تازيون خبرون
عمران خان جي سعودي ولي عهد سان ملاقات، تيل ٺڪاڻن تي حملي جي مذمت، ڪشمير صورتحال تي ڳالهيون - پنڊي جو موسم تبديل ٿي رهيو آهي، حڪران ڀلي شوق پورا ڪن: آصف علي زرداري - ميڊيا کي ذميوار ڪردار ادا ڪندي ڏسڻ چاهيون ٿا، ڪو به قانون زبردستي مڙهيو نه ويندو: فردوس عاشق - بلديا فيڪٽري سانحو: مالڪن مرڪزي جوابدارن رحمان ڀولا ۽ زبير چريا کي سڃاڻي ورتو آهي جڏهن ته ڇرڪائيندڙ انڪشاف به ڪيا آهن. - تحقيق ۽ تجربن سان ئي علم جي ميدان ۾ ترقي ڪري سگهجي ٿي: صدر عارف علوي - مدرسا اسڪول سميت تعليمي ادارن ۾ جديد ٽيڪنالاجي نه هوندي ته اسان گهڻو پوئتي رهجي وينداسين: چيف جسٽس - ڪتي جي ڏاڙهڻ سان ٻارڙي جي موت تي ڏک جو اظهار، فوتي ٻارڙي تي سياسي ڪئپنگ ڪئي ويئي: بلاول ڀٽو زرداري - سي پي اين اي پاران سڀني ڌرين سان گڏجي ميڊيا ٽربيونلن خلاف جدوجهد جو اعلان - حڪمرانن جي اشرافيا ۾ واحد سياستدان آهن جو هڪ ٻئي جي دشمني ۾ سبقت وٺڻ جي ڪوشش ڪندا آهن: خواجه آصف - ٿر جي معصوم ٻارڙن تي موت جو رقص،مٺي سول اسپتال ۾ وڌيڪ 4 ٻارڙا فوت

Daily Archives: August 20, 2019

پ پ ۽ ن ليگ هڪ ڀيرو ٻيهر مولانا سان جُٺ ڪري ڇڏي: فردوس عاشق اعواڻ

اسلام آباد (ويب ڊيسڪ) اطلاعات بابت وزيراعظم جي خاص مددگار فردوس عاشق اعواڻ چيو آهي ته پ پ ۽ ن ليگ هڪ ڀيرو ٻيهر مولانا سان جُٺ ڪري ڇڏي. اپوزيشن جماعتن جي اي پي سي بابت سوشل ميڊيا تي بيان جاري ڪندي فردوس عاشق اعواڻ چيو ته اجلاس اپوزيشن جي ”اچو پاڻ ۾ سياست ڪيون“ جي نئين قسط آهي، پ پ ۽ ن ليگ هڪ ڀيرو ٻيهر مولانا سان جُٺ ڪري ڇڏي، اي پي سي شهباز شريف جي چيلهه جي سور ۽ بلاول جي تنظيمي دوري جي ور چڙهي وئي. هن چيو ته هڪٻئي سان سچ نه ڳالهائيندڙ قوم سان سچ ڪيئن ٿا ڳالهائي سگهن؟ حضرت مولانا جي اينڊا ۽ پئسو بچايو پارٽين جي ايجنڊا ڪجهه ٻي آهي. فردوس عاشق اعواڻ مولانا فضل الرحمان کي صلاح ڏني ته  مولانا صاحب کوٽا سڪا هلڻ وارا نه آهن انهن کي ڇڏيو  ۽ مظلوم ڪشميرين جي حق ۾ آواز بلند ڪيو.

