تازيون خبرون

Daily Archives: July 20, 2019

بي نامي ملڪيتون ضبط ڪري غريب کي ڏينداسين، ڪجهه به ڪيو احتساب ٿي ئي رهندو: وزير اعظم

ميانوالي(ويب ڊيسڪ) وزير اعظم عمران خان هڪ ڀيرو ٻيهر مخالف ڌر کي پيغام ڏيندي چيو آهي ته ڪجهه به ڪيو احتساب ٿي ئي رهندو ڇو ته الله سان واعدو ڪيو هو هڪ موقعو ملندو ته ملڪ کي ڦريندڙن کي نه ڇڏيندس. ميانوالي ۾ اسپتال جي پيڙهه جو پٿر رکڻ واري تقريب کي خطاب ڪندي وزير اعظم عمران خان چيو ته ميانوالي ۾ جديد اسپتال سان هتي جي عوام کي فائدو ٿيندو، ميانوالي اسپتال کي به اپ گريڊ ڪنداسين، ميانوالي ۾ ماءَ ۽ ٻار اسپتال بڻائينداسين، دنيا اُن شخص کي ياد رکندي آهي جيڪو انسان جي لاءِ ڪجهه ڪري وڃي. وزير اعظم انيل مسرت سان مڪالمو ڪيو ۽ پيپلز پارٽي جي چيئرمين تي هلڪي ڦلڪي تنقيد ڪئي، هن چيو ته انيل مسرت چوي ٿو ته سندس اردو اردو سٺي ناهي پر هن جي اردو بلاول ڀٽو زرداري کان بهتر آهي. عمران خان جو چوڻ هو ته وڏو هل پيو ڪيو وڃي ته فلاڻي کي پڪڙيو ويو ۽ فلاڻي کي پڪڙيو پيو وڃي، چين جي ترقي جو هڪ سبب ڪرپشن تي ساڍا سار سئو وزيرن کي جيل ۾ وجهڻ به آهي، انيل مسرت کان پڇو پهرين ڇو پاڪستان نه ايندو هو، سڀ چوندا ته اسان ڪرپشن جي ڪري پهرين پاڪستان نه آيا هئاسين، اورسيز پاڪستاني سڀ کان وڌيڪ پاڪستان جو سور رکن ٿا، انهن کان پڇو ڇو پاڪستان ۾ سيڙپڪاري نه ڪندا هئا جواب ملندو آهي ته هتي ڪرپشن هئي. هن وڌيڪ چيو ته ملڪ جي اندر اهڙو ڪهڙو ڪم ڪيو ويو جو 10 سالن ۾ 24 هزار ارب رپيا قرض چڙهيو هي پيسو جن جي کيسن ۾ ويو جيستائين انهن جو حساب نه ٿيندو ملڪ اڳتي نه وڌندو، هي وڏيون ڌمڪيون ڏيندا آهن، آئون 22 سالن کان ان هڪ موقعي جو انتظار ڪري رهيو هوس، الله سان واعدو ڪيو هو هڪ موقعو ملي، ملڪ جو پيسو کائيندڙن کي نه ڇڏيندس، انهن حالتن جي ذميوار ماڻهن جو جيستائين احتساب نه ٿيندو اِها چوري نه بيهندي. عمران خان چيو ته اڄ تائين رڳو ننڍن پٽوارين کي پڪڙي احتساب ڪيو ويندو هو، احتساب ننڍن چورن کي پڪڙڻ سان نه طاقتورن کي پڪڙڻ سان ٿيندو آهي، هي جنهن ڪيس ۾ پڪڙا پيا وڃن اُهي اسان ناهن ٺاهيا اسان ادارن کي آزاد ڇڏي ڏنو آهي هو جنهن کي چاهن ڪرپشن ۾ پڪڙن. وزير اعظم جو چوڻ هو ته انهن ماڻهن مون کي پرڏيهه مان به سفارشون موڪليون آحن، جيڪو مرضي ڪيو، احتساب ٿي