تازيون خبرون

Daily Archives: October 19, 2019

مدرسن ۾ ديني تعليم سميت سائنسي ۽ ٽيڪنيڪل تعليم به ڏني وڃي:عمران خان

اسلام آباد (اين اين آءِ) وزيراعظم عمران خان سان ملاقات ۾ عالمن مدرسن جي سڌارن ۾ هر ممڪن سهڪار جي خاطري ڪرائي آهي ذريعن موجب وزيراعظم عمران خان سان چنڊ ڏسڻي ڪميٽي جي چيئرمين مفتي منيب الرحمان ۽ مولانا طاهر اشرفي سميت ٻين عالمن سڳورن ملاقات ڪئي ملاقات ۾ پير نورالحق قادري، شفقت محمود ۽ فردوس عاشق اعواڻ سميت وزيراعطم عمران ان جو خاص مددگار نعيم الحق به موجود هو ذريعن موجب ملاقات ۾ ڪشمير بابت اهم معاملن تي ڳالهه ٻولهه ڪئي ويئي ملاقات ۾ مدرسن جي سڌارن تي به ڳالهه ٻولهه ڪئي ويئي ذريعن ٻڌايو ته وزيراعظم جو چوڻ هو ته مدرسن ۾ ديني تعليم سميت سائنسي ۽ ٽيڪنيڪل تعليم به ڏني وڃي ذريعن موجب وزيراعظم عمران خان چيو ته حڪومت مدرسن جي شاگردن کي برابري جي بنياد تي موقعا ڏيڻ چاهي ٿي حڪومت جي خواهش آهي ته مدرسن جا شاگرد به ڊاڪٽر انجينئر ۽ آرمي آفيسر بڻجن ذريعن موجب ان موقعي تي عالمن سڳورن وزيراعظم کي يقين ڏياريو ته مدرسن جي سڌارن جي معاملي تي حڪومت سان وڌ ۾ وڌ تعاون ڪيو ويندو.

 

ٻئي طرف  وزيراعظم عمران خان والاريل ڪشمير ۾ ڀارتي فوج جا ظلم ٻڌائيندي چيو آهي ته مودي سمجهي رهيو آهي ته ڪشميرين کي خاموش ڪري کين غلام بڻائڻ جي ايجنڊا حاصل ڪندو، ٽوئيٽر تي وزيراعظم چيو ته مودي سرڪار 75 ڏينهن کان والاريل ڪشمير تي چڙهائي ڪري ويٺي آهي، هن چيو ته شير تي سوار مودي سمجهي ٿو ته هو 9 لک فوج ذريعي ڪشميرين کي خاموش ڪرائي قبضو ڪرڻ جو ايجنڊا حاصل ڪندو، ڪشمير ۾ ڀارتي فوجين جي موجودگي تي هن چيو ته 9 لک فوجي دهشتگرد سان منهن ڏيڻ لاءِ نه آهن پر 80 لک ڪشميرين کي دهشت ڦهلائڻ لاءِ گهربل آهن، هن چيو ته والاريل ڪشمير ۾ انساني حقن جي ڀڃڪڙين کي دنيا ڏسي رهي آهي،مودي هاڻ دنل آهي ڇو ته هو ڄاڻي ٿو ته جڏهن ڪرفيو ختم ٿي ويندو ته اتي رتو ڇاڻ ٿيندي جيڪو ڪشميرين کي غلام بڻائڻ جو واحد رستو هوندو.

 

