تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 10, 2019

پاڪستان سخت ترين معاشي حالتن مان نڪري آيو آهي چين جا ٿورائتا آهيون: عمران خان

بيجنگ (اين اين آءِ) وزيراعظم عمران خان چيو ته پاڪستان مشڪل اقتصادي حالتن مان نڪري چڪو آهي ان حوالي سان چين جي مالي تعاون کي به فراموش نه ڪنداسين پاڪستان ۽ چين هر قسم جي موسمن جا دوست آهن اربع تي وزيراعطم عمرانخ ان چين جي صدر شي جن پنگ سان ملاقات ڪئي جنهن ۾ پاڪ چين لاڳاپا خطي جي صورتحال ۽ گڏيل دلچسپي جي معاملن تي خيالن جي ڏي وٺ ڪئي ويئي ملاقات ۾ وزيراعظم ڪشمير جي معاملي تي اصولي موقف اختيار ڪرڻ تي چين جي صدر ۽ ان جي حڪومت جا ٿورا مڃيا وزيرياعظم چيو ته مشڪل حالتن ۾ چين هر سطح تي سدائين پاڪستان جي حمايت ڪئي آهي هن چين جي صدر کي ملڪ جي موجوده اقتصادي صورتحال بابت ٻڌايو ۽ چيو ته پاڪستان مشڪل اقتصادي حالتن مان نڪري چڪو اهي. وزيراعظم چيو ته چين اسان جي قومي مفادن جي مدد ڪرڻ تي اسان کان ڪڏهن به ڪوئي مطالبو ناهي ڪيو ۽ پاڪستان جي غير مشروط مدد ڪئي آهي عمران خان چيو ته چين پاڪستان کي مشڪل اقتصادي صورتحال مان ڪڍڻ لاءِ هڪ موقعو فراهم ڪيو آهي هن چين پاڪستان اقتصادي راهداري فريم ورق تحت چين جي تعاون ڪرڻ تي ٿورا مڃيا وزيراعظم عمران خان چين جي صدر شي جن پنگ کي عوامي جمهوريه چين جي 70هين قومي ڏينهن تي مبارڪون ڏنيون هن پنهنجي ۽ وفد جي شاندار استقبال تي چيني صدر جا ٿورا مڃيا ملاقات ۾ چين جي صدر گڏيل قومن جي جنرل اسيمبلي جي اجلاس دوران چين پاڪستان گڏيل لاڳاپن تي وزراعظم عمران خان جي خطاب کي ساراهيو هن چيو ته ٻئي ملڪ ويجها دوستاڻا لاڳاپا رکن ٿا ۽ مختلف شعبن ۾ هڪٻئي سان تعاون ڪن ٿا هن کان اڳ وزيراعظم عمران خان جي آمد تي چين جي صدر وزيراعظم ۽ ان جي وفد جي شاندار آجيان ڪئي گذريل ڏينهن چيني وزيراعظم سان ملاقات ۾ پاڪستاني وزيراعظم چيو ته سي پيڪ جي منصوبن کي تيزي سان مڪمل ڪرڻ ان جي حڪومت جي پهرين ترجيحي آهي ڇو ته هي منصوبو پاڪستان جي اقصادي ترقي ۽ علائقائي خوشحالي جي رفتار تيز ڪرڻ لاءِ اهميت وارو آهي. هن وزيراعظم لي ڪي کي سي پيڪ جي منصوبن کي تيزي سان عمل ۽ گوادر ۾ ترقي لاءِ کنيل قدمن کان آگاهه ڪيو.

 

 

زبان بندي لاءِ هراسان ڪيو پيو وڃي، احتساب لاءِ تيار آهيو پر سڀني جو ٿيڻ گهرجي: پيپلز پارٽي

ڪراچي (اسٽاف رپورٽر) سنڌ جي اطلاعات ۽ پورهئي واري صوبائي وزير سعيد غني چيو آهي ته اسان جي زبان بند ڪرڻ لاءِ اسان جي ماڻهن کي هراسان ڪيو پيو وڃي، نيب کي سرگرم ڪري اسان جي ماڻهن کي تنگ ڪيو پيو وڃي ته جيئن اسان کي دٻائي سگهجي. اسان اعجاز جکراڻي جي گهر تي چاپي جي سخت مذمت ڪندا آهيون، صوبائي وزير سعيد غني جيل خاني جي صلاحڪار اعجاز جکراڻي سان گڏ ڪيمپ آفيس ۾ پريس ڪانفرنس ڪري رهيو هو. ان موقعي تي سعيد غني وڌيڪ چيو ته گذريل رات اعجاز جکراڻي جي گهر نيب ڇاپو هنيو ڪو به ادارو احتساب ڪري اسان کي ڪو اعتراض ناهي پر جانبدارانه احتساب جي خلاف آهيون اعجاز جکراڻي جو اليڪشن ٽربيونل سان رجوع ٿيل آهي. 14 آڪتوبر تي ري ووٽنگ جو عمل شروع ٿيڻ جو امڪان آهي اهو ڇاپو دٻاءُ وجهڻ لاءِ هنيو ويو ڇو ته خورشيد شاهه سميت ٻيا جيالا گرفتار آهن ليڪن ان وقت تائين انهن خلاف ڪو ريفرنس ئي فائنل ناهي ڪيو ويو جڏهن ته حسنين مرزا خلاف چاليهه ڪروڙ جو ريفرنس فائنل آهي پر ڪا ڪارروائي ناهي ڪئي وئي اعجاز جکراڻي کي عدالت ضمانت ڏئي رکي آهي پر ان کي هراسان ڪيو پيو وڃي هن چيو ته نيب جي ڪارروائي ڪنهن کان ڍڪيل لڪيل ناهي چيف جسٽس آف پاڪستان چئي چڪو آهي ته ملڪ ۾ احتساب ون سائيڊ ڪيو پيو وڃي فريال ٽالپر جي پراپرٽي اڄ تائين ثابت ناهي ٿي سگهي ملڪ ۾ انصاف سان مذاق ڪيو پيو وڃي حڪومت جي نا اهلين کي لڪائڻ لاءِ انقامي ڪارروائيون ڪيون پيون وڃن ان موقعي تي سعيد غني چيو ته اعجاز جکراڻي جي گهر چار ديواري جو تقدس پامال ڪيو ويو رينجر به اختيار کان وڌيڪ ڪيو رينجر اهلڪارن اعجاز جکراڻي جي گهر ڀاتين جي ڪمري ۾ تلاشيون ورتيون جڏهن ته اعجاز جکراڻي جي وڪيل کي ڊرافٽ به نه ڏيکاريو ويو ۽ ان کي گهٽي ۾ روڪيو ويو اعجاز جکراڻي جي گهر ۾ عورتن سان گڏ مرد اهلڪار به اندر ويا رينجر اهلڪار ان ڪمرن ۾ ڇا ڪرڻ ويا هئا ڇا رينجر جو اهو ڪم آهي ته انهن چيو ته اسان جي ثقافت آهي عورتن جو احترام ڪيو وڃي پر هتي به دٻايو ويو اهو سلوڪ خورشيد شاهه ۽ آغا سراج دراني سان به ڪيو ويو هو اطلاعات واري وزير سعيد غني چيو ته اسان ڪشمير، مهانگائي ۽ عوام جي ايشو تي ڳالهائي رهيا آهيون ان لاءِ اسان خلاف ڪارروائي ڪئي پئي وڃي جنهن ڏينهن اهي ڳالهائڻ ڇڏي ڏيندا ان ڏينهن اهو انتقام ختم ٿي ويندو هن چيو ته اسان جي قيادت هر ڪيس ۾ باعزت بري ٿيندي ڇو ته انهن ڪيسن ۾ ڪجهه ناهي ان موقعي تي سعيد غني هڪ سوال جي جواب ۾ چيو ته رينجر خلاف خط لکڻ جو اختيار هجڻ جي باري ۾ مونکي علم ناهي اسان رينجر تي اعتراض نه ٿا ڪري سگهون جنهن طريقي سان ڪارروائي ڪئي وئي اها غلط آهي آصف علي زرداري چئي چڪو آهي اسان تي لڳايل الزام ثابت ڪيو جڏهن ته عليمه تي الزام ثابت ٿي چڪو آهي هن چيو ته نيب وارا وڌا ڊيٿ آهن اهي پيپلزپارٽي خلاف ڪم ثواب سمجهي ڪندا آهن هن چيو ته پيپلزپارٽي احتساب لاءِ تيار آهي پر احتساب سڀني سان ساڳيو ٿيڻ گهرجي اگر وزيراعظم جي 500 ماڻهن جي فهرست آئي ته ان جي اڌ ڪابينا ختم ٿي ويندي.

