تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 26, 2019

وزير اعظم پاران ساهيوال سانحو ڪيس جي فيصلي تي ڳڻتي ظاهر، فيصلو چئلينج ڪرڻ جو حڪم

اسلام آباد (اين اين آءِ) وزيراعظم عمران خان ساهيوال رتوڇاڻ ۾ ملوث 6 پوليس اهلڪارن جي بريت تي سخت ڳڻتي جو اظهار ڪيو آهي رپورٽ موجب وزيراعظم چيو ته استغاثا جوابدار جي خلاف ڪيس ثابت ڪرڻ ۾ ناڪام ٿي ويو آهي ڇو ته شاهدن مان ڪنهن به واقعي جي موجودگي جي شاهدي ناهي ڏني ان سان هڪ وڏو ئي افسوس جوڳو مثال ملي ٿو جتي انصاف ملڻ ۾ ڏکيائي ٿئي ٿي هن چيو ته ڄاڻايل  هيٺ ڏنل قدم کڻڻ جي خواهش هئي آهي هن چيوپ ته فيصلي جي خلاف اپيل داخل ڪيو ۽ پراسيڪيوشن ڊپارٽمينٽ کي حقيقي شاهدن جي ذريعي پنهنجو ڪيس قائم ڪرڻ جو ذميوار ڄاڻائيندي مظلومن کي انصاف ڏياريو وزيراعظم چيو ته جاچ ۽ استغاثا جي خامين جي جاچ ۽ انهن جي نشاندهي لاءِ هڪ اعليٰ سطحي ڪميٽي مقرر ڪيو ڪميٽي کي رياست جي مختلف حصن ۾ موجود غلطين ۽ خامين جي نشاندهي ڪندڙن جي به سڃاڻپ ڪرڻ گهرجي جن جا قدم غير فعال هئڻ سان شڪي ماڻهن کي فائدو ٿيو اهڙين خامين کي ختم ڪرڻ ۽ ساهيوال جي حڪمت عملي سان متاثر ماڻهن کي انصاف فراهم ڪرڻ لاءِ خاص تجويزون پيش ڪيون وڃن بيان ۾ چيو ويو ته تعميل جي هڪ رپورٽ هن وزارت ۽ وزيراعظم آفيس کي ٽن ڏينهن اندر پيش ڪئي وڃي.

 

