تازيون خبرون
حڪومت جي يو آءِ سان ڳالهين لاءِ راضي، مولانا وزير اعظم جي استعيفيٰ جو شرط رکي ڇڏيو - اهي ماڻهو ضد تي آهن ته آئين ٽوڙيو وڃي، آئين جي ابتڙ ڪوبه ڪم ٿيڻ نه ڏينداسين: مراد علي شاهه - غريبن جي پئسن مان بنگلا ٺهرائيندڙن لاءِ 4-5 ڪروڙ رُپيا جمع ڪرائڻ ڪو مسئلو نه آهي: عدالت - موري  ڀرسان بس ڪلٽي، 6 ڄڻا فوت، 35  زخمي - مسلم امت جو گڏيل اتحاد ۽ اتفاق خطي ۾ امن ۽ معاشي استحقام جو ضامن آهي: فردوس عاشق اعواڻ - شاهي جوڙي جو چترال پهچڻ تي شاندار استقبال، روايتي ٽوپي پهرائي ويئي - مون کي يقين آهي ته ڌرڻو نه هنيو ويندو، سولائي سان ڌرڻي جي اجازت نه ملندي: شيخ رشيد - پ پ چونڊن دوران ڪيل واعدا پاڙي رهي آهي، صحافين جي جان مال جي تحفط  لاءِ  قانون جوڙي رهيا  آهيون: سعيد غني - حمزه شهباز کي ميڊيا سان ڳالهائڻ کان روڪڻ ۽ صحافين تي تشدد جي مذمت، ملڪ تي عمران سوچ مڙهيل آهي:مريم اورنگزيب - نيب انور مجيد سوڌو ٻين جوابدارن خلاف ريفرنس داخل ڪرڻ ۽ ايس بي سي اي ۽ ڪي ايم سي خلاف جاچ جي منظوري ڏئي ڇڏي

