تازيون خبرون
نواز شريف کي 4 هفتن لاءِ پرڏيهه وڃڻ جي مشروط اجازت ڏيڻ جو فيصلو - سنڌ حڪومت جو وفاق خلاف سپريم ڪورٽ وڃڻ جو اعلان - نواز شريف جي علاج کي دير وارن حربن جي ور چاڙهڻ بدترين ظلم آهي: ن ليگ - اسلام آباد ۾ آزادي مارچ ختم، پلان بي شروع، شاهراهون بند ڪرڻ جي هدايت - پاڪستان پنهنجي معيشت کي مستحڪم ڪري ورتو آهي، نئون حدف نوجوانن کي روزگار ڏيڻ آهي : عمران خان - مولانا فضل الرحمان جو پلان بي سياسي بدحواسي منصوبو آهي، اهڙو قدم نه کڻي جو سياسي عبرت جو نشان بڻجي: فردوس اعواڻ - حڪومت تي سياسي مخالفن جي حياتين سان کيڏڻ جو الزام، طبي سهولت سمورن سياسي قيدين کي ڏيڻ گهرجيۡ: بلاول ڀٽو زرداري - هر قسم جي چيلنجن ۽ ايل ايو سي کي منهن ڏيڻ لاءِ تيار آهيون: جنرل قمر جاويد باجوه - نواز شريف کي ڍر ڏينداسين ته سڀاڻي زرداري به تيار ٿي ويندو: فواد چوڌري - مفرور جوابدار گرفتار نه ٿيا، سنڌ هاءِ ڪورٽ پاران جوابدارن جي گرفتار نه ٿيڻ تي ڳڻتي ۽ ڏوهن جي واڌاري جو مک سبب ڀاڳيلا قرار

Monthly Archives: September 2019

والاريل ڪشمير ۾ ڪرفيو هٽڻ سان خونريزي ٿيندي، جنگ لڳي ته ڪجهه به ٿي سگهي ٿو: عمران خان

نيويارڪ(نيوز ڊيسڪ) وزيراعظم عمران خان گڏيل قومن کي والاريل ڪشمير مان ڪرفيو هٽائڻ لاءِ قدم کڻڻ جي اپيل ڪندي چيو آهي ته ڪشميرين سان جهڙو ظلم ڪيو پيو وڃي، اهڙو ظلم مونسان ٿئي ته مان به هٿيار کڻڻ تي مجبور ٿيندس. ڀارت کي ڪرفيو هٽائڻو پوندو، جنگ جي صورت ۾ ڪو به آپشن نه بچندو پر ان جو اثر دنيا تي به پوندو. وزيراعظم عمران خان گڏيل قومن جي جنرل اسيمبلي کي خطاب ڪندي والاريل ڪشمير ۾ ظلمن ۽ ڀارت جو ڪڌو چهرو وائکو ڪيو. وزيراعظم چيو ته پاڪستان سمورن انتهاپسندن گروپس کي ختم ڪري ڇڏيو آهي، گڏيل قومن کي درخواست ڪيان ٿو ته پنهنجو مشن پاڪستان اماڻي چيڪ ڪري. عمران خان چيو ته ڀارت سلامي ڪائونسل جي 11 ٺهرائن کي پٺي ڏيندي والاريل ڪشمير جي خاص حيثيت ختم ڪئي ۽ واڌو فوج اماڻي. ڀارت ڪرفيو لڳائي 80 لک ڪشميرين کي واڙي رکيو آهي، دنيا کي ڀارت جو اصلي ۽ ڪڌو چهرو ڏيکارينداسين ۽ والاريل ڪشمير ۾ جاري ڀارتي ظلم وائکا ڪنداسين. عمران خان چيو ته نريندر مودي چونڊ مهم ۾ ” اهو ته ٽريلر آهي، پڪچر اڃا رهيل آهي، پاڪستان کي سبق سيکاريندس“ جهڙا لفظ استعمال ڪيا. هن چيو ته نريندر مودي جو آر ايس ايس جو ميمبر آهي، اها تنظيم هلٽر مان متاثر ٿي ٺاهي وئي ۽ آر ايس ايس مسلمانن ۽ عيسائين سان نسل پرستي تي يقين رکي ٿي ۽ ڀارت مان مسلمانن جو خاتمو چاهي ٿي. گجرات جو وڏو وزير هئڻ دوران نريندر مودي آر ايس ايس جي ماڻهن کي مسلمانن جي قتلام لاءِ موڪليو. عمران خان چيو ته والاريل ڪشمير ۾ 80لک ماڻهن کي جانورن جيان واڙيو ويو آهي، اهو ناهي سوچيو ويو ته ڪشمير مان ڪرفيو هٽائڻ بعد ڇا ٿيندو، رتوڇاڻ ٿيندي، عوام رستن تي ايندو ته فوج انهن تي گوليون هلائيندي. هن چيو ته والاريل ڪشمير ۾ 11 هزار عورتن کي جنسي زيادتي جو نشانو بڻايو ويو، اهڙي صورتحال مان جيڪڏهن مان گذرندس ته مان به هٿيار کڻي سگهان ٿو. عمران خان چيو ته دنيا ڪشمير جي حالتن بابت ڄاڻ هئڻ باوجود ڪجهه ناهي ڪيو، ڇاڪاڻ ته ڀارت هڪ ارب کان وڌيڪ جي مارڪيٽ آهي. عمران خان چيو ته عالمي برادري مداخلت نه ڪئي ته 2 ايٽمي ملڪ آمهون سامهون ٿيندا، اهڙي صورتحال ۾ گڏيل قومن تي ذميواري لاڳو ٿئي ٿي. هن چيو ته جيڪڏهن پاڪستان ۽ ڀارت وچ ۾ جنگ ٿئي ٿي ته ڪجهه به ٿي سگهي ٿو، هي گڏيل قومن جي آزمائش جو وقت آهي، ڪشميرين کي خودمختياري جو حق ڏياريو وڃي. وزيراعظم عمران خان چيو ته ڀارت کي ڪشمير مان ڪرفيو هٽائڻو پوندو، ڪشميرين کي خودمختياري جو حق ڏيڻو پوندو. قيد سمورن ڪشميرين کي آزاد ڪرڻو پوندو.