 

 

جهڙي غلط طريقي سان هيءَ حڪومت آئي، اهڙي ئي طرح هلي ويندي: مريم نواز

لاهور (ويب ڊيسڪ) مسلم ليگ (ن) جي نائب صدر مريم نواز چيو آهي ته جهڙي غلط طريقي سان هيءَ حڪومت آئي، اهڙي ئي طرح هلي ويندي. لاهور جي احتساب عدالت ۾ چوڌري شگر ملز ڪيس ۾ پيشي جي موقعي تي ميڊيا سان غير رسمي ڳالهه ٻولهه ڪندي مريم نواز جيل ۾ موبائل هٿ اچڻ جي الزام کي بي بنياد قرار ڏيندي چيو ته جن الزام لاڳايو، ترديد به انهن طرفان آئي، هن چيو شرم اچڻ گهرجي انهن کي جن الزام لڳايو، آءِ جي جيل ترديد ڪري ڇڏي آهي، مون وٽان ڪا موبائل هٿ ناهي آئي. مولانا فضل الرحمان جي آزادي مارچ بابت پڇيل سوال تي هن چيو ته جهڙي غلط طريقي سان هيءُ حڪومت آئي، اهڙي ئي طرح هلي ويندي، جيئن ڪوڙ جا پير ناهن هوندا، ائين ئي ڌانڌلي ذريعي آيل هن حڪومت جا به پير ناهن. هوڏانهن لاهور جي احتساب عدالت چوڌري شگر ملز/مني لانڊرنگ ڪيس ۾ مريم نواز ۽ سندس سئوٽ يوسف عباس جي جڊيشل ريمانڊ ۾ 14 ڏينهن جي واڌ ڪري ڇڏي ۽ جوابدارن کي 23 آڪٽوبر تي پيش ڪرڻ جو حڪم ڏنو. احتساب عدالت جي ڊيوٽي جج جواد الحسن چوڌري شگر ملز ڪيس جي ٻڌڻي ڪئي، نيب طرفان مريم نواز ۽ سندس سئوٽ يوسف عباس کي پيش ڪيو ويو. عدالتي ڪمري ۾ ن ليگ ڪارڪنن جي وڏي انگ ۾ موجودگي سبب بدنظمي ڏٺي وئي، جنهن تي عدالت فوري طور تي ڪمري مان اڻ لاڳاپيل ماڻهن کي ڪڍڻ جو حڪم ڏنو. ٻڌڻي دوران جج نيب پراسيڪيوٽر کان پڇاڻو ڪيو ته مريم نواز ۽ يوسف عباس جو ريفرنس ڪڏهن داخل ڪيو ويندو؟ جنهن تي نيب پراسيڪيوٽر عدالت کي ٻڌايو ته مريم نواز ۽ يوسف عباس خلاف جاچ اڃا جاري آهي، جاچ مڪم ٿيڻ تي چوڌري شگر ملز جو ريفرنس داخل ڪيو ويندو. ڌرين جا دليل ٻڌڻ کان عدالت مريم نواز ۽ سندس سئوٽ يوسف عباس جي جڊيشل ريمانڊ ۾ 14 ڏينهن جي واڌ ڪري ڇڏي. عدالت حڪم ڏنو ته مريم نواز ۽ يوسف عباس کي 23 آڪٽوبر تي وري پيش ڪيو وڃي.

 

شاگردياڻي مصباح جو قتل: مک جوابدار گرفتار، 111 قتل ڪرڻ جو اعتراف

ڪراچي (ويب ڊيسڪ) پوليس ڪارروائي ڪندي 111 ڄڻن جي قتل ۾ ملوث ٽارڪيٽ ڪلر کي گرفتار ڪري ورتو آهي جڏهن ته شاگردياڻي مصباح جي قتل ۾ ملوث جوابدار به قانون جي وڪڙ ۾ اچي ويو آهي. ڪراچي ۾ ايس ايس پي ايسٽ غلام اظفر مهيسر پريس ڪانفرنس ڪندي ٻڌايو ته ايم ڪيو ايم لنڊن جي ٽارگيٽ ڪلر کي گرفتار ڪيو ويو آهي جيڪو 111 قتل جي وارداتن ۾ ملوث آهي، جوابدار سرڪاري عباسي شهيد اسپتال جو ملازم هو، هن جو نيٽ ورڪ به بي نقاب ٿي ويو آهي جنهن ۾ ٻيا به ڪيترائي جوبدار شامل آهن جن جي گرفتاري لاءِ ڇاپا هنيا پيا وڃن، ان گروهه خلاف هن وقت تائين 57 ڪيس سامهون اچي چڪا آهن. ايس ايس پي ايسٽ غلام اظفر مهيسر چيو ته گرفتار ڪيل جوابدار 12 جي سانحي ۾ به ملوث آهي، ڪجهه عرصو اڳ هن پنهنجو حليو تبديل ڪري ورتو هو ۽ تبليغ تي هليو ويو هو. ايس ايس پي ايسٽ چيو ته ڦر دوران قتل ٿيل شاگردياڻي مصباح جي قتل ۾ ملوث هڪ جوابدار کي گرفتار ڪيو آهي، ان واقعي ۾ گند ميڙيندڙ افغاني ڏوهاري ملوث آهن. پوليس ٻڌايو ته گرفتار ڪيل جوابدار پنهنجي ساٿي بشير افغاني سوڌو واردات ڪئي هئي، واردات دوران کسيل موبائل فون به هٿ ڪيو ويو آهي ۽ جوبدار جي ٻئي ساٿي جي گرفتاري لاءِ ڇاپا هنيا پيا وڃن، اها افغاني گينگ آهي جنهن گند ميڙڻ کان پنهنجو ڪم شروع ڪيو ۽ ڦريون شروع ڪيون، ڪراچي ۾ گند ميڙيندڙ افغاني ريڪي ڪري وارداتون ڪندا آهن.