ئي رهندو، احتساب کان سواءِ ملڪ اڳتي نٿو وڌي سگهي، اڄ طاقتور کي قانون جي دائري ۾ آڻي رهيا آهيون، هي چون ٿا ته انتقامي ڪارروائي آهي، انتقامي ڪارروائي ته منهنجي خلاف ٿي هئي، مون جڏهن پاناما جي ڳالهه ڪئي ته 2 ڪيس ۽ 32 ايف آءِ آرز داخل ڪيون ويون، مون انهن ڪيسن کي عدالت ۾ منهن ڏنو، عدالت ۾ دستاويز ڏنا، هن عدالت ۾ هڪ به لاڳاپيل ڪاغذ پيش ناهي ڪيو ۽ هنگامو پيا ڪن ته انتقامي سياست ٿي رهي آهي. هن چيو ته انهن ماڻهن ملڪ جو ڏيوالو ڪڍي ڇڏيو ۽ چون ٿا ته جواب نه ڏينداسين، جواب اسان وٺنداسين ۽ قوم جواب وٺندي،  جيترو چاهيو شور مچايو، ماڻهن ۾ خوف تڏهن ايندو جڏهن وڏا پڪڙيا ويندا، جڏهن طاقتور جو احتساب ڪنداسين ته ملڪ ۾ ماڻهو ڪرپشن کان ڊڄندا. وزير اعظم جو چوڻ هو ته جڏهن ليڊرشپ ڪرپشن ڪندي ته پوءِ سڀ ڪندا، ڪرپشن ۽ مني لانڊرنگ ٿيندي ته ڊالر مٿي ويندو، اسان ڪرپشن ختم ڪري ملڪ کي ترقي جي رستي تي گامزن ڪنداسين ۽ ڪنهن صورت احتساب جي عمل تي سمجهوتو نه ڪنداسين. وزير اعظم عمران خان چيو ته هاڻ حالتون سنڀلجي رهيون آهن، هاڻ توهان ڏسندا ته پاڪستان مٿي ويندو  وزير اعظم عمران خان چيو آهي ته ڪرپٽ ماڻهن جي بنا نالي ملڪيت ضبط ڪري غريبن تي خرچ ڪنداسين. ميانوالي ايڪسپريس جي افتتاحي تقريب کي خطاب ڪندي وزير اعظم عمران خان جو چوڻ هو ته اسان جو مقصد اِهو ئي آهي ته عام ماڻهو جي لاءِ آساني پيدا ڪئي وڃي. وزير اعظم عمران خان چيو ته حڪومت ملي، ته ملڪ قرضي هو، پر هاڻ آسانيان ٿي ويون آهن، اسان کي قرضن جو قسطون ڏيڻ جي لاءِ وڌيڪ قرض ڏيڻو پيو، قرضن تي وياج ڏيڻ جي لاءِ قرض وٺڻا پيا، ڏکيو وقت هو. هن چيو ته چين سان گڏ ريلوي جي ايم ايل ون جو ايم او يو سائن ڪيو آهي، ايم ايل ون سان ڪراچي کان لاهور جو سفر رڳو 8 ڪلاڪن ۾ ٿيندو، ايم ايل ون پاڪستان ۾ انقلاب آڻيندو. هن چيو ته ميانوالي مون کي تڏهن کٽرايو جڏهن مون کي ڪٿان به ووٽ نه مليو، پٺتي پيل علائقن کي اسان کي مٿي آڻڻو آهي، اسپتال ٺيڪ ڪرڻا آهن، پاڻي جو مسئلو به حل ڪرڻو آهي،  حڪومت جا 5 سال پورا ٿيڻ تي توهان ڏيندا ته ميانوالي ڇا هيو ۽ هاڻ ڇا پيو بڻجي. منهنجو واعدو آهي ته حڪومت ۾ اچي بدعنواني کي ختم ڪندس، پيسا چوري ڪري ناجائز ملڪيتون بڻايون ويون، اُهي ضبط ڪنداسين، ناجائز ملڪيتن جو پيسو احساس پروگرام ۾ لڳايو ويندو.

