرض کي بهتر نموني سان ادا ڪري رهي آهي، هن چيو ته وزيراعظم عمران خان ٻارن جي بدران قوم جي ڳڻتي ۾ آهي، هن چيو ته نيب قانون ۾ ترميم جو مقصد قومي ترقي جو ڦيٿو تيز ڪرڻ آهي، هن چيو ته اپوزيشن نيب آرڊيننس کي پڙهڻ کانسوائي تنقيد ڪري رهي آهي، هن چيو ته اين آر او متعارف ۽ فائدو وٺندڙ به نيب آرڊيننس تي تنقيد ڪري رهيا آهن، فردوس عاشق اعواڻ چيو ته نيب آرڊيننس ۾ ايماندار ماڻهن جو تحفظ ڪيو ويو آهي.

 

متحده کي مشروط آڇ، عمران حڪومت ڪيرايو سنڌ ۾ وفاق جيتريون وزارتون وٺو: بلاول زرداري

ڪراچي  (اين اين آءِ) پ پ چيئرمين بلاول ڀٽو چيو آهي ته ايم ڪيو ايم تحريڪ انصاف کان اتحاد ختم ڪري ۽ حڪومت ڪيرائڻ ۾ مدد ڪري، ڪراچي ۽ ان جي عوام لاءِ جيتريون وزارتون وفاق ۾ ايم ڪيو ايم وٽ آهن اسان سنڌ ۾ ڏيڻ لاءِ تيار آهيون، ڪراچي جي عوام کي خبر آهي ته عمران خان کين دوکو ڏنو آهي، ان جو هر هڪ واعدو ڪوڙو نڪتو آهي، وفاق جي گيس جي پاليسي جي مزاحمت ڪريون ٿا، اسان جي صوبي جو حق کاڌو پيو وڃي، توهان اتان گيس کسي رهيا آهيو جتان گيس پيدا ٿي رهي آهي، بينظير انڪم سپورٽ پروگرام مان 8 لک ماڻهو ڪڍيا ويا آهن، سنڌ حڪومت ان معاملي کي عدالت ۾ چئلينج ڪري، غريب کان هڪ هزار رپيا کسيندڙ سياستدانن تي لعنت هجي، اهڙن خيالن جو اظهار هن سومر تي ڪراچي ۾ 4 ترقياتي رٿائن جي افتتاحي تقريب کي خطاب ڪندي ڪيو، بلاول ڀٽو چيو ته هن رٿا کي لانڍي ۽ ڪورنگي جي اسان جي شهيدن جي نالي ڪرڻ چاهيندس، سنڌ حڪومت ڏکين معاشي حالتن جي باوجود سڄي صوبي ۾ ڪم ڪري رهي آهي، پرڏيهي مگيزين سنڌ حڪومت جي هن پاليسي کي ساراهيو آهي، هن چيو ته اسان چاهيون ٿا ته ڪراچي ۾ ترقي ٿئي، ڇو ته هتي سڄي پاڪستنا جا هر صوبي مان ماڻهو اچي آباد ٿين ٿا، اسان کي ضرورت موجب وسيلا نٿا ڏنا وڃن جنهن لاءِ اسان کي وفاق کان حصو کسڻو پوندو، پ پ چيئرمين چيو ته بينظير ڀٽو جي آندل پبلڪ پرائيويٽ پارٽنرشپ جي طريقي تي هلڻ تي ڪراچي ۾ صلاحيت آهي، اسان گڏجي سوچڻو پوندو ته ڪيئن ڪراچي لاءِ ڪم ڪري سگهنداسين، معاشي صورتحال خطرناڪ آهي، هن چيو ته وفاقي حڪومت بينظير انڪم سپورٽ پروگرام مان 8 لک ماڻهن کي ڪڍڻ جو فيصلو ظلم آهي ۽ پ پ ان جي مزاحمت ڪري ٿي، غريبن لاءِ ڏينهون ڏينهن ڏکيائيون وڌي رهيون آهن، سنڌ حڪومت ان معاملي کي عدالت ۾ چئلينج ڪري، هن چيو ته سکر ۾ ٿڌ جو 25 سالن جو رڪارڊ ٽٽي ويو آهي، هن سخت ٿڌ ۾ ڪچي آبادي ۾ رهندڙ ماڻهن کي زبردستي گهرن کان بي گهر ڪيو ويو، مان سمورن عدالتي فورمز تي هن موسم ۽ هن وقت ۾ انڪروچمينٽ جو ڪم روڪڻ جي اپيل ڪريان ٿو ۽ ڪراچي جي ميئر کي اپيل ڪريان ٿو ته سخت ٿڌ ۾ هن ڪم کي روڪيو وڃي، بلاول ڀٽو چيو ته جيڪي وفاقي وزير بيان ڏئي رهيا آهن اهي وفاق دشمن آهن انهن کان استعيفيٰ ورتي وڃي، جيڪڏهن انهن کان استعيفيٰ نه ورتي وئي ته اسان سمجهنداسين ته توهان انهن جي موقف کي سپورٽ ڪري رهيا آهيو، هن چيو ته مان ايم ڪيو ايم جي ساٿين کي چوڻ چاهيان ٿو ته جيڪو ظلم ڪراچي جي خلاف ٿي رهيو آهي اهو روڪي سگهجي ٿو، وفاقي حڪومت سان اتحاد ختم ڪريو، عمران جي حڪومت کي ڪيرايو، وفاق ۾ جيتريون وزارتون ايم ڪيو ايم وٽ آهن اسان کين سنڌ ۾ ڏيڻ لاءِ تيار آهيون پر شرط اهو آهي ته عمران خان کي گهر ڀيڙو ڪيو، هن چيو ته اميد آهي ته اڄ نه ته سڀاڻي کين اهو فيصلو ڪرڻو پوندو، پاڪستان کي بچائڻ پوندو ۽ نيا پاڪستان کي ختم ڪرڻو پوندو، ان کان اڳ بلاول ڀٽو ڪراچي جي 4 رٿائن جو افتتاح ڪيو جيڪو هڪ ارب 74 ڪروڙ رپين جي لاڳت سان مڪمل ڪيون ويون، ڪورنگي اڍائي نمبر تي 33 ڪروڙ رپين جي لاڳت سان پل ٺاهي وئي، ڪورنگي 5 نمبر تي 33 ڪروڙ 40 لک لاڳت سان هڪ پل ٺاهي وئي، اهڙي نموني حيدر علي انڊر پاس جي ٺهڻ تي 66 ڪروڙ رپيا خرچ ڪيا ويا، جڏهن ته ڪينٽ اسٽيشن جي ڀرپاسي تي رستا ٺهڻ تي 42 ڪروڙ رپيا خرچ ڪيا ويا.

