تازيون خبرون
ڪڻڪ افغانستان اسمگل ڪري هٿ سان بحران پيدا ڪيو ويو: وڏو وزير - ٽرانسپيرنسي انٽرنيشنل کي پنهنجي ساک جو جائزو وٺڻ گهرجي: فردوس عاشق اعواڻ - جاچ ادري جي ٽيم کي سنڌ اسيمبلي ۾ ڇو داخل ٿيڻ ڏنو ويو؟: اسپيڪر جو نوٽيس - نظام الائي ڪيئن پيا هلائين، خيبرپختونخوا حڪومت جو ڪهڙو علاج ڪريان؟: چيف جسٽس - حڪومت سيڙپڪاري جي سهولت لاءِ سڌارن جي ايجنڊا تي عمل ڪري رهي آهي: وزيراعظم - حڪومت سڪندر سلطان راجا کي اليڪشن ڪميشن جو سربراهه مقرر ڪري ڇڏيو، 2 ميمبرن جي مقرري جو نوٽيفڪيشن به جاري - آءِ جي سنڌ جي تڪرار ۾ اهم اڳڀرائي، وفاق آءِ جي سنڌ جي بدلي وفاقي ڪابينا جي منظوري سان مشروط ڪري ڇڏي - آرمي چيف اليڪٽرانڪ وارفيئر اينڊ گرائونڊ سرويلينس ريڊار ليبارٽريز جو افتتاح ڪري ڇڏيو - ڪراچي پوش علائقي مان ٽن گڏهن جون منڍيپن ۽ اوجهه هٿ، گوشت ڪيڏانهن ويو پوليس پريشان - آئي جي سنڌ حڪومت سان تعاون نٿو ڪري، اڳ ڪڏهن وفاقي ڪابينا ڪنهن آئي جي جي مقرري جي منظوري ناهي ڏني: سعيد غني

Daily Archives: July 23, 2019

ڀارتي اداڪاره ڪوئنا مترا کي ڇهه مهينا قيد جي سزا

 

ممبئي: (شوبز نيوز) ڪوڙو چيڪ ڏيڻ بابت هڪ ڪيس جو فيصلو ٻڌائيندي اندهيري، ممبئي جي عدالت اداڪاره ڪوئنا مترا کي 6 مهينا قيد جي سزا ٻڌائيندي چيو آهي ته هو مقامي ماڊل پونم سيٺي کي 4 لک 64 هزار روپيه به ادا ڪري جنهن مان 3 لک روپيه اصل رقم آهي جڏهن ته 1 لک 64 هزار روپيه ان رقم تي ڇهن سالن  جي دوران واجب الادا ٿيل وياج  جي آهي.هي ڪيس ممبئي جي مقامي عدالت ۾ 2013 کان ٻڌڻي هيٺ هو جنهن ۾ ماڊل پونم سيٺي الزام لڳايو هو ته ڪوئنا مترا وقفي وقفي ان مون کان 22 لک روپيه قرض کڻي  چڪي آهي جڏهن ته قرض جي قسط 3 لک روپين جي رقم هن چيڪ جي صورت ۾ ادا ڪئي جيڪو بائونس ٿي ويو. پونم سيٺي عدالت کي درخواست ڏني ته ڪوئنا مترا جي خلاف فراڊ جي ڏوهه ۾ ڪارروائي ڪئي وڃي ۽ مون کي پنهنجي رقم واپس ڏياري وڃي.ڇهن سالن کان  جاري رهندڙ هن ڪيس ۾ ڪوئنا جو چوڻ آهي ته پونم جي مالي حيثيت اهڙي ناهي ته هو قرض ڏئي سگهي. هن دوستي جو فائدو کڻندي منهنجو صحيح ٿيل چيڪ بڪ چوري ڪري ورتو هو. ڊگهي عرصي تائين ٻڌڻي کان پوءِ عدالت ڪوئنا جو موقف رد ڪندي فيصلو ٻڌائي ڇڏيو.فيصلي موجب  ڪوئنا نه صرف وياج سميت اصل رقم واپس ڪندي پر ڌوڪو ڏيڻ جي ڏوهه ۾ 6 مهينا جيل به ڀوڳيندي. ياد رهي ته ڪوئنا مترا جو شمار بالي ووڊ جي آئٽم گرلز ۾ ٿيندو آهي جنهن(اپنا سپنا مني مني) ۾ رتيش ديش مکهه سان گڏ ڪردار ادا ڪرڻ کان علاوه ڪجهه وڌيڪ فلمن ۾ سائيڊ رول جي طور تي ۽ آئٽم  نمبرن ۾ به پنهنجي فن جا جوهر ڏيکاريا هئا.