 

دفاعي صنعت کي پاڻ ڀرو بڻائڻ لاءِ خانگي شعبي ۾ ڀائيواري وڌائڻ جي ضرورت آهي: آرمي چيف

راولپنڊي ( ويب ڊيسڪ ) آرمي چيف جنرل قمر جاويد باجوا چيو آهي ته دفاعي صنعت کي پاڻ ڀرو بڻائڻ لاءِ خانگي شعبي ۾ ڀائيواري وڌائڻ جي ضرورت آهي. آءِ ايس پي آر موجب آرمي آڊيٽوريم ۾ دفاعي پيدوار حوالي سان ٻه ڏينهن وارو قومي سيمينار ٿيو جنهن دفاعي پيدوار جي صنعت کي پيش چئلينجن جو جائزو ورتو ويو. سيمينار ۾ وزارتن ، سرڪاري ۽ خانگي ادارن، چيمبر آف ڪامرس ۽ دفاعي پيداواري ادارن جي نمائندن شرڪت ڪئي ۽ دفاعي پيداوار جي شعبي ۾ پبلڪ پرائيويٽ ڀائيواري جي طريقن تي خيالن جي ڏي وٺ ڪئي. وفاقي وزير زبيده جلال ۽ فواد چوڌري دفاعي صنعت کي هٿي وٺرائڻ لاءِ تجويزون ڏنيون ۽ وزيراعظم جي واپار بابت صلاحڪار عبدالرزاق دائود قومي سلامتي ۾ دفاعي صنعت جي اهميت تي روشني وڌي. ٻه ڏينهن تائين جاري رهندڙ سيمينار ۾ پرائيويٽ سيڪٽر جي حوصلا افزائي ۽ ڊيجيٽل پارڪن جي قيام سميت حڪومت کي پاليسي سطح تي سفارشون پيش ڪيون ويون جڏهن ته وزيراعظم عمران خان جي سربراهي ۾ ٽاسڪ فورس جوڙڻ جي به تجويز ڏني وئي. آرمي چيف جنرل قمر جاويد باجوا سيمينار ۾ شرڪت ڪندڙن کي پنهنجو قيمتي وقت ڏيڻ تي شڪريو ادا ڪندي چيو ته دفاعي صنعت کي پاڻ ڀرو بڻائڻ لاءِ خانگي شعبي ۾ ڀائيواري وڌائڻ جي ضرورت آهي.

 

 

