تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: November 5, 2019

رابي پيرزادو جو وڊيو ليڪ ڪندڙن ڏانهن پيغام، “افسوس” جو اظهار، شوبز ڇڏڻ جو اعلان

 

ڪراچي (شوبز نيوز) ڳائڻي رابي پيرزادو سندس غيراخلاقي وڊيوز ليڪ ڪندڙن ڏانهن پيغام جاري ڪيو آهي. ٻه ڏينهن اڳ رابي پيرزادو جون غيراخلاقي وڊيوز وائرل ٿيون هيون جنهن سبب هو ٽوئٽر تي ٽاپ ٽرينڊ بڻجي وئي هئي. وڊوز ليڪ ٿيڻ جي حوالي سان ڪيتريون ئي ڳالهيون سامهون آيون. ڪنهن چيو ته هي وڊيوز رابي جي اڳوڻي بواءِ فرينڊ ليڪ ڪيون آهن جڏهن ته گهڻا ماڻهو چئي رهيا هئا ته رابي پيرزادو جي فون مان انهن تصويرن ۽ وڊيوز کي چورايو ويو آهي. وڊيوز جي حوالي سان رابي پيرزادو جو موقف سامهون نه آيو هو ۽ ماڻهو ڄاڻڻ لاءِ بيچين هئا ته نيٺ رابي پيرزادو جو ان بابت ڇا چوڻ آهي. گذريل ڏينهن هن هڪ مختصر ٽوئٽ ۾ لکيو ته “جيڪو بندو دنيا ۾ ڪنهن بندي جي پرده پوشي ڪندو الله عزوجل قيامت جي ڏنهن سندس پرده پوشي فرمائيندو” ٻئي پاسي رابي پيرزادو پنهنجي سڀني سوشل ميڊيا اڪائونٽس تي پوسٽ شيئر ڪئي آهي جنهن ۾ هن لکيو آهي ته مونکي پنهنجي هجڻ تي افسوس آهي. واضح رهي ته رابي پيرزادو وڊيوز خلاف ايف آءِ اي سائبر ڪرائم ونگ سان رابطو ڪري جاچ جو مطالبو به ڪيو آهي.رابي پيرزادا پنهنجي انٽرويو ۾ ٻڌايو هو ته ليڪ ٿيل ذاتي وڊيوز ۽ تصويرون هن جي فون ۾ موجود هيون ۽ ڄاڻايل فون هن ڪجهه عرصو اڳ وڪرو ڪيو هو.هن اهو به چيو هو ته جتي هن پنهنجو سمارٽ فون وڪرو ڪيو هو ان خلاف به ڪارروائي جي درخواست ڏني آهي.امڪاني  طور تي گلوڪارا جي وڪرو ڪيل فون ۾ موجود ڊليٽ ڪيل مواد رڪور بعد ليڪ ڪيو ويو هو.ان معاملي کان پوءِ اداڪارا دٻاءَ ۽ پريشاني جو شڪار نظر آئي ۽ هاڻ هن هڪ ٽوئيٽ ذريعي شوبز انڊسٽري ڇڏڻ جو اعلان ڪيو آهي. هن ٽوئيٽ ڪندي لکيو ته “آئونرابي پيرزادا شوبز ڇڏيان ٿي، خدا منهنجا گناهه معام ڪندو ۽ منهنجي حق ۾ ماڻهن جي دل نرم ڪري”.ان سان گڏ هن هڪ پاڪ آيت به لکي، اداڪارا جي ان اعلان کان تي ڪيترن ئي مداحن ڏک اظهار جو اظهار ڪيو آهي.

 

پاڪستاني فلم ڏسي مٿي ۾ سور پئجي ويو: عمران عباس

 

ڪراچي (شوبز نيوز) فلمن ۽ ڊرامن جي مقبول اداڪار عمران عباس پنهنجي فيس بڪ پوسٽ ۾ اعتراف ڪيو ته تازو رليز ٿيل هڪ نئين پاڪستاني فلم ڏسڻ دوران کيس مٿي ۾ سور پئجي ويو. عمران عباس پنهنجي فيس بڪ پوسٽ ۾ ڪنهن به رليز ٿيل نئين فلم جو نالو وٺڻ کانسواءِ فلم جي ڪهاڻي، فوٽوگرافي، ڊريسنگ ۽ ميڪ اپ کي تنقيد جو نشانو بڻايو. عمران جو چوڻ هو ته هن ٽن ڪلاڪن جي فلم ڏٺي جنهن دوران کيس احساس ٿيو ته هن پنهنجو وقت ضايع ڪري ڇڏيو ۽ هن ان دوران فلم جي ڪا هڪ خاص ڳالهه ڳولڻ جي ڪوشس ڪئي جيڪا کيس مطمئن ڪري سگهي ته هن فلم ڇو ڏٺي. جڏهن ته هو اهڙو ڪوبه سبب ڳولڻ ۾ پڻ ناڪام رهيو. اداڪار موجب جتي نئين فلم جي ڪهاڻي خراب هئي اتي ان کي بري انداز ۾ فلمايو ويو ۽ اداڪارن جي ڊريسنگ به ناقص هئي. هن دعويٰ ڪئي ته ڄاڻايل فلم کانپوءِپاڪستاني فلم انڊسٽري ڪيترائي سال پوئتي هلي وئي آهي.