 

ڀارت اخلاقي ميدان ۾ بري طرح جنگ هارائي چڪو آهيۡ: بلاول ڀٽو زرداري

اسڪردو (ويب ڊيسڪ) پ پ چيئرمين بلاول ڀٽو زرداري چيو آهي ته نريندر مودي جو نظريو هندو قوم پرستي ۾ انتهاپسندي جي حد تائين وڃڻ وارو آهي ۽ ڀارت اخلاقي ميدان ۾ بري طرح جنگ هارائي چڪو آهي. بلاول ڀٽو زرداري گلگت بلتستان جو دورو ڪيو ۽ پ پ بلتستان ڊويزن ۽ اسڪردو جي عهديدارن سان ملاقات ڪئي، جڏهن ته کيس علائقي جي سياسي صورتحال بابت آگاهه ڪيو ويو. ان موقعي تي بلاول ڀٽو زرداري عهديدارن کي تنظيمي معاملن جي حوالي سان هدايتون ڏنيون ۽ ڪارڪنن کي خطاب ڪندي چيو ته پ پ ڪشميرين جو حقيقي آواز آهي، شهيد ذوالفقار علي ڀٽو جا ڪشميرين سان ڪيل واعدا پاڙينداسين. هن چيو ته نريندر مودي کي ويزا تائين نه ملندي هئي، هو من موهن آهي نه واجپائي، اسان شروع کان خبردار ڪري رهيا آهيون ته مودي جو نظريو هندو قوم پرستي ۾ انتهاپسندي جي حد تائين وڃڻ وارو آهي، جڏهن ته ڀارت اخلاقي ميدان ۾ بري طرح جنگ هارائي چڪو آهي. پ پ چيئرمين وزيراعظم عمران خان تي تنقيد ڪندي چيو ته هڪ ڪٺ پتلي فاشسٽ ٻئي ڪٺ پتلي فاشسٽ تي ڪيئن ٿو تنقيد ڪري سگهي، هڪ شخص جيڪو پنهنجي ملڪ ۾ انساني حقن جا بخيا اڊيڙي رهيو آهي، اهو ڪشمير ۾ انساني حقن جي ڀڃڪڙي تي ڪيئن ڳالهائي رهيو آهي. سندس چوڻ هو ته مان بلتستان جي ماڻهن کي ٻڌڻ آيو آهيان، مان انهن کان ملڪي مسئلن جي حل لاءِ راءِ گهرڻ چاهيان ٿو، جيڪڏهن اسان کي اسلام آباد تائين لانگ مارچ ڪرڻو پيو ته مون کي يقين آهي سڄو گلگت بلتستان اسان سان گڏ هوندو.

 

ڀارت جو خاص اسٽيٽس ختم ڪرڻ لاءِ سفارتي محاذ تي اڳ کان تيار رهڻ گهرجي ها: اي پي سي

اسلام آباد (اين اين آءِ) گڏيل اپوزيشن والاريل ڪشمير ۾ ڀارتي ظلمن ۽ لائين آف ڪنٽرول تي ڀارتي جارحيت جي سخت مذمت ڪندي چيو اهي ته پاڪستان حڪومت والاريل ڪشمير جي عالمي سطح تي ڀرپور وڪالت ڪري عوام ڪشميرين سان گڏ آهي گڏيل قومون عالمي برادري والاريل وادي مان ڪرفيو ختم ڪرائين پاڪ فوج ڀارت جي ڪنهن مهم جو جواب ڏيڻ جي ڀرپور صلاحيت رکي ٿي اپوزيشن جماعتون ۽ عوام ڪشمير جي معاملي تي پاڪ فوج سان گڏ آهي ذريعن موجب مولانا فضل الرحمان جي صدارت هيٺ ٿيل آل پارٽيز ڪانفرنس ۾ اپوزيشن جماعتن والاريل ڪشمير جي صورتحال تي غور ڪيو اي پي سي والاريل ڪشمير ۾ ڀارتي فوج جي ظلمن ۽ لائين آف ڪنٽرول تي ڀارتي جارحيت جي مذمت ڪندي تجويز ڏني ته پاڪستان جي حڪومت والاريل ڪشمير جي عالمي سطح تي ڀرپور وڪالت ڪري اي پي سي چيو ته اسان کي انڊيا جو خاص اسٽيٽس ختم ڪرڻ لاءِ سفارتي محاذ تي اڳ کان تيار رهڻ گهرجي ها اي پي سي چيو ته پاڪستان ۽ عوام ڪشميرين سان گڏ آهي سموريون اپوزيشن جون جماعتون ڪشميرين سان ٻڌي جو اظهار ڪن ٿيون. مولانا فضل الرحمان چيو ته ڪشمير تي قوم سان لڳاتار ڪوڙ ڳالهايو پيو وڃي پارليمينٽ ۽ سياسي پارٽِن کي ڪشميرن جي موجوده صورتحال تي بريف ناهي ڪيو ويو.