 

 

حڪومت جو عوام لاءِ نئين سال جو تحفو، مهانگائي بم تيار، تيل اگهه وڌائڻ جي سفارش

اسلام آباد (م.ڊ) نئين سال جي آمد جي موقعي تي عوام کي مهانگائيءَ بم جو تحفو ڏيڻ جون تياريون ڪيون ويون آهن. ذريعن موجب اوگرا پئٽروليم شين جا اگهه وڌائڻ لاءِ سمري پيٽروليم وزارت ڏانهن موڪلي ڇڏي آهي. ذريعن موجب اوگرا طرفان پيٽرول 2 رُپيا 61 پئسا وڌائڻ جي سفارش ڪئي آهي، جنهن کانپوءِ پيٽرول 116 رُپيا 60 پئسا في لٽر ٿي ويندو. جڏهن ته هاءِ اسپيڊ ڊيزل 2 رُپيا 25 پئسا ۽ لائيٽ ڊيزل 2 رُپيا 8 پئسا مهانگو ڪرڻ جي سفارش ڪئي وئي آهي، جنهن کانپوءِ هاءِ اسپيڊ ڊيزل 127 رُپيا 45 پئسا ۽ لائيٽ ڊيزل 84 رپيا 51 پئسا في لٽر ٿي ويندو. ذريعن جو چوڻ آهي ته اوگرا جي سمري ۾ گاسليٽ 3 رُپيا 10 پئسا مهانگو ڪرڻ جي سفارش ڪئي وئي آهي، جنهن بعد گاسليٽ 99 رُپيا 45 پئسا في لٽر ٿي ويندو. پيٽروليم وزارت جي حتمي منظوري کانپوءِ اگهن ۾ واڌ جو نوٽيفڪيشن جاري ٿيندو ۽ نيئن سال جي آمد يعني پهرين جنوري کان پيٽروليم شيون مهانگيون ٿي وينديون.

