تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: November 18, 2019

ڀلي سڀئي ڪرپٽ ليڊرز گڏجي وڃن، چورن کي نه ڇڏيندسۡ: عمران خان

اسلام آباد (بيورو رپورٽ) وزيراعظم عمران خان اپوزيشن تي تنقيد ڪندي چيو آهي ته ڀلي سڀئي ڪرپٽ ليڊرز گڏجي وڃن، هو کين نه ڇڏيندو. چاهي ته مشرف جيان کين اين آر او ڏئي چار سال سڪون سان گذاري سگهي ٿو، پر کيس ووٽ جو نه پر خُدا جو خوف آهي. هزاره موٽروي جي افتتاحي تقريب کي خطاب دوران وزيراعظم عمران خان مولانا فضل الرحمان تي تنقيد ڪندي چيو ته اسلام آباد ۾ هڪ سرڪس لڳو، جنهن مان ڪابينا جا ڪجهه ماڻهو گهٻرائجي ويا هئا، ڇاڪاڻ جو اُهي دل جا ڪمزور هئا، مون کين سمجهايو ته اطمينان رکو، ڪجهه نه ٿيندو، جيڪو جيترو ڪرپٽ هو، ڪنٽينر تي هو اوترو ئي گهڻو گوڙ ڪري رهيو هو، پر کين خبر ناهي ته پاڪستان ۾ ڌرڻن جو ماهر آئون آهيان، جيڪو هتي بيٺو آهي. مون پهرين به چيو هو ته اهي ماڻهو هڪ مهيني تائين به ڪنٽينر تي ويهن ته سندن سڀ ڳالهيون مڃي وٺندس.
هُن چيو ته هڪ ماڻهو اسلام جي نالي تي سياست ڪري رهيو آهي، ڊيزل جي پرمٽ ۽ ڪشمير ڪميٽي جي چيئرميني تي وڪرو ٿيندڙ شخص حڪومت ڪيرائڻ جون ڳالهيون ڪري رهيو آهي. کيس مولانا فضل الرحمان جي آخرت جو فڪر آهي ۽ الله کان دعا ڪندو آهي ته کيس اهڙي سزا نه ڏئي، جيڪا ملڻي آهي. افتتاحي تقريب کي خطاب دوران وزيراعظم پ پ چيئرمين کي به تنقيد جو نشان بڻايو ۽ کيس لبرلي ڪرپٽ قرار ڏنو. هُن چيو ته بلاول ڀٽو جي نظرئي مان ته آئينسٽائين به پريشان ٿي ويو، جڏهن هُن چيو ته برسات پوندي آهي ته پاڻي ايندو آهي ۽ گهڻي برسات پوندي آهي ته گهڻو پاڻي ايندو آهي. هُن چيو ته بلاول پاڻ کي لبرل سڏائي رهيو آهي، اُهو به مولانا جي ڪنٽينر تي ويو. بلاول ڀٽو لبرلي ڪرپٽ آهي. بلاول ڀٽو جي نظرئي سان آئينسٽائين جو روح تڙپيو هوندو. وزيراعظم عمران خان شريف ڀائرن تي به تنقيد ڪئي ۽ چيو ته جنرل جيلاني جي گهر ۾ سريا لڳائي لڳائي اُهي وزارت ٿيا. هُن چيو ته ڪابينا جڏهن ضمانت لاءِ هڪ ڪاغذ جو ٽڪرو گهريو ته شهباز شريف چيو گارنٽي نه ڏيندس ۽ ڊراما ڪرڻ شروع ڪيا، هو منڊيلا جهڙو مهانڊو کڻي نڪري پيو. وفاقي ڪابينا نواز شريف جي ميڊيڪل رپورٽ ڏٺي ۽ سڀني چيو ته انساني بنيادن تي کيس ٻاهر وڃن جي اجازت ڏيڻ گهرجي. شهباز شريف چوي ٿو ته نواز شريف کي ڪجهه ٿيو ته ذميواري عمران خان تي هوندي. هُن چيو ته جيڪي 800 قيدي مري ويا، اُن جو ته ڪنهن به نه پُڇيو؟ شهباز شريف جو پُٽ فرار ٿيل آهي، اُن جي ضمانت ڪير ڏيندو؟ نواز شريف جو ناٺي ۽ 2 پُٽ فرار ٿيل آهن، اُنهن جي گارنٽي ڪير ڏيندو؟ حڪومت لاهور هاءِ ڪورٽ جي فيصلي جو احترام ڪري ٿي. اُن موقعي تي وزيراعظم عمران خان چيو ته سڀ ڪرپٽ گڏجي وڃن، تڏهن به ڪرپٽ ۽ ملڪ جو پئسو چوري ڪندڙن کي نه ڇڏيندو، ڪرپٽ ۽ چورن کي معاف ڪرڻ جو مطلب قوم سان غداري آهي ۽ آئون غداري نه ڪندس. پرويز مشرف اين آر او ڏئي هنن کي معاف ڪري ڇڏيو ۽ ڪرپشن جا ڪيسز ختم ڪرايا، آئون به جيڪڏهن چاهيان ته خاموش رهي سگهان ٿو ۽ مشرف جيان هنن کي اين آر او ڏئي چار سال سڪون سان گذاري سگهان ٿو، پوءِ اها افرا تفري ۽ گوڙ به ختم ٿي ويندو، پر آئون ائين نه ڪندس. وزيراعظم چيو ته کيس ووٽ جو نه، پر خُدا جو خوف آهي.