 

ڀارت جو ايل او سي بعد آبي وار، پاڪستان ۾ ٻوڏ جو خطرو، الرٽ جاري

اسلام آباد (اين اين آءِ) ڀارت پاڪستان جي خلاف آبي جارحيت ڪندي بنا شيڊول جي دريائن ۾ پاڻي ڇڏي ڏنو جنهن سبب سنڌو درياهه سميت ٻين دريائن ۾ ٻوڏ جو خدشو آهي صوبائي ڊيزاسٽر مئنجمينٽ اٿارٽي پنجاب مان جاري ٿيل الرٽ مطابق ڀارت پاران پاڻي ڇڏڻ کان پوءِ ستلج درياهه ۾ پاڻي جي سطح مسلسل مٿي ٿي رهي آهي جنهن جي ڪري ٻوڏ جو خطرو آهي پي ڊي ايم اي پنجاب مطابق ريلو هڪ لک 50 هزار ڪيوسڪ کان وٺي هڪ لک 75 هزار ڪيوسڪ تائين ٿي سگهي ٿو صوبائي ڊيزاسٽر مئنجمينٽ اٿارٽي سمورن لاڳاپيل کاتن کي ان خطري بابت پيغام جاري ڪري ڇڏيو جنهن ۾ لاڳاپيل کاتن کي ضروري حفاظتي قدم کڻڻ جون هدايتون ڏنيون ويون پي ڊي ايم اي پنجاب جو چوڻ هو ته ستلج درياهه ۾ امڪاني ٻوڏ جي حوالي سان الرٽ جاري ڪرڻ جو مقصد ڀارتي جاني ۽ مالي نقصان کان بچڇڻ آهي ٻوڏ واري صورتحال کي آڏو رکي پنجاب حڪومت جو هنگامي اجلاس به طلب ڪيو ويو آهي خيال رهي ته ڀارت هر سال مون سون کان پوءِ والاريل ڪشمير ۾ تعمير ڊيم ۾ پاڻي جي سطح وڌڻ کان پوءِ شيڊول مطابق پاڻي ڇڏي ٿو ڀارت پاران ڇڏيل پاڻي درياهه ستلج راوي ۽ چناب ۾ اچي ٿو جنهن سان دريائن ۾ پاڻي جو چاڙهه وڌي وڃي ٿو جڏهن ته پاڪستان ۾ اوچتو ايندڙ ان پاڻي کي منهن ڏيڻ جو انتظام موجود نه آهي جنهن جي ڪري دريائن سان لڳ ڪيترائي ڳوٺ ٻڏي وڃن ٿا.

 

پاڪ-ڀارت چڪتاڻ: آرمي چيف جي ملازمت واري مدي ۾ 3 سالن جي واڌ

راولپنڊي (اين اين آءِ) وزيراعظم عمران خان پاڪ فوج جي سربراهه جنرل قمر جاويد باجود جي نوڪري جي مدي ۾ ٽن سالن جي واڌ ڪري ڇڏي سومر تي وزيراعطم آفيس مان جاري ڪيل نوٽيفڪيسن مطابق وزيراعظم عمران خان آرمي چيف کي موجوده مدو مڪمل ٿيڻ کان پوءِ ٽن سالن لاءِ ٻيهر پاڪ فوج جو سربراهه مقرر ڪري ڇڏيو اهي بيان موجب آرمي چيف جي مدي ۾ واڌ جو فيصلو خطي جي سيڪيورٽي ماحول کي ڏسي ڪيو ويو آهي خيال رهي ته آرمي چيف جنرل قمر جاويد باجوا 29 نومبر 2016 تي پاڪ فوج جي واڳ سنڀالي هئي ۽ کيس هلندڙ سال نومبر ۾ رٽائرڊ ٿيڻو هو نوڪري جي مدي ۾ واڌ کان پو3 جنرل قمر جاويد باجوا نومبر 2022 تائين پاڪ فوج جو سربراهه رهندو.

