تازيون خبرون

Daily Archives: November 2, 2019

سياسي يتيم ٻڌي ڇڏن استعيفيٰ ۽ اين آر او قطعي نه ڏيندس: عمران خان جو اعلان

گلگت (اين اين آءِ) وزيراعظم عمران خان چيو آهي ته مولانا فضل الرحمان جي هوندي يهودين کي ڪنهن سازش جي ڪهڙي ضرورت آهي ڀارتي ميڊيا فضل الرحمان کي ڏيکاري ڏيکاري خوش ٿي رهيو آهي ايئن لڳي ٿو ته مولانا ڀارتي شهري آهي ۽ ڀارت لاءِ ڪوئي ملڪ آزاد ڪرڻ اچي رهيو آهي جهڙي طرح ووٽ وٺڻ ۽ پئسا ٺاهڻ لاءِ اسلام کي استعمال ڪيو وڃي ٿو ان سان اسلام کي نقصان ٿئي ٿو اهي ڏينهن هليا ويا جڏهن هي اقتدار وٺڻ لاءِ مذهب کي استعمال ڪندو هو ڀلي جيترا ڏينهن به توهان کي ويهڻو آهي ويهو اوهان کي اين آر او نه ڏيندس جمعي تي هتي عام جلسي کي خطاب ڪندي وزيراعظم عمرانخ ان چيو ته اسان هتي گلگت بلتستان جي آزادي ڏهاڙي جو جشن ملهائي رهيا آهيون ۽ هڪ آزادي مارچ اسلام آباد ۾ ٿي رهيو آهي هاڻي ڏسڻو هي آهي ته هو اسلام آباد ۾ ڪنهن کان آزادي وٺڻ اچي رهيا آهن وزيراعظم عمران خان چيو ته اتي وڏي انگ ۾ ماڻهو گڏ آهن مان چاهيان ٿو ته پاڪستان جو ميڊيا وڃي ماڻهن کان پڇا ته ڪري ته هو ڪنهن کان آزادي وٺڻ آيو آهي عمران خان چيو ته اوهان پ پ پ وارن کان پڇا ڪندا ته اهي ڪائي ٻي ڳالهه شروع ڪن ٿا ته مهانگائي ٿي ويئي (ن) ليگ وارنکان پڇا ڪندا ته انهن کي خبر ئي نه آهي ته اهي هن مارچ ۾ ڇو شامل ٿيا آهن وزيراعظم چيو ته جيڪڏهن يو يو آءِ وارن کان پڇا ڪندا ته اهي چوندا ته يهودي اسلام آباد جو قبضو ڪرڻ لڳا آهن مان انهن سڀني کي چوڻ چاهيان ٿو ته فضل الرحمان جيهوندي يهودين کي سازش ڪرڻ جي ڪهڙي ضرورت آهي مولانا فصل الرحمان کي ڏسي اسلام ڏانهن ته ڪوئي نه ايندو پر ماڻهو اسلام ڇڏي ڏيندا وزيراعظم عمران خان چيو ته پاڪستاني قوم هاڻي سمجهي ويئي آهي ته ماڻهن کي ان جي بيانن جي خبر آهي هي سوشل ميڊيا جو زمانو آهي جڏهن 5 سال اڳ تحريڪ انصاف ڌرڻو هنيو ته ماڻهن کي خبر آهي ته مولانا فضل الرحمان (ن) ليگ ۽ پ پ پ ڇا چوندي هئي هن چيو ته هي سوشل ميڊيا جو زمانو آهي شيون لڪن نٿيون ماڻهن کي خبر آهي ته اصل مقصد ڇا آهي وزيراعظم چيو ته هي جيڪو اسلام آباد ۾ هڪ گلدستو گڏ ٿيو آهي پختونخواه ملي عوامي پارٽي جو سربراهه محمود خان اچڪزئي به بلوچستان مان اسلام آباد پهچي ويو آهي ڪو ان کان پڇا ڪري ته اوهان هتي ڇا ڪرڻ آيا آهيون اوهان ته هر وقت جي يو آءِ جي مخالفت ڪندا هئا وزيراعطم چيوت ه بلاول ڀٽو جيڪو پنهنجو پاڻ کي لبرل چوي ٿو هو هڪ ئي طرح سان لبرل آهي ته لبرل ئي ڪرپٽ باقي لبرل ان جي آس پاس کان ناهي گذري ڇو ته هو به آزادي مارچ ۾ اچي ويو آهي عمران خان چيو ته اهي ڏينهن هليا ويا جڏهن هي اقتدار وٺڻ لاءِ مذهب کي استعمال ڪندا هئا. عمران خان چيو ته ڪڏهن ٻڌو آهي ته هڪ ملڪ جو 3 ڀيرا وزيراعظم جو پٽ لنڊن ۾ اربين رپين جي فليٽس ۾ رهندو هجي شهبازشريف جو پٽ ۽ ناٺي به ملڪ کان ٻاهر ڀڳل آهن جيڪڏهن چوري ناهي ڪئي ته حساب ڏيو.