 

لبرل آهيان نه ئي ڪرپٽ ۽ منافق، عمران جي سڃاڻپ يوٽرن ۽ منافقت آهي: بلاول زرداري

ڪراچي (ويب ڊيسڪ) پ پ چيئرمين بلاول ڀٽو زرداري چيو آهي ته عمران خان جي ڪا سڃاڻپ آهي ته اها يوٽرن، منافقت ۽ ڪٺ پتلي آهي. وزيراعظم عمران خان طرفان تنقيد تي جواب ڏيندي بلاول ڀٽو زرداري چيو آهي ته مان نه لبرل آهيان، نه ڪرپٽ ۽ نه منافق آهيان، مان ترقي پسند ۽ نظرياتي آهيان، هڪ سال کان سياست ۾ آهيان. واضح رهي ته وزيراعظم عمران خان هزارا موٽر وي جي افتتاحي تقريب کي خطاب ڪندي چيو هو ته بلاول پاڻ کي لبرل چوندو آهي، هو لبرل ناهي پر لبرٽي ڪرپٽ آهي، بلاول جي ٿيوري کان ته آئنسٽائن به گهٻرائجي ويو آهي، جڏهن مينهن وسندو آهي ته پاڻي ايندو آهي، آئنسٽائن جو روح ان وقت وڌيڪ تڙپيو هوندو، جڏهن بلاول چيو ته گهڻو مينهن وسندو آهي ته گهڻو پاڻي ايندو آهي. سماجي رابطن جي ويب سائيٽ ٽوئيٽر تي ٽوئيٽ ۾ پ پ چيئرمين وزيراعظم کي مخاطب ٿيندي چيو ته توهان 70 سالن جا پيرسن آهيو، 20 سالن کان سليڪٽڊ سياست ڪندا پيا اچو، جيڪڏهن توهان جي ڪا سڃاڻپ آهي ته اها يوٽرن، منافقت ۽ ڪٺ پتلي آهي.

 