 

الزام جج کي هٽائڻ لاءِ ناڪافي قرار، سپريم جوڊيشل ڪائونسل جسٽس قاضي فائز عيسيٰ خلاف داخل ريفرنس خارج ڪري ڇڏيو

اسلام آباد (اين اين آءِ) سپريم جوڊيشل ڪونسل جسٽس فائز عيسيٰ جي خلاف صدر کي خط لکڻ تي مس ڪنڊڪٽ جي ڪارروائي ختم ڪري ڇڏي آهي، چيف جسٽس جي سربراهي ۾ سپريم جوڊيشل ڪونسل ٻڌڻي کانپوءِ درخواست خارج ڪرڻ جو فيصلو ٻڌايو، ڪونسل ۾ ريفرنس داخل ٿيڻ تي صدر کي خط لکڻ تي جسٽس قاضي فائز عيسيٰ جي خلاف لاهور هاءِ ڪورٽ جي وڪيل ايڊووڪيٽ وحيد شهزاد بٽ آئين جي آرٽيڪل 209 تحت ڪارروائي جي درخواست ڪئي هئي، درخواست گذار موقف اختيارڪيو ته جسٽس قاضي فائز عيسيٰ سپريم جوڊيشل ڪونسل ۾ بي نامي ملڪيتن جو جواب ڏيڻ بدران صدر کي خط لکي مس ڪنڊڪٽ ڪيو آهي، ججز جي ڪوڊ آف ڪنڊڪٽ جي ڀڃڪڙي تي سندس خلاف ڪارروائي ڪئي وڃي، سپريم جوڊيشل ڪونسل چيو ته رڪارڊ مان ظاهر ٿئي ٿو ته خط لکڻ وقت جسٽس قاضي فائز عيسيٰ تي دٻاءُ هو، ريفرنس جون خبرون هلڻ وقت سندس سهرو ۽ نياڻي بيمار هئي، نٿو لڳي ٿو ته صدر کي خط لکڻ جو ڪو سنجينده معاملو هو، ڪونسل لکيو ته جسٽس قاضي فائز عيسيٰ پاران صدر کي خط لکڻ مس ڪنڊڪٽ نه هو، درخواست گذار اهو ثابت ڪرڻ ۾ ناڪام ٿيو ته پاڪستان جي صدر کي لکيل خط جسٽس قاضي فائز عيسيٰ ظاهر ڪيو، صدر کي لکيل خط ذاتي حيثيت ۾ هو، ريفرنس کي رد ڪندي ڪونسل چيو ته وحيد شهزاد بٽ ڪو اهڙو ثبوت نه ڏئي سگهيو جنهن مان اهو ثابت ٿيو ته جسٽس فائز عيسيٰ صدر کي لکيل خط بابت ڪنهن کي ڪجهه چيو هجي.

 