Daily Archives: September 19, 2019

آمدن کان وڌيڪ اثاثا ڪيس: خورشيد شاهه نيب هٿان گرفتار، پ پ جي مذمت

اسلام آباد(ويب ڊيسڪ) قومي احتساب بيورو نيب قومي اسيمبلي جي اڳوڻي مخالف ڌر اڳواڻ ۽ پاڪستان پيپلز پارٽي جي سينيئر اڳواڻ خورشيد شاهه کي گرفتار ڪري ورتو. ان حوالي سان جاري پڌرائي ۾ چيو ويو آهي ته نيب سکر خورشيد شاهه کي آمدن کان وڌيڪ اثاثن واري ڪيس  ۾ گرفتار ڪيو ۽ هن کي ريمانڊ جي لاءِ خميس تي لاڳاپيل احتساب عدالت سکر ۾  پيش ڪيو ويندو. نيب ذريعن موجب نيب جي گڏيل ٽيم آمدن کان وڌيڪ اثاثن واري ڪيس ۾ خورشيد کي شاهه کي بني گالا ۾ قائم  سندس گهران گرفتار ڪيو. ڄاڻايل ذريعن ٻڌايو ته پ پ جي اڳواڻ جي خلاف نيب ۾ 3 جاچون هلي رهيون آهن ۽ هن جي خلاف سمورا الزام خاص هئا، جنهن تي جي بنياد تي هن کي گرفتار ڪيو ويو. نيب ذريعن جو چوڻ هو ته خورشيد شاهه کي نيب جاچ جي سلسلي ۾ سوالنامو به موڪليو ويو هو، جنهن جو هو تسلي جوڳو جواب ناهي ڏئي سگهيو. خيال رهي ته 31 جولاءِ تي نيب قومي اسيمبلي جي ميمبر ۽ پيپلز پارٽي جي اڳواڻ خورشيد شاهه جي خلاف انڪوائري جي منظوري ڏني هئي، جنهن کان پوءِ آگسٽ ۾ جاچ جو باقاعده آغاز ڪيو ويو هو. ان کان سواءِ خورشيد شاهه جي گرفتاري کان پوءِ خورشيد شاهه جي ملازمن ميڊيا سان ڳالهائيندي ٻڌايو ته نيب ۽ پوليس لڳ ڀڳ 20 ماڻهو، خورشيد جي گهر پهتا ۽ هنن پ پ اڳواڻ کي فوري طور گاڏي ۾ ويهاريو ۽ هليا ويا. ياد رهي ته ذريعن ٻڌايو ته نيب طرفان خورشيد شاهه کي سکر ۾ طلب ڪيو ويو هو پر پيپلز پارٽي جي اڳواڻ طرفان اِهو چئي پيشي کان معذرت ڪئي هئي ته هن کي قومي اسيمبلي جي اجلاس ۾ پيش ٿيڻو هو. ان وقت نيب ذريعن طرفان فراهم ڪيل دستاويزن ۾ ٻڌايو ويو هو ته اداري خورشيد شاهه جي خلاف بينڪ اڪائونٽس، بي نالي اثاثن ۽ ڪيترن ئي فرنٽ مينز جي تفصيل حاصل ڪري ورتي آهي. ڄاڻايل معاملي جي تفصيل ۾ اِها ڳالهه سامهون آئي هئي ته خورشيد شاهه ۽ سندس وارثن جا ڪراچي، سکر ۽ ٻين علائقن ۾ 105 بينڪ اڪائونٽ موجود آهن، ان کان سواءِ پ پ اڳواڻ پنهنجي مبينا فرنٽ مين ” پهلاج مل“ جي نالي تي سکر، روهڙي، ڪراچي ۽ ٻين علائقن ۾ گڏيل طور تي 83 ملڪيتون بڻائي رکيون آهن. انهن دستاويزن ۾ ٻڌايو ويو هو ته پيپلز پارٽي جي سينيئر اڳواڻ پهلاج راءِ گليمر بينگلو، جونيجو فلور مل، مڪيش فلور مل ۽ ٻيا اثاثا بڻائي رکيا آهن. ان ضمن ۾ وڌيڪ ٻڌايو ويو هو ته خورشيد شاهه مبينا فرنٽ مين لڏومل جي نالي تي 11 ۽ آفتاب حسين سومر جي نالي تي 10 ملڪيتون بڻايون. ڄاڻايل ذريعن انڪشاف ڪيو هو ته پيپلز پارٽي جي سينيئر اڳواڻ پنهنجي مبينا فرنٽ مين جي لاءِ دل جي مرضن جي اسپتال جي ڀرسان ڏيڍ ايڪڙ ايراضي نرسري جي لاءِ الاٽ ڪرائي، ان کان سواءِ خورشيد شاهه جي بنا نالي ملڪيتن ۾ مبينا طور تي عمر جان نالي شخص جو به مرڪزي ڪردار رهيو جنهن جي نالي تي بم پروف گاڏي رجسٽرڊ ڪرائي وئي جيڪا اڳوڻي مخالف ڌر اڳواڻ جي استعمال هيٺ رهي. ان کان سواءِ دعويٰ ڪئي وئي هئي ته اسلام آباد ۾ خورشيد شاهه جي استعمال هيٺ گهر به عمر جان جي نالي تي آهي ۽ سکر سميت ٻين علائقن ۾ سمورا ترقياتي منصوبا عمر جان جي ڪپمني کي ڏنا ويا هئا. نيب ذريعن دعويٰ ڪئي هئي ته اداري خورشيد شاهه جي رهائشي اسڪيمن، پيٽرول پمپن، زمينن ۽ دڪانن بابت تفصيل به حاصل ڪري ورتي آهي.

 

وزيراعظم گهوٽڪي واقعي کي سندس تقرير سبوتاز ڪرڻ جي سازش قرار ڏئي ڇڏيو

پشاور (ڊيسڪ رپورٽ) وزيراعظم گهوٽڪي واقعي کي سندس تقرير سبوتاز ڪرڻ جي سازش قرار ڏئي ڇڏيو. طورخم سرحد تي نئين ٽرمينل جي افتتاحي تقريب دوران وزيراعظم عمران خان صحافين جي سوالن جا جواب ڏنا ۽ گهوٽڪي ۾ هندو برادري جي عبادتگاهن کي نقصان پهچائڻ توڙي مظاهرن جي سخت لفظن ۾ مذمت ڪئي. وزيراعظم چيو ته گهوٽڪي واقعو گڏيل قومن جي جنرل اسيمبلي جي اجلاس دوران سندس تقرير کي سبوتاز ڪرڻ جي سازش آهي. قائد اعظم سمورين اقليتن کي خاطري ڪرائي هئي ته اُهي به هن ملڪ ۾ برابر جا شهري آهن. اسلام ۾ به اقليتن کي برابر جا شهري حق ڏيڻ جي ڳالهه ڪئي وئي آهي.

