تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

Daily Archives: July 24, 2019

ٽرمپ سٺو انسان لڳو، عافيه صديقي جي بدلي شڪيل آفريدي جي آزادي ٿي سگهي ٿي: عمران خان

واشنگٽن (اين اين آءِ) وزيراعطم عمران خان چيو آهي ته ڀارت سان تڪرار حل ڪرڻ لاءِ ايٽمي جنگ ڪوئي آپشن نه آهي ڀارت ايٽمي هٿيارن تان هٿ کڻي وڃي ته پاڪستان به ايئن ڪندو آمريڪا ۽ ايران ڇڪتاڻ سان پاڪستان تي خراب اثر پوندا ۽ خطي جو امن ۽ معيشت متاثر ٿيڻ جو خطرو آهي، خطي ۾ امن جا خواهشمند آهيون آمريڪا ۽ ايران وچ ۾ مصلحت لاءِ ڪردار ادا ڪرڻ لاءِ تيار آهيون پاڪستان ۽ ڀارت وچ ۾ تڪرارن جو اصل سبب ڪشمير جو مسئلو آهي آمريڪا واحد ملڪ آهي جيڪو پاڪستان ۽ ڀارت ۾ ٽياڪڙي جو ڪردار ادا ڪري سگهي ٿو. پاڪستاني فوج هر قسم جي چئلينجز کي منهن ڏيڻ جي صلاحيت رکي ٿي آمريڪا شڪيل آفريدي جي ڳالهه ڪري ٿو ته امريڪا سان ڊاڪٽر شڪيل آفريدي ۽ ڊاڪٽر عافيه صديقي جي ڏي وٺ تي ڳالهه ٻولهه ٿي سگهي ٿي پاڪستان ۾ ڪوششن سان افغان طالبان سان امن معاهدي تي اڳڀرائي ٿي طالبان کي حڪومت جو حصو بڻجي عوام جي نمائندگي ملڻ گهرجي آمريڪي ٽي وي کي ڏنل انٽرويو ۾ وزيراعظم چيو ته پاڪستان نٿو چاهي ته ايران ۽ آمريڪا وچ ۾ ڇڪتاڻ وڌي آمريڪا ۽ ايران ڇڪتاڻ سان پاڪستان تي خراب اثر پوندا ۽ خطي جو امن ۽ معيشت متاثر ٿيڻ جو خطرو آهي. هن چيو ته 72 سالن کان حل طلب ڪشمير جي مسئلي کي حل ڪرڻ کان سواءِ خطي ۾ امن قائم نٿو ٿي سگهي ڪشمير جو مسئلو حل ٿي وڃي ته پاڪستان ۽ ڀارت مهذب پاڙيسري وانگر رهي سگهن ٿا عمران خان چيو ته تڪرار حل ڪرڻ لاءِ ايٽمي جنگ ڪوئي آپشن نه آهي هن چيو ته پاڪستان ۾ ڊاڪٽر شڪيل آفريدي کي آمريڪي جاسوس طور ڏٺو وڃي ٿو جڏهن اينڪر پاران سوال ڪيو ته ڇا اوهان اڪيلي سر فيصلو نٿا وٺي سگهو جنهن تي عمران خان چيو ته پاڪستان ۾ جمهوريت آهي، هتي اپوزيشن موجود آهي وزيراعظم لاءِ اڪيلو سر فيصلو وٺڻ ڏکيو هوندو آهي هن چيو ته آمريڪا سان قيدين جي مٽاسٽا جي سلسلي ۾ ڳالهه ٻولهه ٿي سگهي ٿي خطي ۾ دهشتگردي جي حوالي سان وزيراعظم چيو ته آمريڪا ۽ پاڪستان دهشتگردي خلاف جنگ ۾ ويجها اتحادي رهيا آهن دهشتگردي خلاف جنگ ۾ 70 هزار کان وڌيڪ ماڻهن جون حياتيون ويون. القاعده جي باني قائد اسامه بن لادن جي موت تي ڳالهائيندي عمران خان چيو ته آمريڪا ۽ پاڪستان هڪٻئي جا اتحادي هئا آمريڪا کي اسامه بن لادن بابت پاڪستان کي ڄاڻ ڏيڻ گهرجي ها جنهن کان پوءِ پاڪستاني ادارن کي ان کي پڪڙڻ گهرجي ها جڏهن ته آمريڪا پاڪستان تي ڀروسو نه ڪيو ۽ اسان جي حدن اندر داخل ٿي هڪ شخص کي قتل ڪيو عمران خان چيو ته پاڪستان تي حملو ناهي ٿيو پر پوءِ به ان دهشتگردي جي خلاف آمريڪا جي جنگ ۾ حصو ورتو جنهن ۾ 70 هزار پاڪستاني مارجي ويا. وزيراعظم چيو ته اسان افغانستان ۾ امن چاهيون ٿا افغانستان جي امن ۽ استحڪام ۾ پاڪستان کي سڀ کان وڌيڪ دلچسپي آهي ڇو ته پاڙيسري ملڪ ۾ بدامني سان پاڪستان سنئون سڌو متاثر ٿئي ٿو هن چيو ته پاڪستان جي افغانستان سان 1500 ڪلوميٽر ڊگهي سرحد آهي صدر ڊونلڊ ٽرمپ افغانستان ۾ ڳالهين جي ذريعي امن آڻڻ جي ڪوششن تي زور ڀريو هن چيو ته پاڪستان جي ڪوششن سان افغان طالبان سان امن معاهدي تي اڳڀرائي ٿي طالبان سان تازيون امن ڳالهيون هن وقت تائين جون سڀ کان ڪامياب ڳالهيون رهيون آهن عمران خان چيو ته طالبان کي حڪومت جو حصو بڻجي عوام جي نمائندگي ملڻ گهرجي افغان طالبان افغانستان کان ٻاهر ڪارروايون نٿا ڪن وزيراعظم چيو ته آمريڪا چئن ڏهاڪن تائين افغانستان ۾ جنگ وڙهيو پر افغانستان ۾ امن ۽ استحڪام قائم نه ٿي سگهيو گذريل 19 سالن دوران آمريڪا افغانستان ۾ امن لاءِ ڪردار ادا ڪيو آهي پر ان جون ڪوششون ڪامياب نه ٿي سگهيون آهن. وزيراعظم آمريڪي صدر ٽرمپ سان ملاقات جي حوالي سان چيو ته صدر ٽرمپ سچو ماڻهو لڳو جيڪو لفظن جي جادوگري نٿو ڄاڻي منهنجو سمورو وفد به ميٽنگ مان گهڻو خوش آهي هن ٻڌايو ته صدر ٽرمپ ڪشمير جي مسئلي جي حل لاءِ پنهنجو هاڪاري ڪردار به ادا ڪرڻ چاهي ٿو.