 

سچ کي دٻائي نٿو سگهجي، تمام جلد سمورن سليڪٽيڊ ماڻهن کي گهر وڃڻو پوندو: بلاول ڀٽو

اسلام آباد(م.ڊ) بلاول ڀٽو قاسم سوري جي ڊي سيٽ ٿيڻ تي تبصرو ڪندي چيو ته قومي اسيمبلي ۾ لفظ سليڪٽيڊ تي پابندي هڻندڙ ڊپٽي اسپيڪر اڄ ڊي سيٽ ٿي ويو. تفصيل موجب سوشل ميڊيا تي پنهنجي پيغام ۾ بلاول ڀٽو زرداري جو چوڻ هو ته سچ کي دٻاءُ نه ٿو سگهجي، جلد سمورن سليڪٽيڊ ماڻهن کي وڃڻو پوندو. هن ڊپٽي اسپيڪر قاسم سوري جي ڊي سيٽ ٿيڻ تي تبصرو ڪندي چيو ته قاسم سوري جي تڪ جي 65 هزار ووٽن جي تصديق نه ٿي سگهي، قومي اسيمبلي ۾ سليڪٽيڊ جي لفظ تي پابندي لڳائيندڙ ڊپٽي اسپيڪر اڄ پنهنجي سيٽ کان محروم ٿي ويو آهي.  ٻئِ طرف پيپلز پارٽي چيئرمين بلاول ڀٽو زرداري عالمي سوشل ڊيموڪريٽڪ تنظيم سوشلسٽ انٽرنيشنل کي ڪشمير مسئلي تي خط لکيو آهي. پيپلز پارٽي چيئرمين بلاول ڀٽو زرداري خط ۾ چيو آهي ته ڏکڻ ايشيا جي هڪ سياسي پارٽي جو سربراهه هجڻ جي حيثيت ۾ ڪشمير مسئلي تي ڪامريڊز جي توجهه چاهيون ٿا، سوشلسٽ انٽرنيشنل سان لاڳاپيل سياسي پارٽين ڪشمير ۾ انساني حقن جي پامالي تي آواز اٿاريو. بلاول ڀٽو چيو ته ڪشميرين جي جدوجهد اصل ۾ جاگيدار ڊوگرن خلاف مزاحمت سان شروع ٿي، نو لک اڀرتي فوجين ڪشمير ۾ ڪرفيو لاڳو ڪري رکيو آهي، پنجاهه ڏينهن کان وڌيڪ ٿي چڪا آهن، ڪشميري ڪرفيو جي ڪري بنيادي انساني حقن کان محروم آهن.

 