 

پيپلز پارٽي ميڊيا ٽربيونل کي رد ڪري ڇڏيو، مذاحمت جو اعلان

ڪراچي (ويب ڊيسڪ) پيپلزپارٽي جي چيئرمين بلاول ڀٽو زرداري ميڊيا ٽربيونل کي رد ڪندي چيو آهي ته تحريڪ انصاف جي حڪومت مخالفن کي نشانو بڻائڻ جي مهم تي آهي. حڪومت سياسي مخالفن وانگر تنقيد ڪندڙن کي به ڪوڙن ڪيسن ۾ جيلن ۾ وجهڻ چاهي ٿي. بلاول هائوس مان جاري ڪيل بيان ۾ بلاول ڀٽو جو چوڻ هو ته پيپلزپارٽي ڪنهن به قيمت تي ميڊيا ٽربيونلز جو بل اسيمبلين مان پاس ڪرڻ نه ڏيندي. حڪومت سياسي مخالفن ۽ تنقيد ڪندڙن کي به خاموش ڪرڻ جو سولو طريقو ڳولي ڪڍيو آهي. انهن ٽربيونلز جي ذريعي مخالفن کي نشانو بڻايو ويندو. ان کان اڳ نيب ذريعي سياسي مخالفن کي ماٺ ڪرائڻ جي ڪوشش ڪئي وئي. هنن ميڊيا ٽربيونلز جو مقصد به مخالفن ۽ تنقيد ڪندڙن جو آواز دٻائڻ آهي. هن چيو ته پي ٽي آئي جي سوشل ميڊيا به مودي جي چيلن وانگر ڪم ڪري ٿي، ان جو ڪم شهرين کي آن لائن ڌمڪائڻ ۽ ڊيڄارڻ آهي. پاڪستاني ميڊيا سينسرشپ جي بدترين دور مان گذري رهيا آهن. بلاول ڀٽو چيو ته پيپلزپارٽي صحافت جي آزادي جي علمبردار آهي. هاڻوڪي حڪومت ئي ڪنهن به قيمت تي صحافت جي آزادي کي بڻائڻ نه ڏيندي.

 

فواد چوڌري جو سنڌ حڪومت ڪيرائڻ وارو خواب ڪڏهن به پورو نه ٿيندو: ترجمان

ڪراچي (ويب ڊيسڪ) سنڌ حڪومت جي ترجمان ۽ صلاحڪار مرتضيٰ وهاب چيو آهي ته فواد چوڌري جو حڪومت ڪيرائڻ وارو خواب ڪڏهن به پورو نه ٿيندو، سنڌ حڪومت آئيني ۽ عوام جي طاقت رکندڙ آهي. وفاقي وزير فواد چوڌري جي بيان تي ردعمل ڏيندي مرتضيٰ وهاب چيو ته وڏي وزير تي تنقيد ڪري فواد چوڌري پنهنجو ننڍڙو قد وڌائڻ جي ناڪام ڪوشش ڪري رهيو آهي، فواد چوڌري جهڙي لوٽي جو وفاقي وزير ٿيڻ ملڪ جي بدقسمتي آهي، هو اطلاعات جو قلمدان کسجڻ سبب هو هوش وڃائي ويٺو آهي. هن چيو فواد چوڌري جو ماضيءَ سنڌ حڪومت جي تعريفن سان ڀريل آهي، هن جهڙا ماڻهو چور دروازي جي ڳولا ۾ رهندا آهن، هو اڄ عمران خان ته سڀاڻي ڪنهن ٻئي جا احسان ڳائيندو.

 

آبادي تي ضابطو ڪرڻ بنا ڪوبه ملڪ ترقي نٿو ڪري سگهي: صدر عارف علوي

اسلام آباد (اين اين آءِ) صدر عارف علوي چيو آهي ته آبادي تي ڪنترول ڪرڻ کان سواءِ ڪوبه ملڪ ترقي نٿو ڪري سگهي مسجد جي ممبر کي عوام ۾ سجاڳي لاءِ بهتر نموني سان استعمالڪري سگهجي ٿو اربع تي هتي ڊاڪٽر عارف علوي سان ڪنٽري ڊائريڪٽر يونائيٽيڊ نيشنز پاپوليشن فنڊ لينا محمود موسيٰ ملاقات ڪئي ان موقعي تي ڳالهائيندي صدر چيو ته حڪومت آبادي تي ڪنٽرول ڪرڻ لاءِ پڪو پهه ڪري ڇڏيو آهي ۽ ان ڏس ۾ معاشري جي سمورن طابقن کي شامل ڪيو ويندو هن چيو ته ٻارڙن ۾ وقفي جي ڪمي اسٽنٽنگ ۽ غذائي مسئلا وڏو سبب هن چيو ته حڪومت انهن هنرمند مائرن کي سافٽ ويئر سان لاڳاپيل روزگار جا موقعا فراهم ڪرڻ لاءِ ڪوششون وٺي رهي آهي جيڪي ٻارڙن جي پرگهور ۽ پرورش جي ڪري گهرن ۾ آهن.

