تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: July 17, 2019

چوري ۽ سينا زوري نه هلندي، ڦريل مال واپس ڪرڻو پوندو: وفاقي حڪومت

اسلام آباد (اين اين آءِ) وفاقي ڪابينا سڪوڪ بانڊ جاري ڪرڻ لاءِ فنانشل ايڊوائزر جي مقرري، اي ڪامرس پاليسي جي منظوري ڏئي ڇڏي، جڏهن ته سڌ سماءَ جي خاص مددگار فردوس عاشق اعواڻ اڳوڻن حڪمرانن تي تنقيد ڪندي چيو آهي ته مغليا خاندان قوم جي پيسن تي شاهاڻي زندگي گذاريندا رهيا، عوام کي ٻڌائيندا رهنداسين ته سياسي گند کي پورڻ جي ضرورت آهي، واپارين جا جائز مسئلا حل ڪرڻ لاءِ تيار آهيون، حڪومت ٽيڪس رجسٽريشن جي عمل کان پوئتي نه هٽندي، ماني ۽ اٽي جي قيمت ۾ واڌ هڪ سازش آهي، گيس جي قيمتن تي عمل آگسٽ ۾ ٿيندو، ميڊيا سينسرشپ جي حوالي سان ڏنو ويندڙ تاثر درست نه آهي، اڱاري تي وزيراعظم جي صدارت هيٺ وفاقي ڪابينا جو اجلاس ٿيو جنهن ۾ گذريل حڪومت پاران ميڊيڪل ۽ ڪيمپ آفيسن جي خرچن جو تفصيل پيش ڪيو ويو، ذريعن موجب ڪابينا رولز آف بزنس، 1973 جي شيڊول هڪ ۾ ترميم جي منظوري ڏني، وفاقي ڪابينا اي ڪامرس پاليسي فريم ورڪ جي منظوري ڏئي ڇڏي، وفاقي ڪابينا پي اي ايف بيس شهباز ۽ ان جي ڀرپاسي جي علائقن کي جيڪب آباد ڪنٽومينٽ جو ايرا قرار ڏيڻ جي منظوري ڏني، زرعي ترقياتي بينڪ جي مڪمل ڪاروبار تي وفاقي ڪابينا کي بريفنگ ڏني وئي، نيو ٽيڪ جي ايگزيڪيوٽو ڊائريڪٽر جي منظوري ڏني وئي، ذريعن موجب گورنر هائوس ۾ سرڪاري عمارتن جي مستقبل تي بريفنگ ڪابينا ۾ جيڪا پيش ڪئي وئي، ڪابينا نيپرا جي چيئرمين جي مقرري جي منطوري ڏني، ڪابينا ريڪوري آف مور گيج بيڪ سيڪيورٽي آرڊيننس 2019 منظور ڪري ورتو، ڪابينا ايڪسپورٽ پروسيسنگ زون اٿارٽي جو وقتي چيئرمين جي مقرري جي منظوري ڏني، ڪابينا اسلام آباد هيلٿ ڪيئر سهولتن جي بل 2019 جي منطوري ڏني، ڪابينا شاپنگ بيگز جي سامان گهرائڻ ۽ سيل تي مڪمل پابندي لڳائڻ جي منظوري ڏئي ڇڏي، وفاقي ڪابينا پنهنجي فيصلن تي عمل ڪرائڻ جو جائزو ورتو، ميڊيا کي بريفنگ ڏيندي فردوس عاشق