تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: July 23, 2019

آمريڪي صدر سان عمران خان جي ملاقات، ٽرمپ پاران ڪشيمر مسئلي تي ٽياڪڙي جي آڇ

واشنگٽن (م ڊ) وزيراعظم عمران خان وائيٽ هائوس پهتو ته آمريڪي صدر ڊونلڊ ٽرمپ پاڻ سندس آجيان ڪئي، ٻنهي اڳواڻن پاڻ ۾ هٿ ملايو، ان موقعي ميڊيا سان مختصر ڳالهه ٻولهه دوران آمريڪي صدر ڊونڊلڊ ٽرمپ وزيراعظم عمران خان کي ڪشمير تڪرار جي حل لاءِ ٽياڪڙي جو ڪردار ادا ڪرڻ جي آڇ ڪئي، آمريڪي صدر چيو ته وزيراعظم عمران خان سان ملاقات کي انتهائي خوشگوار ڏسي رهيو آهيان، جنهن کان پوءِ ٻئي ڄڻا اجلاس لاءِ اندر هليا ويا،  ملاقات آرمي چيف به پهرين مرحلي ۾ وزيراعظم عمران خان ۽ آمريڪي صدر ڊونلڊ ٽرمپ وچ ۾ ملاقات ٿي. ملاقات ۾ آمريڪي صدر ٽرمپ وزيراعظم عمران خان کي ڪشمير مسئلي جي حل لاءِ ٽياڪڙي جي آڇ ڪئي، ٽرمپ چيو ته ڀارتي وزيراعظم نريندر مودي به چيو هو ته ڪشمير مسئلي جي حل لاءِ مدد ڪيان، مون کي ڪشمير تڪرار جي حل لاءِ ٽياڪڙي جو ڪردار ادا ڪرڻ تي خوشي ٿيندي. جيڪڏهن ڪشمير مسئلي جي حل لاءِ آئون ڪجھ ڪري سگھان ٿو ته مون کي آگاهه ڪيو. آمريڪا پاڪ ڀارت لاڳاپن ۾ بهتري لاءِ به ڪردار ادا ڪري سگھي ٿو، وزيرراعظم عمران خان سان ملاقات دوران آمريڪي صدر ڊونلڊ ٽرمپ جو چوڻ هو ته افغانستان بابت پاڪستان جو ڪردار واکاڻ جوڳو آهي، پاڪستان ماضي ۾ آمريڪا جو احترام نه ڪندو هو پر هاڻي اسان جي ڪافي مدد ڪري رهيو آهي. آمريڪي صدر جو وڌيڪ چوڻ هو ته آمريڪا پاڪستان جي مدد سان افغان جنگ مان ٻاهر نڪرڻ جو رستو ڳولي رهيو آهي، اسان افغانستان مان پنهني فوج جو انگ گھٽائي رهيا آهيون، افغانستان جي معاملي تي پاڪستان وٽ اها طاقت آهي جيڪا ٻين ملڪن وٽ ناهي. پاڪستان آمريڪا لاءِ تمام گھڻي اهميت رکي ٿو، پاڪستان افغان امن عمل اڳتي وڌائڻ لاءِ اهم ڪردار ادا ڪري رهيو آهي، پاڪستان جا ماڻهو تمام ڀلا آهن، اتي منهنجا ڪافي دوست آهن، آمريڪي صدر ڊونلڊ ٽرمپ ايران جي حوالي سان به ڳالهه ٻولهه ڪئي، سندس چوڻ هو ته ايران سان ڳالهيون ڪرڻ مشڪل کان مشڪل تر ٿيندو پيو وڃي. ان موقعي تي وزيراعظم عمران خان چيو ته پاڪستان لاءِ آمريڪا تمام گھڻي اهميت رکي ٿو، روس خلاف افغان جنگ ۾ پاڪستان فرنٽ اسٽيٽ هو، افغان تڪرار جو حل رڳو طالبان سان امن معاهدو آهي. پاڪستان نائين اليون کان پوءِ دهشتگردي خلاف جنگ ۾ آمريڪا جو ساٿ ڏنو، پاڪستان دهشتگردي خلاف جنگ ۾ 70 هزار جانين جي قرباني ڏني. افغان تڪرار جو حل رڳو طالبان سدان امن معاهدو آهي، اميد آهي ته اسان ايندڙ ڏينهن ۾ طالبان تي ڳالهيون جاري رکڻ تي زور ڏيڻ جي قابل بڻجي وينداسين. ماضي جي ڀيٽ ۾ افغان مسئلي جي حل لاءِ امن معاهدي جي ويجھو آهيون. ٻئي پاسي وزيراعظم عمران خان آمريڪا جي دوري جي حوالي سان بريفنگ ڏيندي وائيٽ هائوس اختيارين هڪ ڀيرو ٻيهر ڊومور جو مطالبو ڪندي چيو آهي ته پاڪستان طرفان ڪيل تعاون ڪافي ناهي وڌيڪ تعاون ڪرڻو پوندو. عالمي خابرو اداري موجب وائيٽ هائوس اختيارين وزيراعظم عمران خان جي آمريڪا دوري جي حوالي سان بيڪ گرائونڊ بريفنگ ڏيندي صحافين کي ٻڌايو ته ٻنهي ملڪن جي سربراهن وچ ۾ آمهون سامهون ملاقات کانپوءِ وفدن جي سطح تي ڳالهيون ٿينديون ۽ مانجهاندو به ڏنو ويندو.  وزيراعظم عمران خان ۽ صدر ٽرمپ جي ملاقات جي تياري ۽ ايجنڊا بابت بريفنگ ڏيندي وائيٽ هائوس اختيارين جو وڌيڪ چوڻ هو ته سيڪيورٽي ميٽنگ ۾ ٽي او آر طئه ٿي ويا آهن جڏهن ته ڪوليشن سپورٽ فنڊ جي بحالي جي باري ۾ ڪوبه فيصلو ناهي ڪيو ويو. اختيارين جو چوڻ هو ته آمريڪا سمورين حالتن جو غور سان جائزو وٺي رهيو آهي، پاڪستان سان ٺوس قدمن جا منتظر آهيون ۽ پاڪستان لاءِ بهترين موقعو آهي ته طالبان سان پنهنجن لاڳاپن مان فائدو کڻي افغانستان ۾ امن بحال ڪرائي. آمريڪي اختيارين وڌيڪ چيو ته پاڪستان تي افغان امن عمل ۾ ٺوس ڪردار ادا ڪرڻ ۽ پنهنجي سرزمين تي دهشتگردن خلاف ڪارروائي ڪرڻ  تي دٻاءُ وڌو ويندو ۽ پاڪستان کي هٿياربند تنظيمن بابت پنهنجي پاليسي تبديل ڪرڻ جي هدايت به ڪئي ويندي.