 

وزير اعظم کي استعيفيٰ لاءِ 2 ڏينهن جو الٽيميٽم، وڌيڪ صبر نٿا ڪري سگهون: مولانا فضل الرحمان

اسلام آباد (بيورو رپورٽ) جي يو آءِ ف سربراهه مولانا فضل الرحمان وزيراعظم کي استعيفيٰ لاءِ ٻن ڏينهن جو الٽيميٽم ڏيندي چيو آهي ته هاڻ وڌيڪ صبر نٿا ڪري سگهون، اسلام آباد ۾ آزادي مارچ کي خطاب دوران مولانا فضل الرحمان چيو ته پاڪستان تي حڪومت ڪرڻ جو حق رڳو عوام کي آهي، ڪنهن به اداري کي ملڪ تي حڪومت ڪرڻ جو حق نه آهي، 25 جولاءِ تي ٿيل عام چونڊون فراڊ هيون ۽پاڪستان جي گورباچوف کي حڪمراني ڪرڻ جو ڪوبه حق نه آهي، ڇا اسان قوم کي سدائين لاءِ نااهل حڪمران جي رحم و ڪرم تي ڇڏي ڏينداسين؟ جلسي کي خطاب دوران جي يو آءِ ف سربراهه چيو ته وزيراعظم کي استعيفيٰ لاءِ ٽن ڏينهن جو الٽيميٽم ڏيون ٿا، اڄوڪو ڏينهن گذري ويو، ايندڙ ٻن ڏينهن ۾ وزيراعظم استعيفيٰ ڏئي. اسان وڌيڪ صبر نٿا ڪري سگهون، ادارن کي به چئون ٿا ته ٻن ڏينهن جي مهلت آهي، ٻي صورت ۾ اسان کي نه روڪيو وڃي ته اسان ادارن لاءِ ڪهڙي راءِ رکون ٿا. اسان ادارن کي طاقتور ڏسڻ گهرون ٿا ۽ ادارن سان ٽڪراءُ نٿا چاهيون پر عوام جو فيصلو اچي چڪو آهي، حڪومت کي گهر وڃڻو پوندو. خطاب دوران مولانا فضل الرحمان چيو ته سندس ڳالهه نواز شريف ۽ آصف زرداري ٻڌي ورتي آهي، ۽ جِن کي ٻڌائڻ گهرون ٿا، اُنهن به ٻڌي ورتي آهي. اُن موقعي تي جي يو آءِ ف سربراهه آزادي مارچ ۾ شامل ماڻهن کي ترسڻ جي هدايت ڪندي چيو ته اپوزيشن پارٽيز پاڻ ۾ رابطن ۾ آهن ۽ رهبر ڪميٽي به موجود آهي، جيڪو به فيصلو ٿيندو، آزادي مارچ ۾ شريڪ ماڻهن کي آگاهه ڪنداسين.

