تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: July 22, 2019

قبيلائي ضلعن ۾ تاريخ تبديل ٿي پر مخالفن کي لفظ نه ڳالهايو: فردوس عاشق اعواڻ

اسلام آباد/سيالڪوٽ (ويب ڊيسڪ) وزيراعظم جي اطلاعات بابت خاص مددگار فردوس عاشق اعواڻ چيو آهي ته سائي پاسپورٽ جي عزت لاءِ وزيراعظم جو آمريڪي دورو وڏو فائديمند آهي، اڳوڻن دورن ۾ پاڪستان کي دهشتگردي سان جوڙيو ويو، عمران خان پاڪستان جو سافٽ اميج دنيا کي ڏيکارڻ ويو آهي. سيالڪوٽ ۾ پريس ڪانفرنس ڪندي فردوس عاشق اعواڻ چيو ته وزيراعظم جو سڀاڻي آمريڪا ۾ جلسو تاريخ لکندو، عمران خان 20 هزار ماڻهن جي گنجائش واري اسٽيڊيم ۾ تقرير ڪندو، آمريڪا جي تاريخ ۾ پهريون ڀيرو پاڪستاني وزيراعظم وڏو جلسو ڪندو. هن چيو ته وزيراعظم ڪمرشل اڏام ۾ سفر ڪري سادگي جو مظاهرو ڪيو، عمران خان فيصلو ڪيو ته ٽيڪس ڏيندڙن جو پئسو سفر تي خرچ نه ڪندو، هن پاڪستان هائوس ۾ رهي سادگي جو اعليٰ مثال قائم ڪيو، ماضي ۾ ملڪي مفاد کي پاسي تي رکي رڳو شخصيت جي مشهوري ٿيندي هئي. سندس چوڻ هو ته وزيراعظم عمران خان تي ڪرپشن جو ڪو چُٽو ناهي، سندس شهرت ۽ ساک سڄي دنيا ۾ پاڪستان هيرو طور مڃي ويندي آهي. فردوس عاشق اعواڻ چيو ته ڊي آءِ خان حملي ۾ 6 پوليس اهلڪارن سميت 10 ڄڻا شهيد ٿيا، 24 ڄڻا زخمي به ٿيا، دهشتگردن جي بزدلاڻين ڪارروائين سان حوصلو هارائڻ وارا ناهيون. هن وڌيڪ چيو ته قبيلائي ضلعن ۾ پرامن چونڊن سان امن جي فتح ٿي، جمهوري عمل مڪمل ٿيڻ سان پاڪستان جي تعمير جو سفر شروع ٿيو، پرامن چونڊن سان خوف جي فضا پيدا ڪندڙن جو موقف مري ويو.

ٻئي طرف وزيراعظم عمران خان جي اطلاعات بابت خاص مددگار فردوس عاشق اعواڻ چيو آهي ته قبيلائي عوام عوامي حقن جي نالي ماتر ضامن بڻجندڙن جون ضمانتون ضبط ڪرائي ڇڏيون. سماجي رابطن جي ويب سائيٽ ٽوئيٽر تي ٽوئيٽ ڪندي فردوس عاشق اعواڻ قبيلائي ضلعن ۾ پرامن چونڊن تي سموري قوم کي مبارڪباد ڏيندي چيو امن جي ڪاميابي نئين پاڪستان ۾ استحڪام ڏانهن اهم اڳڀرائي آهي. هن چيو ته اسان پنهنجي بهادر فوج ۽ قانون لاڳو ڪندڙ ادارن کي خراج پيش ڪيون ٿا، جن جي ڪيترين ئي قربانين ملڪ جو امن واپس آندو، هڪ پاسي تاريخ لکجي رهي هئي، قبيلائين کي انهن جي صبر جو نتيجو آئيني ۽ جمهوري حقن جي صورت ۾ ملي رهيو هو ته ٻئي پاسي جمهوريت ۽ آئيني حقن لاءِ روئيندڙ پنهنجي ذاتي مفادن ۽ اثاثا بچائڻ لاءِ ويٺا هئا. فردوس عاشق اعواڻ چيو ته عوامي حقن جي نالي ماتر ضامن بڻجندڙن جون قبائلي عوام ضمانتون ضبط ڪرائي ڇڏيون، ڪالهه قبيلائي ضلعن ۾ هڪ تاريخ تبديل ٿي پر انهن مان ڪنهن کي به ايتري توفيق نه ٿي جو جمهوري عمل جي ڪاميابي تي ٻه لفظ ڳالهائن، هنن جي جمهوريت جو مطلب رڳو ذاتي مفادن جو تحفظ ۽ پنهنجي ايندڙ نسلن کي قوم تي مڙهڻ آهي.

