تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: November 16, 2019

ڊپٽي اسپيڪر خلاف بي اعتمادي رٿ: حڪومت پاران 9 آرڊيننس جا منظور ٿيل بلز واپس وٺڻ جو اعلان

اسلام آباد (م.ڊ) پي ٽِي آءِ سرڪار 9 آرڊيننس جا قومي اسيمبلي مان منظور ٿيل بلز واپس وٺڻ جو اعلان ڪري ڇڏيو، اپوزيشن به ڊپٽي اسپيڪر قاسم سوري خلاف بي اعتمادي رٿ واپس وٺڻ جو اعلان ڪيو آهي. اسپيڪر اسد قيصر جي صدارت هيٺ قومي اسيمبلي جي اجلاس دوران نواز ليگ اڳواڻ خواجه آصف اپوزيشن طرفان ڊپٽي اسپيڪر قاسم سوري خلاف بي اعتماد رٿ واپس وٺڻ جو اعلان ڪيو. سندس چوڻ هو ته حڪومت 7 نومبر تي منظور ٿيل 9 آرڊيننسز واپس وٺندي، اُهي واڳيل ڪميٽيز ڏانهن صلاح مشورن لاءِ موڪليا ويندا، هاڻي اپوزيشن طرفان ڊپٽي اسپيڪر خلاف جيڪا بي اعتمادي رٿ آندي وئي هئي، هاڻي اپوزيشن اتفاق راءِ سان رٿ واپس وٺڻ لاءِ تيار آهي. هُن ايوان ۾ ڳالهائيندي چيو ته جيترن بلز يا آرڊيننسز تي اختلاف هو، اڄ اُهي واپس وٺڻ تي اتفاق ٿيو آهي ته اپوزيشن به ڊپٽي اسپيڪر قاسم سوري خلاف خلاف بي اعتمادي رٿ واپس وٺندي. اجلاس دوران ڳالهائيندي پي ٽي آءِ ايم اين اي اسد عمر چيو ته هو اسپيڪر ۽ ڊپٽي اسپيڪر جي عهدن کي تڪراري نٿا بڻائڻ گهرن، جنهن نظرئي تي ووٽ وٺي آيا آهن، اُن تان هڪ انچ به پوئتي نه هٽڻو آهي، اپوزيشن جو به حق آهي ته اُها پنهنجو نقطئه نظر بيان ڪري. اجلاس دوران اعظم سواتي 7 نومبر تي منظور ٿيل آرڊيننسز جا بل واپس وٺڻ جو اعلان ڪيو، هُن چيو ته 7 نومبر تي پيش ڪيل پاڪستان ميڊيڪل ڪميشن 2019ع تي ايندڙ اجلاس ۾ بحث ٿيندو، ڪوشش هوندي ته اتفاق راءِ پيدا ٿئي، جڏهن ته بي نامي ٽرانزيڪشن آرڊيننس به ٻيهر اسيمبلي ۾ پيش ڪيو ويندو، پر منظوري کان اڳ مشاورت لاءِ بل کي واڳيل اسٽينڊنگ ڪميٽي ڏانهن موڪليو ويندو. اُن موقعي تي وفاقي وزي پرويز خٽڪ ڊپٽي اسپيڪر قاسم سوري خلاف بي اعتمادي رٿ واپس وٺڻ تي اپوزيشن جا ٿورا مڃيا ۽ خاطري ڪرائي ته حڪومتي ڌُر به بهتر ويو رکندي.

 

آپريشنز ۾ حاصل ڪيل امن ۽ استحڪام ذريعي ترقياتي عمل کي اڳتي وڌايو ويندو: پاڪ فوج

راولپنڊي (اين اين آءِ) آرمي چيف جنرل قمر جاويد باجوا چيو آهي ته هي سيڪيورٽي فورسز جون ڪوششون آهن جنهن سبب ملڪ ۾ سماجي معاشي ترقي جو مرحلو سروع ٿي ويو آهي امن استحڪام ۽ خوشحالي سيڪيورٽي فورسز جي قربانين جي ڪري آهي آءِ ايس پي آر موجب آرمي چيف فرنٽيئر ڪور خيبرپختونخواهه نارٿ هيڊ ڪوارٽر جو دورو ڪيو آرمي چيف ايف سي ميوزم ۽ فورٽ گئلري جو دورو پڻ ڪيو ايف سي ميوزم ۽ فورٿ گئلري کي عوام لاءِ به کوليو ويو آهي آءِ ايس پي آر موجب آرمي چيف آفيسرز ۽ فرنيٽيئر ڪور جي اهلڪارن سان به ملاقات ڪئي ان موقعي تي ڳالهائيندي آرمي چيف چيو ته ملڪ ۾ امن ۽ استحڪام قائم ڪرڻ ۾ ايف سي جون خدمتون ساراهه جوڳيون آهن آرمي چيف شهيدن ۽ انهن جي گهر ڀاتين کي قربانيون ڏيڻ تي خراج تحسين پيش ڪيو آرمي چيف چيو ته امن ۽ خوشحالي سيڪيورٽي فورسز جي قربانين جي ڪري آهي هن چيو ته هي سيڪيورٽِ فورسز جون ڪوششون آهن جو ملڪ ۾ سماجي، معاشي ترقي جو مرحلو شروع ٿي ويو آهي.