 

والاريل ڪشمير ۾ ظلم آخري پساهه کڻي رهيو آهي، خاص ٽربيونلز ميڊيا ورڪرن جي مسئلن ۽ تڪڙو انصاف ڏيڻ ۾ سنگ ميل ثابت ٿيندا: فردوس عاشق اعواڻ

اسلام آباد (اين اين آءِ) وزراعظم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته خاص ٽربيونل ميڊيا ورڪرن ۽ مسئلن ۽ کين تڪڙو انصاف ڏيڻ ۾ به سنگ ميل ثابت ٿيندا اربع تي ٽيوٽر تي پنهنجي بيان ۾ هن چيو ته وزيراعظم عمرن خان جي اڳاوڻي ۾ پاڪستان تحريڪ انصاف جي حڪومت راءِ جي اظهار جي آزادي جي بنيادي آئيني ۽ جمهوري حق تي يقين رکي ٿي هن چيو ته ميڊيا رياست جو چوٿون ٿنڀ آهي ان جي آزدي ۽ آواز کي وڌيڪ طاقتور بنائڻ لاءِ پرعزم آهيون ڊاڪٽر فردوس عاشق اعواڻ چيو ته پيمرا جي احتسابي عمل تي تنقيد ڪئي ويندي هئي ته ان کي حڪومت ڪنٽرول ڪري ٿي ڊاڪٽر فردوس عاشق اعواڻ چيو ته خاص ميڊيا ٽربيونلز ٺاهي رهيا آهيون ته جيئن ڪيسن جو جلد فيصلو ٿي سگهي هن چيو ته اعليٰ عدليه جي هٿ هيٺ ڪم ڪندا هن چيو ته هي ميڊيا ٽربيونل نه صرف نئين ڪيسن تي فيصلو ڪندا پر پيمرا ۽ ٻين عدالتن ۾ ٻڌڻي هيٺ ڪيس به انهن ئي ٽربيونلز کي منتقل ڪيا ويا ڊاڪتر فردوس عاشق اعواڻ چيو ته هي ٽربيونلز نوان ۽ التوا هيٺ ڪيسن جو 90 ڏينهن ۾ فيصلو ڪندا هن چيو ته خاص ٽربيونلز ميڊيا ورڪرن جي مسئلن ۽ کين تڪڙو انصاف ڏيڻ ۾ به سنگ ميل ثابت ٿيندو ڊاڪٽر فردوس عاشق اعواڻ چيو ته ميڊيا جو ذميوارانو ڪردار ئي ان جي اصل طاقت آهي.

وزيراعظم جي سڌسماءِ واري خاص مددگار ڊاڪتر فردوس عاشق اعواڻ چيو آهي ته والاريل ڪشمير ۾ ظلم آخري پساهن ۾ آهي والاريل وادي ۾ آزادي جو سج جلد اڀرندو ڪشمير مسئلي تي سياسي مفادن کان مٿانهون ٿي اسان سڀ گڏ آهيون پاڪستان خطي جي طاقت جو محور ۽ مرڪز آهي وزيراعظم عمران خان گڏيل قومن ۾ تقرير ۾ ڪشميرين جي ترجماني ڪندو ڪشمير بابت قومي پارليمينٽرينز ڪانفرنس کي خطاب ڪندي هن چيو ته پاڪستان ۾ اقليتن جو هر قسم جو تحفظ ڪيو وڃي ٿو هن چيو ته مظلوم ڪشميرين جي آواز کي پاڪستاني ميڊيا بهتر نموني سان اٿاري رهيو آهي هن چيو ته ميڊيا جي ڪري يورپين پارليمينٽ ۾ ڪشمير جو مسئلو بحث هيٺآيو هن چيو ته ڪشمير جو مسئلو اسان جي لاءِ هڪ گڏيل ڪاز آهي هن چيو ته وزيراعطم عمرانخ ان گڏيل قومن ۾ تقرير ۾ ڪشميرين جي ترجماني ڪندو وزيراعظم مظفرآباد ۾ به مودي کي چتاءُ ڏنو ته ان جو او آءِ سي تي به اثر ٿيو دنيا ڀارتي موقف کي رد ڪري اڄ اسان سان گڏ بيٺي آهي هن چيو ته وزيراعطم ڪشمير ڪاز لاءِ 18 ڪلاڪ ڏيئي رهيو آهي.