 

ايشيائي ترقياتي بئنڪ جو پاڪستان کي 2.7 ارب ڊالر قرض ڏيڻ جو اعلان

منيلا (ويب ڊيسڪ) ايشيائي ترقي بئنڪ (اي ڊي بي) پاڪستان کي هلندڙ سال ٻه ارب 70 ڪروڙ ڊالر قرض ڏيڻ جو اعلان ڪيو آهي. ايشيائي ترقياتي بئنڪ جي پڌرائيءُ موجب قرض جي فراهمي پاڪستان جي آپريشنز بزنس پلان لاءِ هوندي ۽ بزنس پلان سان پاڪستان ۾ ترقياتي منصوبن کي مدد ملندي.  اي ڊي بي جو چوڻ آهي ته پاڪستان کي قرض فراهم ڪرڻ جي سالياني ايوريج 2.4 ارب ڊالرن تائين وڌي ويندي، سال 18-2015 دوران قرض جي سالياني ايوريج 1.4 ارب ڊالر وڌي آهي. ايشيائي ترقياتي بئنڪ موجب قرض جي فراهمي مختلف ذريعن مان حاصل فنڊنگ سان ٿيندي، خطي جي رعايتي وسيلن تائين پهچ ۾ پاڪستان جي مدد ڪنداسين. پڌرائي موجب ٻيا ترقياتي پارٽنر به پاڪستان جي ترقي جي سفر ۾ پنهنجو حصو وجهندا. واضح رهي ته ايشيائي ترقياتي بئنڪ پاڪستاني حڪومت جي سماجي تحفظ جي بينظير انڪم سپورٽ پروگرام لاءِ پڻ واڌو 20 ڪروڙ ڊالر قرض جي منظوري ڏني هئي. ان حوالي سان جاري پريس رليز ۾ ايشيائي ترقياتي بئنڪ چيو هو ته اي ڊي بي طرفان آڪٽوبر 2013ع ۾ منظور ڪيل سماجي تحفظ جي ترقياتي منصوبي جي ڪري بينظير انڪم سپورٽ پروگرام ۾ 8 لک 55 هزار عورتن جي داخلا ٿي. بيان ۾ وڌيڪ چيو ويو هو ته ڄاڻايل منصوبي جي لاءِ واڌو قرض جي ذريعي رقم جي نقد منتقلي ۾ سهڪار ۽ ان سان گڏ بي آءِ ايس پي جي اداري کي مضبوط بڻائڻ بابت قدمن ۾ مدد جاري رهندي. ان کان اڳ جولاءِ ۾ ايشيائي ترقياتي بئنڪ ايندڙ 5 سالن دوران پاڪستان ۾ ترقياتي منصوبن ۽ پروگرامن لاءِ 10 ارب ڊالرن تائين قرض جي منظوري ڏني هئي.

 

زمين اندر پاڻي جي قيمت بابت ڪيس، صوبائي حڪومتون پاڻي بابت تجويزون اٽارني جنرل وٽ جمع ڪرائين: سپريم ڪورٽ

