تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Daily Archives: July 25, 2019

25 جولاءِ جي چونڊن ۾ پاڪستان جي عوام جون اميدون ۽ عمران ان جي 23 سالن جي جدوجهد رنگ لاٿو: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار فردوس عاشق اعواڻ چيو آهي ته 25 جولاءِ جي چوندن ۾ پاڪستان جي عوام جون اميدون ۽ عمران خان جي 23 سالن جي جدوجهد رنگ لاٿو عوام عمران خان کي احتساب جو جيڪو مينڊيٽ ڏنو آهي اڄ ان جي فتح جو ڏينهن آهي هڪ بيان ۾ هن چيو ته اڄ انهن عنصرن جي هار جو ڏينهن آهي جن قوم جي مال ۾ خيانت ڪئي عوام کي غريب ڪري پنهنجا محل تيار ڪيا هن چيو ته سياست کي ڦرلٽ لاءِ استعمال ڪندڙ سياسي عبرت جو نشان بڻجي رهيا اهن قوم انهن جي موروثي غلامي رد ڪري چڪي اهي هن چيو ته 25 جولاءِ عوامي شعور جي اظهار جو ڏينهن آهي.

 

ڊو مور جو ذڪر ڪٿي نه ڪيو ويو، پاڪ آمريڪا لاڳاپا نئين سر قائم ٿي چڪا آهن: پرڏيهي ترجمان

اسلام آباد (اين اين آءِ) پرڏيهي آفيس جي ترجمان ڊاڪٽر محمد فيصل چيو آهي ته پاڪستان ۽ آمريڪا جا لاڳاپا معمول تي اچي ويا آهن ماڻهو ڊومور کي ذهن مان ڪڍي ڇڏين لاڳاپن ۾ ڪجهه انهن جا مفاد آهن ڪجهه اسان جا ۽ اسان پنهنجا مفاد سامهون رکي اڳتي وڌنداسين افغان امن عمل ۾ پاڪستان جو ڪردار سهولت ڏيڻ جو آهي پاڪستان اسامه بن لادن جي حوالي سان شروعاتي ڄاڻ آمريڪا کي ڏني هئي ڀارت پاڻ به ڪشمير کي هڪ تڪراري تسليم ڪري ٿو پوءِ هڪ بند ڪمري ۾ ئي ڇو نه ڪري عالمي برادري والاريل ڪشمير ۾ ڀارتي ظلم بند ڪرائي ڪلبوشن کي ڪائونسلر پهچ ڏيڻلاءِ ڪم ٿي رهيو آهي ڪائونسلر پهچ ڏني ويندي خميس تي هتي هفتيوار بريفنگ ۾ ڊآڪٽر محمد فيصل چيو ته وزيراعظم عمران خان آمريڪا جو پهريون سڀ کان ڪامياب دورو مڪمل ڪري ورتو سال 2015 کان پوءِ آمريڪا ۽ پاڪستان وچ ۾ هي پهريون اعليٰ سطح جو رابطو هو هن ٻڌايو ته پاڪستان ۽ امريڪا جا لاڳاپا معمول تي اچي چڪا آهن ڊو مور جو لفظ ذهن مان ڪڍي چڌيو آمريڪا وارن به ڊو مور جو لفظ استعمال ناهي ڪيو ترجمان چيو ته پاڪستان جي ڪردار کي ٻين ملڪن به تسليم ڪيو آهي هن ٻڌايو ته ڊولنڊ ٽرمپ عمران خان پاران ڏنل پاڪتان جي دوري جي دعوت قبول ڪئي آهي پاڪستان ۽ آمريڪا وچ ۾ لاڳاپا نئين سر قائم ٿي چڪا آهن ڊآڪٽر محمد فيصل چيو ته پاڪستان اسامه بن لادن جي حوالي سان شروعاتي ڄاڻ آمريڪا کي ڏني هئي جڏهن ته آءِ ايس آءِ اسامه بن لادن بابت سينڙرل انويسٽيگيشن ايجنسي ڪائي مدد جي تصديق يا ترديد نٿو ڪري ڪشمير جي معاملي تي ڳالهائيندي ترجمان چيو ته ڊونلڊ ٽرمپ ڪشمير ۾ ٽياڪڙي جي آڇ ڪئي پر ڀارت ڳالهه ٻولهه لاءِ تيار نه آهي ڀارت تي ڪشمير لاءِ پختي سوچ اختيار ڪرڻي پوندي هن چيو ته اڳتي وڌڻ جو رستو صرف ڳالهه ٻولهه آهي ڳالهه ٻولهه ٿيندي ته معاملا اڳتي وڌندا.

