تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Monthly Archives: November 2019

سپريم ڪورٽ جو فيصلو وفاق، پارليامينٽ ۽ جمهوريت جي فتح آهي: عمران خان

اسلام آباد(ويب ڊيسڪ) وزير اعظم عمران خان چيو آهي ته سپريم ڪورٽ جو فيصلو وفاق، پارليامينٽ ۽ جمهوريت جي فتح آهي فيصلي سان ملڪي دارن ۾ تڪرار جي خواهشمندن کي شڪست ملي. تفصيل موجب وزير اعظم عمران خان جي صدارت هيٺ ترجمانن جو اجلاس ٿيو، اجلاس ۾ قانوني ٽيم ترجمانن کي آرمي چيف جنرل قمر جاويد باجوه جي ملازمت واري مدي بابت عدالتي فيصلي، ڪارروائي ۽ فارن فنڊنگ ڪيس تي بريفنگ ڏني. اجلاس ۾ عدليه جي ڪردار جي تعريف ڪندي وزير اعظم عمران خان جو چوڻ هو ته سپريم ڪورٽ آرمي چيف جنرل قمر جاويد باجوه جي ملازمت واري مدي ۾ واڌ جو فيصلو وفاق، پارليامينٽ ۽ جمهوريت جي فتح آهي، عدالت عاليه فيصلي سان اسان جي اڳتي لاءِ رهنمائي ڪري ڇڏي، پهرين اهڙي قسم جا سوال ڪڏهن به سامهون ناهن آيا، عدالت ۽ قانون جي رهنمائي ۾ اڳتي لاءِ قانون سازي ٿيندي. وزير اعظم جو چوڻ هو ته سپريم ڪورٽ جي فيصلي سان ملڪي ادارن ۾ تڪرار جي خواهشمندن کي شڪست ۽ مافياز کي مايوسي ٿي ۽ پنهنجو پيسو بچائيندڙ ان مافيا کي اڳتي به مايوسي ملندي، پي ٽي آءِ جمهوري قدرن تي يقين رکي ٿي، قانوني ٽيم عدالت عظميٰ کي مطمئن ڪرڻ ۾ اهم ڪردار ادا ڪيو عدالتي فيصلو قانوني ٽيم جي ڪاميابي آهي. ان کان اڳ وزير اعظم عمران خان جي صدارت هيٺ هوابازي ڊويزن بابت معاملن تي اجلاس ٿيو، جنهن ۾ هوابازي واري وزير غلام سرور، سامونڊي معاملن بابت وزير علي زيدي، منصوبابندي واري وفاقي وزير اسد عمر، ناڻي واري صلاحڪار حفيظ شيخ، خاص مددگار نديم بابر، خاص مددگار ذوالفقار بخاري، چيئرمين سيڙپڪاري بورڊ سيد زبير گيلاني، سيڪريٽري هوا بازي شاهه رخ نصرت ۽ چيئرمين پي آءِ اي ايئر مارشل ارشد محمود ملڪ ۽ ٻين شرڪت ڪئي.

 

 

سنڌ حڪومت وفاق کان ڊبليو ڊبليو ايف ۽ اي او بي آءِ جو انتظامي ڪنٽرول اثاثن سميت گهري ورتو