ڪشمير مسئلو حل نه ٿيو ته گڏيل قومن جي ناڪامي هوندي: وزير اعظم

نيو يارڪ  (اين اين آءِ) وزيراعظم عمران خان چيو آهي ته آمريڪا کي ڪشمير مسئلي تي پنهنجو وزن گڏيل قومن جي پڙ ۾ وجهڻ گهرجي، جيڪڏهن مسئلو حل نه ڪيو ويو ته گڏيل قومن جي مڪمل ناڪامي ٿيندي، ڇا والاريل ڪشمير ۾ ڀارت جي 9 لک فوج دهشتگردي روڪڻ لاءِ آهي، خطي ۾ جنگ لڳي ته رڳو تيل جي قيمت ۾ واڌ ئي نه پر غربت وڌي ويندي، والاريل ڪشميرجي صورتحال ۾ هي ايڪشن وٺڻ جو وقت آهي، اسان کي ڪشميرين کي پنهنجو مستقبل جي فيصلي جو اختيار ڏيڻ گهرجي، ڀارت ۾ رهندڙ ڪروڙين مسلمانن به سخت ڏکيائين کي منهن ڏئي رهيا آهن، عالمي برادري کي ڪشيمر ۾ انساني حقن جي لتاڙ تي ڌيان ڏيڻ گهرجي، ڪرپشن سان ملڪي معاشي حالت تباهه ۽ رپئي جي ملهه ۾ گهٽتائي ٿي، دنيا ۾ مني لانڊرنگ روڪڻ لاءِ سخت قانوني جي ضرورت آهي،خطي ۾ امن سان دنيا جون وڏيون ڪمپنيون سرمايو لڳائڻ لاءِ تيار ٿي وينديون، افغانستان جو مسئلو حل ڪرائڻ ۾ خاص ڪردار ادا ڪري رهيا آهيون، ايران جي مسئلي تي اسان ٽياڪڙي ڪري سگهون ٿا پاڪستان ۾ ڪنهن به هٿياربند تنظيم کي ڪم ڪرڻ جي اجازت نه آهي، پاڪستان جو امن افغانستان جي پرامن حالتن سان مشروط آهي، خطي جي ترقي لاءِ مڪمل امن ضروري آهي، جمعي تي ايشيا سوسائٽي جي تقريب کي خطاب ڪندي وزيراعظم چيو ته منهنجو ملڪ لاءِ اهو ئي ويزن آهي جيڪو پاڪستان ٺاهيندڙن جو هو، مديني جي رياست سڀ کان جديد هئي، نبي ڪريم سڀ کان پهريان فلاحي رياست جو بنياد رکيو، مديني جي رياست ۾ سمورن مذهبن جي ماڻهن کي برابر جا حق حاصل هئا، هن چيو ته غلامن سان خاندان جي ماڻهن طور ورتاءُ ڪيو ويندو هو، قانون جي بالاستي ۾ حڪمران جوابده هوندو آهي، هن چيو ته پاڪستان اسلام جي نالي تي وجود ۾ آيو، وزيراعظم چيو ته قانون جي حڪمراني مهذب ۽ غير مهذب معاشري ۾ فرق ڪري ٿي، هڪ سوال جي جواب ۾ هن چيو ته جيڪڏهن توهان کي واپاري خسارو آهي ته ڏکيائين کي منهن ڏيڻو پوي ٿو، اسان ايف بي آر کي ٺيڪ ڪرڻ لاءِ قدم کڻي رهيا آهيون ڇو ته ملڪ ۾ تمام گهٽ ماڻهو ٽيڪس ڏين ٿا، ٽيڪس نيٽ ۾ واڌ ڪرڻ وڏو چئلينج آهي، ملڪ مان غربت ختم ڪرڻ هدف آهي، وزيراعظم چيو ته ڀارت 80 لک ڪشميرين کي بند ڪري ڇڏيو آهي، 53 ڏينهن کان ڪرفيو لاڳو آهي، ڪشمير ۾ ڪرفيو ختم ٿيڻ کانپوءِ رتو ڇاڻ جو خدشو آهي، فيبروري ۾ شروع ٿيندڙ پاڪ ڀارت ڇڪتاڻ آهستي آهستي وڌي وئي، هن چيو ته ڪرفيو کڄڻ کانپوءِ خراب صورتحال کي منهن ڏيڻو پئجي سگهي ٿو، ڀارت ۾ رهندڙ ڪروڙين مسلمان سخت ڏکيائين کي منهن ڏئي رهيا آهن،وزيراعظم چيو ته آمريڪا جي دوري دوران عالمي اڳواڻن والاريل وادي جي صورتحال کان آگاهه ڪيو،عالمي برادري کي ڪشمير جي صورتحال تي وڌ ۾ وڌ ڌياڻ ڏيڻ جي ضرورت آهي، هن چيو ته عالمي برادري کي موسمياتي تبديلي جي چئلينج سان ڪشمير ۾ انساني المئي تي به ڌيان ڏيڻو