 

سنڌ جي وڏي وزير (اين آءِ سي وي ڊي) جا 600 ملين رپيا جاري ڪرڻ جي منظوري ڏئي ڇڏي، نئين بورڊ آف گورننگ باڊي جوڙڻ لاءِ سمري طلب

ڪراچي (اسٽاف رپورٽر) سنڌ جي وڏي وزير سيد مراد علي شاھھ نيشنل انسٽيٽيوٽ آف ڪارڊيو ويسڪيولر ڊزيزز (اين آءِ سي وي ڊي) جي گذريل مالي سال وارا 600 ملين رپيا جاري ڪرڻ جي منظوري ڏني تھ جيئن اھي پنھنجي پيڊرياٽرڪ وارڊن کي شروع ڪري سگھن. ھن اھو فيصلو اڄ خميس ڏينھن اين آءِ سي وي ڊي جي التويٰ ھيٺ سمورن مسئلن جي حل بابت گھرايل اجلاس جي وزيراعليٰ ھائوس ۾ صدارت ڪندي ڪيو. اجلاس ۾ صحت واري وزير ڊاڪٽر عذرا پيچوھو، وڏي وزير جو پرنسپل سيڪريٽري ساجد جمال ابڙو، سيڪريٽري صحت سعيد اعواڻ، ايگزيڪيوٽو ڊائريڪٽر اين آءِ سي وي ڊي ڊاڪٽر نديم قمر ۽ ناڻي کاتي جي آفيسرن شرڪت ڪئي. اين آءِ سي وي ڊي ايگزيڪيوٽو ڊائريڪٽر وڏي وزير کي ٻڌايو تھ اين آءِ سي وي ڊي ڪراچيءَ 2015ع ۾ 640212 مريضن جو اعلاج ڪيو، 2016ع ۾ 729468 مريضن جو اعلاج ڪيو ۽ 2019ع ۾ 123633 مريضن جو اضافو ٿيو. ھن چيو تھ ھاڻي اين آءِ سي وي ڊيءَ جا 8 چيسٽ پين سينٽر ۽ 10 سيٽيلائيٽس قائم ڪيا ويا آھن، بشمول اين آءِ سي وي ڊي ڪراچي جتي جون 2019ع تائين 1111145 مريضن جو اعلاج ڪيو ويو. ھن چيو تھ پاڪستان ۾ ھر سال 40 ھزار ٻار دل جي مرض سان پيدا ٿيندا آھن ۽ اين آءِ سي وي ڊي ۾ ھر سال 60 ھزار مريضن کي علاج فراھم ڪرڻ جي گنجائش آھي، ان تي وڏي وزير چيو تھ ان جو مطلب اين آءِ سي وي ڊي سڄي پاڪستان کي علاج جون سھولتون فراھم ڪري سگھي ٿو ۽ ان سان گڏوگڏ پاڙيسري ڏيھھ افغانستان جي مريضن کي پڻ علاج جون سھولتون فراھم ڪري سگھي ٿو. وڏي وزير سيد مراد علي شاھھ صحت واري سيڪريٽري کي ھدايت ڪئي تھ ھُو اين آءِ سي وي ڊي لاءِ نئين بورڊ آف گورننگ باڊي جوڙڻ لاءِ ھڪ سمري اماڻي وڃي. ھن اين آءِ سي وي ڊي ايگزيڪيوٽو ڊائريڪٽر کي پڻ ھدايت ڪئي تھ اھي ھر ھڪ ڊويزنل ھيڊ ڪوارٽر (ڊي ايڇ ڪيو) ۾ ڪارڊيڪ يونٽ قائم ڪرڻ لاءِ سھڪار ڪيو وڃي. ھن چيو تھ مان ھاڻي اين آءِ سي وي ڊيءَ جا وڌيڪ سيٽيلائيٽس قائم ڪرڻ نٿو چاھيان انڪري ھر ھڪ ڊويزنل ھيڊ ڪوارٽر ۾ ھڪ موئثر ۽ سمورن اوزان سان آراستا ڪارڊيڪ يونٽ ھئڻ گھرجي. وڏي وزير اھو پڻ چيو تھ اين آءِ سي وي ڊيءَ جي درخواست تي نوابشاھھ، مٺي، خيرپور ۽ لياريءَ لاءِ 3 بلين رپين جي اضافي گرانٽ پڻ فراھم ڪئي ويندي. وڏي وزير اين آءِ سي وي ڊي ايگزيڪيوٽِو ڊائريڪٽر کي ھدايت ڪئي تھ ھُو سندن اڪائونٽ جو آڊٽ ڪرائي.

