تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: August 9, 2019

پاڪستان جو والاريل ڪشمير بابت ڀارتي قدم خلاف سلامتي ڪونسل وڃڻ جو فيصلو

اسلام آباد (اين اين آءِ) پاڪستان والاريل ڪشيمر بابت ڀارتي قدمن جي خلاف گڏيل قومن جي سلامتي ڪونسل وڃڻ جو اعلان ڪندي چيو آهي ته ڀارت پلواما جهڙو ڊرامو رچائي سگهي ٿو، ڀارت پاران والاريل ڪشمير کي اندروني معاملو قرار ڏيڻ غلط آهي، اسان 28 ملڪن کي قومي سلامتي ڪائونسل جي فيصلن کان آگاهه ڪري ڇڏيو آهي، اسان هوشيار آهيون، جڏهن ته ملٽري آپشن غور هيٺ نه آهي، پاڪستان سفر جي شروعات ڪري ڇڏي آهي، گڏيل ٺهراءُ ان جي شروعات آهي، قومي سلامتي ڪميٽي جي قائم ڪميٽي ۾ سمورن ادارن جي نمائندگي آهي، چين مان واپس اچڻ کانپوءِ هن ڪميٽي جو اجلاس ٿيندو، ڀارت اسان کي نظرثاني ڪرڻ لاءِ چئي رهيو آهي ته ٻه طرف نظرثاني ڇو نه، ڪرتار راهداري بابت پنهنجي موقف تي قائم آهيون، ڀارت سان سفارتي عملي جو انگ گهٽ ڪيو ويندو، سفارتڪارن جي چرپر به محدود ڪئي ويندي، پاڪستان جي فيصلي سان افغانستان جو واپار متاثر نه ٿيندو، انڊر اسٽيڊنگ برقرار رهندي، پاڪستان پاران هوائي حدود محدود ڪرڻ جي خبر غلط آهي، خميس تي پريس ڪانفرنس کي خطاب ڪندي شاهه محمود قريشي چيو ته ڀارت جو ضد آهي ته آرٽيڪل 370 ختم ڪرڻ ان جو اندروني معاملو آهي ۽ هي ان لاءِ ختم ڪيو آهي ته جئين والاريل ڪشمير جي عوام جي ترقي ٿي سگهي پر پاڪستان کي ان تي اعتراض ڇو آهي، پرڏيهي وزير چيو ته ڀارت جو اهو تاثر بلڪل غلط آهي ۽ پاڪستان ان موقف کي رد ڪري ٿو، هن چيو ته والاريل ڪشمير سڄي دنيا ۾ تسليم ڪيل تڪراري علائقو آهي، ان تي سلامتي ڪونسل جا ڪافي ٺهراءَ موجود آهن جن کي بنياد بڻائي اسان ٻيهر سلامتي ڪونسل وڃڻ جو فيصلو ڪيو آهي. هن چيو ته والاريل ڪشمير ۾ رتو ڇاڻ ٿيڻ جو خدشو آهي، هن وقت اها صورتحال آهي جو 9 لک ڀارتي فوجي مقرر آهن، يعني هر هڪ گهر ٻاهران هڪ سپاهي موجود آهي، ڇا اهو به هن انهن جي فلاحي ۽ بهبود جو حصو آهي، هن چيو ته ڀارت چوي ٿو ته هي اندروني معاملو آهي پر ڀارت جي اڳوڻي وزيراعظم جواهر لال نهرو به چيو هو ته ڪشمير جو فيصلو ان جي عوام جي خواهش موجب ٿيندو، پرڏيهي وزير چيو ته يورپي يونين جي پرڏيهي پاليسي جي سربراهه فيڊرڪا نوگريني سان ان مسئلي تي ڳالهه ٻولهه ٿي، هن چيو ته اسان کي ڳڻتي آهي ۽ چاهيون ٿا ته ڪشمير ۾ ڇڪتاڻ نه وڌي. پرڏيهي وزير چيو ته يورپي يونين ڳالهيون اڳتي وڌائڻ ۾ ڪو ڪردار ادا ڪرڻ چاهي ٿي ته پاڪستان طرفان اجازت آهي، ڀارت کان پڇا ڪئي وڃي ته ڇا اهو تيار آهي، هن چيو ته جڏهن ڊونلڊ ٽرمپ ٽياڪڙي جي آڇ ڪئي هئي ته پاڪستان ان جي آجيان ڪئي هئي، رد ڪنهن ڪيو ۽ اها شيءِ غور جوڳي آهي.