پوندو، وزيراعظم چيو ته نائين اليون کانپوءِ پاڪستان تي دهشتگردي جي جنگ مڙهي وئي، وزيراعظم چيو ته دهشتگردي سبب پاڪستان ۾ سياحت جو شعبو سخت متاثر ٿيو، سياحت لاءِ پاڪستاني ويزا حاصل ڪرڻ ڏکيو ٿي ويو هو، پاڪستان جا اتريان ۽ جابلو علائقا سونهن ۾ بي مثال آهن، سياحت جا ڪيترائي نوان هنڌ ڳولي لڌا، عمران خان چيو ته سياحت جي شعبي جي بهتري سان گڏ هڪ لک پرڏيهي سياح پاڪستان آيا، پاڪستان ۾ سياحت کي هٿي وٺرائڻ لاءِ اي ويزا شروع ڪئي، پاڪستان ۾ مذهبي ماڳ موجود آهن، هڪ سوال جي جواب ۾ هن چيو ته اسان کي علائقائي طور تي مختلف چئلينجز آهن، افغانستان جو مسئلو حل ڪرائڻ ۾ اهم ڪردار ادا ڪري رهيا آهيون، ايران جي مسئلي تي اسان ٽياڪڙي ڪري سگهون ٿا، غربت ۽ بيروزگاري خطي جي وڏن ملڪن جو اهم مسئلو آهي، وزيراعظم چيو ته مان چونڊجڻ کانپوءِ پاڙيسري ملڪ کي ڳالهين جي دعوت ڏني، ملڪ ۾ ڪنهن به هٿياربند نتظيم کي ڪم ڪرڻ جي اجازت نه آهي، ملڪ مان دهشتگردي ختم ڪرڻ لاءِ اثرائتا قدم کنيا، ڀارت ۾ جي بي پي جي ٻيهر چونڊجڻ تي ڳالهين جي ڪوشش ڪئي، هن چيو ته سنجينده لاڳاپا اسان جو ايجنڊا آهي، ڀارت سٺي موٽ نه ڏني، فيبروري ۾ شروع ٿيندڙ پاڪ ڀارت ڇڪتاڻ آهستي آهستي وڌي وئي، هن چيو ته ملڪ ۾ سيڙپڪارن لاءِ ماحول سازگار بڻائي رهيا آهن، ڪشمير ۾ به حالتن کي سازگار بڻائڻ جي ضرورت آهي. عمران خان چيو ته مودي گاندي ۽ نهرو جي فلسفي جا بکيا اڊيڙي ڇڏيا آهن تنهنڪري دنيا تسليم ڪري رهي آهي ته قائد اعظم جو ٻه قومي نظريو درست هو، ڇو ته ڀارت سان الهاق ڪندڙ رياستون هاڻ پڇتائي رهيون آهن، هن چيو ته ڀارت جي مذهبي جنونيت مهذب معاشرن لاءِ خطرو آهي، نائين اليون کانپوءِ مسلمان جي آزادي جي تحريڪن کي دهشتگردي جو نالو ڏنو ويو، ڪشمير ۾ 9 لک فوجي رڳو مسلمان آبادي کي دٻائڻ لاءِ موجود آهن، ڪشمير جا مسلمان ڀارتي رياستي دهشتگردي جو مقابلو ڪري رهيا آهن، هن چيو ته بدقمستي سان گڏيل قومن ثبوتن جي باوجود ڪشمير تي هاڪاري ڪردار ادا ناهي ڪيو، ڪشمير جي مستقبل جو فيصلو اتان جي عوام کي ڪرڻو آهي، هن چيو ته اسان کي ڪشميرين کي پنهنجي مستقبل جي فيصلي جو اختيار ڏيڻ گهرجي. وزيراعظم چيو ته 80 جي ڏهاڪي ۾ برطانيا ۾ مجاهدن لاءِ فنڊ گڏ ڪيا ويندا هئا، آمريڪا ۽ اولهه ملڪن مجاهدن کي سپورٽ ڪيو، هن چيو ته افغانستان مان روس جي وڃڻ کانپوءِ ساڳيا مجاهد دهشتگرد بڻجي ويا، افغانستان ۾ طالبان کي جهاد لاءِ آمريڪا تيار ڪيو، طالبان روس جي خلاف وڙهن ته جهاد ۽ آمريڪا جي خلاف وڙهن ته دهشتگردي، هن چيو ته چين هر ڏکئي وقت ۾ پاڪستان جي مدد ڪئي ۽ چين پاڪستان جي خودمختياري ۾ ڪنهن قسم جي مداخلت نٿو ڪري، هن چيو ته قائد اعظم عظيم شخص هو ڪڏهن به اصولن تي سوديبازي نه ڪئي، جڏهن ته پيشور سياستدانن جو ڪو به نظريو ناهي هوندو ان ڪري اهي هر ڳالهه تي سوديبازي ڪري وٺندا آهن.