اسلام آباد (اين اين آءِ) سپريم ڪورٽ آف پاڪستان زمين اندر پاڻي جي قيمت بابت ڪيس ۾ هدايت ڪئي آهي ته صوبائي حڪومتون پاڻي بابت تجويزون اٽارني جنرل وٽ جمع ڪرائين، انڊسٽريز پاڻي بابت پروپوزل ٺاهي صوبائي حڪومتن کي فراهم ڪن، صوبائي حڪومتون ڪمپنين جي پروپوزل کي عدالت ۾ پيش ڪن، سپريم ڪورٽ ۾ زمين اندر پاڻي جي قيمت بابت ڪيس جي ٻڌڻي جسٽس عمر عطا بنديال جي سربراهي ۾ بينچ ڪئي، ٻڌڻي ڪندي ڊپٽي اٽارني چيو ته صوبائي حڪومتن پاڻي جي قيمت بابت قانون جي حوالي سان سفارشون ڏيڻو هنيون، صوبن پاران سفارشون نه مليون آهن، ايڊيشنل ايڊووڪيٽ جنرل چيو ته پنجاب ڪابينا واٽر ايڪٽ جي منظوري ڏئي چڪي آهي، فيصل چوڌري چيو ته واٽر ايڪٽ منطوري لاءِ پنجاب اسيمبلي ۾پيش ڪيو ويندو، سرڪاري وڪيل چيو ته سنڌ حڪومت 4 مختلف سفارشون ڏنيون آهن، سنڌ ۾ پاڻي جي حوالي سان پهريائين قانون موجب آهي، سنڌ حڪومت جي وڪيل چيو ته ڪراچي ۾ پاڻي جي قيمت اڳاڙي پئي وڃي، هن چيو ته سنڌ حڪومت جا مسئلا في الحال اٽارني جنرل آفيس کان حل نه ٿي سگهندا، هن چيو ته سنڌ جي قانون جو مسودو اٽارني جنرل کي موڪلي چڪا آهيون، جسٽس عمر عطا بنديال چيو ته مٺي پاڻي جي استعمال جي قيمت نهايت گهٽ ورتي وڃي ٿي، پاڻي جي گهٽ قيمت وٺڻ حڪومتون آهن يا ستل آهن سرڪاري وڪيل چيو ته واٽر ڪمپنيون جتان پاڻي ڪڍن ٿيون اتي سئو فوٽ تائين هوا به نٿي ملي، جسٽس عمر عطا بنديال چيو ته لڳي ٿو ته سنڌ ۾ به ڪٽاس راج واري صورتحال بڻجي رهي آهي، صوبائي حڪومت جي وڪيل چيو ته ڪي پي ڪي ۾ لاڳاپيل اسٽيڪ هولڊرز سان صلاح مشورا ڪيا پيا وڃن، ڪي پي ڪي حڪومت جي وڪيل چيو ته پاڻي جي قيمت جي حوالي سان اڃا عوامي راءِ اچڻي آهي، هن چيو ته صنعتن جو مفاد به ڏسڻو آهي، عدالت کي سختي نه ڪرڻ جي اپيل ڪئي آهي، سنڌ حڪومت پاران خدشن جو اظهار ڪيو ويو، اي جي سنڌ حڪومت چيو ته جيستائين ڪيبينيٽ منظوري نه ڏيندي ان وقت تائين سان ڪا به تجويز اٽارني جنرل کي نٿا موڪلي سگهون، جسٽس عمر عطا بنديال چيو ته توهان جا جيڪي به خدشا آهن اهي پنهنجي طور تي طئه ڪريو پوءِ اٽارني جنرل ڏانهن موڪليو، جسٽس اعجاز الحسن چيو ته سنڌ حڪومت پاران تفصيل اٽارني جنرل کي ناهي موڪليو ويو، هن چيو ته پنجاب حڪومت ته سمورن ضلعن جو تفصيل فراهم ڪري ڇڏيو آهي، سنڌ حڪومت اڃا تائين ڇو ڪجهه ناهي ڪيو، جسٽس عمر عطا بنديال چيو ته 3 صوبا متفق ٿي چڪا آهن رڳو سنڌ حڪومت ڪجهه ناهي ڪيو، پنجاب حڪومت جي وڪيل چيو ته پنجاب ۾ 75 سيڪڙو پاڻي جا ميٽر لڳي چڪا آهن، لاهور ۽ فيصل آباد ۾ ميٽرز جو ڪم مڪمل ٿي چڪو آهي، جسٽس عمر عطا بنديال چيو ته توهان کي ڪيترو وقت لڳندو، سرڪاري وڪيل ٻڌايو ته وڌيڪ هڪ مهينو لڳندو، پنجاب ۾ ميٽرز جو ڪم مڪمل ٿي ويندو، جسٽس عمر عطا بنديال چيو ته سنڌ ۾ ميٽرز جو ڪيترو ڪم ٿيو آهي، اي جي سنڌ چيو ته ڪميٽي 14 انڊسٽري جون لسٽون ڏنيون هيون انهن ۾ ميٽر لڳي چڪا آهن، اي جي سنڌ چيو ته اسان کي واٽر ڪميشن ڪيمٽي ٻين انڊسٽري جي لسٽ فراهم ناهي ڪئي، جسٽس عمر عطا بنديال چيو ته لڳي ٿو ته گورنمينٽ آف سنڌ ۽ ڪميٽي چيئرمين ڊاڪٽر احسن صديقي وچ ۾ ڪا اڻبڻت آهي، جسٽس اعجاز الحسن چيو ته اسان ته حڪم ڏنو هو ته سنڌ حڪومت پاڻ لسٽ وٺي ان تي ڪم ڪندي، اعجاز الحسن چيو ته سنڌ حڪومت ايندڙ ٻڌڻي تي پان انڊسٽري جي لسٽ فراهم ڪري، ڊاڪٽر احسن صديقي چيئرمين واٽر ڪميشن چيو ته واٽر ڪميشن ڪميٽي جون 3 گڏجاڻيون ٿي چڪيون آهن، هن چيو ته سنڌ ۾ هڪ هزار گيلن پاڻي جا 50 پيسا ڏنا وڃن ٿا، ڊاڪٽر احسن صديقي چيو ته هن پاڻي جو 40 سيڪڙو ضايع ٿئي ٿو، جسٽس اعجاز الحسن چيو ته اسان اهو چئون ٿا ته توهان هڪ ليٽر پاڻي 50 رپين جو سيل ڪريو ٿا، ان 50 رپين مان هڪ رپيو توهان حڪومت کي ڏيو، ڪمپني جي وڪيل چيو ته هڪ ليٽر تي هڪ رپيو وڌيڪ رقم آهي، جسٽس اعجاز الحسن چيو ته هاڻ اسان ان هڪ رپئي واري فيصلي تي نظرثاني نه پيا ڪريون، هن چيو ته هڪ رپئي تي نظرثاني وارو ڪيس اڃا ناهي لڳو، ڪمپني جي وڪيل چيو ته هڪ ليٽر پاڻي جي بوتل اسان جو نفعو 5 رپين کان گهٽ آهي، ڪمپني جي وڪيل چيو ته 5 رپين کان نفعي تي اسان 19 رپيا ٽيڪس ڪيئن ادا ڪريون، اسان جيڪو جوس ٺاهيون ٿا ان ۾ 70 سيڪڙو کان گهٽ پاڻي جو استعمال ٿئي ٿو، جسٽس اعجاز الحسن چيو ته جيڪو پاڻي زمين مان ڪڍندا پيسا ته چارج ٿيندا، هن چيو ته هن پاڻي کي توهان جنهن شيءِ ۾ پنهنجي مرضي سان استعمال ڪريو، احسن صديقي چيو ته جوس ۾ 96 سيڪڙو پاڻي استعمال ٿئي ٿو، جسٽس عمر عطا بنديال چيو ته توهان جا جيڪي خدشا آهن ڊرافٽ ٺاهي صوبائي حڪومتن کي ڏيو، عدالت چيو ته صوبائي حڪومتون پاڻي بابت تجويزون اٽارني جنرل وٽ جمع ڪرائين، انڊسٽري پاڻي بابت پروپوزل ٺاهي صوبائي حڪومتن کي فراهم ڪري، صوبائي حڪومتون ڪمپنين جي پروپوزل کي عدالت ۾ پيش ڪن جنهن کانپوءِ ڪيس ٻڌڻي اڻڄاتل مدي تائين ملتوي ڪئي وئي.

 

