تازيون خبرون
حڪومت جي يو آءِ سان ڳالهين لاءِ راضي، مولانا وزير اعظم جي استعيفيٰ جو شرط رکي ڇڏيو - اهي ماڻهو ضد تي آهن ته آئين ٽوڙيو وڃي، آئين جي ابتڙ ڪوبه ڪم ٿيڻ نه ڏينداسين: مراد علي شاهه - غريبن جي پئسن مان بنگلا ٺهرائيندڙن لاءِ 4-5 ڪروڙ رُپيا جمع ڪرائڻ ڪو مسئلو نه آهي: عدالت - موري  ڀرسان بس ڪلٽي، 6 ڄڻا فوت، 35  زخمي - مسلم امت جو گڏيل اتحاد ۽ اتفاق خطي ۾ امن ۽ معاشي استحقام جو ضامن آهي: فردوس عاشق اعواڻ - شاهي جوڙي جو چترال پهچڻ تي شاندار استقبال، روايتي ٽوپي پهرائي ويئي - مون کي يقين آهي ته ڌرڻو نه هنيو ويندو، سولائي سان ڌرڻي جي اجازت نه ملندي: شيخ رشيد - پ پ چونڊن دوران ڪيل واعدا پاڙي رهي آهي، صحافين جي جان مال جي تحفط  لاءِ  قانون جوڙي رهيا  آهيون: سعيد غني - حمزه شهباز کي ميڊيا سان ڳالهائڻ کان روڪڻ ۽ صحافين تي تشدد جي مذمت، ملڪ تي عمران سوچ مڙهيل آهي:مريم اورنگزيب - نيب انور مجيد سوڌو ٻين جوابدارن خلاف ريفرنس داخل ڪرڻ ۽ ايس بي سي اي ۽ ڪي ايم سي خلاف جاچ جي منظوري ڏئي ڇڏي

Daily Archives: September 14, 2019

آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان

اسلام آباد(ويب ڊيسڪ) وزير اعظم عمران خان جو چوڻ آهي ته توهان کي ٻڌائيندس ته لائن آف ڪنٽرول ڪڏهن وڃڻو آهي پهرين مون کي گڏيل قومن ۾ وڃڻ ڏيو ۽ ڪشمير جو ڪيس وڙهڻ ڏيو. آزاد ڪشمير جي راڄڌاني مظفر آباد ۾ ڪشميرين سان ٻڌي جي اظهار لاءِ رٿيل جلسي سان خطاب ڪندي وزير اعظم عمران خان چيو ته مون کي خبر اهي ته توهان لائن آف ڪنٽرول ڏانهن وڃڻ چاهيون ٿا پر هن وقت لائن آف ڪنٽرول ڏانهن نه وڃڻو جيستائين آئون توهان کي نه ٻڌايان آئون توهان کي ٻڌائيندس. عمران خان چيو ته پهرين مون کي گڏيل قومن ۾ وڃڻ ڏيو، دنيا جي اڳواڻن کي ٻڌائڻ ڏيو ۽ ڪشمير جو ڪيس وڙهڻ ڏيو ۽ هنن کي ٻڌائڻ ڏيو ته جيڪڏهن ڪشمير جو مسئلو حل ناهي ڪيو ويو ته ان جو اثر سڄي دنيا تي پوندو. وزير اعظم عمران خان چيو ته مون دنيا ۾ ڪشمير جو سفير بڻجڻ جو فيصلو ان ڪري ڪيو جو آئون پاڪستاني آهيان، مسلمان آهيان ۽ هڪ انسان آهيان. هن چيو ته ڪشمير جو مسئلو انسانيت جو مسئلو آهي، 40 ڏينهن کان اسان جا ڪشميري ڀائر، ڀيڻون، بزرگ ۽ ٻار ڪرفيو جي ور چڙهيل آهن. عمران خان چيو ته نريندر مودي هڪ بزدل انسان آهي، بزدل انسان اهڙو ظلم ڪندو جيڪو ڀارت جي 9 لک  فوج اڄ ڪشميرين تي ڪري رهي آهي، جنهن ۾ به انسانيت هوندي آهي ته اُهو ڪڏهن به اِهو نٿو ڪري سگهي. وزير اعظم عمران خان چيو ته هڪ دلير انسان ڪڏهن به عورتن ۽ ٻارن تي اِهو ظلم نٿو ڪري سگهي، جيڪو نريندر مودي ۽ ان جي پارٽي آر ايس ايس والاريل وادي ۾ ڪري رهي آهي. عمران خان چيو ته نريندر مودي توهان ڪشميرين تي جيترو به ظلم ڪيو ڪامياب نه ٿيندا ڇو ته ڪشمير جي عوام ۾ موت جو خوف ختم ٿي چڪو آهي، انهن جو ڊپ هليو ويو آهي، توهان جي مرضي جيڪو  ڪيو هنن کي شڪست نٿا ڏئي سگهو. هن چيو ته نريندر مودي ننڍپڻ کان آر ايس ايس جو ميمبر آهي، ان پارٽي جي اندر مسلمانن جي نفرت ڀريل آهي. پنهنجي ڳالهه ٻولهه کي جاري رکندي هن چيو ته 100 سال پهرين بڻيل پارٽي جا 2 مقصد هئا ته ڀارت رڳو هندن جي لاءِ آهي، مسلمانن، عيسائين ۽ ٻين اقليتن کي برابر شهري ناهن سمجهندا. عمران خان چيو ته آر ايس ايس جي دلين ۾ مسلمانن جي لاءِ نفرت ڀريل آهي جيڪڏهن مسلمانن هتي حڪومت نه ڪئي هجي ها ته هندو قوم خبر ناهي ڪيتري وڏي پاور هجن ها، اهڙن خيالن جي ڪري آر ايس ايس هميشه کان مسلمانن جي خلاف هئي. وزير اعظم عمران خان چيو ته آئون سڄي دنيا ۾ ڪشمير جو سفير بڻجي ويندس ۽ دنيا کي ٻڌائيندس ته آر ايس ايس جي اصليت ڇا آهي، جهڙي ريت هٽلر ۽ نازي پارٽي جرمني ۾ اقليتن تي ظلم ڪيو ۽ انسانن جو قتل عام ڪيو هي به انهيءَ رستي تي هلي رهيا آهن.