اعواڻ چيو ته نهايت اهم ڪابينا جو اجلاس ٿيو، هن چيو ته گذريل اجلاس ۾ تعليم جي وزير ڪجهه ڄاڻ توهان جي اڳيان رکي، هن چيو ته ڪابينا فيصلو ڪيو آهي ته ماضي جي حڪمرانن جي دورن جو تفصيل اڳيان آندو ويندو، هن چيو ته سمورن ملڪن کان تفصيل وٺي ميڊيا اڳيان رکنداسين، فردوس عاشق اعواڻ ٻڌايو ته عامر علي احمد کي چيئرمين سي ٽي ڊي اي طور 3 مهينن جي واڌ ڏني وئي آهي، وزيراعظم اٽي ۽ ماني جي قيمت ۾ واڌ جو نوٽيس وٺي ڇڏيو آهي، هن چيو ته وزيراعظم صوبائي حڪومت کان رپورٽ طلب ڪئي آهي، هن چيو ته حڪومت صحافت جي آزادي ۽ راءِ جي اظهار جي آزادي تي يقين رکي ٿي، هن چيو ته ڪو اهڙو صحافي ٻڌائي جنهن تي وات تي اسان ٽيپ هڻي ڇڏي هجي، هن چيو ته ڏٺو وڃي ته ڪهڙو مائينڊ سيٽ آهي جيڪو پاڪستان جو غلط تاثر پيدا ڪرڻ ۾ مصروف آهي، ميڊيا کي وڌيڪ سگهارو ڪنداسين، هن چيو ته سياسي گند هاڻ پنهنجي پڄاڻي تي پهچڻ وارو آهي، ان کان اڳ فردوس عاشق اعواڻ ٽوئيٽ ۾ اعلان ڪندي چيو ته شاهد خاقان عباسي جو چئلينج قبول آهي، چوري جا پيرا برطانيا وڃي رهيا آهن، چوري جو معاملو هاڻ ٻين ملڪن ۾ به ويندو، اڃا انڪشاف ٿيڻ وارا آهن، هي پهرين حڪومت آهي جيڪا چورن کي گهر تائين پهچائي رهي آهي. وفاقي وزير مراد سعيد چيو آهي ته نواز شريف سيڪيورٽي جي نالي تي 431 ڪروڙ 83 لک، آصف زرداري سيڪيورٽي اينڊ انٽرٽينمينٽ جي نالي تي قوم جي ٽيڪس جا 316 ڪروڙ 41 لک خرچ ڪيا، يوسف رضا گيلاني جون 5 ڪيمپ آفيسون هيون، 24 ڪروڙ 50 لک 49 هزار رپيا سيڪيورٽي تي خرچ ڪيا ويا، 2015 ۾ نواز شريف جو آمريڪا جو دورو 4 لک 60 هزار ڊالر جو هو، هلندڙ مهيني عمران خان جو هي دورو 60 هزار ڊالر ۾ مڪمل ٿي ويندو، اڱاري تي وفاقي ڪابينا جي اجلاس کانپوءِ فردوس عاشق اعواڻ وفاقي وزيرن سان گڏ بريفنگ ۾ ٻڌايو ته هڪ مخصوص خاندان جي سياسي ڳٺ جوڙ سبب قرضن ۾ ٻڏل ملڪ جي عوام سان ناانصافييون ٿيون، هن مغليا خاندان قوم جي پيسن سان ٺٺ واري زندگي گذاري، ان موقعي تي وفاقي وزير مراد سعيد چيو ته نواز شريف سيڪيورٽي