ڳالهين لاءِ ڪيترائي ڀيرا رابطو ڪيو ويو پر نواز شريف ۽ مان تيار ناهيون: مريم نواز

اسلام آباد ( ويب ڊيسڪ ) ايون فيلڊ ريفرنس جي ٻڌڻي جي موقعي تي مريم نواز طرفان نواز شريف جي تصوير وارو لباس عوام جي توجهه جو مرڪز بڻجي ويو. ن ليگ جي نائب صدر مريم نواز جعلي ٽرسٽ ڊيڊ جي ٻڌڻي جي موقعي تي عدالت ۾ پيشي لاءِ احتجاج جو نئون انداز اختيار ڪيو ۽ ڪاري رنگ جو ڪُرتو پائي عدالت پهتي. احتساب عدالت پيشي وقت مريم نواز جي  ڪاري ڪُرتي تي اڳوڻي وزيراعظم نواز شريف جي تصوير سان گڏ “ بي گناهه نواز شريف کي آزاد ڪريو“لکيل هيو. عدالت ۾ مريم نواز جو اهو احتجاجي انداز ماڻهن جي توجهه جو مرڪز بڻجي ويو. ياد رهي ته اڄ مريم نواز خلاف ايون فيلڊ ريفرنس ۾ جعلي ٽرسٽ ڊيڊ پيش ڪرڻ بابت ڪيس جي ٻڌڻي احتساب عدالت جي جج محمد بشير جي عدالت ۾ ٿي. احتساب عدلت ايون فيلڊ ريفرنس ۾ مريم نواز خلاف قومي احتساب بيورو ( نيب ) طرفان داخل جعلي ٽرسٽ ڊيڊ بابت درخواست ٻڌڻي نه قرار ڏيندي خارج ڪري ڇڏي. مسلم ليگ ن جي نائب صدر انڪشاف ڪيو آهي ته اسان سان ڳالهائڻ لاءِ ڪيترائي ڀيرا رابطو ڪيو ويو آهي پر نواز شريف ۽ مان تيار نه آهيون. احتساب عدالت ۾ پيشيءَ جي موقعي تي ميڊيا سان ڳالهائيندي مريم نواز چيو ته مان ۽ نواز شريف ڳالهين جون گهرجون پوريون نه ٿا ڪري سگهون.  صحافيءَ طرفان سوال ڪيو ويو ته اهي ڪهڙيون گهرجون آهن جيڪي توهان پوريون نه ٿا ڪري سگهو جنهن تي مريم نواز چيو ته ڳالهين لاءِ اصولن جي قرباني ڏيڻي پوندي آهي جنهن لاءِ اسان تيار نه آهيون.  هن چيو ته ڊيل ڏيڻ جون ڳالهيون ڪندڙن کي پاڻ ڊيل جي ضرورت پئجي وئي آهي. سندس چوڻ هو ته مان ته موجوده حڪومت کي پنج سال ڏيڻ لاءِ تيار آهيان پر عوام کين مدو مڪمل ڪرڻ نه ڏيندو ڇو ته حڪومت مڪمل طور ناڪام ٿي چڪي آهي. سندس چوڻ هو ته اڄ راولپنڊي مان اسان جي 150 ڪارڪنن کي گرفتار ڪيو ويو آهي، مسلم ليگ ن جي جيترن اڳواڻن کي گرفتار ڪرڻو آهي ڪيو پر اسان ڊڄڻ وارا نه آهيون. هڪ سوال جي جواب ۾ مريم نواز چيو ته هاڻي ڪنهن جي به جرئت ناهي جو آمريت طرف ڏسي، آمر ناڪام ٿي چڪو، اڄ هو بيمار آهي ۽ الله کيس صحت ڏي.

 

سينيٽ چيئرمين خلاف رٿ، مخالف ڌر طرفان 60 سينيٽرن جي حمايت جي دعويٰ

اسلام آباد ( ويب ڊيسڪ ) نيشنل عوامي پارٽي جي سينيٽر حاصل بزنجو چيو آهي ته حڪومت کي رڳو 33 ميمبرن جي حمايت حاصل آهي ۽ مخالف ڌر وٽ 66 ميمبر آهن. اسلام آباد ۾ مخالف ڌر اڳواڻن سان گڏ ميڊيا سان ڳالهائيندي سينيٽر حاصل بزنجو جو چوڻ هو ته صادق سنجراڻي حڪومت ۽ مان مخالف ڌر جي نمائندگي ڪري رهيو آهيان ۽ سينيٽ چيئرمين وارو معاملو نه بلوچ جو مسئلو آهي نه بلوچستان جو، اجلاس سڏايو وڃي ۽ ووٽنگ ڪئي وڃي ته جيئن اڪثريت جو پتو پوي، حڪومت کي رڳو 33 ميمبرن جي حمايت حاصل آهي ۽ مخالف ڌر وٽ 66 ميمبر آهن. حاصل بزنجو چيو ته اسان جي رٿ منظور ٿي يا نامنظور اسان کي ناهي ٻڌايو ويو ۽ ڪالهه واري گڏجاڻي ۾ مخالف ڌر جي 55 سينيٽرن شرڪت ڪئي، سڀاڻي وري گڏجاڻي ٿيندي، اميد آهي ته اسان کي 60 کان وڌيڪ ووٽ کڻنداسين.  سينيٽ چيئرمين جي چونڊ ۾ دير آئين جي ڀڃڪڙي هوندي، حڪومت ڪو به حربو استعمال ڪري وٺي مخالف ڌر نه  وڪامندي نه جهڪندي. جي يو آءِ ( ف ) جي سينيٽر غفور حيدري چيو ته اسان جو ٽارگيٽ حڪومت آهي، اسان جي جيڪڏهن ڪنهن سان دشمني آهي ته اها هاڻوڪي حڪومت سان آهي، پنهنجو سينيٽ چيئرمين آڻڻ اسان جو آئيني حق آهي، ڪالهه واري اجلاس ۾ اسان جي واضح اڪثريت هئي. پيپلز پارٽي جي سينيٽر شيري رحمان جو چوڻ هو ته نمبرن کان انڪار ڪري هي زوري زبردستي اهو عهدو رکڻ چاهن ٿا، حربا استعمال ڪرڻ سندن بدنيتي آهي، چيئرمين چئي رهيو آهي ته توهان مونکي نٿا هٽائي سگهو پر پارليامنٽ اڪثريت جي بنياد تي هلندي آهي. سينيٽ ۾ مخالف ڌر اڳواڻ راجا ظفر الحق چيو ته سينيٽ چيئرمين جي خط جو جواب جمع ڪرائي ڇڏيو، اسان خط لکيو آهي ته توهان عدم اعتماد واري رٿ واري اجلاس جي صدارت نٿا ڪري سگهو، ڊرافٽ اڳوڻي چيئرمين رضا رباني لکيو آهي.