 

وزير اعظم جو ادارن کي مقرر وقت ۾ خانگائڻ جو حڪم

اسلام آباد (م.ڊ/اين اين آءِ) وزيراعظم عمران خان چيو آهي ته اسان جي حڪومت جيتري وڏي خساري کي منهن ڏنو اڳ ڪنهن به حڪومت ايڏي وڏي خساري کي منهن ناهي ڏنو اسان جو پهريون سال ڏکيو هو هاڻي معيشت مستحڪم ٿي ويئي رپئي جي ملڪ ۾ ڪنهن سپورٽ کان سواءِ اضافو ٿي رهيو آهي سيڙپڪارن جو اعتماد وڌي رهيو آهي اسان کي هتان اڳتي وڌڻو آهي ماڻهن کي روزگار ڏينداسين جمعي تي اسلام آباد ۾ هوا مان 360 ميگاواٽ بجلي جي پيداوار جي سپر 6 منصوبي جي معاهدي جي تقريب کي خطاب ڪندي وزيراعظم عمران خان چيو ته اسان جو پهريون سال ڏاڍو ڏکيو هو ڇو ته وڏو ڪرنٽ اڪائونٽ خسارو هو ڪنهن به حڪومت کي 20 ارب ڊالر ڪرنٽ اڪائونٽ جو خسارو نه هو وزيراعظم عمران خان چيو ته منهنجي معاشي ٽيم وڏي محنت سان ۽ ڏکيو وقت ڪڍي اسان جي معيشت مستحڪم ٿي ويئي آهي ۽ رپئي جي ملهه ۾ ڪنهن سپورٽ بنا اضافو ٿي رهيو آهي اسان جي اسٽاڪ مارڪيٽ مثبت آهي ڪرنٽ اڪائونٽ خسارو گهٽجي رهيو آهي ايڪسپورٽ وڌي رهي آهي سيڙپڪارن جو اعتماد وڌي رهيو آهي عمران خان چيو ته 70 ڪروڙ ماڻهن کي 30 سالن ۾ غربت مان ڪڍڻ هي هڪ معجزو آهي عمران خان چيو ته چين جي ڪاميابي جا ٻيا به سبب آهن پر ان جو سڀ کان وڏو سبب ڊگهي مدي رٿابندي آهي اسان جي بدقسمتي شارٽ ٽرم پلاننگ آهي هن چيو ته اليڪشن جا پنج سال هوندا آهن حڪومت ايندي آهي سوچيندي آهي ته مان ڪهڙو اهڙو پروجيڪٽ ڪيان جيڪو اليڪشن کان اڳ مان ماڻهن کي ڏيکاريندس ۽ ان جي پبلسٽي تي ڪروڙين رپيا لڳائي ان تي اليڪشن کٽڻ جي ڪوشش ڪئي وڃي ٿي وزيراعطمن چيو ته اهو اسان ۾ ۽ چين ۾ واضح فرق آهي چين جي لانگ ٽرم پلاننگ ايتري ته وڏي مدي جي آهي عمرانخ ان چيو ته پاڪستان ۾ هن وقت مهانگي بجلي جو مسئلو موجود آهي ان جي پويان لازمي ڪائي اهڙِ غلطي هوندي ته اسان سڀ کان سستي بجلي کان هاڻي ڏکڻ ايشيا ۾ سڀ کان مهانگائي بجلي بڻائي رهيا آهيون جنهن جي ڪري شرٽ ٽرم پلاننگ آهي. وزيراعظم چيو ته شارٽ ٽرم پلاننگ جو سڀ کان وڏو مثال بجلي جو آهي پاڪستان ۾ هائڊرو اليڪٽرڪ سٽي جي صلاحيت موجود هئي جڏهن ته ان کي ڇڏي اسان مهانگي امپورٽڊ ٻارڻ تي ٻڌل پاور اسٽيشن ٺاهڻ شروع ڪيا عمران خان چيو ته اها خبر به هئي ته بعد ۾ ان حوالي سان ڏکيائي ٿيندي ۽ اسان جي بجلي مهانگي ٿي ويندي جيئن ئي رپيو ڪرندي بجلي جي قيمت وڌي ويندي هن چيو ته مون کي هن منصوبي جي خوشي ٽن سببن جي ڪري آهي هڪ اهو ته سستي بجلي پيدا ٿيندا ٻي شئي صاف توانائي آهي ۽ گلوبل وارننگ ايندڙ نسلن لاءِ وڏو چئلينج آهي ۽ گلوبل وارمنگ سان متاثر ٿيندڙ ملڪن ۾ پاڪستان جو اٺون نمبر آهي ڇو ته پاڻي جو مسئلو مستقبل ۾ اڃا وڌي ويندي عمران خان چيو ته مان ورلڊ بئنڪ ۽ بين الاقوامي مالياتي اداري جو ٿورائتو آهيان.

