تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 22, 2019

ڏياري تي ”سانڊ ڪي آنک“ رليز ٿيڻ اهم اڳڀرائي آهي: تاپسي

 

ممبئي (شوبز نيوز) اداڪارا تاپسي پنو فلم سانڊ ڪي آنک ۾ مک ڪردار ادا ڪري رهي آهي. فلم بابت اداڪارا چيو آهي ته ڏياري جي موقعي تي فلم رليز ڪرڻ هڪ اهم اڳڀرائي آهي هن چيو ته ڏياري جي ڏڻ تي هميشه مرد اداڪارن جون فلمون رليز ٿينديون رهيون آهن. هن چيو ته اڄ ڪلهه عورتن بابت فلمون ڇانيل آهن ۽ مداح انهن کي سٺي موٽ ڏئي رهيا آهن. هن چيو ته سانڊ ڪي انک فلم وڏي ڄمار وارين عورتن بابت ڪهاڻي آهي. هن چيو ته فلم پروڊيوسر پاران فلم کي ڏياري جي موقعي تي رليز ڪرڻ وارو فيصلو سٺو سنوڻ آهي. اداڪارا فلم جي مشهوري مهم ۾ پڻ رڌل آهي.

 

“ميلفسنٽ 2” جي تياري دوران ڏکئي وقت کي منهن ڏنو: اينجلينا جولي

 

لنڊن (شوبز نيوز) مشهور هالي ووڊ اداڪارا اينجلينا جولي چيو آهي ته کيس ميلفسنٽ 2 جي ميڪنگ دوران کيس ڏکئي وقت کي منهن ڏيڻو پيو. هن ان جو سبب براڊ پٽ کان ڌار ٿيڻ قرار ڏنو. اداڪارا جو چوڻ هو ته ڪجهه سالن کان هو پاڻ کي مضبوط محسوس نه پئي ڪري ۽ سندس ڪمزوري ان وقت شروع ٿي جڏهن هو براڊ پٽ کان ڌار ٿي. هن اعتراف ڪيو ته براڊ پٽ کان ڌار ٿيڻ کانپوءِ هن تڪليف کي منهن ڏنو ۽ اهو ئي سبب آهي جو فلم ميڪنگ دوران ڏکئي وقت کي منهن ڏيڻو پيو. اداڪارا چئن سالن کانپوءِ ڪنهن فلم ۾ نظر آئي آهي. اينجلينا جولي جي فلم ميلفسنٽ 2 هلندڙ مهيني 18 آڪٽوبر تي رليز ٿي آهي. اداڪارا جو وڌيڪ چوڻ هو ته فلم ميلفسنٽ جي رليز کانپوءِ ڪجهه اتساهه مليو آهي جنهن کانپوءِ بهتر محسوس ڪري رهي آهيان. ٻئي پاسي اداڪارا انڪشاف ڪيو ته هن پنهنجي ٻارن کي ڊزني فلمز ۾ شامل ڪرڻ جي پڻ ڪوشش ڪئي پر ڪنهن به ٻار ان ۾ دلچسپي ظاهر نه ڪئي. هن چيو ته منهنجي ٻارن مان ڪنهن کي به اداڪاري جو شوق ناهي. اداڪارا چيو هو ٻار اهو چاهين ٿا ته هو بزنس مين بڻجن يا وري سماجي اڳواڻ. هوڏانهن اداڪارا جي ڌيءُ فلم ۾ نظر آئي آهي. ان بابت جولي جو چوڻ هو ته ڌيءُ ويوين کي اڃان به يقين نه پيو اچي ته مان کيس راڻي بڻائي ڇڏيو آهي.

 

ڪپتاني جي ڪري بابراعظم جي بيٽنگ متاثر ٿي سگهي ٿي: جاويد ميانداد

 

اسلام آباد(اسپورٽس نيوز) قومي ڪرڪيٽ ٽيم جي اڳوڻي ڪپتان ۽ بهترين رانديگر جاويد ميانداد امڪان ظاهر ڪيو آهي ته ڪپتاني جي ڪري بابراعظم جي بيٽنگ متاثر ٿي سگهي ٿي.سرڪاري نيوز ايجنسي اي پي پي سان ڳالهائيندي هن چيو ته بابراعظم ٽي ٽوئنٽي رينڪنگ ۾ پهرين نمبر تي موجود آهي. پي سي بي طرفان ان کي ڪرڪيٽ جو ڪپتان مقرر ڪيو ويو آهي جنهن جو هن کي تجربو به ناهي. هن چيو ته آسٽريليا جي خلاف سيريز ۾ سرفراز کي ڪپتان برقرار رکڻ گهرجي جڏهن ته بابر کي ان جو نائب مقرر ڪري ان جي تجربي ۾ اضافو ڪرڻ گهرجي ها. سرفراز جي قومي ٽيم مان برطرفي جي حوالي سان هن چيو ته بطور وڪيٽ ڪيپر اڳوڻي ڪپتان جي ڪارڪردگي بهترين رهي آهي. پي سي بي کي گهرجي ته هو سرفراز کي واپس ٽيم ۾ آڻي. ميانداد پي سي بي کي مشورو ڏيندي چيو آهي ته ٽي ٽوئنٽي جي عالمي ڪپ کي نظر ۾ رکندي سموري ملڪ ۾ اهڙا اسٽيڊيم ۽ پچون ٺاهيون وڃن جنهن مان رانديگرن کي مدد ملي سگهي.

 

ڀارت جو ڏکڻ آفريڪي رانديگرن سان غلط ورتاءُ، انڊيا ناقص انتظام ڪيا آهن: ڊين اليگر

 

نئين دهلي(اسپورٽس نيوز) ڀارت مهمان نوازي جا ادب وساري ڇڏيا، پنهنجي ٽيم کي فائيو اسٽار هوٽل، جڏهن ته مهمان ڏکڻ آفريڪي ٽيم کي گهٽ درجي جي هوٽل ۾ ترسايو. ڀارت ۽ ڏکڻ آفريڪا جي وچ ۾ ٽيسٽ ميچ رانچي ۾ جاري آهي، پر ٻنهي ٽيمن کي ڌار ڌار هوٽلن ۾ ترسايو ويو آهي، ڏکڻ آفريڪي رانديگرن جڏهن هوٽل پهتا ته کين اندر داخل ٿيڻ ۾ به پريشانيون ڀوڳڻيون پيون، جڏهن ته رانديگرن پنهنجو سامان به پاڻ لاهي هوٽل ۾ رکيو. برطانوي خابرو اداري موجب ڀارتي ٽيم فائيو اسٽار هوٽل ۾ ترسي، جڏهن ته ڏکڻ آفريڪن رانديگرن کي فائيو اسٽار هوٽل ۾ ترسائن بدران گهٽ درجي جي هوٽل ۾ ترسايو، جتي سوئمنگ پول جي به سهولت موجود نه هئي. ڏکڻ آفريڪن بئٽسمين ڊين اليگر به ڀارتي هوٽلن ۽ کاڌي تي تنقيد ڪندي چيو ويو آهي ته انڊيا ناقص انتظام ڪيا آهن.