سنڌ امن ۽ امان جو گهوارو ۽ صوفين جي ڌرتي آهي: مراد علي شاهه

ڪراچي (اسٽاف رپورٽر)سنڌ جي وڏي وزير سيد مراد علي شاهه سان نيشنل ڊيفنس يونيورسٽي جي نيشنل سيڪيورٽي ورڪشاپ جي 96 رڪني وفد قائم مقام نائيب صدر اين يو ڊي  ميجر جنرل آصف علي جي اڳواڻي ۾ ملاقات ڪئي. وفد ۾ 3 سينيٽرن، 14 ايم اين اي، 16 ايم پي اي، 4 بيورو ڪريٽ، 3 آرمي آفيسرن، 48 سول سوسائٽي جي فردن ۽ 9 فيڪلٽي جي اسٽاف ميمبرن شرڪت ڪئي. وڏي وزير سان گڏ چيف سيڪريٽري سنڌ سيد ممتاز علي شاهه، صوبائي وزير سعيد غني، مشير قانون مرتضيٰ وهاب، چيئرپرسن منصوبابندي ۽ ترقي ناهيد شاهه، آئي جي پوليس ڊاڪٽر ڪليم امام ۽ وڏي وزير جي پرنسپل سيڪريٽري ساجد جمال ابڙو، سيڪريٽري داخله شامل هئا. ملاقات ۾ پريزينٽيشن، سوال ۽ جواب ۽ بحث شامل هئا. وڏي وزير سيد مراد علي شاهه پنهنجي ابتدائي لفظن ۾ وفد کي ڀليڪار چوندي چيو ته اوهان کي باب الاسلام سنڌ ڌرتي اچڻ تي خوش آمديد چئون ٿا. اجلاس کي خطاب ڪندي وڏي وزير مراد علي شاهه چيو ته سنڌ اسيمبلي اها اسيمبلي آهي جنهن پاڪستان جي قرارداد پاس ڪئي ۽ اڄ هن اسيمبلي جي ووٽ سان آئون وڏو وزير آهيان. هن چيو ته سنڌ امن ۽ امان جو گهوارو ۽ صوفين جي ڌرتي آهي. سنڌ لعل شهباز قلندر رحه، حضرت شاهه عبداللطيف ڀٽائي رحه، حضرت سچل سرمست، سامي جي ڌرتي آهي. وڏي وزير چيو ته هن صوفين جي ڌرتي کي نظر لڳي وئي هئي، امان ۽ امان ايترو خراب ٿيو جو نو گو ايريا ٺهي ويا هئا. وڏي وزير چيو ته سنڌ اهو صوبو آهي جنهن ۾ هر مذهب، هر زبان، هر فرقي ۽ مختلف سوچ جا ماڻهو محبت سان رهن ٿا. هن ماضي جا حالات ٻڌائيندي چيو ته 2008 ۾ امن امان جي صورتحال شديد خراب هئي، پوليس ۽ آرمي جي اسڪواڊ کانسواءِ اوهان هاءِ وي تي سفر ڪري نه سگهندا هئا. 2008 ۾ اسان جي پهرين ترجيح صوبي ۾ امن امان کي بحال ڪرڻو هو. 2010 تائين اسان عوام جي عام زندگي کي بحال ڪيو. هن چيو آئون پنهنيج پاڪ فوج، رينجرز، سنڌ پوليس، انٽيلي جنس ادارن جو گهڻو ٿورائتو آهيان جنهن محنت سان امن امان بحال ڪيو. دهشتگردي، ڀتاخوري، ٽارگيٽ ڪلنگ وڏا ڏوهه هئا ۽ ڪاروباري ماڻهو پريشان هئا. هن وڌيڪ چيو ته سنڌ حڪومت جي سياسي عزم سان امن امان بحال ٿيو، ڪاروبار کي هٿي ملي ۽ ثقافتي سرگرميون بحال ٿيون. مراد علي شاهه چيو ته ٻيو وڏو مسئلو سنڌ سميت سڄي ملڪ ۾ بجلي جو بحران هو. شهيد محترمه بينظير ڀٽو بجلي جي بحران کي محسوس ڪندي ٿر جي ڪوئلي تي ڪم جي بنياد رکي. ڪيترائي مسئلا ٿيا پر پاڪستان پيپلز پارٽي جي حڪومت ٿر جي ڪوئلي مان 660 ميگاواٽ بجلي پيدا ڪئي آهي. وڏي وزير سيد مراد علي شاهه چيو ته ڪوئلي مان بجلي پيدا ڪرڻ هڪ انقلاب کان گهٽ نه آهي. ٿرڪول انرجي بورڊ اهو واحد بورڊ آهي جنهن ۾ وفاقي حڪومت جي نمائندگي آهي. وڏي وزير چيو ته ملڪ جو 96 سيڪڙو ڪوئلي جا ذخيرا سنڌ ۾ آهن. جڏهن ٿرڪول لاءِ ساورين گارنٽي گهربل هئي ته اڍائي سال لڳي ويا. ٿر مان جيڪي بجلي پيدا ٿي آهي اها نيشنل گرڊ ۾ وڃي پئي. هن ڄاڻ ڏيندي ٻڌايو ته ٿرڪول بلاڪ ون تي هڪ چائنيز ڪمپني ڪم شروع ڪيو آهي. سنڌ ۾ ڪم ڪرڻ لاءِ جڏهن ڪابه ڪمپني نه پئي اچي ته چين جي ڪمپني آئي ۽ هن پاور پلانٽ لڳايو. جڏهن 1988 ۾ هانگ ڪانگ بيسڊ گورڊن وائو آيو هو ته 0.3 سينٽ ٽيرف جي چڪر ۾ کيس واپس ڪيو ويو نه ته اڄ بجلي جو بحران نه هجي ها. اڄ گورڊن وائو پاڪستان اچڻ لاءِ راضي ڪونهي. هن چيو ته اسان مقامي ۽ عالمي سيڙپڪارن کي عزت ڏيڻي پوندي ۽ قدر جي نگاهه سان ڏسڻو پوندو. چين ۾ شنگهائي اليڪٽرڪ ميجر شيئر ورتا آهن. ٿر بلاڪ ون ۾ به ڪم شروع ڪيو آهي. وڏي وزير اين ڊي يو جي وفد کي ٿر جو دورو ڪرڻ جي آڇ ڏيندي چيو ته اوهان ٿر جو دورو ڪيو ۽ سنڌ حڪومت پاران ترقياتي انقلابي ڪمن کي ڏسو. هن ٻڌايو ته اسان 100 بلين رپيا ٿر جا روڊ بڻائڻ تي خرچ ڪيا آهن. اسان توانائي ۾ ونڊ ڪوريڊور ۽ سولر ڪوريڊور بڻايا آهن. ونڊ انرجي سان اسان 50000 ميگاواٽ بجلي پيدا ڪري سگهون ٿا جڏهن ته هن وقت اسان ونڊ ڪوريڊور مان 1000 ميگاواٽ بجلي پيدا ڪري رهيا آهيون. سنڌ پهريون صوبو آهي جنهن پنهنجي گرڊ ڪمپني قائم ڪئي آهي. وڏي وزير چيو ته 2008 ۾ اسان وفاقي حڪومت کان سروسز تي سيلز ٽيڪس وٺڻ لاءِ درخواست ڪئي. ارڙهين ترميم ۾ سيلز ٽيڪس آن سروسز کي صوبائي ڪم قرار ڏنو ويو. 12-2011 ۾ اسان سيلز ٽيڪس جي وصولي شروع ڪئي. 11-2010 ۾ وفاقي حڪومت 14.5 بلين رپيا سيلز ٽيڪس ۾ ڏنا. اسان 12-2011 ۾ 24 بلين رپيا گڏ ڪيا ۽ هاڻي اسان جو هدف 140 بلين رپيا آهي. وڏي وزير مراد علي شاهه چيو ته معيشت جي پاليسي م مسئلا هجڻ سان ملڪي معيشت ويهجي وئي آهي، اسان کي درست ڪرڻو پوندو. سنڌ کانپوءِ پنجاب ۽ خيبرپختونخواه به سيلز ٽيڪس آن سروسز گڏ ڪرڻ شروع ڪيو آهي. بلوچستان هاڻي گڏ ڪري رهيو آهي ۽ اسان ان سلسلي ۾ مدد ڪري رهيا آهيون. هن وڌيڪ چيو ته اسان وفاقي حڪومت کي درخواست ڪري رهيا آهيون ته سيلز ٽيڪس آن گڊز