تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 17, 2019

عائزه خان لالچي عورت جو ڪردار ڪرڻ کان توبهه ڪري ڇڏي

 

لاهور(شوبز نيوز) پاڪستاني اداڪاره عائزه خان آئنده ڪنهن به ڊرامي ۾ لالچي عورت جو ڪردار ادا ڪرڻ کان توبهه ڪري ڇڏي آهي. هن جو چوڻ آهي ته ڊرامي ۾ پئسن جي لالچ کي ڏيکاريو ويو آهي ۽ مان حقيقت ۾ اهڙي بلڪل ناهيان.ميڊيا رپورٽ موجب اداڪاره جو چوڻ آهي ته هو نجي ٽي وي جي ڊرامه سيريل(ميري پاس تم هو) وارو ڪردار ٻيهر ڪڏهن به نه ڪندي. هن هڪ ٽي وي انٽرويو ۾ چيو ته هي ڊرامو هڪ ٽٽل دل جي ڪهاڻي ۽ مان ان ڊرامي ۾ ادا ڪيل ڪردار کي زندگي ۾ ٻيهر ڪڏهن به نه ڪرڻ چاهيندس ڇو ته منهنجي نظر ۾ هي صرف زال مڙس جي ڪهاڻي ناهي پر ان ۾ ان جي اندر موجود پئسن جي لالچ کي ڏيکايو ويو اهي ۽ مان اهڙي بالڪل ناهيان.واضح رهي ته ان ڊرامي ۾ عائزه خان ۽ همايون سعيد مرڪزي ڪردار ادا ڪري رهيا آهن. ڊرامي جي ٻئي ڪاسٽ ۾ اداڪاره مرينه خان ۽ ڪبريٰ خان سميت ٻيا فنڪار به شامل آهن.

 

عثمان کي ٻئي ملاقات ۾ ئي شادي جي آڇ ڪري ڇڏي هئي: ثمينه پيرزاده

 

لاهور(شوبز نيوز) سينئر اداڪاره ثمينه پيرزاده چيو آهي ته مان ٻئي ملاقات ۾ ئي عثمان پيرزاده کي شادي جي آڇ ڪري ڇڏي هئي.ميڊيا رپورٽ موجب ثمينه پيرزاده پنهنجي ويب پروگرام ۾ عثمان پيرزاده کي شرڪت جي دعوت ڏني. ٻنهي زال مڙسن هڪ ٻئي سان اهي ڳالهيون ڪيون جيڪي ان کان اڳ ڪڏهن به نه ڪيون هيون. عثمان پيرزاده ٻڌايو ته مون کي ثمينه جو پراعتماد هجڻ ڪافي پسند آيو.ثمينه عثمان پيرزاده کان سوال ڪيو ته جڏهن مان ٻئي ملاقات ۾ ئي شادي جي آڇ ڪئي ته اوهان جو ڇا رد عمل هو. ان جي جواب ۾ عثمان پيرزاده چيو ته مون سوچيو ته ثمينه ڪيتري چري ڇوڪري آهي جو هو مون سان شادي ڪرڻ چاهي ٿي، پوءِ سوچيم ته ڇاهي ڪري ٿا وٺون. پوءِ سوچينداسين ته ڇا ٿو ٿئي. اداڪار چيو ته ثمينه جي پراعتمادي بي خوف شادي جي آڇ ڪرڻ مون کي تمام گهڻو پسند آئي ان شيءَ  منهنجو ثمينه طرف ڌيان ڇڪرايو ۽ پوءِ مان هن سان شادي ڪرڻ جي ها ڪري ڇڏي.

 

سرفراز سوالن کان پريشان، ڪپتاني کان جواب، صحافي جي انٽري بند

 