ٻئي طرف  وزير اعظم عمران خان جي چيو آهي ته خانگائڻ جو مقصد روزاني جي بنياد تي سرڪاري ناڻي کي ڪروڙين اربين رپين جي خساري کان بچائڻ ۽ انهن ادارن کي لاڳاپيل شعبن ۾ اهل ماڻهن جي حوالي ڪرڻ آهي. وزير اعظم جي صدارت هيٺ خانگائڻ واري عمل ۾ اڳڀرائي جو جائزي وارو اجلاس ٿيو جنهن ۾ خانگائڻ واري وزير ميان محمد سومرو، ناڻي واري صلاحڪار حفيظ شيخ، پيٽروليم بابت خاص مددگار نديم بابر، سڌُ سماءَ ۽ نشريات بابت خاص مددگار ڊاڪٽر فردوس عاشق، خاص مددگار ذوالفقار عباس، خانگائڻ واري سيڪريٽري رضوان ۽ ٻين اعليٰ آفيسرن شرڪت ڪئي. اجلاس ۾ خانگائڻ واري عمل ۾ اڳڀرائي جو جائزو ورتو ويو ۽ وزير اعظم کي خانگائڻ جي لاءِ نشاندهي ڪندڙ سرڪاري ادارن کي خانگائڻ واري عمل ۾ هن وقت تائين جي اڳڀرائي رپورٽ پيش ڪئي وئي. اجلاس ۾ خانگائڻ واري سيڪريٽري رضوان ملڪ خانگائڻ واري عمل تي بريفنگ ڏيندي ٻڌايو ته ان عمل ۾ انهن ادارن ۽ شين کي شامل ڪيو ويو آهي جيڪي سرڪاري ناڻي تي مسلسل بار هئا يا پنهنجي صلاحيت کان گهٽ ڪارڪردگي جو مظاهرو ڪري رهيا هئا، اهڙي سرڪاري شين کي به خانگائڻ واري عمل ۾ شامل ڪيو ويو آهي جيڪي سالون سال غير استعمال ٿيل يا غير منافعي بخش آهن. وزير اعظم جو چوڻ هو ته اِهو تاثر درست ناهي ته خانگائڻ جي تحت حڪومت رڳو نقصان تي ٻڌل ادارن مان جند ڇڏرائڻ چاهي ٿي، خانگائڻ جو مقصد روزاني جي بنياد تي سرڪاري ناڻي کي ڪروڙين اربين رپين جي خساري کان بچائڻ ۽ انهن ادارن کي جن جي ڪارڪردگي چڱي ناهي انهن کي لاڳاپيل شعبن ۾ اهل ماڻهن جي حوالي ڪرڻ آهي. خانگائڻ واري سيڪريٽري کي هدايت ڏيندي وزير اعظم جو چوڻ هو ته خانگائڻ جي لاءِ نشاندهي ڪندڙ سمورن ادارن کي خانگائڻ جي مقرر ٽائيم فريم ۾ مڪمل ڪيو وڃي، اثاثن ۽ ادارن کي خانگائڻ واري عمل ۾ سمورين وزارتن جي متحرڪ ڪردار ۽ ڀرپور سهڪار کي يقيني بڻايو وڃي، حڪومت جي ترجمين هئڻ جي ڪري وزير اعظم کي خانگائڻ واري عمل جي اڳڀرائي کان مسلسل آگاهه رکيو وڃي ۽ ان ضمن ۾ ڪنهن به ڏکيائي کي هنگامي بنياد تي روڪيو وڃي.

 

سياسي ۽ عسڪري قيادت وچ ۾ ملاقات، ملڪ جي سيڪيورٽي صورتحال تي ڳالهيون

اسلام آباد (اين اين آءِ) وزيراعظم عمران خان سرحدن جي دفاع ۾ پاڪ فوج جي ڪوششن کي ساراهيندي داخلي سيڪيورٽي مضبوط ڪرڻ تي پاڪ فوج جي ڪردار جي تعريف ڪئي آهي جمعي تي وزيراعظم آفيس جي ترجمان مطابق قمر جاويد باجوا وزيراعظم عمران خان سان ملاقات ڪئي جنهن ۾ ملڪ جي سيڪيورٽي صورتحال والاريل ڪشمير، الهندي سرحد ۽ اندروني سيڪيورٽي جي معاملن تي خيالن جي ڏي وٺ ڪئي ويئي وزيراعظم عمران خان سرحدن جي دفاع ۾ پاڪ فوج جي ڪوششن کي ساراهيو.