 

پاڪستان افغان امن عمل ۾ اڳتي وڌائڻ لاءِ هر ممڪن ڪوشش ڪري رهيو آهي: شهريار آفريدي

ڪابل (اين اين آءِ) وفاقي وزير شهريار آفريدي چيو آهي ته پاڪستان افغان امن عمل کي اڳتي وڌائڻ لاءِ هر ممڪن ڪوشش ڪري رهيو آهي وزراعظم عمران خان جو ڪامياب ۽ تاريخي آمريڪا جو دورو افغان امن عمل جو بنياد بڻجندو پرامن ۽ ترقي جي رستي تي هلندڙ افغانستان پاڪستان ۾ امن ۾ مددگار ثابت ٿيندو خميس تي شهريارخان آفريدي جو افغانستان جي تاريخي ماٿري پنج شير پهچڻ تي ڊاڪٽر فيروزالدين فيروز ۽ ڊپٽي گورنر صادقي شهريارخان آفريدي جو استقبال ڪيو شهريارخان آفريدي ڪيترن ئي ڏهاڪن کان پوءِماٿري پنج شير جو دورو ڪندڙ پهريون پاڪستاني وزير آهي شهريارخان آفريدي ڪمانڊر احمد شاهه مسعود جي مزار تي حاضر ڀري گلن جي چادر چاڙهي ۽ دعا ڪئي هن مهمان جي ڪتاب ۾ پنهنجا خيال قلمبند ڪيا. شهريار آفريدي چيو ته سمورا افغان سياسي اڳواڻ ۽ سياسي ٽولا پاڪستان لاءِ برابر آهن هن چيو ته پاڪستان افغان امن عمل جو سڀ کان وڏو پاٽنر آهي افغان عوام افغانستان جي مستقبل جو فيصلو ڪندو.

 

25 جولاءِ تي عوام جو ووٽ چوري ۽ اظهار جي آزادي تي ڌاڙو هنيو ويو: (مريم)، عوام عمران خان جي قيادت ۾ مافيا کي شڪست ڏني: فواد چوڌري

اسلام آباد/لاهور ( ويب ڊيسڪ ) مسلم ليگ ن جي ترجمان مريم اورنگزيب چيو آهي ته 25 جولاءِ تي عوام جو ووٽ چوري ٿيو تنهن ڪري عوام اڄ سليڪٽڊ حڪومت خلاف سڄي ملڪ ۾ احتجاج ڪندو. مسلم ليگ ن جي ترجمان مريم اورنگزيب چيو ته عوام اڄ سليڪٽڊ حڪومت خلاف سڄي ملڪ ۾ ڪارو ڏينهن ملهائيندو. هن چيو ته 25 جولاءِ تي عوام جو ووٽ چوري ٿيو ۽ اظهار جي آزادي تي ڌاڙو هنيو ويو تنهن ڪري اڄ پشاور، ڪوئٽا، لاهور ۽ ڪراچي ۾ ڀرپور نموني احتجاج جو ڏهاڙو ملهايو ويندو.  سندس چوڻ هو ته عمران خان صاحب سموري قوم توهان جي ڪوڙ، نالائقي ۽ ناالي جي شاهدي ڏيندي، جڏهن ته بي حس سليڪٽڊ حڪومت اڄ ملڪ ۾ ماني، ڪاروبار، صنعت ۽ روزگار بند ٿيڻ تي شڪراڻي جو ڏينهن ملهائيندي.  مريم اورنگزيب چيو ته عمران خان صاحب اڄ ترقي جي شرح اڌ ۽ مهانگائي 3 سيڪڙو هئڻ خلاف احتجاج جو ڏينهن آهي، اڄ ملڪ کي آءِ ايم ايف ۾ گروي رکڻ، قيمتن ۾ 200 سيڪڙو ۽ بجلي جي اگهن ۾ اضافي خلاف احتجاج جو ڏينهن آهي، عمران صاحب اظهار جي آزادي ختم ڪرڻ خلاف احتجاج جو ڏينهن آهي. هن چيو ته 120 ڏينهن ڌرڻا هڻندڙ، چونڊيل وزيراعظم خلاف سازش ڪندڙ اڄ هر مخالف جو آواز بند ڪري رهيا آهن، سول نافرماني جي تحريڪ جو اعلان ڪندڙ ۽ گئس ۽ بجلي جا بل ساڙيندڙ اڄ پرامن احتجاج کان ڊڄي رهيا آهن. ٻئي طرف  سائنس ۽ ٽيڪنالوجي واري وفاقي وزير فواد چوڌري چيو آهي ته عمران خان جي قيادت ۾ عوام 25 جولاءِ تي مافيا کي تاريخي شڪست ڏني،  جمهوريت ڪامياب ٿي ۽ هڪ نئون سفر شروع ٿيو، سفر ۾ سڀني کي هڪ ٻئي جو ساٿ ڏيڻو آهي. ٽويٽر تي جاري ڪيل بيان ۾ فواد چوڌري چيو ته عمران خان جي قيادت ۾ عوام 25 جولاءِ تي مافيا کي تاريخي شڪست ڏني، پاڪستان ۾ جمهوريت ڪامياب ٿي ۽ هڪ نئون سفر شروع ٿيو، اهو سفر ڏکيو آهي، رستو ڪنڊن سان ڀريل ۽ پٿريلو آهي پر منزل ترقي ڪندڙ پاڪستان آهي، اهڙي سفر ۾ اسان سڀني کي هڪ ٻئي جو ساٿ ڏيڻو آهي.

