تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: August 6, 2019

ڀارتي قدم رد، ڪشمير عالمي سطح تي تسليم ٿيل تڪراري علائقو آهي: پاڪستان

اسلام آباد/ممبئي (ويب ڊيسڪ) پاڪستان والاريل ڪشمير جي آئيني حيثيت تبديل ڪرڻ جو ڀارتي قدم رد ڪري ڇڏيو. ڀارتي حڪومت طرفان صدارتي حڪم نامي ذريعي والاريل ڪشمير جي خاص اختيارن بابت آرٽيڪل 370 کي ختم ڪرڻ جا حڪم جاري ڪيا ويا، جنهن تحت والاريل ڪشمير هاڻ رياست نه چورائبي ۽ لداخ به ڀارتي يونين جو حصو هوندو. پرڏيهي کاتي جي ترجمان طرفان جاري ڪيل پڌرائي ۾ چيو ويو آهي ته والاريل ڪشمير بابت ڀارت جي صدارتي آرڊيننس جي ڀرپور مذمت ڪيون ٿا، ڪشمير هڪ تڪراري علائقو آهي، جنهن کي عالمي سطح تي به تسليم ڪيو ويندو آهي. پڌرائيءَ موجب ڀارت جي هڪ طرفن فيصلن سان ڪشمير جي حيثيت تبديل نٿي ڪري سگهجي، ڀارت جا اهڙا قدم ڪشميرين لاءِ قبول ڪرڻ جوڳا نه هوندا. پرڏيهي ترجمان جو چوڻ هو ته پاڪستان ڀارت جي ان غير قانوني قدم خلاف سمورا آپشن استعمال ڪندو ۽ ڪشميرين جي سياسي، سفارتي ۽ اخلاقي حمايت جاري رکندو. ٻئي طرف ڀارتي حڪومت والاريل ڪشمير جي خاص حيثيت بابت آرٽيڪل 370 ۽ 35 اي ختم ڪندي رياست کي ٻن حصن ۾ ورهائڻ جو اعلان ڪري ڇڏيو. مودي سرڪار  ڀارتي آئين ۾ والاريل ڪشمير جي خصوصي حيثيت بابت آرٽيڪل 370 ۽ 35 اي کي ختم ڪري ڇڏيو جنهن جي نتيجي ۾ والاريل ڪشمير هاڻ رياست نه پر وفاقي علائقو سڏرائيندو جنهن جي قانونساز اسيمبلي هوندي. مودي سرڪار والاريل وادي کي 2 حصن ۾ ورهائڻ جو اعلان ڪندي ڄمون ۽ ڪشمير کي لداخ کان ڌار ڪرڻ جو فيصلو ڪيو آهي. لداخ کي وفاق جي انتظام هيٺ علائقو قرار ڏنو ويندو ۽ ان جي به قانونساز اسيمبلي  هوندي. ڀارتي گهرو وزير اميت شاهه پارليامينٽ راجيه سڀا ۾ والاريل ڪشمير جي خصوصي حيثيت بابت آرٽيڪل 370 ۽ 35 اي ختم ڪرڻ جو بل به پيش ڪيو. اجلاس جي دوران ڀارتي اپوزيشن والاريل ڪشمير جي صورتحال تي سخت احتجاج ڪيو. ڀارتي آئين جي ان شق ختم ٿيڻ سان فلسطينين جيان ڪشميري به بي وطن ٿي ويندا. ڇو ته ڪروڙن جي تعداد ۾ غير مسلم آبادگار ڪشمير ۾ آباد ٿي ويندا ۽ هو ڪشميرين جي زمينن، وسيلن ۽ روزگار تي قبضو ڪري وٺندا. ڀارت جي آئين جي قلم 370 تحت رياست جمون ڪشمير کي وفاق ۾ هڪ خاص حيثيت حاصل آهي. والاريل ڪشمير کي پنهنجو آئين ٺاهڻ جي اجازت آهي ۽ ڪيترائي معاملا به ڀارتي وفاقي آئين جو لاڳو ٿيڻ ڄمون ڪشمير ۾ منع آهي. آرٽيڪل تحت والاريل ڪشمير ۾ ڪشميرين کان سواءِ ڀارت جو ڪوبه شهري يا ادارو ملڪيت خريد نٿو ڪري سگهي. جڏهن ته صنعتي ڪارخانا ۽ ڊيم جي لاءِ زمين به حاصل نٿي ڪري سگهجي. قلم 370 ۽ 35 اي جي رد ٿيڻ کان پوءِ والاريل ڪشمير جي آبادياتي، جغفرائي ۽ مذهبي صورتحال تبديل ٿي ويندي. والاريل ڪشمير۾ رهندڙ مسلمانن جي اڪثريت ختم ٿي ويندي .