جي نالي تي 431 ڪروڙ 83 لک، آصف زرداري سيڪيورٽي اينڊ انٽرٽينمينٽ جي نالي تي قوم جي ٽيڪس جا 316 ڪروڙ 41 لک خرچ ڪيا، يوسف رضا گيلاني جون 5 ڪيمپ آفيسون هيون، 24 ڪروڙ 50 لک 49 هزار رپيا سيڪيورٽي تي خرچ ڪيا ويا، 2015 ۾ نواز شريف جو آمريڪا جو دورو 4 لک 60 هزار ڊالر جو هو، هلندڙ مهيني عمران خان جو هي دورو 60 هزار ڊالر ۾ مڪمل ٿي ويندو، هن چيو ته سنڌ جي ڳالهه ڪريون ته سپريم ڪورٽ ۾ جمع رپورٽ موجب ٿر ۾ هر سال 5 سئو کان وڌيڪ ٻار بک سبب فوت ٿي رهيا آهن، اتي صحت جي اها صورتحال آهي جو ايمبولنس به موجود نه آهي، صاف پاڻي جي مسئلا سڀ کان وڌيڪ سنڌ ۽ پوءِ ڏکڻ پنجاب ۾ نظر ايندا، هن چيو ته بينظير انڪم سپورٽ پروگرام ۽ اسٽيٽ بينڪ آف پاڪستان جا انگ اکر ٻڌائين ٿا ته سڀ کان وڌيڪ بک بدهالي سنڌ ۾ آهي جنهن کانپوءِ ڏکڻ پنجاب جو نمبر آهي، وفاقي وزير پ پ جي دور ۾ وزيراعظم رهندڙ يوسف رضا گيلاني بابت ٻڌايو ته يوسف رضا گيلاني جون 5 ڪيمپ آفيسون هيون، 24 ڪروڙ 50 لک 49 هزار رپيا سيڪيورٽي تي خرچ ڪيا ويا، 2015 ۾ نواز شريف جو آمريڪا جو دورو 4 لک 60 هزار ڊالر جو هو، هلندڙ مهيني عمران خان جو هي دورو 60 هزار ڊالر ۾ مڪمل ٿي ويندو، پريس ڪانفرنس ۾ شهباز شريف جي خرچن جو تفصيل ٻڌائيندي هن چيو ته هن قوم جا 872 ڪروڙ، 59 لک 59 هزار رپيا پنهنجي سيڪيورٽي تي خرچ ڪيا، هن ٻڌايو ته شهباز شريف 131 ڪروڙ جو هيليڪاپٽر ورتو، ان کانسواءِ نواز شريف جي وزيراعظم طور استعمال هيٺ جهاز کي شهباز شريف 556 ڀيرا استعمال ڪيو جنهن تي قوم جا 41 ڪروڙ 77 لک 33 هزار رپيا خرچ ٿيا، هن اڳوڻي صدر ممنون حسين بابت ٻڌايو ته هن ڪراچي جي گهر کي ڪيمپ  آفيس ظاهر ڪيو ۽ ان لاءِ 30 ڪروڙ 32 لک 7 هزار رپيا استعمال ڪيا، جڏهن ته شريف خاندان جي سيڪيورٽي تي 22 هزار 717 اهلڪار مقرر هئا، ٻئي پاسي هن پنجاب جي وڏي وزير عثمان بزدار جي اچڻ کانپوءِ سيڪيورٽي خرچن ۾ 85.6 سيڪڙو، گهٽتائي، اهڙي طرح سفري الائونس به گهٽ ڪيو ويو، ان جي ۽ عمران خان جي ڪا ڪيمپ آفيس نه آهي.