ٻئي طرف  وزيراعظم جي سڌسماءِ جي خاص مددگار فردوس عاشق اعواڻ چيو آهي ته ڀارت جتي جتي ڪشمرين جو استحصال ڪندو پاڪستان اتي آڏو بيهي رهندو پاڪستان ڪشميرين جي حمايت لاءِ هرهڪ آپشن استعمال ڪندو پاڪستاني پارليمينٽ جي ٺهراءُ ۾ عوام جي جذبن جي ترجماني ڪئي ويئي قومي سلامتي ڪميٽي اجلاس جا فيصلا ڪشميرين سان رشتي کي ظاهر ڪن ٿا خميس تي ميڊيا سان ڳالهائيندي فردوس عاشق اعواڻ چيو ته سول ۽ عسڪري قيادت ڪشميرين جي سڏ ۾ سڏ ڏنو هن چيو ته ملڪي قيادت ڪشميرين سان مڪمل ٻڌي جو اظهار ڪيو هن چيو ته ملڪي قيادت دنيا کي پيغام ڏنو ته ڪشمير پاڪستان جو حصو آهي هن چيو ته قائداعظم جي ٻه قومي نظريي سان اختلاف ڪندڙ اڄ سمجهي چڪا هوندا هن چيو ته قائداعطم هندو سوچ کي سمجهي ورتوهو اڄ ڀارت اقليتن خاص ڪري مسلمانن سان جيڪو ڪجهه ڪري رهيو آهي اهو سڀني جي سامهون آهي. هن چيو ته ڀارت ڪشمير ۾ ميڊيا تي مڪمل پابندي هڻي ڇڏي آهي هن چيو ته ڀارت ڪشميرين تي ظلم دنيا آڏو آڻڻ نه پيو ڏي هن چيو ته ڪشميرين جي آزادي واري جدوجهد جي تحريڪ بڻجي سامهون آئي آهي هن چيو ته پاڪستان ڪشميرين جي حمايت لاءِ هر آپشن استعمال ڪندو.

 