 

سنڌ ۾ ٻئي ڏينهن به برسات جا راڱا جاري، ماءُ ڌيءُ سوڌو وڌيڪ5 ڄڻا فوت

ڪراچي (نمائندن وٽان) سنڌ جي مختلف علائقن ۾ ٻئي ڏينهن به برسات جا راڱا جاري آهن، گجگوڙ سان برسات دوران وِڄون ڪرڻ سوڌو ٻين حادثن ۽ واقعن ۾ ماءُ ڌيءُ سوڌو وڌيڪ5 ڄڻا فوت ٿي ويا، مينهن، ٻڪرين ۽ اُٺن سوڌو مال به مري ويو آهي. برسات جو سلسلو جاري رهڻ کانپوءِ ٿڌ وڌي وئي، بجلي ۽ مواصلاتي نظام ڊانواڊول ٿي ويو ۽ فصلن کي به ڪاپاري ڌڪ رسڻ جو خدشو وڌو ويو آهي. سکر، پنو عاقل، روهڙي، ڪنڌرا ۽ باگڙجي ۾ به ٻئي به ڏينهن به وقفي وقفي سان برسات جاري رهڻ کانپوءِ عام زندگي مفلوج بڻجي وئي آهي، ٿڌ وڌي وڃڻ سبب ماڻهو گهرن تائين محدود ٿي ويا، جڏهن ته رستن تي برساتي پاڻي بيهجي ويو آهي ۽ بجلي توڙي مواصلاتي نظام ڊانواڊول ٿيڻ سبب ماڻهن کي ٻٽي عذاب جو منهن ڏسڻو پئجي رهيو آهي. بوزدار وڏا ۽ ڀرپاسي وارن علائقن ۾ وقفي وقفي سان برسات پئي آهي، گجگوڙ سان پيل برسات انتظاميا جي پت وائکي ڪري ڇڏي آهي، رستن ۽ گهٽي تي گندو پاڻي بيهڻ سان گڏ گٽر نالا اُٿلي پيا آهن، جڏهن ته سرڪاري اسڪولن ۽ اسپتالن سوڌو ٻين عمارتن ۾ پاڻي بيهجي ويو. شهدادڪوٽ ۾ ٻئي ڏينهن به تيز هوا ۽ گجگوڙ سان برسات جو سلسلو جاري آهي، برسات دوران گهر جي ڇِت ڪرڻ سبب عورت مسمات مريم خاتون ۽ سندس 6 ورهين جي ڌيءُ شمائلا مگسي دٻجي فوت ٿي ويون، جڏهن ته سندس پُٽ بلاول ۽ ڌيءُ زرينا زخمي ٿي پيا، جِن کي لاڙڪاڻو اسپتال نيو ويو. ٽنڊو جان محمد ۾ برسات دوران هوٽل تي وِڄ ڪري پئي، جنهن جي نتيجي ۾ صدر الدين درس فوت ٿي ويو. خانپور مهر ۽ ڀرپاسي وارن علائقن ۾ وقفي وقفي سان برسات جاري آهي، ڳوٺ مٺڙي ۾ بجليءَ جو ڪرنٽ لڳڻ سبب نينگر پرويز انصاري فوت ٿي ويو. پيرڳوٺ ۽ ڀرپاسي ڪيترن ئي علائقن کان برسات جو وسڪارو ٿيڻ بعد بس اسٽينڊ ۽ بازارن توڙي گهرن ۾ پاڻي بيهجي ويو، بجلي مڪمل طور بند ٿي وئي، جڏهن ته ڳوٺ خان محمد موهل ۾ وِڄ ڪرڻ سبب 2 مينهون مري ويون. چيلهار ۾ رات کان اڄ ٻئي ڏينهن تائين به برسات جو سلسلو وقفي وقفي سان جاري رهيو، وِڄ ڪرڻ جا وڌيڪ واقعا به پيش آيا آهن، جنهن جي نتيجي ۾ هڪ عورت ڪانهون زال ڪرشن ڀيل زخمي ٿي پيا، جڏهن ته وڌيڪ 16 ٻڪريون ۽ هڪ اُٺ به مري ويو. موهن جو دڙو جي ڳوٺ خميسو هليو ۾ گجگوڙ سان برسات دوران وِڄ ڪرڻ جي نتيجي ۾ نوجوان امتياز سولنگي فوت ٿي ويو، نوجوان زمين تي ڪم ڪري رهيو هو ته مٿس وِڄ ڪري پئي، سندس ڪپڙا ۽ جسم سڙي ويو. ٽنڊو ستي، هڱورجا، سڳيون ۽ ڀرپاسي وارن علائقن ۾ ٻئي ڏينهن به گجگوڙ ۽ تيز هوا سان برسات پئي آهي، جنهن جي نتيجي ۾ وونئڻ، ڪڻڪ، ڪپهه ۽ ڪمند جي فصلن کي نقصان پهتو آهي، جنهن کانپوءِ آبادگارن جا به مٿي تي هٿ اچي ويا. ناري تعلقي جي چونڊڪو، تجل، کينهواري ۽ ٻين علائقن ۾ وقفي وقفي سان برسات کانپوءِ ٿڌ ۾ اضافو ٿي ويو آهي، جڏهن ته بجلي ۽ مواصلاتي نظام به ڊانواڊول ٿيڻ ماڻهن کي پريشانين جو منهن ڏسڻو پيو آهي. جيڪب آباد ۽ آسپاس وارن علائقن ۾ ٻئي ڏينهن به سياري جي برسات جو وسڪارو جاري رهيو، جنهن کانپوءِ بجلي ۽ گئس بند ٿي ويون، جڏهن ته ساريالي فصل کي نقصان جو خدشو پيدا ٿي ويو آهي. غوثپور ۽ ڀرپاسي وقفي وقفي سان برسات کانپوءِ ٿڌ وڌي وئي، ڪاروبار متاثر ٿيو آهي، ٿڌ وڌڻ کانپوءِ ماڻهن گرم شين جو واهپو وڌائي ڇڏيو آهي. ڳڙهي خيرو، وارهه،ڳيريلو، پکو ۽ ڀرپاسي وارن علائقن ۾ ٻي رات ۽ ٻئي ڏينهن به وقفي وقفي سان تيز ۽ هلڪي برسات جو وسڪارو جاري آهي، برسات کانپوءِ ٿڌ وڌي وئي، بجلي ۽ مواصلاتي نظام ڊانواڊول ٿي ويو، فيصلن کي نقصان جو خدشو پيدا ٿيڻ سبب آبادگار ٻٽِي پريشاني ۾ وڪوڙجي ويا آهن. لاڙڪاڻو، موهن جو دڙو، قمبر، ڪشمور، ڪنڌڪوٽ، ڪرمپور، ڪڪڙ، ميهڙ، سيوهڻ، بوبڪ، قاضي احمد، خانواهڻ، درياءَ خان مري ۽ ٻين علائقن ۾ اڄ ٻئي ڏينهن به وقفي وقفي سان برسات جو سلسلو جاري رهيو. گجگوڙ سان برسات ۽ ڳڙو پوڻ دوران ماڻهو خوف ۾ وڪوڙجي ويا ۽ قرآن پاڪ جو ورد ڪرڻ لڳا. برسات ۽ ڳڙي سبب فصلن کي به ڪاپاري ڌڪ رسڻ جو خدشو آهي. گذريل ڏينهن سنڌ جي مختلف علائقن ۾ گجگوڙ برسات ۽ ڳڙو پوڻ دوران وڄون ڪرڻ جا ڪيترائي واقعا پيش آيا، جنهن جي نتيجي ۾ 21 ٿر واسين سوڌو 29 ڄڻا فوت ٿي ويا هئا، ڪيترائي زخمي ٿي پيا، جڏهن ته وڏي تعداد ۾ مال به مري ويو.

