تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: August 10, 2019

مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق

اسلام آباد (ويب ڊيسڪ) والاريل ڪشمير ۾ ڀارتي فورسز جي ظلمن ۾ بي پناهه واڌ ٿي وئي آهي، هٿين خالي ڪشميرين ڀارتي قبضي جي خلاف سخت احتجاج شروع ڪري ڇڏيو آهي، جنهن تي ڀارتي فورسز گوليون هلايون. هوڏانهن پاڪستان ۾ حڪومتي ۽ مخالف ڌر سان تعلق رکندڙ سياستدانن گڏيل طور تي معصوم ڪشميرين تي ظلمن جي سخت مذمت ڪئي آهي.وزير اعظم جي سڌُ سماءَ ۽ نشريات بابت خاص مددگار فردوس عاشق اعواڻ چيو ته مودي نئين دور جو هٽلر آهي، ڪشمير تي حملو پاڪستان تي حملي جي برابر آهي، ڀارت ڪشمير جو جغرافيه تبديل ڪرڻ ٿو چاهي، ڪشميري پنهنجي حق جي لاءِ بيٺا آهن. هن چيو ته ڪشمير کي گهيري ۾ آڻ جيل ۾ تبديل ڪيو ويو آهي، ڀارت ڪشميرين جي حق جو آواز طاقت سان دٻائڻ چاهي ٿو، پر اِهو  ڪرفيو وڌيڪ دير نٿو هلي سگهي، والاريل وادي رتو رت آهي، آزادي جي تحريڪ ضرور ڪاميابي ٿيندي. ريلوي واري وفاقي وزير شيخ رشيد به ڪشميرين تي طلمن جي خلاف آواز بلند ڪندي چيو ته ڪشميري ڪرفيو ۾ به نڪري آيا، اڃان ٿورو صبر ڪيو گهڻو ڪجهه ٿيڻ وارو آهي، مودي سرڪار جا آخري ڏينهن شروع ٿي ويا آهن، ڪشميرين جي جدوجهد وڌيڪ تيز ٿيندي. مواصلات واري وفاقي وزير مراد سعيد چيو ته اڄ ڪشمير جو ٻار ٻار ڀارتي فوج جي لاءِ برهان واني بڻجي ويو آهي ڪشميري ڪرفيو ۾ به نڪري چئي رهيا آحن ته اسان چاهيون ٿا آزادي، مودي جو اصل چهرو نئين دور جي هٽلر جي طور تي سامهون اچي ويو آهي. پيپلز پارٽي سان تعلق رکندڙ سينيئر اڳواڻ سينيٽر شيري رحمان چيو ته ڀارت والاريل ڪشمير کي جيل بڻائي ڇڏيو آهي، مودي سرڪار کي منهن ڀر کائڻي پوندي، وڏي ڏک جي ڳالهه آهي عالمي برادري والاريل ڪشمير ۾ اِهو سڀ ٿيڻ پئي ڏئي، والاريل ڪشمير جي ڪهاڻي ڀارت ڪنهن صورت نٿو دٻائي سگهي، ڀارت غير قانوني قدمن سان ڪجهه حاصل نٿو ڪري سگهي.

 

الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو

مڪو شريف (ويب ڊيسڪ) مسجده نمره ۾ حج جو خطبو ڏيندي ڪعبي شريف جي امام الشيخ محمد بن حسن آل الشيخ فرمايو ته سٺو اخلاق ۽ بهترين سلوڪ اڄ دنيا جو ضرورتون آهن، مسلمان امت نفرتن کي مٽائي پاڻ کي سياسي طور تي مضبوط ڪري. 20 لک کان ڌويڪ مسلمان اهم ترين اسلام جي رڪن حج جي مناسڪ جو آغاز ڪري ڇڏيو جڏهن ته روح پرور حج جو خطبو ٻڌڻ جي لاءِ فرزندان توحيد عرفات جي ميدان ۾ گڏ ٿيا. ڪعبي جي امام حج جو خطبو ڏيندي چيو ته الله جي رسول صلي الله عليه وآله وسلم جي حديث بيان ڪئي جنهن جو مفهوم آهي ته مسلمان جيڪڏهن استطاعت رکندو هجي اُهو پنهنجي ۾ هڪ ڀيرو حج ضرور ڪري. ڪعبي جي امام خطبو ڏيندي چيو ته اسلام ۾ توحيد جي شاهدي ۽ ختم نبوت جي شاهدي آهي، نماز آهي، زڪوات آهي جنهن کي غريبن، يتيمن ۽ فلاحي ڪمن جي لاءِ استعمال ڪيو ويندو آهي. وڌيڪ چيو ته بي شڪ الله تعاليٰ هر شئي تي قادر آهي، الله ڏاڍو رحم وارو ۽ مغفرت ڪرڻ وارو آهي، اهو ئي خدا آهي جنهن آسمان تان پاڻي وسايو. ڪعبي جي امام حج جي خطبي ۾ چيو ته الله جي ڳالهه ڪڏهن به تبديل ناهي ٿيندي. هن چيو ته الله انسانن ۽ جنن کي پنهنجي عبادت جي لاءِ پيدا ڪيو آهي، الله جي توحيد ۽ وحدانيت کي مصبوطي سان پڪڙڻ گهرجي. ڪعبي جي امام چيو ته قرآن پاڪ ۾ الله جي رحمتن بابت هر هر ارشاد آهي، نجات جو رستو رڳو الله جي رسي کي مضبوطي سان پڪڙڻ ۾ آهي. هن وڌيڪ چيو ته الله جيترا به آسماني ڪتاب نازل ڪيا انهن ۾ ضابطه حيات ٻڌايو، الله قرآن ۾ فرمايو ته اڄوڪي ڏينهن اسان دين کي مڪمل ڪيو. ڪعبي جي امام چيو ته قرآن انهن ماڻهن جي لاءِ آهي جن ايمان آندو، انهن جي لاءِ  نيڪي جو سرچشمو ثابت ٿيندو. هن حاجين کي مخاطب ڪندي چيو ته اي حاجيو جيترو ممڪن ٿي سگهي الله کي ياد ڪيو، دعائون ڪيو، الله دعائون قبول ڪرڻ وارو آهي. ڪعبي جي امام چيو ته جيڪي ماڻهو حق جي شاهدي ڏيندا الله انهن کي جنت ۾ داخل ڪندو. وڌيڪ چيو ته اسان جي لاءِ الله ئي ڪافي آهي جيڪو نهايت وڏو مهربان، ڏاڍو رحيم ۽ معاف ڪرڻ وارو آهي. هن چيو ته الله جي رحمت مان مايوس نه ٿيڻ گهرجي، الله جي رحمت جو دروازو هميشه کليل رهندو آهي. ڪعبي جي امام چيو ته نبي ڪريم صه جي زندگي دنيا جي هر شعبي جي لاءِ مشعل راهه آهي، الله جي رسول صه فرماريو ته سمورا مسلمان هڪ ئي جهڙا آهن. پنهنجي خطاب ۾ چيو ته الله سمورن مسلمانن کي پاڻ ۾ ڀاءُ بڻايو آهي، سٺو اخلاق، بهترين سلوڪ اڄ دنيا جون ضرورتون آهن. ڪعبي جي امام چيو ته نبي ڪريم صه جن فرمايو ته توهان زمين وارن تي رحم ڪيو الله توهان تي رحم فرمائيندا. هن حاجين کي خطاب ڪندي چيو ته پنهنجي والدين سان ڀلائي جو رستو اختيار ڪيو، والدين کان پوءِ مائٽن مٽن سان سٺو رويو اختيار ڪيو. وڌيڪ چيو ته اي مسلمانون! پنهنجي نفس کي پاڪ رکو، بي شڪ الله سموريون دعائون ٻڌڻ وارو ۽ دلين جا حال ڄاڻڻ وارو آهي.ڪعبي جي امام چيو ته نبي ڪريم صه ارشاد فرمايو ته جيڪي مسلمان نيڪ عمل ڪندا اُهي جنت ۾ ويندا. هن وڌيڪ چيو ته ڪيترائي سبب آهن جن جي ذريعي الله جي رحمت کي پاڻ ڏانهن راغب ڪري سگهجي ٿو. هن چيو ته مسلمان امت نفرتن کي ختم ڪري ڇڏي ۽ پنهنجي پاڻ کي سياسي طور تي مضبوط ڪري، اڄ مسلمانن کي پنهنجي سياسي معاشي حالتون دين جي موجب اختيار ڪرڻ جي ضرورت آهي. امام  الشيخ  محمد بن حسن آل الشيخ حج جي خطبي ۾ واپاري برادري کي مخاطب ڪندي چيو ته واپار طبقي جي لاءِ هدايت آهي ته هو وڪرو ۽ خريداري ڪري ته ايمانداري سان ڪم وٺي.