 

سنڌ ڪابينا ۾ وڏي پيماني تي تبديلي، اطلاعات کاتو سعيد غني حوالي، نوٽيفڪيشن جاري

ڪراچي (م.ڊ) سنڌ جي وزيرن ۽ مشيرن جي کاتن ۾ ردوبدل جو نوٽيفڪيشن جاري ڪيو ويو آهي. صوبائي وزير سعيد غني کي سُڌ سماءَ، سهيل انور سيال کي آبپاشي کاتو، ناصر شاهه کي لوڪل گورنمينٽ ۽ ۽ ڄام اڪرام ڌاريجو کي صنعت ۽ تجارت جا قلمدان ڏنا ويا.وڏي وزير جي منظوري سان چيف سيڪريٽري طرفان جاري ڪيل نوٽيفڪيشن موجب صوبائي وزير ناصر شاهه کي لوڪل گورنمينٽ، ٻيلو کاتو ۽ مذهبي معاملن جا قلمدان ڏنا ويا. صوبائي وزير باري پتافي کي لائيو اسٽاڪ ۽ فشريز کاتو الاٽ ڪيا ويا، جڏهن ته صوبائي وزير هري رام ڪشوري لال کي اقيلتن ۽ خوراڪ کاتي جا قلمدان ڏنا ويا. جاري ٿيل نوٽيفڪيشن ۾ ٻڌايو ويو آهي ته صوبائي وزير اسماعيل راهو کي زراعت کاتو ڏنو ويو، جڏهن ته صوبائي وزير سعيد غني کي سُڌ سماءَ ۽ پورهئي کاتي جو قلمدان به سونپيو ويو آهي. نوٽيفڪيشن موجب صوبائي وزير شبير بجاراڻي کي قدرتي وسيلن، پبلڪ هيلٿ ۽ ٻهراڙي جي ترقي وارا کاتا ڏنا ويا. سردار شاهه وٽ ثقافت ۽ سياحت وارو کاتو آهي، جڏهن ته صوبائي وزير فراز ڏيرو کي بحالي کاتو ڏنو ويو آهي. نوٽيفڪيشن موجب صوبائي وزير تيمور ٽالپر کي انفارميشن، سائنس اينڊ ٽيڪنالوجي وزارت ڏني وئي آهي، جڏهن ته سهيل انور سيال کي آبپاشي، زڪوات ۽ عشر، اوقاف ۽ ائنٽي ڪرپشن کاتي جا قلمدان ڏنا ويا آهن. جاري ٿيل نوٽيفڪيشن موجب صوبائي وزير ڄام اڪرام ڌاريجوکي صنعت ۽ تجارت، جڏهن ته مرتضيٰ بلوچ کي هيومن سيٽلمينٽ جا کاتا ڏنا ويا آهن.سنڌ سرڪار طرفان صوبائي صلاحڪارن کي قلمدان ڏيڻ جي حوالي سان به نوٽيفڪيشن جاري ڪيو ويو آهي، جنهن موجب صوبائي صلاحڪار نثار کهڙو کي ورڪس اينڊ سروسز ۽ يونيورسٽيز اينڊ بورڊس جا کاتا سونپيا ويا، اُن کانسواءِ مرتضيٰ وهاب کي قانون، ماحوليات، ماحولياتي تبديلي ۽ ساحلي ترقيءَ وارن کاتن جو صلاحڪار بڻايو ويو آهي. جڏهن ته صوبائي صلاحڪار اعجاز شاهه شيرازي کي سماجي ڀلائي وارو کاتو ڏنو ويو آهي.