ستلج درياهه ۾ ٻيڙي اونڌي ٿيڻ سبب عورتن سميت 8 ڄڻا فوت

اوڪاڙا (ويب ڊيسڪ) ستلج درياهه ۾ ٻيڙي اونڌي ٿيڻ سبب 8 ڄڻا ٻُڏي فوت ٿي ويا. اوڪاڙا جي علائقي ملحو شيخو ڀرسان ستلج درياهه ۾ ٻيڙي اونڌي ٿي پئي، جنهن جي نتيجي ۾ هڪ ٻار، 5 عورتون ۽ ٻه مرد ٻُڏي فوت ٿي ويا. حادثي کانپوءِ مقامي ماڻهن پنهنجي مدد پاڻ تحت امدادي ڪارروائيون شروع ڪيون. ڊپٽي ڪمشنر اوڪاڙا مريم خان موجب ٻيڙي ۾ 20 کان 25 ماڻهو سوار هئا، حادثو گنجائش کان وڌيڪ ماڻهن جي ويهڻ سبب پيش آيو. اکين ڏٺن شاهدن موجب درياهه مان 8 ڄڻن جا مڙهه ڪڍيا ويا آهن، جڏهن ته ٻين جي ڳولا لاءِ ريسڪيو آپريشن جاري آهي. هوڏانهن ريسڪيو ذريعن جو چوڻ هو ته ٻيڙي اچ وڃ لاءِ استعمال ڪئي ويندي آهي، اڄ سفر دوران اوچتو حادثو پيش اچي ويو.

 

 

پنهنجا کيسا ڀرڻ لاءِ اسٽيل ملز کي تباهه ڪيو ويو: سپريم ڪورٽ

اسلام آباد (بيورو رپورٽ) سُپريم ڪورٽ حڪومت کي اسٽيل ملز جي زمين وڪرو ڪرڻ کان روڪي ڇڏيو. جسٽس گلزار احمد جي سربراهيءَ ۾ جُڙيل 2 رُڪني بئنچ اسٽيل ملز جي ملازمن کي پرويڊنٽ فنڊز ادا ڪرڻ جي حوالي سان ڪيس جي ٻڌڻي ڪئي. سُپريم ڪورٽ صنعت ۽ پيداوار واري وزارت جا اڪائونٽس منجمد ڪرڻ واري حڪم خلاف حڪومتي درخواست رد ڪري ڇڏي. ٻڌڻيءَ دوران ريمارڪس ڏيندي جسٽس گلزار احمد چيو ته پاڪستان اسٽيل ملز جي پيداوار ٻُڙي آهي، پنهنجا کيسا ڀرڻ لاءِ ملز کي تباهه ڪيو ويو، ڇو نه مل جي مامري جو نوٽيس ورتو وڃي. ٻڌڻيءَ دوران سرڪاري وڪيل دليل ڏيندي موقف رکيو ته ملازمن کي پرويڊنٽ فنڊز ادا ڪرڻ لاءِ فنڊز موجود نه آهن، ملازمن کي پگهارون ڏيڻ لاءِ ملز جي زمين وڪرو ڪري رهيا آهيون. عدالت حڪومتي موقف رد ڪندي وفاقي سرڪار کي اسٽيل ملز جي زمين وڪرو ڪرڻ کان روڪي ڇڏيو. عدالت پنهنجي حڪم ۾ چيو ته پاڪستان اسٽيل ملز جي زمين عوامي ملڪيت آهي، تنهن ڪري وڪرو نٿي ٿي سگهي. جسٽس گلزار احمد ريمارڪس ڏيندي چيو ته پاڪستان اسٽيل ملز تمام وڏو ادارو هو، سوين اسٽيلز ملز هن اسٽيل ملز جي ذريعي هلنديون هيون، مل ۾ گاڏيون، ٽرڪ ۽ راڪيٽ به ٺهندا هئا.

 

آزادي مارچ ۽ ڌرڻو بنا ڪنهن نقصان جي ختم ٿيڻ تي حڪومت کي واڌايون ڏيان ٿيون: صدر عارف علوي