مريم نواز نيب هٿان گرفتار، پ پ جي مذمت، بلاول جو قومي اسيمبلي ۾ احتجاج، واڪ آئوٽ

اسلام آباد/لاهور (ويب ڊيسڪ) نيب مسلم ليگ ن جي نائب صدر مريم نواز ۽ نواز شريف جي ڀاڻيجي يوسف عباس کي چوڌري شگر ملز ڪيس ۾ گرفتار ڪري ورتو. ذريعن موجب مريم نواز اڳوڻي وزيراعظم نوازشريف سان ملاقات جي لاءِ ڪوٽ لکپت جيل پهتي هئي جتي نيب ٽيم پهريان ئي موجود هئي جنهن  پوءِ جيئن ئي مريم نواز پهتي نيب کيس گرفتار ڪري ورتو. نيب طرفان جاري ڪيل پڌرائي موجب موريم نواز ۽ يوسف عباس کي چوڌري شگرملز ڪيس ۾گرفتار ڪيو ويو آهي، نيب چيئرمين جي حڪم تي ڊاڪٽرن جي ٽيم مريم نواز ۽ يوسف عباس جو طبي معائنو ڪندي جنهن کان پوءِ ٻنهي کي سڀاڻي لاهور عدالت ۾ ريمانڊ لاءِ پيش ڪيو ويندو. نيب پڌرائي موجب پرڏيهي شيئر هولڊرز طرفان مريم نواخ کي شيئرز جي منتقلي جي تفصيلن تي وضاحت گھري وئي هئي، سڀني شيئرز جي منتقلي 21 مئي 2018 تي ڪرڻ جو انڪشاف ٿيو، شيخ زڪاالدين طرفان 20 لک 21 هزار 760 شيئرز مريم نواز جي نالي تي منتقل ڪيا ويا ۽ هاني احمد ڄام طرفان 97 هزار 33 شيئرز مريم نواز کي منتقل ٿيا. نيب ذريعن موجب نيب مريم نواز کان ان سوال جي وضاحت گھري هئي ته مريم نواز 70 لک شيئرز يوسف عباس کي منتقل ڪيا، اهي شيئرز 20.7.2011 تي يوسف عباس نصير عبدالله کي ٽرانسفر ڪيا ۽ ان کان پوءِ اهي شيئرز حسين نواز کي منتقل ڪيا ويا، نيب مريم نواز کان انهن شيئرز جون رسيدون، رقم جي ادائگي ۽ ايگريمنٽ جا تفصيل به ساڻ آڻڻ جو چيو هو. نيب ذريعن موجب چوڌري شگر ملز ڪيس ۾ مريم نواز 31 جولاءِ تي سوالنامي جا تسلي جوڳا جواب نه ڏنا هئا جنهن کيس ٻيهر سوالنامو موڪليو ويو هو ۽ هن کي اڄ جواب ڏيڻ لاءِ طلب ڪيو ويو هو پر مريم نواز نيب جي ٽيم آڏو پيش ٿيڻ کان انڪار ڪري ڇڏيو.ن ليگ جي صدر شهباز شريف چيو آهي ته حڪومت سياسي انتقام جي انڌير نگري مچائي ڇڏي آهي ۽ اهي سڀ ماڻهو جيل ۾ آهن جن ملڪ ۽ قوم جي خدمت ڪئي. پاڪستان مسلم ليگ (ن) جي صدر ۽ مخالف جي اڳواڻ شهباز شريف اڳوڻي ناڻي واري وزير  مفتاح اسماعيل جي گرفتاري جي مذمت ڪندي چيو آهي ته حڪومت سياسي انتقام جي جي انڌير نگري مچائي ڇڏي آهي. مفتاح اسماعيل هڪ انتهائي قابل، ايماندار ۽ محب وطن شخص آهي. هن چيو ته اهي سمورا ماڻهو جيل ۾ آهن جنهن نيڪ نيتي، ايمانداري ۽ سچي نيت  سان ملڪ ۽ قوم جي خدمت ڪئي. اڻڄاڻ حڪومت هر باصلاحيت شخص کي جيل ۾ وجهي رهي آهي ۽ اسچي آواز کي خاموش ڪرايو پيو وڃي. سندس چوڻ هو ته مفتاح اسماعيل ملڪي معيشت جي بهتري لاءِ ملڪ ۽ قوم جي بهترين مفاد ۾ خدمتون ڏنيون. شاهد خاقان عباسي ملڪ مان گئس جو بحران ختم ڪيو ۽ خواجا سعد رفيق ريلوي کي ٺيڪ ڪيو. هوڏانهن پاڪستان پيپلز پارٽي جي چيئرمين بلاول ڀٽو زرداري ن ليگ جي نائب صدر مريم نواز جي نيب هٿان گرفتاري جي مذمت ڪندي احتجاج طور اسيمبلي اجلاس مان واڪ آئوٽ ڪري ڇڏيو. پاڪستان پيپلز پارٽي جي چيئرمين ۽ قومي اسيمبلي جي ميمبر بلاول ڀٽو زرداري اجلاس دوران خطاب ڪندي چيو ته اسان ٽي وي تي ڏٺو ته مخالف ڌر جي هڪ عورت ميمبر کي هن حڪومت گرفتار ڪيو آهي. جذباتي انداز ۾ تقرير ڪندي بلاول ڀٽو زرداري چيو ته منهنجو خاندان نسلن کان سياست ڪري رهيو آهي، اسان گهڻو ڪجهه ڏٺو آهي پر جيڪو ضيا جي دور ۾ ٿيو اُهو ئي عمران خان جي دور ۾ به ٿي رهيو آهي. بلاول ڀٽو زرداري جو چوڻ هو ته تاريخ ياد رکندي ته عمران خان جيڪو انصاف جي ڳالهه ڪندو هو ان نئين پاڪستان ۾ ڪنهن الزام کان سواءِ مريم نواز کي گرفتار ڪيو هو. پ پ چيئرمين مريم نواز جي گرفتاري تي سخت ناراضگي جو اظهار ڪندي قومي اسيمبلي جي اجلاس مان واڪ آئوٽ ڪري ڇڏيو. اجلاس ملتوي ٿيڻ کان پوءِ حڪومتي ميمبر قومي اسيمبلي جي ٻاهران ميڊيا سان ڳالهائڻ جي لاءِ گڏ ٿيا ته ان موقعي تي ليگي اسيمبلي ميمبر به اُتي پهچي ويا جتي ڪارڪنن هڪ ٻئي جي خلاف سخت نعريبازي ڪئي. بئي طرف اڳوڻي صدر  آصف زرداري مريم نواز جي گرفتاري جي مذمت ڪندي چيو آهي ته اڄ هي اسان جي عورتن کي گرفتار ڪن ٿا، سڀاڻي سندن گهرن جون عورتون به گرفتار ٿينديون. اڳوڻي صدر آصف زرداري مريم نواز جي گرفتاري تي ردعمل ظاهر ڪندي چيو ته هو مريم نواز جي گرفتاري جي سخت لفظن ۾ مذمت ڪري ٿو، هي سڀاڻي منهنجي ڀيڻ کي به گرفتار ڪرڻ گهرن ٿا، بات نڪليگي تو دور تلڪ جائيگي. آصف زرداري چيو ته هُنن جي گهرن ۾ به عورتون آهن، تنهن ڪري مائرن ۽ ڀينرن جي عزت ڪرڻ گهرجي. اڄ هي اسان جي عورتن کي گرفتار ڪن ٿا، سڀاڻي سندن گهرن جون به عورتون گرفتار ٿينديون.