ڪشمير ۾ ڀارتي جارحيت: وزيراعظم وفاقي ڪابينا جو اجلاس اڄ طلب ڪري ورتو

اسلام آباد (اين اين آءِ) وزيراعطم عمران خان وفاقي ڪابينه جو اجلاس اڄ اڱارو 20 آگسٽ تي طلب ڪري ورتو وفاقي ڪابينه والاريل ڪشمير جي صورتحال ۽ گڏيل قومن جي سلامتي ڪائونسل جي اجلاس تي غور ڪندي وزيراعظم ڪابينه کي والاريل ڪشمير بابت آمريڪي صدر ٽرمپ ۽ ٻين عالمي اڳواڻن سان رابطن تي اعتماد ۾ وٺندو ذريعن موجب وفاقي ڪابينه جي اجلاس لاءِ 9 نڪاتي ايجنڊا جاري ڪيو ويو وفاقي ڪابينه اقتصادي رابطا ڪميٽي ۽ سيڙپڪاري ڪميٽي جي 8 آگسٽ تي ٿيندڙ فيصلن جي منظوري ڏيندي ميڊيا رپورٽ موجب ڪابينه سستن گهرن جي اڏاوت لاءِ وياج کان پاڪ قرض لاءِ 5 ارب رپيا رکڻ جي منظوري ڏيندي، ڪرسچن مئرج اينڊ ڊائي ورس ايڪٽ 2019 جي منطوري لاءِ ڪابينه اجلاس ۾ پيش ٿيندو، گهريلو تشدد کان بچاءُ ۽ تحفظ بل 2019 ڪابينه اجلاس ۾ پيش ٿيندو ذريعن مطابق پاڪ ترڪ اسٽريٽجڪ اڪنامڪ فريم ورق جي منظوري ڏني ويندي وفاقي ڪابينه کي مواصلات وزارت جي هڪ سال جي ڪارڪردگي تي بريفنگ ڏني ويندي.

 

ڪنٽرول لائن تي ڀارتي فوج جي فائرنگ، 2 پيرسن شهيد، ڀارتي ڊپٽي هاءِ  ڪمشنر پرڏيهي آفيس طلب، پاڪستان جو سخت احتجاج

اسلام آباد/راولپنڊي (ويب ڊيسڪ) ڀارتي فوج طرفان ايل او سي تي بنا سبب فائرنگ جي نتيجي ۾ ٻه پيرسن شهيد ٿي ويا. آءِ ايس پي آر موجب ڀارتي فورسز سيز فائر معاهدي جي ڀڃڪڙي ڪندي ايل او سي جي تته پاني سيڪٽر ۾ شهري آبادي تي بنا سبب فائرنگ ۽ گولا باري ڪئي. پاڪ فوج جي ترجمان ٻڌايو ته ڀارتي فوج جي فائرنگ ۾ ڳوٺ نگرائي جا رهواسي ٻه بزرگ شهري شهيد ٿيا، جن ۾ 75 ورهين جو لال محمد ۽ 61 ورهين جو حسن دين شامل آهن. آءِ ايس پي آر جو چوڻ هو ته ڀارتي فوج شهري آبادي تي مارٽر ۽ اينٽي ٽينڪ گائيڊڊ ميزائل فائر ڪيا، جڏهن ته پاڪ فوج دشمن کي ڀرپور جواب ڏنو، جنهن جي نتيجي ۾ ٻه ڀارتي فوجي مارجي ويا ۽ ڪجهه زخمي ٿيا.

ٻئي طرف پاڪستان ڪنٽرول لائين تي بنا جواز فائرنگ تي ڀارتي ڊپٽي هاءِ ڪمشنر کي پرڏيهي آفيس طلب ڪري سخت احتجاج ۽ ڀارتي فوج طرفان جنگ بندي معاهدي جي ڀڃڪڙي جي مذمت ڪئي وئي آهي. پرڏيهي آفيس طرفان جاري ڪيل پڌرائي موجب ڊي جي سائوٿ ايشيا ۽ سارڪ ڊيسڪ ڊاڪٽر محمد فيصل ڀارتي ڊپٽي هاءِ ڪمشنر کي پرڏيهي آفيس طلب ڪري ڀارتي فوج جي ايل او سي تي جنگ بند معاهدي جي ڀڃڪڙي ۽ سول آبادي کي نشانو بڻائڻ تي سخت احتجاج ڪيو. پرڏيهي آفيس جي ترجمان موجب پاڪستان ڀارت تي زور وڌو آهي ته 2003ع جي جنگ بندي مفاهمت جو احتراف ڪري، ڀارتي فوج تته پاڻي ۽ چيري ڪوٽ سيڪٽرز ۾ بنا جواز فائرنگ ڪئي، جنهن سبب 2 بزرگ شهيد جڏهن ته هڪ معصوم شهري زخمي ٿيو. ڀارتي فوج لائين آف ڪنٽرول تي شهري آبادي کي ڳري اسلحي سان نشانو بڻايو پيو وڃي، ڄاڻي واڻي شهري آبادي کي نشانو بڻائڻ انساني عظمت ۽ عالمي قانونن جي ڀڃڪڙي آهي، ڀارت طرفان جنگ بندي جي ڀڃڪڙي علائقائي امن ۽ سلامتي لاءِ خطرو آهي،