ڪوئيٽا (ويب ڊيسڪ) صدر عارف علوي چيو آهي ته آزادي مارچ ۽ ڌرڻو بنا ڪنهن نقصان جي ختم ٿيڻ تي حڪومت کي واڌايون ڏيان ٿيون. ڪوئيٽا ۾ صحافين سان ڳالهائيندي صدر عارف علوي چيو ته ڪشمير جي معاملي تي پاڪستان سڄي دنيا ۾ ڀرپور نموني ڪردار ادا ڪيو آهي، گڏيل قومن ۾ تقرير ڪري وزيراعظم مسلم امت جي بهتر طريقي سان نمائندگي ڪئي، ڀارت پنهنجي ناپاڪ مقصدن سبب ڄار ۾ ڦاسندو پيو وڃي، جڏهن ته ڀارت جي بزدلاڻي ڪارروائين تي پاڪ فوج ڀرپور جواب ڏنو آهي. هن چيو خوشي ٿيڻ گهرجي ته عدالتون کليل آهن ۽ هر فرد پنهنجو معاملو عدليا سامهون پيش ڪري سگهي ٿو، آرمي چيف جي مدي جي حوالي سان 2 مهينا اڳ فيصلو ٿي چڪو آهي. سندس وڌيڪ چوڻ هو ته نيب جيڪڏهن ڪو غير قانوني ڪم ڪندو ته ميڊيا کي ان جي نشاندهي ڪرڻ گهرجي، منهنجي خواهش آهي ته پارليامينٽ قانون سازي بابت پنهنجو ڪم ڪندي رهي، جڏهن ته وفاق ۽ صوبائي حڪومتن ۾ ڪنهن به قسم جون وڇوٽيون ناهن.

 

احتساب هميشه پهرين ترجيح رهندي، قومي مفاهمي آرڊيننس (اين آر او) گهرندڙن احمقن جي جنت ۾ رهندا آهن: وزير اعظم

اسلام آباد (اين اين آءِ) وزيراعظم عمران خان هڪ دفعو ٻيهر واضح ڪيو آهي ته رول آف لا کان ڪنهن به صورت پوئتي نه هٽندس ادارا پاڪستان کي مضبوط رکڻ لاءِ هڪ پچ تي آهن ادارن جي نئين سر تعمير ۽ مضبوطي کان سواءِ ڪم نه هلندو ميڊيا قوم جي تعليم ۽ تربيت جو فرض ادا ڪيو ڪرپشن رياست لاءِ زهر آهي ذريعن موجب وزراعظم عمران خان سان بابر اعواڻ ملاقات ڪئي جنهن ۾ اڳوڻي وزيراعطم ميان نوازشريف جي اي سي ايل ڪيس سميت آئيني قانوني ۽ سياسي معاملن تي صلاح مشورا ڪيا ويا وزيراعظم عمران خان ڳالهائيندي چيو ته رول آف لا کان ڪنهن به صورت ۾ پوئتي نه هٽندس وزيراعظم عمرنا خان چيو ته احتساب هميشه پهرين ترجيحي رهندي قومي مقامي آرڊيننس گهرندڙ احمڪن جي جنت ۾ رهن ٿا بابر اعواڻ چيو ته سڌاراتي ايجنڊا تحت ادارا مضبوط ٿي ريها آهن وزراعظم جي اڻ ٿڪ ڪوششن ۽ اڪنامڪ ريفارمس جي ذريعي مثبت تبديليون اچي رهيون آهن بابر اعواڻ چيو ته اڪنامڪ ريفارمز جا ثمر جلد غريب عوام تائين پهچندا هن چيو ته وقت ثابت ڪندو ڏکيا فيصلا قوم جي فائدي ۾ هئا هن چيو ته حڪومت جي احساس پروگرام تحت غريب عوام تائين رليف پهچندو.

 

نوازشريف ۽ شهبازشريف پنهنجو پاڻ کي عدالت جي ڄار ۾ ڦاسائي ڇڏيو آهي: فردوس عاشق اعواڻ