 

ڀارتي هڪ طرفو عمل سلامتي ڪونسل جي ٺهرائن جي ڀڃڪڙي آهي: فردوس عاشق

اسلام آباد (اين اين آءِ) وزيراعظم جي سڌ سماءَ جي خاص مددگار فردوس عاشق اعواڻ چيو آهي ته ڪشمير جو عوام آزادي واري تحريڪ ۾ عظيم قربانيون ڏئي رهيو آهي، پاڪستاني قوم آزادي جي تحريڪ ۾ شهيدن کي سلام پيش ڪري ٿي، ڀارتي هڪ طرفو عمل سلامتي ڪونسل جي ٺهرائن جي ڀڃڪڙي آهي، ڪشميري انساني حقن جي تنظيمن ۽ عالمي طاقتن کي مدد لاءِ سڏي رهيا آهن، مودي سرڪار جي قدم سان ڀارت جي نقلي سيڪيولر ازم وائکو ٿي ويو، صحافين سان ڳالهائيندي هن چيو ته پاڪستان ڪشميري عوام جي سياسي، سفارتي ۽ اخلاقي مدد نه ڇڏيندو، هن چيو ته ڪشمير جي مسئلي کي هر عالمي فورم تي اٿاريندا رهنداسين، هن چيو ته ڀارتي قدم علائقائي امن تي خراب اثر وجهندو، ڀارت آرڊيننس ذريعي ڪشميرين کي يرغمال بڻائڻ جو ڪڌو قدم کنيو، ڪاغذ جي ٽڪڙي کي والاريل ڪشمير ۽ پاڪستان جي عوام رد ڪري ڇڏيو آهي.

 

 

والاريل ڪشمير ۾ ڪرفيو لاڳو، سياسي اڳواڻ گهرن ۾ نظربند، تعليمي ادارا بند، رستن تي ناڪا

سري نگر (اين اين آءِ) ڀارتي والاريل ڪشمير ۾ غيريقيني صورتحال دوران قابض انتظاميه وڏي پئماني تي ڪرفيو لاڳو ڪري ماڻهن جي چرپر ۽ عوامي جلسن ۽ جلسون جي اهتمام تي مڪمل طور تي پابندي هڻي ڇڏي آهي ڪشميري ميڊيا سروس موجب سمورن تعليمي ادارن کي بند ڪيو ويو آهي جڏهن ته سموري ڄمون ۽ ڪشمير ۾ انٽرنيٽ سروس معطل ڪيو وئي ويئي سرڪاري حڪم نامي مطابق اهم سروسز جي سڃاڻپ ڪارڊ تي ڪرفيو پاس تصور ڪيو ويندو حڪم نامي ۾ چيو ويو ته ماڻهن جي چرپر تي مڪمل پابندي هوندي ۽ سمورا تعليمي ادارا بند رهندا اڪثر تعليمي ادارن شاگردن کي هوسٽل خالي ڪرڻ جي هدايت ڪئي آهي گذريل هفتي والاريل علائقي ۾ واڌو ڀارتي فورسز کي خطي ۾ مقرر ڪيو ويو آهي سرينگر ۽ ٻين شهرن جي اندرين ۽ ٻاهرين رستن سميت وڏن وڏن رستن کي بند ڪيو ويو آهي صورتحال تي ضابطو آڻڻ لاءِ گاڏين کي به تيار حالتن ۾ رکيو ويو آهي ذريعن موجب سيد علي گيلاني ۽ مير واعظ عمر فاروق سميت سموري حريت پسند قيادت کي گهرن ۾ نظربند ڪيو ويو آهي اڳوڻن ڪٺپتلي وڏن وزيرن محبوبه مفتي ۽ عمر عبدالله کي به گهرن ۾ نظربند ڪيو ويو آهي سرڪاري آفيسرن موجب موبائيل انٽرنيٽ سروس معطل ڪئي پئي وڃي ۽ اڻ اعلانيل ڪروفيو لاڳو ڪيو پيو وڃي ٽي ڊي پي جي سربراهه محبوبه مفتي به ڪرفي لاڳو ڪرڻ بابت ٽوئٽ ڪيو آهي هن چيو ته موبائيل فون سميت انٽرنيٽ سروس معطل ڪئي پئي وڃي ۽ ڪرفيو پاس جاري ڪئي پئي وڃي الله ڄاڻي ٿو ته سڀاڻي اسان سان ڇا ٿيڻ وارو آهي هي هڪ ڊگهي رات هوندي ڪانگريس اڳواڻ عثمان مجيد ۽ سي پي آءِ، ايم جو اڳواڻ محمد يوسف جهڙن سياسي اڳواڻن کي به گرفتار ڪيو ويو آهي.