 

سليڪٽيڊ حڪومت کي گهر ڀيڙو ڪرڻو پوندو، فوج کي سياست کان پاڪ ڪنداسين: بلاول زرداري

اسلام آباد (اين اين آءِ) پ پ چيئرمين بلاول ڀٽو چيو آهي ته سمورين سياسي پارٽين سان گڏجي سليڪٽيڊ وزيراعظم کي گهر روانو ڪنداسين، هي ڪهڙي آزادي آهي، 70 سالن ۾ اسان شفاف اليڪشن ناهيون ڪرائي سگهيا، ملڪ ۾ نه سياست آزاد آهي، نه صحافت ۽ اسان جو ميڊيا ۽ حڪومت ٻئي سليڪٽيڊ آهن، عوام سليڪٽيڊ حڪومت نه رڳو جمهوريت گهري ٿو، هيءَ ڪهڙي جمهوريت آهي جو چونڊن ۾ اسان جي پولنگ ايجنٽن کي ٻاهر ڪڍيو وڃي ٿو، اهو ادارو جنهن جو ڪم سيڪيورٽي هو ان کان پولنگ لسٽ چيڪ ڪرائي وڃي ٿي، اهڙين حرڪتن سان اسان جو چونڊون ۽ ادارا تڪراري ٿي وڃن ٿا، فوج ڪنهن سياسي پارٽي يا عمران خان نه آهي، هيءَ منهنجي ۽ توهان جي فوج آهي، اسان ان کي غير تڪراري ۽ غير سياسي رکنداسين، اليڪشن ۾ تڪراري نه بڻجڻ ڏينداسين، عوام کي ڪشمير تي سودو منظور نه آهي، هو آخري گهڙي تائين ڪشميرين لاءِ وڙهندو رهندو، جمعي تي آزادي مارچ کي خطاب ڪندي پ پ چيئرمين چيو ته مولانا سمورين اپوزيشن پارٽي کي گڏ ڪري پيغام ڏنو آهي ته ملڪ جو عوام رڳو جمهوريت گهري ٿو، اهو پارلياماني نظام جيڪو 1973 جي آئين ۾ پاس ڪيو هو، هن چيو ته عوام هن سليڪٽيڊ نظام کي نٿو مڃي، مان پڇڻ چاهيان ٿو ته هن نئين پاڪستان ۾ هيءَ ڪهڙي قسم جي جمهوريت ۽ آزادي آهي جو 70 سال گذري ويا اسان شفاف چونڊون نه ڪرائي سگهيا آهيون. بلاول چيو ته ضيا ۽ مشرف جي دور ۾ به چونڊون ٿيون هيون، ڌانڌلي ٿي هئي پر پولنگ اسٽيشن اندر فوج نه هئي، نه ئي 2008 ۽ 2013 جي چونڊن ۾ جڏهن دهشتگردي چوٽ تي هئي تڏهن به فوج کي اليڪشن ۾ اسٽيشنز اندر مقرر نه ڪيو ويو هو، 2018 جي چونڊن ۾ عمران خان لاءِ هي سڀ ڪجهه ڇو ڪيو وڃي ٿو، هن چيو ته نه رڳو اسان جي حڪومت پر اسان جي ميڊيا به سليڪٽيڊ آهي، هيءَ ڪهڙي آزادي آهي ته ميڊيا تي راءِ ايجنٽ ڪل ڀوشن ياديو ۽ ڀارت جي پائيليٽ جو انٽرويو ۽ دهشتگرن جو انٽرويو ته هلي سگهي ٿو پر ملڪ جي اڳوڻي صدر جو انٽرويو ۽ مولانا فضل رحمان جي پريس ڪانفرنس نٿي هلي سگهي، اها آزادي سمجهه کان ٻاهر آهي، اسان اهڙي نئين پاڪستان کي نٿا مڃون، بلاول چيو ته هي عوام دشمن ۽ سليڪيٽيڊ حڪومت عوام تي بار وجهي ٿي ۽ اهو ان ڪري جو عوام جي ووٽ جي ڪري، عوام جي طاقت جي ڪري حڪومت نه پئي ڪري، پر هوءَ سازشن ۽ ڪنهن ٻئي جي اشارن تي اقتدار ۾ آيا آهن ته پوءِ هو عوام کي ڇو خوش رکن، هن چيو ته هوءَ عوام تي بار وجهي سليڪٽير کي خوش ڪندا رهندا، هڪ سال ۾ معاشي قتل ڪيو ويو، عمران خان ٻه نه هڪ پاڪستان جو واعدو ڪندو هو، ان جي معاشي پاليسي اها آهي ته عوام کي تڪليف ڏئي ۽ اميرن کي رليف پهچائي ٿو، بلاول ڀٽو چيو ته اميرن لاءِ ٽيڪس ايمنسٽي اسڪيم هوندي آهي پر غريبن لاءِ اهڙي ڪا اسڪيم ناهي هوندي، ڪو بيل آئوٽ ناهي هوندو، اهو رڳو ان لاءِ آهي ته اسان جو وزيراعظم سليڪٽيڊ ۽ نالائق آهي، عمران خان تي تنقيد ڪندي هن چيو ته ڪٺ پتلي وزيراعظم جي دور ۾ ڪشمير تي تاريخي حملو ٿي رهيو آهي، اسان جو وزيراعظم ڪشمير تي انساني حقن واري ڪونسل ۾ ڪو ٺهراءُ آڻي ٿو، هي رڳو ٽوئيٽ ڪري ٿو، عوام کي خبر آهي ته سليڪٽيڊ وزيراعظم ڪشمير کپائي ڇڏيو آهي، جڏهن ته پاڪستان جي عوام کي ڪشمير جو سودو قبول نه آهي، هو آخري گهڙي تائين ڪشميرين لاءِ وڙهندو رهندو.