 

اين آر او نه گهرنداسين: ن ليگ ملڪ گير احتجاجي مظاهرن جو اعلان ڪري ڇڏيو

اسلام آباد/لاهور (اين اين آءِ) (ن) ليگ جي مرڪزي نائب صدر مريم نواز سڄي ملڪ ۾ احتجاجي ريليون ڪڍڻ جو اعلان ڪري ڇڏيو ٽيوٽر تي پنهنجي بيان ۾ هن چيو ته احتجاجي ريلين ۾ نوازشريف جي لاءِ انصاف، قانون جي حڪمراني گهرنديس، راءِ جي اظهار جي آزادي، چونڊيل ماڻهن کي سزائوپن ڏيڻ لاءِ سسٽم جي غلط استعمال جي روڪڻ جي گهر ڪنديس مريم نواز چيو ته قوم جو مينڊيٽ چورائڻ، سليڪٽڊ کي لڳائڻ خلاف آواز اٿارينديس جيڪو آزاد، جمهوري ۽ انصاف تي ٻڌل پاڪستان ۾ رهڻ چاهيندو هجي اهو منهنجو ساٿ ڏي هي وطن امانت آهي. ٻئي طرف (ن) ليگ جي پارليماني ليڊر خواجه محمد آصف قومي اسيمبلي ۾ صاف لفظن ۾ چئي ڇڏيو آهي ته سندس جماعت اين آر او نه گهرندي عزت ۽ وقار سان جنگ وڙهندي اسان تاريخ مان سبق نٿا سگهون نوازشريف جو نالو ختم ڪندڙ پاڻ ختم ٿي ويندا. ڀٽو جو نالو اڄ به زنده آهي ۽ نوازشريف جو نالو به هميشه لاءِ زنده رهندو جج جي وڊيو آئي، جج واپس هليو ويو معاملو عدالت ۾ آئي فيصلي جي ڪائي حيثيت ناهي رهي پر نوازشريف اڄ به جيل ۾ آهي اسان کي عدالتن کان انصاف ملندو رانا ثناءَالله جي خلاف داخل ايف آءِ آر کل جوڳي آهي ماضي ۾ هڪ اسيمبلي ميمبر تي مينهن جي چوري جو ڪيس اسان جي سياست ۾ مثال بڻجي چڪو آهي انتقامي ڪارروايون موجوده حڪومت جي سڃاڻپ بڻجي چڪي آهي اسان ته مشرف جي دور ۾ به جيل ڀوڳيا مان ايوان ۾ آيان مشرف ڪٿي آهي سعد رفيق سميت سڀ جيڪي جيل ۾ هوندا. جيل جون سزائون ڀوڳي وٺنداسين معاشي بحران کان ڌيان هٽائڻ لاءِ شهبازشريف کي ٽارگيٽ بڻايو پيو وڃي جيڪي به فيصلا ٿيندا رهن پر آخري فيصلو خلق خدا جو هوندو اڱاري تي قومي اسيمبلي اسپيڪر اسد قيصر جي سربراهي ۾ ٿيندڙ اجلاس دوران خواجه آصف جذباتي انداز ۾ تقرير ڪئي ۽ پنهنجي حريف تي تنقيد جا تير وسايا خواجه آصف چيو ته اسان تاريخ مان سبق نٿا وسکون نوازشريف جو نالو ختم ڪندڙ پاڻ ختم ٿي ويندا ليگي اڳواڻ چيو ته ڀٽو جو نالو اڄ به زنده آهي ۽ نوازشريف جو نالو به هميشه زنده رهندو خواجه آصف قومي اسيمبلي ۾ چٽن لفظن ۾ چيو آهي ته ان جي جماعت اين آر او نه گهرندي عزت ۽ وقار سان جنگ وڙهندي. هن چيو ته نوازشريف تي ڪرپشن جو الزام ناهي ان جي خلاف ڪيس عدالتن ۾ آهي ايوان کي چوان ٿو ته انصاف جون گهرجون پوريون ڪريو هن چيو ته جج جي وڊيو آئي معاملو عدالت ۾ آهي ڪيس جي ڪائي حيثيت ناهي رهي پر نوازشريف اڄ به جيل ۾ آهي اسان کي عدالتن مان انصاف ملندو. هن چيو ته سعد رفيق سميت جيڪي قيد ۾ هوندا سڀ قيد ڪٽي وٺندا هن چيو ته رانا ثناءُالله جي خلاف داخل ايف آءِ آر کل جوڳي آهي هن چيو ته رانا ثناءُالله تي الزام ته 20 ڪلو هيروئن هن پوئتي ٿي کڻي ڏني هي اهو ئي ڪيس آهي جيئن چوڌري ظهور الاهي تي مينهن جي چوري جو ڪيس داخل ٿيو ماضي ۾ هڪ اسيمبلي ميمبر تي مينهن چوري جو ڪيس اسان جي سياست ۾ مثال بڻجي چڪو آهي. خواجه آصف چيو ته انٽرنيشنل مانيٽري فنڊ جا ملازمن پاڪستان اچن ٿا ۽ ٻيڙو ٻوڙي هليا وڃن ٿا هن چيو ته نان اليڪٽيڊ ماڻهن اليڪٽيڊ ماڻهن جي توهين ڪرائي وڃي ٿي هڪ ڏينهن مملڪتي وزير کي وفاقي وزير بڻايو ٻئي ڏينهن نان اليڪٽيڊ جي دٻاءَ تي واپس ڪيو ويو.