 

مون سون وڻ ڪاري مهم ۾ هر پاڪستاني گهٽ ۾ گهٽ 2 ٻوٽا پوکي پنهنجي ايندڙ نسل جو تحفظ يقيني بڻائي: وزير اعظم

اسلام آباد(ويب ڊيسڪ) وزير عمران خان جو چوڻ آهي ته 18 آگسٽ تي ٿيندڙ مون سون وڻ ڪاري مهم ۾ هر پاڪستاني گهٽ ۾ گهٽ 2 پودا لڳائي پنهنجي ايندڙ نسل جو تحفظ يقيني بڻائي. اسلام آباد ۾ مون سون وڻ ڪاري مهم جي آغاز جي لاءِ رٿيل تقريب کي خطاب ڪندي وزير اعظم ماحوليات واري وزير امين اسلم کي 5 سالن ۾ 10 ارب وڻ لڳائڻ وارو منصوبو تيار ڪرڻ تي واڌايون ڏنيون. سندس چوڻ هو ته ملڪ جو مستقبل هن جا نوجوان آهن ۽ اسان پنهنجي ملڪ کي سرسبز بڻائي دنيا جي لاءِ مثال قائم ڪري سگهون ٿا. هن چيو ته خيبرپختونخواهه ۾ هڪ ارب وڻ لڳائڻ جي منصوبي جو عالمي سطح تي اعتراف ڪيو ويو، آغاز ۾ ڪير به مڃڻ جي لاءِ تيار نه هو پر اسان ائين ڪري ڏيکاريو. هن ٻڌايو ته خيبرپختونخواهه ۾ جهنگن ۾ 6.5 سيڪڙو واڌ ٿي آهي جنهن جو عالمي خودمختار اداري به اعتراف ڪيو. وزير اعظم جو چوڻ هو ته اسان وڻ ڪاري جي لاءِ سياسي اثر رکندڙ تمر مافيا جو مقابلو ڪيو جنهن ۾ ٻيلي کاتي جا 10 جوان شهيد ٿيا. سندس چوڻ هو ته ان مهم کي پاڪستان جي ٻين حصن ۾ به ڪامياب بڻائڻو آهي. هن چيو ته جيڪڏهن اسان هن ملڪ ۾ وڻ نه لڳائينداسين ته اسان جي ملڪ جي گرمي پد ۾ گهٽتائي نه ٿيندي ۽ ان سان عوام جو مستقبل ڏکيائي ۾ پئجي ويندو. سندس چوڻ هو ته وڻ ڪاري آپشن ناهي پر ضرورت آهي ۽ پنهنجي ٻارن جو مستقبل بچائڻ جي لاءِ  وڻ لڳائڻ انتهائي ضروري آهي. هن 18 آگسٽ تي پاڪستانين کان گهٽ ۾ گهٽ 2 ٻوٽا لڳائڻ جي اپيل ڪئي. سندس اِهو به چوڻ هو ته اِها تحريڪ 5 سال هلندي ۽ پختونخواه جيان جيڪڏهن اسان ان ۾ به ڪامياب ٿي وياسين ته اسان جي ٻارن جو مستقبل بهتر ٿيندو. خطاب دوران هن ماحوليات واري صلاحڪار امين اسلم کي هدايت ڪئي ته وڻ ڪاٿي لڳي رهيا آهن ۽ ڪهڙو صوبو ان ڪم ۾ اڳتي وڌي رهيو آهي ۽ صوبي ۾ به ڪهڙي ضلعي ۾ بهتر ڪاڪردگي آهي، ان حوالي سان عوام تائين آگاهي پهچائي وڃي. عمران خان جو چوڻ هو ته وڻن جي گهٽتائي جي ڪري گدلاڻ پکڙجي رهي آهي ۽ مرض پيدا ٿي رهيا آهن جڏهن ته وڻ لڳائڻ سان گدلاڻ ۾ گهٽتائي ٿيندي. هن ٻڌايو ته لاهور ۾ 1990ع ۾ جيترا وڻ هئا ان ان جو رڳو 5 سيڪڙو اُتي باقي بچيو آهي جهن جي ڪري اُتي گدلاڻ ۾ واڌ ٿي رهي آهي.