 

ڪاروبار ۾ آساني لاءِ سڌارا ڪندڙ 20 ملڪن ۾ پاڪستان پهرين نمبر تي اچي ويو ، عالمي بئنڪ جي رپورٽ

اسلام آباد (اين اين آءِ) ڪاروبار ۾ آساني لاءِ سڌارا ڪندڙ 20 ملڪن ۾ پاڪستان لسٽ ۾ پهرين نمبر تي اچي ويو اهڙي حوالي سان عالمي بئنڪ رپورٽ جاري ڪري ڇڏي جمعي تي رپورٽ موجب پاڪستان ڪاروبار شروع ڪرڻ لاءِ 6 اهم شعبن ۾ رنڊڪون ختم ڪيون پاڪستان ۾ اڏاوتي ڪمن، بجلي ڪنيڪشن حاصل ڪرڻ ۽ پراپرٽي کي رجسٽرڊ ڪرڻ ۾ آساني پيدا ڪئي ٽيڪس ادا ڪرڻ ۽ پاڙيسري ملڪن سان واپار وڌائڻ لاءِ به آساني پيدا ڪئي ويئي حڪومت ملڪ ۾ معاشي شعبي ۾ سڌارا ڪري رهي آهي سڌارن تي عملدرامد لاءِ وزيراعظم جي صدارت هيٺ سڌار اسٽيرنگ ڪميٽي قائم ڪئي ويئي رپورٽ موجب پاڪستان ڪاروبار ۾ اساني لاءِ آن لائين قدم وڌايا آهن ڪراچي بلڊنگ ڪنترول اٿارٽي ۽ لاهور ڊيولپمينٽ اٿارٽي کان اڏاوت جي اجازت ۽ پراپرٽي جي رجسٽريشن کي آسان بڻايو ويو رپورٽ موجب بجلي جا نوان ڪمرشل ڪنيڪشن حاصل ڪرڻ لاءِ آن لائين درخواست سان ڪافي آساني ٿي رپورٽ موجب آن لائين ٽيڪس ڏيڻ جو طريقو متعارف ڪرائڻ سان به ٽيڪس ادائيگي ۾ سهولت حاصل ٿي ۽ ٽِڪس اڳاڙيون وڌيون. رپورٽ موجب پاڪستان بين الاقوامي سرحدن تي مال جي تيز رفتار ڪليرنس لاءِ ڪيترائي قدم کنيا بارڊر تي تجارتي سامان جي جلد ڪليرنس لاءِ مختلف سرڪاري ايجنسين ۾ رابطن کي بهتر بڻايو ويو رپورٽ موجب ڪاروبار ۾ اساني جي عالمي درجه بندي ۾ پاڪستان ڪيترو مٿي ويو ان جو تعين عالمي بئنڪ جي آڪٽوبر ۾ جاري ٿيندڙ رپورٽ ۾ ڪيو ويندو عالمي بئنڪ جي ڪنٽري هيڊ ٽوئٽ ڪيو ته پاڪستان ڇهن شعبن ۾ سڌارا ڪيا ڪاروبار ۾ آساني جي عالمي درجه بندي جي رپورٽ 24 آڪٽوبر تي جاري ٿيندي هن چيو ته وفاقي حڪومت سنڌ ۽ پنجاب جي حڪومتن جي قدمن جي تعريف ڪيون ٿا.

 

وزيراعظم جي خطاب سان ڪشمير ڪاز نئين طاقت سان دنيا جي سامهون ايندو: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار فردوس عاشق اعواڻ چيو آهي ته گڏيل قومن جي جنرل اسيمبلي ۾ وزيراعظم جي خطاب سان ڪشمير ڪاز نئين طاقت سان دنيا آڏو ايندو هو قوم ۽ ڪشميرين جي خواهشن کي عالمي برادري تائين پهچائيندو فردوس عاشق اعواڻ ٽيوٽر تي پنهنجي ٽوئٽ ۾ چيو ته پنهنجي آزادي لاءِ پرعزم مظلومن جو سفير دنيا جي سڀ کان وڏي ايوان ۾ ڪشميرين جو آواز بڻجندو هن چيو ته گڏيل قومن جي جنرل اسيمبلي ۾ ڪشميرين جو ڪيس پيش ڪندو هن چيو ته دنيا کي ڪشمير جي مظلومن جو ساٿ ڏيڻو پوندو گذريل ستن ڏهاڪن ۾ ڪشميرين جي حق ۾ سڀ کان وڌيڪ سگهارو آواز وزيراعظم عمران خان جو آهي جيڪو اڄ گهٽي گهٽي ٻڌجي رهيو آهي هن چيو ته وزيراعظم عمرانخ ان ناروي جي وزيراعظم، انڊونيشيا جي نائب صدر، روسي پرڏيهي وزير ۽ وال اسٽريٽ جرنل جي اداراتي بورڊ سان ملاقاتن ۾ والاريل ڄمون ۽ ڪشمير جي ڳڻتي جوڳي صورتحال، انساني حقن جي لتاڙ ۽ خطي جي امن کي سخت خطرن کان آگاهه ڪيو وزيراعظم هيومن رائٽس واچ جي ايگزيڪيوٽو دآئريڪٽر کي ٻڌايو ته ڀارتي فوج وادي ۾ انساني حقن جي لتاڙ ڪري رهي آهي والاريل ڪشمير ۾ انساني الميو جنم وٺي سگهي ٿو هن چيو ته وزيراعظم ٻڌايو ته دنيا کي رتوڇاڻ روڪڻ لاءِ فعال ڪردار ادا ڪرڻو پوندو.