 

 

عمران جي مدد ڪندڙ 10 سيڪڙو اسان جي مدد ڪن ها ته ملڪ کي عظم بڻائي ڇڏيون ها: شهباز

اسلام آباد (بيورو رپورٽ) نواز ليگ صدر ۽ اپوزيشن ليڊر شهباز شريف آزادي مارچ کي خطاب دوران چيو آهي ته ادارا جيتري مدد عمران نيازي جي ڪن ٿا، اسان جي 10 سيڪڙو نه مدد ڪن ٿا ته ملڪ کي عظيم بڻائي ڇڏيون ها، جيڪڏهن عمران خان وڌيڪ 3، 4 مهينا اقتدار ۾ رهيو ته سڀ ڪجهه ختم ٿي ويندو، شهبازشريف چيو ته عمران خان مغرور آهي، ٽَنگ َٽنگ تي چاڙهي بدتميزي سان ڳالهائيندو آهي، مان حيران آهيان ته پوءِ به ادارا سندس ايتري مدد ڇو ٿا ڪن. اپوزيشن ليڊر چيو ته جيڪڏهن اقتدار ٻيهر مليو ته نوازشريف جي قيادت ۾ اپوزيشن 6 مهينن اندر ملڪ جي معيشت بهتر نه بڻائي ته منهنجو نالو مٽائي نيازي رکي ڇڏجو.اپوزيشن ليڊر ۽ نواز ليگ صدر شهباز شريف اسلام آباد ۾جي يو آءِ ف جي آزادي مارچ پهتو، جتي ساڻس گڏ پارٽي جا اڳواڻ به موجود هئا. آزادي مارچ جي جلسي کي خطاب دوران شهباز شريف چيو ته موجوده حڪومت جي ناڪام پاليسيز سبب واپاري، ڊاڪٽر ۽ شاگرد رستن تي اچي ويا، پُراڻو پاڪستان عمران خان جي نئين پاڪستان کان گهڻو سٺو آهي. عمران نيازي سوا سال ۾ عوام جون رڙيون ڪڍي ڇڏيون آهن، هاڻ سندس رڙيون اچڻ گهرجن ۽ پاڪستان ۾ اهڙو نظام هجي، جتي هڪ ئي صف ۾ محمود ۽ اياز بيٺل هجن. پنهنجي خطاب ۾ شهباز شريف عمران خان چيو ته پي ٽي آءِ جي جعلي حڪومت مان جان ڇڏائڻي آهي، جيستائين عمران خان مان جان آجي نه ٿيندي، تستائين سندس جان نه ڇڏينداسين. هن چيو ته عمران خان دماغ کان خالي آهي ۽ جادو ٽوڻي سان حڪومت هلائي رهيو آهي. عمران خان جادو ٽوڻي ذريعي جيڪا تبديلي آڻڻ پئي گهري، اُن تبديلي پاڪستان کي تباهي ڪناري تي پهچائي ڇڏيو آهي. مارچ ۾ عوامي سمنڊ کي شاهد بڻائيندي چوان ٿو ته جيڪڏهن اسان کي موقعو مليو ته متحده اپوزيشن سان گڏجي پاڪستان کي ٺيڪ ڪري ڏيکارينداسين، ائين نه ٿيو ته منهنجو نالو عمران نيازي رکي ڇڏجو. آزادي مارچ جي جلسي کي خطاب دوران اپوزيشن ليڊر چيو ته پارليامينٽ ذريعي تبديلي آڻڻ پارليامينٽ جو حق آهي، ڪنٽينر جي سياست عمران شروع ڪئي هئي ۽ اڄ هتي سندس سياست دفن ٿيندي. تبديلي پهرين نه آئي هئي، هاڻي تبديلي ايندي. جلسي کي خطاب بعد شهباز شريف واپس روانو ٿي ويو.