پاڪستان 4 مهينن تائين گري لسٽ ۾ رهندو: فنانشل ايڪشن ٽاسڪ فورس جو اعلان

پيرس(ويب ڊيسڪ) فنانشل ايڪشن ٽاسڪ فورس (ايف اي ٽي ايف) پاڪستان طرفان دهشتگردن جي مالي سهڪار ۽ مني لانڊرنگ جي خلاف کنيل قدمن کي قبول ڪندي باضابطا اعلان ڪيو آهي ته ايندڙ 4 مهينن (فيبروري 2020) تائين پاڪستان گري لسٽ ۾ ئي رهندو. پيرس ۾ ايف اي ٽي ايف جي اجلاس جي پڄاڻي تي ٽاسڪ فورس جي صدر شيانگ من لو پريس ڪانفرنس ڪئي ۽ ان ڳالهه جي باي ۾ ٻڌايو ته پاڪستان کي وڌيڪ 4 مهينن جي لاءِ انهيءَ فهرست ۾ رکيو ويندو. واضح رهي ته ڀارت طرفان پاڪستان کي ايف اي ٽي ايف جي بليڪ لسٽ ۾ شامل ڪرائڻ جون ڪوششون ڪيون ويون هيون پر اِهي تمام ڪوششون ناڪام ٿي ويون ۽ ايف اي ٽي ايف پاڪستان کي گري لسٽ ۾ ئي رکيو. ايف اي ٽي ايف جي بيان موجب اسلام آباد کي هدايت ڪئي وئي هو مني لانڊرنگ ۽ دهشتگردن جي مالي سهڪار جي مڪمل خاتمي جي لاءِ وڌيڪ بندوبست ڪري. پيرس ۾ ٿيل ايف اي ٽي ايف جي اجلاس ۾ فيصلو ڪيو ويو ته پاڪستان جي قدمن تي فيبروري 2020ع ۾ ٻيهر جائزو ورتو وڃي. ٽاسڪ فورس طرفان بيان ۾ چيو ويو آهي ته ايف اي ٽي ايف پاڪستان تي زور ٿو ڏئي ته هو فيبروري 2020ع تائين پنهنجو مڪمل ايڪشن پلان کي تيزي سان پورو ڪري. گڏوگڏ ئي اِهو به چيو ويو ته جيڪڏهن ان اڳئين اجلاس تائين پنهنجي ايڪشن تي مڪمل طريقي سان موثر ۽ نمايان اڳڀرائي نه ڪئي ته ايف اي ٽي ايف ڪارروائي ڪندو. بيان ۾ چيو ويو ته جون 2018ع جڏهن پاڪستان مني لانڊرنگ جي خاتمي ۽ دهشتگردي جي خاتمي لاءِ مالي سهڪار جي خاتمي کي مضبوط بڻائڻ ۽ دهشتگردن جي مالي سهڪار بابت خامين کي ختم ڪرڻ جي لاءِ ايف اي ٽي ايف ۽ ايشيا پيسيفڪ گروپ سان گڏجي ڪم ڪرڻ جي عزم جو اظهار ڪيو ويو هو، جنهن کان پوءِ پاڪستان اي ايم ايل/سي ايف ٽي ببت ڪافي اڳڀرائي ڪئي. پڌرائي موجب پاڪستان پنهنجي ايڪشن پلان ۽ اي ايم ايل/سي ايف ٽي سڌارن تي عملدرآمد ڪرائڻ جي لاءِ پنهنجي سياسي عزم جو اظهار ڪري. ايف اي ٽي ايف موجب پاڪستان کي اسٽيريٽجڪ خامين کي ختم ڪرڻ جي لاءِ ان جي ايڪشن پلان تي عملدرآمد جاري رکڻ گهرجي. پر تازين بهترين کي قبول ڪندي ايف اي ٽي ايف هڪ ڀيرو ٻيهر پاڪستان طرفان دهشتگردي جي لاءِ مالي سهڪار جي خطرن کي ختم ڪرڻ بابت اڳڀرائي ۾ گڏيل گهٽتائي تي ڳڻتي جو اظهار ڪيو، جنهن ۾ پاڪستان جي عالمي ٽيرر فنانسنگ خطرن کي سمجهڻ ۾ ڪافي حد تائين فهم جو مظاهرو ڪرڻ ۾ باقي رهندڙ خاميون شامل آهن. گڏوگڏ ئي پڌرائي ۾ اِهو به چيو ويو ته پاڪستان هن وقت تائين 27 ايڪشن نقطن مان وڏي پيعامي تي رڳو 5 تي عمل ڪيو جڏهن ته باقي ايڪشڻ ولان تي ڪيل اڳڀرائي جي سطح مختلف آهي. ٻئي پاسي پاڪستان جي پرڏيهي وزير طرفان ان علان کان پوءِ بيان جاري ڪيو ويو. بيان ۾ چيو ويو ته پاڪستان ايف اي ٽي ايف جي ايڪشن پلان تي عملدرآمد جي عزم جو ٻيهر اظهار ڪري ٿو. ناڻِي واري وزارت موجب ايف اي ٽي ايف جو اجلاس 13 کان 18 آڪٽوبر 2019ع تائين پيرس ۾ ٿيو، جنهن ۾ پاڪستاني وفد جي قيادت وفاقي وزير حماد اظهر ڪئي. ڄاڻايل بيان ۾ ٻڌايو ويو ته اجلاس ۾ ايف اي ٽي ايف جي ايڪشن پلان ۽ پاڪستان جي اي پي جي ميوچل ايوالوشن رپورٽ (ايم اي آر) تي پاڪستان جي ڪارڪردگي جو جائزو ورتو. اجلاس ۾ پاڪستاني وفد ايڪشن پلان تي مڪمل عملدرآمد جي لاءِ سياسي عزم جو اظهار ڪيو، جنهن کان پوءِ اجلاس ۾ ايف اي ٽي ايف ايڪشن پلان تي جمود برقرار رکڻ ۽ اي پي جي ايم اي آر جي لاءِ 12 مهينن جي مشاهدي جي مدي جي اجازت ڏيڻ جو فيصلو ڪيو آهي. ناڻي واري وزارت موجب وفد اجلاس جي سائڊ لائن تي مختلف ملاقاتون ڪيون ۽ پاڪستان طرفان ايڪشن ۽ اي ايم ايل/سي ايف ٽي فريم ورڪ کي مضبوط ڪرڻ بابت قدم کنيل قدمن جي باري ۾ ٻڌايو. بيان موجب يو اين او ڊي سي ۽ اي پي جي سيڪريٽريٽ جي ڀائيواري سان پاڪستان جي ٽيڪنيڪي مدد ۽ تربيت جي ضرورتن بابت هڪ اجلاس رٿيو ويو، جنهن ۾ چين، آمريڪا، برطانيا، ڪينيڊا، جاپان، يورپي يونين، عالمي بينڪ، آءِ ايم ايف، اي ڊي پي ۽ يو اين ڊي سي سميت مختلف ملڪن ۽ گهڻين ئي ايجنسين شرڪت ڪئي.