 

نريندر مودي کي ڀڄ ڊڪ باوجود اهو سڀڪجهه نه ملي سگهيو جيڪو اسان جي وزيراعظم ڪمري ۾ ويهي حاصل ڪيو: شاهه محمود قريشي

نيويارڪ (اين اين آءِ) پرڏيهي وزير شاهه محمود قريشي چيو آهي ته ڀارتي وزيراعظم نريندر مودي کي ڀڄ ڊڪ جي باوجود اهو سڀ ڪجهه نه ملي سگهيو جيڪو اسان جي وزيراعظم ڪمري ۾ ويهي حاصل ڪيو هڪ انٽرويو ۾ هن چيو ته وزيراعظم جنرل اسيمبلي کي خطاب کان پوءِ وطن واپس روانو ٿيندو ۽ آچر تي آزاد ڪشمير ۾ زلزلي سٽيلن علائقن جو دورو ڪندو والاريل ڪشمير جي صورتحال تي ڳالهائيندي شاهه محمود قريشي چيو ته برطانيا ۾ 50، آمريڪا ۾ 35 پارليمينٽ ميمبرن خط لکيا اهن آمريڪا ۽ برطانيا جون حڪومتون ڪيستائين ڪشمير جي مسئلي کي پٺي ڏينديون رهنديون هن چيو ته والاريل ڪشمير ۾ صورتحال اهڙي ٿي رهي آهي جو حڪومتون نه چاهيندي به ڳالهائڻ تي مجبور ٿينديون. هن چيو ته موجوده صورتحال ۾ ڀارت سان ٻطرفي ڳالهين جو سوال ئي پيدا نٿو ٿئي پرڏيهي وزير ٻڌايو ته سلامتي ڪائونسل وڃڻ جو مقصد ڪشمير جي مسئلي کي عالمي سطح تي اٿارڻ هو جڏهن ته او آءِ سي جو اجلاس سڏائي امت کي گڏ ڪرڻ ۾ اسان کي ڪاميابي ٿي هن معاملي تي آزاد ڪشمير جي قيادت به فعال آهي شاهه محمود قريشي چيو ته ڀارت هڪ نئون ناٽڪ ڪرڻ وارو آهي جنهن ۾ هو وائکو ٿيندو هن چيو ته ڀارت پاڪستان تي دهشتگردن جا ڪئمپس فعال ڪرڻ جو الزام مڙهي رهيو آهي ڀارت ڪئمپن جي بهاني هڪ ٻيو حملو ڪرڻ چاهي ٿو عالمي برادري کي ڀارتي ارادن کان آگاهه ڪري ڇڏيو آهي. هن چيو ته جيستائين اتان جي ڪميونٽي پاڻ ملوث نه ٿيندي ڪوئي ڪجهه نٿو ڪري سگهي هتان جي عوام چندو گڏ ڪيو ۽ حڪومت کي 10 کان 12 درخواستون ڏنيون.

 

سنڌ حڪومت ۽ ورلڊ بينڪ جو سنڌ سالڊ ويسٽ مينيجمنٽ اٿارٽي کي وڌيڪ موثر بڻائڻ تي اتفاق