آءِ ايم ايف توانائي جي قيمتن ۾ ايندڙ سال واڌ ٿيڻ جو اشارو ڏيندي چيو آھي ته پاڪستان جي سڌارن وارو پروگرام درست رخ تي هلي رهيو آھي، ناڻي وزارت پاران جاري بيان ۾ چيو ويو آھي ته پاڪستان جي معاشي ڪارڪرگي بابت آءِ ايم ايف جي پهرين جائزي وٺڻ بعد آءِ ايم ايف تسليم ڪيو آھي ته پاڪستان ۾ سڌارن جو پروگرام درست رخ ۾ هلڻ سان گڏ ان جا نتيجا به حاصل ٿي رهيا آھن. پاڪستان ۾ ڪاروبار لاءِ ماحول ۾ بهتري ۽ سرمائيڪارن جو اعتماد بحال ٿي رهيو آھي، مهانگائي جي شرح ۾ گهٽتائي اچڻ شروع ٿي آھي. پڌرائي موجب آءِ ايم ايف کان مجموعي طور تي هڪ ارب 45 ڪروڙ ڊالرن جي رقم جاري ٿي آھي. پڌرائي ۾ چيو ويو آھي ته آءِ ايم ايف ايندڙ سال ۾ مهانگائي جي شرح 11.8 سيڪڙو تي اچڻ، توانائي شعبي ۾ قيمتن اندر ايڊجسمينٽ (واڌ) متوقع آھي جنهن سان گهريلو صارف متاثر ٿي سگهن ٿا.

 

سنڌ پوليس جون پگهارون ۽ گريڊز پنجاب پوليس برابر ڪرڻ لاءِ ڪميٽي قائم

ڪراچي (اسٽاف رپورٽر) سنڌ جي وڏي وزير سيد مراد علي شاهه جي صدارت هيٺ پبلڪ اينڊ سيفٽي ڪمپلين ڪميشن جو اجلاس اڄ وزيراعليٰ هائوس ۾ منعقد ٿيو. اجلاس ۾ صوبائي اسيمبلي جا ميمبر، شرجيل ميمڻ، امداد پتافي، محمد علي عزيز، حسنين مرزا، شميم ممتاز، شهناز بيگم، سمورا پرائيويٽ ميمبر، چيف سيڪريٽري، آئي جي پوليس، پرنسپل سيڪريٽري، گهرو سيڪريٽري، سيڪريٽري قانون ۽ ٻين شرڪت ڪئي. آئي جي پوليس سنڌ اجلاس ۾ پوليس پلان تي بريفنگ ڏيندي چيو ته سنڌ ۽ پنجاب جي پوليس اهلڪارن جي پگهارن جا گريڊ برابر ڪرڻ لاءِ چيف سيڪريٽري جي اڳواڻي ۾ ڪميٽي جوڙي وئي جيڪا جلد پنهنجي سفارش مرتب ڪندي. وڏي وزير چيو ته اسان پوليس کي مضبوط ڪيو آهي، پوليس کي وڌيڪ وسيلا ڏينداسين ته جيئن عوام پنهنجا مسئلا کڻي ٿاڻي اچڻ ۾ اطمينان محسوس ڪن. شهرين جي سيڪيورٽي سڀ کان اهم آهي. نئين پوليس پلان ۾ ٿاڻو ڪلچر تبديل ڪرڻ آهي. وڏي وزير چيو ته حڪومت جو ڪم شهرين کي هر ممڪن تحفظ فراهم ڪرڻ آهي ۽ ان سلسلي ۾ پوليس کي پنهنجو ڪردار ڀلي ريت ادا ڪرڻو پوندو. هن آئي جي پوليس کي هدايت ڪئي ته هو نئين پوليس پلان ۾ ان ڳالهه کي نظر ۾ رکي ۽ پوليس کاتي کي هڪ اهڙو فعال ادارو بڻايو وڃي ته جيئن عوام جو ڀرپور اعتماد ٿئي ۽ انهن جا پوليس بابت سمورا مسئلا ٿاڻن ۾ ترجيحي بنيادن تي حل ٿي سگهن.