 

وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان

اسلام آباد (اين اين آءِ) وفاقي حڪومت 15 آڪٽوبر تي ٻاهرين ملڪن ۾ ڪم ڪندڙ پورهيتن لاءِ صحت ڪارڊ جاري ڪرڻ جو اعلان ڪندي چيو آهي ته وزيراعظم جي هدايت تي رياست پاڪستان ملڪ کان ٻاهر رهندڙ مزدورن کي علاج جي سهولت فراهم ڪندي 17 آگسٽ تي وزيراعظم اهم اعلان ڪندو 14 آگسٽ تي ڪشمير سان ٻڌي جو ڏهاڙو ملهائي رهيا آهيون 15 آگسٽ اسان ڪاري ڏينهن طور ملهائينداسين ذلفي بخاري سان گڏ پريس ڪانفرنس کي خطاب ڪندي ڊاڪتر ظفر مرزا چيو ته وزيراعظم کي عام عوام، غريب طبقي ۽ مستحق ماڻهن جو احساس آهي هن چيو ته صحت سهولت پروگرام ملڪ جي 43 ضلعن ۾ هلي رهيو آهي هن چيو ته ٿرپارڪر ۽ فاٽا جي ضم ٿيڻ کان پوءِ اتي به هي سهولت فراهم ڪئي ويئي آهي هن چيو ته 17 آگسٽ تي وزيراعظم اعلان ڪندو هن چيو ته اورسيز وزار ۽ صحت جي وزارت گڏجي ملڪ کان ٻاهر رهندڙ پاڪستانين لاءِ پروگرام تيار ڪيو آهي هن چيو ته جيڪو پاڪستاني مزدور ۽ ضرورتمند ماڻهو ملڪ کان ٻاهر آهي انهن جي خاندان کي به صحت پروگرام شامل ڪنداسين ذلفي بخاري چيو آهي ته جيڪو پاڪستاني مزدور ٻاهرين ملڪ وڃي ٿو ان کي به صحت ڪرڊ ڏينداسين هن چيو ته مزدور ماڻهو محنت ڪرڻ پنهنجي خاندان کي ڇڏي ٻاهرين ملڪ وڃن ٿا هنچ يو ته ٻاهرين ملڪن ۾ ليبر ڪيمپس جا دورا به ڪيا آهن عام طور تي مزدور طبقو قرض وٺي ٻاهرين ملڪ وڃي ٿو هن چيو ته غربت ۽ ڏکيائي سبب ڪجهه ماڻهو غلط ڪم ڪرڻ تي مجبور ٿين ٿا هن چيو ته وزيراعطم عمران ان جو ٿورائتو آهيان جو هن ان طبقي لاءِ قدم کنيا هن چيو ته ظفر مرزا ۽ صحت جي وزارت ان تي تيزي سان ڪم ڪيو آهي 15 آڪٽوبر کان ٻاهرين ملڪ ويندڙ مزدورن لاءِ صحت سهولت شروعات ڪري رهيا آهيون جيڪو به مزدور ٻاهر ويندو صحت جي وزارت ۽ اورسيز وزارت گڏجي ان جي علاج جو خرچ برداشت ڪندا. هن چيو ته ملڪ کان ٻاهر رهندڙ پاڪستانين کي اپيل آهي ته 15 آگسٽ تي ڀارتي قونصليٽ جي ٻاهران احتجاج ڪن هن چيو ته مان پاڻ به 15 آگسٽ تي لنڊن ۾ انڊين هاءِ ڪميشن آڏو احتجاج ۾ شرڪت ڪندس.