 

 

اخبارن جي مسئلن جي حل لاءِ ڪميٽي بڻائڻ جو اعلان، ورڪرن جا مسئلا حل ڪرڻ پهتي آهيان: فردوس عاشق

ڪراچي (ويب ڊيسڪ) وزيراعظم جي اطلاعات بابت خاص مددگار فردوس عاشق اعواڻ چيو آهي ته اوور سيز پاڪستانين پاڪستان مخالف موقف کي رد ڪيو، عمران خان آمريڪي صدر سان ملاقات ۾ پاڪستان جو قومي مفاد ۽ اصل چهرو پيش ڪرڻ وڃي رهيو آهي، ان ملاقات جا خطي تي هاڪاري اثر پوندا. ڪراچي پريس ڪلب ۾ صحافين سان ڳالهائيندي فردوس عاشق اعواڻ چيو ته هتي پهچڻ تي منهنجي ۽ منهنجي ٽيم جي ائين آجيان ڪئي وئي، جيئن مان پنهنجي گهر آئي آهيان، اسان تفصيل سان صحافتي تنظيمن سان گڏ ويهي ميڊيا ورڪرن جا مسئلا ٻڌا، سمورن مسئلن جي حل لاءِ سي پي اين اي ۽ اي پي اين ايس جي فورمز تي به وڃي رهي آهيان. هن چيو ته خاص طور ڪراچي پاڪستان جي معاشي حب آهي، ميڊيا ان کي مضبوط ۽ مستحڪم رکڻ لاءِ اهم ڪردار ادا ڪري رهي آهي، ان کي هر سطح تي سپورٽ ۽ هر قسم جي سهولت ڏيڻ لاءِ ڪراچي آئي آهيان. سندس چوڻ هو ته وزيراعظم ميڊيا ورڪرن جي ڪيس، پاڪستان جو قومي مفاد ۽ موقف عالمي سطح تي اجاڳر ڪرڻ لاءِ آمريڪا جي دوري آهي، خطي ۾ مخالفن ڄاڻي واڻي پاڪستان کي اڪيلو ڪرڻ لاءِ جيڪي سازشون ڪيون، اهي دم ٽوڙينديون پيون وڃن. فردوس عاشق اعواڻ چيو ته عمران خان جي قيادت ۾ پاڪستان جي سائي پاسپورٽ کي تحفظ ملڻ وڃي رهيو آهي ۽ ان جي وقار ۾ اضافو ٿيندو، وزيراعظم قومي سلامتي، قومي مفاد ۽ عوام جي حقن جي موقف کي دنيا ۾ هٿي ڏيڻ لاءِ نڪتو آهي، ڪجهه سياسي نابالغ دوست ملڪي مفاد کي نقصان پهچائڻ جي ڪوشش ڪري رهيا آهن، اهي هوش کان ڪم وٺن.