 

پيپلز پارٽي جو قومي مفادن تي حڪومت جي غير مشروط حمايت جو اعلان

اسلام آباد/ڪراچي( ويب ڊيسڪ /اين اين آءِ) پ پ پ چيئرمين بلاول ڀٽو زرداري چيو ايه ته عمران خان حڪومت ڪنهن به سياسي مخالف کي برداشت ڪرڻ لاءِ تيار نه آهي هڪ بيان ۾ پ پ پ چيئرمين بلاول ڀٽو زرداري چيو آهي ته مخالف ڌر پارليمينٽ ۾ ڳالهه ڪري ته خانصاحب ايوان ۾ اچڻ وڃڻ ڇڏي ڏي ٿو هن چيو ته اسيمبلي ميمبرن جو حق ڦٻائي انهن جا پروڊيڪشن آرڊر روڪيا وڃن ٿا حڪومت تي تنقيد ڪندڙ صحافين تي به تنقيد ڪئي وڃي ٿي بلاول ڀٽو زرداري چيو ته اپوزيشن جو آواز دٻائڻ لاءِ پهريان گرفتاريون ڪيون وڃن ٿيون گرفتارين سان آواز بند نه ٿي سگهي ته ميڊيا تي سينسرشپ شروع ڪرائي ويئي هن چيو ته جيتري ميڊيا سينسر شپ اڄ آهي ايتري ته صرف آمريتن ۾ هوندي آهي عمران خان وٽ عوام جي سوالن جو جواب نه آهي ته زبان بند ڪرائڻ شروع ڪري ڇڏي آهي. ٻئي طرف پ پ چيئرمين بلاول ڀٽو زرداري قومي مفادن تي حڪومت جي غير مشروط حمايت جو اعلان ڪيو آهي. ٽويٽر تي بيان جاري ڪندي بلاول ڀٽو زرداري چيو ته مون کي وزيراعظم عمران خان ۽ سندس غير جمهوري سياست ۽ معيشت بابت نهايت خطرناڪ پاليسين بابت ڪيترائي خدشا آهن، مان اهو به سمجهان ٿو ته پرڏيهه ۾ سندس طرز عمل خاص طور تي جلو پي ٽي آءِ بدران پاڪستان جي وزيراعظم جو هئڻ گهرجي. هن چيو ته مان پهريون به چئي چڪو آهيان ته عظيم ملڪي مفاد لاءِ ضروري آهي ته اسان سڀ پاڪستان جي دنيا سان لاڳاپا بهتر بڻائڻ جي ڪوششن جو ساٿ ڏيون، مان حڪومت جي ان سلسلي ۾ غير مشروط حمايت ڪريان ٿو، مان هاڪاري تنقيد جاري رکندس پر سڀ کان پهرين ترجيح پاڪستان جي ئي هوندي.

 

جج ارشد ملڪ جي وڊيو بابت رپورٽ طلب، هاءِ ڪورٽ ئي نواز شريف کي رليف ڏئي سگهي ٿي: سپريم ڪورٽ