اسلام آباد (اين اين آءِ) وزيراعطم جي سڌسماءِ جي خاص مددگار فردوس عاشق اعواڻ چيو آهي ته ميان نوازشريف ۽ شهبازشريف پنهنجو پاڻ کي عدالت جي ڄار ۾ ڦاسائي ڇڏيو آهي پنهنجي هڪ بيان ۾ فردوس عاشق اعواڻ چيو ته ميان صاحب جي صحت کي بنياد بڻائي ڪنهن کي سياست ڪرڻ جي ضرورت نه آهي صحتمند نوازشريف سان سياسي مئچ جاري رهندي هن چيو ته ٻنهي ڀائرن پنهنجو پاڻ کي عدالت جي ڄار ۾ ڏيئي ڇڏيو آهي قانون انهن جو پيڇو ڪندو رهندو سندس چوڻ آهي ته جنوري ۾ ٿيندڙ ٻڌڻي ۾ حڪومت جي سوالن کي عدالت ۾ ٻڌو ويندو ٻئي پاسي فردوس عاشق اعواڻ ڀارتي رٽائرڊ جنرل جي ٽي وي تي ڪشميري عورتن سان زيادتي جي حمايت جي بيان جي سخت مذمت ڪئي آهي هن چيوت ه اهڙا بيان قاتل ۽ غاصب مودي حڪومت جي انهن دعوائن جي ترديد آهي ته ڪشمير ۾ زندگي معمول تي اچي ويئي آهي فردوس عاشق اعواڻ چيو ته سلام پيش ڪيون ٿا پنهنجي ڪشميري مائرن ۽ ڀينرن کي جن جرئت شجاعت ۽ بهادري سان ڀارتي ظلم جو مقابلو ڪيو. عالمي برادري ڀارتي فوج جي اهڙن ذهني بيمارن ۽ انسانيت جي مجرمن جي خلاف سخت ردعمل جو اظهار ڪيو.

 

پاڪستان هر قسم جا هٿيار کڻي وڃڻ جي صلاحيت رکيندڙ شاهين ون ميزائيل جو ڪامياب تجربو ڪري ورتو

راولپندي (اين اين آءِ) پاڪستان زمين کان زمين تائين مار ڪرڻ جي صلاحيت رکندڙ شاهين ون بئليسٽڪ ميزائيل جو ڪامياب تجربو ڪري ورتو آءِ ايس پي آر پاران جاري ڪيل بيان موجب ميزائيل تربيتي مشق طور ڪيل تجربي جو مقصد آرمي اسٽريٽجڪ فورسز ڪمانڊ جي آپريشن تياري کي آزمائڻ هو آءِ ايس پي آر موجب شاهين ون ميزائيل 650 ڪلوميٽر تائين سمورن قسمن جا وار هيڊز کڻي وڃڻ جي صلاحيت رکي ٿو بيان موجب ڊي جي اسٽريٽجڪ پلانز ڊويزن، ڪمانڊر آرمي اسٽريٽجڪ فورسز ڪمانڊ چيئرمين نيسڪان، اسٽريٽجڪ پلان ڊويزن سان تعلق رکندڙ سينيئر آفيسرن آرمي اسٽريٽجڪ فورسز ڪمانڊ، سائنسدانن ۽ انجينئرز جي موجودگي ۾ هي تجربو ڪيو ويو پاڪ فوج پاران مضبوط هٿيارن جي نظام کي سنڀالڻ ۽ هلائڻ ۾ اعليٰ صلاحيت جو مظاهرو ڪيو ويو ٻئي پاسي ڊي جي آءِ ايس پي آر پاران ٽوئٽ ڪئي ويئي جنهن ۾ ٻڌايو ويو ته پاڪستان ايس ايس بي ايم شاهين ون ميزائيل جو ڪامياب تجربو ڪيو ترجمان ٻڌايو ته ميزائيل تجربي جو مقصد پاڪستان جي گهٽ ۾ گهٽ دفاعي صلاحيت کي يقيني بنائڻ لاءِ فوج جي اسٽريٽجڪ فورسز ڪمانڊ جي آپريشنل تياري کي جاچڻ هو.