 

آئين جي حڪمراني تي ٺاهه نٿا ڪري سگهون، عوامي حق غصب ڪندڙ سان ويڙهه ٿيندي: ن ليگ

اسلام آباد (ويب ڊيسڪ) ن ليگ اڳواڻ احسن اقبال چيو آهي ته عمران خان آمريڪا ۾ اها تقرير ڪئي، جيڪا سياستدان موچي گيٽ ۾ ڪندو آهي. اسلام آباد ۾ پارٽي اڳواڻن سان گڏ پريس ڪانفرنس ڪندي احسن اقبال چيو ته آئين جي حڪمراني تي ٺاهه نٿا ڪري سگهون، جيڪو عوامي حق غصب ڪندو ان سان وڙهنداسين، هاڻ فيصلائتي جدوجهد جو وقت اچي ويو آهي. هن چيو ته بدقسمتي سان سليڪٽڊ وزيراعظم جي مٿان خانو خالي آهي، هو خيالي پلاءَ ٺاهيندو ۽ کپائيندو آهي، هن جي تقرير ۾ اڃا تائين ڪا تبديلي ناهي آئي، هڪ شخص آمريڪا وڃي ٿو ته ان کي قوم جو نمائندو بڻجڻ گهرجي، عمران خان اها تقرير ڪئي، جيڪا تقرير سياستدان موچي گيٽ ۾ ڪندو آهي، اتي چيو ويو مان واپس وڃي نواز شريف جي ٽي وي ۽ اي سي بند ڪرائيندس، عمران خان جي ذهن تي رڳو نواز شريف سوار آهي، آمريڪا وڃي به عمران خان نه مڙيو. سندس چوڻ هو ته اپوزيشن ليڊرن کي نشانو بڻائي حراست ۾ ورتو پيو وڃي، شاهد خاقان عباسي خلاف ڪارروائي عمران خان جي چوڻ تي ٿي، شاهد خاقان عباسي تي مالي بدعنواني جو الزام ناهي ته ان تي اختيار اورانگهڻ جو الزام لڳايو ويو، شاهد خاقان عباسي جو ڏوهه اهو آهي ته هن گئس بحران کي چئن سالن ۾ حل ڪيو، هن 11 مهينن ۾ دنيا جو سستو ترين ايل اين جي پلانٽ لڳايو، ايل اين جي سان 5 هزار ميگا واٽ بجلي جا 3 يونٽ هليا. احسن اقبال وڌيڪ چيو ته پرويز مشرف جهڙي ريت نيب کي استعمال ڪيو، اهڙي ئي ريت اڄ ان کي تحريڪ انصاف حڪومت بچائڻ لاءِ استعمال ڪيو پيو وڃي، هيءَ هڪ انتقام ۽ ساڙ ۾ سڙيل حڪومت آهي.

 

امداد جو مقصد پاڪستاني معيشت ۽ ادارن کي مضبوط بڻائڻ آهي: آءِ ايم ايف

واشنگٽن  (اين اين آءِ) آءِ ايم ايف جي وقتي مئنيجنگ ڊائريڪٽر ڊيوڊ لپٽن وزيراعطم عمران خان سان ملاقات کان پوءِ چيو آهي ته پاڪستان ان جي پروگرام جو مقصد معيشت کي مستحڪم ۽ ادارن کي مضبوط ڪرڻ آهي وزيراعظم عمران خان سان آمريڪا ۾ آءِ ايم ايف جي وقتي ايم ڊي ملاقات ڪئي ۽ ان حوالي سان هڪ ٽوئٽ ڪندي بيان جاري ڪيو ويو ڊيوڊ لپٽن لکيو ته کيس واشنگٽن ۾ پاڪستان جي وزيراعظم عمران خان سان ملي خوشي ٿي اسان تازو ئي اقتصادي ترقي ۽ آءِ ايم ايف جي حمايتي اقتصادي سڌارن واري پروگرام تي عمل جي حوالي سان خيالن جي ڏي وٺ ڪئي هن چيو ته ان جي پروگرام جو مقصد معيشت جو استحڪام ۽ ادارن کي مضبوط ڪرڻ آهي ۽ هي پاڪستان جي متوازن ۽ جٽادار ترقي جي رستي تي آڻيندو آءِ ايم ايف جي وقتي مئنيجنگ ڊائريڪٽر مستقبل ۾ ضروري سماجي ۽ ترقياتي خرچن کي بهتر نموني سان فراهم ڪرڻ لاءِ مقامي ٽيڪس روينيو کي متحرڪ ڪرڻ جي ضرورت تي روشني وڌي پاڪستان جي اقتصادي سڌار پروگرام تي عمل جي لاءِ آءِ ايم ايف ۽ ٻين بين الاقوامي پاٽنرن سان گڏجي پاڪستان جي حڪومت سان ڪم ڪري رهيو آهي.