اسلام آباد (اين اين آءِ) سپريم ڪورٽ آف پاڪستان جج ارشد ملڪ جي مبينه وڊيو ڪيس ۾ ايف آءِ اي ٽن هفتن ۾ انڪوائري رپورٽ جمع ڪرائي جاچ رپورٽ ڏسي فيصلو ڪنداسين ڪجهه ماڻهو ته چاهيندا هوندا ته اسان اونداهي ۾ ٽپو ڏيون اسان اونداهي ۾ ٽپو نه لڳائينداسين جڏهن ته سپريم ڪورٽ جي چيف جسٽس آصف سيد کوسه چيو ته ڪوئي ڪميشن احتساب عدالت جو فيصلو ختم نٿو ڪري سگهي ثبوتن جو جائزو وٺي هاءِ ڪورٽ ئي نوازشريف کي رليف ڏيئي سگهي ٿي ڇا جج جو سزا ڏيڻ کان پوءِ مجرم جي گهر وڃڻ ٺيڪ آهي ڇا جج جي مائٽن ۽ دوستن سان گهر ۽ حرم شريف ۾ ملڻ ٺيڪ آهي ڳڻتي نه ڪريو جج جي چال چلت تي پاڻ فيصلو ڪنداسين ڪنهن جي چوڻ تي ايڪشن نه وٺنداسين وزيراعطم به چيو ته عدليه پاڻمرادو نوٽيس وٺي ڪجهه ڪرڻو پيو ته ڏسي ۽ سوچي سمجهي ڪنداسين اڱاري تي سپريم ڪورٽ ۾ احتساب عدالت جي جج ارشد ملڪ جي مبينه وڊيو ڪيس جي ٻڌڻي چيف جسٽس آصف سعيد کوسه جي سربراهي ۾ ٽن ميمبرن واري بئنچ ڪئي جسٽس عمر عطا بنيال ۽ جسٽس عظمت سعيد شيخ به بئنچ جو حصو هئا ٻڌڻي شروع ٿي ته چيف جسٽس اٽارني جنرل انور منصور خان سان گفتو ڪيو ته گذريل ٻڌڻي تي اوهان موجود نه هئا اسان درخواست گذار وڪيلن جا دليل ٻڌا وڪيلن پنهنجون تجويزون پيش ڪيون وڪيلن جڊيشل ڪميشن ٺاهڻ جون تجويزون ڏنيون اٽارني جنرل چيو ته درخواستن ۾ جج ارشد ملڪ جي خلاف ڪارروائي جي به اپيل ڪئي ويئي آهي جج ارشد ملڪ حلفي بيان به جمع ڪرائي چڪو آهي اٽارني جنرل انور منصور چيو ته جج ارشد ملڪ ايف آءِ اي کي شڪايت به داخل ڪرائي چڪو آهي جج ارشد ملڪ ايف آءِ اي کي اليڪٽرانڪ ڪرائيم ختم ڪرڻ جي اپيل ڪئي اٽارني جنرل چيو ته 16 جولاءِ تي جج ارشد ملڪ پاران ايف آءِ آر به داخل ڪرائي ويئي ايف آءِ اي سائبر ڪرائيم تهت ڪيس داخل ڪرائي چڪي آهي اٽارني جنرل چيو ته سائبر ڪرائيم جي سزا 3 سال ٽيپ ۽ 10 لک رپيا ڏنڊ آهي هن چيو ته فحش وڊيو يا تصوير ٺاهڻ جي سزا پنج سال جيل ۽ 6 لک رپيا ڏنڊ آهي ڪنهن کي نقصان پهچائڻلا3 وڊيو يا تصوير ٺاهي ڦهلائڻ جي سزا 3 سال قيد ۽ 10 لک ڏنڊ آهي هن چيو ته اليڪترانڪ جعلسازي تي 3 سال قيد ۽ اڍائي لک ڏنڊ آهي ايف آءِ اي جوابدار طارق محمود کي هن ڪيس ۾ گرفتار ڪيو آهي هن چيو ته ايف آءِ اي طارق محمود جو ريمانڊ وٺي جيل موڪلي ڇڏيو آهي ميان طارق محمود مطابق ان کي چيڪ ڏنو ويو جيڪو ڪيش نه ٿيا هن چيو ته ميان سليم رضا نالي شخص کي طارق محمود وڊيو وڪرو ڪري ڏني جاچ ٿي رهي آهي ايف آءِ اي جوابدارن تائين پهچي رهي آهي جسٽس عمر عطا بنيال چيو ته هن معاملي ۾ ڪيترا وڊيوز حاصل ڪيا ويا آهن هڪ وڊيوز جي ڪاپي يو ايس بي ۾ حاصل ڪئي ويئي هن وڊيو ۾ ڇا آهي اان نٿا ڄاڻون هن چيو ته پاڪستان ۾ ڪائي ليبارٽري مستند فورنزڪ نٿي ڪري سگهي چيف جسٽس چيو ته جيڪا وڊيو حاصل ڪئي ويئي اها ڪاپي آهي اصل نه آهي اٽارني جنرل چيو ته جيڪا وڊيو هٿ آئي اها اصل جي ڪاپي آهي هن چيو ته 2000 کان 2003 دوران وڊيو ٺاهي ويئي چيف جسٽس چيو ته جج اهڙي حرڪت ڪئي تڏهن ئي وڊيو ٺاهي ويئي جج طور ارشد ملڪ کي اهڙِ حرڪت نه ڪرڻ گهرجي ها هن چيو ته جج مريم نواز پاران جاري وڊيو جي ڪجهه حصن جي ترديد ڪئي آهي هن چيو ته عدالت معاملو ٻڌي سگهي ٿي پر ٻيا فورم موجود آهن هن چيو ته جج قانون فورم سان رابطو ڪري ورتو آهي چيف جسٽس چيو ته نيب قانون جي سيڪشن 16 بي تحت سزا جو اختيار رڳو عدالت کي آهي نيب قانون جي سيڪشن 16 بي تحت قانوني رستو اختيار ناهي ڪيو ويو چيف جسٽس چيو ته سڄي معاملي تي توهين عدالت جي ڪارروائي به ته ڪري سگهجي ٿي توهين عدالت جي ڪارروائي نيب جو چيئرمين به ڪري سگهي ٿو جسٽس عمر عطا بنيال چيو ته سپريم ڪورٽ ٻنهي ڌرين جي الزامن جو سچ ڄاڻڻ گهري ٿي اٽارني جنرل چيو ته پيمرا قانون ٽي وي چينل تي لاڳو ٿئي ٿو جسٽس عمر عطا بنيال چيو ته عدالت کي سمورن الزامن جي سزائي جو جائزو وٺڻو آهي اسان عدالت جي تقدس کي قائم رکندي ڪم ڪرڻو آهي اٽارني جنرل چيو ته حڪومت پاڻ به چاهي ته ڪميشن ٺاهي سگهي ٿي اڄ مان حڪومت جي نمائندگي نه پر عدالت جي معاونت ڪري رهيو آهيان چيف جسٽس چيو ته هڪ آپشن اهو به آهي ته اسان سموريون درخاوستون خارج ڪري ڇڏيون چيف جسٽس آصف سعيد کوسه چيو ته آخري پشن اهو آهي عدالت ان جي جاچ ڪرائي چيف جسٽس چيو ته پهريون آپشن اوهان ايف آءِ اي جوڏنو ٻيو نيب قانون جو چيف جسٽس چيو ته ٽيون آپشن تعزيرات پاڪستان ۽ چوٿون پيمرا قانون جو چيف جسٽس چيو ته پنجون آپشن حڪومتي ڪميشن ۽ ڇهون آپشن جڊيشل ڪميشن جو چيف جسٽس چيو ته جڊيشل ڪميشن رڳو راءِ ڏيئي سگهي ٿو فيصلو نٿو ڏيئي سگهي چيف جسٽس آصف سعيد کوسه چيو ته نوازشريف کي رليف هاءِ ڪورٽ ئي ڏيئي سگهي ٿي هن چيو ته جج هڪ ڪيس ۾ سزا ڏني ٻئي ۾ آزاد ڪيو هاءِ ڪورٽ نئين سر ٽرائيل لاءِ ڪيس موڪلي سگهي ٿي چيف جسٽس چيو ته هاءِ ڪورٽ ثبوتن جو جائزو وٺي پاڻ به فيصلو ڪري سگهي ٿي چيف جسٽس چيو ته ڇا سپريم ڪورٽ کي معاملي ۾ مداخلت ڪرڻ گهرجي ڇا مداخلت جو فائدو ٿيندو يا رڳو خبرون ٺهنديون. چيف جسٽس چيو ته هاءِ ڪورٽ ۾ اڃا تائين ڪنهن ڌر درخواست ناهي ڏني. چيف جسٽس چيو ته اسان مختلف آپشن تي غور ڪري رهيا آهيون اسان جاچ رپورٽ ڏسي فيصلو ڪنداسين جنهن کان پوءِ ٻڌڻي ٽن هفتن لاءِ ملتوي ڪئي ويئي.