 

وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف

راولپنڊي (ويب ڊيسڪ) پاڪ فوج جي سربراهه جنرل قمر جاويد جاويد باجوا چيو آهي ته وطن لاءِ حياتي ڏيڻ سڀ کان وڏي قرباني آهي. آءِ ايس پي آر موجب آرمي چيف جنرل قمر جاويد باجوا شهيد ليفٽيننٽ ڪرنل راشد ڪريم بيگ، شهيد ليفٽيننٽ وسيم حيات ۽ سپاهي غلام رضا جي پونئيرن سان سندن رهائش گاهن تي ملاقات ڪيون، ان موقعي تي آرمي چيف جي گهرواري به ساڻس گڏ هئي. آرمي چيف جنرل قمر جاويد باجوا چيو ته وطن جي بچاءَ ۽ پنهنجي سرزمين جي حفاظت لاءِ جان جو نذرانو پيش ڪرڻ سڀ کان وڏي قرباني آهي، شهيد قوم جا هيرو آهن ۽ اسان پنهنجي هيروز کي سدائين ياد رکنداسين. هن چيو ته هيروز کي ياد رکڻ هٿياربند فوج ۽ قوم ٻنهي جي دلين کي گرمائڻ جو ذريعو آهي، شهيدن جي وارثن جو احسان ڪڏهن به نٿا لاهي سگهو، پنهنجي شهيدن جي وارثن جا قربانين لاءِ جيترا به ٿورا مڃون گهٽ آهن، آرمي جي هيروز کي ياد ڪرڻ پونئيرن جي حوصلا فزائي آهي

 

ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد

لاهور (اين اين آءِ) وفاقي وزير شيخ رشيد احمد اعلان ڪيو آيه ته جيستائين مان ريلوي جو وزير آهيان سمجهوته ۽ ٿر ايڪسپريس نه هلندي ڀارت سان ڳالهين جا سمورا دروازا بند ٿي چڪا آهن اسان جنگ جي ڳالهه نٿا ڪريون پر هاڻي قرض لاهڻ جو وقت اچي ويو آهي ڪشميري اسان جي رت جو هصو آهن مودي سياسي آپگهات ڪيو آهي هن فيصلي سان ڀارت جي معيشت، ثقافت، سيڪيولرازم، آئين ۽ ورلڊ فيم تباهه ٿي ويئي آهي عمران خان ۽ قمر جاويد باجوا هڪ گاڏي جا ٻه ڦيٿا آهن (ن) ليگ ۽ پ پ پ رليف وٺڻ جون ڪوششون ڪري رهيون آهن کين ڪشميرين ۽ فلسطينين سان ڪائي محبت نه آهي انهن جو رڳو اهو مطالبو آهي ته اسان کي ڇڏيو ٻاهر وڃڻ ڏيو منهنجي اطلاع مطابق ٻنهي بنا ڪنهن ذڪر ۽ لکت جي ٿرڊ پارٽي جي ذريعي پئسا ڏيڻ جي آڇ ڪئي اهي جيڪا عمران خان رد ڪري ڇڏي آهي وزيراعظم رٿابندي وزارت کي 15 ڏينهن اندر ايم ايل ون جي پي سي ون ۽ فزيبلٽي جي منطوري جي هدايت ڪئي آهي عيد کان پوءِ چڪوتي ۽ نيلم وادي جو دورو ڪندس اهڙن خيالن جو اظهار هن ريلوي هيڊڪوارٽر ۾ پريس ڪانفرنس ڪندي ڪيو شيخ رشيد چيو ته ريلوي جي فيڪٽرين ۾ ملازمن جي حاضري لاءِ بايوميٽرڪ سسٽم لڳائڻ جي هدايت ڪري ڇڏي آي ۽ هي 30 آگسٽ کان شروع ٿي ويندو جيڪو ملازم ان جي پاسداري نه ڪندو ان جي پگهار ڪاٽي ويندي ۽ ان کان جند به ڇڏائي سگهجي ٿي هن چيو ته وزيراعظم عمران خان رٿابندي وزارت کي هدايت ڪئي آهي ته 15 ڏينهن اندر ايم ايل ون ۽ پي سي ون ۽ فزيبلٽي جي منطوري ڪرائي وڃي چين سان اسان جالاڳاپا سٺا آهن وزراعظم عمرانخ ان ۽ آرمي چيف کي چين ۾ عزت ۽ مان مرتبو حاصل آهي اسان جي ڪوشش آهي ته ان تي بهترين ٽرمز ۽ ڪنديشن کي طئي ڪريون ۽ ان مختلف مرحلن ۾ مڪمل ڪيو ويندو ريلوي جي سمورن مسئلن جو حل ايم ايل ون منصوبو مڪمل ڪرڻ آهي هن چيو ته ڪشمير جي آزادي جي جدوجهد ۾ لال حويلي جو جيڪو ڪردار آهي مان 13 آگسٽ تي رات 12 وڳي هڪ منٽ تي خطاب ڪندس 14 ۽ 15 آگسٽ تي لنڊن ۽ مانچيسٽر ۾ خطاب ڪندس جڏهن ته عيد کان پوءِ چڪوٿي ۽ نيلم وادي جو دورو ڪندس ڪشميرين پنهنجي رت سان آزادي جي شمع کي روشن ڪيو آهي ۽ هي روشن رهندي پاڪستان جي ڪشميرين سان ڪمنٽمينٽ آهي ۽ اسان انهن سان گڏ بيٺا آهيون. هن چيو ته طالبان سکن، برٽش، روس، ۽ آمريڪا کي شڪست ڏني آهي هاني آمريڪا کي طالبان کان وڌيڪ وڃڻ ۾ تڪڙ آهي ۽ مون کي لڳي ٿو ته معاهدو گهڻو ويجهو آهي ۽ ٿي ويندو، طالبان، ايران ۽ چائنيز سنجيدگي سان سوچين ٿا ۽ پوءِ ڪائي ڳالهه ڪن ٿا عمران ان جي ڪوشش آهي ته جيڪڏهن آمريڪا ۽ طالبان جو ٺاهه ٿئي ٿو ته ان ۾ فائدو پاڪستان کي ٿيندو ڇو ته اسان دنيا ۾ اڪيلا نٿا رهي سگهون. هن چيو ته هاڻي ٻهارو ڦري ويو آهي هاڻي ڪنهن جو وارو اچي ٿو شڪر اهي جو آصف زرداري به بلاول کي مرد چئي ڇڏيو آهي ۽ اسان ان تي ڪوئي تبصرو ناهي ڪيو هن چيو ته (ن) ليگ تباهي جي جنهن ڪناري تي پهتي آهي ان جوڪريڊٽ مريم نواز ڏانهن وڃي ٿو.

