تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 19, 2019

ايشل فياض پهرين فلم جي رليز کان اڳ ٻئي فلم ۾ ڪاسٽ

 

ڪراچي (شوبز نيوز) اداڪاره ايشل فياض کي پنهنجي فلم رليز ٿيڻ کان اڳ ئي ٻئي فلم ۾ ڪاسٽ ڪيو ويو آهي. ان باري ۾ هن چيو آهي ته مان پنهنجي مداحن کي ڪم مان متاثر ڪرڻ جي ڪوشش ڪندس.ميڊيا رپورٽ موجب فلم ڪاف ڪنگنا جي حوالي سان ڪراچي پريس ڪلب ۾ پريس ڪانفرنس جي دوران اداڪاره ايشل فياض چيو آهي ته ٽي وي ڊامن ۾ ڪم ڪندي وڏي اسڪرين جي لاءِ ڪم ڪرڻ جو تمام گهڻو شوق هو.مون کي خوشي آهي ته منهنجي پهرين فلم ڪاف ڪنگنا رليز ٿيڻ کان اڳ ئي مون کي هدايتڪار خليل الرحمان قمر پنهنجي ٻئي فلم(لوفر) جي لاءِ به سائن ڪري ورتو آهي.هن چيو ته ڪوشش هوندي ته مداحن کي پنهنجي ڪم مان متاثر ڪري سگهان. ان موقعي تي فلم ڪاف ڪنگنا جي هيرو سميع خان جو چوڻ هو ته ملڪي فلم انڊسٽري کي استحڪام ڏيڻ ۾ هي فلم اهم ڪردار ادا ڪندي.

 

ضدي طبيعت جي مالڪ آهيان ۽ ڪنهن کان به مدد وٺڻ پسند ناهيان ڪندي : ديدار

 

اسلام آباد (شوبز نيوز) ) پاڪستاني اداڪاره ديدار  2014 ۾ ڪيل اسٽيج ڊرامن ۾ اداڪاري ڇڏڻ جي فيصلي تي اڃان  تائين به قائم آهيهن چيو آهي ته اسٽيج تي  ڪم ڪرڻ جو هاڻ ڪوبه فائدو ناهي. ميڊيا رپورٽ موجب اداڪاره چيو ته ٿيٽر جي دنيا ۾ حادثاتي طور تي آئي هئس هاڻ منهنجو گهڻو رجحان پنهنجي پارلر جي طرف آهي ۽ اسٽيج ڊرامن ۾  ڪم جو ڪوبه ارادو ناهي. ديدار وڌيڪ چيو آهي ته مون کي گهر ٺاهڻ جو تمام گهڻو شوق  هو جيڪو 17 سالن جي عمر ۾ ئي پورو ٿي ويو. ضدي طبيعت جي مالڪ آهيان ۽ ڪنهن کان به مدد وٺڻ پسند ناهيان ڪندي.هڪ سوال تي هن چيو ته منهنجو مڙس ۽ ساهورا تمام سٺا انسان آهن. هاڻي سموري زندگي گهر ۾ رهي گذارڻ چاهيان ٿي.

 

پي سي بي سرفراز احمد کي قومي ٽيم جي ڪپتاني تان هٽائي ڇڏيو

 