 

ڪارگل جنگ کان نواز شريف آگاهه نه هو، پاڪستان کي وڏو نقصان پهتو: مشاهد حسين

اسلام آباد ( ويب ڊيسڪ ) اڳوڻي سڌ سماءَ واري وزير مشاهد حسين چيو آهي ته نواز شريف کي ڪارگل جنگ بابت آگاهه نه ڪيو ويو هو، جنگ جي ذميواري ڪنهن تي به لاڳو نه ڪئي ويندي. بي بي سي کي انٽرويو ڏيندي مشاهد حسين سيد چيو ته وزيراعظم طور ميان صاحب کي ڪارگل بابت پهرين بريفنگ 17 مئي 1999ع تي ڊي جي ايم او طرفان ڏني وئي پر ڀارت مان آواز اچڻ شروع ٿي ويا ته ڪجهه ٿي رهيو آهي.  هن چيو ته ڪارگل کان ڪجهه مهينا اڳ فيبروري 1999ع ۾ ڀارتي وزيراعظم اٽل بهاري واجپائي لاهور جو دورو ڪيو ته تنهن وقت نواز شريف کي خبر نه هئي ته پاڪستان جي فوج والاريل ڪشمير ۾ ڪنهن جنگ ڪارروائي جو منصوبو بڻائي چڪي آهي. سندس چوڻ هو ته اٽل بهاري جي دوري وقت ٻنهي ملڪن ۾ ماحول سٺو هو، ڀارتي وزيراعظم کي ٽنهي فوجي سربراهن سليوٽ به ڪيو. مشاهد حسين چيو ته اسان کي پاڪستاني فوج جي ڪارگل ۾ موجودگي جو اطلاع عالمي ميڊيا کي بريفنگ کان ڪجهه دير اڳ ڏنو ويو، حڪومتي حلقن کي ڪارگل بابت حقيقت جو پتو لڳڻ تي شديد ڌچڪو لڳو، هڪ طرف اسان انڊين وزيراعظم جي آجيان ڪري رهيا هئاسين ته ٻئي طرف جنگ ٿي رهي هئي.  هن چيو ته نظام ۾ هڪ ورهاڱو شروع ٿي ويو ته ايڏي وڏي شيءَ اسان ڪيئن ڪئي، نواز شريف ڪارگل کانپوءِ حيرانگي ۽ مايوسي جي ڪيفيت ۾ ڇو ته ڀارتي وزيراعظم اسان وٽ پاڻ هلي  پهتو. سندس چوڻ هو ته نواز شريف سمجهي پيو ته پاڪستان هڪ اهڙي بحران ۾ ڦاسي ويو آهي جنهن جي نتيجن کي اسان ڪنٽرول نه ٿا ڪري سگهون. مشاهد حسين سيد چيو ته ڪارگل جنگ دوران پاڪستان طرفان ائٽمي حملن تي غور جي ڳالهه درست ناهي.  مشاهد حسين چيو ته جولاءِ 1999ع ۾ نواز شريف آمريڪا وڃڻ کان اڳ پنهنجي ڪابينا سان ڪو به مشورو نه ڪيو، غير مشروط جنگ بندي ۽ فوج گهرائڻ جي ٺاهه سبب فوجي حلقن ڪاوڙ جو اظهار ڪيو. هن چيو ته پاڪستان کي ڪارگل جنگ ۾ وڏو نقصان پهتو، ڪشمير جو معاملو دهشتگردي سان ڳنڍجي ويو جڏهن ته ڀارت طرفان آمريڪا جو جهڪاءُ به ڪارگل کانپوءِ شروع ٿيو.