 

“آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو

ڪراچي(اسٽاف رپورٽر)  سينيٽر رضا رباني سنڌ اسيمبلي بلڊنگ ۾ هڪ وڏي هجوم سان خطاب ڪندي چيو ته وفاقي حڪومت آرٽيڪل 161 جي تحت اين ايف سي ايوارڊ ڏيڻ ۾ ناڪام ٿي چڪي آهي سنڌ کي گيس جا پئسا به فراهم ناهن ڪيا ويا  جنهن سان سنڌ حڪومت مالي طور مشڪلن جو شڪار رهي آهي اگر 18 ترميم کي رول بيڪ ڪيو ويو ته خاص طور ننڍن صوبن جي ڳالهه نه مڃي وئي ته ننڍا صوبا وسيع اتحاد جيڪو حڪومت لاءِ تعزيانو ثابت ٿيندو سنڌ جي عوام کي ڪراچي جي تقسيم جنهن طور قبول ناهي ڪراچي کي الگ ڪرڻ واري سوچ  رکندڙ سياسي اڳواڻ سنڌ جي حالتن کي نظر ۾ رکي وفاقي حڪومت آئين جي پاسداري ڪري 18 هين ترميم هجي يا قاضي عيسي فائز هجي جڏهن به ڪو حق جي خلاف ڳالهائيندو آهي ته ان جي اواز دٻائي ويندي آهي ۽ ان خلاف ريفرنس تيار ڪيو ويندو آهي . سنڌ جي اطلاعات ۽ پورهئي واري کاتي جي صوبائي وزير سعيد غني  ۽ سينيٽر رضا رباني چيو ته سنڌ حڪومت ڪراچي خلاف سازشن جي نئين دور جي سخت مذمت ڪئي آهي اها ڳالهه هن اڄ سنڌ اسيمبلي ۾ پريس ڪانفرنس سان خطاب ڪندي ڪئي سعيد غني ان موقعي تي چيو ته اسان ڪراچي جي خلاف وفاقي حڪومت کي خبردار ڪيو آهي ته سنڌ حڪومت، عوام ۽ انهن جي قيادت سنڌ جي دارالحڪومت خلاف ڪنهن به سازش کي برداشت نه ڪندي سينيٽر رضا رباني چيو ته هڪ وفاقي وزير پنهنجي بيان ۾ چيو ته وفاق آرٽيڪل 149 جي ذريعي ميگا……. ڪراچي جا انتظامي معاملا سنڀالڻ تي غور ڪري رهيو آهي ۽ نيازي ڪراچي کي اسلام آباد مان هلائڻ چاهي ٿو ڪجهه ڏينهن پهريون وفاقي وزير فروغ نسيم بيان ڏنو هو ته مرڪز، ڪراچي جي معاملي تي اسٽريجٽڪ ڪنٽرول تي غور ڪري رهيو آهي ۽ وفاقي وزير وزيراعظم کي سفارش ڪرڻ وڃي رهيو آهي ته هو ڪراچي جي لاءِ آرٽيڪل 149 تي عمل ڪري سينيٽر رضا رباني پريس ڪانفرنس سان خطاب ڪندي چيو ته سنڌ ۾ حڪمران جماعت صوبي سنڌ سان ڪنهن به امتيازي سلوڪ جي سازش کي قبول نه ڪندا هن وفاقي حڪومت کي تنقيد جو نشانو بڻائيندي چيو ته وفاقي حڪومت عوام جو جيئن ازاب ڪري ڇڏيو آهي ۽ روزمره جي ضرورتن جي شين تي هوش اڌائيندڙ واڌ ڪري رهي آهي جنهن سان عوام جا مسئلا انتها جي حد تائين پهچي ويا آهن سعيد غني پريس ڪانفرنس سان خطاب ڪندي چيو ته وفاقي حڪومت عوام کي مهانگائي ۽ بيرزگاري کانسواءِ ڪجهه ناهي ڏنو جنهن ڪارڻ عوام جي معياري زندگي بدترين سطح تائين پهچي وئي آهي. سنڌ جي اطلاعات ۽ پورهئي