ڪراچي(ويب ڊيسڪ) سنڌ جي وڏي وزير سيد مراد علي شاهه وزير اعظم طرفان 11 ڊسمبر 2019ع تي گهرايل سي سي آءِ اجلاس جي حوالي سان تياري اجلاس جي صدارت ڪئي. سنڌ جي وڏي وزير ايجنڊا جو جائزو ورتو ۽ بين الالصوبائي رابطن واري کاتي کي هدايت ڪئي هو اجلاس لاءِ سمورين لاڳاپيل سمرين جو بندوبست ڪري ۽ سموريون ضروري تياريون مڪمل ڪري جيئن هو سمورن اهم ايشوز 1991 پاڻي واري معاهدي سميت، انرجي پاليسي ۽ ايف بي آر طرفان صوبائي ايڪسائز کاتي جي اڪائونٽ مان سڌي سنئين ڪٽوتي ڪيل وڌ هولڊنگ ٽيڪس جي واپسي سميت ٻين مسئلن تي پنهنجي حڪومت جو نقطو پيش ڪري سگهي. ارسا آڪٽوبر 2019ع ۾ چشمه جهلم لنڪ ڪينال تي موجود 25 ميگا واٽ جي هائيڊرو پاور پروجيڪٽ جي تنصيب لاءِ اين او سي جاري ڪري ڇڏي آهي، صوبائي حڪوتم جو نظريو آهي ته ارسا اهڙي طرح جي اين او سي جاري ڪرڻ جي مجاز ناهي ان ڪري اِهو معاملو سي سي آءِ جي اجلاس ۾ اچڻ گهرجي. سنڌ جي وڏي وزير چيو ته چشمه جهلم لنڪ ڪينال ڪو مستقل ڪينال ناهي پر هي ته فلڊ ڪينال به ناهي ڇو ته ان ۾ سڄو سال پاڻي جو وهڪرو ناهي هوندو، جڏهن 1991ع جي پاڻي جي معاهدي ۾ جڏهن ان ڪري پاڻي مختص ناهي ڪيو ويو ته ڪهڙي طرح هڪ هائيڊرو پاور پروجيڪٽ اُتي لڳائي سگهجي ٿو. مراد علي شاهه آبپاشي کاتي کي هدايت ڪئي ته هو هڪ ڪيس تيار ڪري ۽ ان کي هڪ هفتي جي اندر پيش ڪري، 18هين ترميم جي رو سان سنڌ اسيمبلي سنڌ ورڪرز ويلفيئر فنڊ ايڪٽ 2014ع ۽ سنڌ امپلائزر اولڊ ايج بينيفٽ ايڪٽ 2014ع پاسڪيو ان ڪري ٻنهي ورڪر ويلفيئر آرڊيننس آف 1976ع ۽ اولڊ ايج بينيفٽ ايڪٽ 1974 کي سنڌ جي حد تائين رد ڪيو ويو آهي. سنڌ جي وڏي وزير چيو ته وفاقي حڪومت کي گهرجي ته هو ڊبليو ڊبليو ايف ۽ اي او بي آءِ جو انتظامي ڪنٽرول اثاثن سميت سنڌ جي حوالي ڪري، ڊبليو ڊبليو ايف ۽ اي او بي آءِ سنڌ حڪومت کي ڏئي سگهجي ٿي. هن ليبر کاتي کي هدايت ڪئي ته هو ان حوالي سان ڪيس تيار ڪري. وفاقي حڪومت پيٽروليم (ايڪسپلوريشن اينڊ پروڊڪشن) پاليسي 2012ع ۾ ترميم تجويز ڪئي آهي جنهن جي تحت  5 سيڪڙو ڪيرنگ ورڪنگ انٽرسٽ جو تصور شامل ڪيو ويو آهي. ان جو مطلب آهي ته سنڌ حڪومت جيڪڏهن ايڪسپلوريشن ناڪام ٿي وڃي ٿي ته ان کي 5 سيڪڙو خرچ جي مد ۾ ادا ڪرڻا.

 