ڪراچي (اسٽاف رپورٽر) سنڌ جي وڏي وزير سيد مراد علي شاهه ۽ ورلڊ بينڪ جي ڪنٽري ڊائريڪٽر پيٿاميٿو الانگوان سنڌ سالڊ ويسٽ مينجمينٽ اٿارٽي کي وڌيڪ موثر بڻائڻ لاءِ گڏجي ڪم ڪرڻ ۽ ڳوٺاڻي معيشت کي بهتر بڻائڻ لاءِ ڪڙمي جي طريقن ۾ به تبديلي متعارف ڪرائڻ تي راضپو ظاهر ڪيو ويو. اهو فيصلو اڄ وزيراعليٰ هائوس ۾ ٿيندڙ ملاقات ۾ ڪيو ويو. اجلاس ۾ چيئرپرسن پي اينڊ ڊي ناهيد شاهه، وزيراعليٰ سنڌ جو پرنسپل سيڪريٽڙي ساجد جمال ابڙو شرڪت ڪئي.  وڏي وزير چيو ته سنڌ سالڊ ويسٽ مينجمينٽ اٿارٽي (ايس ايس ڊبليو ايم اي) قائم ڪئي وئي آهي. هن چيو ته اهو هڪ نئين باڊي آهي ۽ کيس صلاحيتن ۾ واڌ جي ضرورت آهي ته جيئن هو سائنسي بنيادن تي بهترين ڪارڪردگي سان ڪم ڪري سگهجي. ورلڊ بينڪ جي ڪنٽري چيف چيو ته هو سنڌ حڪومت وٽ سالڊ ويسٽ مينجمينٽ ايڪسپرٽ موڪليندو ۽ پي اينڊ ڊي ذريعي اٿارٽي جي گنجائش کي بهتر بڻائڻ لاءِ هڪ تفصيلي پلان ترتيب ڏنو ويندو ته جيئن سالڊ ويسٽ جي ڊسپوزل جي ڪارڪردگي ۽ مينجمينٽ به بهتر ٿي سگهي پر ان کي هڪ خوداختيار ادارو بڻائڻو پوندو. ان ڳالهه تي به اتفاق ڪيو ويو ته سنڌ سالڊ ويسٽ مينجمينٽ اٿارٽي جي صلاحيتن ۾ اهڙي طرح وڌايو ويندو ته مختلف مرحلن ۾ سڄي سنڌ ۾ ڪم ڪري سگهجي. پهرين مرحلي ۾ هو ڊويزنل هيڊڪوارٽرز ۾ ڪم شروع ڪندا ۽ ان کانپوءِ ضلعي هيڊڪوارٽرز. وڏي وزير چيو ته اسان جا هاري روايتي فصلن جي پوک ڪري رهيا آهن ۽ آئون چاهيان ٿو ته کين ڪڙمي طريقن ۾ وڏي پيماني تي تبديلي متعارف ڪرايان ته جيئن لو ڊيلٽڪ فصلون وڌيڪ پيداوار حاصل ڪري سگهن. هن چيو ته ان سان ڳوٺاڻي معيشت بهتر ٿيندي. مراد علي شاهه چيو ته ننڍن آبادگارن لاءِ هڪ الڳ کيتيءَ جو نظام به ڊيولپ ڪرڻ گهرجي. هن چيو ته اسان کين آمدني کي باغات گهٽ نقد فصلن ۾ تبديل ڪري کيس آمدني ۾ سڌارو آڻي سگهجي ٿو. ورلڊ بينڪ جي ڪنٽري ڊائريڪٽر پيٿاميٿو الانگوان چيو ته هو هتي پاڻ سان گڏ گلوبل ايگريڪلچرل ايڪسپرٽ آڻيندو ۽ کيس زراعت کاتي ۽ پي اينڊ ڊي جي ماهرن سان اجلاس ڪوٺائيندو. هن چيو ته هو مرحلن ۾ عملدرآمد لاءِ هڪ رٿا تيار ڪنداسين. وڏي وزير چيو ته صوبائي حڪومت مختلف ضلعن سميت ٿر ۾ ماءُ ۽ ٻار جي صحت ۽ غذائيت جي پروگرامن تي ڪم ڪري رهي آهي. ان پروگرام جا سٺا نتيجا سامهون آيا آهن. ورلڊ بينڪ جي ٽيم جلد ايندي ۽ سنڌ حڪومت جي لاڳاپيل عملدارن سان اجلاس منعقد ڪندي ته جيئن زراعت ۽ سالڊ ويسٽ مينجمينٽ سيڪٽرن ۾ سڌارا آڻي سگهجن.

 

اشتهارن جي پاليسي کي مڪمل شفاف بنائڻ لاءِ ڪوشان آهيون: سعيد غني

ڪراچي (اين اين آءِ) پاڪستان ايڊورٽائيزينگ ايسوسيئيشن (پي اي اي) جي چيئرمين علي مانڊوي والا جي اڳواڻي ۾ هڪ وفد سعيد غني سان سندس آفيس ۾ ملاقات ڪئي ملاقات ۾ پي اي اي جي وفد ايڊورٽائيزنگ ايجنسي ۽ ان صنعت سان لاڳاپيل ماڻهن جا مسئلا ۽ ميمبرن جي رهتن سميت ٻين معاملن تي خيالن جي ڏي وٺ ڪئي ويئي ان موقعي تي ڳالهائيندي سعيد غني چيو ته اسان چاهيون ٿا ته ميڊيا ۽ ان سان لاڳاپيل اشتهاري ايجنسين جي مسئلن کي قابليتي بنيادن تي حل ڪيو وڃي ان لاءِ اسان اشتهارن جي نظام کي صاف ۽ شفاف بنائڻ ۽ ان حوالي سان شڪايتن جي ازالي لاءِ نظام کي جوڙڻ تي ڪم شروع ڪيو آهي اسان جي پهرين ترجيحي اشتهاري ايجنسين ۽ ميڊيا هائوسز وچ ۾ لاڳاپن کي مضبوط ۽ اشتهارن جي پاليسي کي مڪمل صاف ۽ شفاف بنائڻ آهي ڇو ته سنڌ حڪومت اظهار جي آزادي جي تي يقين رکي ٿي. هن چيو ته رهتون ادا ڪرڻ جي حوالي سان سنڌ حڪومت ڪم شروع ڪري ڇڏيو آهي ۽ ادائيگيون به شروع ٿي ويون آهن مان پاڻ ذاتي طور تي هن معاملي کي ڏسي رهيو آهي هاڻي اشتهاري ايجنسين کي به گهرجي ته اهي صاف شفاف نظام جوڙڻ ۾ ڪردار ادا ڪن ۽ حڪومت سان تعاون ڪن آخر ۾ وفد جي ميمبرن صوبائي وزير جا ٿورا مڃيا ۽ مدد ڪرڻ جو يقين ڏياريو.