 

آزاد ڪشمير جي وزير اعظم جي جذبن جو احساس آهي، هن جون اکيون آليون هيون جنهن جي پٺيان هڪ تاريخ آهي: شاهه محمود

اسلام آباد(ويب ڊيسڪ) پرڏيهي وزير شاهه محمود قريشي چيو آهي ته مون کي آزاد ڪشمير جي وزير اعظم جي جذبن جو احساس آهي، هن جون اکيون آليون هيون جنهن جي پٺيان هڪ تاريخ آهي. اسلام آباد ۾ ڪشمير بابت قومي پارليماني ڪانفرنس کي خطاب ڪندي شاهه محمود قريشي جو چوڻ هو ته توهان درست چيو ته اِهو مسئلو زمين جي ٽڪري جو ناهي پر ان کان وڌيڪ گهرو آهي، ڀارت جي 5 آگسٽ واري قدم اسان جي ڳڻتي ۾ واڌ ڪئي آهي. هن چيو ته پرڏيهي وزير جي حيثيت سان، حڪومت پاڪستان طرفان توهان کي خاطري ڏياريان ٿو ته توهان جي پٺيان بيٺا آهيون توهان کي باور ڪرائڻ چاهيان ٿو ته دنيا نظرون موڙي سگهي ٿي پر پاڪستان توهان تان نظرون ڪڏهن به نه هٽائيندو. هن ٻڌايو ته مون کي علم آهي ته وزير اعظم عمران خان جنرل اسيمبلي جي اجلاس ۾ ڇا پئي چوڻ چاهيون ۽ آئون فخر سان چئي سگهان ٿو ته عمران خان توهان جي جذبن کي مجروح نه ٿيڻ ڏينداسين. هن چيو ته وزير اعظم عمران خان جي ڪاوشن سان 1965 جي جنگ جي 54 سالن کان پوءِ سلامتي ڪونسل ۾ ڪشمير مسئلو بحث هيٺ آيو جنهن جي ڳالهه گڏيل قومن جي سيڪريٽري جنرل بان ڪي مون جو بيان به سامهون آيو ۽ جيڪڏهن هو ان جي سوچ جي عڪاسي ڪري ٿو ته ان ۾ چيو ويپ هو ته هي عالمي سطح تي منظور ٿيل تڪرار آهي ۽ جنهن ئي عالمي قانون، گڏيل قومن جي چارٽر، ٻطرفن معاهدن جي تحت حل ڪري سگهجي ٿو. سندس وڌيڪ چوڻ هو ته اسان سفارتڪاري ۾ ڪاميابيون حاصل ڪيون آهن پر سفارتڪاري مان فوري حل حاصل نٿو ٿئي ان ڪري طويل عرصو گهربل آهي.

 

خورشيد شاهه جي گرفتاري جي مذمت، ڇا هو ملڪ کان ڀڄي رهيو هو جو ايئن ڪرڻو پيو: مراد علي شاهه

ڪراچي (18 سيپٽمبر 2019): سنڌ جي وڏي وزير سيد مراد علي شاهه پيپلز پارٽي جي سينئر اڳواڻ ۽ قومي اسيمبلي جي ميمبر خورشيد شاهه کي نيب هٿان گرفتار ڪرڻ تي شديد لفظن ۾ مذمت ڪندي چيو آهي ته خورشيد شاهه جي گرفتاري درست نه آهي، ڇا هو ملڪ کان ڀڄي رهيو هو جو ايئن ڪرڻو پيو، خورشيد شاهه نيب جي جانچ دوران هر ممڪن تعاون ڪري رهيو هو پر حڪومت خورشيد شاهه کي گرفتار ڪري تمام گهڻو غلط قدم کنيو آهي اهڙي وقت ۾ جڏهن ڪشمير جي معاملي تي قومي ٻڌي جو مظاهرو ڪيو پيو وڃي خورشيد شاهه کي گرفتار ڪري قومي يڪجهتي کي نقصان پهچايو ويو آهي.