 

جج ارشد ملڪ وڊيو ڪيس: آزاد ماڻهو پاڻ ڪم ڪندا آهن ڪنهن جي چوڻ تي نه: چيف جسٽس

اسلام آباد (اين اين آءِ) سپريم ڪورٽ آف پاڪستان احتساب عدالت اسلام آباد نمبر 2 جي جج محمد ارشد ملڪ جي مبينه تڪراري وڊيو ڪيس بابت درخواستن جي ٻڌڻي کان پوءِ اٽارني جنرل انور منصور خان کان هن معاملي تي تجويزون طلب ڪري ورتون جڏهن ته چيف جسٽس آصف سعيد کوسه چيو آهي ته ان ۾ ڪوئي شڪ نه آهي ته معاملي ۾ غير معمولي ڳالهيون به آهن ان ڳالهه سان مڪمل اتفاق آهي معاملي کي ڏسڻ جي ضرورت آهي اسان آڏو مسئلو ٻيو آهي ته معاملو ڪنهن کي ۽ ڪڏهن ڏسڻ گهرجي هي معاملو پهريان ئي هاءِ ڪورٽ ۾ ٻڌڻي هيٺ آهي اصل معاملو عدليه جي ساک آهي ماڻهن کي عدليه تي اعتماد نه هوندو ته انصاف ڪيئن ٿيندو بنيادي مسئلو ئي عدليه جي اعتماد جو آهي جيڪڏهن ڪنهن توهين ڪئي آهي ته ان جي خلاف ڪارروائي ٿيڻ گهرجي اڱاري تي سپريم ڪورٽ ۾ چيف جسٽس آصف سعيد کوسه جي سربراهي ۾ جسٽس شيخ عظمت سعيد ۽ جسٽس عمر عطا بنديال تي ٻڌل ٽن ميمبرن واري بئنچ وڪيل اشتياق احمد مرزا پاران پنهنجي وڪيل چوڌري منير صادق جي ذريعي داخل درخواست تي ٻڌڻي ڪئي سپريم ڪورٽ معاملي جي حقيقتن جي مڪمل جاچ لاءِ ايڊووڪيٽ سهيل اختر پاران پنهنجي وڪيل محمد اڪرام چوڌري جي مدد سان داخل درخواست جڏهن ته ايڊووڪيٽ طارق اسد پاران خود داخل ڪيل ڌار ڌار درخواستن تي ٻڌڻي ڪئي ٻڌڻي جي موقعي تي محمود خان اچڪزئي طارق فضل چوڌري، جاويد هاشمي، ۽ رفيق رجوانا به عدالت جي ڪمري ۾ موجود هئا عدالت ۾ ٻڌڻي شروع ٿي ته چيف جسٽس چيو ته پهريان اشتياق مرزا جي وڪيل کي ٻڌون ٿا درخواست گذار اشتياق مرزا جي وڪيل منير صادق دليل ڏيندي چيو ته مريم نواز 6 جولاءِ تي پريس ڪانفرنس ڪئي پريس ڪانفرنس ۾ جج ارشد ملڪ تي سنگين الزام مڙهيا ويا چيف جسٽس چيو ته هي ميڊيا بريفنگ ڪٿي ٿي وڪيل جواب ڏنو ته ميڊيا بريفنگ لاهور ۾ ٿي هن چيو ته وڊيو ليڪس اسڪينڊل جي ذريعي عدالت تي سوال اٿاريا ويا هي عدليه جي آزادي ۽ وقار جي حوالي سان هڪ اهم ۽ حساس معاملو آهي تنهنڪري عدالت