 

 

آزادي مارچ ڪامياب قرار ، وزيراعظم جي وڃڻ جا چانسز گهٽ ناهن ٿيا وڌي ويا آهن، ايندڙ سال نئون وزيراعظم هوندو: بلاول زرداري

اسلام آباد(بيورو رپورٽ) پ پ چيئرمين بلاول ڀٽو آزادي مارچ کي ڪامياب قرار ڏيندي چيو آهي ته وزيراعظم جي وڃڻ جا چانسز گهٽ نه ٿيا آهن، وڌي ويا آهن، ايندڙ سال نئون وزيراعظم هوندو. جي يو آءِ جي پلان بي ۽ چوڌري ڀائرن سان گڏجاڻين جا تفصيل رهبر ڪميٽي کي ناهن ٻڌايا ويا. سول نافرماني لاءِ مولانا جي حمايت نه ڪنداسين. اسلام آباد ۾ پ پ جي ڪور ڪميٽي جي اجلاس بعد ميڊيا سان ڳالهائيندي پ پ چيئرمين چيو ته آصف زرداري ضمانت لاءِ درخواست نه ٿو ڏئي، پر کيس ڊاڪٽر سان ملڻ لاءِ 6 مهينن جي اجازت به نه ٿي ڏني وڃي. بلاول ڀٽو جي يو آءِ جي آزادي مارچ کي ڪامياب قرار ڏنو آهي ۽ چيو ته وزيراعظم جي وڃڻ جا چانسز گهٽ ناهن ٿيا، اڃا وڌيا آهن. بلاول اعتماد واري انداز ۾ چيو ته وزيراعظم عمران خان کي وڃڻو پوندو ۽ انشاء الله ايندڙ سال نئون وزيراعظم هوندو. هڪ سوال جي جواب ۾ پ پ چيئرمين چيو ته نه جي يو آءِ ف جي پلان بي ۽ نه ئي چوڌري ڀائرن سان گڏجاڻين جا تفصيل رهبر ڪميٽي کي ٻڌايا ويا آهن. هن چيو ته جي يو آءِ جي پلان بي ۽ سي جا تفصيل ملڻ کانسواءِ ان جي حمايت تي نه ٿو ڳالهائي سگهان. هن چيو ته پ پ جو يومِ تاسيس آزاد ڪشمير ۾ ملهائينداسين ۽ پنهنجي ايندڙ حڪمت عملي بابت پاڪستاني قوم ۽ سڄي دنيا کي ٻڌائينداسين.