 

سنڌ جا اعتراض رد: ارسا تڪراري سي جي ڪئنال تي بجلي گهر ٺاهڻ جي اجازت ڏئي ڇڏي

اسلام آباد (م.ڊ) ارسا سنڌ جي اعتراض کي رد ڪندي تڪراري سي – جي ڪئنال تي پنجاب کي بجلي گهر ٺاهڻ جي اجازت ڏئي ڇڏي. ارسا جي ڊائريڪٽر آپريشنز محمد خالد ادريس رانا طرفان تڪرار چشما – جهلم لنڪ ڪئنال تي بجلي تعمير ڪرڻ لاءِ اجازتنامو (اين او سي) جاري ڪري ڇڏيو آهي. جنهن ۾لکيو ويوآهي ته 17 آڪٽوبر تي ارسا جي اجلاس دوران سي – جي لنڪ ڪئنال پِن بجلي گهر اڏڻ واري منصوبي تي مشاورت ڪئي وئي، جنهن ۾ اڪثريت راءِ سان تڪراري ڪئنال تي 25 ميگاواٽ جو بجلي گهر تعمير ڪرڻ جي اجازت ڏني وئي. ارسا سنڌ جي اعتراض کي به رد ڪري ڇڏيو، جنهن ۾ موقف اختيار ڪيو ويو ته سي – جي لنڪ ڪئنال انٽر پراونشل ڪئنال آهي، تنهن ڪري اُن تي بجلي گهر اڏڻ وارو معاملو ارسا جي اختياري دائري ۾ نٿو اچي. گذريل ڏينهن ٿيل اجلاس ۾ سنڌ بجلي گهر ٺاهڻ واري منصوبي جي مخالفت ڪئي، جڏهن ته پنجاب، بلوچستان، ڪي پي ۽ وفاق جي نمائندن منصوبي جي حمايت ۾ ووٽ ڏنو. ارسا طرفان اجازتنامي جون ڪاپيز ميمبرز، نيپرا ۽ پنجاب جي توانائي کاتي ڏانهن به موڪليون ويون آهن.