 

جهڪيو آهيان نه قوم کي جهڪڻ ڏيندس، سفارشن باوجود اين آر او نه ڏيندس: عمران خان

واشنگٽن (اين اين آءِ) وزيراعظم عمران خان ڏيهه ورڻ تي نوازشريف جي سيل مان ٽي وي ۽ اي سي ڪڍڻ جو اعلان ڪندي واضح ڪيو ته آصف زرداري کي به ان جيل ۾ رکنداسين جتي ٽي وي نه اي سي هوندو اپوزيشن ڀلي ڇا به ڪري قوم جي دولت واپس ڪرڻي پوندي پئسا واپس ڪريو جيل مان ڪڍي ڇڏينداسين پهريون ڀيرو پاڪستان جي اسيمبلي ڊيزل کان سواءِ هلي رهي آهي فضل الرحمان، بلاول ۽ (ن) ليگ سڀ گڏجي ويا آهن انهن جو هڪ ئي مقصد آهي ته کين اين آر او ملي وڃي مون کي ٻاهران به سفارشون ڪرايون اهن اڄ تائين ڪڏهن به ڪنهن جي اڳيان ناهيان جهڪيو ۽ نه پنهنجي قوم کي ڪنهن جي اڳيان جهڪڻ ڏيندس اڄ پاڪستان ٺهي رهيو آهي اوهان پاڪستان کي تبديل ٿيندي ڏسندا ۽ هر سال ملڪ ترقي ڪندو رهندو پاڪستان ۾ موجود ڪوئلي مان سعودي عرب کان وڌيڪ بجلي پيدا ڪري سگهجي ٿي پاڪستان ۾ سمورن واپارين کي رجسٽرڊ ٿيڻو پوندو سڀ گڏجي ٿوري ٿوري ٽيڪس ڏين ته پاڪستان کي قرضن جي دٻڻ مان ڪڍڻ ڏکيو نه آهي گذريل ڏينهن ڪيپيٽل ارينا ۾ جلسي کي خطاب ڪندي وزيراعظم عمران خان چيو ته الله تعاليٰ هڪ خاص نعمت طور اسان کي پاڪستان ڏنو ڪنهن کي به اندازو نه آهي ته پاڪستان الله جي ڪيڏي وڏي نعمت آهي هن چيو ته هاڻي پاڪستان کي تبديل ٿيندي ڏسندا ۽ هر سال ملڪ ترقي ڪندو رهندو وزيراعظم ڍيو ته انشاءالله پاڪستان کي ڪڏهن به شرمسار نه ٿيڻ ڏيندس هن چيو ته جمهوريت ۾ ٻه شيون هونديون آهن جيڪي بادشاهت ۾ ناهن هونديون جمهوريت ۾ ميرٽ آهي جڏهن ته بادشاهت ۾ ميرٽ ناهي هوندي ۽ دنيا ۾ جن ملڪن به ترقي ڪئي ميرٽ جي بنياد تي ڪئي. جنهن ملڪ ۾ ميرٽ گهٽ هئي اهو پوئتي رهجي ويو زويراعظم چيو ته جيڪڏهن هڪ سٺو بادشاهه هجي ته ضروري نه آهي ته ان جو پٽ به سٺو هجي هندستان سپر پاور هوندو هو بهترين مغل بادشاهه آيا اورنگزيب کان پوءِ جيڪي ان جا ٻارڙا آيا پر ڪنهن ۾ به صلاحيت نه هئي جنهن سبب مغل دور ختم ٿي ويو پاڪستان جي حوالي سان ڳالهائيندي وزيراعظم چيو ته اسان جي ملڪ ۾ قائداعظم کان پوءِ ڇو سٺو ليڊر ناهي آيو هڪ ذوالفقارعلي ڀٽو هو پر اسان جي ملڪ ۾ به هڪ قسم جي بادشاهت اچي ويئي هن ٻڌايو ته نوازشريف کي هڪ عامر مٿي کڻي ليڊر بڻايو جڏهن ته آصف زرداري ۽ بلاول ڀٽو ڪاغذ جو ٽڪرو ڏيکاري ليڊر بڻجي ويا ولي خان جو به ساڳيو حال آهي مولانا فضل الرحمان به اهڙي طرح ليڊر ٿيو ۽ ان جو ڀاءُ ۽ ٻار به ليڊر بڻجي ويا آهن هن چيو ته شهبازشريف ڇو وزيراعليٰ بڻجي ويو ڇو ته هو نوازشريف جو ڀاءُ هو هن چيو ته