نواز شريف جي چوڌري شگر مل ڪيس ۾ ضمانت منظور، آزاد ڪرڻ جو حڪم

لاهور(ويب ڊِيسڪ) لاهور هاءِ ڪورٽ چوڌري شگر ملز ڪيس ۾ اڳوڻي وزير اعظم ۽ پاڪستان مسلم ليگ ن جي تاحيات سربراهه نواز شريف جي طبي بنيادن تي ضمانت واري درخواست منظور ڪري ورتي. عدالت جي جسٽس علي باقر نجفي جي سربراهي ۾ 2 رڪني بينچ مسلم ليگ ن جي صدر شهباز شريف طرفان اڳوڻي وزير اعظم نواز شريف جي چوڌري شگر ملز ڪيس ۾ قومي احتساب بيورو جي حراست ۾ طبي بنياد تي آزادي جي لاءِ داخل درخواست تي ٻڌڻي ڪئي. عدالت اڄ ٿيل طويل ٻڌڻي کان پوءِ مختصر فيصلو ٻڌايو، جنهن ۾ چيو ويو ته اڳوڻي وزير اعظم نواز شريف ان ڪيس ۾ هڪ ڪروڙ رپين جا 2 ضمانتي مچلڪا جمع ڪرائي. درخواست جي منظور ٿيڻ کان پوءِ نواز شريف نيب جي حراست مان ته آزاد ٿي ويندو پر هن جي جيل مان ان وقت تائين باضابطا آزادي ممڪن ناهي جيستائين اسلام آباد هاءِ ڪورٽ العزيزيه ڪيس ۾ سندس سزا معطل ڪري ان جي ضمانت منظور نٿي ڪري. واضح رهي ته العزيزيه اسٽيل ملز ۾ نواز شريف 7 سال قيد جي سزا کي منهن ڏئي رهيو آهي، طبي بنيادن تي ان سزا جي معطلي جي لاءِ اسلام آباد هاءِ ڪورٽ ۾ به هڪ الڳ درخواست ٻڌڻي هيٺ آهي، جنهن تي وفاقي راڄڌاني ۾ اڄ (25 آڪٽوبر) تي ٻڌڻي ٿي هئي  ۽ عدالت ڪارروائي کي اڱاري (29 آڪٽوبر) تائين ملتوي ڪري ڇڏيو هو.ان کان اڳ لاهور هاءِ ڪورٽ ۾ شهباز شريف جي ان درخواست تي ٻڌڻي ٿي هئي، جنهن ۾ اپيل ڪئي وئي هئي ته نواز شريف جي طبعيت ڳڻتي جوڳي حد تائين خراب آهي ان ڪري هن کي آزادي ڏني وڃِ  جيئن هن جو مڪمل علاج ٿي سگهي.  ٻئي طرف پاڪستان مسلم ليگ ن جي صدر شهباز شريف لاهور هاءِ ڪورٽ طرفان سندس ڀاءُ نواز شريف جي طبي بنيادن تي ضمانت منظور ٿيڻ تي چيو آهي ته اِها سڄي قوم جي لاءِ خوشي جي هڪ خبر آهي. لاهور هاءِ ڪورٽ مان نواز شريف جي ضمانت منظور ٿيڻ کان پوءِ ميڊيا سان ڳالهائيندي شهباز شريف جو چوڻ هو ته نواز شريف هن وقت ڏي سخت قسم جي بيماري ۾ مبتلا آهي، ڊاڪٽرن جي سڄي ٽيم اخلاق سان نواز شريف جو علاج ڪري رهي آهي. ان موقعي تيهن عدالت، وڪيلن، ڪارڪنن ۽ قوم جا ٿورا مڃيا. هن چيو ته ڊاڪٽر طرفان نواز شريف کي ڊينگي هئڻ جي امڪان کي رد ڪري ڪيو ويو ۽ گڏوگڏ ئي اِهو به ٻڌايو ويو ته نواز شريف جيڪي دل جون دوائون کائيندو آهي ان جو هن سان ڪو تعلق ناهي. شهباز شريف جو چوڻ هو ته منهنجي سڄي قوم کان درخواست آهي ته هو نواز شريف جي صحت جي لاءِ دعا ڪري. مسلم ليگ ن جي صدر جو چوڻ هو ته سومر تي لاهور هاءِ ڪورٽ نواز شريف جي ڌيءَ مريم نواز جي ضمانت واري درخواست تي ٻڌڻي ڪندي، ان ڪري منهنجي قوم کان درخواست آهي ته هو هن جي لاءِ به دعا ڪري. هن چيو ته نواز شريف جي گهرواري هن دنيا مان هلي وئي، هان هن جي ڌي آهي جنهن کي بيمار پيءُ جي تيماداري ڪرڻي آهي ۽ هڪ ڌي جيان هن جو ساٿ ڏيڻو آهي. خيال رهي ته لاهور هاءِ ڪورٽ چوڌري شگھر ملز ڪيس ۾ اڳوڻي وزير اعظم ۽ پاڪستان مسلم ليگ ن جي تاحيات سربراهه نواز شريف جي طبي بنيادن تي ضمانت واري درخواست منظور ڪئي هئي. هوڏانهن  پنجاب جي صحت واري وزير ڊاڪٽر ياسمين راشد جو چوڻ آهي ته وزير اعظم  عمران خان چيو آهي ته نواز شريف جي صحت بابت جيڪو عدالت جو فيصلو هوندو ان تي عمل ڪنداسين. لاهور ۾ پنجاب جي صحت واري وزير ڊاڪٽر ياسمين راشد آهي ته نواز شريف کي علاج جون سموريون سهولتون فراهم ڪيون پيو وڃن ۽ ڪا به گهٽتائي ناهي رهي. هن چيو ته نواز شريف کي چيو جيڪڏهن هو ڪنهن ڊاڪٽر کي ٻاهران گهرائڻ چاهي ٿو ته گهرائي، پنجاب جي وڏي وزير جهاز تيار ڪرائي رکيو آهي، اسان ٻاهران ڊاڪٽر گهرائينداسين جڏهن هن جون سمورين رپورٽون ذاتي ڊاڪٽر  عدنان سان شيئر ڪيون وينديون آهن. ڊاڪٽر ياسمين راشد چيو ته ميان صاحب کي علاج بابت هر ڳالهه ٻڌائيندا آهيون ۽ جڏهن هو اجازت ڏيندو آهي ته هن جو علاج ڪيو ويندو آهي. صحت واري صوبائي وزير نواز شريف علاج بابت اطمينان جو اظهار ڪيو آهي ۽ گذريل مهيني رت جي مرضن جي ماهر  ڊاڪٽر طاهر شمسي سان ڪيل الڳ ملاقات ۾ به هن پنهنجي علاج تي اطمينان جو اظهار ڪيو هو. هن چيو ته نواز شريف کي صحت جو هڪ مسئلو ناهي، هن کي ذيابيطس جو مرض آهي، شگر ڪافي بي قابو ٿي رهي آهي جنهن جي ڪري گردن تي اثر پيو آهي، دل جي به تڪليف آهي جنهن جي ڪري باءِ پاس سرجري ٿي، بلڊ پريشر به آهي، جنهن جي ڪري هن مسئلي سبب هن جي حالت کي سنجيده وٺڻ گهرجي پر هاڻ حالتون بهتري ڏانهن وڃي رهيون آهن. پنجاب جي صحت واري وزير چيو ته نواز شريف ضمانت جي اپيل داخل ڪيل آهي ۽ گذريل ڏينهن اسلام آباد هاءِ ڪورٽ ۽ لاهور هاءِ ڪورٽ اسان جي ميڊيڪل بورڊ جي ميمبرن ۽ ميڊيڪل سپرنٽنڊنٽ کي طلب ڪيو هو. ڊاڪٽر ياسمين راشد چيو ڊاڪٽر اياز محمود ۽ ساڻس گڏ بورڊ جي ميمبر ڊاڪٽر ڪامران لاهور هاءِ ڪورٽ ۾ ويا هئا جتي هنن نواز شريف جون سموريون رپورٽون پيش ڪيون. هن چيو ته نواز شريف جون سموريون رپورٽون انتهائي ٽيڪنيڪل آهن، مون هنن کي چيو آهي ته مريض جي حالت بابت جيڪي ڳالهيون توهان سوچيو ٿا ۽ جيڪو توهان جو خيال آهي بلڪل اُهبا ئي ڳالهه ڪنهن دٻاءَ کان سواءِ هو رپورٽ ۾ لکي. پنهنجي ڳالهه کي جاري رکندي صحت واري وزير چيو ته لاهور هاءِ ڪورٽ ميڊيڪل بورڊ کي ٻيهر اجلاس گهرائي اڄ جي رپورٽ ڪرڻ جو چيو ويو هو. ڊاڪٽر ياسمين راشد چيو ته اسلام آباد هاءِ ڪورٽ ۾ ڊاڪٽر سليم چيمه ۽ ڊاڪٽر عارف رپورٽ پيش ڪئي هئي ۽ هاڻ هن کان ايندڙ 5 ڏينهن کان پوءِ ٻيهر رپورٽ طلب ڪئي وئي آهي. هن چيو ته وزير اعظم چيو ته پريس کي اطلاع ڏئي ڇڏيو ته عدالت جو جيڪو به فيصلو هوندو اسان ان کي قبول ڪنداسين ۽ هر طريقي سان ان فيصلي جي حمايت ڪنداسين. صحت واري صوبائي وزير چيو ته اسان عدالتن جو گهڻو احترام ڪندا آهيون ان ڪري جيڪو به عدالت جو فيصلو هوندو اسان ان کي قبول ڪنداسين. ڊاڪٽر ياسمين راشد چيو ته نواز شريف عالت ۾ ضمانت جي لاءِ اپيلون داخل ڪيون آهن، اسان سموري تفصيل موڪلي رهيا آهيون، ميڊيڪل بورڊ پنهنجون رپورٽون موڪلون آهن، ان ۾ اسان جو ڪو به عمل دخل ناهي، مون پاڻ به رپورٽ ناهي پڙهي. هڪ سوال جي جواب ۾ ڊاڪٽر ياسمين راشد چيو ته انسانيت جي ناطي سڀني کي احساس هئڻ گهرجي ته وزير اعظم عمران خان جيڪڏهن اسپتال بڻائيندو آهي ۽ مريضن سان همدردي ڪندو آهي ۽ مريض طور هن جي همدردي نواز شريف سان آهي. مريم نواز جي صحت بابت هن چيو ته جڏهن مريم نواز جي طبعيت خراب ٿي ته هن کي اسپتال منتقل ڪيو ويو، آئون اسپتال ۾ موجود هيس هن جا سمورا ٽيسٽ ٿيا جيڪي نارمل هئا هن جي طبعيت جڏهن بهتر ٿي ته واپس موڪليو ويو هو. ڊاڪٽر ياسمين راشد چيو ته وزير اعظم پنهنجي جذبن جو اظهار ڪري ڇڏيو آهي، هو چاهي ٿو ته نواز شريف جي ڌيءَ ضرور هن جي تيماداري ڪري. صحت واري وزير چيو ته سمورن ادارن کي ان حولي سان هدايتون ڏنيون ويون آهن پر عدالتون آزاد آهن هو جيڪو فيصلو ڪندي اسان ان تي عمل ڪنداسين