 

ڊي آءِ خان ۾ دهشتگردي، 6 اهلڪارن سميت 9 ڄڻا شهيد، 36 زخمي

ڊي آءِ خان ( ويب ڊيسڪ ) دهشتگردن جي پوليس تي فائرنگ ۽ ڊي ايڇ ڪيو اسپتال ۾ آپگهاتي ڌماڪي جي نتيجي ۾ 6 اهلڪارن سميت 9 ڄڻا شهيد ٿي ويا، جڏهن ته 36 زخمي ٿي پيا. ميڊيا رپورٽن موجب ڊيرا اسماعيل خان جي ڊيرا ڪوٽلا سيدان پوليس چيڪ پوسٽ تي موٽر سائيڪل سوار دهشتگرد فائرنگ ڪري فرار ٿي ويا. فائرنگ جي نتيجي ۾ 3 اهلڪار شهيد ٿي ويا.فائرنگ کانپوءِ شهيد پوليس اهلڪارن جا مڙهه ڊسٽرڪٽ اسپتال آندا ويا جتي اسپتال جي ٽراما سينٽر جي گيٽ تي ڌماڪو ٿيو، جنهن جي نتيجي ۾ وڌيڪ 6 اهلڪار شهيد ۽ ڪيترائي زخمي ٿي پيا. زخمين جو وڏو انگ هئڻ سبب ڪيترن کي ڪمبائن ملٽري اسپتال منتقل ڪيو ويو آهي. واقعي کانپوءِ اسپتالن ۾ ايمرجنسي لاڳو ڪئي وئي آهي جڏهن ته پوليس ۽ قانون لاڳو ڪندڙ ادارن جي اهلڪارن جو وڏو انگ علائقي ۾ مقرر ڪيو ويو آهي. بم ڊسپوزل اسڪواڊ عملي وڌيڪ ڌماڪيدار مواد جي موجودگي جي خطري کي نظر ۾ رکندي سرچ آپريشن شروع ڪري ڇڏيو آهي. پوليس جي  شروعاتي رپورٽ موجب ٽراما سينٽر جي دروازي تي ٿيندڙ ڌماڪو آپگهاتي ٿي سگهي ٿو. ٻئي پاسي ذريعن اکين ڏٺن شاهدن جو حوالو ڏيندي ٻڌايو آهي ته ڌماڪو آپگهاتي هو ۽ حملو ڪندڙ ڇوڪري هئي ۽ سندس عمر اٽڪل 15 ورهيه هئي.

 

پاڪ فوج پاڪستاني سرحدن جو بهادري سان ڀرپور دفاع ڪيو: آصف غفور

واشنگٽن ( ويب ڊيسڪ ) پاڪ فوج جي ترجمان ميجر جنرل آصف غفور چيو آهي ته پاڪ فوج پاڪستاني سرحدن جو بهادري سان دفاع ڪيو آهي. واشنگٽن ۾ ميڊيا سان ڳالهائيندي ڊي جي آءِ ايس پي آر ميجر جنرل آصف غفور چيو ته پاڪستاني عوام ۽ سڪيورٽي ادارن جون ڪوششون ۽ قربانيون رنگ لائي رهيون آهن، پاڪستان جي گهرو سلامتي جي صورتحال اڳ کان گهڻي بهتر آهي. هن چيو ته هاڻي سڪيورٽي فورسز جو بنيادي ڌيان بلوچستان طرف آهي ۽ بلوچستان ۾ حڪومتي ترقياتي منصوبا فوج جي مدد سان مڪمل ڪيا پيا وڃن. سندس چوڻ هو ته پاڪ افغان سرحد تي تار لڳائڻ سان سرحدي ڪنٽرول ۾ بهتري اچي رهي آهي. پاڪ فوج جي ترجمان ميجر جنرل آصف غفور چيو ته سرحدي تار لڳائڻ سان دهشتگرديءَ جي واقعن ۾ گهٽتائي ٿيندي، دهشتگردي سان متاثر علائقن ۾ سول انتظاميه سان گڏجي تعمير،  ترقي ۽ بحالي جو ڪم جاري آهي. ميجر جنرل آصف غفور چيو ته آرمي چيف وزيراعظم سان گڏ وائيٽ هائوس ۾ ٿيل ملاقات ۾ شرڪت ڪندو. ڊي جي آءِ ايس پي آر موجب آرمي چيف پينٽاگون جو دورو ۽ آمريڪي فوجي قيادت سان به ملاقات ڪندو.