 

 

ڪي اين شاهه ڀرسان چوري جي ڪوشش دوران هٿياربندن جي فائرنگ، عورت قتل

خيرپور ناٿن شاھ (رپورٽر) ڪي اين شاهه ڀرسان چوري جي ڪوشش دوران هٿياربندن جي فائرنگ، عورت قتل، ڳوٺ پيڄاهو ۾ نامعلوم چور سڪندر پنهور جي گهر ۾ چوري جي ايرادي سان گهڙيا ته گهرڀاتي جاڳي پيا، گهرڀاتين جي جاڳڻ تي هٿياربندن فائرنگ ڪري ڏني، نتيجي ۾ 40 ورهين جي مسمات گلستان پنهور گوليون لڳڻ سبب قتل ٿي وئي. گوزو ٿاڻي جي پوليس پهچي لاش پوسٽ مارٽم لاءِ اسپتال آندو، پوسٽ مارٽم بعد لاش وارثن حوالي ڪيو ويو، پوليس موجب قتل ٿيل عورت جي وارثن جو چوڻ آھي ته رات دير سان چور چوري ڪرڻ جي ارادي سان گهر ۾ داخل ٿيا ته هنن جي عورت جاڳي پئي، رڙيون ڪرڻ تي چورن مسمات گلستان کي گوليون هڻي قتل ڪري فرار ٿي ويا، ڪيس داخل ناهي ٿيو، وڌيڪ جاچ ڪيون پيا.

 

سنڌ سميت ملڪ جي مختلف علائقن ۾ برسات جي نتيجي ۾ ٻه ڄڻا فوت، روڊ برساتي نالا بڻجي ويا

ڪراچي ( ويب ڊيسڪ ) سنڌ سميت ملڪ جي مختلف علائقن ۾ برسات جي نتيجي ۾ ٻه ڄڻا فوت ٿي ويا آهن. لاهور ۾ تيز برسات سبب روڊن تي پاڻي جمع ٿي ويو آهي جنهن سبب معمول جي زندگي متاثر ٿي آهي. ماڻهن کي آفيسن ۾ وڃڻ ۾ ڏکيائين جو منهن ڏسڻو پئجي رهيو آهي ۽ شهري گهرن تائين محدود رهجي ويا آهن. برسات سبب ريلوي اسٽيشن پليٽ فارم ۽ هيڊ ڪوارٽر جون ڇتيون به وهڻ لڳيون آهن. ليسڪو جا 180 فيڊر ٽرپ ٿي ويا جنهن سبب بجلي جي فراهمي متاثر ٿي آهي ۽ ڪيترائي علائقي اوندهه ۾ ٻڏي ويا آهن. ڪراچي ۾ به ڪارا ڪڪر ڇانيل آهن ۽ ڪيترن ئي علائقن ۾ تيز هوا هلڻ لڳي ۽ ڦڙ ڦڙ سبب موسم خوشگوار ٿي وئي آهي.  اسلام آباد ۽ راولپنڊي ۾ به شديد برساتن جو سلسلو جاري آهي، هڪ گهر جي تهه خاني ۾ پاڻي جمع ٿيڻ سبب ماءُ ۽ سندس ٻارڙو فوت ٿي ويا. راولپنڊي جي نالا لئي ۾ پاڻي جي سطح وڌڻ سبب الرٽ وارننگ جاري ڪئي وئي آهي ۽ ڪٽاريان واري هنڌ سطح 11 فوٽ کان وڌي وئي آهي. موسميات کاتي دريائن ۽ برساتي نالن ۾ ٻوڏ جو الرٽ جاري ڪري ڇڏيو آهي.