 

عمران خان ۽ ملالا يوسفزئي دنيا جي سڀ کان وڌيڪ پسنديدا شخصيتن ۾ شامل

لنڊن ( ويب ڊيسڪ ) وزيراعظم عمران خان ۽ نوبيل انعام ماڻيندڙ ملالا يوسفزئي هلندڙ سال سڀ کان وڌيڪ پسند ڪيا ويندڙ ماڻهن جي فه/ڏسو صفحو 3 بقايا نمبر 31

رست شامل ٿي ويا آهن. برطانوي گلوبل پبليڪيشن ”يوگوو “ تازو ئي اهڙن ماڻهن جي فهرست جاري ڪئي آهي جن کي 2019ع ۾ سڀ کان وڌيڪ پسند ۽ ساراهيو ويو، ان فهرست ۾ وزيراعظم عمران خان ۽ نوبيل انعام ماڻيندڙ ملالا يوسفزئي به شامل آهن. فهرست ۾ مردن ۾ پهرين نمبر تي بل گيٽس، ٻئي تي باراڪ اوباما، ٽئين تي چيني اداڪار جيڪي چين، چوٿين تي صدر شي جن پنگ ۽ پنجين تي بزنس مين جيڪ ما شامل آهن. فهرست ۾ ڇهين نمبر تي ڀارتي وزيراعظم نريندر مودي ۽ ٻارهين نمبر تي بالي ووڊ شهنشاهه اميتاڀ بچن شامل آهي جڏهن ته وزيراعظم عمران خان جو فهرست ۾ 17 هون نمبر آهي.يوگوو طرفان جاري ڪيل سڀ کان وڌيڪ پسنديدا عورتن جي فهرست موجب مشيل اوباما پهرين ۽ ملالا يوسفزئي ڇهين نمبر تي شامل آهي. يوگوو پبليڪيشن طرفان ڪيل آن لائن انٽرويو ۾ 35 ملڪن جي اٽڪل 37 هزار ماڻهن حصو ورتو ۽ سموري دنيا ۾ پنهنجي پسنديدا شخصيت لاءِ ووٽ ڏنو. ان فهرست ۾ سڄي دنيا ۾ پسنديدا 20 مرد ۽ 20 عورتون شامل آهن.

 

 

انصاف تي ٻڌل معاشر جي لاءِ ڪوڙي شاهدي جو خاتمو ڪرڻو پوندو: چيف جسٽس آصف سعيد کوسا