 

پاڪستان جي بلجندڙ سياسي صورتحا: شاهه محمود قريشي ۽ شهباز شريف متبادل وزير اعظم آهن: پرڏيهي ميڊيا

بون(م ڊ) پاڪستان ۾ تيزي سان بدلجندڙ سياسي صورتحال ۾ ان هائوس تبديلي جا خدشا وڌي رهيا آهن اهڙو اظهار جرمن ميڊيا پنهنجي رپورٽ ۾ ڪيو آهي. رپورٽ موجب سياسي حلقن ۾ امڪاني نئين وزيراعظم لاءِ ڊزن کن ماڻهن جا نالا ورتا پيا وڃن. ڪجهه ماڻهو عمران خان کي هٽائڻ جي صورت ۾ پي ٽي آءِ جو شاهه محمود قريشي ۽ شهباز شريف اسٽيبلشمينٽ کي ويجها آهن. سينئر تجزيا نگار امتياز عالم موجب ٽن چئن مهينن ۾ تبديلي اچي سگهي ٿي. ٻين اميدوارن ۾ تجزيا نگارسلمان غني اسد عمر ۽ نويد چوڌري مريم نواز کي به اميدوار سمجهي ٿو سندس راءِ ۾ پهرين قومي حڪومت قائم ٿيندي ۽ قومي استحڪام کانپوءِ نيون چونڊون ٿينديون.

 

 