جمهوريت ۾ ملڪ جو سربراهه جوابده هوندو آهي پر اسان جي ملڪ ۾ جڏهن عدالت فيصلو ڪري ٿي ته چون ٿا ته مون کي ڇو ڪڍيو جيڪو اڄ پاڪستان ۾ ٿي رهيو آهي هي نئون پاڪستان ٺهي رهيو آهي ماضي ۾ ڪڏهن به انهن ماڻهن کان ناهي پڇيو ويو وزيراعظم چيو ته ماڻهو پڇندا هئا ته ڪٿي آهي نئون پاڪستان اوهان جي آڏو نئون پاڪستان ٺهي رهيو آهي جنهن کان پڇو سڀ چون ٿا ته عمران خان ڪرائي رهيو آهي ان تي سمورا ڪيس پراڻا آهن اسان هڪ ڪيس به داخل ناهي ڪيو اسان رڳو ادارن کي آزاد ڪيو آهي نيب ۽ ايف آءِ اي کي آزاد ڪيو آهي هن ٻڌايو ته 1960 جي ڏهاڪي ۾ پاڪستان سڄي ايشيا ۾ تيزي سان ترقي ڪري رهيو هو اسان جي بيورو ڪريسي سڄي ايشيا ۾ بهتر هئي اسان جي سرڪاري اسپتالن جو سٺو هال هوندو هو پوري خطي ۾ پاڪستان جا مثال ڏنا ويندا هئا وزيراعظم چيو ته اسان پاڪستان کي آهستي آهستي هيٺ ايندي ڏٺو 1985 کان پوءِ اصل تباهي شروع ٿي پهريون ڀيرو سياست ۾ پئسو آيو رشوت هلڻ شروع ٿي ويئي اڄ سڀ گڏ ٿي ويا آهن مولانا فضل الرحمان جو نالو وٺڻ بنا هن چيو ته اڄ پهريون ڀيرو پاڪستان جي اسيمبلي ڊيزل کان سواءِ هلي رهي آهي. هن چيو ته 180 ارب ٽن جو ڪوئلو پاڪستان ۾ موجود آهي هن ڪوئلي مان اسان سعودي عرب کان وڌيڪ بجلي ٺاهي سگهون ٿا وزيراعظم چيو ته آسٽريليا جي هڪ منرل ڪمپني جي سيڙپڪار ٻڌايو ته دنيا ڄاڻي ٿي ته پاڪستان ۾ قدرتي وسيلا آهن پر ڪرپشن جي ڪري اتي سيڙپڪاري نٿا ڪن اسان ڪرپشن ختم ڪري پاڪستان کي ترقي ڏياري ڏيکارينداسين عمران خان چيو ته منهنجو خواب آهي ته هڪ ڏينهن باهران دنيا ۾ پاڪستان ۾ نوڪريون ڳولڻ ايندي مديني جي رياست هڪ ماڊرن اسٽيٽ هئي ۽ جديد اصولن تي قائم هئي پينشنز جو تصور پهريون ڀيرو مديني جي رياست ۾ آيو عورتن کي حق ڏيڻ جو تصور به مديني جي رياست ڏنو هن چيو ته افسوس سان چوان ٿو ته پاڪستاني ڳوٺڻ ۾ اڄ تائين عورتن کي پراپرٽيز ۾ حصو نٿو ڏنو وڃي هڪ قانون کڻي اچي رهيا آهيون جنهن ۾ عورتن کي پارپرٽيز ۾ حصو ڏيڻو پوندو هن چيو ته مسلم دنيا واحد مثال آهي جتي غلام ليڊر بڻيا اسان پاڪستان کي مديني جي رياست وانگر ٺاهينداسين ۽ مديني جي رياست ميرٽ جي ڪري ترقي ڪئي وزيراعظم چيو ته پاڪستان ۾ سمورن واپارين کي رجسٽرڊ ٿيڻو پوندو. هن چيو ته نوازشريف چوي ٿو ته گهر مان ماني گهرائيندس ماني صحيح نه آهي چوي ٿو ته ٽي وي هڻي ڏيو اي سي هڻي ڏيو جيئن اهي ماڻهو جيل ۾ رهي رهيا آهن هي سزا ته نه ٿي واپس وڃي جيل مان ٽي وي ۽ اي سي هٽائي ڇڏيندس هن چيو ته مون کي خبر آهي ته مريم بي بي گهڻو گهوڙ ڪندي پر پئسا واپس ڪريو ۽ ٻاهر اچو.