 

ن ليگ جو 31 آڪٽوبر تي آزادي مارچ ۾ شرڪت جو اعلان

لاهور (ڊيسڪ رپورٽ) نواز ليگ مولانا فضل الرحمان جي آزادي مارچ ۾ شرڪت جو اعلان ڪري ڇڏيو. مولانا فضل الرحمان چيو آهي ته حڪومت استيعفيٰ ڏئي، اُن کانپوءِ ڳالهيون ٿي سگهن ٿيون. جي يو آءِ ف سربراهه مولانا فضل الرحمان شهباز شريف جي مانجهاندي واري دعوت تي ماڊل ٽائون پهتو، جتي شهباز شريف جي گهر ۾ ملاقات به ٿي، اُن موقعي تي نواز ليگ اڳواڻ مريم اورنگزيب، احسن اقبال، رانا تنوير ۽ جي يو آءِ ف طرفان اڪرم دُراني سوڌو ٻيا اڳواڻ موجود هئا. ملاقات ۾ آزادي مارچ ۽ سياسي تحريڪ جي حوالي سان صلاح مشورا ڪيا ويا، جڏهن ته شهباز شريف اڳوڻي وزيراعظم نواز شريف جو نياپو مولانا فضل الرحمان تائين پهچايو. ملاقات کانپوءِ ٻنهي اڳواڻن ميڊيا سان گڏيل ڳالهيون ڪيون.  اُن موقعي تي شهباز شريف اعلان ڪيو ته نواز ليگ جي يو آءِ ف جي آزادي مارچ ۾ ڀرپور شرڪت ڪندي، هو 31 آڪٽوبر تي مارچ ۾ شامل ٿيندا ۽ پنهنجا مطالبا پيش ڪندا. اُن ڏينهن تي ڪشميرين جي حق لاءِ به آواز اُٿاريو ويندو. هُن وڌيڪ چيو ته ملڪ ۾ سيڙپڪاري ختم ٿي چڪي آهي، مهانگائيءَ چوٽ چڙهيل آهي، ڪاروبار بند آهي ۽ اسپتالن ۾ دوائو نٿيون ملن، اهو سڀ ڪجهه پي ٽي آءِ حڪومت جي ناڪاميءَ جو ثبوت آهي. هڪ سوال جي جواب ۾ شهباز شريف چيو ته مولانا فضل الرحمان جي آزادي مارچ ۾ شرڪت جي حوالي سان نواز شريف جون لکت ۾ هدايتون ملي چڪيون آهن، اڳتي جي لائحه عمل جو به جلدي اعلان ڪيو ويندو. ميڊيا سان ڳالهين دوران سوالن جا جواب ڏيندي مولانا فضل الرحمان چيو ته آزادي مارچ جي موقعي تي لکن جي تعداد ۾ لاڻهو اسلام آباد ۾ داخل ٿيندا، حڪومت پهرين استعيفيٰ ڏئي، اُن کانپوءِ ئي اڳتي لاءِ ڳالهيون ٿي سگهن ٿيون.

 

پاڪ فوج بهترين سکيا ۽ فزيڪل فٽنيس وارو ادارو آهي: جنرل قمر جاويد باجوه

ڪراچي (اين اين آءِ) آرمي چيف جنرل قمر جاويد باجوه چيو آهي ته پاڪ فوج بهترين تربيت ۽ فزيڪل فٽنيس وارو ادارو آهي، اها ڳالهه هن ڪراچي ۾ پيسز جي پڄاڻي واري تقريب کي خطاب ڪندي ڪئي، آءِ ايس پي آر موجب آرمي چيف ڪراچي جو دورو ڪيو ان موقعي تي هن پيسز جي پڄاڻي واري تقريب ۾ شرڪت ڪئي جنهن ۾ آرمي چيف گيريزن آفيسرن کي خطاب ڪيو، آءِ ايس پي آر موجب آرمي چيف خطاب ۾ چيو ته جديد عسڪري ٽيڪنالاجي جي باوجود ويڙهاڪ مهارتون اهميت واريون آهن، ويڙهاڪ مهارتن لاءِ تربيت ۽ فزيڪل فٽنس اهم آهي، آرمي چيف مهارتن جو مظاهرو ڪندڙ جوانن کي انعام ڏنا، تقريب ۾ ڪور ڪمانڊر ڪراچي ليفٽينٽ جنرل همايون عزيز به آرمي چيف سان گڏ هو، گجرانوالا ڪور جي ٽيم چئمپين شپ کٽي، انجنيئر سينٽر جي ٽيم نوجوانن جي سپاهين جي چئمپين شپ کٽي، ان موقعي تي آرمي چيف تربيتي مشقن جي ميڪانڪي فارميشن جو جائزو ورتو ۽ آفيسرن سان جنگي ماحول، چئلينجز ۽ رد عمل تي تفصيلي ڳالهه ٻولهه ڪئي.