 

جنهن ڪرپشن ڪئي اهو سزا ڀوڳيندو ۽ حڪومت احتساب جي عمل کانپوءِ پوئتي نه هٽندي: وزير اعظم

اسلام آباد (اين اين آءِ) وزيراعظم عمران خان چيو آهي ته ڀل ڇا به ٿئي احتساب کان پوئتي نه هٽنداسين، جنهن ڪرپشن ڪئي اهو ڀوڳيندو، سومر تي وزيراعظم جي صدارت هيٺ ميڊيا اسٽرٽجي جو اجلاس ٿيو جنهن ۾ نيب ترميمي آرڊيننس تي رد عمل جو جائزو ورتو ويو، اجلاس ۾ بابر اعواڻ، اسد عمر، مراد سعيد، فيصل جاويد، فردوس عاشق اعواڻ، معيد يوسف ۽ شفقت محمود شرڪت ڪئي، قانوني ٽيم نيب ترميمي آرڊيننس تي حڪومتي اڳواڻن کي ڄاڻ ڏيندي چيو ته نيب آرڊيننس ۾ ترميم ڪنهن کي فائدو ڏيڻ لاءِ ناهي، هاڻ بزنس ڪميونٽي ۽ ٽيڪس بابت معاملا ايف بي آر ڏسندو، ان موقعي تي وزيراعظم چيو ته نيب آرڊيننس بابت حڪومت جي خلاف ڪوڙي پروپگنڊا ڪئي وئي، نيب قانون ۾ سڌارا مخالف ڌر جو مطالبو رهيو آهي پر اپوزيشن پارليامينٽ ۾ قانونسازي بدران ذاتي سزا جو دفاع ڪري ٿي، عمران خان چيو ته معاشي ٽيم جي محنت جي ڪري 2019 ۾ معيشت سگهاري ٿي، 2020 ۾ عام ماڻهو کي معيشت جا ثمر ملندا.

 

بدانتظامي تي عوامي عهدو رکندڙن خلاف نيب ڪارروائي نه ڪري سگهندو، نيب ترميمي آرڊيننس 2019 لاڳو ٿي ويو

اسلام آباد (اين اين آءِ) نيب ترميمي آرڊيننس لاڳو ڪيو ويو آهي، سومر تي وفاقي حڪومت آرڊيننس جو گزٽ نوٽيفڪيشن جاري ڪيو آهي، جنهن موجب سينيٽ ۽ اسيمبلي جا اجلاس هن وقت نه پيا ٿين، صدر حالتن کي نظر ۾ رکندي تڪڙن قدمن تي مطمئن آهي، نوٽيفڪيشن موجب ٽيڪس، ليوي سان لاڳاپيل اشوز، نيب جي اختيار کان ٻاهر آهن، نوٽيفڪيشن موجب ٽيڪسز ۽ ليوي سان لاڳاپيل سموري جاچ لاڳاپيل فورمز کي منتقل ٿي وئي، احتساب عدالتن مان ٽيڪسز جا سمورا ڪيس لاڳاپيل عدالتن ڏانهن منتقل ٿي ويا، بدانتظاميا تي عوامي عهدو رکندڙن جي خلاف نيب ڪارروائي نه ڪري سگهندو، عوامي عهدو رکندڙن جي خلاف ڪارروائي رڳو مالي فائدا حاصل ڪرڻ جي ثبوت ٿي ڪئي ويندي، نوٽيفڪيشن موجب مالي فائدو وٺڻ تائين اختيارن جي ناجائز استعمال جو ڪيس نه ٺهي سهگندو، مالي فائدو حاصل ڪرڻ جا ثبوت نه هجن ته سرڪاري آفيسرن جي خلاف ڪنهن فيصلي تي ڪيس نه ٺهندو.