 

سرڪار جا ڏينهن پورا، حڪومت آخري پساهن ۾ ٿيڙ پئي کائي: مريم نواز

لاهور (ويب ڊيسڪ) ن ليگ نائب صدر مريم نواز فيصل آباد ۾ جلسي کي خطاب لاءِ پنهنجي رهائش گاهه جاتي امرا کان رواني ٿي وئي. فيصل آباد روانگي کان اڳ ميڊيا سان ڳالهائيندي مريم نواز چيو ته جنهن حڪومت کي اپوزيشن اڳواڻن کي بند ڪرڻو پوي، جنهن حڪومت کي ڪارڪنن کي گرفتار ڪري بند ڪرڻو پوي، جنهن حڪومت کي جلسن، آوازن، رستن ۽ روڊن کي بند ڪرڻو پوي، ان حڪومت جا ڏينهن پورا ٿي چڪا آهن، حڪومت ٿيڙ کائي رهي آهي ۽ آخري پساهن ۾ آهي. جلسي جي حوالي سان ن ليگ جي ٽوئيٽر اڪائونٽ تان مريم نواز جي هڪ تصوير به جاري ڪئي وئي آهي، جنهن ۾ کيس سائي رنگ جا ڪپڙا پاتل آهن ۽ انهن تي سندس پيءُ نواز شريف جي تصوير ٺهيل آهي، مريم نواز جي ڪپڙن تي نواز شريف جي آزادي جو نعرو به لکيل آهي.

ٻ؟ِ طرف  مسلم ليگ ن جي ترجمان مريم اورنگزيب چيو آهي ته عمران خان صاحب توهان جي خوف ۽ نواز شريف جي حوصلي ۾ فرق رڳو سليڪٽڊ ۽ چونڊيل جو آهي. هڪ بيان ۾ مريم اورنگزيب چيو ته عمران خان صاحب اڃا مريم نواز فيصل آباد جي ريلي لاءِ نڪتي ناهي ته سليڪٽڊ وفاقي ۽ پنجاب حڪومت جون ڄنگهون ڏڪي رهيون آهن، عمران خان صاحب چونڊيل وزيراعظم کي گاريون، ڌمڪيون، سول نافرماني ۽ لاڪ ڊائون جو اعلان ڪرڻ کانپوءِ نواز شريف ڪهڙي ٽي وي بند ڪرائي.  هن چيو ته عمران خان صاحب ڪن کولي ٻڌي ڇڏي مريم نواز انشاءَ الله فيصل آباد وڃي رهي آهي ۽ روڪي سگهو ته روڪيو، جيترو پئسو مريم نواز جي پهري تي خرچ ڪري رهيا آهيو عوام کي اٽي، لٽي ۽ روزگار ۽ گهرن تي خرچ ڪيو.  مريم اورنگزيب چيو ته ٽي ڏينهن پهريون ڌمڪيون ڏنيون پر ڳالهه نه ٺهي، عمران خان صاحب پوءِ ٻه ڏينهن پهريون فيصل آباد ۾ قلم 144 لاڳو ڪيو ۽ ريلي جي اجازت نه ڏني.  هن چيو ته مريم نواز جي فيصل آباد ۾ ريلي ۽ جلسي کان خوف نه ٿي رهيو آهي ته پوءِ هي سڀ ڇو آهي، 120 ڏينهن جو ڌرڻو، سرڪاري ملڪيتن ۽ پوليس جا مٿا ڦاڙيندڙن کي شرم اچڻ گهرجي.