 

بلاول صاحب اوهان جي پنهنجي گهر ۾ عوام اوهان کي رد ڪري ڇڏيو، پ پ جي ڳڙهه لاڙڪاڻي ۾ تبديلي اچي ويئي: فردوس عاشق اعواڻ

اسلام آباد (اين اين آءِ) وزيراعطم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته بلاول صاحب اوهان جي گهر ۾ عوام اوهان کي رد ڪري ڇڏيو پ پ پ جي ڳڙهه لاڙڪاڻو ۾ تبديلي اچي ويئي آهي ٽيوٽر تي پنهنجي بيان ۾ هن چيو ته پاڪستان تحريڪ انصاف جي حمايتي جي ڊي اي جو اميدوار معظم عباسي جي ڪاميابي جعلي اڪائونتس پارٽي جي خلاف عوام جو بغاوت جو اعلان آهي هن چيو ته اميد آهي ته اوهان پنهنجي سرپرستي هيٺ ۽ وڏي وزير جي نگراني هيٺ ٿيندڙ هن چونڊ کي جعلي قرار نه ڏيندا هن چيو ته گذريل ڏينهن جي ننڍي چونڊ ان ڳالهه جو ثبوت آهي ته لاڙڪاڻو ڀٽو جو قلعو ناهي رهيو هن چيو ته ڌانڌلي جي ڳالهه ڪندڙن جو موقف پنچر ٿي ويو ڊاڪٽر فردوس عاشق اعواڻ چيو ته لاڙڪاڻي ۾ شڪست ان جون اکيون کولڻ لاءِ ڪافي آهي هن چيو ته هي ننڍي چونڊ نئين اليڪشن جو مطالبو ڪندڙن لاءِ عبرت جو نشان آهي.

 

پي ايس 11 ۾ ننڍي چونڊ جا نتيجاچئلينج ڪرڻ جوا علان، هن سليڪشن کي وائکو ڪنداسين: بلاول زرداري

اسلام آباد (اين اين آءِ) پ پ پ چيئرمين بلاول ڀتو زرداري پي ايس 11 ۾ ننڍي چونڊ نتيجن کي چئلينج ڪرڻ جو اعلان ڪندي چيو ته سچ کي لڪائي نٿو سگهجي هن سليڪشن کي وائکو ڪنداسين اسان ٻيهر چونڊون ڪرائي هي سيٽ کٽنداسين هڪ بيان ۾ بلاول ڀٽو زرداري چيو ته مون کي پنهنجن جيالن تي فخر آهي اسٽيبلشمينٽ جي دٻاءُ جي باوجود انهن قابل عزت چونڊن لاءِ جدوجهد ڪئي هن چيو ته نيب پ پ پ ورڪرز ۽ انهن جي خاندانن کي نوٽيس موڪلي چونڊن کان اڳ ڌانڌلي ڪئي هن چيو ته ووٽنگ واري ڏينهن رينجرز اهلڪارن پولنگ اسٽيشن اندر سمورا انتظام سنڀالي ورتا هن چيوت ه رينجرز اهلڪارن ليڊي ووٽرز کي حراسان ڪيو ۽ پولنگ ايجنٽس کي پولنگ اسٽيشنز مان ٻاهر ڪڍي ڇڏيو ٽيوٽر تي پنهنجي بيان ۾ هن چيو ته پولنگ جو عمل ڄاڻي واڻي آهستي هلايو ويو عورتن جي پولنگ اسٽِشنز تي جتي پ پ پ جي خاص حمايت هئي دير سان پولنگ شروع ڪئي ويئي ميڊيا مسلسل رپورٽ ڪندو رهيو ته ليڊي ووٽرز کي ڌمڪيون ڏنيون پيون وڃن ته اهي جي ڊي اي کي ووٽ ڏين هن چيوت ه اسان جي شڪايتن جي باوجود اليڪشن ڪميشن ڪوبه نوٽيس نه ورتو پ پ پ جي نامزد اميدوار کي پولنگ اسٽيشن اندر داخل نه ٿيڻ ڏنو ويو هن چيو ته اسان مسلسل صورتحال سنڀالڻ لاءِ چوندا رهياسي اليڪشن ڪميشن جي خاموشي ۾ ان جي بدنيتي ظاهر ٿي ويئي هن چيوت ه سياسي انجنيئرنگ جي باوجود پ پ پ، جي ڊي اي، جي يو آءِ ۽ پي ٽي آءِ اتحاد جي برتري کي هڪ سال کان گهٽ عرصي ۾ گهٽايو.