 

 

پلاسٽڪ بيگ جي روڪٿام جو عملي قدم کڻڻ شروع ڪري ڇڏيو آهي: مرتضيٰ وهاب

ڪراچي (اين اين آءِ) سنڌ حڪومت جي ترجمان بئريسٽر مرتضيٰ وهاب پنهنجي بيان ۾ چيو آهي ته اسان پلاسٽڪ بيڪ جي روڪٿام جو عملي قدم شروع ڪري ڇڏيو آهي جناح اسپتال ۽ اين آءِ سي وي ڊي جي انتظاميه اسپتال جي حد ۾ پلاسٽڪ بيگز تي منع قرار ڏيئي ڇڏيو بئريسٽر مرتضيٰ ڳوهان چيو ته ڪراچي يونيورسٽي ۽ سر سيد انجنيئرنگ يونيورسٽي ۾ پلاسٽڪ بيگز جي استعمال تي پابندي هڻي ڇڏي جيڪو بهترين عمل آهي بئريسٽر مرتضيٰ وهاب اميد ڏيکاري ته ٻيا تعليمي ادارا به سنڌ حڪومت جي هن بهتر قدم تي عمل ڪندا خانگي ادارن کي به پنهنجي حدن ۾ پلاستڪ بيگز جي استعمال کي روڪڻ گهرجي هن چيو ته ماحولياتي گدلاڻ کي روڪڻ لاءِ هر ماڻهو پنهنجو ڪردار ادا ڪري.

 

ڪرنٽ لڳڻ سان 13 ڄڻا فوت ٿيا ۽ ڪي اليڪٽرڪ خلاف 10 ڪيس داخل ڪيا ويا،آئي جي کي رپورٽ پيش

ڪراچي (ويب ڊيسڪ) ڪراچي ۾ برسات دوران ڪرنٽ لڳڻ سبب ٿيل فوتگين جي رپورٽ ۾ چيو ويو آهي ته ڪرنٽ لڳڻ سان 13 ڄڻا فوت ٿيا ۽ ڪي اليڪٽرڪ خلاف 10 ڪيس داخل ڪيا ويا. ڪراچي ۾ برسات دوران ڪرنٽ لڳڻ سبب فوت ٿيلن بابت رپورٽ آءِ جي سنڌ کي پيش ڪئي وئي آهي. اي آءِ جي آپريشنز سنڌ طرفان پيش ڪيل رپورٽ موجب 29 جولاءِ کان 13 آگسٽ تائين شهر ۾ برساتون ٿيون، برسات دوران ڪرنٽ لڳڻ سان گڏيل طور تي 13 ڄڻا فوت ٿيا. رپورٽ موجب ڪرنٽ لڳڻ سبب فوتگين کان پوءِ ڪراچي جي علائقن درخشان، پاپوش نگر، تيموريا، شارهه نور جهان، اجمير نگري، گلبهار سائيٽ، سپر هاءِ وي ۽ بغدادي ۾ ڪيس داخل ٿيا. رپورٽ ۾ چيو ويو ته ملير سٽي ۾ داخل ڪيسن جو انگ 2 آهي، جڏهن ته ڪرنٽ لڳڻ جي ڪيسن جو گڏيل طور داخل جو انگ 10 آهي.