 

 

وزيراعظم عمران خان جي آمريڪي صدر ڊونلڊ ٽرمپ سان ڪامياب ملاقات پاڪستان جي ڪاميابي آهي: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار فردوس عاشق اعواڻ چيو آهي ته وزيراعظم عمران خان جي آمريڪي صدر ڊونلڊ ٽرمپ سان ڪامياب ملاقات پاڪستان جي ڪاميابي آهي فردوس عاشق اعواڻ ويراعظم عمران خان جي آمريڪيا جي دوري دوران ڊونلڊ ٽرمپ سان ملاقات جي حوالي سان ٽيوٽر تي ردعمل ڏيندي چيو ته قوم کي پنهنجي رهبر تي ناز آهي جنهن باوقار نموني سان بين الاقوامي سطح تي پاڪستان جي نمائندگي ڪئي فردوس عاشق اعواڻ چيو ته ملاقات ۾ ڪشمير تي ڳالهه ٻولهه سان خطي جي بنيادي مسئلي جي حل کي اٿاريو ويو پاڪستان ڪشمير مسئلي تي ٽياڪڙي لاءِ ڊونلڊ ٽرمپ جي آڇ جي آجيان ڪري ٿو هن چيو ته آمريڪي صدر ڊونلڊ ٽرمپ افغان مسئلي تي وزيراعظم عمران خان جي موقف جي تائيد ڪئي آهي وزيراعظم جي خاص مددگار چيو ته ترمپ اسان جي وزيراعظم کي مقبول اڳواڻ قرار ڏنو ۽ عمران خان تي دنيا جي وڌندڙ اعتماد جو اظهار ۽ ان جي اڳواڻي وارين صلاحيتن جو اعتراف آهي.

 

سنڌ حڪومت ٽيڪنالاجي پارڪ قائم ۽ ماربل سٽي کي پبلڪ پرائيويٽ پارٽنرشپ تحت هلائڻ جي منظوري ڏئي ڇڏي

ڪراچي (اين اين آءِ) ڪراچي لاءِ ٻن وڏن صنعتي ۽ ڪاروباري منصوبن اين اي ڊي يونيورسٽي ۾ جديد قسم جو ٽيڪنالاجي پارڪ قائم ڪرڻ ۽ نادرن باءِ پاس تي ماربل سٽي منصوبي کي سرڪاري، خانگي پارٽنرشپ تحت هلائڻ جي منظوري ڏني، گذريل ڏينهن وڏي وزير جي صدارت هيٺ ڪوٺايل پبلڪ پرائيويٽ پارٽنرشپ جي اجلاس ۾ منظوري ڏني وئي ۽ سيڙپڪاري سنڌ جي کاتي کي هي ٻئي منصوبا جلد مڪمل ڪرڻ جي هدايت ڪئي وئي، اسپيشل اڪنامڪ زون ايڪٽ 2012 تحت هي ٻئي منصوبا اسپيشل اڪنامڪ زون مقام رکڻندڙ هوندا، جيتوڻڪ انهن ٻنهي منصوبن ۾ سرمائيڪاري ڪندڙن کي انڪم ٽيڪس ۽ مشينري ٻاهران گهرائڻ تي ڪسٽم ۾ 10 سالن تائين ڇوٽ ملندي، پاڪستان ۾ تيزي سان ترقي ڪندڙ آءِ ٽي انڊسٽري گذريل سال هڪ ارب ڊالر جو ناڻو ڪمايو، جيتوڻڪ آءِ ٽي ۽ اليڪٽرانڪ سان لاڳاپيل شاگردن، استادن، پروفيشنلز ۽ ماهرن کي انڊسٽري ۾ فائديمند موقعا فراهم ڪرڻ لاءِ سنڌ حڪومت اين اي ڊي يونيورسٽي سان گڏجي يونيورسٽي ڪيمپس ۾ 12 ارب رپين جي لاڳت سان 20 ماڙ ٽيڪنالاجي زون جي عمارت تعمير ڪندي جيڪا 2021 ۾ مڪمل ٿيندي ۽ آءِ ٽي سان لاڳاپيل سمورن سرمايو لڳائيندڙن کي 30 سيڪڙو گهٽ ڪرائي تي مڪمل لاجسٽڪس سپورٽس سان آفيسون ڏنيون وينديون، ڪراچي لاءِ پبلڪ پرائيويٽ پارٽنرشپ تحت ٻئي صنعي منصوبي نادرن باءِ پاس تي 3 سئو ايڪڙ زمين جي ڪراچي ماربل سٽي ۾ ماربل، گري نائيٽ، سنگ مرمر ۽ ٻين پٿرن جي ويليو ايڊيشن ڪندڙ صنعتن کي هٿي وٺرائڻ ۽ پٿر کي ويليو ايڊيشن ڪرڻ کانپوءِ وڪرو ڪرڻ لاءِ رٿابندي ڪئي وئي آهي جنهن سان هن صنعت کي هٿي ملندي روزگار جا موقعا وڌندا ۽ سيڙپڪار ناڻو ڪمائي سگهندا، ماربل سٽي سان لاڳاپيل وڌيڪ 2 سئو ايڪڙ زمين، اڏاوت سان لاڳاپيل صنعتن لاءِ مخصوص ڪرڻ جي منظوري ڏني وئي، هن زون ۾ سيمينٽ سريو، ڪاٺ، فنگز ۽ ٻين اڏاوتي شين جا ڪارخانا لڳايا ويندا.