 

 

سنڌ ۾ 105 ملين ڊالرز جو سولر انرجي پروجيڪٽ، سنڌ حڪومت ۽ ورلڊ بينڪ معاهدي تي صحيحون ڪري ڇڏيون

ڪراچي(اسٽاف رپورٽر) سنڌ جي توانائي کاتي وڏي وزير سيد مراد علي شاهه جي موجودگي ۾ نجي ڪمپنين سان گڏ هڪ معاهدو ڪيو آهي جنهن ۾ ورلڊ بينڪ جي اهتمام هيٺ سنڌ ۾ 105 ملين ڊالرن جي لاڳت سان سنڌ سولر انرجي پروجيڪٽ (ايس ايس اي پي) شروع ڪيو ويندو. دستخطي تقريب ۾ چيف سيڪريٽري سيد ممتاز علي شاهه، توانائي وارو وزير امتياز شيخ، اطلاعات ۽ محنت وارو وزير سعيد غني، وڏي وزير جو صلاحڪار مرتضيٰ وهاب، وڏي وزير جو پرنسپل سيڪريٽري ساجد جمال ابڙو، توانائي وارو سيڪريٽري مصدق خان، ناڻي وارو سيڪريٽري حسن نقوي، چيف ايگزيڪٽو افسر (سي اي او) ايس ٽي ڊي سي ريحان حامد، چيف ايگزيڪٽور افسر (سي اي او) ايلن پارٽنر، ڪنسلٽنٽس ضياءَ الدين احمد، چيف ايگزيڪٽو افسر (سي اي او) فارسائيٽ لميٽڊ زبير احمد، ورلڊ بينڪ  جو سينئر انرجي ماهر مسٽر اوليور نائيٽ، ورلڊ بينڪ جا نمائندا انجم احمد، امل اعوان، ڪاظم سعيد، پي ڊي ايس ايس اي پي محفوظ احمد قاضي، شيخ عامر ضيا، ڪي اليڪٽرڪ جا نمائندا اسمر نعيم ۽ خيام صديقي، ايڊ نجي ڪمپني جو اعجاز رضوي ۽ ٻيا پڻ موجود هئا. صوبائي وزير توانائي امتياز شيخ وڏي وزير کي ڄاڻ ڏيندي ٻڌايو ته سنڌ سولر  انرجي پروجيڪٽ ۾ ورلڊ بينڪ 100 ملين ڊالرن تائين جي فنڊنگ ڪري رهي آهي جڏهن ته صوبائي حڪومت 5 ملين ڊالرز ڏيندي. هن چيو ته پروجيڪٽ جو پي ڊي تعينات ڪيو ويو آهي جنهن پروجيڪٽ تي عملدرآمد لاءِ پرائيوٽ فرمز کي هائر ڪيو آهي. ڪي اليڪٽرڪ، حيسڪو ۽ سيپڪو به ان منصوبي ۾ سهڪار ڪندا.هڪ 400 ميگاواٽ جو سولر پارڪ مانجهند ۾ 40 ملين ڊالرن جي لاڳت سان قائم ڪيو ويندو. هڪ 20 ميگاواٽ جو روٽ ٽاپ سولر سسٽم ڪراچي ۽ حيدرآباد ۾ 25 ملين ڊالرن جي لاڳت سان سرڪاري شعبي جي عمارتن ۾ قائم ڪيو ويندو.  ٽيون ڪمپونينٽس صوبي جي 10 ضلعن جي پٺتي پيل علائقن ۾ سولر پاڪ ذريعي 2 لک هوم سسٽم جو آهي جنهن تي لاڳت جو ڪاٿو 30 ملين ڊالرز آهي. ان منصوبي تحت ڄاڻايل علائقن ۾ جيڪي گرڊ زونن کان باهر آهن 2 لک گهرن کي سولر اليڪٽرڪ سٽي فراهم ڪئي ويندي. وڏي وزير سيد مراد علي شاهه صوبائي وزير انرجي امتياز شيخ کي هدايت ڪئي ته هو نجي فرمز سان گڏ معاهدي تي صحيحون ڪري ته جيئن هو سولر پاڪ ذريعي ان منصوبي جي سارسنڀال ۽ ان کي هلائي سگهي جنهن تحت 2 لک گهرن کي بجلي ملندي. امتياز شيخ وڏي وزير کي ٻڌايو ته ايس ايس اي پي جي سڀني ٽن ڪمپونينٽس تي عملدرآمد لاءِ ڪانٽريڪٽس کي ورلڊ بينڪ جي گائيڊلائينن تحت حتمي شڪل ڏني وئي آهي. هن چيو ته سرڪاري عمارتن جي نشاندهي لاءِ سروي ڪيو ويندو ۽ کين ڇتن تي سولر سسٽم لڳائڻ لاءِ تعداد جا بلز تيار ڪيا ويندا. صوبي جي 10 ضلعن ۾ آف گرڊ ۽ آن گرڊ علائقن جي گهرن جو فرم سروي ڪندي. وڏي وزير، ورلڊ بينڪ جي مشن ۽ ٻين اعليٰ عملدارن معاهدي تي ٿيندڙ صحيحي واري تقريب ۾ شرڪت ڪئي. وڏي وزير چيو ته مٿي ڄاڻايل ٽنهي ڪمپونينٽس تي عملدرآمد کانپوءِ حڪومت جي بجلي جي بلز جي مد ۾ 500 ملين رپين تائين جي بچت ٿيندي.