وفاقي سرڪارسي جي لنڪ ڪينال منصوبو گڏيل مفادن واري ڪونسل ۾ آڻڻ جي مخالفت ڪري ڇڏي

اسلام آباد(ويب ڊيسڪ) قومي اسيمبلي جي آبي وسيلن بابت اسٽيڊنگ ڪميٽي جو اجلاس نواب محمد يوسف ٽالپر جي صدارت هيٺ ٿيو جنهن ۾ چشمه جهلم لنڪ ڪينال تي پن بجلي منصوبي جو معاملو گڏيل مفادن واري ڪونسل ڏانهن موڪلڻ سميت مختلف معاملن تي خيالن جي ڏي وٺ ڪئي. آبي وسيلن واري وفاقي سيڪريٽري اجلاس کي ٻڌايو ته ان ڳالهه جي حق ۾ ناهيون ته چشمه جهلم لنڪ ڪينال منصوبو گڏيل مفادن واري ڪونسل ۾ آندو وڃي جڏهن ته سنڌ جي آبپاشي واري سيڪريٽري چيو ته اسان ان معاملي کي گڏيل مفادن واري ڪونسل ۾ کڻي وينداسين. نواب يوسف ٽالپر جو چوڻ هو ته سنڌ جي وڏي وزير جو ان منصوبي تي اعتراض آهي جڏهن ته مسلم ليگ ن جي مريم اورنگزيب چيو ته هاڻ هي منصوبو تڪراري بڻجي چڪو آهي ان ڪري ان کي گڏيل مفادن واري ڪونسل ۾ موڪليو وڃي. پنجاب جي آبپاشي واري سيڪريٽري چيو ته ڪنهن کي پاڻي چوري ٿيڻ جو خدشو آهي ته آبي ذخيرن تي ٽيلي ميٽري سسٽم لڳايو، ارسا اِهو ٽيلي ميٽري سسٽم ڇو ناهي لڳائيندو، ٽيلي ميٽري سسٽم چشمه، ترٻيلا ۽ ٻين ماڳن تي لڳايو. آبپاشي واري وفاقي سيڪريٽري جو چوڻ هو ته ارسا فنڊن جي موجودگي جي باوجود ٽيلي ميٽري سسٽم ۾ دير ڪئي، اسان هاڻ ارسا کان اِهي فنڊ واپس وٺي رهيا آهيون، هاڻ ارسا پنهنجي فنڊن سان ٽيلي ميٽري سسٽم لڳائي، هنن وٽ 60 ڪروڙ رپيا پيل آهن. واپڊا اختيارين اجلاس ۾ بريفنگ ڏيندي ٻڌايو ته ديامر ڀاشا ڊيم 4500 ميگا واٽ جو منصوبو آهي جيڪو ساڍن اٺن سالن ۾ مڪمل ٿيندو، ديامر ڀاشا ۽ مهمند ڊيم فنڊن جي مد ۾ 12 ارب رپيا جمع ٿيا جيڪي سپريم ڪورٽ وٽ موجود آهن.  ن ليگ جي اڳواڻ خواجا آصف چيو ته سپريم ڪورٽ کي لکيو وڃي ته اِهي فنڊ ٽرانسفر ڪري.

 

حڪومت آرمي چيف جي مقرري تي سپريم ڪورٽ جي فيصلي موجب جلد کان جلد قانونسازي جي خواهشمند

اسلام آباد (اين اين آءِ) حڪومت آرمي چيف جي مقرري تي سپريم ڪورٽ جي فيصلي موجب جلد کان جلد قانونسازي جي خواهش ظاهر ڪندي قومي اسيمبلي جي ايندڙ اجلاس کان اڳ اپوزيشن کي اعتماد ۾ وٺڻ جو فيصلو ڪيو آهي، ذريعن موجب 2 ڊسمبر ٿيندڙ اجلاس متلوي ڪيو ويو، ذريعن ٻڌايو ته حڪومت ايندڙ قومي اسيمبلي جي اجلاس کان اڳ اپوزيشن کي اعتماد ۾ وٺڻ چاهي ٿي، اپوزيشن سان اتفاق راءِ پيدا ڪرڻ لاءِ قومي اسيمبلي جو شيڊول اجلاس ملتوي ڪيو ويو، ذريعن ٻڌايو ته قومي اسيمبلي جي اجلاس کان اڳ وفاقي ڪابينا جي اجلاس ۾ آئين ۽ آرمي ايڪٽ ۾ ترميمون پيش ڪيون وينديون، اپوزيشن سان رابطن لاءِ قومي اسيمبلي جو اسپيڪر هڪ ڀيرو ٻيهر پنهنجو ڪردار ادا ڪندو، قومي اسيمبلي جي اسيپڪر جي صدارت هيٺ ايندڙ ڪجهه ڏينهن ۾ اهم اجلاس جو امڪان آهي، اسپيڪر سمورين پارلياماني جماعتن سان رابطا ڪندو، حڪومت قانونسازي لاءِ سينيٽ ۾ اپوزيشن کانسواءِ ڪامياب نه ٿي سگهندي.