 

اسٽيل ملز جي بحاليءَ لاءِ ڪوششون تيز ڪرڻ جي هدايت، اداري کي بچائڻ پهرين ترجيح آهي: عمران خان

اسلام آباد (اين اين آءِ) وزيراعظم عمران خان واپار ۽ صنعت واري وزارت کي اسٽيل ملز بحال ڪرڻ جي سلسلي ۾ ڪوششون تيز ڪرڻ جي هدايت ڪندي چيو آهي ته اسٽيل ملز کي نقصان کان بچائڻ ۽ ان جي بحالي حڪومت جي پهرين ترجيح آهي، هڪ نفعو ڏيندڙ اداري جي تباهي ماضي جي بد انتظامي ۽ لاپرواهي جو مثال آهي، سومر تي وزيراعظم عمران خان جي صدارت هيٺ پاڪستان اسٽيل ملز جي بحالي جي حوالي سان اجلاس ٿيو جنهن ۾ عبدالرزاق دائود، عبدالحفيظ شيخ، صنعت ۽ پيدوار واري وزارت جو سيڪريٽري، نجڪاري ڊويزن جو سيڪريٽري ۽ ٻين شرڪت ڪئي، وزيراعظم کي اسٽيل ملز جي موجوده صورتحال، مل بند هئڻ سان ٿيل نقصان، اسٽيل ملز جي بحالي جي سلسلي ۾ موجوده حڪومت پاران ڪيل فيصلن تي هن وقت تائين اڳڀرائي بابت ڄاڻ ڏني وئي، وزيراعظم کي ٻڌايو ويو ته اسٽيل ملز 2008 تائين نفعو ڏيندڙ ادارو هو جيڪو 2009 ۾ نقصان ۾ ويو ۽ جون 2015 ۾ اسٽيل ملز کي مڪمل طور بند ڪيو ويو، هاڻ هي ادارو مسلسل گهاٽي ۾ آهي، رڳو ملازمن جي پگهارن جي سلسلي ۾ حڪومت 37 ڪروڙ ماهوار خرچ برداشت ڪري رهي آهي، وزيراعظم کي ٻڌايو ويو ته هن وقت تائين اسٽيل ملز تي رهتون 2 سئو 17 ارب آهن، وزيراعظم چيو ته اسٽيل ملز کي نقصان کان بچائڻ ۽ ان کي بحال ڪرڻ حڪومت جي پهرين ترجيح آهي.