 

عمران خان جي آمريڪي واپارين سان ملاقات، پاڪستان ۾ سيڙپڪاري جي آڇ

واشنگٽن(اين اين آءِ) وزيراعظم عمران خان، آمريڪي واپارين ۽ سيڙپڪارن کي پاڪستان ۾ اقتصادي ۽ ڪاروباري موقعن مان ڀرپور فائدو حاصل ڪرڻ جي آڇ ڪئي آهي آچر تي پاڪستاني ڄائي آمريڪي ڪاروباري شخصيت جاويد انور واپارين سان گڏ وزيراعظم عمران خان سان ملاقات ڪئي، جنهن ۾ سيڙپڪارن پاڪستان ۾ سيڪيورٽي صورتحال جي تعريف ۽ سياحت ۽ توانائي سميت ٻين شعبن ۾ سيڙپ ڪرڻ ۾ دلچسپي ظاهر ڪئي ان موقعي تي وزيراعظم عمران خان آمريڪا جي واپارين ۽ سيڙپڪارن کي آڇ ڪئي ته اهي پاڪستان ۾ اقتصادي ۽ ڪاروباري موقعن مان ڀرپور فائدو حاصل ڪن جيڪو اهم جعرافيائي بيهڪ ۽ خطي جي ٻين ملڪن سان زميني رابطن وارو ملڪ آهي وزيراعظم سان پاڪستاني سفارتخاني ۾ ٽيڪساس سان تعلق رکندڙ واپاري ۽ ڊيموڪريٽڪ پارٽي جي بااثر ميمبر طاهر جاويد به ملاقات ڪئي. طاهر جاويد پاڪستان ڪانگريس فائونڊيشن جو بنياد رکيو جيڪو 116 هين ڪانگريس ۾ ڪانگريشنل پاڪستان قاقص ۾ خاص ڪردار وارو آهي سيڙپڪارن پاڪستان ۾ سيڪيورٽي جي بهتر ٿيندڙ صورتحال جي ساراهه ڪئي ۽ ٻين شعبن ۾ اهي سيڙپڪاري ۾ دلچسپي رکن ٿا انهن جي نشاندهي به ڪئي.

 

سياسي قيادت پاران واقعي جي مذمت، بزدلاڻيون ڪارروايون حوصلا ڪمزور نه ٿيون ڪري سگهن: شاهه محمود قريشي

اسلام آباد(م.ڊ) پرڏيهي وزير شاهه محمود قريشي ڊيرا اسماعيل خان ڌماڪي جي سخت مذمت ڪندي چيو آهي ته اهڙيون بزدلاڻيون ڪارروايون اسان جا حوصلا ڪمزور نٿيو ڪري سگهن. ڊي آءِ خان ۾ ڌماڪي جي نتيجي ۾ ٿيندڙ جاني نقصان تي گهري ڏک ۽ افسوس جو اظهار ڪندي چيو ته امن امان کي تباهه ڪرڻ جي ناڪام ڪوشش ڪئي وئي.  اهڙيون بزدلاڻيون ڪارروايون اسان جو حوصلا ڪمزور نٿيون ڪري سگهن، اسپتالن کي دهشتگردي جو نشانو بڻائيندڙ انسانيت جا بدترين دشمن آهن.  هن چيو ته پنهنجا فرض ادا ڪندي شهادت جو جام پئيندڙ  پوليس اهلڪارن تي پوري قوم کي فخر آهي. بلوچستان جي وڏي وزير ڄام ڪمال ڊيرا اسماعيل خان ۾ دهشتگردي واري واقعي جي سخت مذمت ڪندي چيو آهي ته سيڪيورٽي ادارا امن جي بحالي، ملڪ ۽ قوم جي حفاظت لاءِ جان جا نذرانا پيش ڪري رهيا آهن. پاڪستان پيپلز پارٽي جي اڳواڻ قمر زمان ڪائرا ڌماڪي جي مذمت ڪئي ۽ چيو ته بزدل دهشتگردن هڪ ڀيرو وري ڊيرا اسماعيل خان کي نشانو بڻايو . پ  پ اڳواڻ چوڌري منظور به واقعي جي مذمت ڪئي ۽ چيو ته فائرنگ ۽ بم ڌماڪا پاڪستانين جا حصولا ڪمزور نٿا ڪري سگهن.