به صوبن کي ڏنو وڃي ۽ اسان بهتر طريقي سان ان کي گڏ ڪرڻ جي صلاحيت رکون ٿا ان ۾ سڀني جو حصو آهي، اسان فقط ڪليڪشن جو ڪم وٺڻ چاهيون ٿا. وفاق صوبن سان گڏ ڪم ڪرڻ سکي ۽ اسان وفاق سان گڏ ڪم ڪري رهيا آهيون. سنڌ پنهنجي وسيلن سان ٿر ۾ ايئرپورٽ بڻايو آهي. سنڌ حڪومت 2 پل درياءِ سنڌ تي اڏيا آهن. هن وقت درياءِ سنڌ تي ڊگهي پل بڻائي وئي آهي. اين ايڇ اي جي حصي ۾ روڊن ۽ پلن جي تعمير آهي. رائيٽ بينڪ تي سمورا روڊ اين ايڇ اي ڊوئل ڪيريج وي بڻايا آهن. 135 ڪلوميٽر ڄامشورو-سيوهڻ ڊوئل ڪيريج وي رهجي ويو هو. جڏهن مون روڊ بڻائڻ لاءِ چيو ته وفاقي حڪومت چيو ته سنڌ حڪومت به ان ۾ فنڊز ڏي. اسان 50 سيڪڙو جي ڪمٽمينٽ ڪئي، 7 بلين رپيا ڏنا. 7 اپريل 2017 تي آئون وفاقي حڪومت کي 7 بلين رپيا ڏنا ته جيئن ڄامشورو کان سيوهڻ تائين روڊ بڻجي وڃي. نومبر 2017 ۾ ان روڊ جي پيڙ جو پٿر واري تقريب ٿي. عام چونڊون ٿيون جنهن ۾ ٻيهر وڏو وزير بڻجي ويس ته آئون وزيراعظم کي خط لکيو ته روڊ تي ڪم ڪرايو وڃي. وزيراعظم مواصلات واري وزير مملڪت کي هدايت ڪئي ته هو روڊ جي ڪنسٽرڪشن ڪرائي. وزير مملڪت جڏهن ڪراچي آيو ته هن پيغام ڏنو ته جيڪڏهن اوهان کي ملڻو آهي ته گورنر هائوس اچو. پنجاب مان جيئن ئي اوهان سنڌ جي شهر اٻاوڙو ايندو ته روڊن جو معيار اوهان کي بهتر نظر نه ايندو ، اهو فرق آهي اين ايڇ اي جو پنجاب ۽ سنڌ ۾ ڪم ڪرڻ جو. وڏي وزير مراد علي شاهه چيو ته ڪراچي جي ترقي لاءِ ڪيترائي فنڊز گهربل آهن. اسان جي حڪومت شاهراه فيصل جي نئين سر تعمير ڪئي ۽ اسان ڪوٽڙي کان وٺي مٺي تائين روڊ تعمير ڪيا آهن. وڏي وزير چيو ته ايشيا جو بهترين پي پي پي يونٽ سنڌ ۾ آهي. دي اڪانامسٽ پبلڪ پرائيوٽ پارٽنرشپ رپورٽ شايع ڪئي آهي، هن سنڌ ۽ گجرات کي بهترين پي پي پي يونٽ ڊڪليئر ڪيو آهي. اسان جهرڪ-ملاڪاتيار جي جاءِ تي درياءَ سنڌ تي پل جي تعمير پي پي پي موڊ تحت ڪئي آهي. اسان ٿرڪول ۾ مائيننگ جو ڪم پي پي پي موڊ تي ڪيو. اسان حيدرآباد-ميرپورخاص، ڪراچي-ٺٽو روڊ به پي پي پي موڊ تي ٺاهيا. وڏي وزير وفد کي خطاب ڪندي چيو ته اين آئي سي وي ڊي دنيا ۾ واحد اسپتال آهي جتي هرٽ سرجري، انجيوگرافي بلڪل مفت ٿيندي آهي. جناح اسپتال جي سائبر نائيف ۾ ڪينسر  جو علاج مفت ٿيندو آهي، هن يونٽ مان 6 ملڪن جا ماڻهو فائدو کڻن ٿا. وڏي وزير تعريف ڪندي چيو ته اسان جو آئي جي صاحب بهترين پريزينٽيشن ٺاهيندا آهن. انسپيڪٽر جنرل سنڌ پوليس ڊاڪٽر ڪليم امام وفد کي ڄاڻ ڏيندي چيو ته سنڌ پوليس 1843 ۾ قائم ٿي جنهن جي هن وقت 4245 اسٽرينٿ هئي. 2013 ۾ 503 ٽارگيٽ ڪلنگ جا واقعا ٿيا ۽ 2019 ۾ 15 ڪيس ٿيا. 2013 ۾ ڪراچي خطرناڪ شهر ڊڪليئر ٿيو هو ۽ هاڻي اهو داغ ڪراچي مان مٽجي ڪونه ٿو. گاڏين جو کسجڻ 2013 ۾ 891 ۽ هاڻي 2019 ۾ 181 آهي. ٽارگيٽڊ آپريشن سبب 800 عسڪريت پسندن هٿيار ڦِٽي ڪيا. 2013 کان 584 پوليس اهلڪارن شهادت ماڻي. سنڌ پوليس ۾ بهترين ٽريننگ، بهترين پگهارون ۽ ٻيا فائدا متعارف ڪرايا آهن. پوليس فنڊ بهترين طريقي سان استعمال ڪرڻ لاءِ ڊائريڪٽ آڊٽ تعينات ڪرڻ وڃون پيا. چيئرپرسن پي اينڊ ڊي ناهيد شاهه پريزينٽيشن ڏيندي چيو ته سنڌ کي 6 کان 7 سيڪڙو فنڊز جي ايلوڪيشن گروٿ گهرجي. سنڌ ۾ ڪاروبار ڪرڻ ۾ آساني پيدا ڪرڻ تي گهڻو ڪم ڪيو آهي. سنڌ ۾ ڪاروبار ڪرڻ لاءِ بهترين سازگار ماحول بڻايو ويو آهي. سنڌ بزنس رجسٽريشن پورٽل مختلف کاتن سان سلهاڙيل آهي. سنڌ ۾ پرائمري ۾ 4.5 ملين سرڪاري ۽ 1.4 ملين پرائيويٽ اسڪولن ۾ ٻار رجسٽرڊ آهن. 137 بلين جي گرانٽ ميگاهيلٿ انسٽيٽوٽس کي ڏنا ويندا آهن. سوالن ۽ جوابن واري سلسلي ۾ وڏي وزير سيد مراد علي شاهه ٻڌايو ته ڪراچي ۾ 6 انڊسٽريل ايرياز آهن. آئون صنعتڪارن سان ملندو رهندو آهيان. آئون سائيٽ ايسوسي ايشن کي 2.6 بلين رپين جي فنڊنگ ڏني آهي ته جيئن پنهنجو روڊ نيٽ ورڪ بهتر ڪري سگهن. هن چيو ته ڪراچي ۾ ڪچري جي ڪليڪشن لوڪل گورنمنٽ ايڪٽ 2013 جي تحت ڊي ايم سيز جو ڪم آهي. ڪراچي ۾ جڏهن ڊي ايم سيز ڪم ڪري رهي هئي ته روزاني لينڊفل سائيٽ تي 3 کان 4 هزار ٽن ڪچرو ايندو هو، جنهن جو مطلب هي هو ته ڪچرو کڄي نه رهيو هو. اسان ايس ايس ڊبليو ايم اي ٺاهي جنهن کي ڊي ايم سيز اختيار ڏنا ته اهي کين ڪچرو کڻين. اسان ڪچري مان بجلي ۽ گيس ٺاهي سگهون ٿا. هاڻي ايس ايس ڊبليو ايم اي ڪم ڪري رهي آهي ۽ ان کي وڌيڪ بهتر ڪيو پيو وڃي. سيد مراد علي شاهه چيو ته ڪراچي شهر ۾ سڀ کان وڌيڪ شهادتون پيپلز پارٽي جي سياسي اڳواڻن ۽ ورڪرن ڏنيون آهن. حڪومت جي اپائن کانپوءِ پوليٽيڪل ڪلنگ گهڻي ڀاڱي ختم ٿي ويون آهن. هن شهر ۾ روزاني اوسط 8 قتل ٿيندا هئا، هاڻي حالات بهتر آهن اهو ريشو گهٽجي هڪ سيڪڙو رهجي ويو آهي. آئي جي پوليس ٻڌايو ته ڪراچي هڪ وڏو شهر آهي جنهن ۾ 2700 ڪيمرا لڳل آهن ۽ ماڻهن پنهنجي آڌار تي پڻ ڪيمرا لڳايا آهن. هن وڌيڪ چيو ته سنڌ پوليس جا چائلڊ اينڊ وومين پروٽيڪشن يونٽ قائم آهن.