 

سنڌ حڪومت جو پلاسٽڪ جي ٿهيلين تي پابندي جو اعلان

ڪراچي (اسٽاف رپورٽر) سنڌ جي ماحوليات بابت صلاحڪار ۽ ترجمان سنڌ حڪومت بئريسٽر مرتضيٰ وهاب جو پلاسٽڪ جي ٿيلن تي مڪمل پابندي لڳائڻ وارو اعلان هلندڙ سال پهرين آڪٽوبر کان شروع ٿيندو. پوري صوبي ۾ پلاسٽڪ جي ٿيلين جي تياري، وڪڻڻ ۽ استعمال تي مڪمل پابندي هوندي. صوبائي صلاحڪار پابندي جو اعلان سنڌ جي ماحوليات واري کاتي ڪيو آهي ماحوليات کاتي پلاسٽڪ جي ٿيلين جي استعمال کي روڪڻ لاءِ عوامي آگاهي مهم جو آغاز ڪيو آهي ماحوليات کاتي پاران عوام ۾ ڪپڙي جا ٿيلا ورهايا ويندا. ماحوليات واري صلاحڪار ڪلفٽن ٽي تلوار تي عوام ۾ ڪپڙي جا ٿيلا ورهايا، شهرين پاران ماحوليات کاتي جي پذيرائي لاءِ شهر جي مختلف علائقن ۾ ڪپڙي جا ٿيلا ورها يا ويندا ڪپڙي جي ٿيلن جي ورهائڻ جو مقصد پلاسٽڪ جي ٿيلين جي استعمال کي روڪڻ آهي. ڪراچي سميت پوري سنڌ جي عوام جي آگاهي مهم ۾ سنڌ حڪومت جو ساٿ ڏيو. پلاسٽڪ جون ٿيليون بڻائيندڙ ڪارخانيدارن، دڪاندارن ۽ قومي ميڊيا ي به تعاون جي اپيل آهي ڇو ته ڪاخانيدارن، دڪاندارن ۽ ميڊيا جي تعاون کان بغير مهم ڪامياب ٿيڻ مشڪل آهي. پنهنجي بهتر مستقبل لاءِ سنڌ حڪومت جو ساٿ ڏيو. پلاسٽڪ جي ٿيلين جي استعمال تي پهرين کان پابندي آهي. اسان ان تي عمل ڪرائڻ چاهيون ٿا. پهرين آڪٽوبر کان  پوءِ قانون حرڪت ۾ ايندو. پابندي لاڳو ٿيڻ کان پوءِ پلاسٽڪ جي ٿيلين جو استعمال، بڻائڻ ۽ وڪرو ڪندڙن خلاف ڪارروائي ٿيندي. پلاسٽڪ جون ٿيليون ماحولياتي گدلاڻ جو سبب آهن. ڪراچي جا 50 سيڪڙو کان وڌيڪ نالا چوڪ ٿيڻ جو ڪارڻ پلاسٽڪ جون ٿيليون آهن. سنڌ حڪومت جي ترجمان ۽ قانون، ماحوليات ۽ سامونڊي ترقي بابت صلاحڪار بئريسٽر مرتضيٰ وهاب ۽ بلديات واري صوبائي وزير ناصر حسين شاھ دهلي ڪالوني پهچي صفائي مهم جو جائزو وٺندا. دهلي ڪالوني ڪنٽونمنٽ جو علائقو آهي هتي به سنڌ حڪومت جي تحت صفائي مهم جاري آهي ڇو ته اسان عوام جي بنا فرق جي خدمت ڪري رهيا آهيون.

 

 