 

اسپيڪر اسد قيصر سان بي اين پي سربراهه اختر مينگل ملاقات جي ملاقات، بلوچستان جي مسئلن جي حل لاءِ خاص ڪميٽي جوڙڻ تي اتفاق

واشنگٽن (اين اين آءِ) پرڏيهي وزير شاهه محمود قريشي جي وزيراعظم عمران خان جي آمريڪي صدر سان ملاقات تي پاڪستان جي ڪاميابي قرار ڏيندي چيو آهي ته آمريڪي صدر جي پاڪستان جي دوري جي سلسلي ۾ جلد معاملا طئي ڪيا ويندا جنهن کان پوءِ تاريخ جو اعلان ڪيو ويندو آمريڪا ۾ ڪشمير جي مسئلي جي حل جي خواهش جو ايترو واضح اظهار اڳ ڪڏهن به نه ڏٺو خطي ۾ امن جي رستي ۾ سڀ کان وڏي رنڊڪ ڪشمير جو مسئلو آهي مسئلو ڳالهين جي ذريعي حل ڪرڻو پوندو ٻه ايٽمي طاقتون ٽڪراءُ جو خطرو نٿيون کڻي سگهن. ڊولنڊ ٽرمپ اسلام آباد سان مضبوط لاڳاپا قائم ڪرڻ جي خواهش جو اظهار ڪيو آهي ۽ پاڪستان جي دوري جي دعوت به قبول ڪئي آهي. آمريڪا کي مني لانڊرنگ روڪڻ لاءِ اسان جو ساٿ ڏيڻ گهرجي آمريڪا تي واضح ڪري ڇڏيو آهي ته ايڊ نه پر ٽريڊ چاهيون ٿا ٻنهي ملڪن ۾ واپار وڌائڻ جا امڪان موجود آهن اسان اقتصادي سفارتڪاري پاسي ڌيان ڏيڻ جي ڪوشش ڪنداسين. اڳوڻي فاٽا ۾ ڪامياب ٿيندڙ ڪجهه اميدوارن پي ٽي آءِ کان ٽڪيٽون گهريون هيون اميد آهي ته تحريڪ انصاف ۾ شامل ٿيندا آمريڪي صدر ۽ وزيراعظم جي ملاقات جي حوالي سان واشنگٽن ۾ ميڊيا تي پريس بريفنگ ڏيندي شاهه محمود قريشي چيو ته ٻنهي اڳواڻن وچ ۾ ملاقات ٽن ڪلاڪن تائين جاري رهيو اوول آفيس ۾ 40 منٽ ڌار ملاقات ٿي ان ٻڌايو ته پاڪستاني ۽ آمريڪي عملدارن وچ ۾ نشستن کي ٽن حصن ۾ ورهايو ويو هو جنهن ۾ پهرين نشست ٻنهي ملڪن جي سربراهن جي ون ٽو ون ملاقات تي ٻڌل هئي هن چيو ته ٻي نشست ۾ وزراعظم عمران خان سميت اعليٰ سول ۽ عسڪري قيادت جنهن ۾ پرڏيهي وزير طور، آرمي چيف جنرل قمر جاويد باجوا ۽ ڊي جي انٽر سروسز انٽيليجنس فيض حميد موجود هو جڏهن ته آمريڪا پاران صدر ٽرمپ سان گڏ ڊائريڪٽري سي آءِ اي وقتي ڊپٽي سيڪريٽري ڊفينس موجود هو هن وڌيڪ ٻڌايو ته ٽين نشست ۾ ٻنهي ملڪن جي سربراهن سان گڏ انهن جا وفد به موجود هئا ۽ ٽنهي نشتن ۾ کلي ڳالهه ٻولهه ٿي شاهه محمود قريشي چيو ته صدر ڊونلڊ ٽرمپ پاڪستان کي هڪ عظيم ملڪ، پاڪستان کي هڪ عظيم قوم ۽ وزيراعظم عمران خان کي هڪ عظيم ليڊر قرار ڏنو پرڏيهي وزير پريس بريفنگ ۾ ٻڌايو ته آمريڪي صدر ڊونلڊ ٽرمپ چيو ته مان پاڪستان جي هڪ نالي واري وزيراعظم سان ملاقات ڪري رهيو آهيان شاهه محمود قريشي پريس بريفنگ ۾ ٻڌايو ته هي پاڪستان ۽ آمريڪا وچ ۾ ٻطرفي لاڳاپن جي شروعات آهي جڏهن ته واشنگٽن کي واضح ڪري ڇڏيو ته اسلام آباد ان کان ايڊ نه پر ٽريڊ چاهي ٿو هن ٻڌايو ته صدر ڊونلڊ ٽرمپ جو چوڻ هو ته هو پاڪستان سان ماضي کي پاسي تي رکي حال ۽ مستقبل لاءِ مضبوط لاڳاپا چاهي ٿو جڏهن ته هن وسيع بنيادن تي پاڪستان سان پاٽنرشپ قائم ڪرڻ جي خواهش جو به اظهار ڪيو شاهه محمود قريشي ٻڌايو ته ڊونلڊ ٽرمپ ملاقات دوران چيو ته ٻنهي ملڪن ۾ واپار وڌائڻ جا امڪان موجود آهن ڇو ته ٻنهي ملڪن وچ ۾ هن وقت واپار اڻپورو آهي پرڏيهي وزري چيو ته وزيراعظم عمران خان پاران آمريڪي صدر کي پاڪستان جي دوري جي دعوت ڏني ويئي جيڪا هن قبول ڪري ورتي. شاهه محمود قريشي ٻڌايو ته آرميڪي صدر سان نشست ۾ آمريڪي اعليٰ عملدارن سان پاڪستان ۽ افغانستان جي ٻطرفي لاڳاپن جو ذڪر غور هيٺ آيو هن چيو ته پاڪستان جو پرڏيهي وزير نه هئڻ جي ڪري هڪ خال موجود هو ۽ آمريڪا ۾ پاڪستان جي لابي ئي موجود نه هئي جنهن جي ڪري افغانستان جي صورتحال جو ذميوار پاڪستان کي ڄاڻايو ويو ۽ مخالفن کي تنقيد جو موقعو ملندو رهيو شاهه محمود قريشي چيو ته افغانستان ۾ امن ۽ استحڪام ۽ ترقي جي عزم جو اظهار ڪيو امريڪا جي ڏکڻ ايشيا لاءِ نئين حڪمت عملي تي ڳالهائيندي شاهه محمود قريسي جو چوڻ هو ته پاڪستان تحريڪ انصاف جي حڪومت کان اڳ ئي هي حڪمت عملي سامهون اچي ويئي هئي. پرڏيهي وزير آمريڪا ۾ پاڪستاني ڪميونٽِ کي ساراهيندي چيو ته وزيراعظم سان پاڪستاني آمريڪن ڪميونٽي کي ڳنڍيل ڏٺو جيڪو بهترين پيغام آهي هن کان اڳ انهيءَ ڪمري ۾ وزيراعطم ايندا هئا پر ڪرسيون خالي هونديون هيون.