واري کاتي جي صوبائي وزير ۽ سينيٽر رضا رباني چيو ته اسان اهڙي ڪنهن به تجويز کي واضح طور رد ڪندي ان جي سخت مزمت ڪندا آهيون اهڙي ڪنهن به تجويز سان شهري ۽ ٻهراڙي بنيادن تي تقسيم ۽ تفريق کان علاوه ڪجهه حاصل نه ٿيندو صوبائي وزير سعيد غني چيو ته تحريڪ انصاف جي حڪومت مالي معاشي بحران کانپوءِ آئيني بحران پيدا ڪرڻ جي ڪريل سازش ڪري رهي آهي هن چيو ته فيڊريشن ڪراچي تي ڪنٽرول سنڀالن ۽ وفاقي حڪومت  ۽ ان جي ڪابينا آرٽيڪل 149 جي تحت ملڪ کي خوف ۽ حراس جي ماحول ۾ هلائڻ جي خواهشمند آهي فيدريشن امن امان جي صورتحال ۽ مالياتي معاملا بابت ڪنهن به صوبي کي مشورو ڏئي سگهي ٿي جڏهن ته پي ٽي آئي جي قيادت حڪومت آئيني شق جي تحت سنڌ ۾ ايگزيڪٽو اٿارٽي جو استعمال ڪرڻ چاهي ٿي اطلاعات ۽ پورهئي کاتي جي وزير سعيد غني وڌيڪ چيو ته آرٽيڪل 149 ڪراچي جي مسئلن جو حل ناهي ان عمل کي براه راست غير آئيني مداخلت ۽ صوبائي خود مختياري تي حملو سمجهيو ويندو صوبائي وزير سعيد غني چيو ته آرٽيڪل 149 منتخب سنڌ حڪومت جي خلاف سازش آهي پر اسان کي اميد آهي ته اهڙي ڪابه سازش جلد ختم ٿي دم ٽوڙي ويندي

 

سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود

اسلام آباد (ويب ڊيسڪ) پرڏيهي وزير شاهه محمود قريشي چيو آهي ته آئين جو احترام هيو، آهي ۽ رهندو، اسان صوبائي خودمختياري تي يقين رکون ٿا. قومي اسيمبلي ۾ خيالن جي اظهار دوران ڪراچي کي وفاق جي ڪنٽرول ۾ آڻڻ بابت فروغ نسيم جي بيان تي شاهه محمود قريشي چيو ته قانون واري وزير جي ڳالهه کي ٽوڙي مروڙي پيش ڪيو پيو وڃي، هن آرٽيڪل 149 جي بيان تي وضاحت به ڏني هئي پر بلاول کي سنڌو ديش ۽ پختونستان جي ڳالهه ڪرڻ مناسب نه هو، سنڌو ديش  پختونستا جي ڳالهه ڪندڙ مار ڪائي ويندا، پرڏيهي ملڪن کي تعصب جو لهر جو تاثر نه ڏيو. هن چيو ته آئين جو احترام هيو، آهي ۽ رهندو، اسان صوبائي خودمختياري تي يقين رکون ٿا، سنڌ هن ملڪ جو حصو آهي، نه سنڌ حڪومت ۾ ڪا ڇيڙ ڇاڙ ڪنداسين ۽ نه ئي بلاول جي حب الوطني تي شڪ آهي، سڀ وفاق جو ساٿ ڏيندا. سندس چوڻ هو ته ڀارت اڄ منهن ڏيکارڻ جوڳو ناهي رهيو، آمريڪي ڪانگريس جي چئن ميمبرن ٽرمپ کي خط لکيو آهي ، 17 سيپٽمبر تي يورپين پارليامنيٽ ۾ ڪشمير مسئلو اٿاريو ويندو، اڄ هندستان جيتري دفائي پوزيشن ۾ آهي اوترو ماضي ۾ نظر ناهي آيو، هندستان کي هر فورم تي منهن جي کائڻي پئي، الله جي فضل سان 58 ملڪن پاڪستان جي موقف جي حمايت ڪئي.