ڪراچي(ويب ڊيسڪ) چيف جسٽس آصف سعيد کوسا جو چوڻ آهي ته انصاف تي ٻڌل معاشر جي لاءِ ڪوڙي شاهدي جو خاتمو ڪرڻو پوندو. ڪراچي ۾ سينٽرل پوليس آفيس ۾ تقريب کي خطاب ڪندي چيف جسٽس پاڪستان جسٽس آصف سعيد کوسا جو چوڻ هو ته اسان کي پنهنجي جاچ عمل کي بهتر ڪرڻ جي ضرورت آهي، جاچ آفيسرن کي خبر هئڻ گهرجي ته عدالت ۾ فريادي ڪيس ڪيئن ثابت ٿيندو آهي، رڳو پوليس جي سامهون اعتراف ڪرڻ ڪافي ناهي هوندو. سندس چوڻ هو ته فوجداري نظام ۾ 2 وڏا نقص آهن جڏهن ته پوليس نظام کي جديد تقاضائن سان هم آهنگ ڪرڻو پوندو. چيف جسٽس پاڪستان چيو ته پهريون مسئلو ڪوڙي شاهدي ۽ ٻيو مسئلو دير جا حرٻا آهن، آخري وقت وارو بيان غلط نٿو ٿي سگهي ڇو ته ماڻهو پنهنجي رب سان ملڻ وارو هوندو آهي، ماڻهو قسم کڻڻ جي باوجود عدالت ۾ ڪوڙي شاهدي ڏيندا آهن، ڪوڙين شاهدين کي ڪنهن صورت ۾ برداشت نه ڪيو ويندو، اڪثر ڪوڙا شاهد ۽ اکين ڏٺا شاهد اصيل جا ويجها مائٽ هوندا آهن، اسلامي انصاف واري نظام ۾ ڪوڙي جي شاهدي ٻيون ڀيرو قبول ناهي ڪئي ويندي ان ڪري انصاف تي ٻڌل معاشري جي لاءِ ڪوڙي شاهدي جو خاتمو ڪرڻو پوندو. چيف جسٽس جو چوڻ هو ته دير وارن حرٻن تي ضابطو آڻڻ جي لاءِ 3 اهم فيصلا ڪيا آهن پهرين هڪ ڪيس ۾ سمورين شهادتن کي اُڪلاي ويندو، هاڻ ڪيسن ۾ التوا نه ڏني ويندي جڏهن ته هڪ ڪيس ۾ فيصلو ڏيڻ کان سواءِ ٻئي ڪيس ۾ فيصلو نه ڏنو ويندو، ه ضلعي ۾ هڪ ماڊل ڪورٽ قائم ڪري رهيا آهيون جڏهن ته 17 ضلعن ۾ ماڊل ڪورٽن جي ڪري قتل جو ڪو به ٻڌڻي هيٺ يا رولڙي جو شڪار ناهي.

 

ملڪ ۾ ادارا آزاد آهن، پهريون ڀيرو طاقتور ماڻهو احتساب جي وڪڙ ۾ آهن: فردوس عاشق

اسلام آباد ( ويب ڊيسڪ ) سڌ سماءَ بابت وزيراعظم جي خاص مددگار فردوس عاشق اعواڻ چيو آهي ته پهريون ڀيرو طاقتور ماڻهو احتساب جي وڪڙ ۾ آهن. هڪ انٽرويو ۾ فردوس عاشق اعواڻ چيو ته حڪومت جو هڪ موقف آهي ۽ ٻيو مخالف ڌر جو آهي،  مخالف ڌر ملڪي ناڻي کي نقصان پهچايو آهي، احتجاج ڪرڻ مخالف ڌر جو حق آهي جيڪو حق قبول ڪيون ٿا. هن چيو ته ملڪ ۾ ادارا آزاد آهن، عمران خان ڊي چوڪ تي قانون جي حڪمراني ۽ ادارن لاءِ مضبوطي لاءِ نڪتو، چاهيون ٿا ته ملڪ ۾ ادارا مضبوط ۽ قانون جي حڪمراني هئڻ گهرجي، پهريون ڀيرو طاقتور ماڻهو احتساب جي وڪڙ ۾ آهن.  سندس چوڻ هو ته  وزيراعظم عمران خان آمريڪي دوري تي ماڻهن جو مختصر وفد وٺي وڃي رهيو آهي، ڪمرشل فلائيٽ سان وزيراعظم جي روانگي مغليه طرز جي حڪمراني ڪندڙن لاءِ هڪ مثال آهي.  فردوس عاشق اعواڻ چيو ته وزيراعظم دوري ۾ پاڪستان ۽ عوام جي مفاد جي نگهباني جو فرض ادا ڪرڻ وڃي رهيو آهي،  عوامي وزيراعظم عوامي انداز ۾ ۽ عوامي مفادن جي حفاظت لاءِ آمريڪا وڃي رهيو آهي، ماضي جا حڪمران عالمي دورن ۾ پنهنجا ذاتي مالي مفاد سامهون رکندا هئا، اهو هوندو آهي قيادت ۽ سوچ جو فرق.