 

نيب جي هدايت تي شهباز شريف ۽ سندس خاندان جي ناليتي رجسٽرڊ ۽ استعمال هيٺ گاڏيون بلاڪ

لاهور ( ويب ڊيسڪ ) نيب جي هدايت تي پنجاب جي اڳوڻي وڏي وزير شهباز شريف ۽ سندس خندان جي نالي تي رجسٽرڊ ۽ استعمال هيٺ گاڏين جي ڪاغزن کي بلاڪ ڪيو ويو آهي. آمدني کان وڌيڪ اثاثن ۽ مبينا مني لانڊرنگ ڪيس ۾ ايڪسائيز اينڊ ٽيڪسيشن  کاتي پنجاب جي اڳوڻي وڏي وزير شهباز شريف ۽ سندس خاندان جي نالي تي ملڪيتن ۽ گاڏين کي منجمد ڪري ڇڏيو آهي. ايڪسائيز اينڊ ٽيڪسيشن جي موٽر رجسٽريشن اٿارٽي شهباز شريف جي نالي تي استعمال هيٺ ٻن لينڊ ڪروزرن ۽ ٻن گاڏين کي ايڪسائيز رڪارڊ ۾ بلاڪ ڪري ڇڏيو آهي. ٻئي طرف ماڊل ٽائون سميت ٻين شهرن ۾ پنجاب جي اڳوڻي وڏي وزير جي پراپرٽيز کي به منجمد ڪري ڇڏيو آهي، هاڻي اها پراپرٽي ڪنن ٻئي جي نالي تي ٽرانسفارمر نه ٿيندي، ان حوالي سان ايڪسائيز اينڊ ٽيڪسيشن کاتي رپورٽ تيا ڪري نيب کي موڪلي ڇڏي آهي.

 

 

ڪراچي۾ هلڪي برسات، ڪي اليڪٽرڪ جا پرزا ڪم ڇڏي ويا، شهر اونداهي ۾ ٻڌي ويو، 27 ۽ 28 جولائي تي تيز برسات جي اڪٿي

ڪراچي (ويب ڊيسڪ) ڪراچي ۾ برسات پوندي ئي ڪي اليڪٽرڪ جي پت وائکي ٿي وئي ۽ شهر جو اڌ کان وڌيڪ حصو بجلي کان محروم ٿي ويو. گذريل ڏينهن ڪراچي جي مختلف علائقن ۾ هلڪي برسات شروع ٿيندي ئي ڪي اليڪٽرڪ جي شهر کي بجلي فراهمي جو نظام بهتر بڻائڻ جي دعويٰ به پاڻي ٿي وئي ۽ رات جو ئي شهر جي گهڻن علائقن ۾ بجلي گم ٿي وئي. ڪورنگي 5 نمبر، فيڊرل بي ايريا، عزيز آباد، گلشن اقبال، ملير، ماڊل ڪالوني، گلستان جوهر بلاڪ 8، نارٿ ناظم آباد، کارادر، ميٺادر ۽ ڊفينس منظور ڪالوني ۾ بجلي بحال ڪئي وئي آهي، جڏهن ته ڪجهه علائقن ۾ اڃا بجلي معطل آهي. بجلي جو نظام ڊانواڊول ٿيندي ئي ڪي اليڪٽرڪ هيلپ لائن به رڪارڊنگ لڳائي وئي، جنهن سبب شهري شڪايتون ڪرڻ کان به محروم رهيا، جڏهن ته سوشل ميڊيا تي به ڪو جواب وصول نه ٿيو. ڪي اليڪٽرڪ ترجمان جو چوڻ آهي ته برسات ۽ هوا ۾ گهم وڌيڪ هجڻ سبب بجلي جي فراهمي معطل ٿي، حفاظتي قدمن تحت ڪجهه هنڌن تي بجلي عارضي طور بند ڪئي وئي، جڏهن ته متاثر علائقن ۾ ٽيمون خرابي جي درستگي لاءِ ڪوششن ۾ آهن. هوڏانهن حيدرآباد، بدين، مٽياري، هالا، ٽنڊي الهيار ۽ مٺي ۾ به بجلي جي فراهمي معطل آهي.  جڏهن ته  موسميات کاتي ڪراچي ۾ 27 ۽ 28 جولائي تي تيز برسات جي اڳڪٿي ڪري ڇڏي جڏهن ته اڄ شام بوندا باندي ۽ هلڪي برسات جو امڪان آهي. موسميات کاتي گرمي ۽ اُٻ کان پريشان ڪراچي وارن کي   خوشبخري ٻڌائيندي 27 ۽ 28 جولائي تي تيز برسات جي اڳڪٿي ڪري ڇڏي ۽ چيو ته اڄ شهر ۾ اُٻ واري صورتحال رهندي جڏهن ته شام ۾ بوندا باندي ۽ هلڪي برسات جو آهي. ڪراچي جو موجودا گرمي پد 35 ڊگري سينٽي گريڊ، هوا ۾ گهم جو تناسب 58 سيڪڙو آهي جڏهن ته هوا 18 ڪلو ميٽر في ڪلاڪ جي رفتار گهلي رهي آهي. ٻئي پاسي موسميات کاتي جو چوڻ آهي ته ملڪ جي ٻين علائقن ۾ موسم رهندي، جڏهن ته زوب، قلات، مڪران، ميرپورخاص، حيدرآباد، سکر ڊويزن ۾ ڪٿي ڪٿي جڏهن ته مالاڪنڊ، هزارا، پشاور، ڪوهاٽ، لاهور، فيصل آباد، سرگوڌا، گوجرانوالا، راولپنڊي ڊويزن، اسلام آباد ۽ ڪشمير ۾ ڪجهه هنڌن تي تيز هوائن، آنڌاري ۽ گجگوڙ سان گڏ برسات جو امڪان آهي.