 

سياست کي صحت تي حاوي نه ٿيڻ گهرجي، پهرين ترجيح نواز شريف جي صحت آهيۡ: فردوس عاشق

اسلام آباد (اين اين آءِ) وفاقي حڪومت چيو آهي ته ورلڊ بينڪ جي رپورٽ اسان جي ڪاوشن جو مظهر آهي، سيڙپڪار هاڻ پاڪستان ڏانهن ڏسي رهيا آهن، پاڪستان صحيح ڊائريڪشن ڏانهن وڃي رهيو آهي، ورلڊ بينڪ به پاڪستان کي گهڻو سپورٽ ڪيو، پاڪستان کي اڃا ريڪنگ وڌيڪ بهتر ڪرڻي آهي، عمران خان جي پهرين ڏينهن کان ڪوشش هئي ته عام ماڻهو جون حالتون بهتر ڪيون وڃن، ڪاروبار کي لاڳت بدران افتتاح سان نقصان ٿي رهيو هو، آمريڪا سان تڪرار جي ڪري چائنيز ڪمپينون پاڪستان اچي رهيون آهن، وزيراعظم عمران خان ۽ نواز شريف جي صحت بابت مسللسل اپ ڊيٽ وٺي رهيو آهي، اسان کي بيمار جي بيماري تي سياست ڪرڻ نٿا چاهيون، سياست ڪرڻ لاءِ ٻيا کوڙ عنوان آهن، جيڪڏهن زرداري صاحب جي صحت ٺيڪ نه آهي ته عدالتن جو دروازو کڙڪائي، جمعي تي فردوس عاشق اعواڻ، عبدالرزاق دائود معاشي ٽيم سان گڏ ورلڊ بينڪ جي بزنس رپورٽ ۾ ميڊيا بريفنگ ڏيندي چيو ته هي ڪافي اهم پريس ڪانفرنس آهي، فردوس عاشق اعواڻ چيو ته گذريل ڏينهن توهان گهڻو سياسي بارود گڏ ڪيو هو، پاڪستاني معيشت جو روڊ ميپ دنيا تسليم ڪري رهي آهي، هن چيو ته ورلڊ بينڪ وزيراعظم جي معيشت بحالي قدمن کي ساراهي ٿي، پاڪستاني حڪومت جي کنيل قدمن جا هاڪاري نتيجا اچڻ شروع ٿيا، هن چيو ته اهو چٽو ثبوت آهي ته قوم جو پيسو حڪمرانن جي کيسن ۾ نه پر خزاني ۾ گڏ ٿيندو، هن چيو ته انهن ماڻهن لاءِ پريس ڪانفرنس آهي جيڪي ماڻههن کي گمراهه ڪري رهيا آهن، هن چيو ته عمران خان ڊاڪٽر فيصل کي نواز شريف جي عيادت لاءِ موڪليو، ڊاڪٽر فيصل شوڪت خانم اسپتال کي هيڊ ڪري رهيو آهي، فردوس عاشق اعواڻ چيو ته عمران خان هدايت ڪئي ته نواز شريف کي بهترين سهولتون ڏنيون وڃن، وزيراعظم چيو ته صحت تي ڪا به سياست نه آهي، عبدالرزاق دائود چيو ته ريڪنگ جي اهميت تمام گهڻي آهي، هن چيو ته سيڙپڪار سڀ کان پهريان ريڪنگ کي ڏسن ٿا، هن چيو ته سيڙپڪاري ڏسي رهيا آهن ته پاڪستان صحيح ڊائريڪشن ڏانهن وڃي رهيو آهي، پاڪستان جا گلوبل بزنس سان رابطا بهتر ٿي رهيا آهن، صحافي سوال ڪيو ته ڇا آصف زرداري کي به انساني بنياد تي سهولت ڏئي سگهجي ٿي، فردوس عاشق اعواڻ چيو ته نواز شريف جي وڪيل عدالت کي ڪنويس ڪيو ان لاءِ ضمانت ملي وئي، جيڪڏهن زرداري صاحب سمجهي ٿو ته ان جي صحت ٺيڪ نه آهي ته عدالتن جو دروازو کڙڪائي.