 

جيستائين سمورن ميمبرا ميمبر حاضر نٿا ٿين رضاڪاراڻي طور تي اجلاس ۾ نه ايندس : شاهد خاقان عباسي

اسلام آباد (اين اين آءِ) اڳوڻي وزيراعظم شاهد خاقان عباسي سمورن ميمبرن جا پروڊيشن آرڊر جاري نه ٿيڻ تي قومي اسيمبلي جي اجلاس ۾ شرڪت کان ٻيهر انڪار ڪري ڇڏيو هڪ بيان ۾ اڳوڻي وزيراعظم چيو ته حڪومت اسپيڪر تي دٻاءُ وجهي رهي آهي اسپيڪر جي عهدي جي عزت جي حفاظت لاءِ اجلاس ۾ شرڪت نه ڪندس هن چيو ته جيستائين سمورن ميمبرا ميمبر حاضر نٿا ٿين رضاڪاراڻي طور تي اجلاس ۾ نه ايندس اڳوڻي وزيراعظم ۽ پاڪستان مسلم ليگ (ن) جي سينيئر اڳواڻ قومي اسيمبلي اسپيڪر اسد قيصر کي لکيل خط ۾ چيو ته اوهان کي 4 هفتا اڳ خط لکي پروڊيڪشن آرڊر جاري ٿيڻ بابت اوهان جي ذميواري ياد ڏياري هئي اوهان کي ياد ڏياريو هو ته قومي اسيمبلي جي قيدي ميمبرن کي ايوان ۾ اچڻ تي پابند ڪيو شاهد خاقان عباسي اسپيڪر کي خط ۾ افسوس جو اظهار ڪندي چيو ته هن وقت تائين اوهان پاران ڪوئي جواب ناهي آيو صدر جي خطاب جي موقعي تي به پارليمان جي گڏيل اجلاس ۾ ميمبرن جي شرڪت لاءِ حڪم جاري ناهي ڪيو ويو قومي اسيمبلي جي هلندڙ اجلاس لاءِ به پروڊيڪشن آرڊر جاري ناهن ٿيا هڪ دفعو ٻيهر خط لکي اوهان کي اوهان جي آئيني ۽ پارليماني ذميواري ياد ڏياري رهيو آهيان اڳوڻي وزيراعظم مطابق پروڊيڪشن آرڊر جاري نه ڪري اوهان پارليماني روايتن ۽ جمهوريت جي بنيادي اصولن جي خلاف ورزي ڪري رهيا آهيو ميمبرن کي ايوان تائين پهچ نه ڏيڻ امتيازي رويو آهي ايوان جي محافظ طور اوهان ڌر نٿا بڻجي سگهو ايوان جي بالادستي جي حفاظت لاءِ پروڊيڪشن آرڊر جاري ٿيڻ لازم آهي حڪومت جو اسپيڪر تي دٻاءُ آهي ته هو پروڊيڪشن آرڊر جاري نه ڪري.

 

ٺٽي ضلعي ۾ 9 مھينن دوران 2 ھزار کان وڌيڪ ماڻهن کي نانگ ڪکيو، ويڪسين اڻلڀ، 20 کان وڌيڪ فوت ٿيڻ جو انڪشاف

ٺٽو (ڊ.ر) ٺٽي ضلعي ۾ ھلندڙ سال جي 9 مھيني دوران 2 ھزار کان وڌيڪ ماڻهن کي نانگ ڪکيو، ويڪسين جي موجودگي جي دعويٰ باوجود 20 کان وڌيڪ مريضن جي فوت ٿيڻ جو انڪشاف ٿيو آهي.ان ڏس ۾ ٺٽي ضلعي ۾ برساتن بعد ڪوھستاني توڙي سامونڊي ۽ بئراجي علائقا پاڻي ھيٺ اچڻ کانپوءِ نانگ بلائون ٻرن مان نڪري آيون. ھلندڙ سال جي 9 مھيني تائين 2000 کان مٿي ٻارڙن، عورتن ۽ مردن کي نانگن ڪکي زخمي ڪيو.صحت کاتي جي 17 ڊسپينسرين، غير سرڪاري تنظيم پي پي ايچ جي ماتحت ھلندڙ 22 بنيادي صحت يونٽن توڙي ضلعي جي 6 آر ايچ سيز، ھڪ تعلقي ۽ ھڪ ضلعي سول اسپتال سميت 8 وڏين اسپتالن جي انتظام سنڀاليندڙ مرف تنظيم ۽ ضلعي ڪائونسل جي 26 ننڍين ڊسپينسرين سميت 72 اسپتالن ۾ نانگ کان بچاءَ ويڪسين نه هئڻ سبب 20 کان وڌيڪ مريض فوت ٿي ويا. ڪوھستان توڙي سامونڊي پٽي ۾ سڀ کان وڌيڪ واقعا رپورٽ ٿيا رهيا آهن، پر صحت کاتي نوٽيس ناهي ورتو.