 

 

موجوده حڪومت عوام کي وڏا خواب ڏيکاريا پر روزانو مهانگائي جا بم وسايا پيا وڃن: شهباز شريف

لاهور (اين اين آءِ) ن ليگ جي اعليٰ سطحي صلاح مشوري واري اجلاس ۾ جميعت علماءِ اسلام ف جي آزادي مارچ ۾ شرڪت جي حوالي سان تفصيلي غور ۽ ويچار کانپوءِ سفارشون تيار ڪيون ويون، شهباز شريف اڄ خميس تي ڪوٽ لک پت جيل ۾ نواز شريف کي پيش ڪري مستقبل لاءِ رهنمائي وٺندو، ن ليگ جي مرڪزي اڳواڻن جو اجلاس پارٽي صدر شهباز شريف جي صدارت هيٺ ماڊل ٽائون ۾ ٿيو، اجلاس ۾ راجا ظفر الحق، احسن اقبال، پرويز رشيد، رانا تنوير، اياز صادق، مريم اورنگزيب، عبدالقادر بلوچ، امير مقام، شاهه محمد شاهه، رانا مسعود سميت ٻين شرڪت ڪئي، اجلاس ۾ملڪي جملي صورتحال خاص ڪري آزادي مارچ ۾ شرڪت جي حوالي سان خيالن جي ڏي وٺ ڪئي وئي، ان موقعي تي اڳواڻن پنهنجي راءِ جو کلي اظهار ڪيو ۽ تجويز ڏني، اجلاس ۾ اڳواڻن معيشت جي خراب حالت ۽ مهانگائي وڌڻ تي ڳڻتي جو اظهار ڪندي چيو ته موجوده حڪومت اسان جي ترقي جي دور کي ريورس گير لڳائي ڇڏيو آهي، اجلاس ۾ ڳالهائيندي شهباز شريف چيو ته موجوده حڪومت عوام کي وڏا خواب ڏيکاريا پر روزانو مهانگائي جا بم وسايا پيا وڃن، حڪومت جي ناقص پاليسين سبب عوام جو صبر موڪلائي ويو آهي، عمران نيازي صبر جي تلقين ڪري رهيو آهي، حڪومت اڃا تائين ملڪ کي ڪو ئي رستو ناهي ڏئي سگهي، اجلاس ۾ سمورين سفارشن کي نقطن جي شڪل ۾ تيار ڪيو ويو، جيڪي اڄ خميس تي شهباز شريف ڪوٽ لک پت جيل ۾ نواز شريف کي پيش ڪري ان کان رهنمائي حاصل ڪندو، اجلاس کانپوءِ احسن اقبال ٻين اڳواڻن سان گڏ صحافين سان ڳالهائيندي چيو ته سليڪٽيڊ وزيراعظم ملڪ کان ٻاهر وڃي پاڪستان کي بدنام ڪرڻ کان نٿو مڙي ۽ ان جي اجلاس ۾ مزمت ڪئي وئي آهي، ڪرپشن جي ريڪنگ ۾ پاڪستان وڌيڪ هيٺ اچي ويو آهي، پاڪستنا مان وڌيڪ ڪرپٽ ملڪن جا سربراهه ٻاهرين ملڪن ۾ وڃي پنهنجي ملڪ کي بدنام ناهن ڪندا، وزيراعظم بيمار ذهنيت جو مالڪ آهي جيڪو سياسي مخالفن کي سياسي انتقام جو نشانو بڻائڻ کانسواءِ ٻيو ڪجهه نٿو سوچي، عمران نيازي واحد وزيراعظم آهي جيڪو ڪرپشن جا ڪسا ٻڌائي سيڙپڪارن کي پنهنجي ملڪ ۾ سيڙپڪارن کي دعوت ڏئي ٿو. هن چيو ته رانا ثناءُ الله ڪيس ۾ سيف سٽي اٿارٽي فوٽيج سان حڪومت جو ڪوڙ ظاهر ٿي ويو، موجوده حڪومت پرويز مشرف جي بدترين مارشل لا جي دور کي به پوئتي ڍڪي ڇڏيو آهي، ان دور ۾ مسلم ليگ ن جي خلاف منشيات جا ڪيس نه ڪيا ويا پر عمران نيازي جي حڪومت جي دور ۾ اهڙا ڪيس ڪيا ويا آهن، نواز شريف جي خلاف سڀ ڪيس ڪوڙ تي ٻڌل آهن، ان جو ثبوت اڳوڻي جج ارشد ملڪ جي ٽيپ جي صورت ۾ اچي چڪو آهي، حڪومت شاهد خاقان عباسي، مفتاح اسماعيل خواجه ڀائرن، ڪامران مائيڪل سميت ڪنهن جي خلاف ريفرنس داخل نه ڪري سگهي آهي ڇو ته انهن ڪيسن ۾ تر جيتري سچائي نه آهي، ن ليگ هن وقت عمران نيازي جي حسد جو نشانو آهي پر اهڙن هٿڪنڊن سان اسان ڪمزور نه پر مضبوط ٿي رهيا آهيون ۽ ڪارڪنن ۾ جوش وڌي رهيو آهي، هن چيو سي اي سي جي اجلاس کانپوءِ اسان جي مولانا فضل رحمان سان ملاقات ٿي اسان جي خواهش هئي ته اسان کي متحرڪ ٿيڻ لاءِ ڪجه وقت ڏنو وڃي پر ان پاران اعلان ٿي چڪو هو ان لاءِ نئين صورتحال پيدا ٿي ۽ اجلاس ۾ ان تي تفصيلي صلاح مشورا ٿيا آهن ان جون سفارشون تيار ڪيون ويون آهن جيڪي شهباز شريف پارٽي اڳواڻ نواز شريف اڄ خميس تي ڪوٽ لک پت جيل ۾ ملاقات ڪري پيش ڪندو، نواز شريف جيڪو به اعلان ڪندو اهو ئي ن ليگ جو آخري فيصلو هوندو.