 

حڪومت خوراڪ جي کوٽ کي مسئلي کي منهن ڏيڻ، ٻار ۽ ماءُ جي مناسب سارسنڀال لاءِ ضروري قدم کڻي رهي آهي: شاهه محمود

اسلام آباد (اين اين آءِ) ٻار ۽ ماءُ جي خوراڪ سان لاڳاپيل ورلڊ فوڊ پروگرام جي خاص صلاحڪار ۽ اردن جي شهزادي ساره زيد پرڏيهي وزارت پهتي ته پرڏيهي وزير شاهه محمود قريشي سندس آجيان ڪئي، جنهن کانپوءِ شهزادي پرڏيهي وزارت ۾ شاهه محمود قريشي سان ملاقات ڪئي، پرڏيهي وزير ورلڊ فوڊ پروگرام تحت ٻار ۽ ماءُ جي متاوزن خوراڪ بابت آگاهي ۽ عوام ۾ ان حوالي سان شعورا پيدا ڪرڻ جي عزم کي ساراهيو، پرڏيهي وزير چيو ته موجوده حڪومت پاڪستان ۾ خوراڪ جي کوٽ کي مسئلي کي منهن ڏيڻ، ٻار ۽ ماءُ جي مناسب سارسنڀال لاءِ ضروري قدم کڻي رهي آهي، هن چيو ته وزيراعظم عمران خان قوم کي پنهنجي پهرين خطاب ۾ خوراڪ جي کوٽ ۽ ملڪ ۾ ٻارن واڌ ويجهه ۾ گهٽتائي جي مسئلن کي منهن ڏيڻ جي ازم جو اظهار ڪيو هو جيڪو موجوده ملڪن جي اهم ترجيحن ۾ شامل آهي، پرڏيهي وزير شهزادي کي عورتن کي بااختيار بڻائڻ ۽ غربت جي خاتمي لاءِ شروع ڪيل احساس پروگرام ۽ ان ڏس ۾ کنيل قدمن کان آگاهه ڪيو، پرڏيهي وزير جي دعوت تي پاڪستان ۾ هن شعبي ۾ ڪم ڪندڙ 3 نمائندن تنظيمن جي نمائندن شرڪت ڪئي، غريب ماڻهن کي راشن روهائيندڙ خانگي تنظيم رابن هڊ آرمي جو فيصل جميل، پٺ تي پيل علائقن کي پيئڻ جو صاف پاڻي فراهم ڪندڙ طبيه تنظيم جي حفصا نعيم ۽ گهٽ آمدني وارن طبقن کي رضاڪاراڻي طور کاڌو فراهم ڪندڙ رزق تنظيم جي حظيفا احمد به شرڪت ڪئي.

 