لاهور(اسپورٽس نيوز)پاڪستان ڪرڪيٽ بورڊ قومي ڪرڪيٽ ٽيم جي ڪپتان سرفراز احمد سان بدتميزي ڪندڙ صحافي جو ايڪريڊيشن ڪارڊ رد ڪري ڇڏيو آهي. گذريل ڏينهن سرفراز احمد صحافين جي رويي تي ڏکارو ٿي ٽي ٽوئنٽي ڪپ ۾ سنڌ جي ڪپتاني کان انڪار ڪيو هو، جنهن بعد اسد شفيق کي سندس جاءِ تي ڪپتان بڻايو ويو هو. صحافي سرفراز احمد کان سوال ڪيو هو ته اوهان سريلنڪا هٿان شڪست تي قوم کي مايوس ڪيو، اهڙي خراب ڪارڪردگي تي اوهان جي مستقبل ۾ ميچ ڏسڻ ڪير ايندو. پاڪستاني ڪرڪيٽ ٽيم جي ڪپتان سرفراز احمد کان فيصل آباد جي صحافي جنهن انداز ۾ بدتميزي ڪئي، ان تي وڪيٽ ڪيپر ڪاوڙجي پيو. پاڪستان ڪرڪيٽ بورڊ تصديق ڪئي ته سرفراز احمد سان مقامي صحافي بدتميزي ڪئي، جنهن تي بورڊ فوري ڪارروائي ڪندي صحافي جو ايڪرڊيشن ڪارڊ رد ڪيو ۽ خناگي ٽي وي انتظاميا کي آگاهه پڻ ڪيو. ڪرڪيٽ بورڊ صحافي تي قومي ٽي ٽوئنٽي ٽورنامينٽ دوران اقبال اسٽيڊيم فيصل آباد ۾ داخلا تي به بندش لاڳو ڪئي آهي. پي سي بي ترجمان موجب ميڊيا لاءِ بورڊ جي پاليسي ڪليئر آهي، ڪرڪيٽر اسان جا هيرو آهن، انهن کان سوال ضرور ڪري سگهجن ٿا پر ساڻن بدتميزي برداشت نه ڪئي ويندي. ذريعن موجب سرفراز احمد پريس ڪانفرنس ڪري واپس موٽيو ته تمام گهڻو پريشان هو، هن پي سي بي کي آگاهه ڪيو ته مان ڪپتاني نٿو ڪري سگهان، منهنجي ڪردار ڪشي ڪئي پئي وڃي.

 

مصباح الحق سي اي او پي سي بي سان ملاقات ۾ شڪايتن جا ڍير لڳائي ڇڏيا

 

ڪراچي(اسپورٽس نيوز) قومي ڪرڪيت ٽيم جي ڪوچ ۽ چيف سليڪٽر مصباح الحق گذريل ڏينهن سي اي او پي سي بي وسيم خان سان ملاقات ۾ شڪايتن جا ڍير لڳائي ڇڏيا آهن.هيڊ ڪوچ ۽ چيف سليڪٽر مصباح الحق گذريل ڏينهن لاهور ۾ سي اي او پي سي بي وسيم خان سان ملاقات ڪئي. ذريعن ٻڌايو آهي ته ان موقعي تي قومي ٽيم جي ڪپتاني جو معاملو اٿاريو ويو. سريلنڪا سان هوم ٽي ٽوئنٽي ميچن ۾ ڪلين سوئپ کان پوءِ سرفراز احمد تنقيد هيٺ آيل آهي. مصباح به ان مان خوش ناهي پر مناسب متبادل نه هجڻ جي ڪري ڪنهن سخت فيصلي کان لهرائي رهيو آهي. مختصر طرز ۾ سرفراز کي برقرار رکڻ جا امڪان روشن آهن پر ٽيسٽ ۾ تبديلي جا وڌيڪ امڪان نٿا لڳن.ان حوالي سان حتمي فيصلو چيئرمين احسان ماني ڪندو. مصباح وسيم خان کي ٽيم ۾ فٽنس ڪلچر جي گهٽتائي، معياري اسپينرز ۽ آل رائونڊر جي کوٽ سميت ڪيترن ئي ٻين مسئلن جو به ٻڌايو.سي اي او کيس فيصلن جي لاءِ مڪمل اختيار ڏيندي کيس سپورٽ ڪرڻ جو يقين ڏياريو. ٻئي طرف ڪوچ طرفان فٽنس تي وڌيڪ زور ڏيڻ سان رانديگر پريشاني جو شڪار آهن. انهن کي لڳي ٿو ته حد کان وڌيڪ ٽريننگ سبب مختلف مسئلا سامهون اچي سگهن ٿا. ان لاءِ ڪيترن ئي رانديگرن سخت روٽين تي عمل ڪرڻ کان پاسو ڪري رهيا آهن جنهن تي مصباح الحق سخت ڪاوڙيل آهي.ذريعن ٻڌايو آهي ته سريلنڪا کان غير امڪاني شڪست سبب ڪوچ  سخت دٻاءُ جو شڪار آهي. پريس ڪانفرنس ۾ ان جي  رويي  مان به صاف نظر اچي رهيو هو. هن کي لڳي ٿو ته آسٽريليا ۾ به ٽيم جي سوڀ جا وڌيڪ امڪان ناهن. اهڙي صورتحال ۾ ڪجهه نون رانديگرن کي موقعو ڏيڻ گهرجي ته جيئن تنقيد جو سلسلو گهٽ ٿئي. بورڊ اختياريون به مصباح جي ان راءِ سان متفق نظر آيون آهن. اهڙي ۾ ٽي ٽوئنٽي ڪپ ۾ بهتر پرفارم ڪندڙ رانديگرن جي قسمت چمڪي سگهي ٿي.