 

شادي جي ڪجهه ڏينهن کان پوءِ ئي فاطمه جا ڪوڙ سامهون اچڻ لڳا هئا: محسن عباس

 

لاهور: (شوبز نيوز) اداڪار ۽ ميزبان محسن عباس حيدر زال فاطمه سهيل جي الزامن کان پوءِ پريس ڪانفرنس ۾ چيو آهي ته شادي جي ڪجهه ڏينهن کان پوءِ ئي ان جا ڪوڙ سامهون اچڻ لڳا هئا ۽ اهڙا ڪوڙ به سامهون آيا جو هو مون کي هڪڙي جڳهه جو ٻڌائي ٻئي هنڌ هلي ويندي هئي.اداڪار ۽ ميزبان محسن عباس جي زال فاطمه سهيل مڙس تي تشدد ۽ بيوفائي جو الزام هڻندي زخمي ٿيڻ واري تصوير سوشل ميڊيا تي شيئر ڪئي هئي. ان حوالي سان لاهور  پريس ڪلب ۾ پريس ڪانفرنس ڪندي اداڪار محسن عباس چيو ته آئون اهڙي گهراڻي سان تعلق رکان ٿو جتي عورتن جي عزت ڪئي ويندي آهي. هن زال پاران لڳايل الزامن بابت چيو ته شادي جي ڪجهه مهينن  کان پوءِ اسان ٻنهي کي احساس ٿي ويو ته هي شادي نه ٿيڻ گهرجي ها. شادي جي ڪجهه ڏينهن کان پوءِ ئي منهنجي زال جا ڪوڙ سامهون اچڻ لڳا. جنهن ۾ ڪجهه ڪوڙ اهڙا به هئا ته هو مون کي هڪڙي جڳهه جو ٻڌائي ٻئي هنڌ هلي ويندي هئي.محسن عباس دعويٰ ڪئي ته فاطمه سهيل جو پيءُ به ان جو گواهه آهي ۽ هن پنهنجي ڌيءَ جو ڪوڙ پڪڙجڻ تي چيو ته پٽ هڪ گناهه ته خدا به معاف ڪري ڇڏيندو آهي. هن چيو ته فاطمه کي غلط بياني ڪرڻ ۽ ڪوڙ ڳالهائڻ جي عادت هئي.  مون ڪڏهن به پنهنجي ذاتي زندگي کي ميڊيا جي سامهون ناهي آندو. هن جي طرفان هر روز اهڙيون حرڪتون ٿينديون رهنديون هيون. محسن عباس چيو ته 4 سالن جي شادي ۾ اسان زال مڙس هڪ سال ئي گڏ رهياسين ۽ هاڻ اسان  ٻنهي جا رستا 6 مهينن کان جدا ٿي ويا آهن. پئسا گهرڻ واري سوال تي محسن عباس چيو ته فاطمه الزام هنيو آهي ته مون  کيس پيءُ کان هڪ ڪروڙ  روپيه کڻي اچڻ جي ڌمڪي ڏني؟ هن چيو ته مون اڄ تائين ڪاروبار ئي ناهي ڪيو ته ڪاروبار جي لاءِ ڪيئن پئسا گهرندس. جيڪڏهن هن مون کي 50 لک روپيه ڏنا هئا ته ان جو به ته ڪو ثبوت هوندو.اداڪار موجب فاطمه مون تي الزام لڳايو آهي ته آئون پنهنجي پٽ جي ذميوارين کان  ڀڄي رهيو آهيان. ائين ناهي ڇو ته پٽ جي ڄمڻ کان پوءِ اسپتال جا سمورا خرچ مون ڀريا جنهن جا بل به مون وٽ موجود آهن. آئون الڳ ٿيڻ کان پوءِ فاطمه ۽ ٻار جو هر مهيني خرچ ڏيندو آهيان. محسن عباس چيو ته فاطمه جيڪي تصويرون شيئر ڪيون آهن اهي 2018 جون آهن ۽ اهي تصويرون ڏاڪڻ تان ترڪي ڪرڻ کان پوءِ جون آهن. جتي هن درخواست ڏني آهي اهو ٿاڻو کيس گهرائي رهيو آهي پر هو اتي پيش نه پئي ٿئي. آئون ٿاڻي تان ٿي آيو آهيان ۽ پنهنجو بيان رڪارڊ ڪرائي ڇڏيو آهي.