سوا ڪروڙ عورتون رجسٽرڊ ئي نه ٿينديون ته شفاف اليڪشن ڪيئن ٿيندي: اليڪشن ڪميشن

اسلام آباد (اين اين آءِ) اليڪشن ڪميشن جي سيڪريٽري بابر يعقوب چيو آهي ته سو ڪروڙ عورتون رجسٽرڊ نه ٿينديون ته شفاف اليڪشن ڪيئن ٿيندي، عورتن کي رجسٽرڊ ڪرائڻ سياسي پارٽين جو ڪم آهي، سهولتون نه هونديون ته عورتون ۽ معذور ماڻهو ووٽ وجهڻ نه ويندا، اميد آهي ته ميمبرز جي مقرري جو مسئلو حڪومت ۽ اپوزيشن جلد حل ڪري وٺنديون، هڪ صوبي ۾ 10 مهينن کان مڪاني اليڪشن تي اسٽي آرڊر آهي، اليڪشن ڪميشن مڪاني اليڪشن لاءِ تيار آهي، جمعي تي سيڪريٽري اليڪشن ڪميشن چونڊ سڌارا ڪانفرنس کي خطاب ڪندي چيو ته اليڪشن ڪميشن ايترو ميچيوئر ٿي چڪو آهي جو فافن جي آربزويشن ۽ تنقيد تي ان کي پنهنجو پارٽنر سمجهي ٿو، هن چيو ته فافن جي سفارش تي اليڪشن ڪميشن ۾ ورڪنگ گروپ جوڙيو ويو آهي، آبادي جي تناسب سان نمائندگي تي غور ڪرڻ گهرجي، هن چيو ته ڪابينا آسٽريليا ۾ مقبول پارٽيون حڪومت ۾ نه اچي سگهيون، سياسي پارٽين کي درخواست ڪندس ته اسان سان سهڪار ڪن، هن چيو ته اليڪشن 2018 کان اڳ 43 لک ووٽر عورتن کي رجسٽرڊ ڪيو ويو، خدشو آهي ته اڻ رجسٽرڊ ووٽر عورتن جو انگ وڌي نه وڄي، هن چيو ته عورت ووٽر جي رجسٽريشن لاءِ نادرا ۽ اليڪشن ڪميشن گڏجي ڪم ڪري رهيا آهن، سياسي پارٽين پاران ووٽر عورتن بابت تعاون جي کوٽ آهي، اليڪشن ايڪٽ 2017 جي تياري جو حصو رهيو، سياسي پارٽين ايڪٽ جي تياري ۾ بهتري ڪردار ڪيو، اليڪشن ايڪٽ 2017 به آخري حرف نه آهي، ان ۾ به آپريشنل اشوز موجود آهن، هن چيو ته اليڪشن ڪميشن کي ايڪٽ ۾ خودمختيار بڻايو ويو آهي، اليڪشن ڪميشن جي خودمختياري کي پسند نٿو ڪيو وڃي، هن چيو ته سياسي پارٽين جي سهڪار سان ان مسئلي کي حل ڪنداسين، 2018 جي اليڪشن ۾ ريٽرنگ آفيسرن لاءِ هڪ هزار ڪمپيوٽر جاپاني حڪومت ڏنا، هن چيو ته اليڪشن رپورٽ جو جائزو وٺي پارليامينٽ کي سفارشون پيش ڪيون آهن، 30 ضلعن ۾ عوام ۽ ميڊيا سان صلاح مشورا ڪري سفارشون تيار ڪيون آهن.

 

شاگرد يونين جي حمايت، سرڪاري يونيورسٽين کي خانگائڻ ۽ تعليمي ادارن ۾ جنسي هراساني روڪڻ لاءِ قانون سازي ڪئي وڃي: بلاول

ڪراچي(ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري به شاگرد يونين جي بحالي جي حمايت ڪري ڇڏي. بلاول ڀٽو زرداري چيو ته پيپلز پارٽي شاگرد يونين جي بحالي جي حامي آهي، بينظير ڀٽو به شاگرد يونين بحال ڪري ڇڏي هئي پر معاشري کي غير سياسي بڻائڻ جي لاءِ شاگرد يونينز جي بحالي ختم ڪئي وئي. سماجي رابطن واري ويب سائيٽ ٽوئيٽر تي جاري پيغام ۾ بلاول وڌيڪ چيو ته سرڪاري يونيورسٽين کي خانگائڻ ۽ تعليمي ادارن ۾ جنسي هراساني روڪڻ جي لاءِ قانون سازي ڪئي وڃي. بلاول ڀٽو يونيوسٽي ڪيمپسز کي غير عسڪري ڪرڻ جو به مطالبو ڪيو ۽ لکيو ته شاگرد جي نئين نسل جي پر پرامن جمهوري عمل جي بحالي لاءِ جوش ۽ خروش متاثر ڪندڙ آهي.

 

 

اليڪشن ڪميشن پنهنجو وجود وڃائڻ کان اڳ عوام کي مطمئن ڪري ۽ فارن فنڊنگ ڪيس کي منطقي انجام تائين پهچائي: فضل الرحمان