 

آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ

اسلام آباد (ويب ڊيسڪ) سپريم ڪورٽ جي سينيئر جج جسٽس گلزار احمد ريمارڪس ڏنا آهن ته عهدن تي ويٺل ماڻهن جي گھڻائي عوام جي خدمت نٿي ڪري  ۽ ملڪ اندر آفيسر شاهي هلڻ نه ڏينداسي. سپريم ڪورٽ ۾ خيبرپختونخواهه جي پاڻي نيڪال ڪرڻ واري کاتي جي ملازم پرويز خان جي ڪيس جي ٻڌڻي ٿي. ايڊيشنل ايڊووڪيٽ جنرل خيبروپختونخواهه ٻڌايو ته پرويز خان جعلي ڊگري جي بنياد تي نوڪري ڪئي، 2 ڊوميسائيل رکيا ۽ ٻن مختلف سرڪاري کاتن مان هڪ ئي وقت پگھار ورتي، ان سان گڏوگڏ آمريڪي ڪمپني ۾ به ملازمت ڪئي ۽ پگھار وٺندو رهيو. جسٽس گلزار احمد ريمارڪس ڏنا ته پهريان اهڙا آفيسر هوندا هئا جيڪي دل سان پبلڪ سروس ڪندا هئا، اڄ جيڪي ماڻهو عهدن تي ويٺل آهن انهن مان گھڻا ماڻهو پبلڪ سروس ناهن ڏيندا، ماڻهن جي خدمت ڪندڙ آفيسر ڪيڏانهن ويا، هن ملڪ ۾ سول سروس کي ڇا ٿي ويو آهي. سپريم ڪورٽ ٻڌڻي کان پوءِ پرويز خان جو ڪيس ملتوي ڪرڻ جي درخواست رد ڪري ڇڏي. ان کان سواءِ سپريم ڪورٽ ۾ ريلوي جي ننڍن ملازمن جي نوڪري تي بحالي واري دروخواست تي ٻڌڻي ٿي. عدالت گريڊ 5 جي ٽن ريلوي ملازمن کي بحال ڪندي فيڊرل سروس ٽربيونل جي فيصلي کي برقرار رکيو ۽ ريلوي کاتي جي درخواست رد ڇڏي. وڪيل شرين عمران ٻڌايو ته 2010ع ملازمن کي نوڪري مان برطرف ڪيو ويو هو. جسٽس گلزار احمد چيو ته ملڪ اندر قانون هلندو آهي، آفيسر شاهي هلڻ نه ڏينداسين، اها ڪا راند ناهي، قانون تحت اوهان کي ڪم ڪرڻو آهي، ماڻهن جون 15،15 ورهين جو نوڪريون آهن انهن ٻاهر ڪيئن ٿو ڪڍي سگھجي.

 

اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته اسان کي هر ميدان تي سفارتي ڪاميابي ۽ ڀارت کي هار ٿي رهي آهي والاريل ڪشمير ۾ دوائون کاڌي پيتي جون شيون ۽ ٻين ضروري شين جي سخت کوٽ آهي زندگي تي موت جو پهرو آهي انشاءالله ظلم کي شڪست ٿيندي آزادي جي چٽي صبح جو سج اڀرڻ والاريل ڪشمير جي وادي جو مستقبل آهي ٽيوٽر تي پنهنجي بيان ۾ هن چيو ته هلو هلو مظفرآباد هلو، والاريل ڄمون ۽ ڪشمير جي عوام سان ٻڌي جي اظهار لاءِ اجماعت سڄي دنيا ۾ ڪشميرين جي دانهن بڻجندو هن چيو ته عظيم ڪشميرين جي عظيم جدوجهد کي سلام پيش ڪيون ٿا جيڪي ڀارتي ظلم ۽ ڏاڍ جي خلاف بهادري سان مهاڏو اٽڪايو بيٺا آهن چيو ته سڄي دنيا ۾ ڀارت وائکو ٿي چڪو آهي سلامتي ڪا.ئونسل، او آءِ سي ۽ خاص ڪري جنيوا ۾ 58 ملڪن جو گڏيل پڌرنامو ڪشمير تي پاڪستاني موقف جي تائيد ڪري رهيو آهي. هن چيو ته هر جمعي ڏينهن ڪشميرين سان ٻڌي جي اظهار لاءِ هن ڀيري وزيراعظم مظفرآباد ۾ ڪشميرين جو آواز سڄي دنيا تائين پهچائندو عمرانخ ان هر فورم تي ڪشميرين جو ڪيس وڙهندو هن چيو ته والاريل واڌي ۾ ڪرفيو کي هڪ مهيني کان وڌيڪ ٿي ويو آهي.