 

وڪيل تيزي سان پنهنجي عزت وڃائي رهيا آهن، پنهنجي عزت جي بحالي لاءِ تحريڪ هلائن: چيف جسٽس آصف سعيد کوسا

اسلام آباد (اين اين آءِ) سپريم ڪورٽ جي چيف جسٽس آصف سعيد کوسا چيو آهي ته وڪيل بڻجڻ پروفيشن آهن بزنس نه آهي، وڪيل کي جذبي سان ماڻهن جي خدمت ڪرڻ گهرجي جنهن جو سلو خدا ڏيندو، عدليا ۽ ميڊيسن  جي شعبي ۾ ڪنهن دوکيباز جي ڪا جڳهه نه آهي، ڪيس وڙهڻ لاءِ ڳالهين جي نه پر محنت جي ضرورت آهي، وڪيل کي ڪيس جي ريسرچ ڪرڻ گهرجي، سومر تي تقريب کي خطاب ڪندي چيف جسٽس چيو ته فيڊرل جوڊيشل اڪيڊمي ۾ وڪيلن جي ٽريننگ ڪرائي وئي آهي، هن چيو ته نوجوان وڪيلن لاءِ هي ٽريننگ اهم آهي، هن چيو ته وڪيل کي پيسن ڏانهن ڏسڻ نه گهرجي، هن چيو ته برطانيا ۾ هڪ لا گريجيوئيٽ کي تربيت ڏئي وڪيل بڻايو وڃي ٿو، چيف جسٽس چيو ته لا ڪاليجز جي ڪثرت سبب هاڻ سينيئر وڪيل گهٽ ٿي ويا آهن، هن چيو ته هاڻ اهڙن ادارن جي ضرورت آهي جتي نوجوان وڪيلن جي تربيت ٿي سگهي، هن چيو ته منهنجي پهرين سفارش اها آهي ته پيسن لاءِ نه سوچيو، جذبي سان ڪم ڪريو، پيسا الله توهان تائين پهچائيندو، چيف جسٽس چيو ته ٻي سفارش اها آهي ته ڪيس جي مڪمل تياري ڪريو، ٻار گهڻو ڳالهائيندو آهي ته ماڻهو چوندا آهن ته هي وڪيل ويندو، هن چيو ته منهنجو تجربو آهي ته سٺو ۽ گهڻو ڳالهائڻ کان وڌيڪ محنت ضروري آهي، هن چيو ته مون کي هڪ ڪيس جي ڳولا هئي، دنيا جي تاريخ ۾ رڳو هڪ ڪيس ملي سگهيو، پنهنجي ڪيس سان لاڳاپيل گذريل سمورن ڪيسن کي ڏسو، ٽين تجويز اها آهي ته وڪيل کي عدالت ۾ موجود هئڻ گهرجي، هن چيو ته ڪڏهن به ڪنهن به جج کي اهو چوڻو نه پوي ته وڪيل ڪٿي آهي، سينيئر وڪيل جي عزت ڪرڻ گهرجي، جونيئر وڪيل سدائين پٺين سينٽن تي ويهن.

 

جنرل قمر جاويد باجوه وزيراعظم جي وفد جي ميمبر جي حيثيت سان وائيٽ هائوس واري اجلاس ۾ شرڪت ڪندو: آئي ايس پي آر

واشنگٽن ( ويب ڊيسڪ ) ڊي جي آءِ ايس پي آر ميجر جنرل آصف غفور چيو آهي ته آرمي چيف جنرل قمر جاويد باجوه وزيراعظم عمران خان جي وفد جي ميمبر جي حيثيت سان وائيٽ هائوس واري اجلاس ۾ شرڪت ڪندو. سوشل ميڊيا تي جاري ڪيل بيان ۾ ڊي جي آءِ ايس پي آر ميجر جنرل آصف غفور چيو ته آرمي چيف جنرل قمر جاويد باجوه وائيٽ هائوس ۾ رٿيل اجلاس کانپوءِ پينٽاگون جو دورو ڪندو. هن چيو ته پينٽاگون ۾ آرمي چيف جنرل قمر جاويد باجوه آمريڪي جي وقتي بچاءَ واري وزير رچرڊ اسپينسر سان ملاقات ڪندو. سندس چوڻ هو ته آرمي چيف جنرل قمر جاويد باجوه آمريڪي چيئرمين جوائنٽ چيفس آف اسٽاف جنرل جوزف ڊنفورڊ سان به ملاقات ڪندو. ڊي جي آءِ ايس پي آر چيو ته آرمي چيف جنرل قمر جاويد باجوه آمريڪي چيف آف اسٽاف جنرل مارڪ اي ملي سان به ملاقات ڪندو.

 

 

جج وڊيو اسڪينڊل: ميان طارق 14 ڏينهن جي جوڊيشل رمانڊ تي جيل حوالي،دماغي ڪينسر آهي،  جيل وڃي مري ويندس: جوابدار