ڪراچي (اين اين آءِ) جميعت علماءِ جي سربراهه مولانا فضل رحمان چيو آهي ته فوج جي سڀ کان حساس معاملن تي قانونسازي جو هق ووٽ چوري ڪري حڪومت ٺاهيندڙن کي نٿو ڏئي سگهجي، سموري اپوزيشن ان ڳالهه تي متفق آهي ته موجوده اسيمبلي کي بنا دير ٽوڙي ملڪ ۾ نيون چونڊون ڪرايون وڃن ۽ ان جي بنياد تي حڪومت جي خلاف اپوزيشن پارٽِين جي تحريڪ جاري رهندي، اليڪشن ڪميشن قومي ذميواري جو احساس ڪندي فارن فنڊنگ ڪيس جو تڪڙو فيصلو ڪري، ائين نه ڪيو ويو ته اليڪشن ڪميشن تي عوام جو اعتماد ختم ٿي ويندو، اهڙن خيالن جو اظهار هن جمعي تي ڪراچي ۾ اليڪشن ڪميشن آفيس جي اڳيان اپوزيشن پارٽين جي احتجاجي مظاهري کي خطاب ڪندي ڪيو، احتجاجي مظاهري کي مولانا راشد محمود سومرو، شاهي سيد، علي اڪبر گجر، نظير جان، رمضان ميمڻ، مستقيم نوراني، سردار احمد نواز، مولانا افضل سردار، مولانا عبدالقيوم هاليجوي، مولانا عبدالجليل جان، عتيق رحمان، مولانا عمر صادق، مولانا نور الحق ۽ ٻين خطاب ڪيو، ان موقعي تي مولانا عبدالڪريم عابد، قاري عثمان، سعيد يوسف، ڊاڪٽر نصير الدين سواتي، يونس بونير ۽ ٻيا اڳواڻ موجود هئا، مولانا فضل رحمان خطاب ڪندي چيو ته عدالت قانونسازي جي هدايت ڪئي آهي، پاڪستان جو نهايت حساس ادارو فوج آهي ۽ هن اداري کي جهڙي طرح سان بيتوقير ڪيو آهي ان مان اندازو ٿئي ٿو ته ان وٽ نه قانون آهي نه اهليت آهي، عدالت قانونسازي ذريعي معاملا ٺيڪ ڪرڻ جي هدايت ڪئي آهي پر اسان هن حساس معاملن تي قانونسازي جو حق نهن کي نٿا ڏئي سگهون، هي ووٽ چوري ڪري آيا آهن، موجوده اسيمبلي کي ٽوڙي نيون چونڊون ڪرايون وڃن، هن چيو ته هڪ ڪروڙ نوڪرين جو واعدو ڪيو پر ڪروڙين ماڻهن کي بيروزگار ڪيو ويو آهي، ميڊيا تي پابندي مڙهي مجبور ڪيو ويو آهي ته جيئن ميڊيا قوم کي حقيقتون نه ٻڌائي، ميڊيا سان ٿيندڙ زيادتي جي مزمت ڪريون ٿا، هن چيو ته عوام پڪو پهه ڪيو آهي ته هنن قبضو ڪندڙن کان حڪومت ورتي ويندي، حڪمران پارٽي احتساب کا ڀڃي رهي آهي، حڪمرانن کي سندن ئي آئيني ۾ شڪل ڏيکارڻ جو وقت اچي ويو آهي، ڪي پي ڪي ۾ 5 سالن کان ان جي حڪومت اتي اهي حساب ڏيڻ يا احتساب لاءِ تيار نه آهن، عوام ڏسي ڇڏيو آهي ته اهي ڪهڙي قسم جا آهن، هن اليڪشن ڪميشن کان گهر ڪئي ته اهو هڪ قومي ادارو آهي، پنهنجي ذميواري جو احساس ڪندي فارن فنڊنگ جو تڪڙو قانون موجب فيصلو ڪري، ائين نه ٿيو ته عوام جو اليڪشن ڪميشن تي اعتماد ختم ٿي ويندو، اليڪشن ڪميشن پنهنجو وجود وڄائڻ کان اڳ عوام کي مطمئن ڪري، هن چيو ته هي قبضا گروپ آهي، هنن ملڪ کي يرغمال بڻايو آهي، اسان ملڪ ان لاءِ نه ٺاهيو هو ته هي ووٽ چوري ڪري حڪومت ٺاهين ۽ قبضو ڪن، ملڪ جيڪڏهن عوام لاءِ حاصل ڪيو ويو هو ته پوءِ اقتدار تي قبضي جي اجازت نٿي ڏئي سگهجي، اڄ اپوزيشن پارٽيون هڪ پليٽ فارم تي گڏ آهن، سموري اپوزيشن ان ڳالهه تي متفق آهي ته هنن خلاف سڄي ملڪ جي ضلعي هيڊڪوارٽر ۾ احتجاج ڪيو وڃي، آزادي مارچ هنن کي لوڏي ڇڏيو آهي، مولانا فضل رحمان چيو ته هنن ملڪ جي معيشت کي تباهه ڪيو آهي، بس ڪرندڙ ڀت کي ڍڪو ڏيڻو آهي، ملڪي معيشت سمنڊ ۾ تباهه ٿي رهي آهي ۽ هي عياشيون ڪري رهيا آهن، عوام وٽ کاڌي پيتي جون شيون ناهن کي عياشيون ڪري رهيا آهن، هي ڪڏهن ٽماٽر 17 رپيا في ڪلو ۽ ڪڏهن مٽر 5 رپيا في ڪلو وڪرو ڪرڻ جي ڳالهه ڪن ٿا، مان جهاز ۾ ڪراچي اچي رهيو هيس ته عملي چيو ته ان جون سموريون مراعتون ختم ڪيون ويون آهن، بنيادي پگهار تي گذارو ڪرڻو پئجي رهيو آهي، لائيٽس ختم ڪئي وئي آهي، 40 ادارا ختم ڪرڻ جون ڳالهيون ڪيون پيون وڃن، هڪ ڪروڙ نوڪريون ڏيندڙن ڪروڙين ماڻهن کي بيروزگار ڪيو آهي، شاهي سيد چيو ته اليڪشن ڪميشن کي احساس ڏيارڻ لاءِ احتجاج ڪري رهيا آهيون، اليڪشن ڪميشن پنهنجو ڪردار ادا ڪرڻ ۾ ناڪام ٿيو، ماضي جي چونڊن ۾ چوري ٿي پر 25 جولاءِ تي سينا زوري ڪئي وئي، يو ٽرن وٺڻ عمران خان جي پراڻي عادت آهي، عمران خان پنهنجي گهر ۾ يو ٽرن وٺي ٿو، علي اڪبر چيو ته اسان پهريان کان چئون ٿا ته سليڪٽيڊ وزيراعظم نااهل آهي، آرمي چيف جي مدي کي حڪومت تماشو بڻايو، ملڪ هلائڻ موجوده حڪومت جي وس ۾ ناهي.