 

آفيسرن جي ملي ڀڳت سان سنڌ جي ٻيلن جو ٻيڙو ٻوڙيو ويوۡ: سنڌ هاءِ ڪورٽ

ڪراچي (اين اين آءِ) سنڌ هاءِ ڪورٽ صوبي ۾ ٻيلي کاتي جي زمين جي غيرقانوني الاٽمينت ۽ وڻن جي واڍي تي ڪاوڙ جو اظهار ڪندي نيب کي جوابدارن جي خلاف چئن هفتن ۾ انڪوائري مڪمل ڪرڻ جو حڪم ڏيئي ڇڏيو چيف جسٽس احمد علي شيخ جي سربراهي ۾ جسٽس عمر سيال تي ٻڌل بئنچ اڳيان سنڌ ۾ ٻيلي کاتي جي زمين جي غيرقانوني الاٽمينٽ ۽ وڻن جي واڍي بابت ٻڌڻي ٿي عدالت ريمارڪس ڏنا ته ٻيلي کاتي جي آفيسرن جي گڏيل صلاح سان سنڌ جي ٻيلن جو ٻيڙو ٻوڙيو ويو آهي. انهن جي لاءِ وڻ هوندا منهنجي لاءِ ته وڍيل وڻ اثاثا هئا پاڪستان ٺهڻ کان پوءِ سنڌ ٻيلن جي لاءِ ڪيتري زمين رکي ويئي هئي انو نوٽيفڪيشن به مان پڙهيو آهي نيب موجب پ پ پ جي وفاقي حڪومت 2007 ۾ سانگهڙ ۾ عورتن کي 20-20 ايڪڙ زمين الاٽ ڪرڻ جو اعلان ڪيو هو زمين غيرقانوني طور الاٽ ڪئي ويئي وڻ به وڍيا ويا عدالت ريمارڪس ڏنا ته نيب ٿورڙي اڃا ڇنڊڇاڻ ڪري ته اهي عورتون به ڪنهن ايم پي اي، ايم اين اي جون زالون يا مائٽياڻيون هونديون عدالت نيب کي جوابدارن جي خلاف چئن هفتن ۾ جاچ مڪمل ڪرڻ جو حڪم ڏيئي ڇڏيو نيب ٻيلي کاتي جي آفيسر محمود رضا، غلام مصطفيٰ ۽ ٻين جي خلاف جاچ ڪري رهيو آهي.

 

 

منهنجي طبيعت ٺيڪ آهي، بابا جي بيماري تي سخت ڳڻتي آهي: مريم نواز

لاهور (اين اين آءِ) پاڪستان مسلم ليگ (ن) جي مرڪزي اڳواڻ مريم نواز چيو آهي ته منهنجي طبيعت ٺيڪ آهي پر بابا جي بيماري تي سخت ڳڻتي آهي هر تڪليف برداشت ڪري سگهجي ٿي پر والدين جي اهڙي حالت برداشت نٿي ڪري سگهجي احتساب عدالت ۾ پيشي جي موقعي تي ميڊيا سان ڳالهائيندي مريم نواز چيو ته مان گهڻو وقت جيل ۾ رهي آهيان پر الله جو ڪرم آهي جو مون تي ڪو ذهني دٻاءُ نه هو پر جڏهن کان بابا جي طبيعت خراب ٿي آهي ان مون کي گهڻو متاثر ڪيو اهي هڪ سال اڳ منهنجي ماءُ ايئن سخت بيمار ٿي الله کي پياري ٿي ويئي ۽ انهيءَ ڪري انسان ڀور ڀور ٿي وڃي ٿو.