 

20 سالن جي عمر ۾ شادي ڪرائي وئي، ڏک سور ڪنهن سان به شيئر نه ڪري سگهندي هئس: حمائما ملڪ

 

ڪراچي (شوبز نيوز) اداڪار محسن عباس جي زال فاطما سهيل کان پوءِ اداڪارا حمائما ملڪ به پنهنجي شادي شدهه زندگي ۾ پاڻ تي ٿيندڙ ظلم بابت ٻڌائي ڇڏيو.ڪجهه ڏينهن اڳ اداڪار ۽ گلوڪار محسن عباس حيدر جي زال فاطما سهيل پاڻ مٿان ٿيندڙ ظلم جي بابت چيو هو ته هن جي مڙس محسن عباس کيس ڳورهاري هجڻ باوجود سخت تشدد جو نشانو بڻايو. سوشل ميڊيا واهپيدارن سوڌو مختلف شوبز شخصيتن فاطما جي حق ۾ آواز اٿاريا جڏهن ته اداڪارا حمائما ملڪ بھ هن سان ٻڌي جو اظهار ڪندي پنهنجي مٿان ٿيندڙ ظلم جي جو داستان بيان ڪيو آهي.حمائما ملڪ انسٽاگرام تي پنهنجي شادي شدهه زندگي ۾ پاڻ مٿان ٿيندڙ تشدد بابت ڳالهائيندي چيو ته جيتوڻيڪ  ان ڳالهه کي گھڻا سال گذري چڪا آهن  پر انهن سالن ۾سٺل سُور اڄ به ڏينهن رات مون کي پريشان ڪندا آهن.حمائما ملڪ چيو ته جڏهن منهنجي شادي ٿي هئي ته آئون رڳو 20 سالن جي هيس ۽ پنهنجا ڏک سور پنهنجي گھر وارن سان به شيئر نه ڪري سگھندي هيس. حمائما چيو ته آئون اڄ پنهنجو پاڻ تي شرمندهه آهيان جو آئون پنهنجي شادي جي ٽن ورهين تائين ظلم برداشت ڪندي رهيس ۽ پاڻ لاءِ ڪجهه نه ڪري سگھيس.حمائما انڪشاف ڪيو ته جڏهن آئون پنهنجي ۽ پنهنجي گھروارن جي زندگي بهتر بڻائڻ لاءِ ڪم ڪري رهي هيس  ان وقت به مونکي هڪ ڀيرو نه پر ڪيترائي ڀيرا ڌمڪايو ويو پر هاڻ آئون بلڪل به ڊنل نه آهيان پر آئون ان ڳالهه تي شرمندا آهيان جو آئون هن وقت تائين خاموش ڇو رهيس.واضح رهي ته اداڪارا حمائما ملڪ اداڪارا شمعون عباسي سان 2010ع ۾ شادي ڪئي هئي.  پر اها شادي گھڻي عرصي تائين نه هلي سگھي ۽ ٻن ورهين کان پوءِ ئي ٻنهي وچ ۾ طلاق ٿي وئي هئي.

 

ماڻهو کي جيڪا ڳالهه ناهي وڻندي، ان کان ناهيان مُڙندي: زارا نور عباس

 