 

فضل الرحمان ڳالهين جا دروازا بند نه ڪري، مولانا ٻڌائي ته حڪومت ڪٿي غلطي ڪئي آهي : شيخ رشيد

لاهور (اين اين آءِ) ريلوي جي وفاقي وزير شيخ رشيد احمد چيو آهي ته مولانا فضل الرحمان ڳالهين جا دروازا بند نه ڪري هو اڳ به استعمال ٿيندو رهيو آهي مولانا ٻڌائي ته حڪومت ڪٿي غلطي ڪئي آهي پاڪستان دنيا جو واحد ملڪ آهي جتي پسينجر ٽرين نفعي ۾ هلي رهي آهي ۽ هاڻي فريٽ سيڪٽر به نفعي ۾ اچي ويو آهي هي منهنجو پنجن سالن جو ٽارگيٽ هو جيڪو مان هڪ سال ۾ پورو ڪري ورتو آهي اهڙن خيالن جو اظهار شيخ رشيد احمد رائونڊ ريلوي اسٽيشن جي افتتاح جي موقعي تي صحافين سان ڳالهائيندي ڪيو شيخ رشيد چيو ته رائونڊ ۾ سالياني تبليغي ميڙاڪي کي آڏو رکي هن ريلوي اسٽيشن کي کوليو ويو آهي ريلوي اسٽيشن کي ساڍا 25 ڪروڙ رپين سان تيار ڪيو ويو آهي هن ريلوي اسٽيشن ۾ هڪ ويٽنگ هال جنهن ۾ 50 ماڻهن جي ويهڻ جي جاءِ آهي 16 واش روم هڪ مسجد، 3 ڪرنٽ بڪنگ آفيسون 300 موٽر سائيڪلن سميت 100 ڪارن جي پارڪنگ جي گنجائش آهي هي اسٽيشن روزانو 5 لک رپيا انڪم ڏي ٿي ۽ اجتماع جي ڏينهن ۾ 10 کان 15 لک ماڻهن جي روزاني اچ وڃ جو امڪان هوندو شيخ رشيد چيو ته اجتماع جي دوران گرين لائين جناح ايڪسپريس سميت سموريون ٽرينون رائيونڊ ريلوي اسٽيشن تي اسٽاپ ڪنديون 28 نومبر کان 15 آڪٽوبر تائين سموريون ٽريون رائيونڊ ريلوي اسٽيشن تي اسٽاپ ڪنديون ان کان علاوه اجتماع لاءِ 4 اسپيشل ٽرينون به هلائي رهيا آهيون فيصل آباد مان ويندڙ ٽرينون به اجتماع جي ڏينهن ۾ رائونڊ جي رستي ڪراچي وينديون هن چيو ته اسان هڪ سال ۾ ايل اي ون جو پي سي ون مڪمل ڪري ورتو آهي ۽ ان جو سمورو ڪريڊٽ ريلوي آفيسرن ۽ مزدورن ڏانهن وڃي ٿو. شيخ رشيد وڌيڪ چيو ته فواد چوڌري بابت ڪنهن ڳالهه جو جواب نٿو ڏيڻ چاهيان رائونڊ ۾ تبليغي اجتماع جي ڪري ريلوي اسٽيشن جو تڪڙو افتتاح ڪيو آهي اجتماع ۾ پاڻ به شامل ٿيندس.