مارچ ڪرپشن کي تحفظ ڏيڻ جي جدوجهد قرار، جي يو آءِ پاران ڪوريج جي اجازت نه ڏيئي پٿر جي دور جي ياد تازي ڪئي ويئي: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار فردود عاشق اعواڻ چيو آهي ته مولانا فضل الرحمان جو مارچ ڪرپشن کي تحفظ ڏيڻ جي جدوجهد آهي جيڪڏهن اسان ڊنل هجون ها ته مولانا فضل الرحمان کي فائيو اسٽار سهولتون ڪيئن ڏيون ها ججز جو انگ پورو ڪرڻ پارليمينٽ جي گڏيل ذميواري آهي سموريون ڳالهيون وزيراعطم آڏو رکيون وڃن عمران خان سوشل ورڪر به آهي ۽ وزيراعظم به آهي پٺتي پيل ماڻهن جامسئلا حل ڪندو پارليمينٽ ۾ اسان جي گهڻائي نه هئڻ جي ڪري اسان قانونسازي نه پيا ڪيون اپوزيشن اسان جو ساٿ نه پئي ڏي. جيئن کيس ڏيڻ گهرجي اسان آرڊيننس جي ذريعي قانون پاس ڪري رهيا آهيون جمعي تي صحافين سان ڳالهائيندي هن چيو ته جمهوريت جي دعويٰ ڪندڙ پاڻ جمهوريت ڪيرائڻ نڪتا آهن. اقتدار جي نشي کان محروم ٽولو 5 ڏينهن کان رستن تي آهي اسان انهن لاءِ ڪابه رنڊڪ ناهي وڌي پر کين سموريون سهولتون ڏنيون آهن فردوس عاشق اعواڻ چيو ته مولانا فضل الرحمان کي اوهان سڃاتو آهي جيتري سهولتڪاري ڪئي آهي مولانا فضل الرحمان کي فائيو اسٽار سهولتون ڏنيون آهن هن چيو ته سندس کاڌي پيتي سميت اهڙو سڪون وارو ماحول ڏنو جتي هو جوش ۽ جذبي سان اسلام لاءِ نه پر پنهنجي ذات لاءِ ڳالهه ٻولهه ڪري هن چيو ته پاڪستان جو عوام ٻڌي سندس ايجنڊا ڇا آهي سندس خواهشون ۽ ارمان ڪهڙا آهن هن چيو ته انهن سڀني لاءِ هڪ انوائمينٽ ٺاهڻ ضروري هو سهولتون حڪومت ڏنيون آهن هن چيو ته ججز ۽ وڪيل پنهنجا فرض نڀائي رهيا آهن هنن مشڪل حالتن ۾ ڪم ڪندڙن کي مان خراج تحسين پيش ڪيان ٿي. هن چيو ته مون کي الله چيف جسٽس اسلام آباد هاءِ ڪورٽ جي ذريعي ان جي ترجمان جو موقعو ڏنو مان هتي آئي آهيان ۽ ان جون حالتون بهتر ڪرڻ جي ڪوشش ڪنديس فردوس عاشق اعواڻ چيو ته مان ججز جي چيمبر ۾ به ويس. ٻئي ڊسٽرڪٽ ڪورٽس جون هالتون هتان کان بهتر آهن هن چيو ته عمران خان جي سب کان پهرين ترجيحي آهي ته بنيادي انصاف فراهم ٿئي فردوس عاشق اعواڻ چيو ته تحريڪ انصاف هيٺين ۽ پٺتي پيل طبقي جي خيرخواهه جماعت آهي سٺ سالن کان پوءِ پهريون ڀيرو سيڊيز سان بلڊنگ جي حوالي سانڪابينه ۾ ڳالهه ٻولهه ٿي رهي آهي هن چيو تها سان گڏ ويهي ڊسٽرڪٽ ڪورٽس جي حالتن جو لائحه عمل جوڙينداسين هن چيو ته 1830 جي انگريز جي ٺاهيل قانون کي تبديل ڪرڻ لاءِ هي حڪومت ڪم ڪري رهي آهي جج جو انگ پورو ڪرڻ پارليامينٽ جي گڏيل ذميواري آهي. هن چيو ته الله چاهيو ته هتان جا مسئلا حل ڪرڻ لاءِ وزيراعظم ۽ مان ڪم ڪنديس. فردوس عاشق اعواڻ چيو ته منهنجي ۽ معاشري جي ٻين طبقن جو ستايل ماڻهو هن عدالت ۾ اچي ٿو جڏهن انهن کي عدالتن مان انصاف نه ملي ته اهو مايوس ٿئي ٿو مايوسي ڪفر آهي.

وزيراعطم جي سڌسماءِ جي خاص مددگار فردوس عاشق اعواڻ چيو آهي ته ڪوريج جي اجازت نه ڏيئي پٿر جو دور ياد ڏياريو ويو مولانا جا قدم جمهوري روايتن، آئيني حق لتاڙڻ برابر آهن جمعي تي ٽيوٽر ڊاڪٽر فردوس عاشق اعواڻ چيو ته مارچ انتظاميه ووڪين اينڪرز کي ڪوريج جي اجازت نه ڏني هن چيو ته انتهاپسنداڻي سوچ عورتن جي حقن تي وار ڪيو پاڪستان جي اڌ کان وڌيڪ آبادي عورتن تي ٻڌل آهي هن چيو ته جمهوريت جي نالي تي جمهوري اصولن جي لتاڙ ٿي رهي آهي.