 

بابر کي ڪرڪيٽ ٽيم جو ڪپتان بڻائڻ گهرجي: جاويد جو پي سي بي کي مشورو

 

لاهور(اسپورٽس نيوز) آءِ سي سي ورلڊ ڪپ 2019ع ۾ قومي ٽيم جي ناقص ڪارڪردگي بعد ڪوچنگ اسٽاف جي تبديلي جو امڪان ظاهر ڪيو پيو وڃي، ٽيسٽڪرڪيٽ، ون ڊي ۽ ٽي ٽوئنٽي ڪرڪيٽ لاءِ به ڌار ڌار ڪپتان مقرر ڪرڻ جون تجزيزون غور هيٺ آهن. پاڪستان ڪريڪٽ ٽيم جي سيمي فائنل ۾ نه پهچڻ کي رانديگرن جي ڪارڪدگي کي قرار ڏنو پيو وڃي، اڳوڻي ليجنڊ ڪرڪيٽر جاويد ميانداد پاڪستان ڪرڪيٽ بورڊ کي صلاح ڏني آهي ته بابر اعظم ون ڊي ٽيم جي ڪپتاني لاءِ بهترين آپشن آهي، جنهن جي مقرري تي غور ڪيو وڃي. واضح رهي ته ڪپتان سرفراز احمد اڳ ئي چئي چڪو آهي ته هو پاڻ ڪپتاني نه ڇڏيندو، هن چيو هو ته کين ڪپتان بورڊ بڻايو آهي، هٽائڻ جو فيصلو به اهو ئي ڪري سگهي ٿو.

 

ون ڊي ڪرڪيٽ هڪ ڀيرو ٻيهر پنهنجي اهميت مڃرائي: اين چيپل

 

سڊني (اسپورٽس نيوز) آسٽريلوي ڪرڪيٽ ٽيم جي اڳوڻي ڪپتان اين چيپل چيو آهي ته ٽي ٽوئنٽي ڪرڪيٽ جي دور ۾ ون ڊي ڪرڪيٽ هڪ ڀيرو ٻيهر پنهنجي اهميت مڃرائي ورتي، ذري ذري تي رنگ مَٽائيندڙ صورتحال رڳو انهي فارميٽ ۾ ڏسي سگھجي ٿي.اين چيپل پنهنجي ڪالم ۾ لکيو آهي ته ورلڊ ڪپ فائنل ۾ ٽاءِ مقابلي کان پوءِ ڪاميابي جو فيصلو پونٽس ٽيبل پوزيشن جي بنياد تي ٿيڻ گھرجي ها، ڊي آر ايس هڪ ڀيرو وري مايوس ڪيو، ورلڊ ڪپ 2019ع جو سڀ کان هاڪاري پهلو ٽي 20 جي ڪاميابي مان متاثر هڪ يا انهن سڀني ايڊمنسٽريٽرز لاءِ يادگيري آهي ته ون ڊي ۾ ڪيتري بهترين ڪرڪيٽ ڏسڻ لاءِ ملي سگھي ٿي.سندس چوڻ هو ته ون ڊي ڪرڪيٽ ۾ راند دوران توهان کي خراب صورتحال کان ٻاهر اچڻ جو موقعو ملندو آهي، اوهان ٽيڪنيڪي حربا آزمائيندا آهيو، بالرن ۽ فيلڊرن تي حد بندي باوجود هڪ سٺو بالنگ اسپيل ممڪن آهي، سٺي پرفارمنس سان ڪيترو دلچسپ مقابلو ڏسڻ لاءِ ملي سگھي ٿو، بدستور ان ۾ فيلڊنگ ۽ وڪيٽن جي وچ ۾ رننگ پنهنجي اهميت رکندي آهي.چيپل موجب ورلڊ ڪپ جي فائنل ۾ اسان کي اهو سڀ ڏسڻ لاءِ مليو پر آخر ۾ فاتح لاءِ استعمال ڪيل پئماني سبب تڪرار به رهيو، بهتر رستو اهو هو ته مقابلو ٽاءِ ٿيڻ جي صورت ۾ ڪاميابي جو فيصلو شروعاتي رائونڊ ۾ پوائنٽس ٽيبل تي بهتر پوزيشن تي ڪيو وڃي ها.