 

فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو

ڪراچي (م.ڊ) سنڌ هاءِ ڪورٽ فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل ڪندي ايف بي آر کي ٽئڪس اوڳاڙڻ کان روڪي ڇڏيو. سنڌ هاءِ ڪورٽ ۾ اڳوڻي صدر آصف زرداري ۽ پ پ ايم پي اي فريال ٽالپر کي ايف بي آر جي نوٽيس خلاف داخل درخواست تي ٻڌڻي ٿي. عدالت ايف بي آر جي نوٽيس کي عارضي طور معطل ڪندي فريال ٽالپر ۽ زرداري گروپ کان ٽئڪس اوڳاڙڻ کان روڪي ڇڏيو. ٻڌڻيءَ دوران ايف بي آر اختيارين عدالت کي آگاهه ڪيو ته فريال ٽالپر ۽ زرداري گروپ جي زمين ٽئڪس گوشوارن مان هڪجهڙائي نٿي رکي، کين ٽئڪس ادائگي جو نوٽيس موڪليو ويو آهي. نواب شاهه ۾ فريال ٽالپر ۽ زرداري گروپ جي نالي تي ڪيترائي ايڪڙ زمين آهي، ايف بي آر طرفان ٻنهي ڀاءُ ڀيڻ کان زمين جو مڪمل رڪارڊ ۽ ٽئڪس جا تفصيل طلب ڪيا ويا هئا. فريال ٽالپر ۽ آصف زرداري طرفان سنڌ هاءِ ڪورٽ ۾ داخل درخواست ۾ موقف اختيار ڪيو ويو ته زمينن تي تڪرار عدالت ۾ هلندڙ آهي، تنهن ڪري ايف بي آر جو نوٽيس معطل ڪيو وڃي.

 

وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي

اسلام آباد(ويب ڊيسڪ) گيس ٽيرف ۾ 200 سيڪڙو تائين واڌ کان پوءِ  ڏيڍ مهيني کان به گهٽ عرصي ۾ حڪومت گيس جي گهٽ ۾ گهٽ قيمت ۾ لڳ ڀڳ سمورن صارفن جي لاءِ وڌيڪ 39 سيڪڙو واڌ ڪري ڇڏي آهي. پر ڪمرشل صارفن جي لاءِ اِها واڌ 9 سيڪڙو ٿيڻ جا امڪان آهن جڏهن ته گهرو صارفن جي لاءِ ان ۾ ڪا به ڦيرڦار ناهي ڪئي وئي. ميڊيا جي رپورٽن موجب اِهو فيصلو آئل اينڊ گيس ريگوليٽري اٿارٽي (اوگرا) توانائي واري وزارت ۽ پيٽروليم ڊويز جي تجويز تي ڪيو. ان فيصلي جي موجب هر صارف کيگيس استعمال ڪرڻ يا نه ڪرڻ جي باوجود گهٽ ۾ گهٽ چارجز ادا ڪرڻا پوندا يعني جيڪڏهن هڪ اهڙي جاءِ جتي گيس جو ڪنيڪشن موجود هجي پر استعمال ٻڙي هجي ان کي به اِهي چارجز ادا ڪرڻا پوندا. اوگرا جي نوٽيفڪيشن موجب رهائشي صارفن جي لاءِ گھٽ ۾ گهٽ گيس چارجز بنا ڪنهن ڦيرڦار جي 173  رپيا في ملين برٽش ٿرمل يونٽ رهندو جڏهن ته گهٽ ۾ گهٽ چارجز جي مد ۾ ڪيل واڌ پهرين جولاءِ 2019 کان لاڳو هوندي. هوڏانهن ڪمرشل صارفن ۽ برف ڪارخانن جي لاءِ گھٽ ۾ گهٽ چارجز 9.1 سيڪڙو واڌ کان پوءِ 5 هزار 880 رپين کان وڌائي 6 هزار 415 رپيا ۽ عام صنعتن جي لاءِ 38.6 سيڪڙو واڌ کان پوءِ 26 هزار 302 رپين کان وڌائي 36 هزار 450 رپيا ٿي وئي. اهڙي ريت ڪمپريسڊ نيچرل گيس ۽ سيمنٽ جي لاءِ به گهٽ ۾ گهٽ چارجز 38.6 سيڪڙو واڌ کان پوءِ 33 هزار 49 رپين کان 45 هزار 803 رپيا ڪئي وئي آهي. ٻئي پاسي واپڊا آءِ پي پيز ۽ ڪي اليڪٽرڪ جي لاءِ گيس جا گهٽ ۾ گهٽ چارجز 38.7 سيڪڙو واڌ کان پوءِ 21 هزار  210 رپين کان وڌائي 29 هزار 417 رپيا ٿي وئي.