 

ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد

مظفر آباد(ويب ڊيسڪ) ريلوي واري وفاقي وزير شيخ رشيد احمد جو چوڻ آهي ته ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ڪشميري عقل مند قوم آهي ۽ ٽيبل جي هيٺان انهن جو سمجهوتو ناهي ٿيڻ وارو.  مظفر آباد ۾ پريس ڪانفرنس ڪندي وفاقي وزير شيخ رشي مخالف ڌر کان ڪشمير جي مسئلي تي هڪ ٿيڻ جي اپيل ڪئي. سندس چوڻ هو ته نريندر مودي جو عقل جواب ڏئي چڪو آهي ۽ مودي سمجهي ٿو ته پاڪستان معاشي مسئلن ۾ گهيريل آهي. هن چيو ته پاڪستان جي معيشت ڪمزور ٿي سگهي ٿر پر دفاع نه، اسان جا نوجوان سر هٿ ۾ رکي مودي جي حملي جو انتظار ڪري رهيا  آهن. شيخ رشيد جو چوڻ هو ته ڀارت منصوبابندي جي تحت ڪشمير جا ٻه ٽڪر ڪيا، مون کي يقين آهي ته 27 تاريخ تي وزير اعظم جينيوا ۾ عالمي برادري کي واضح پيغام ڏيندو.هن چيو ته مودي فاشسٽ 303 ميمبرن مان ڪنهن مسلمان کي ٽڪيٽ ناهي ڏني، آسام ۾ 20 لک مسلمانن کي هن ٻئين درجي جو شهري بڻائي ڇڏيو جنهن کان پوءِ هو اتر پرديش، مهاراشٽريه ۽ لکنئو  وغيره ۾ به اِهو ئي ڪم ڪرڻ جو ارادو رکن ٿا. سندس چوڻ هو ته نريندر مودي اسلام ۽ مسلمانن جي خلاف اعلان جنگ ڪيو آهي، هن جو هندوستان ۾ سپر پاور بڻجڻ جو خواب ڌوڙ ٿي ويندو. ريلوي واري وزير چيو ته هندستان ۾ نسل ڪشي کي ڪڏهن به قبول نه ڪنداسين. هن اعلان ڪيو ته هو 22 سيپٽمبر تي سرحد جي ان مقام تي ويندو جتي ڀارتي جهاز ڪيرايو ويو هو. سندس چوڻ هو ته آزاد ڪشمير جو دورو مڪمل ڪرڻ کان پوءِ والاريل ڪشمير ۾ ڪال ڏيندس ۽ ان جو نتيجو دنيا ڏسندي. هن ڪشمير جي حق ۾ ميڊيا جي ڪردار کي ساراهيو ۽ چيو ته، آئون چاهيان ٿو ته والاريل ڪشمير ۾ به پاڪستاني چينل ڏيکاريا وڃن. شيخ رشيد جو چوڻ هو ته ڀارت ايٽمي ڌماڪا ڪري غلطي ڪئي هئي، اهڙي ريت ڀارت لاقانونيت ڪري غلطي ڪئي آهي، تاريخ ثابت ڪندي ته ڀارت ڪنهن به طرفان گهڙڻ جي ڪوشش ڪري پر ناڪام ٿي ويندو. هن چيو ته جيڪي ماڻهو سمجهن ٿا ته ڪشمير جو مسئلو حل ڪرڻ کان سواءِ ڳالهيون ٿي سگهن ٿيون اُهي بي وقوف آهن، ڪشمير جو ٽيبل جي هيٺان سمجهوتو ناهي ٿيڻ وارو. هن چيو ته اسان کي خبر اهي ته ڀارت ۾ 22 کان 24 ڪروڙ مسلمان آهن ۽ اسان کي اِها به خبر اهي ته ڪهڙو مصالحو ڪاٿي استعمال ڪرڻو آهي. هن وڌيڪ چيو ته اسان ان جاءِ تي پهچي چڪا آهيون جو هن وقت نه ته ڪڏهن به نه.