 

مدئجي جي ڪچي واري علائقي ۾ پاڻي واري تان جوڻيجا برادري جي ٻن ڌرين ۾ جهيڙو، پيءُ قتل، سندس ٻه پٽ سخت زخمي

مدئجي(رپورٽر) مدئجي جي ڪچي واري علائقي ويهه ميل ٿاڻي جي حد فقيرڳوٺ ۾ پاڻي جي واري تان جوڻيجا برادري جي ٻن ڌرين ۾ جهيڙو،هڪ ڌر پاران فائرنگ،گوليون لڳڻ سبب پيءُ قتل،سندس ٻه پٽ سخت زخمي،اطلاع باوجود پوليس ڪلاڪ دير سان واقعي واري هنڌ پهتي،زخمي لاڙڪاڻو اسپتال منتقل،مقتول جي وارثن پاران لاش سميت سکر لاڙڪاڻو روڊ تي ڌرڻو،ٻن ڪلاڪن بعد انصاف جي خاطري بعد ڌرڻو ختم،پوسٽ مارٽم بعد وارثن حوالي،ڪيس داخل ٿي نه سگهيو…….خبرموجب:مدئجي جي ڪچي واري علائقي ويهه ميل ٿاڻي جي حد فقيرڳوٺ ۾ پاڻي جي واري تان جوڻيجا برادري جي ٻن ڌرين وچ ۾ منهن ماري بعد هڪ ڌر فائرنگ ڪري ڏني جنهن دوران گوليون لڳڻ سبب 40 ورهين جو عبدالفتاح جوڻيجو موقعي تي مارجي ويو جڏهن ته سندس ٻه نوجوان پٽ 18 سالا محمد مراد ۽ 16 سالا علي نواز جوڻيجو سخت زخمي ٿي پيا,جنهن بعد جوابدار ڌر پاران ڪيترو ئي وقت هوائي فائرنگ ڪندا رهيا,جنهن سبب پوري علائقي ۾ خوف و حراس پکڙجي ويو,جڏهن ته واقعي جي اطلاع باوجود سڏ پنڌ تي ويهه ميل ٿاڻو هجڻ باوجود پوليس ڪلاڪ بعد پهچي زخمين کي کڻائي لاڙڪاڻو اسپتال پهچايو,جڏهن مقتول جي وارثن پاران مقتول عبدالفتاح جوڻيجو جو لاش کڻي مرزانپور بس اسٽاپ سکر لاڙڪاڻو روڊ تي ٽائرن کي باهيون ڏئي روڊ بلاڪ ڪري ڇڏيو,جنهن دوران روڊ جي ٻنهي  پاسن کان وڏي انگ ۾ گاڏيون بيهجي ويون,ان موقعي تي ميڊيا آڏو دانهيندي شهزادو,ديدار,جعفر,ڌڻي بخش,مسمات نسيمان خاتون,سونا,روبينا خاتون,ثمينا خاتون,گلزارجوڻيجو ۽ ٻين چيوته مقتول عبدالفتاح جوڻيجو پنهنجي پٽن سميت زرعي زمين تي ڪم ڪري رهيو هوته پنهنجي برادري جي ماڻهن پاڻي بابت منهن ماري ڪرڻ بعد هٿيارن جا منهن کولي انڌاڌند فائرنگ ڪري ڏني جنهن دوران گوليون لڳڻ سبب عبدالفتاح جوڻيجو موقعي تي مارجي ويو,جڏهن ته سندس ٻه نوجوان پٽ سخت زخمي ٿيا آهن,جن کي لاڙڪاڻي اسپتال پهچايو آهي,مظاهرين دانهيندي چيوته جوابدارن کي بااثرن توڙي پوليس جو سرپرستي حاصل آهي جيستائين جوابدار گرفتار نه ٿيندا ڌرڻو ختم نه ڪنداسين,ٻئي طرف ايس ايڇ او ڳاهيجا ۽ ايس ايڇ او نئون امروٽ ڌرڻي واري هنڌ پهچي مظاهرين کي روڊ کولڻ لاء منٿون ڪيون پر مظاهرين ڌرڻو ختم ڪرڻ کان صاف انڪار ڪري ڇڏيو,ڌرڻي جي ٻن ڪلاڪن بعد ڊي ايس پي مدئجي ڌرڻي واري هنڌ پهچي مظاهرين سان ڳالهيون ڪري انصاف جي خاطري بعد ڌرڻو ختم ڪرائي ٽرئفڪ بحال ڪرائي،ٻئي طرف مقتول جو لاش پوسٽ مارٽم بعد وارثن حوالي ڪيو ويو،جيڪو گهر پهچڻ تي وارثن ۾ قهرام مچي ويو،آخري اطلاعن تائين واقعي جو ڪيس داخل ٿي نه سگهيو هو….