 

گهوٽڪي جي چونڊن دوران سرڪاري مشينري استعمال ٿيڻ وارا پي ٽي آءِ جا الزام ڪوڙا آهن: مراد علي شاهه

ڪراچي (اسٽاف رپورٽر) وڏي وزير مراد علي شاهه ڪراچي جي ڪورنگي واري علائقي ۾ پيش آيل حادثي واري هنڌ پهچي زخمين کي اسپتال منتقل ڪرايو، وڏي وزير چڙيا گهر سوڌو ٻين علائقن جا به دورا ڪيا. وڏي وزير چيو آهي ته گهوٽڪي پيپلز پارٽي جو ڳڙهه آهي، چونڊن ۾ اسان جي ڪاميابي ڏسي پي ٽي آءِ وارا ڪوڙا الزام مڙهي رهيا آهن. سنڌ جو وڏو وزير مراد علي شاهه آچر تي موڪل واري ڏينهن به متحرڪ نظر آيو. وڏي وزير صبح جي وقت چڙيا گهر پهتو، جنهن دوران صوبائي وزير سعيد غني، صوبائي صلاحڪار مرتضيٰ وهاب ۽ ٻيا ساڻس گڏ هئا. وڏي وزير چڙيا گهر جي مختلف حصن جو معائنو ڪيو، جڏهن ته جانورن جون تصويرون به ڪڍيون. دوري دوران چڙي گهر جي اختيارين وڏي وزير کي سهولتن جي حوالي سان آگاهي به ڏني. وڏي وزير مراد علي شاهه ڪورنگي واري علائقي جو دورو به ڪيو، جڏهن هو ڪورنگي اڍائي نمبر پهتو موٽر سائيڪل سان حادثو پيش آيو، جنهن ۾ موٽر سائيڪل سوار، سندس زال ۽ ٻار زخمي ٿي پيا. وڏو وزير گاڏي مان لٿو ۽ حادثي واري هنڌ پهتو، زخمين کي اسپتال منتقل ڪرائڻ لاءِ هُن پاڻ ٽئڪسي ڪرائي. حادثي واري هنڌ گڏ ٿيل وڏي انگ ۾ ماڻهن وڏي وزير جي خوش اخلاقي ڏسي جيئي ڀٽو جا نعرا هنيا. سنڌ جي گادي واري شهر جي مختلف علائقن جي دوري دوران ڳالهائيندي وڏي وزير چيو ته گهوٽڪي جي چونڊن دوران سرڪاري مشينري استعمال ٿيڻ وارا پي ٽي آءِ جا الزام ڪوڙا آهن، اهي چوندا هئا ته پ پ کي ڪوبه اميدوار نه ملندو، هاڻ جڏهن پيپلز پارٽي جي ڪاميابي نظر اچي رهي آهي ته اهڙي قسم جا الزام مڙهيا پيا وڃن. مراد علي شاهه جو وڌيڪ چوڻ هو ته گهوٽڪي پُرامن علائقو آهي، اُتان جي مقامي انتظاميا چونڊون ڪرائي سگهي ٿي، گهوٽڪي پيپلز پارٽي جو ڳڙهه آهي ۽ اُن کي مضبوط ڪنداسين.

 