سمجهوته ايڪسپريس بند ڪرڻ جو فيصلو، جنگ ٿي سگهي ٿي: شيخ رشيد

اسلام آباد (اين اين آءِ) ريلوي جي وفاقي وزير شيخ رشيد پاڪستان ۽ ڀارت وچ ۾ هلندڙ سمجهوته ايڪسپريس ٽرين هميشه لاءِ بند ڪرڻ جو اعلان ڪندي چيو آهي ته ڀارت جيڪو ڪجهه ڪيو اها رٿيل سازش ۽ ان جو ايجنڊا آهي هي خطري وارو سال هوندو هن ۾ جنگ به ٿي سگهي ٿي ڪشمير تي ٿيندڙ ظلم تي خاموش نٿا ويهي سگهون جيڪڏهن جنگ مڙهي ويئي ته اها آخري جنگ هوندي خميس تي پريس ڪانفرنس ڪندي شيخ رشيد چيو ته ڪراچي ويندڙ هر ٽرين ۾ ٻه گاڏا وڌائڻ جو فيصلو ڪيو آهي عيد تي ٻه اسپيشل ٽرينون هلايون آهن عيد کان پوءِ ٽرين ٽائمنگ گاڏن ۽ صفائي ۾ بهتر تبديلي آڻينداسين نيون 38 ٽرينون هلائڻ سان نظام متاثر ٿيندو 70 لک مسافر وڌيڪ کنيا ۽ 10 ارب وڌيڪ ڪمايا والاريل ڪشمير جي صورتحال تي ڳالهائيندي شيخ رشيد چيو ته جيڪڏهن جنگ مڙهي ويئي ته هي جنگ آخري هوندي هن چيو ته ڪشمير ڪوئي والاريل بيت المقدس نه اهي مودي بيوقوفاڻو ڪم ڪيو ڪافي سياستدان اهڙي غلطي ڪندا آهن جنهن سان تاريخ تبديل ٿي ويندي آهي اهو نٿو ٿي سگهي ته اسان ظلم تي خاموش رهون ان لاءِ ريلوي جي وزير جي حيثيت سان سمجهوتو ايڪسپريس کي هميشه لاءِ ختم ڪرڻ جو اعلان ڪري رهيو آهيان هي ٽرين هفتي ۾ ٻه ڏينهن هلندي هئي ان جي مسافرن کي ٽڪيٽون واپس ڪرڻ تي سمورا پئسا ڏنا ويندا شيخ رشيد چيو ته ڪشميري ۽ پاڪستان جي دل گڏ ڌڙڪي ٿي مان ڪشمير کي چڱي طرح ڄاڻان ٿو مودي جي سياست لال چوڪ سرينگر ۾ ختم ٿيندي هن چيو ته ڀارت ڪشمير بابت عالمي ادارن جي ٺهراءُ تي ٿڏي ڇڏيو ڀارت شملا معاهدي کي به ٿڏي ڇڏيو ڀارت لائين آف ڪنٽرول جي معاهدي جي به ڀڃڪڙي ڪئي آهي اسان والاريل ڪشمير ۾ ڀارت پاران ٿيندڙ ظلم جي مذمت ڪيون ٿا. ٻئي پاسي سمجهوته ايڪسپريس واگها ريلوي اسٽِشن تي ڀارت وڃڻ لاءِ تيار هئي پر ڀارتي عملدارن پاران ٽرين وصول ڪرڻ جي ڪليئرنس نه ڏني ويئي ٻنهي ملڪن جي اسٽيشن ماسٽرن هاٽ لائين تي رابطو ڪيو جنهن تي ڀارت ڪو جوڳو جواب نه ڏنو ۽ ٽرين صبح 8 وڳي کان 109 مسافرن کي کڻي اسٽيشن تي بيٺي رهي.

 

اڳوڻي صدر جو 8 ڏينهن جو رمانڊ منظور، نيب 40 سوال پڇيا آهن پر منهنجي وڪيل لطيف کوسا سان ملڻ به نه پيو ڏنو وڃي: زرداري

اسلام آباد (اين اين آءِ) احتساب عدالت اڳوڻي صدر آصف زرداري جي جسماني ريمانڊ ۾ 8 ڏينهن جي واڌ ڪري ڇڏي، خميس تي جعلي اڪائونٽ ڪيس جي ٻڌڻي ڊيوٽي جج طاهر محمود ڪئي، فريال ٽالپر احتساب عدالت ۾ پيش ٿي، آصف زرداري کي سخت پهري ۾ عدالت ۾ آندو ويو، عدالت پڇاڻو ڪيو ته آصف زرداري جو ڪيترو جسماني ريمانڊ ٿي چڪو آهي، جاچ آفيسر ٻڌايو ته آصف زرداري جو 58 ڏينهن جو جسماني ريمانڊ مڪمل ٿي چڪو  آهي، جج چيو ته ريمانڊ جي پهرين ۽ آخري ڏينهن جي ڊائري ڏيکاريو، جاچ آفيسر چيو ته آخري 3 ڏينهن جي ڊائري ڏني آهي، وقت ڏيو ته اڃا وڌيڪ ڊائري پيش ڪندس، جج چيو ته آخري 10 ڏينهن ريمانڊ تي ڪهڙي اڳڀرائي ٿي انهن ٻنهي جي رپورٽ ڏيو، نيب پراسيڪيوٽر آصف زرداري جي 8 ڏينهن جي جسماني ريمانڊ جي اپيل ڪئي، جاچ آفيسر چيو ته جيتري جاچ ٿي چڪي ان بنياد تي عيد جي 10 ڏينهن کانپوءِ عدالت ۾ ڪچو ريفرنس داخل ڪندس، هن چيو ته وڌيڪ 8 ڏينهن ريمانڊ ڏنو وڃي ته جيئن جاچ مڪمل ڪري سگهان. عدالت آصف زرداري جي جسماني ريمانڊ ۾ 8 ڏينهن جي واڌ ڪندي 16 آگسٽ تي کيس ٻيهر پيش ڪرڻ جو حڪم ڏنو.