 

فردوس شميم ادارن جو ترجمان نه بڻجي، وعدي موجب نرسن جي مطالبن جي منظوري جو نوٽيفڪيشن جاري ڪري ڇڏيو: مرتضيٰ وهاب

ڪراچي (19 جولاءِ  2019 اطلاعات، قانون ۽ اينٽي ڪرپشن کاتن بابت وزيراعليٰ سنڌ جي صلاحڪار بئريسٽر مرتضيٰ احتجاج ڪندڙ نرسن وٽ پهچي ويو ۽ هنن جي مطالبن بابت نوٽيفڪيشن نرسز الائينس جي اڳواڻن جي حوالي ڪيو صحت کاتي جو سيڪريٽري ساڻس گڏ هو. ان موقعي تي موجود ميڊيا ۽ نرسز الائينس جي اڳواڻن سان ڳالهه ٻولهه ڪندي اطلاعات واري صلاحڪار چيو ته سنڌ حڪومت واعدن جي مطابق نرسن جي مطالبن تي نوٽيفڪيشن جاري ڪري ڇڏيو آهي سنڌ حڪومت پهرين ڏينهن کان ئي نرسن جي مسئلن کي حل ڪرڻ جي ڪوشش ڪري رهي هئي ڪجهه هٿ ٺوڪين ماڻهن ۽ نرسز الائينس وچ ۾ غلط فهميون پيدا ڪرڻ جي ڪوشس ڪئي هئي جنهن مان ثابت ٿي ويو ته ڌرڻا پارٽي وارا صرف انارڪي پيدا ڪرڻ چاهين ٿا جن ماڻهن جي سياست جو مقصد انارڪي پکيڙڻ آهي اهي اهوئي ڪم ڪندا پر اسان جو عوام فسادي ۽ خدمتگارن کان چڱي ريت واقف آهي جيڪڏهن تحريڪ انصاف ۾ ايتري اخلاقي جرت آهي ته ملڪي معاشي حالتن تي گورنر هائوس ٻاهران احتجاج ته ڪن بئريسٽر مرتضيٰ وهاب چيو ته مان سازشي عناصرن کي وارننگ ڏيان ٿو ته اهي اهڙي قسم جون حرڪتون بند ڪن ٻئي صورت ۾ انهن سان قانوني طريقي سان نبريو ويندو هن چيو ته پيلزپارٽي جي سنڌ حڪومت واعدن جي تڪميل ۽ عوامي مسئلن جي حل تي يقين رکي ٿي هن چيو ته نرسز پيپلزپارٽي جي حق ۾ نعرا لڳايا آهن اهو ان ڳالهه جو ثبوت آهي ته ماڻهو شهيد راڻي جي پارٽي جا ديوانا آهن ۽ پيپلزپارٽي سان محبت ڪندا آهن جيڪڏهن پي ٽي آئي جي وفاقي سرڪار مهانگائي تي توجه نه ڏني ته اهو ڏينهن پري ناهي جڏهن ماڻهو روڊن تي نڪري ايندا ٻئي پاسي اطلاعات، قانون ۽ اينٽي ڪرپشن واري صوبائي صلاحڪار بئريسٽر مرتضيٰ وهاب اپوزيشن ليڊر فردوس شميم نقوي جي پريس ڪانفرنس تي رد عمل جو اظهار ڪندي چيو ته فردوس شميم نقوي پيپلزپارٽي جو فڪر ڇڏي ۽ پنهنجي پارٽي جو فڪر ڪري ڇو ته دنيا ڄاڻي ٿي ته فردوس شميم نقوي جي پنهنجي جماعت ۾ ڪيترائي گروهه آهن اپوزيشن ليڊر بڻجڻ وقت فردوس شميم نقوي کي سندس جماعت کان ڪيترا ووٽ مليا هئا ان جي پنهنجي ماڻهن سندس سخت مخالفت ڪئي هئي جنهن جو ڪارڻ ڪو ٻيو نه پر سندس رويو هو بئريسٽر مرتضيٰ وهاب چيو ته اوهان جي جماعت انتشار ۽ شر پکيڙڻ کان علاوه ڪجهه ناهي ڪيو انتشار پکيڙڻ اوهان جو بنيادي ڪم آهي اوهان جا ڌرڻا سٺا ۽ ٻين جا جمهوري احتجاج به فضول آهن ٿورو هوش کام ڪم وٺو پيپلزپارٽي جي قيادت تي تنقيد ڪري پنهنجي آقا کي خوش ۽ ننڍو قد وڌائڻ جي ڪوشش نه ڪيو هن چيو ته فردوس شميم نقوي ادارن جو ترجمان به بڻجي اوهان جي سياسي تربيت هوندي ته اوهان اهڙي قسم جون ڳالهيون نه ڪندا اوهان پي ٽي آئي کان وڌيڪ نيب جا ترجمان لڳو ٿا