 

عمران خان اين آرو او ڏئي ڇڏيو، زرداري ونڊ وراست سان کائڻ وارو ماڻهو آهي، شريف خاندان هڪ رپيو به نه ڏيندوۡ: شيخ رشيد

لاهور (اين اين آءِ) وفاقي وزير شيخ رشيدا حمد چيو آهي ته آصف زرداري وندي ورهائي کائڻ وارن مان آهي ۽ هو ڪجهه نه ڪجهه ضرور ڏيندو پر ڪنجوس خاندان هڪ رپيو به نه ڏيندو ڇو ته نوازشريف اڪيلو کائيندو آهي فضل الرحمان زندگي جو وڏو فيصلو ڪرڻ وڃي رهيو اهي آزادي مارچ بابت سپريم ڪورٽ جي فيصلي مطابق اجازت ڏني ويندي ۽ اسان جي عدالت جي اجازت مطابق آزادي مارچ کي فيس سيونگ ڏيڻ لاءِ تيار آهيون عمران خان ڏڦيڙ پکيڙڻ جي ڪوشش مان نڪرندو ۽ پنهنجا پنج سال پورا ڪندو ريلوي هيڊڪوارٽر آفيس لاهور ۾ صحافين سان ڳالهائيندي شيخ رشيدا حمد چيو ته سوچڻ جي ڳالهه آهي ته ايڏي وڏي فنانسنگ ڪير ڪري رهيو آهي ۽ اسان هندستان کي موقعو ڏيئي رهيا آهيون هندستان بلوچستان مان ڪنهن کي موڪلي شرارت ڪري سگهي ٿو وفاقي وزير چيوت ه (ن) ليگ ۽ پ پ پ جي سياست ختم ٿي چڪي آهي عمران خان اڄ اين آر او ڏيئي ڇڏي ته سموريون تحريڪون ختم ٿي وينديون فضل الرحمان ٻنهي پارٽين کي بيوقوف بڻائي رهيو آهي پر اسان سپريم ڪورٽ جي هدايت مطابق آزادي مارچ کي فيس سيونگ ڏيڻ لاءِ تيار آهيون هن چيو ته پاڪستان کي اندر مان خطرو آهي سرحدن تي ڪوبه خطرو نه آهي. نوازشريف بابت شيخ رشيد چيو ته الله نوازشريف کي صحت ڏي جڏهن به ان جي صحت خراب ٿئي ٿي ته ٻاهر لاءِ دروازا کلي وڃن ٿا آصف زرداري نوازشريف کان وڌيڪ بيمار آهي پر هو روئڻو نه آهي وارو ڪيو مان مري ويس ان جيل جون سختيون ڏٺيون آهن آصف زرداري ونڊي ورهائي کائڻ وارو آهي ڪجهه نه ڪجهه ضرور ڏيندو هن چيو ته مان عمران خانکي پهريانئي چيو هو ته کين ڇڏيو وڃڻ ڏيو ڪالهه به عمران خان سان ملاقات ڪئي هن چيو ته هاءِ ڪورٽ جيف يصلي تي پهرو ڏينداسين هن چيوت ه هن ملڪ ۾ ٻارڙن جي عقيقي کي سياست لاءِ استعمال ڪيو وڃي ٿو. هن وڌيڪ چيو ته 10 ڊسمبر تي اٽڪل، ڪورد گولڙا شريف رستي اسٽيم سفاري ٽرين جو افتتاح ڪري رهيا آهيون جنهن ۾ پهرين ڏينهن اسان پاڪستان جي سمورن ڊپلوميٽس کي وٺي وينداسين. اڄوڪي ڏينهن اسان جو روينيو 180 ملين تائين پهچي ويو آهي جنهن مان رڳو 103 ملين فريٽ ڪمايو آهي هي ڪمائي پهريان 125 ملين هئي هي به ريلوي جي تاريخ جو هڪ رڪارڊ آهي.

 

ڪراچي کي پاڻي فراهمي ۾ واڌ جي مختلف طريقن تي ڪم ڪري رهيا آهيون ته جيئن ضرورتن کي پورو ڪري سگهجي: مراد علي شاهه