اسلام آباد (اين اين آءِ) احتساب عدالت جي جج ارشد ملڪ جي مبينه وڊيو ٺاهڻ جي الزام ۾ گرفتار جوابدار ميان طارق کي جڊيشل ريمانڊ تي جيل موڪليو ويو وڊيو اسڪيندل ۾ گرفتار مک جوابدار ميان طارق کي عدالت ۾ پيش ڪيو ويو جتي ايف آءِ اي پاران جوابدار جي جڊيشل ريمانڊ جي اپيل ڪئي ويئي جوابدار ميان طارق جو ان موقعي تي چوڻ هو ته مون کي برين ٽيومر آهي جيل وڃي مري ويندس جنهن تي عدالت ميان طارق کي جيل ۾ سموريون ميڊيڪل جون سهولتون ڏيڻ جو حڪم ڏنو عدالت ايف آءِ اي عملدارنکان پڇاڻو ڪيو ته ڪيس جي جاچ ۾ هن وقت تائين ڇا اڳڀرائي ٿي آهي ايف آءِ اي عملدارن پاران ٻڌايو ويو ته ميان طارق جي ٻنهي گهرن جي تلاشي ورتي ويئي گهرن ۾ تلاشي وقت گاڏي هٿ آئي جڊيٽل ڪئميرا ٽي آر ڪئميرا يو ايس بي ۽ 2 موبائيل فون هٿ ڪيا ويا ميان طارق جج کي چيو ته مون کي مارڪٽ به ڪئي ويئي هئي ان تي ڇا ڪارروائي ٿي جنهن تي جج شائسته ڪنڊي چيو ته ميڊيڪل رپورٽ ۾ مارڪٽ جو ڪوئي ذڪر نه آهي ميان طارق چيو ته مون کي خطرو آهي ته مون کي جيل ۾ ماريو ويندو جج شائسه ڪنڊي چيو ته جيل ۾ ڪنهن کي ناهي ماريو ويندو جيل سپرنٽندنٽ کي مڪمل طبي سهولت ڏيڻ لاءِ لکي رهيو آهيان عدالت جوابدار ميان طارق کي 14 ڏينهن جڊيشل ريمانڊ جو حڪم ڏيندي 5 آگسٽ تي ٻيهر عدالت ۾ پيش ڪرڻ جي هدايت ڪئي.

 

افسوس آهي ته وزيراعظم پرڏيهه ۾ پاڪستان جي نمائندگي ڪندي ڪنٽينر تان ناهي لٿو: بلاول ڀٽو زرداري

ڪراچي (اين اين آءِ) پ پ پ چيئرمين بلاول ڀتو زرداري چيو ايه ته عمران خان حڪمران ضرور آهي پر ليڊر نه آهي سليڪٽڊ وزراعظم آمريڪا تي به ڪنٽينر تان ناهي لٿو ٽيوٽر تي وزراعظم عمران خان جي تقرير تي پنهنجي ٽوئٽ ۾ بلاول ڀٽو زرداري چيو ته جيڪڏهن حڪومت اپوزيشن جو ڪردار ادا ڪندي ۽ اپزويشن به اپوزيشن جو ڪردار ادا ڪندي ته ملڪ ڪير هلائيندي هن چيو ته پاڪستان کي اهڙي ليڊر جي ضرورت آهي جيڪو پنهنجي نه سمورن پاڪستان جي ڳالهه ڪري عمران خان ليڊر نه آهي پر هڪ حڪمران آهي هن چيو ته افسوس آهي ته وزراعظم ٻاهرين ملڪن ۾ پاڪستان جي نمائندگي ڪندي ڪنٽِنر تان ناهي لٿو.

 

سنڌ حڪومت پاران ڊويزنل ھيڊ ڪورٽرز ۾ (اين آءِ سي ايڇ) جا سيٽلائيٽ سينٽر قائم ڪرڻ جو فيصلو