 

تيزگام ٽرين حادثو 58 لاشن جو ڊي اين اي ڪرائڻ جو فيصلو

اسلام آباد (اين اين آءِ) رحيم يار خان جي ويجهو گذريل ڏينهن تيزگام ايڪسپريس ۾ باهه لڳڻ سبب فوتي 58 ماڻهن جي سڃاڻپ نه ٿي سگهي جنهن سبب انهن جو ڊي اين اي ڪرائڻ جو فيصلو ڪيو ويو آهي چيف ايگزيڪيوٽو آفيسر هيلٿ ٻڌايو ته تيزگام سانحي ۾ فوتي 58 ماڻهن جي سڃاڻپ ناهي ٿي سگهي شيخ زيد اسپتال ۾ ٽرين هادثي جا 17 زخمي علاج هيٺ آهن جن مان چئن جي حالت ڳڻتي جوڳي آهي سي اي او هيلٿ متعلق فورنزڪ ليب جي ٽيم لاشن جا جزا ورتا آهن جيڪي وارثن سان ميچ ڪيا ويندا شيخ زيد اسپتال جي برن يونٽ جي سربراهه مطابق ٻن زخمين کي برن يونٽ کان نشتر اسپتال منتقل ڪيو ويو جنهن کان پوءِ ان وٽ 4 زخمي علاج هيٺ آهن ذريعن جو چوڻ آهي ته نشتر اسپتال ۾ علاج هيٺ زخمين جو انگ 50 آهي ريلوي جي ترجمان موجب ريلوي وزارت کي تيزگام ٽرين حادثي جي شروعاتي جاچ رپورٽ موڪلي ويئي آهي رپورٽ ۾ ٻڌايو ته تيزگام ٽرين هادثي ۾ 74 مسافر فوت ۽ 47 زخمي ٿيا 60 مسافر ٽرين ۾ سڙي فوت ٿيا ۽ 6 اسپتال ۾ فوت ٿيا 8 مسافر ٽرين مان ٽپو ڏيندي فوت ٿيا. رپورٽ ۾ بيان ڪيو ويو ته اڪانومي ڪلاس جي گاڏي نمبر 4 ۾ گئس سلينڊر ۾ لڳل باهه حادثي جو سبب بڻي ۽ وڌيڪ 3 گاڏا به سڙي ويا رپورٽ ۾ بيان ڪيو ويو ته بوگي نمبر 4 ۾ 57 بوگي نمبر 3 ۾ 2 ۽ بوگي نمبر 5 ۾ هڪ مسافر سڙي فوت ٿيو زخمين جي حوالي سان فوڪل پرسن مطابق باغ وڪوٽوريه اسپتال ۾ 9 مان عورت سميت ٻن زخمين جي حالت ڳڻتي جوڳي آهي ۽ اهي آءِ سي يو وارڊ ۾ علاج هيٺ آهن جڏهن ته ٻين زخمين کي آرٿوپيڊڪ ۽ سرجيڪل وارڊز ۾ رکيو ويو آهي.

 

عمران صاحب توهان عوام جي سمنڊ کان ڊڄي ڀڄي رهيا آهيو، ڀل ڪيترو ماتم ڪريو توهان کي اين آر او نه ڏينداسين: مريم اورنگزيب

اسلام آباد (اين اين آءِ) ن ليگ جي ترجمان مريم اورنگزيب وزيراعظم جي بيان تي رد عمل ڏيندي چيو آهي ته توهان عوام جي سمنڊ کان ڀڄي رهيا آهيو،. ڀل ڪيترو به منهن مٿو پٽيو توهان کي اين آر او نه ڏينداسين،. عمران خان اسلام کي پنهنجي ڪوڙي سياست لاءِ استعمال ڪرڻ تي الله سائين کان معافي وٺي، جمعي تي هڪ بيان ۾ هن چيو ته عمران خان تقرير، جادو، ڌمڪي، گار گند ۽ هاڻ ڪو به ڪوڙ توهان کي ڪم نه ايندو، توهان کي گهر وڄڻو پوندو، عمران خان پاڪستان جو عوام توهان جي ڪوڙ کان آزادي چاهي ٿو، هن چيو ته اليڪشن ڪميشن جو رڪارڊ ڏسو ته پتو پئجي ويندو ته ڪنهن ڪٿان پيسا ورتا ۽ ڪير ڪنهن جو ايجنٽ آهي، هن چيو ته توهان جي هوندي ملڪ جي تباهي لاءِ ڪنهن جي ضرورت نه آهي، هن چيو ته عمران خان توهان جا پٽ ڪٿي آهن ان بابت عوام کي ڄاڻ ڏيو، هن چيو ته نڪ جي پڪائي سان ڪوڙ ڳالهائڻ تي عمران صاحب کي آسڪر ايوارڊ ملڻ گهرجي، هن چيو ته ٽيم کي نااهل سربراهه مليو آهي، ڪا به ڪارڪردگي نٿو ڏيکاري سگهي، هن چيو ته عمران خان ملڪ ۾ توهان ڪرپشن جا ريٽ ٽيڻ تي، مهانگائي 13 سيڪڙو ۽ غريب جو جيئڻ جنجال ڪري ڇڏيو آهي، هن چيو ته آزادي مارچ توهان جو ڪوڙ، ڌاڙو ۽ چوري کي وائکو ڪرڻ آيو آهي، توهان جي وڄڻ جو وقت اچي ويو آهي.