 

وفاقي وزير محبوب سلطان پاران سنڌ صوبي کي 4 لک ٽن ڪڻڪ ڏيڻ جو اعلان

حيدرآباد(هه.آ) وزيراعظم پاڪستان عمران خان جي خاص هدايتن تي سنڌ آيو آهيان، صوبي لئه چار لک ٽن ڪڻڪ ڏيڻ جو اعلان. وفاقي وزير برائي زراعت صاحبزاده محمد محبوب سلطان، وفاقي وزير برائي زراعت جناب صاحبزاده محمد محبوب سلطان پاسڪو گودام حيدرآباد ۾ ميڊيا سان مختصر ڳالهه ٻولهه ڪندي چيو ته ڪڻڪ جي کوٽ فقط سنڌ صوبي ۾ آهي پر اسان لئه سڄو پاڪستان هڪ جهڙو آهي. وزيراعظم پاڪستان جي ملڪ جي صورتحال تي مڪمل نظر آهي، سندن خاص هدايت تي سنڌ آيو آهيان، اٽي جو موجوده بحران صوبائي حڪومت جي نااهلي سبب ئي آهي. ڪوشش هوندي ته صوبي ۾ موجود اٽي جي بحران تي تمام جلد ڪنٽرول ڪري وٺون. هن پريس سان مختصر ڳالهائيندي چيو ته اسان کي خبر آ هن وقت ملڪ ۾ مهانگائي تمام گھڻي آ پر ان جو سبب پوئين حڪومتن جا ڪيل غلط فيصلا ۽ بي جا ورتل قرض آ. پر الله تعالى  جا احسان جو موجوده حڪومت جي ڪيل فيصلن سان ملڪي معيشت سنئين دڳ تي اچي رهي آهي جنهن جي تعريف مختلف ملڪن جا ادارا پڻ ڪري رهيا آهن.  وفاقي وزير جي حيدرآباد دوري تي مختلف فلور مل مالڪن جي طرفان معزز مهمان کي اجرڪن ۽ سنڌي ٽوپين جا تحفا پڻ ڏنا ويا. ان بعد وفاقي وزير صاحبزاده محمد محبوب سلطان صاحب حيدرآباد ضلعي ۾ پوکيل مختلف زرعي فارمن جا دورا ڪري تيار ٿيندڙ فصلن متعلق تفصيل پڻ ورتا. دوري وقت ميڊيا سان ڳالهه ٻولهه ڪندي سندن چوڻ هو ته پاڪستان الله تعالى جي فضل سان هڪ زرعي ملڪ آهي جيڪو زراعت جا ڪافي اسم ٻاهرن ملڪن ۾ ايڪسپورٽ به ڪندو آهي اسان ملڪي زراعت کي ترقي وٺرائڻ لاءِ مختلف ڪوششون ڪري رهيا آهيون جن جو رزلٽ تمام جلد عوام جي اڳيان هوندو.

 

جنهن ملڪ جو وزيراعظم ڪوڙو نااهل، نالائق ۽ بي رحم هجي ان جي حڪومت جو هر ايندڙ سال عوام لاءِ سخت هوندو: مريم اورنگزيب