ڪراچي (اين اين آءِ) سنڌ جي وڏي وزير سيد مراد علي شاهه چيو آهي ته جيڪڏهن ڪراچي اڳيان وڌندو (معيشت جي حوالي سان) ته سڄو ملڪ اڳيان وڌندو ان ڪري ڪراچي کي تيزي سان ترقي ڏيڻ جي ضرورت آهي جنهن لاءِ هو مقامي وسيلن ۽ ڊونر اينجنسين جي ماهرن ۽ وسيلن جي استعمال لاءِ سرگرم آهن ته جيئن ڪراچي کي هڪ پرامن ۽ خوشحال شهر بڻائي سگهجي. هن اها ڳالهه گذريل ڏينهن چائنا جي سرڪاري ڪمپني انرجي چائنا جي اٺ رڪني وفد جنهن جي اڳواڻي کيس صدر ليو بڪس زيان ڪري رهيو هو سان وزيراعليٰ هائوس ۾ ڳالهائيندي چئي. ملاقات ۾ سنڌ حڪومت سان پاڻي جي شعبي ۽ ڪراچي ۾ پاڻي ورڇ جي سلسلي ۾ گڏجي ڪم ڪرڻ بابت خيالن جي ڏي وٺ ڪئي وئي. اجلاس ۾ ڪي فور رٿا جيڪو کيس ڊزائين ۾ ضروري تبديلين سبب عارضي طور تي ڪم بند آهي بابت غور ڪيو ويو. نيشنل انجنيئرنگ فرم، نيسپاڪ کيس ڊزائين تي ڪم ڪري رهيون آهن ۽ جيئن ئي ان کي حتمي شڪل ڏني ويندي ته ڪم شروع ڪيو ويندو. وڏي وزير چيو ته ڪي فور رٿا نهايت اهميت جوڳو منصوبو آهي ۽ ان کي مڪمل ڪيو ويندو. وڏي وزير واضح ڪيو ته ڪراچي 17 ملين آبادي تي ٻڌل شهر آهي ۽ ان جي پاڻي جي گهرج جو ڪاٿو 1200 گيلن روزانو آهي پر فقط 500 ايم جي ڊي روزاني ملي رهيو آهي. هن چيو ته اسان شهر کي بلڪ پاڻي جي فراهمي ۾ واڌ جي مختلف طريقن تي ڪم ڪري رهيا آهيون ته جيئن گهريلو ۽ صنعتي ضرورتن کي پورو ڪري سگهجي. اجلاس ۾ گڏجي ڪم ڪرڻ بابت مختلف معاملن تي خيالن جي ڏي وٺ ڪئي وئي. حب ريور سورس ڪنوينس سستم ۾ ڪيترائي اوڻايون ۽ غلطيون آهن ان ڪري لائين لاسز توقع کان وڌيڪ آهن. چائنيز ڪمپني حب ڪراچي کي پاڻي ڏيڻ واري نظام ۾ سڌارو آڻڻ بابت دلچسپي ظاهر ڪئي. چائنيز ڪمپني وڏي وزير کي درخواست تي چيو ته هو ڪراچي ۾ 100 ايم جي ڊي، ڊي سيلينيشن پلانٽ لڳائڻ لاءِ تخميني لاڳت سان گڏوگڏ تفصيلات تي پڻ ڪم ڪندو. واضح رهي ته ماضي ۾ ڊي سيلينيشن ٽيڪنالاجي غير منافعي بخش رهي جيڪو صنعتي مقصدن لاءِ استعمال ٿئي ٿو. چائنيز ڪمپني چيو ته هو سنڌ حڪومت لاءِ ويسٽ واٽر جي ٽريٽمنٽ لاءِ پلانٽ لڳائڻ لاءِ ڪم ڪندي. چائنيز فرم کي ٻڌايو ويو ته صوبائي حڪومت ڪي فور فيز 1، تي ايف ڊبليو او سان ڪم ڪري رهي آهي ان ڪري چائنيز فرم ڪي فور جي فيز 2 ۽ فيز 3 ۾ ڪم ڪرڻ جي دلچسپي ظاهر ڪئي ۽ تجويز پيش ڪئي ته جيڪڏهن منصوبي جي لاڳت وڌي ٿي ته ان کي سي پيڪ رٿائن ۾ شامل ڪري سگهجي ٿو. وڏي وزير چيو ته مختلف شعبن مثال طور انفرااسٽرڪچر، پاڻي ۽ صفائي ۽ انرجي تي ڪم رهيا آهيون ته جيئن مختلف شعبن ۾ حقيقي سيڙپڪاري کي ممڪن بڻائي سگهجي. هن چيو ته جڏهن اوهان وٽ بهترين انفرااسٽرڪچر، پاڻي ۽ انرجي واڌو هوندو ته سيڙپڪار لازمي هتي سيڙپڪاري ڪندو. هن چيو ته اهو ئي سبب آهي جو هو شهر جي انفرااسٽڪچر جي ترقي ۽ پاڻي جي کوٽ وارن مسئلن کي حل ڪرڻ لاءِ ڪم ڪري رهيو آهي. مراد علي شاهه رٿابندي ۽ ترقيات کاتي کي هدايت ڪئي ته هو چائنيز فرم سان گڏ هڪ ٻيو اجلاس منعقد ڪري ۽ پاڻي جي شعبي ۾ گڏجي ڪم ڪرڻ بابت سفارشون جوڙي.نيدرلينڊ جي سفير وليم واؤٽر پلمپ سان ٿيندڙ ملاقات ۾ وڏي وزير سيد مراد علي شاهه کيس ڪراچي ۾ فوڊ پراسيسنگ انڊسٽري ۾ سيڙپڪاري بابت خيالن تي ڏي وٺ ڪئي. سفير چيو ته ان وٽ فوڊ پراسيسنگ جا انڊسٽريل ماهر موجود آهن جنهن کي دنيا ڄاڻي ٿي ۽ اهي سنڌ ۾ ڪم ڪرڻ ۽ سيڙپڪاري جا خواهشمند آهن. هن زراعت، جانورن جي پالنا ۽ هائبريڊ سيڊ جي پيداوار ۾ سيڙپڪاري بابت پڻ خيالن جي ڏي وٺ ڪئي. وڏي وزير ۽ نيدرلينڊ جي سفر پنهنجي ملڪ جي سيڙپڪارن کي سنڌ جي سيڙپڪاري کاتي سان گڏجي سيڙپڪاري بابت اجلاس ڪوٺائڻ تي پڻ اتفاق ڪيو.