ڪراچي(اسپورٽس نيوز) پي سي بي سرفراز احمد کي قومي ٽيم جي ڪپتاني تان هٽائي ڇڏيو آهي. قومي ٽيم جو ڪپتان سرفراز احمد هاڻ آسٽريليا جي دوري جي لاءِ به قومي ٽيم ۾ شامل نه  ٿي سگهندو. کيس ڊوميسٽڪ ڪرڪيٽ کيڏي فارم بحال ڪرڻ جي هدايت ڪئي وئي آهي.جڏهن ته آسٽريليا جي خلاف ٽيسٽ سيريز جي لاءِ اظهر علي کي ڪپتان بنائڻ جو فيصلو ڪيو ويو آهي ۽ ٽيسٽ ۾ ان جو نائب امڪاني طور تي محمد رضوان هوندو.  ٻئي طرف آسٽريليا جي دوري جي لاءِ ٽي ٽوئنٽي ۾ ڪپتاني محمد حفيظ يا شعيب ملڪ مان ڪنهن هڪ کي ڏئي سگهجي ٿي. ڇو ته پي سي بي سمجهي ٿو ته بابراعظم اڃان ذميواري سنڀالڻ جي لاءِ ناتجربيڪار آهي البته ان حوالي سان حتمي فيصلو ڇنڇر جي ڏينهن ڪيو ويندو.ذريعن جو چوڻ آهي ته ٽي ٽوئنٽي ۽ ون ڊي جي لاءِ بابر اعظم ۽ عماد وسيم مضبوط اميدوار آهي پر ٽيم مينجمينٽ چاهي ٿي ته ٽي ٽوئنٽي ۽ هڪ ڏينهن واري ميچن ۾ ڪپتاني جي ذميواري بابر اعظم کي ڏني وڃي پر ٽي ٽوئنٽي جي ڪپتاني ۾ محمد حفيظ جو نالو به سامهون اچي رهيو آهي. پاڪستان ڪرڪيٽ بورڊ ان حوالي سان نون ڪپتانن جو اعلان تمام جلد ڪندو. جڏهن ته پاڪستان آسٽريليا ۾ 2 ٽيسٽ ۽ 3 ٽي ٽوئنٽي ميچ کيڏندو.

 

مصباح الحق جي سربراهي ۾ قائم سليڪشن ڪميٽي مڪمل طور بااختيار آهي : پي سي بي

 

لاهور(اسپورٽس نيوز) پاڪستان ڪرڪيٽ بورڊ سريلنڪا خلاف سيريز لاءِ چونڊيل احمد شهزاد ۽ عمر اڪمل جي معاملي تي سينيٽر مشاهد الله خان جي بيان تي افسوس جو اظهار ڪندي معاملي جي وضاحت ڪئي آهي.گذريل ڏينهن سينيٽ جي بين الصوبائي رابطن بابت اسٽينڊنگ ڪميٽي جي اجلاس ۾ ن ليگ سينيٽر مشاهد الله خان دعويٰ ڪئي هئي ته عمر اڪمل ۽ احمد شهزاد کي سفارش تي ٽيم ۾ شامل ڪيو ويو.هن اجلاس ۾ پي سي بي چيئرمين جي غير موجودگي تي به ڪاوڙ جو اظهار ڪندي چيو هو ته احسان ماني ڪميٽي اجلاس ۾ شريڪ ناهي ٿيو، کيس هر اجلاس ۾ شرڪت جو پابند بڻايو وڃي، سريلنڪا خلاف سيريز ۾ ٻن سفارشي رانديگرن کي کيڏايو ويو، عمر اڪمل ۽ احمد شهزاد اوچتو ڪيئن ظاهر ٿي پيا؟ کين سفارش تي ٽيم ۾ شامل ڪيو ويو ۽ هيڊ ڪوچ تي دٻاءُ وجهي کانئس رانديگرن کي زبردستي ٽيم ۾ شامل ڪرڻ جو فيصلو ڪرايو ويو.پي سي بي سينيٽر جي بيان تي افسوس جو اظهار ڪندي واضح ڪيو آهي ته مصباح الحق جي سربراهي ۾ قائم سليڪشن ڪميٽي مڪمل طور بااختيار آهي، جيڪا ملڪ جي بهترين رانديگرن کي نمائندگي جو موقعو ڏئي رهي آهي.بورڊ طرفان جاري پڌرائيءَ ۾ چيو ويو آهي ته پي سي بي احمد شهزاد ۽ عمر اڪمل کي پي ايس ايل 2019 ۾ بهتر ڪارڪردگي جي بنياد تي ٽيم ۾ شامل ڪيو ويو.پي سي بي اختيارين اسٽينڊنگ ڪميٽي اجلاس ۾ پي سي بي چيئرمين جي غير موجودگي جي به وضاحت ڪندي چيو احسان ماني ۽ چيف ايگزيڪيوٽو وسيم خان آءِ سي سي اجلاس ۾ شرڪت لاءِ سفر تي وڃي رهيا هئا، جنهن سبب انهن جي جاءِ تي هارون رشيد ۽ بئريسٽر سلمان نصير کي اجلاس ۾ شرڪت لاءِ نامزد ڪيو ويو.