 

بابر اعظم جي ٽي ٽوئنٽي ۾ بهترين بيٽنگ: ڪيترائي ٺهيل رڪارڊ ٽٽي پيا

 

سڊني(اسپورٽس نيوز) بابر اعظم جي  ٽي ٽوئنٽي ۾ بهترين بيٽنگ سبب وڌيڪ رڪارڊ ٽٽي پيا. بطور هڪ ڪپتان جي ٽي 20 ڊيبيو تي وڏي اننگز جو اعزاز شاهد آفريدي کان ڦري ورتو.ٽاپ آرڊر بيٽسمين بابراعظم مختصر وقت ۾ بهترين فارم جو سلسلو جاري رکندي هن آسٽريليا جي خلاف پهرين ٽي  20 ميچ ۾ 38 بالن تي ناٽ آئوٽ  رهندي 59 رنسون اسڪور ڪيون. جنهن ۾ 5 چوڪا ۽ 2 ڇڪا شامل هئا. هي ڪنهن به پاڪستان جو ٽي 20 ۾ بطور هڪ ڪپتان جي سڀني کان وڏو اسڪور آهي. ان کان اڳ هي رڪارڊ آل رائونڊ شاهد آفريدي وٽ هو جنهن ڪولمبو ۾ سريلنڪا جي خلاف 2009 ۾ بطور ٽي 20 ڪپتان پنهنجي پهرين ميچ ۾ 37 بالن تي 50 رنسون ٺاهيون هيون.25 ساله بابر  اعظم آل رائونڊر محمد حفيظ جو به مختصر  ترين فارميٽ جي انٽرنيشنل ميچن ۾ سڀني کان وڌيڪ ففٽيون ٺاهڻ جو رڪارڊ به ٽوڙي ڇڏيو. حفيظ 86 اننگز ۾ 10 ففٽيون اسڪور ڪيون هيون جڏهن ته بابر 34 ميچن ۾ 11 ففٽيون پلس اسڪور ڪري چڪو آهي. صرف اهوئي نه پر بابر هڪ ڪيلنڊر ايئر ۾ 1500 کان وڌيڪ ٽي 20 رنسون ٺاهيندڙ پهرين پاڪستاني جو اعزاز به حاصل ڪري ورتو آهي.جڏهن ته ان کان علاوه ويرات ڪوهلي(1614 رنسون 2016) ۽ ويسٽ انڊيز جو اوپنر ڪرس گيل(1665 رنسون 2015) ۾ اهو ڪارنامو انجام ڏئي چڪو آهي. پاڪستاني ٽي 20 جي ڪپتان هن سال هينئر تائين 1551 رنسون اسڪور ڪيون هيون جڏهن ته اڃان آسٽريليا سان وڌيڪ 2 ميچ باقي آهن. جنهن ۾ بهترين ڪارڪردگي سبب هو ڪرس گيل کان هڪ ڪلينڊر ايئر ۾ سڀني کان وڌيڪ ٽي 20 رنسن جو رڪارڊ به ڦري سگهي ٿو.

 

ماني جي وقفي بابت آسٽريلوي ڪپتان ميچ ريفري تي ڪاوڙيل

 

سڊني(اسپورٽس نيوز) آسٽريلوي ڪرڪيٽ ٽيم جي ڪپتان ايرون فنچ ماني جي وقفي جو وقت نه گهٽائڻ تي ميچ ريفري تي ڪاوڙجي پيو، ميچ بنا نتيجي ختم ٿيڻ تي هن ميچ رد ٿيڻ جو ذميوار ريفري کي قرار ڏنو، هن چيو ته برسات سبب ميچ 15 اوورن تائين محدود ٿي چڪي هئي، جيڪڏهن ميچ ريفري ماني جو وقفو 10 منٽ ڪري ها ته اسان پنجن اوورن ۾ ئي پاڪستان کي شڪست ڏئي وڃون ها، پر ميچ ريفري ائين نه ڪيو، جنهن جي ڪري اسان کي رڳو هڪ پوائنٽ مليو.