سڄي قوم دھشتگردي ۽ انتھاپسندي خلاف متحد ۽ سينو تاڻي بيٺل آھيۡ: بلاول ڀٽو زرداري

ڪراچي (اسٽاف رپورٽر) پاڪستان پيپلز پارٽي جي چيئرمين بلاول ڀٽو زرداري ڊيرا اسماعيل خان ۾ چيڪ پوسٽ تي فائرنگ ۽ اسپتال ۾ ٿيل آپگھاتي حملي جي سخت لفظن ۾ مذمت ڪئي آھي. پنھنجي بيان ۾ پي پي پي چيئرمين ڊيرا اسماعيل خان ۾ دھشتگرد حملن دوارن پوليس اھلڪارن سميت بيگناھ شھرين جي شھادتن تي افسوس ۽ شھيدن جي پونئيرن سان ھمدردي توڙي ايڪي جو اظھار ڪيو. ھن زور ڏنو تھ دھشتگرد حملن ۾ زخمي ٿيلن جي لاءِ بھتر علاج کي يقيني بڻايو وڃي. بلاول ڀٽو زرداري چيو تھ سڄي قوم دھشتگردي ۽ انتھاپسندي خلاف متحد ۽ سينو تاڻي بيٺل آھي. ھن وڌيڪ چيو تھ دھشتگردي درندگي جي انتھا آھي، جنھن کي لوھي ھٿن سان دفن ڪرڻ کانسواءِ ٻيو ڪو بھ علاج ناھي.

 

رتوديرو ڀرسان بجلي جو ڪرنٽ لڳڻ سبب ٻارن کي بچائيندي امڙ بچن سميت فوت، 3 جنازه کڄڻ تي ڳوٺ ڪهرام مچي ويو

رتوديرو(رپورٽر) (رشتا ٻيا به گهڻا پر جيجل امڙ زور آ ٿيندي ٻچن تان گهور آ)، رتوديرو ڀرسان بجلي جو ڪرنٽ لڳڻ سبب ٻن ٻارن سميت ماءُ فوت، ڳوٺ دڙو لٻاڻو ۾ موٽرمان ڪرڻ لڳڻ ڪري 4 ورهين جو الهڏنو، 13 ورهين جي گُڏي ۽ سندن امڙ زرينا زال بلاول لٻاڻو فوت ٿي ويا، رپورٽ موجڀ رتوديرو ڀرسان بجليءَ جو ڪرنٽ لڳڻ ڪري ماءُ ۽ سندس 2 ٻار فوت ٿي ويا، ڳوٺ دڙو لٻاڻو ۾  4 ورهين جو نينگر الهڏنو لٻاڻو وهنجي رهيو هو ته اوچتو موٽر مان بجليءَ جي ڪرنٽ لڳندي ڪري رڙيون ڪيا امڙ زرينا زال بلاول لٻاڻو ٻچي کي بچائڻ جي ڪوشش ڪئي ته کيس به ڪرنٽ لڳس جنهن کانپوء 13 ورهين جي نينگري گُڏي لٻاڻو پنهنجي ڀاءُ ۽ امڙ کي بچائڻ جي ڪوشش ڪئي ته کيس به ڪرنٽ لڳو ڪرنٽ لڳڻ سبب 2 ٻار ۽ ماءُ ٿڏي تي فوت ٿي ويا، فوتين کي اسپتال منتقل ڪيو ويو جتان ضروري ڪاروائي بعد لاش وارثن حوالي ڪيا ويا، هڪ گهر جا ٽي ڀاتي فوت ٿيڻ سبب گهر ۾ قهرام متل ڳوٺ ۾ ڏک جي لهر ڇائجي ويو،

 

سکر ڪوئنس روڊ تان گم ٿيل  ڇهن ٻارن جو پتو نه پيو، گهرن ۾ قيامت جو منظر

سکر ( ويب ڊيسڪ ) سکر ڪوئنس روڊ تان 19 جولائي تي هڪ ئي گهر جا ڇهه ٻار گم ٿي ويا هئا جن جي هن مهل تائين خبر پئجي ناهي سگهي وارثن جي گهر ۾ قيامت جو منظر آهي . گم ٿيل ٻارڙن جون عمريون ، يارنهن سالن کان سورنهن سالن تائين آهن گم ٿيل ٻارڙن مان محمد انيس جا ٽي پٽ ، محمد قمر جا ٻه پٽ ، ۽ محمد رياض جو هڪ پٽ شامل آهي گم ٿيل ٻارڙن ۾  يارنهن سالن جو حماد ،ٻارنهن سالن جو احسان ،۽ تيرنهن سالن جو محمد احتشام ، اهي محمد انيس جا پٽ آهن . جڏهن ته يارنهن سالن جو عاصم ۽ سورنهن سالن جو قاسم ولد محمد قمر سڳا ڀائر آهن .