 

انصار اسلام تي پابندي جو حڪومتي فيصلو رد، ڏاڍ نه هلندو، هڪ انچ به پوئتي هٽڻ نه چاهينداسين: مولا نا فضل الرحمان

لاڙڪاڻو (اين اين آءِ) جي يو آءِ ف جي سربراهه مولانا فضل رحمان چيو آهي ته آزادي مارچ انشاالله مقرر ڪيل وقت تي شروع ٿيندو، 31 آڪٽومبر تي اسلام آباد ۾ داخل ٿيندو، انصار اسلام تي پابندي جو حڪومتي فيصلو رد ڪريون ٿا، ان تي عمل نه ڪنداسين، صحافين سان ڳالهائيندي هن چيو ته وفاقي حڪومت هٿ ڪنڊا استعمال ڪرڻ شروع ڪري ڇڏيا آهن، اسان جي اڳواڻن جي گهرن تي ڇاپا هنيا پيا وڃن، ايتري ۾ هڪ انچ به پوئتي هٽڻ نه چاهينداسين، مولانا فضل رحمان چيو ته اسان سان ان جي ابتڙ واعدو ڪيو ويو هو، اسلام آباد ۾ دڪاندارن کي چيو پيو وڃي ته انهن سان ڪنهن قسم جو ڪاروبار ناهي ڪرڻو، هن چيو ته جي يو آءِ جي ماتحت تنظيم تي پابندي جو نوٽيفڪيشن جاري ٿيو آهي، انصار اسلام جميعت جو اهم شعبو آهي، حڪومت جو پابندي وارو فيصلو رد ڪريون ٿا، هن چيو ته ميڊيا تي انصار اسلام جي فوٽيج هلائي پئي وڃي اها پشاور جي آهي ان جي اجازت ڊي سي ڏني، رضاڪارن کي روڪيندڙ ايڏي بزدل حڪومت اڄ تائين ناهي ڏٺي، هن چيو ته وزيراعظم جون پنهنجون آف شور ڪمپنيون آهن، هو ڪوڙ ڳالهائي رهيو آهي، وزيراعظم پنهنجن ڀينرن بابت ڇا ٿو چوي ايڏي اگهاڙي حڪومت ڪڏهن به ناهي ڏٺي، مڙهيل حڪومت جي پاليسين سان وڙهنداسين، مولانا چيو ته هي اسيمبلي جعلي آهي، عالمي رپورٽ موجب هن حڪومت ۾ ڪرپشن ۾ واڌ ٿي، رهبر ڪميٽي کي هدايت ڪئي آهي ته حڪومت سان ڳالهين کي ڊيگهه نه ڏني وڃي ان سان مارچ متاثر ٿي سگهي ٿو، حڪومت اڳيان چارٽر آف ڊيمانڊ واضح ڪيو وڃي ۽ ٻڌايو وڃي ته وزيراعظم جي استعيفيٰ تان پوئتي نه هٽيو ويندو.

 

گهرو وزارت جمعيت علماءِ اسلما ف جي ذيلي تنظيم ” انصار الاسلام“ تي پابندي جو نوٽيفڪيشن جاري ڪري ڇڏيو

اسلام آباد(ويب ڊيسڪ) گهرو وزارت جمعيت علماءِ اسلما ف جي ذيلي تنظيم ” انصار الاسلام“ تي پابندي جو نوٽيفڪيشن جاري ڪري ڇڏيو. گهرو وزارت جي نوٽيفڪيشن موجب خانگي ملٽري گروپ جو قيام آئين جي آرٽيڪل 256 جي ڀڃڪڙي آهي ۽ جي يو آءِ (ف) جي انصار الاسلام فورس قانون جي ڀڃڪڙي جو سبب بڻجي سگهي ٿي. نوٽيفڪيشن ۾ چيو ويو آهي ته گهرو وزارت ان سبب تي وفاقي ۽ صوبائي حڪومتن جي منظوري کان پوءِ انصاف الاسلام تي پابندي لاڳو ڪري رهي آهي. نوٽيفڪيشن ۾ صوبن کي اِها هدايت به ڪئي وئي آهي ته ملٽري گروپ جي خلاف ڪارروائي ڪيو. واضح رهي ته ٽي ڏينهن اڳ وفاقي حڪومت جمعيت علماءِ اسلام (ف) جي تنظيم انصار الاسلام تي پابندي لاڳو ڪري ڇڏي هئي. ڪابينا ڊويزن جي ذريعن موجب وفاقي ڪابينا انصار الاسلام تي پابندي جي منظوري ڏني ۽ ڪابينا ميمبرن کان تنظيم تي پابندي جي منظوري سرڪيوليشن ذريعي ورتي وئي. ان کان اڳ گهرو وزارت طرفان وفاقي ڪابينا کي موڪليل سمري ۾ چيو ويو هو ته آرٽيڪل 256 ۽ 1974ع ايڪٽ جي سيڪشن 2 جي تحت انصار الاسلام تي پابندي لاڳو ڪئي ويندي ۽ ڳالهين کان پوءِ وفاقي حڪومت، گهرو وزارت جي ذريعي صوبن کي انصار الاسلام جي خلاف ڪارروائي جو اختيار ڏيندي. وفاقي حڪومت جي هدايت تي مڪمل عملدرآمد جي لاءِ صوبن کي هر قسم جي ڪارروائي جو اختيار هوندو ۽ سموري صورتحآل کي منهن ڏنو ويندو.

 

معظم عباسي اسيمبلي پهتو، ڊپٽي اسپيڪر اجلاس قورم پورو نه هئڻ جو بهانو ڪري ملتوي ڪري ڇڏيو، پي ٽي آءِ ۽ جي ڊي اي جي ميمبرن پاران سخت احتجاج