اسلام آباد (اين اين آءِ) ليگ جي ترجمان مريم اورنگزيب اڳوڻي وزيراعطم نوازشريف جي صحت بابت بيان ۾ چيو آهي ته ڊاڪٽر نوازشريف جي جسم تي دوائن جا ظاهر ٿيندڙ سائيڊ افيڪٽس ۽ سوج گهٽائڻ جي ڪوشش ڪري رهيا آهن هڪ بيان ۾ هن چيو ته شريف ميڊيڪل بورڊ جي ڊاڪٽرن جو اجلاس محمد نوازشريف جو تفصيلي معائنو ڪيو هن چيو ته ڊاڪٽر محمد نوازشريف جي جسم تي دوائن جا ظاهر ٿيندڙ سائيڊ افيڪٽس ۽ سوج گهٽائڻ جي ڪوشش ڪري رهيا آهن هن چيو ته ڊاڪٽرن ٻيهر خبردار ڪيو آهي ته نوازشريف جي صحت جي معاملي ۾ وڌيڪ دير موت جو سبب بڻجي سگهي ٿي هن چيو ته پليٽ ليٽس گهٽجڻ جي تشخيص کان سواءِ اسٽيرائڊز ۽ ٻيون دوائون ڏيئي نوازشريف جي حياتي خطري ۾ وڌي پئي وڃي هن چيو ته طبي لحاظ کان هر هر اسٽرائيڊز جي هاءِ ڊوز ۽ دوائن جي مٽاسٽا جا خطرناڪ اثر ٿي رهيا آهن هن چيو ته ڊاڪٽرن واضح ڪيو آهي ته جلد ئي ميان نوازشريف کي ملڪ کان ٻاهر منتقل نه ڪيو ويو ته معاملو پاڪستاني ڊاڪٽرن جي هٿن مان نڪري ويندو هن چيو ته ڊاڪٽرن کي خدشو آهي ته پليٽ ليٽس وڌائڻ جي ڪوشش ۾ هارٽ اٽيڪ گردن ۽ ٻين عضون جي متاثر ٿيڻ جا خطرا وڌي چڪا آهن هن چيو ته قوم کي ميان نوازشريف جي صحت لاءِ دعا جي درخواست آهي.

مريم اورنگزيب وزراعطم عمران خان جي بيان تي ردعمل ڏيندي چيو آهي ته عمران صاحب جنهن ملڪ جو وزيراعظم ڪوڙو، نااهل نالائق ۽ بي رهم هجي ان جي حڪومت جو هر ايندڙ سال عوام لاءِ سخت هوندو هن چيو ته عمران صاحب هڪ سال اڳ هن ملڪ ۾ عوام خوشحالي مهانگائي 3 سيڪڙو ترقي جي شرح 5.8 سيڪڙو هئي عمران صاحب هڪ سال اڳ هن ملڪ ۾ ڪاروبار ۽ روزگار هو عمران صاحب هڪ سال ۾ اوهان جي ڪوڙن ۽ نااهلي عوام کي بدحالي ڪري ڇڏيو آهي هن چيو ته عمران صاحب اوهان جي هوندي هر گذرندڙ ۽ ايندڙ سال ملڪ ۽ عوام لاءِ سخت ثابت ٿيندو ڇو ته اوهان وڏا ڪوڙا نالائق ۽ نااهل آهيو هن چيو ته عمران صاحب جڏهن کان اوهان مڙهيا ويا آيو هن ملڪ ۽ قوم سخت پريشاني کي منهن ڏيئي رهيو آهي ۽ هاڻي هي پريشاني اوهان جي وڃڻ سان ختم ٿيندي عمران صاحب نوازشريف پاڪستان کي 11 هزار ميگاواٽ بجلي جو تحفو ڏيئي چڪو آهي هن چيو ته ملڪ ۾ بجلي جي نه پر جيڪو ڌاڙو اوهان بجلي ۽ گئس جا بل وڌائي هڻي رهيا آهيو ان سبب عوام سخت پريشان آهي.

 

 

وفاقي سرڪار ۽ نيب جا اعتراض رد، نواز شريف جو نالو اي سي ايل مان ڪڍڻ لاءِ درخواست ٻڌڻ جوڳو قرار

لاهور هاءِ ڪورٽ (ڊيسڪ رپورٽ) لاهور هاءِ ڪورٽ وفاقي سرڪار ۽ نيب جا اعتراض رد ڪندي نواز شريف جو نالو اي سي ايل مان ڪڍڻ لاءِ درخواست کي ٻڌڻ جوڳو قرار ڏئي ڇڏيو آهي. جسٽس باقر علي نجفي جي سربراهيءَ ۾ جُڙيل 2 رُڪني بئنچ نواز شريف کي بنا ڪنهن شرط جي پرڏيهه موڪلڻ واري درخواست تي ٻڌڻي ڪئي. اهڙي درخواست شهباز شريف طرفان وفاقي سرڪار جي مشروط اجازت ملڻ خلاف داخل ڪرائي وئي هئي. عدالت ٻڌڻيءَ بعد فيصلو ڪجهه دير لاءِ محفوظ ڪيو، جيڪو بعد ۾ جاري ڪندي درخواست کي ٻڌڻ جوڳو قرار ڏنو ويو.
عدالت وفاقي سرڪار ۽ نيب جا اعتراض رد ڪري ڇڏيا. لاهور هاءِ ڪورٽ پنهنجي فيصلي ۾ چيو آهي ته نواز شريف جو اي سي ايل مان بنا شرط جي نالو ڪڍڻ جي حوالي درخواست هن ئي عدالت ۾ سومر ڏينهن ٿيندي. اُن موقعي تي شهباز شريف جي وڪيل طرفان درخواست تڪڙي ٻڌڻ لاءِ هڪ ٻي درخواست داخل ڪرائي وئي، جنهن کي منظور ڪندي عدالت درخوست سڀاڻي ٻڌڻي لاءِ مقرر ڪري ڇڏي