 

سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو

اسلام آباد (ويب ڊيسڪ) سپريم جوڊيشل ڪائونسل، سپريم ڪورٽ جي جج جسٽس قاضي فائز عيسيٰ تي قومي اداري خلاف مڇرائڻ تي فرد جرم لاڳو ڪري ڇڏيو. جسٽس قاضي فائز عيسيٰ پنهنجي آئيني درخواست ۾ اهو سوال اٿاريو هو ته اٽارني جنرل ذريعي غيرقانوني طور تي جمع ڪرايل جواب الجواب ۾ قومي ادارن جي شق جو اضافو ڪيو ويو جيڪو اصل شوڪاز ۾ شامل نه هو. ميڊيا رپورٽ موجب سپريم جوڊيشل ڪائونسل صدر کي لکيل خط جي حوالي سان شوڪاز نوٽيس ۾ جسٽس فائز تي ادارن جي توهين ڪرڻ تي فرد جرم لاڳو ڪيو ويو  آهي.

 

ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت

ڪراچي (نمائندن وٽان) سنڌ جي مختلف شهرن ۾ تيز هوا ۽ گجگوڙ سان برسات دوران بجلي ۽ مواصلاتي نظام ڊانواڊول ٿي ويو، مختلف حادثن ۽ واقعن ۾ 4 ڄڻا فوت ٿي ويا. سنڌ جي راڄڌاني ڪراچي ۾ صبح جو ئي تيز برسات شروع ٿي وئي. نيو ڪراچي، سرجاڻي ٽائون، شاهراهه فيصل، ايئرپورٽ، ڊالميا، يونيورسٽي روڊ، گلشن اقبال، فيڊرل بي ايريا، ڪلفٽن، صدر، ماڊل ڪالوني، قائد آباد، ماروي ڳوٺ، گرين سٽي، گلشن حديد، ملير ۽ ٻين علائقن ۾ وقفي وقفي سان تيز ۽ هلڪي برساتي ٿي رهي آهي. برسات دوران نيو ڪراچي، قائد آباد، پهلوان ڳوٺ، صفوران ڳوٺ، لانڍي ۽ ٻين علائقن کي بجلي جي فراهمي معطل ٿي وئي. ريسڪيو ذريعن جو چوڻ آهي ته ميانوالي ڪالوني ۾ ڪرنٽ لڳڻ سبب هڪ ڄڻو فوت ٿي ويو.
اوٻاوڙو ۽ ڀرپاسي وارن علائقن ۾ تيز هوا سان وسڪارو ٿيو آهي، موسم خوشگوار ٿي وئي. ڪوٽڙي ڪبير ۽ آسپاس گجگوڙ سان برسات دوران گرمي جو زور ٽٽي ويو، جڏهن ته بدانتظامي سبب رستن ۽ گهٽين تي پاڻي بيهجي ويو آهي. خانواهڻ، محرابپور، قاضي احمد، ڪنڊيارو، محبت ديرو، ڪمال ديرو ۽ آسپاس وارن علائقن ۾ تيز هوا سان برسات پئي آهي. اُنهن علائقن ۾ نالا بند هجڻ ڪري برساتي پاڻي رستن ۽ گهٽين تي بيٺل آهي. جهڏو ۾ برسات دوران پيرسن گداگر عورت اوطاق ۾ پناهه ورتي ته اوچتو ڇِت ڪرڻ سبب دٻجي وئي، علائقي واسين ملبي مان عورت جو لاش ڪڍي