 

 

حيدرآباد ۾ سنڌي ثقافت جي حوالي سان دنيا جي سڀ کان وڏي اجرڪ جي المنظر تي نمائش ڪئي وئي

حيدرآباد(رپورٽر) حيدرآباد ۾ سنڌي ثقافت جي حوالي سان دنيا جي سڀ کان  وڏي اجرڪ جي المنظر تي نمائش ڪئي وئي

 

ننگر پارڪر ڀرسان غربت کان تنگ اچي زال مڙس ڦاهو کائي زندگي جو انت آڻي ڇڏيو

اسلام ڪوٽ(رپورٽ سجاول بجير)ننگر پارڪر ڀرسان غربت کان تنگ اچي زال مڙس ڦاهو کائي زندگي جو انت آڻي ڇڏيو نننگرپارڪر لڳ ڳوٺ ڏونگرو جو وانڊيو ۾ غربت کان تنگ اچي زال ۽ مڙس ڦاھو کائي زندگين جو انت آڻي ڇڏيو،22 ورهين جي پاربتي ڪولهي ۽ سندس مڙس ڀاڳچند ڪولهي گھر ڀرسان ڄار جي وڻ ۾ ڦاھو کائي زندگي جو انت آندو، پوليس زال مڙس جا لاش تعلقي اسپتال آندا، ٻنهي جا مڙهه پوسٽ مارٽم بعد وارثن حوالي ڪيا ويا، ٻڌايو پيو وڃي ته ٻنهي زال مڙس غربت کان تنگ اچي ڦاھو کائي پنھنجي زندگي جو انت آندو آھي، ان سلسلي ۾ پوليس جو چوڻ آهي ته ڀاڳچند ڪولهي پهرين زال کي ڦاهو ڏئي پوءِ پاڻ آپگهات ڪيو، وڌيڪ جاچ ڪري رهيا آهيون.