 

شاهد خاقان عباسي ايل اين جي ڪيس ۾ 13 ڏينهن جي رمانڊ تي نيب حوالي، هڪ ئي وقت 90 ڏينهن جو رمانڊ ڏنو وڃي: عباسي

اسلام آباد ( ويب ڊيسڪ ) احتساب عدالت ايل اين جي ڪيس ۾ اڳوڻي وزيراعظم شاهد خاقان عباسي جي 13 ڏينهن جي رمانڊ جي منظوري ڏئي ڇڏي آهي.  نيب طرفان لاهور مان گرفتار ڪيل اڳوڻي وزيراعظم شاهد خاقان عباسي کي سخت سڪيورٽي ۾ اسلام آباد جي احتساب عدالت ۾ پيش ڪيو ويو.  نيب عدالت کي درخواست ڪئي ته شاهد خاقان عباسي کان ايل اين جي ڪيس ۾ آڏي پڇا لاءِ 14 ڏينهن جو رمانڊ ڏنو وڃي. شاهد خاقان عباسي چيو ته سندس هڪ ئي وقت 90 ڏينهن جو رمانڊ ڏنو وڃي ته جيئن هو نيب کي ايل اين جي ڪيس سمجهائي سگهي. عدالت  شاهد خاقان عباسي کي 13 ڏينهن جي رمانڊ تي نيب حوالي ڪري ڇڏيو. عدالت هدايت ڪئي ته شاهد خاقان عباسي کي پهرين آگسٽ تي ٻيهر عدالت ۾ پيش ڪيو وڃي.

 

پرامن ڪارڪنن جون گرفتاريون عمران نيازي جي خوف ۾ مبتلا هجڻ جي علامت آهي: شهباز شريف

لاهور ( ويب ڊيسڪ ) مسلم ليگ ن جي صدر ۽ قومي اسيمبلي ۾ مخالف ڌر اڳواڻ  شهباز شريف گرفتارين جي سخت لفظن ۾ مذمت ڪندي چيو آهي ته ڪارڪنن جي گرفتاري عمران نيازي جي آمراڻي ذهنيت جو ثبوت آهي. قومي اسيمبلي ۾ مخالف ڌر جي اڳواڻ شهباز شريف پنهنجي بيان ۾ چيو آهي ته پرامن ڪارڪنن جون گرفتاريون عمران نيازي جي خوف ۾ مبتلا هجڻ جي علامت آهي. آمريت ۽ فسطائيت  جو بهادري سان مقابلو ڪنداسين. عوام جي حقن لاءِ جدوجهد کان پوئتي نه هٽنداسين.