 

مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه

مظفر آباد(ويب ڊيسڪ) ريلوي واري وفاقي وزير شيخ رشيد احمد جو چوڻ آهي ته ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ڪشميري عقل مند قوم آهي ۽ ٽيبل جي هيٺان انهن جو سمجهوتو ناهي ٿيڻ وارو.  مظفر آباد ۾ پريس ڪانفرنس ڪندي وفاقي وزير شيخ رشي مخالف ڌر کان ڪشمير جي مسئلي تي هڪ ٿيڻ جي اپيل ڪئي. سندس چوڻ هو ته نريندر مودي جو عقل جواب ڏئي چڪو آهي ۽ مودي سمجهي ٿو ته پاڪستان معاشي مسئلن ۾ گهيريل آهي. هن چيو ته پاڪستان جي معيشت ڪمزور ٿي سگهي ٿر پر دفاع نه، اسان جا نوجوان سر هٿ ۾ رکي مودي جي حملي جو انتظار ڪري رهيا  آهن. شيخ رشيد جو چوڻ هو ته ڀارت منصوبابندي جي تحت ڪشمير جا ٻه ٽڪر ڪيا، مون کي يقين آهي ته 27 تاريخ تي وزير اعظم جينيوا ۾ عالمي برادري کي واضح پيغام ڏيندو.هن چيو ته مودي فاشسٽ 303 ميمبرن مان ڪنهن مسلمان کي ٽڪيٽ ناهي ڏني، آسام ۾ 20 لک مسلمانن کي هن ٻئين درجي جو شهري بڻائي ڇڏيو جنهن کان پوءِ هو اتر پرديش، مهاراشٽريه ۽ لکنئو  وغيره ۾ به اِهو ئي ڪم ڪرڻ جو ارادو رکن ٿا. سندس چوڻ هو ته نريندر مودي اسلام ۽ مسلمانن جي خلاف اعلان جنگ ڪيو آهي، هن جو هندوستان ۾ سپر پاور بڻجڻ جو خواب ڌوڙ ٿي ويندو. ريلوي واري وزير چيو ته هندستان ۾ نسل ڪشي کي ڪڏهن به قبول نه ڪنداسين. هن اعلان ڪيو ته هو 22 سيپٽمبر تي سرحد جي ان مقام تي ويندو جتي ڀارتي جهاز ڪيرايو ويو هو. سندس چوڻ هو ته آزاد ڪشمير جو دورو مڪمل ڪرڻ کان پوءِ والاريل ڪشمير ۾ ڪال ڏيندس ۽ ان جو نتيجو دنيا ڏسندي. هن ڪشمير جي حق ۾ ميڊيا جي ڪردار کي ساراهيو ۽ چيو ته، آئون چاهيان ٿو ته والاريل ڪشمير ۾ به پاڪستاني چينل ڏيکاريا وڃن. شيخ رشيد جو چوڻ هو ته ڀارت ايٽمي ڌماڪا ڪري غلطي ڪئي هئي، اهڙي ريت ڀارت لاقانونيت ڪري غلطي ڪئي آهي، تاريخ ثابت ڪندي ته ڀارت ڪنهن به طرفان گهڙڻ جي ڪوشش ڪري پر ناڪام ٿي ويندو. هن چيو ته جيڪي ماڻهو سمجهن ٿا ته ڪشمير جو مسئلو حل ڪرڻ کان سواءِ ڳالهيون ٿي سگهن ٿيون اُهي بي وقوف آهن، ڪشمير جو ٽيبل جي هيٺان سمجهوتو ناهي ٿيڻ وارو. هن چيو ته اسان کي خبر اهي ته ڀارت ۾ 22 کان 24 ڪروڙ مسلمان آهن ۽ اسان کي اِها به خبر اهي ته ڪهڙو مصالحو ڪاٿي استعمال ڪرڻو آهي. هن وڌيڪ چيو ته اسان ان جاءِ تي پهچي چڪا آهيون جو هن وقت نه ته ڪڏهن به نه.