 

 

اوڀر ۽ اولهه جي سرحدن تي سڄي خطي اندر امن بحال ٿيڻ سان دهشتگرد سرگرميون ختم ٿينديون: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه چيو آهي ته دهشتگردي ۽ لاڳاپيل سرگرمين کي ختم ڪرڻو پوندو ۽ اهو تڏهن ممڪن ٿيندو جڏهن مشرق ۽ مغربي سرحدن تي سڄي خطي اندر امن بحال هجي. هن اهي ڳالهيون اڄ آمريڪي وفد جنهن جي اڳواڻي امريڪن قونصل جنرل مسٽر رابرٽ سلبريسٽين (Mr. Robert Silberstein)  ۽ ڊپٽي اسسٽنٽ سيڪريٽري اسٽريٽجڪ پاليسي ٽيررسٽ فنانسنگ اينڊ انانشل ڪرائم مسٽر اسڪوٽ ريم(Mr Scott Rem) ڪري رهيا هئا سان ڳالهيون ڪندي چيون. ملاقات ۾ جيڪي ٻيا آمريڪي آفيسر شامل ٿيا انهن ۾ مس مائيڪل ڪروڪٽ (Ms. Michelle Crockett)، مسٽر گرانٽ وڪيرس(Mr. Grant Vickers)، مسٽر ڊيوڊ گلبريٿ(Mr. David Galbraith) ، مسٽر نيل فلپس، مسٽر چاند مائنير(Mr. Chad Mineer) ، مس صنم نور، عمير ممتاز ۽ سيڪريٽري گهرو کاتو قاضي ڪبير، ايڊيشنل آئي جي سي ٽي ڊي ۽ ڊي آئي جي عبدالله شيخ شامل هئا. هن چيو ته خطي ۾ دهشتگردي ۾ واڌ ٿيو آهي ڇوته انڊيا وادي ڪشمير ۾ مسلمانن خلاف ظلم ڪيا آهن. هن چيو ته سڄي خطي ۾ امن جا وڏي مفاد ۾ ان کي مڪمل طور روڪڻو پوندو. مراد علي شاهه چيو ته افغانستان ۾ ان جي حڪومت کي پنهنجي ملڪ اندر هڪ وڏو محدود حصي تي ضابطو آهي ۽ اهو ئي سبب آهي ته اتي دهشتگردي جي سرگرمين بابت سازشون ٿين ٿيون جيڪي بعد ۾ پاڪستان تي اثرانداز ٿين ٿيون. هن چيو ته صوبائي حڪومت گذريل ڪيترن ئي سالن کان دهشتگردي جي خلاف جنگ وڙهي رهيو آهي ۽ هاڻي اسان ان تي وڏي حد تائين ضابطو آندو آهي. هن چيو ته سنڌ حڪومت وفاقي حڪومت سان گڏجي دهشتگردن جي فنانسنگ بابت معاملن تي قابو پائڻ لاءِ ڪم ڪري رهي آهي، صوبائي ۽ وفاقي حڪومتن جي ايجنسين گڏجي دهشتگردي جي فنانسنگ خلاف ڪم ڪري رهي آهي. هن چيو ته سيڪريٽري گهرو کاتي تحت دهشتگردي جي فنانسنگ خلاف گهرو کاتي ۾ يونٽ ڪم ڪري رهيو آهي، سنڌ ۾ 5 ٽيررازم فنانسنگ جا يڪس ٿيا جنهن کي سزا به ٿي چڪي آهي. هن چيو ته اسان چيرٽي رجسٽريشن ايڪٽ پاس ڪيو آهي ۽ چيرٽي ۽ ٻين فنڊز ريگيوليٽ ٿي سگهندا. هن وڌيڪ چيو ته صوبائي ايجنسين 19 ڪيسز ٽيراازم فنانسنگ جا ڊٽيڪٽ ڪيا آهن. مراد علي شاهه چيو ته سنڌ ۾ دهشتگردي ۽ دهشتگردي جي فنانسنگ خلاف سي ٽي ڊي ڪم ڪري رهي آهي، هاڻي فقط تصديق ٿيل چيرٽي ٿي سگهي ٿي ۽ سنڌ حڪومت قرباني جي جانورن جي کلن جي به چيرٽي کي نظر رکيل آهي. هن چيو ته سنڌ حڪومت جو سي ٽي ڊي ڊپارٽمينٽ گذريل ٽن سالن ۾ 500 کان ويجهو دهشتگرد گرفتار ڪيا آهن ۽ گرفتار ٿيل دهشتگردن ۾ ڪيترن ئي سزا ٿي چڪي آهي.