ڪراچي (اسٽاف رپورٽر) سنڌ جي وڏي وزير سيد مراد علي شاھھ ڊويزنل ھيڊ ڪورٽرز ۾ نيشنل انسٽيٽيوٽ آف چائلڊ ھيٿ (اين آءِ سي ايڇ) جا سيٽلائيٽ سينٽر قائم ڪرڻ جو فيصلو ڪيو آھي ۽ پھرين مرحلي ۾ ان جو سيٽيلائيٽ ميرپورخاص ۾ قائم ڪيو ويندو. اھو فيصلو اڄ وزيراعليٰ ھائوس ۾ ھڪ اجلاس جي صدارت ڪندي ڪيو ويو. جيڪو اين آءِ سي ايڇ جي سمورن التوا ھيٺ مسئلن کي حل ڪرڻ لاءِ گھرايو ويو ھو. اجلاس ۾ چيف سيڪريٽري سنڌ سيد ممتاز علي شاھھ، صوبائي صلاحڪار مرتضيٰ وھاب، وڏي وزير جو پرنسپل سيڪريٽري ساجد جمال ابڙو، ناڻي وارو سيڪريٽري نجم شاھھ، سيڪريٽري صحت سعيد اعواڻ، ڊائريڪٽر اين آءِ سي ايڇ سيد جمال رضا، وڏي وزير جو ايڊيشنل سيڪريٽري فياض جتوئي ۽ ٻين لاڳاپيل آفيسرن شرڪت ڪئي. اجلاس ۾ وڏي وزير کي ٻڌايو ويو تھ 2011ع کان رڳو اسٽيٽس کي برقرار رکيو ويو آھي ۽ ڪابھ نئين ڀرتي ناھي ڪئي وئي ۽ اھل ۽ قابل پروفيشنلن کي ترقي بھ نھ ڏني وئي آھي ۽ ان سان گڏ اين آءِ سي ايڇ کي پنھنجون خدمتون کي بھتر بڻائڻ جي حوالي سان نھ ئي اوزار فراھم ڪيا ويا آھن تنھن ڪري سنگين مسئلن کي منھن ڏنو پيو وڃي. ٻارن جي اسپتال اين آءِ سي ايڇ ۾ ميڊيڪل ۽ پيرا ميڊيڪل اسٽاف جو انگ 1035 آھي جنھن جي مقابلي ۾ ھن وقت 674 ڪم ڪري رھيا آھن، اھڙي ريت 361 اسٽاف ميمبرن جي شارٽ فال کي منھن ڏئي رھيا آھيون. وڏي وزير انھيءَ دوران 43 اھل، قابل، پروفيشنلز کي ترقي ڏيڻ ۽ 150 اسٽاف ميمبرن ميڊيڪل ۽ پيراميڊيڪل جي نين آسامين جي پڻ منظوري ڏني ۽ سيڪريٽري صحت ۽ ناڻي واري سيڪريٽري کي ھدايت ڪئي تھ اھي اين آءِ سي ايڇ جي ڊائريڪٽر سان گڏ اجلاس گھرائن ۽ تفصيلي ايس اين اِي تيار ڪرڻ لاءِ ڪم ڪيو وڃي تھ جيئن اداري کي سٺي طرح ھلائڻ لاءِ نئيون پوزيشن پيدا ڪري سگھن. وڏي وزير چيو تھ ھُو اين آءِ سي ايڇ کي اين آءِ سي وي ڊي وانگر ڪرڻ چاھي ٿو تھ جيئن آزاداڻي بورڊ آف ڊائريڪٽرز وانگر ڪم ڪري سگھي. بورڊ آف ڊائريڪٽرز ان جا سمورا انتظامي ۽ مالي معاملن کي ڏسندا ۽ سيٽيلائيٽ سينٽرز ھلائيندا جيڪي ھر ھڪ ڊويزنل ھيڊڪوارٽرز ۾ جنگي بنيادن تي قائم ڪيا ويندا. ھن چيو تھ پھريون اين آءِ سي ايڇ سيٽيلائيٽ سينٽر ميرپورخاص ۾ قائم ڪيو ويندو تھ جيئن ھُو سموري ڊويزن ۾ موئثر ريت ڪم ڪري سگھي ۽ ٿرپارڪر تي خاص توجھھ ڏني ويندي تھ جيئن اتي ماءُ ۽ ٻار جي خوراڪ جھڙن مسئلن تي ضابطو آڻي سگھجي. وڏي وزير ٻڌايو ويو تھ اين آءِ سي ايڇ ۾ پراڻو جنريٽر آھي جنھن جي صلاحيت پڻ گھٽ آھي ۽ ايم آر آءِ مشين جي بھ گھرج آھي. وڏي وزير نئين جنريٽر ۽ ھڪ ايم آر آءِ مشين جي خريداري جي منظوري ڏني ۽ صحت کاتي کي ھدايت ڪئي تھ ان جي باضابطا منظوريءَ لاءِ سمري موڪلي وڃي. وڏي وزير ناڻي کاتي کي اين آءِ سي ايڇ جي بجيٽ کي جاري ڪرڻ جي بھ ھدايت ڪئي تھ جيئن اھي پنھنجا خرچ بشمول اوزارن جي مرمت، دوائون ۽ ٻين گھرجن کي پورو ڪري سگھن. اين آءِ سي ايڇ ھڪ 500 بسترن کي مشتمل اسپتال آھي ۽ وڏي وزير ان جي ڊائريڪٽر کي ھدايت ڪئي تھ ان جي توسيع لاءِ ھڪ تفصيلي پلان جمع ڪرائي وڃي. واضح رھي تھ اين آءِ سي ايڇ ۾ تمام محدود اسٽاف کي رھائشي سھولتون مليل آھن ۽ ڪيترن ئي گھرن تي ماڻھن غيرقانون طور قبضو ڪيو آھي، ان تي وڏي وزير چيف سيڪريٽري کي ھدايت ڪئي تھ ھُو اين آءِ سي ايڇ اسٽاف جي رھائشي گھرن تان قبضن کي ضلعي انتظاميا ذريعي خالي ڪرايو وڃي. وڏي وزير چيو تھ سندس صوبي جي ھر ھڪ ٻار کي بھترين صحت جون سھولتون فراھم ڪرڻ جو خواھشمند آھي.