 

 

سڌ سماءَ جي آفيسرن جي ڪارڪردگي جي حوالي سان منفي تاثر ملي ٿو، جديد ٽيڪنالوجي جو استعمال به ڪيو وڃي: سعيد غني

ڪراچي (اسٽاف رپورٽر) اطلاعات ۽ پورهيو کاتي واري صوبائي وزير سعيد غني اڄ سمورن ڊويزنل ڊائريڪٽرن ۽ سمورن ضلعي آفيسرن سان گڏ اجلاس گهرايو. اجلاس ۾ اطلاعات کاتي جو سيڪريٽري عمران عطا سومرو، اطلاعات کاتي جي ڊويزنل آفيسرن سميت ٻين آفيسرن شرڪت ڪئي. ۽ ڊويزنل سطح تي اطلاعات کاتي جي سموري ڪارڪردگي تي تفصيلي بريفنگ ڏني وئي. اطلاعات کاتي جي تاريخ ۾ پهريون ڀيرو خاص ڪري ڊويزنل آفيسرن کي گهرايو ويو. اجلاس ۾ اطلاعات واري وزير سموري صوبي ۾ اطلاعات جي شعبي پاران عوام تائين سنڌ حڪومت ۽ ان جي ماتحت کاتن پاران ڪيل اپائڻ کي عوام تائين پهچائڻ جي حوالي سان آگاهي حاصل ڪئي. هن چيو ته اطلاعات جي شعبي جو اصل ڪم  عوام تائين ميڊيا جي ذريعي حقائق ۽ خاص ڪري کاتي پاران ڪيل اپائن کان آگاهه ڪرڻ آهي پر اسان جا آفيسر الاهي ڇو ايئن نٿا ڪن. ضرورت اهڙي امر جي آهي ته ڪو کاتو يا ڪا اهڙي خبر جنهن جو اثر عوام تي منفي طور تي حڪومت تي اثر انداز ٿئي ٿو ته ڊويزنل ڊائريڪٽر ۽ آئي اوز جي ذمينداري آهي ته هو انهن جو موقف ۽ ترديد ميڊيا جي ذريعي عوام تائين پهچائن. صوبائي وزير چيو ته سمورن آفيسرن سان گذارش آهي ته هو پنهنجي ڪارڪردگي جي رپورٽ هر مهيني باقائدگي سان اطلاعات کاتي جي سيڪريٽري تائين پهچائن ته جيئن انهن جي ڪارڪردگي جو جائزو وٺي سگهجي. ٻئي پاسي صوبائي وزير سعيد غني آفيسرن تي ذور ڏنو ته اطلاعات جي شعبي ۾ جديد ٽيڪنالوجي جو استعمال به ڪيو وڃي اطلاعات واري وزير آفيسرن کي پنهنجي لاڳاپيل پريس ڪلبن، صحافين جي تنظيمن ۽ صحافين سان موثر رابطي ۾ رهڻ جي هدايت ڪئي ۽ انهن کي هر ممڪن سهولتن جي فراهمي لاءِ گهٽ مدت ۾ حل ڪرڻ جو يقين ڏياريو صوبائي وزير آفيسرن تي زور ڏنو ته توهان جي ڪارڪردگي جي حوالي سان منفي تاثر ملي ٿو ان کي پري ڪري سگهجي ۽ گذريل ڏهن سالن ۾ جيڪي به ترقياتي ڪم توهان جي ضلعن ۾ ٿيا ان جي هڪ جامع رپورٽ به موڪليو ته جيئن ميڊيا جي دوستن جي ذريعي عام عوام تائين ڳالهه پهچائي سگهون ته حڪومت مختلف ترقياتي پروگرام به ڪيا آهن جنهن جي ڪا به خبر ميڊيا ۾ ناهي ڏني يا ڇاپي وئي. هن ڊويزنل آفيسرن سان ڳالهه ٻولهه ڪندي چيو ته اسان توهان جي تربيت به ڪرائينداسين ته جيئن توهان جديد دور جي تقاضن سان پنهنجو پاڻ کي هم آهنگ ڪيو. اطلاعات ۽ پورهيو واري صوبائي وزير سعيد غني اطلاعات جي سيڪريٽري کي ڊويزنل انفارميشن آفيسرن جي مسئلن کي حل ڪرڻ جي هدايت ڪئي.