 

2010 جي ڏهاڪي ۾ ترقياتي ڪمن جي حوالي سان سنڌ ۾ گڏيل روجحان نظر آيو: سعيد غني

ڪراچي  (اين اين آءِ) صوبائي وزير سعيد غني چيو آهي ته 2010 جي ڏهاڪي ۾ ترقياتي ڪمن جي حوالي سان سنڌ ۾ گڏيل روجحان نظر آيو يعني گذريل 10 سالن دوران سنڌ ۾ ڪيترن ئي ترقياتي اسڪيمن جو اعلان ڪيو ويو جڏهن ته ان ۾ ڪجهه اهڙيون جيڪي مڪمل نه ٿي سگهيون هيون، جڏهن ته ٻين رٿائن جي رفتار گهٽ رهي ۽ هڪ عام ماڻهو انتظامي رنڊڪن سبب انهن اسڪيم جي مڪمل ٿيڻ مان فائدو حاصل نه ڪري سگهيو، انهن ئي ترقياتي اسڪيمن مان ڪوئلي تي هلندڙ بجلي جو پلانٽ جو منصوبو، ٿر ۾ ڪوئلو ڪڍڻ جو منصوبو شامل هو، جڏهن ته صوبي ۾ روڊن جي تعمير تي خاص ڌيان ڏنو ويو جنهن سبب سفر ۽ واپار ۾ آسانيون پيدا ٿيون، ٻئي پاسي صحت جي شعبي، تعليم ۽ پاڻي پهچائڻ جي منصوبن تي اربين رپيا خرچ ڪرڻ جي باوجود اهي شعبا بهتر ٿيڻ جا اثار نظر نه آيا ۽ هڪ عام ماڻهو کي ڪو به فائدو نه ٿيو، مالي سال 2014-15 کان وٺي 2018-19  ۾ سنڌ حڪومت سالياني ترقياتي پروگرامن لاءِ 952 ارب رپيا رکيا، جڏهن ته انهن 5 مالي سالن دوران رڳو 683 ارب رپيا خرچ ٿي سگهيا، سرڪاري انگ اکر موجب سنڌ جي سالياني ترقياتي پروگرام جي بجيٽ ۾ هر سال واڌ ٿيندي رهي آهي، جڏهن ته مالي سال 2018-19 ۾ ان ۾ گهٽتائي ڪرڻ شروع ڪري ڇڏي ۽ ان جو جواز اهو ٻڌايو ويو ته وفاق پاران ان کي مڪمل فنڊنگ نه ڏني پئي وڃي، 2014-15  ۾ سنڌ جي سالياني بجيٽ 143 ارب رپيا هئي، جڏهن ته 2017-18 ۾ وڌي 244 ارب تائين ٿي هئي پر ايندڙ سال ان کي 223 ارب رپيا جي سطح تي آندو ويو هو، جڏهن ته هلندڙ مالي سال دوران ان جو حجم 228 ارب رپيا رکيو ويو آهي، هلندڙ مالي سال جي پهرين 6 مهينن اندر حڪومت اٽڪل 79 ارب رپيا ترقياتي بجيٽ جي مد ۾ جاري ڪيا آهن، يعني هن وقت تائين رکيل بجيٽ جو 51 سيڪڙو خرچ ٿي چڪو پر جيئن ته سنڌ حڪومت ڪجهه عرصي کان اهو موقف اختيار ڪيو آهي ته وفاق پاران ان کي مڪمل رقم فراهم نه ڪئي پئي وڃي جنهن سبب ڪيترائي صوبائي کاتا جن ۾ توانائي، ماحوليات، انساني حق ۽ بورڊ آف روينيو شامل آهن، انهن ڪنهن به ترقياتي اسيڪم تي هڪ رپيو خرچ ناهي ڪيو.