ورتو. ٽنڊو ڄام جي ورڪشاپ ڪالوني ۾ نوجوان وڪاش ڪرنٽ لڳڻ سبب فوت ٿي ويو. ڪنڊيارو ۽ ڀرپاسي جي علائقن ۾ تيز برسات دوران ڪچن گهرن جون ڀتيون ۽ ڇِتيون ڊهي پيون. ڳوٺ پڪا گهانگهرا ۾ گهٽيءَ ۾ بيٺل نينگر مٿان ڀِت ڪري پئي، جنهن جي نتيجي ۾ 5 ورهين جو نينگر راشد ولد محمد گهانگهرو فوت ٿي ويو. شهباز ڪالوني ۾ جمن جتوئي ۽ عليم جتوئي جا گهر ڊهي پيا، جڏهن ته هوٽل جي ڇِت ڪرڻ سبب فقير پانڌي کوسو زخمي ٿي پيو.
جيڪب آباد ۽ ڀرپاسي وارن علائقن ۾ تيز هوائن سان برسات پئي آهي، جنهن ڪري بجلي ۽ مواصلاتي نظام ڊانواڊول ٿي ويو. پکو ۽ ڀرپاسي وقفي وقفي سان هلڪي برسات جو سلسلو جاري آهي. ملڪاڻي شريف، کاهي، سيوهڻ ۽ شاهپور جهانيان توڙي ڀرپاسي جي علائقن ۾ تيز هوائن سان برسات پئي آهي. برسات سبب جلي بند ٿي وئي، جڏهن ته فصل به پاڻي هيٺ اچي ويا آهن. برسات دوران هيٺانهين وارا علائقا پاڻي هيٺ اچي ويا، جنهن ڪري رهواسين کي ڏکيائين جو منهن ڏسڻو پئجي رهيو آهي.
حيدرآباد ۾ تيز هوا سان برسات کانپوءِ بجلي جو نظام ڊانواڊول ٿي ويو، جنهن ڪري شهرين کي پريشانين جو منهن ڏسڻو پئجي رهيو آهي. گذريل برساتن ۾ به بجلي جو نظام ڊانواڊول ٿيڻ ڪري انتظاميا پاڻي نيڪال ڪرڻ ۾ ناڪام ٿي وئي، شهرين ڪيترن ڏينهن تائين ٻٽي عذاب کي منهن ڏنو. گپچاڻي ۽ شهدادپور ۾ به برسات پئي آهي.

 

هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

لاهور(ويب ڊيسڪ) جماعت اسلامي جي امير سراج الحق چيو آهي ته اسان ڪشمير تي پاڪستاني موقف جي حمايت تي چين جا ٿورا ادا ڪيون ٿا. اهڙن خيالن جو اظهار هن ميڊيا سان ڳالهائيندي ڪيو. سندس چوڻ هو ته هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي. سينيٽر سراج الحق چيو ته اسان پاڪستاني قوم، عالمي برادري کي متحرڪ ڪرڻ جي ڪوشش ڪري رهيا آهيون. سندس وڌيڪ چوڻ هو ته والاريل ڪشمير جي صورتحال تي عالمي ڪشمير ڪانفرنس گهرائينداسين، اِهو اهم ترين معاملو آهي. هن وڌيڪ چيو ته ڪشميري اڄ پنهنجي بقا جي ويڙهه وڙهي رهيا آهن، ڪشمير تي ڀارت جو قبضو قبول ناهي.