ڪراچي (شوبز نيوز) پاڪستاني شوبز انڊسٽري جي ناليواري اداڪارا بشرا انصاري جي ڀاڻيجي ۽ اداڪارا زارا نور عباس چيو آهي ته تنقيد جي ڪري اهو ڪم ڪرڻ ناهيان ڇڏيندي جيڪو آئون ڪرڻ چاهيندي آهيان.پرڏيهي خابرو اداري کي انٽرويو ڏيندي زارا نور عباس چيو ته مون کي گھڻن ماڻهن چيو ته آئون گھڻي ٿُلهي آهيان، جينز  ڇو پائيندي آهيان؟ ماڻهو جڏهن سوشل ميڊيا تي اهو چوندا آهن ته آئون اهڙا ڪپڙا  هر هر پائيندي آهيو ۽ وري انهن ئي ڪپڙن ۾ تصويرون به لڳائيندي آهيان، ماڻهن جي تنقيد مون کي سدائين تڪليف ڏني آهي ۽ آئون گھڻي رُني آهيان پر ماڻهن جي تنقيد سبب ڪڏهن به اهو ڪم ڪرڻ کان پاسو ناهيان ڪندي، جيڪو آئون ڪرڻ چاهيندي آهيان، آئون اهو سکي ورتو آهي ته پنهنجي جسم سبب ٽئلينٽ کي زيان نٿي ڪري سگھان.سندس چوڻ هو ته منهنجو واسطو هڪ اهڙي گھر سان هو، جتي آئون رات جو 10 وڳي کان پوءِ ٻاهر نه نڪري سگھندي هئس، دوست ٺاهڻ کان اڳ ان کي منهنجي گھروارن سان ملڻو پوندو هو، جنهن کان پوءِ هو منهنجو دوست بڻبو هو.اداڪارا کان جڏهن پڇيو ويو ته توهان جي ماسي ۽ ماءُ شوبز انڊسٽري جي بهترين اداڪارائن مان هڪ آهن ته انڊسٽري ۾ اچڻ لاءِ ڪڏهن هنن اوهان جي مدد ڪئي؟ جنهن تي اداڪارا جواب ڏيندي چيو ته نه، جيڪڏهن ڪير مون تي پنهنجا ٻه رپيا رڳو ان ڪري لڳائي ته منهنجي ماسي ان کي چيو آهي ته اها ڳالهه قبول ڪرڻ جوڳي آهي پر ڪو پنهنجا لکين رپيا مون تي لڳائي ڇڏي رڳو ان جي ڪري ته ائين نٿو ٿي سگهي، ڇو جو انڊسٽري ۾ وڏو مقابلو آهي.واضح رهي ته اداڪارا زارا نور عباس عيدالفطر جي موقعي تي رليز ٿيندڙ فلم ”ڇلاوا“ ۾ مهوش حيات سان گڏ ڪم ڪيو آهي، ان کان سواءِ زارا مختلف ڊرامن ”خاموشي، ڌڙڪن، لمحي، قيد ۽ ديوار شب“ ۾ به اداڪاري جا جوهر ڏيکاري چڪي آهي.

 

سريلنڪن فاسٽ بالر نووان ڪولاسيڪرا رٽائرمينٽ جو اعلان ڪري ڇڏيو

 

ڪولمبو(اسپورٽس نيوز) سريلنڪا جي فاسٽ بالر نووان ڪولاسيڪرا به انٽرنيشنل ڪرڪيٽ تان رٽائرمينٽ جو اعلان ڪري ڇڏيو آهي.تفصيل موجب انٽرنيشنل ڪرڪيٽ تان رانديگرن جي رٽائرمينٽ جو موسم شروع ٿي ويو آهي ۽ لسٿ ملنگا رٽائرمينٽ کانپوءِ هڪ ٻيو سريلنڪن ڪرڪيٽر ڪولاسيڪرا انٽرنيشنل ڪرڪيٽ کي الوداع چوڻ جو اعلان ڪري ڇڏيو آهي.سريلنڪن فاسٽ بالر نووان ڪلاسيڪرا آخري ڀيرو جولاءِ 2017ع ۾ سريلنڪن ٽيم جي نمائندگي ڪئي هئي، کيس ون ڊي ڪرڪيٽ ۾ وڌيڪ وڪيٽون وٺندڙ پنجين سريلنڪن بالر جو اعزاز حاصل آهي، هن 184 ميچن ۾ 199 وڪيٽون وٺي رکيون هيون.ڪولاسيڪرا 2003ع تي ون ڊي انٽرنيشنل ڪيريئر جي شروعات ڪئي هئي ۽ نئين بال کي ٻنهي طريقن سان سوئنگ ڪرڻ جي صلاحيت جي ڪري سڃاتو ويندو هو، 2009ع ۾ هن ون ڊي ڪرڪيٽ جي تاريخ ۾ دنيا جو هڪ نمبر بالر جو اعزاز پڻ حاصل ڪيو، ان سريلنڪن ٽيم جو به حصو هو جنهن 2014ع ۾ ٽي ٽوئنٽي جو ٽائيٽل پنهنجي نالي ڪيو هو.