 

 

 

 

گٽڪا مافيا خلاف ڪريڪ ڊائون جو حڪم، آءِ جي کي شيئر نه ملندو آهي ته پوءِ ڪارروائي ڇو نٿي ڪئي وڃي؟ سنڌ هاءِ ڪورٽ

ڪراچي (اسٽاف رپورٽر) سنڌ هاءِ ڪورٽ گُٽڪا ٺاهيندڙ ۽ وڪرو ڪندڙڻ خلاف ڪريڪ ڊائون جو حڪم ڏيندي چيو آهي ته آءِ جي کي شيئر نه ملندو آهي ته پوءِ ڪارروائي ڇو نٿي ڪئي وڃي؟ پوليس اهلڪارن جي اثاثن جي به جاچ پڙتال ٿيڻ گهرجي، معاملو نيب ۽ ايف آءِ اي ڏانهن موڪليون ٿا.
سنڌ هاءِ ڪورٽ ۾ گُٽڪي ۽ مين پُڙي جي وڪري توڙي واهپي خلاف درخواستن تي ٻڌڻي ٿي، جنهن دوران عدالت گُٽڪي جي واهپي خلاف ڪارروائيون نه ڪرڻ تي پوليس مٿان ڪاوڙ جو اظهار ڪيو. عدالت پنهنجي ريمارڪس ۾ چيو ته گُٽڪا ۽ مين پُڙيون ٺاهيندڙن خلاف ڪارروائي نٿي ٿئي، آءِ جي سنڌ کي ڪيترو شيئر ملندو آهي؟ جيڪڏهن شيئر نٿو ملي ته پوءِ ڪارروائي ڇو نٿي ڪئي وڃي؟ عدالت پنهنجي ريمارڪس ۾ چيو ته هاڻي ئي هي معاملو نيب ۽ ايف آءِ اي ڏانهن موڪليون ٿا، پوليس اهلڪارن جي اثاثن جي به جاچ پڙتال ٿيڻ گهرجي، غريب ماڻهو پڙهي لکي آفيسر ٿئي ٿو ته اُهو به وڏو ٿيڻ جي چڪر ۾ ساڳيو ڪم ڪري ٿو. سنڌ هاءِ ڪورٽ ڪاوڙ ظاهر ڪندي چيو ته جاگيردارن کي بدنام ڪريو ٿا، اقتدار ۾ ويٺل ماڻهن جي ذهنيت به ساڳي آهي. جسٽس صلاح الدين پنهور ريمارڪس ڏيندي چيو ته پوليس لکي ڏئي ته ٻيون قوتون به اِن ڪاروبار ۾ ملوث آهن. عدالت گُٽڪا ٺاهيندڙ ۽ وڪرو ڪندڙن خلاف ڀرپور ڪريڪ ڊائون جو حڪم ڏئي ڇڏيو.

 

نمرتا ڪيس: 15 سيپٽمبر واري رات مهراڻ ابڙو ۽ نمرتا وچ ۾ اهم موضوع تي بحث ٿيو: فارينز رپورٽ

لاڙڪاڻو(بيورو رپورٽ) آصفه ڊينٽل ميڊيڪل ڪاليج لاڙڪاڻي جي هاسٽل مان مئل حالت ۾ مليل شاگردياڻي نمرتا ۽ گرفتار ٻن شاگردن جي موبائيل فونز ۽ ليپ ٽاپس جي فارينز رپورٽ سامهون اچي وئي، ايف آءِ اي پاران جاري ڪيل رپورٽ ۾ چيو ويو آهي ته نمرتا جي ليپ ٽاپ مان 334 “جِي بي“ ڊيٽا ملي آهي. رپورٽ ۾ چيو ويو آهي ته نمرتا جي آءِ فون جو پاسورڊ نه کلڻ سبب ڊيٽا ملي نه سگهي آهي. جڏهن ته گرفتار مهراڻ ابڙو جي موبائيل فون مان ڊليٽ ٿيل ميسيجز سميت 15 جي بي ۽ علي شان ميمڻ جي موبائيل فون مان 18 جي بي ڊيٽا ملي آهي. ٻنهي شاگردن جي موبائيل مان نمرتا جون تصويرون به مليون آهن. رپورٽ موجب نمرتا جو موبائيل نمبر مهراڻ جي موبائيل ۾ نِمِي ۽ علي شان جي موبائيل ۾ ونڊر وومين جي نالي سان سَيو ٿيل آهي. رپورٽ ۾ ڄاڻايو ويو آهي ته 15 سيپٽمبر واري رات مهراڻ ابڙو ۽ نمرتا ميسيجز ذريعي رابطي ۾ هئا، ان رات نمرتا پريشان هئي، هڪ اهم موضوع تي ٻنهي وچ ۾ ڪافي دير تائين بحث هلندو رهيو. فارينزڪ رپورٽ موجب نمرتا، مهراڻ ۽ علي شان وچ ۾ 45 ڏينهن اندر 4 هزار کان وڌيڪ ڀيرا فون ڪال ۽ مسيجز تي رابطو ٿيو. رپورٽ موجب نمرتا ڏيڍ مهيني دوران پنهنجي ڀاءُ وشال کي هڪ ڀيرو به فون ڪال نه ڪئي. فارينز رپورٽ عدالتي ڪميشن حوالي ڪئي وئي آهي.