 

نواز شريف جو اي سي ايل مان نالو ڪڍڻ جو نوٽيفڪيشن جاري، قطر ائير ايمبولينس کي به ڪليئرنس ملي وئي

اسلام آباد (بيورو رپورٽ) وفاقي گهرو وزارت نواز شريف کي هڪ ڀيرو پرڏيهه وڃڻ جي اجازت ڏيندي اي سي ايل مان نالو ڪڍڻ جو نوٽيفڪيشن جاري ڪري ڇڏيو، جڏهن ته قطر ائير ايمبولينس کي به ڪليئرنس ملي وئي آهي. گهرو کاتي طرفان نواز شريف جو نالو اي سي ايل مان هڪ ڀيرو ڪڍڻ لاءِ نوٽيفڪيشن جاري ڪيو ويو. نوٽيفڪيشن موجب لاهور هاءِ ڪورٽ جي فيصلي تحت نواز شريف کي هڪ ڀيرو پرڏيهه وڃڻ جي اجازت ڏني وئي آهي، جڏهن ته نواز شريف جي واپسيءَ لاءِ لاهور هاءِ ڪورٽ ۾ جمع ڪرايل حلف نامن کي به نوٽيفڪيس جو حصو بڻايو ويو آهي. نوٽيفڪيشن ۾ وڌيڪ چيو ويو آهي ته عدالتي فيصلي تحت نواز شريف کي 4 هفتن لاءِ پرڏيهه وڃڻ جي اجازت ڏني آهي. رپورٽس موجب نواز شريف کي علاج خاطر پرڏيهه وٺي وڃڻ لاءِ گهرايل قطر ايئر ايمبولينس کي به ڪليئرنس ملي وئي آهي. ايئر ايمبولينس سڀاڻي صبح جي وقت لاهور ايئرپورٽ تي پهچي ويندي، جتان نواز شريف کي لنڊن نيو ويندو. رپورٽس موجب نواز شريف قافلي جي صورت ۾ ايئرپورٽ پهچندو، ايئرپورٽ تائين مريم نواز ۽ رٽائرڊ ڪيپٽن صفدر سوڌو ٻيا به ساڻس گڏ هوندا

 

 

هڪ شخص بيمار آهي، وڌيڪ سياست نه ڪريو ڪٿي فلم ڳچيءَ ۾ نه پئجي وڃي: شيخ رشيد

راولپندي (اين اين آءِ) وفاقي وزير شيخ رشيد احمد چيو آهي ته هڪ ماڻهو بيمار آهي اها وڌيڪ سياست نه ڪريو ڪٿي فلم ابتي هلڻ شروع نه ٿي وڃي لاهور هاءِ ڪورٽ پاران نوازشريف کي وڃڻ جي اجازت ڏيڻ جي فيصلي جي خلاف حڪومت کي سپريم ڪورٽ سان نه رابطو ڪرڻ گهرجي نه رابطو ڪيو ويندو زرداري صاحب جي ڪيس ۾ 5 ماڻهو ڦاٿل آهن ملڪ ۾ مهانگائي، بيروزگاري آهي ۽ گڊ گورننس نه آهي جنهن تي ڪنٽرول ڪرڻ لاءِ وزيراعظم عمران خان ڪم ڪري رهيو آهي ۽ ڪم ڪندو تڏهن ئي کيس عزت ملندي تقريب کان پوءِ صحافين سان ڳالهائيندي شيخ رشيد چيو ته (ن) ليگ ۽ پ پ پ فضل الرحمان سان گڏ نه آهن هن چيو ته روزانو بيماري جي راند کيڏي پئي وڃي هن چيو ته سرڪولر ريلوي تي 42 ڪلوميٽر خالي ڪرايا ويا آهن 10 ڪلوميٽر رهيا آهن سنڌ حڪومت کي ڪم ڪرڻ گهرجي هن چيو ته حادثا نه ٿيڻ گهرجن عملو ۽ منهنجي سڄي محنت کي ضايع ڪيو وڃي ٿو هن چيو ته مهانگائي آهي گڊ گورننس نه آهي جنهن تي هاني عمران خان ڪم ڪري رهيو آهي ذميواري سان چوان ٿو ته خورشيد شاهه کان سواءِ باقي سڀ پلي بارگين تي آهن جڏهن ته خورشيد شاهه ۽ حمزه شهباز سخت ڦاٿل آهن ڪابينه ۾ ڦيرڦار ۽ گورنر کي عهدي تان هٽائڻ جي اطلاعن بابت هن ڪنهن قسم جي ڄاڻ کان انڪار ڪيو.