 

پاڪستان جو 5 ڏهاڙن جو دورو مڪمل ڪري برطانوي شاهي جوڙو ڏيهه روانو

لاهور (ڊيسڪ رپورٽ) پاڪستان جو 5 ڏهاڙن جو دورو مڪمل ڪري برطانوي شهزادو وليم ۽ ان جي گهرواري ڪيٽ مڊلٽن وطن واپس روانا ٿي ويا، غيرملڪي خابرو اداري موجب شاهي جوڙي کي نور خان ايئربيس تي برطانوي هاءِ ڪمشنر تهامس ڏريو ۽ ٻين عملدارن الوداع ڪيو، ان کان اڳ برطانوي شاهي جوڙي کي اسلام آباد ايئرپورٽ کڻي ايندڙ جهاز باحفاطت نور خان ايئرپورٽ تي لينڊنگ ڪئي هئي، جڏهن ته 2 ڪلاڪ اڳ به جهاز اسلام آباد ايئرپورٽي ليڊنگ جي ڪوشش ڪئي هئي پر خراب موسم جي ڪري ان جو رخ ٻيهر لاهور جي ايئرپورٽ طرف ڪيو ويو هو، ياد رهي ته پنهنجي دوري جي چوٿين ڏينهن برطانوي شهزادو وليم ۽ ان جي گهرواري ڪيٽ مڊلٽن رات لاهور جي هوٽل ۾ گذاري هئي.

 

ڳڙھي ياسين ڀرسان جوابدارن ڪارنهن الزام هيٺ نوجوان کي قتل ڪري ڇڏيو، ناري ڀڄي جان بچائي ورتي

ڳڙهي ياسين (م.ڊ)ڳڙھي ياسين ڀرسان جوابدارن ڪارنهن الزام فائرنگ ڪري نوجوان کي قتل ڪري ڇڏيو، الزام هيٺ آيل ناري فرار ٿيڻ ۾ ڪامياب ٿي وئي، علائقي ۾ ڏهڪاءُ، ڳوٺ محبت مارفاڻي ۾ جوابدارن بھادر ۽ ملھار مارفاڻي پنھنجي سئوٽ 25 ورھين جي سڌير مارفاڻي کي نوجوان ڇوڪري راڻي سان ڪارنھن جو الزام مڙھي ڳوٺ ٻاھران گھر ڏانھن ويندي گوليون ھڻي قتل ڪري ڇڏيو، ساڳين ئي جوابدارن زمين مان گاهه ڪندڙ الزام ھيٺ آيل ڀاءُ راڻي مٿان سڌي فائرنگ ڪري ڏني پر راڻي معجزاڻي طور پنھنجي جان بچائي واقعي واري ھنڌ تان فرار ٿي ڀرسان واري ڳوٺ ۾ پناھ ورتي، مقتول نوجوان سڌير مارفاڻي جا وارث ھٿياربند ٿي واقعي واري ھنڌ پھتا ته جوابدار فائرنگ ڪندا فرار ٿي ويا، پوليس ڳوٺ محبت مارفاڻي پھچي مارجي ويل نوجوان جو لاش کڻائي ڳڙھي ياسين اسپتال آندو، جتان پوسٽ مارٽم بعد لاش وارثن حوالي ڪيو ويو، مقتول نوجوان جي ڀاءُ محمد يوسف ٻڌايو ته منھنجي ڀاءُ مٿان ڪارنھن جو لڳايل الزام ڪوڙو آھي، ھو مسجد مان تلاوت ڪرڻ بعد جمعي نماز جي تياري لاءِ گھر ڏانھن اچي رھيو ھو ته منھنجي سئوٽن بھادر ۽ ملھار منھنجي ڀاءُ کي بيگناهه قتل ڪري اسان سان وڏو ظلم ڪيو آھي.