 

 

عمران خان پاڪستان آڏو چئلينجز ۽ مسئلن کي وساري پنهنجن سياسي مخالفن کان بدلي جي باهه ۾ سڙندو رهيو: مريم نواز

لاهور (اين اين آءِ) پاڪستان مسلم ليگ (ن) جي مرڪزي نائب صدر مريم نواز چيو آهي ته عمران خان پنهنجن سياسي مخالفن کان بدلي جي باهه ۾ سڙندو رهيو ۽ هي مڪمل طور تي وساري ويٺو ته پاڪستان سامهون جيڪي چئلينجز ۽ مسئلا آهن اهي سڀ کان پهريان حل ڪرڻا آهن عمران خان نه رڳو پاڪستان پر ڪشميرين کي به وڏو نقصان پهچايو آهي ڪشمير جي ماڻهن کي ان وقت هڪ مضبوط پاڪستان جي ضرورت هئي ٽيوٽر تي پنهنجي بيان ۾ مريم نواز چيو ته عمران خان جو اهو رڪارڊ رهيو آهي ته جڏهن به ملڪ مسئلن جي ور چڙهيو ته ان وقت ئي هو منظر تان غائب ٿي وڃي ٿو اڄ به ساڳي صورتحال آهي پاڪستان جو پرڏيهي وزير هن حساس صورتحال ۾ حج جو فرض ادا ڪري رهيو آهي جتي هو ڪشميرين لاءِ دعا ڪري رهيو  آهي، ڪافي آهي هن چيو ته مخالف ڌر طرفان حڪومت کي ڪنهن قسم جي حمايت جو اعلان نه ڪرڻ گهرجي هڪ اهڙي حڪومت جنهن کي ماڻهن منتخب نه ڪيو پر هن هر طريقي سان پاڪستان کي گوڏن تي ويهاري ڇڏيو آهي ۽ غريب عوام اڄ مهانگئي جي چڪي ۾ پيسجي رهيو آهي پر حڪومت کي غريبن تي رحم نه پيو اچي هن حڪومت کي ڪنهن به قسم جي حمايت وڌيڪ تباهي ڏانهن وٺي ويندي.

 

ڀارت والاريل ڪشمير ۾ چُرپُر تي سخت پابنديون لاڳو ڪندي ٻن اڳوڻن وڏن وزيرن عمر عبدالله ۽ محبوبا مفتي کي نظربند ڪري ڇڏيو