 

نيب خورشيد شاهه جون 100 بي نامي ملڪيتون هٿ ڪري ورتيون، لڏومل، آفتاب سومرو، اعجاز، عمر جان سندس فرنٽ مين قرار

اسلام آباد(م ڊ) قومي احتساب بيورو پ پ اڳواڻ خورشيد شاهه جي بي نامي اڪائونٽن، اثاثن ۽ مبينا فرنٽ مين جا تفصيل حاصل ڪرڻ جي دعويٰ ڪندي لڏومل، آفتاب سومرو، اعجاز، عمر جان کي سندس فرنٽ مين قرار ڏنو آهي. نجي ٽي وي جي رپورٽ ۾ چيو ويو آهي ته نيب وٽ اهم دستاويز آهن جنهن ۾ خورشيد شاهه جي بئنڪ اڪائونٽن، بي نامي ملڪيتن، اثاثن ۽ مبينا فرنٽ مينن جا تفصيل آهن. خورشيد شاهه اعجاز(پلهه) جي نالي سان سکر ۽ روهڙي ۾ ٻه ملڪيتون ٺاهيون آهن، هن لڏو مل جي نالي تي 11 ۽ آفتاب حسين سومرو جي نالي تي 10 ملڪيتون ٺاهيون آهن. رپورٽ موجب خورشيد شاهه مبينا فرنٽ مين لاءِ ڪارڊيو اسپتال جي ڀر ۾ ڏيڍ ايڪڙ ايراضي نرسري لاءِ الاٽ ڪرائي. سندس بينامي جائدادن ۾ عمر جان نالي شخص جو به اهم ڪردار آهي. خورشيد شاهه جي استعمال هيٺ گاڏي عمر جان جي نالي رجسٽر آهي، هن سکر ۽ ٻين علائقن ۾ عمرجان جي ڪمپني کي ترقياري منصوبن جا ڪم ڏياريا. نيب ذريعن موجب خورشيد شاهه جي رهائشي اسڪيمن، پيٽرول پمپن، زمينن، دڪانن جا تفصيل به حاصل ڪيا ويا آهن. رپورٽ ۾ چيو ويو آهي ته خورشيد شاهه پنهنجي فرنٽ مين پهلاج مل وسيلي 83 ملڪيتون ٺاهيون آهن. پ پ جي ايم اين اي خورشيد شاهه نيب جي دعوائن جي جواب ۾ چيوآهي ته منهنجا 500 ارب رپيا ۽ 105 بئنڪ اڪائونٽ هجڻ جي دعويٰ ڪئي وئي آهي جيڪڏهن اها دعويٰ درست آهي ته تفصيل عوام جي سامهون رکيا وڃن، انصاف جي نالي تي انصاف جا بخيا اڊيڙيا پيا وڃن انهن طاقتن جا چهرا جلد وائکا ٿيندا. هن بيان ۾ چيو ته احتساب جي نالي تي ڪوڙ ڳالهايو پيو وڃي، ۽ پتڪا لاٿا پيا وڃن. اڻ ڌري جاچ ۾ اڇا ڪارا پڌرا ٿي ويندا. جاچ کانسواءِ ڪوڙيون خبرون پکيڙڻ هن حڪومت جي عادت آهي. 500 ارب رپين جي اثاثن ۽ 105 بئنڪ اڪائونٽن جي خبر نسورو ڪوڙ آهي، اهو الزام هڪ سيڪڙو به سچ ثابت ٿيو ته سياست ڇڏي ڏيندس، سپريم ڪورٽ معاملي جي جاچ ڪرائي، سچ سامهون آندو وڃي. هن چيو ته حڪومت گندن هٿڪنڊن سان مخالف ڌر کي ڀت سان لڳائڻ چاهي ٿي، حڪومت انهن ناپاڪ ارادن ۾ ڪامياب نه ٿيندي.

 

ججز مقرري بابت عدالتي ڪميشن سنڌ هاءِ ڪورٽ ۾ ايڊيشنل ججز جي مقرري لاءِ 3 نالا تجويز ڪري ڇڏيا

اسلام آباد (بيورو رپورٽ) ججز مقرري بابت عدالتي ڪميشن سنڌ هاءِ ڪورٽ ۾ ايڊيشنل ججز جي مقرري لاءِ 3 نالا تجويز ڪري ڇڏيا. سُپريم ڪورٽ جي چيف جسٽس آصف سعيد کوسه جي سربراهيءَ جڊيشل ڪميشن جو اجلاس ٿيو، جنهن دوران سنڌ هاءِ ڪورٽ ۾ ايڊيشنل ججز جي مقرريءَ واري معاملي تي ويچاريو ويو. ذريعن موجب عدالتي ڪميشن سنڌ هاءِ ڪورٽ جي ايڊيشنل ججز لاءِ ٽن نالن جي سفارش ڪري ڇڏي آهي. ڪميشن طرفان بئريسٽر عمر سومرو جو نالو فهرست مان خارج ڪيو ويو، جڏهن ته جِن ججز جا نالا سفارش ۾ شامل ڪيا ويا آهن، اُنهن ۾ جج راشده اسد، عبدالمبين لاکو ۽ محمد ذوالفقار علي سانگي شامل آهن. عدالتي ڪميشن طرفان پارلياماني ڪميٽي ڏانهن انهن نالن تي ٻڌل سفارش موڪلي وئي آهي. پارلياماني ڪميٽي کي 14 ڏينهن اندر انهي سفارش تي فيصلو ڪرڻو آهي.