 

بي بي زرداري جي سياست پيءُ جي ڪرپشن جي اسير آهي: مراد سعيد

اسلام آباد (اين اين آءِ) پاڪستان تحريڪ انصاف، پ پ چيئرمين بلاول ڀٽو جي تقرير تي رد عمل ڏيندي چيو آهي ته بي بي زرداري جي سياست والد جي ڪرپشن جي اسير آهي، حادثاتي چيئرمين جو الميو اهو آهي ته جڏهن به ٽي وي تي ايندو ته ڪرپشن جو دفاع ڪندو، سومر تي بيان ۾ هن چيو ته قومي خزاني جي چوري سان بينظير انڪم سپورٽ پروگرام جي ذريعي جيالن ۾ پيسا ورهائڻ تائين بي بي زرداري ڪرپشن جي هر واردات جو دفاع ڪري ٿو، مراد سعيد چيو ته بي بي زرداري جي پيءُ ڪرپشن جا اهڙا شرم جوڳا طريقا ايجاد ڪيا جو دنيا حيران آهي، قوم پنهنجو پيٽ چيري محروم ۽ غريب طبقي لاءِ انڪم سپورٽ پروگرام جي حمايت ڪئي، مراد سعيد چيو ته بلاول جي والد انڪل نواز سان گڏجي انڪم سپورٽ جي فنڊ کي جيالا ۽ متوالا پالڻ لاءِ استعمال ڪيو، هن چيو ته حڪومت ڪيرائڻ جو خواب پيءُ پٽ کي ڏينهن رات پريشان ڪري ڇڏيو آهي، وفاقي وزير چيو ته ڏيڍ سال ان پريشاني ۾ گذريو، ايندڙ ساڍا 3 سال به ان ئي تڪليف ۾ گذرندا، هن چيو ته ان کانپوءِ به انشاالله شرمساري ۽ پريشاني کي منهن ڏيڻو پوندو.

 

جاپان ۽ سنگاپور جا پاسٽورٽ دنيا جا سڀ کان مضبوط ۽ پاڪستان دنيا جو 5 نمبر ڪمزور پاسپورٽ قرار، فهرست جاري