 

بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج

اسلام آباد(ويب ڊيسڪ) پاڪستان پيپلز پارٽي جي نائب صدر سينيٽر شيري رحمان پارٽي جي چيئرمين جي بيان تي پرڏيهي وزير شاهه محمود قريشي جي رد عمل تي جواب ڏيندي حڪومتي ميمبرن کي چيلينج ڪيو آهي هو بلاول ڀٽو زرداري جي بيان مان ملڪ دشمني ڪڍي ڏيکارين. سينيٽر شيري رحمان پرڏيهي وزير طرفان قومي اسيمبلي ۾ پ پ چيئرمين بابت ڏنل بيان تي چيو ته شاهه محمود قريشي بلاول ڀٽو جي بيان تي بنا ٻڌي تبصرو ڪيو. هن چيو ته چيئرمين بلاول ڀٽو زرداري سنڌو ديش ۽ پختونستان جي تصورن جي مذمت ڪئي، ان ڪري حڪومتي ميمبرن سڄي ڳالهه ٻڌڻ کان پوءِ پنهنجي  زبان کي زحمت ڏيندا ڪن. گڏوگڏ ئي هن حڪومتي ميمبرن کي چيلينج ڪيو ته حڪومتي ميمبر، بلاول ڀٽو جي بيان مان ملڪ دشمني ڪڍي ڏيکارين. سينيٽر شيري رحمان جو چوڻ هو ته پيپلز پارٽي 18هين آئيني ترميم ڪري سنڌو ديش ۽ پختونستان جو نعرو لڳائيندڙن کي ختم ڪري ڇڏيو. هن چيو ته پيپلز پارٽي وفاق جو آواز آهي، پيپلز پارٽي سنڌ ۽ خيبرپختونخواهه ۾ عليحدگي پسند عنصرن جي خلاف سڀ کان وڏي قوت آهي. پر سندس چوڻ هو ته حڪومت سياسي مخالفت ۾ ملڪ دشمن جي الزام تي لهي آئي آهي. خيال رهي ته گذريل ڏينهن پيپلز پارٽي جي چيئرمين بلاول ڀٽو زرداري چيو هوت توهان سوچيو ته جيڪڏهن ڪالهه بنگلاديش بڻيو هو ته توهان جيڪڏهن ظلم ڪندا رهندا ۽ پيپلز پارٽي جهڙي پارٽي بيهندي ته ڪلهه سنڌوديش به بڻجي سگهي ٿو. سرائيڪي ديش ۽ پشتونن جو ديش به بڻجي سگهي ٿو.ياد رهي ته گذريل ڏينهن پيپلز پارٽي جي چيئرمين بلاول ڀٽو زرداري حيدرآباد ۾ صحافين سان ڳالهائيندي چيو هو ته بنگلاديش ٺهي ويو هاڻ جيڪڏهن ظلم جو سلسلو برقرار رهيو ته سنڌو ديش ۽ سرائڪي ديش به ٺهي سگھن ٿا.بلاول ڀٽو زرداري چيو ته پ پ ڪنهن صورت ۾ سنڌ خلاف سازش ڪامياب ٿيڻ نه ڏيندي. پ پ آخري حد تائين سنڌ لاءِ وڙهندي.

 

ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي

ڪراچي (اين اين آءِ) ڪراچي ۾ واري، بجري ۽ پٿرن جون ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز کي ڏني ويئي شهر ۾ سيوريج جي مين لائينن مان بجري ۽ پٿر جون ٻوريون نڪرڻجو سلسلو وڌي رهيو آهي جنهن کي روڪڻ لاءِ رينجرز کي حڪم ڏنا ويا جنهن کان پوءِ رينجرز ڪراچي شهر جي مين هولز ۾ بجري جون ٻوريون وجهي بند ڪندڙ اڻڄاتل شرپسندن جي ڳولا ۽ علائقي واسين کان ڄاڻ وٺڻ شروع ڪري ڇڏي مڪمل ثبوت ملڻ کان پوءِ گرفتاريون به ٿينديون سهر جي مختلف علائقن، ملير، ڪورنگي، لانڍي، حسين آباد، سرجاني، ناظم آباد، نيوڪراچي، نارٿ ڪراچي سميت اولڊ ستي ايريا جي اڪثر علائقن مان صفائي وقت بجري سان ڀريل ٻوريون هٿ آيون اهن جيڪي پاڻي کي روڪڻ جو سبب بڻجي رهيون هيون شهر جا ڳچ علائقا ڪني پاڻي جو تلاءُ وارو ڏيک ڏيئي رهيا آهن جڏهن ته جڳهه جڳهه گندي پاڻي شهرين کي عذاب ۾ مبتلا ڪري ڇڏيو آهي ماڊل ملير زون سعودآباد بن داد جي سامون مين هولز مان 10، کوکراپار پي ايس او پيٽرول پمپ جي سامهون مين هولز مان 7 کان وڌيڪ، ماڊل ڪالوني سعيد سپر اسٽور مان 11، ماڊل ڪالوني ڊاخانه مان 10 جڏهن ته جلباڻي ڳوٺ مان اٽڪل 60 ٻوريون سيوريج جي نالن مان هٿ آيون آهن جنهن سان سيوريج لائيون بند ٿي ويون جنهن سان ڪنو پاڻي روڊن رستن ۽ گهٽين ۾ گڏ ٿي رهيو هو ٻئي پاسي وفاقي وزير علي زيدي جي ٽيوٽ ۾ گٽر ۽ نالن مان ٻوريون ڪڍندڙ سينيٽري ورڪز جو پتو لڳايو ويو سينيٽر ورڪز صدر سرافا بازار ۾ سيوريج لائين مان نڪرندر ٻورين سميت بيٺو هو ۽ ان کي جيولرز سيوريج لائون کولڻ لاءِ گهرايو هو وفاقي وزير علي زيدي ڪراچي ۾ سيوريج جي نظام کي برباد ڪرڻ لاءِ گٽرن ۾ ٻوريون وجهڻ جي سازش جو انڪشاف ڪيو هو ۽ اهي تصويرون به ٽوئٽ ڪيون هيون جن ۾ روڊ رستي ڪجهه ماڻهو گٽر مان نڪتل ٻورين سميت بيٺل نظر اچي رهيا هئا وفاقي وزير علي زيدي جيڪا تصوير ٽوئٽ ڪئي ان ۾ جيڪو سينيٽر ورڪر بيٺو آهي اهو رنڇوڙلائين جو رهواسي 22 سالن جو ساجن آهن ساجن جو چوڻ آهي ته هو پنهنجي والد سان ننڍپڻ کان سرافا بازار جي ڪارخانن مان نڪرندڙ گند گڏ ڪري سون جا زرڙا ڪڍندڙن کي وڪرو ڪري ٿو جنهن ۾ سون جا زرا نڪرن ٿا تازين برساتن ۾ علائقو پاڻي هيٺ اچي ويو ۽ سيوريج نظام ڊانواڊول ٿي ويو پريشان سونارن سيوريج جي نظام جي بحالي لاءِ سينيٽري ورڪرز سان رابطو ڪيو ۽ پنهنجي مدد پاڻ تحت سيوريج جي نظام کي بهال ڪيو ان ڪم ۾ حصو وٺندڙ ٻين مزدورن جو چوڻ هو ته سرافا بازار جي ٻين مرڪزي گهٽين مان سيوريج جي نالن مان 150 ٻوري مٽي ۽ گند ڪڍيو ويو ان عمل جي ڪنهن تصوير ٺاهي سوشل ميڊيا تي وجهي ڇڏي ۽ وفاقي وزير بنا تحقيق ۽ تصديق انهن ٻورين کي نالن ۾ وجهڻ جو شڪ ظاهر ڪندي سي سي ٽي وي فوٽيج پوسٽ ڪري ڇڏي هئي.

 

 

آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

.نئين دهلي (اين اين آءِ) ڀارتي فوج جي سربراهه جنرل بپن راهوت چيو آهي ته ڀارتي فوج پاڪستان جي آزاد ڪشمير تي قبضو ڪرڻ لاءِ پوري طرح تيار آهي جڏهن ته ان حوالي سان آخري فيصلو حڪومت کي ڪرڻو آهي جيڪڏهن حڪومت اسان کي حڪم ڏي ته اسان جي سموري تياري مڪمل آهي والاريل ڪشمير ۾ گذريل 30 سالن کان صورتحال پريشان ڪندڙ آهي ۽ ڀارتي فوج جيڪو ڪجهه ڪري رهي آهي هي ان جي مفاد ۾ وڇي ٿو ۽ جلد کين خبر پئجي ويندي ته امن امان جي صورتحال بهتر ٿي آهي ڀارتي ٽي وي موجب ڀارتي هڪ سوال جي جواب ۾ ته پاڪستان جي پرڏيهي وزير شاهه محمود قريشي هڪ تقريب ۾ ڄمون ڪشمير کي ڀارتي ڪشمير چيو آهي ان جي جواب ۾ بپن راوت جو چوڻ هو ته مون کي خوشي آهي ته پاڪستاني پرڏيهي وزير حقيقت تسليم ڪئي آهي ۽ هي حقيقت آهي هڪ ٻئي سوال جي جواب ۾ بپن راوت جو چوڻ هو ته والاريل ڪشمير ۾ گذريل 30 سالن کان صورتحال پريشان ڪندڙ آهي.