 

ڪُتي جي وئڪسين نه ملڻ ڪري نينگر مير حسن جي فوت ٿيڻ واري واقعو: سنڌ حڪومت والدين کي ذميوار قرار ڏئي ڇڏيو

ڪراچي (اسٽاف رپورٽر) صوبائي وزير سعيد غني ڪُتي جي وئڪسين نه ملڻ ڪري نينگر مير حسن جي فوت ٿيڻ واري واقعي جو ذميوار والدين کي قرار ڏئي ڇڏيو. ڪمشنر لاڙڪاڻو جي رپورٽ جو حوالو ڏيندي صوبائي وزير چيو آهي ته والدين 40 ڏينهن اڳ وئڪسين ڏيارين ها ته نينگر جي حياتي بچائي پئي سگهي. صوبائي وزير سعيد غني بيان جاري ڪندي چيو آهي ته لاڙڪاڻو ۾ ڪُتي ڏاڙهڻ واري وئڪسين نه هجڻ ڪري نينگر جي تڙپي فوت ٿيڻ واري واقعي جي رپورٽ ملي وئي آهي، ڪمشنر لاڙڪاڻو طرفان رپورٽ سنڌ حڪومت ڏانهن اُماڻي وئي، نينگر مير حسن کي عيد الاضحيٰ کان 2 ڏينهن اڳ ڪُتي ڏاڙهيو هو، پر والدين ڪنهن به اسپتال ۾ علاج ڪرائڻ لاءِ نه ويا هئا. سعيد غني چيو ته ٻارڙي کي 17 سيپٽمبر يعني گذريل ڏينهن لاڙڪاڻي ۾ ڳڻتي جوڳي حالت ۾ آندو ويو، جنهن وقت ٻار کي آندو ويو، اُن وقت شديد انفيڪشن هجڻ ڪري ڪُتي جي ڏاڙهڻ واري وئڪسين نه پئي لڳائي سگهجي. ٻارڙي جي والدين ڪراچي نيئڻ جي ضد ڪئي، پر ڊاڪٽرز مشورو ڏنو ته هن حالت ۾ کيس ڪراچي نٿو کڻي وڃي سگهجي. صوبائي وزير سعيد غني چيو ته والدين جي ضد تي نينگر کي ايمبولينس ذريعي ڪراچي نيو پئي ويو ته رستي تي ئي فوت ٿي ويو. ٻارڙي کي جيڪڏهن 40 ڏينهن اڳ وئڪسين ڏياري وڃي ها ته سندس حياتي بچائي سگهجي ها. واضح رهي ته صوبائي وزير سعيد غني اهو نه ٻڌايو آهي ته رپورٽ ۾ شڪارپور ۽ لاڙڪاڻو جي اسپتالن ۾ وئڪسين موجود هئي يا نه؟

 

ڏوڪري لڳ ٻن موٽر سائيڪلن ۾ آمهون سامهون ٽڪر، هڪ فوت، 3 زخمي

ڏوڪري(رپورٽر) ڏوڪري  ڀرسان سوهو پئٽرول پمپ باء پاس وٽان ٻن موٽر سائينڪلن ۾ ٽڪر، 1 ڄڻو پورهيت معشوق ڪوري فوت شاگرد سميت 3 ڄڻا سخت زخمي،زخمي اسپتال داخل تفصيل موجب موهن جو دڙو ڀرسان باء پاس سوهو پئٽرول پمپ تي ٻن موٽر سائيڪلن جو آمهون سامهون ٽڪر ٿي پيو جنهن جي نتيجي ۾ ھڪ شاگرد عبدالرحمان ڪنڀر، عبيد الله ڪنڀر، سمير ڪوري، معشوق ڪوري سخت زخمي ٿي پيا هئا جن کي ڳڻتي جوڳي حالت ۾ اسپتال علاج لاء منتقل ڪيو ويو هيو جڏھن ته شاگرد عبدالرحمان ڪنڀر ۽ معشوق ڪوري جي نازڪ حالت هجڻ سبب لاڙڪاڻو اسپتال منتقل ڪيو ويو هيو.جڏهن ته عبيد الله ڪنڀر ۽ سمير ڪوري کي ڏوڪري اسپتال داخل ڪيو ويو هيو،جڏھن ته ڳوٺ ملان ساريو جو رهواسي معشوق ڪوري شديد زخمي هجڻ سبب زخمين جا سور نه سهندي هو لاڙڪاڻي جي چانڊڪا اسپتال ۾ فوت ٿي ويو.جڏھن ته فوتي معشوق ڪوري جو لاش موهن جو دڙو ڀرسان ڳوٺ ملان ساريو پهچايو ويو جتي گهر ۾ وارث عورتون لاش کي چنبڙي ويون ۽ گهر ۾ ڪهرام مچي ويو.