ڪراچي (اين اين آءِ) لاڙڪاڻي مان جي ڊي اي جو نئون چونڊيل سنڌ اسيمبلي ميمبر معظم علي عباسي اسيمبلي پهتو، پي ٽي آءِ، جي ڊي اي، ايم ڪيو ايم جي ميمبرن شاندار آجيان ڪئي، لاڙڪاڻي جو غازي معطم عباسي جهڙا نعرا ميمبرن هنيا ۽ گلن جا هار پارايا، معظم علي عباسي سنڌ اسيمبلي ۾ حلف کڻڻ پهتو هو، سنڌ اسيمبلي جي ڊپٽي اسپيڪر اجلاس قورم پورو نه هئڻ جو بهانو ڪري ملتوي ڪري ڇڏيو جنهن تي پي ٽي آءِ، جي ڊي اي جي ميمبرن سخت احتجاج ڪندي نعريبازي ڪئي، سنڌ اسيمبلي جي ٻاهران صحافين سان ڳالهائيندي حليم عادل شيخ چيو ته پ پ کي لاڙڪاڻي مان هارائڻ جو اڃا خوف ختم نه ٿيو آهي، اڄوڪي تقريب ۾ جيڪي پاس جاري ڪيا ويا هئا خوف جي ڪري ڪينسل ڪيا ويا، پ پ جو لاڙڪاڻي سميت سڄي سنڌ مان خاتمو ٿي چڪو آهي، اڄ زرداري ليگ کي سمجهڻ گهرجي ته سنڌ جي ڌرتي سندس پيرن هيٺان نڪري وئي آهي، اڄ پ پ جي اکين ۾ هڪ خوف هو جنهن سبب اجلاس ملتوي ڪيو ويو، پ پ لاڙڪاڻي کي ايڊز جو مرض ڏنو، ٿر جي ٻارن کي موت ڏنو ان ڪري عوام هاڻ پ پ مان بيزار ٿي ويو آهي، لاڙڪاڻي معظم عباسي ايم ايم اي کي ناهي هارايو پر هڪ سي ايم جي اميدوار کي هارايو آهي، فردوس شميم چيو ته اسان جي سپاهي معظم عباسي 2 ڀيرا لاڙڪاڻي ۾ پ پ کي هارايو آهي، سموري اپوزيشن کي مبارڪ ڏيان ٿو، پ پ جو قلعو عباسي خاندان فتح ڪيو آهي، هاڻ سڄي سنڌ مان پ پ جي تڏا ويڙهه ٿي رهي آهي، اڄ هي ڊنل آهن جنهن سبب اجلاس ملتوي ڪيو ويو آهي، جيئن لاڙڪاڻي ۾ بيهي نه سگهيا اڄ اسيمبلي مان به ڀڄي ويا آهن. هي سنڌ جا قاتل آهن، سنڌ کي تباهه ڪرڻ وارا آهن، هنن اسپتالن کي تباهه ڪيو آهي، سڄي سنڌ کي گند جو ڍير بڻائي ڇڏيو آهي، زرداري ليگ جي ماڻهن کي اسان سنڌ مان ڪڍي ڇڏينداسين، جي ڊي اڳواڻ ڊاڪٽر صفدر عباسي چيو ته مان ٿورائتو آهيان پي ٽي آءِ جي ميمبرن جو جن آجيان ڪئي آهي، جيڪي ماڻهو چاهيندا هئا ته معظم عباسي سنڌ اسيمبلي کان ٻاهر هجي انهن جا ارادا ناڪام ٿي چڪا آهن، معظم عباسي جي فتح لاڙڪاڻي جي عوام ۽ سنڌ جي عوام جي فتح آهي، هن وڌيڪ چيو ته مان پارليامينٽرين رهيو آهيان، اجلاس شروع ٿيڻ کانپوءِ ٻن ٻن ڪلاڪن تائين انتظار ڪيو وڃي ٿو، قورم پورو هجڻ لاءِ اڄ سنڌ اسيمبلي جو اجلاس 15 منٽن جو انتظار نه ڪيو، مان عرض ڪريان ٿو ته انهن کان معظم عباسي جي فتح برداشت نٿي ٿئي، هنن محترمه بينظير ڀٽو جي ٻارن سميت تير، مير سڀني کي ننڍي چونڊ ۾ لاٿو پر انهن هارايو، لاڙڪاڻي ۾ اڃا گهڻو ڪجهه ٿيڻو وارو آهي، هيءَ شروعات آهي، منهنجي درخواست آهي ته پنهنجي شڪست قبول ڪن ۽ معظم عباسي جي فتح کي قبول ڪن، معظم عباسي چيو ته الله سائين جو شڪر ادا ڪريان ٿو ۽ لاڙڪاڻي جي عوام جو ٿورائتو آهيان جنهن مون تي اعتماد ڪيو، پي ٽي آءِ جي ميمبرن جو ٿورائتو آهيان جن منهنجو استقبال ڪيو، لاڙڪاڻي جي چونڊ هڪ اميدوار جي نه پر سڄي سنڌ حڪومت اڳيان هئي، پ پ پنهنجا اميدوار مير پير سڀ اليڪشن ۾ لٿل هئا، عوام سڀني کي رد ڪري ڇڏيو آهي، کين احساس ٿيڻ گهرجي ته پ پ 12 سالن ۾ عوام سان ناانصافيون ڪيون آهن، بلاول ڀٽو 14 مهينن کان هن تڪ مان ايم اين اي ٿيو آهي پر عوام کي ڪا به سهولت نه آهي، لاڙڪاڻي ۾ پيئڻ جو پاڻي نه آهي، اسپتالون ويران، اسڪولن ۾ سهولتون نه آهي، سموري ذميواري بلاول ڀٽو جي آهي، هڪ ميمبر جي ووٽ وٺڻ تي سڄي سنڌ حڪومت ڊنل آهي، پ پ وٽ جيڪو نظريو عوام جو هو اهو ختم ٿي چڪو آهي، هاڻ عوام کين رد ڪري چڪو آهي.