 

 

عيد الاضحيٰ تي 4 ڏينهن جي موڪلن جو نوٽيفڪيشن جاري، رين ايمرجنسي سبب سرڪاري آفيسرز توڙي ملازمن جون موڪلون رد

ڪراچي (اسٽاف رپورٽر) سنڌ سرڪار عيد الاضحيٰ جي موقعي تي 4 ڏينهن جي موڪلن جو نوٽيفڪيشن جاري ڪري ڇڏيو. جڏهن ته رين ايمرجنسي جي ڪري سرڪاري آفيسرز توڙي ملازمن جون موڪلون رد ڪيون ويون آهن. سنڌ سرڪار طرفان جاري ڪيل نوٽيفڪيشن موجب عيد الاضحيٰ جي موقعي تي 12 کان 15 آگسٽ تائين عام موڪل هوندي. نوٽيفڪيشن ۾ چيو ويو آهي ته عيد جي موقعي تي سومر کان خميس تائين سرڪاري ۽ نيم سرڪاري ادارا بند رهندا. نوٽيفڪيشن ۾ چيو ويو آهي ته عيد جي موڪلن ۽ برسات ۾ هنگامي صورتحال دوران سنڌ پوليس، سرڪاري اسپتالن، پي ڊي ايم اي، لوڪل گورنمينٽ، ڪي ايم سي، فائر برگيڊ، ضلعي انتظاميا ۽ سول ڊفينس ۾ ملازم ڊيوٽي تي موجود رهندا. نوٽيفڪيشن ۾ اُنهن کاتن کي هدايت ڪئي وئي آهي ته اُنهن ادارن جو عملو آفيس توڙي فيلڊ تي پنهنجي موجودگيءَ کي يقيني بڻائين.
چيف سيڪريٽري طرفان جاري ڪيل هڪ ٻئي نوٽيفڪيشن ۾ چيو ويو آهي ته موسميات کاتي جي ايڊوائيزري ۾ تيز برساتن جي اڳڪٿي ڪئي وئي آهي، تنهن ڪري سمورن سرڪاري ملازمن جون عيد واريون موڪلون ختم ڪيون ويون آهن. نوٽيفڪيشن ۾ هدايت ڪئي وئي آهي ته سمورا سرڪاري آفيسرز توڙي ملازم رين ايمرجنسي دوران آفيسز توڙي فيلڊ تي موجود رهن.

 

ڀارت جي ورهاڳي ۽ بربادي جي شروعات ٿي چڪي، ڪشمير آزاد ٿي رهندو، زرداري صاحب خطرناڪ ڳالهه ڪري ويو: مراد سعيد

اسلام آباد (ويب ڊيسڪ) مواصلات ۽ پوسٽل سروسز واري وفاقي وزير مراد سعيد چيو آهي ته ڀارت آرٽيڪل 370 ختم ڪري پنهنجي موت جي پرواني تي صحيح ڪئي آهي. پارليامينٽ جي گڏيل اجلاس ۾ تقرير ڪندي مراد سعيد چيو ته ڪشميري اسان جا ڀائر ۽ ڪشمير اسان جو آهي، وزيراعظم عمران خان جي اچڻ کان پوءِ هڪ ڪم ٿيو آهي ته ڀارت جو اصل چهرو دنيا جي سامهون بي نقاب ٿي ويو آهي. سندس چوڻ هو ته ڀارت پاڪستان جي امن جي پاليسي سبب بوکلاهٽ جو شڪار ٿيو آهي، ڀارت والاريل ڪشمير جو خاص درجو ختم ڪري پنهنجي موت جي پرواني تي پاڻ صحيح ڪئي آهي. وفاقي وزير چيو ته ڀارت جي ورهاڳي ۽ بربادي جي شروعات ٿي چڪي آهي، ڪشمير آزاد ٿي رهندو، زرداري صاحب بنگلاديش ۽ ڪشمير کي گڏائي خطرناڪ ڳالهه ڪئي، پروڊڪشن آرڊر تي جيڪي ماڻهو هتي آيا اهي خطرناڪ ڳالهيون ڪري هليا ويا.