نئين دهلي (ويب ڊيسڪ) ڀارت والاريل ڪشمير ۾ چُرپُر تي سخت پابنديون لاڳو ڪندي ٻن اڳوڻن وڏن وزيرن عمر عبدالله ۽ محبوبا مفتي کي نظرانداز ڪري ڇڏيو. پرڏيهي خابرو اداري موجب عمر عبدالله سماجي رابطن جي ويب سائيٽ ٽوئيٽر تي پنهنجي پيغام ۾ چيو ته کيس نظربند ڪيو ويو آهي ۽ اهڙو ئي ورتاءُ ٻين اڳواڻن سان به ڪيو پيو وڃي، مون کي يقين آهي ته رات جي ٻئي پهر کان گهر تي نظربند ڪيو ويو آهي. سندس چوڻ هو ته ٻين اڳواڻن کي به نظربند ڪرڻ جو عمل جاري آهي، حقيقت جي باري ۾ خبر ناهي پر جيڪڏهن ائين آهي ته پوءِ ملاقات ٿيندي، الله اسان جي حفاظت ڪري. هڪ ٻئي ٽوئيٽ ۾ هن لکيو ته مهرباني ڪري قانون کي هٿن ۾ کڻڻ کان پاسو ڪيو ۽ اطمينان رکو. ندس ٽوئيٽن کانپوءِ ڪجهه دير پوءِ ئي ڄمون ۽ ڪشمير پيپلز ڊيموڪريٽڪ پارٽي جي صدر محبوبا مفتي خدشن جو اظهار ڪندي چيو اطلاع آهن ته انٽرنيٽ سروس سميت موبائل سروس کي معطل ڪيو پيو وڃي، ڪرفيو جا حڪم به جاري ٿي رهيا آهن، خدا ڄاڻي ايندڙ ڏينهن ڪيئن هوندو، هيءَ هڪ ڊگهي رات ثابت ٿي رهي آهي. هن وڌيڪ چيو ڪيتري عجيب ڳالهه آهي جو اسان جهڙا چونڊيل نمائندا، جيڪي امن لاءِ جنگ وڙهي رهيا آهن، گهر تي نظربند ڪيا ويا، دنيا ڏسي رهي آهي ته ڄمون ۽ ڪشمير جي ماڻهن جو آواز بند ڪيو پيو وڃي. هن پنهنجي ٽوئيٽ ۾ چيو ته هي اهو ئي ڄمون ۽ ڪشمير آهي، جنهن جمهوري سيڪيولر ڀارت جي چونڊ ڪئي پر اڄ ظلم ۽ ستم برداشت ڪري رهيو آهي، جاڳو ڀارت. هوڏانهن هڪ ڀارتي صحافڻ برکا دت ٽوئيٽ ڪيو ته اهو مسئلو ناهي ڄمون ۽ ڪشمير بابت ڇا فيصلو ٿيندو پر چونڊيل نمائندن کي انهن جي گهرن تي نظربند ڪرڻ جي حمايت نٿي ڪري سگهجي، قلم 144 لاڳو ڪيو ويو آهي، جنهن تحت ريلي ۽ جلوس تي پابندي هوندي پر انهن کي اعتماد ۾ ڇو نه پيو ورتو وڃي. ڪشميري صحافي غلام جيلاني نئين دهلي کي اپيل ڪئي ته جيڪڏهن توهان ۾ ٿورو به اخلاق آهي ته مهرباني ڪري ڪشمير ۾ چريائپ جو مظاهرو بند ڪيو.

 

ڀارتي حڪمران وساري ڇڏين ته اهي طاقت جي نشي ۾ ڪشميرين جي آزادي واري تحريڪ کي ڪچلي سگهن ٿا: شهبازشريف

لاهور (اين اين آءِ) (ن) ليگ جي صدر شهبازشريف چيو آهي ته پاڪستان پنهنجن ڪشميري ڀائرن ۽ ڀينرن سان سندن آزادي حاصل ڪرڻ تائين گڏ هوندو پاڪستان ڪشميرين جي جائز قانوني حقن لاءِ هرهڪ فورم تي آواز اٿاريندو شهبازشريف وزيراعظم آزاد ڄمون ۽ ڪسمير راجا فاروق حيدر سان ڳالهه ٻولهه ڪندي چيو ته والاريل ڪشمير ۾ ڀارتي قدم کي رد ڪيون ٿا ڪشمير ٺهندو پاڪستان ئي ۽ اسان جي ۽ ڪشميرين جي منزل آهي ڀارتي حڪمران اها ڳالهه دل مان ڪڍي ڇڏين ته اهي طاقت جي ڏاڍ تي ڪشميرين جي آزادي واري تحريڪ کي ختم ڪري سگهن ٿا والاريل ڄمون ۽ ڪشمير جي صورتحال تي آل پارٽيز ڪانفرنس گهرائينداسين پاڪستان جو ننڍو وڏو پنهنجو سر ڏيندو پر ڪشمير ڪاز کان پوئتي نه هٽندو وزراعظم راجا فاروق حيدر خان آٿت ڏيڻ تي شهبازشريف جا ٿورا مڃيندي چيو ته ڪشمير ۽ پاڪستان هڪٻئي لاءِ ضروري آهن ٻنهي جو رشتو ڪوئي ختم نٿو ڪري سگهي ڪشميرين جا حوصله مضبوط آهن ڪشمير جنت آهي جيڪو ڪافر جي مقدر ۾ نه آهي.