واشنگٽن(م ڊ) جاپان ۽ سنگاپور جا پاسٽورٽ دنيا جا سڀ کان مضبوط ۽ پاڪستان دنيا جو پنجون نمبر ڪمزور پاسپورٽ قرار ڏنو ويو آهي. دنيا جي سفر لاءِ بهترين پاسپورٽ جي 2019ع جي لسٽ جاري ڪئي وئي آهي. هينلي پاسپورٽ انڊيڪس ۾ جاپان ۽ سنگاپور جا پاسپورٽ پهرئين، ڏکڻ ڪوريا، جرمني ۽ فن لينڊ جا ٻئي ڊنمارڪ، اٽلي ۽ لگزمبرگ جا ٽئين، فرانس، سويڊن ۽ اسپين جا چوٿين، آسٽريا، هالينڊ ۽ پرتگال پنجين، ناروي، سوئزرلينڊ، برطانيا، آمريڪا، بيلجيم، ڪئناڊا، يونان، آئرلينڊ ڇهين، چيڪ، مالٽا اٺين، نيوزيلينڊ اٺين، آسٽريليا، لٿوانيا ۽ سلوواڪيا نائين، آئس لينڊ، هنگري، ليٽويا، سلووينيا ڏهين، ايسٽونيا يارهين، ملائيشيا ٻارهين، چلي، پولينڊ تيرهين، موناڪو، قبرص چوڏهين، گڏيل عرب رياستن جو پنڌرهين، رومانيا جو سورهين، برازين، ارجنٽينا بلغاريا جو سترهين، هانگ ڪانگ، ڪروئيشيا جو ارڙهين، سن مارينو جو اڻويهين ۽ انڊورا جو پاسپورٽ ويهين نمبر تي آهي. برونائي جو پاسپورٽ 21 هين نمبرتي، اسرائيل ۽ بارباڊوس جا 22 هين، ميڪسيڪو جو 23 هين، بهاماس، سينٽ ڪٽس جا 24 هين، يوروگوئي جو 25 هين، سيچلس جو 26 هين، ڪوسٽاريڪا جو 27 هين، اينٽيگا ۽ باربودا جو 28 هين، ٽرينيڊاڊ اينڊ ٽوباگو، ويٽيڪن سٽي جو 29 هين، ماريشس جو 30 هين، تائيوان، سينٽ لوسيا، سينٽ ونسنٽ جو 31 هين، گريناڊا، پيراگوئي جو 32هين، مڪائو جو 33 هين، پاناما جو 34 هين، ڊومينيڪا جو 35، پيرو جو 36، ايل سلواڊور، هونڊوراس جو 37 هين، وينزويلا، گئاٽيمالا جو 38 هين، سربيا، سموئا جو 39 هين، سولومن آءِلينڊ ۽ وينوآتو 40 هين، نڪارا گئا 41 هين نمبر تي آهي. روس جو پاسپورٽ 48هين، ترڪي جو 52 هين، ڏکڻ آفريڪا جو 53 هين، ڪويت 56 هين، قطر 57 هين، بحرين جو 63 هين، اومان جو 64 هين، ٿائيلينڊ جو66 هين، قزاقستان جو 68 هين، سعودي عرب جو 69 هين، چين ۽ ڪينيا جو 72 هين، انڊونيشيا، زمبيا جو 73 هين، تيونس جو 75 هين، آذربائيجان 76 هين، ڪيوبا ۽ فلپائين 77 هين، ڀارت 82 هين، تاجڪستان جو 84 هين، ازبڪستان 85 هين، ڀوٽان 89 هين، ويٽنام 90 هين، اردن، انگولا، مصر 92 هين، ميانمار 95 هين، سريلنڪا 96 هين، ڪانگو 97 هين، ايٿوپيا ۽ ڏکڻ سوڊان جو 97، ڪوسووو جو 98، ايران، بنگلاديش، اريٽيريا جو 99، اترڪوريا، لبنان جو 100 هين، نيپال جو 101، لبيا، فلسطين، سوڊان 102 هين، يمن 103، پاڪستان ۽ صوماليا 104 نمبر تي آهي. ان کان ڪمزور رڳو 105 نمبر تي شام، 106 تي عراق ۽ 107 تي افغانستان آهي.

 

انٽرويو نه ڏيڻ سبب سياستدان سان اسڪينڊل ٺاهيو ويو: ريما

اسلام آباد(ويب ڊيسڪ) جماعت اسلامي جي سينيٽر سراج الحق جو چوڻ آهي ته وزير اعظم عمران خان جي هٿ ۾ عوامي مسئلن جي حل جو ليڪو ئي ناهي. سينيٽر سراج الحق جو منصوره ۾ ميڊيا سان ڳالهائيندي چوڻ هو ته جماعت اسلامي نيب قانون بابت حڪومتي ترميمي آرڊيننس کي رد ڪري ٿي، ڇا ملڪ ۾ ايمرجنسي لڳي آهي جو پارليامينٽ ۽ سينيٽ کي بي توقيت ڪري آرڊيننس آندو پيو وڃي. هن وڌيڪ چيو ته جيڪڏهن ملڪ ۾ ڪا ايمرجنسي يا هنگامي صورتحال ناهي ته ته پوءِ قومي اسيمبلي ۽ سينيٽ جي هئڻ باوجود آرڊيننس جو سهارو ڇو ورتو ويو، نيب ترميمي آرڊيننس حڪومت جو خاموش اين آر او آهي. سراج الحق موجوده حڪومت کي مڪمل ناڪام قرار ڏيندي چيو ته آءِ ايم ايف جي چوڻ تي غريب عوام جو رت چوسيو پيو وڃي. هن چيو ته ڪلهن جي سهاري حڪومت ملڪ جي ترقي نٿي ڏئي سگهي، سبز باغ ڏيکاري عوام کي گمراهه ڪيو ويو، وزير اعظم جي هٿ ۾ عوامي مسئلن جي حل جو ليڪو ئي ناهي.