 

مهانگائي سميت اسان جي مسئلن جو حل آءِ ايم ايف ۽ ورلڊ بينڪ نه آهي، قرآن ۽ سنت جي نفاظ ۾ آهي: سراج الحق

لاهور (اين اين آءِ) سينيٽر سراج الحق چيو آهي ته مهانگائي سميت اسان جي مسئلن جو حل آءِ ايم ايف ۽ ورلڊ بينڪ نه پر قرآن ۽ سنت لاڳو ڪرڻ ۾ آهي، وياجي نظام کان نجات کانسواءِ معيشت بحال ۽ ملڪ ۽ قوم ترقي نٿي ڪري سگهي، ڇو ته خزاني جو وڏو حصو وياج جي صورت ۾ قرض لاهڻ ۾ هليو وڃي ٿو، پاڪستان هڪ نظريي جي بنياد تي قائم ٿيو هو پر 72 سالن ۾ هڪ ڏينهن به ان نظريي تي عمل ناهي ٿيو، اڄ ملڪ ۾ سڀ کان وڌيڪ پريشان واپاري آهن جن پنهنجي اتحاد سان حڪومت کي گوڏا کوڙڻ تي مجبور ڪيو،جماعت اسلامي واپاري برادري سان گڏ آهي، هر فورم تي توهان جو ڪيس وڙهنداسين، اهڙن خيالن جو اظهار هن حيدرآباد چيمبر آف ڪامرس جي آجياڻي ۽ حيدرآباد جي ميمبرن جي ميڙ کي خطاب ڪندي ڪيو، ان موقعي تي اسد الله ڀٽو، امير جماعت اسلامي سنڌ محمد حسين محنتي، ممتاز سهتو، چيمبر آف ڪامرس جو صدر حاجي شاڪر گلشن الاهي ۽ ٻيا واپاري اڳواڻ موجود هئا، ان کان اڳ سراج الحق حيدرآباد پهچڻ تي واپارين شاندار آجيان ڪئي ۽ کيس سنڌ جي روايتي سوکڙي ٽوپي ۽ اجرڪ پيش ڪيو.

 

ايڇ آر سي پي پاران مسافرن کي ريل حادثي جو ذميوار قرار ڏيڻ تي افسوس ظاهر

لاهور(م ڊ) پاڪستان جي انساني حقن جي تنظيم ايڇ آر سي پي لياقت پور ريل حادثي تي صدمي جو اظهار ڪندي چيو آهي ته پاڪستان ريلويز جي هلندڙ ريل گاڏين ۾ مسافرن جي حفاظتي انتظامن تي سخت ڳڻتي آهي. هڪ بيان ۾ چيو ويو آهي ته ريل ويز ملڪ جي شهرين جي سفر جو مک وسيلو آهي ان ۾ سمورا حفاظتي انتظام پورا ڪرڻ رياست جي ذميواري آهي. بيان ۾ چيو ويو آهي ته ريلوي واري وزير پاران هن خوفناڪ حادثي جي ذميواري مسافرن تي وجهڻ انتهائي صدمو ڏيندڙ آهي. اسان ان حادثي جي آزاداڻي جاچ جو مطالبو ڪريون ٿا متاثرن ۽ سندن ڪٽنبن سان گڏ آهيون.