هن معاملي جي جاچ ڪرائي ذميوارن جو تعين ڪري درخواست گذار جي وڪيل چيو ته هي ڪيس عام مفاد جو آهي مريم نواز 6 جولا3 تي لاهور ۾ پريس ڪانفرنس ڪئي. جنهن ۾ ڪجهه الزام مڙهيا ويا جنهن ۾ چيو ويو ته عدليه دٻاءَ ۾ ڪم ڪري رهي آهي وڪيل چيو ته هي سنگين الزام آهن ان جي انڪوائري ٿيڻ گهرجي ان تي چيف جسٽس پڇاڻو ڪيو ته اوهان ڇا ٿا چاهيو جنهن تي وڪيل جواب ڏنو ته مان سچ جي تلاش چاهيان ٿو هن چيوت ه پاڪستان جون سموريون سياسي جماعتون ۽ وڪيلن وڊيو اسڪينڊل جي جاچ جي گهر ڪئي ۽ چيف جسٽس کان پاڻمرادو نوٽيس وٺڻ لاءِ چيو تنهنڪري هڪ ڪميشن ٺاهيو وڃي بيشڪ هي ڪميشن هڪ رڪني ڇو نه هجي وڪيل جي جواب تي چيف جسٽس پڇاڻو ڪيو ته هن ڪميشن جو سربراهه ڪير آهي جنهن تي وڪيل چيو ته جج ڪميشن جو سربراهه هجي ان تي چيف جسٽس چيو ته ڪجهه اهڙو ڪلچر ٿي ويو آهي جو هڪ جي خراب ٿيڻ تي سڀني کي ايئن سمجهيو وڃي ٿو چيو وڃي ٿو ته سڀ جج اهڙا آهن سڀ سياسدان اهڙا آهن چيف جسٽس پڇا ڪئي ته اهو ٻڌايو ته ڪميشن ڇا ڏسي ان تي وڪيل چيو ته ڪميشن سچائي کي ڏسي ته جيڪڏهن الزام ثابت ٿئي ته ان جي خلاف توهين عدالت جي ڪارروائي ٿيڻ گهرجي ٻڌڻي دوران درخواست گذار جي وڪيل چيو ته احتساب عدالت جي جج حلفي بيان جي ذريعي ڪجهه حقيقتون بيان ڪيون جڏهن ته وزيراعطم عمران خان ان معاملي تي عدليه کان نوٽيس وٺڻ جي گهر ڪئي هن چيو ته پ پ پ ۽ امير جماعت اسلامي به عدليه کان هن معاملي جي جاچ جي گهر ڪئي سياسي جماعتن جو موقف آهي ته عدليه جاچ ڪري ان کان سواءِ پاڪستان بار ڪائونسل به اهو ئي مطالبو ورجايو وڪيل جي دليل تي چيف جسٽس ريمارڪس ڏنا ته ماڻهن جي چوڻ تي ڪو ڪم ڪنداسين ته ڇا اسان آزاد ٿيندا پاڻمرادو نوٽيس ڪنهن جي مطالبي تي وٺون ته پوءِ اهو پاڻمرادو نوٽيس نه ٿيو چيف جسٽس ريمارڪس ڏنا ته جڏهن کان انسان پيدا ٿيو آهي سچ جي ڳولا جاري آهي جيڪڏهن سچ ڳولڻو آهي ته پوءِ جن ججن مرڪزي اپيل ٻڌي اهي اهي ڇا ڪندا. چيف جسٽس چيو ته سپريم ڪورٽ ڪوئي فيصلو ڏنو ته هاءِ ڪورٽ پابند ٿي ويندي پوءِ هاءِ ڪورٽ ڪيئن ڪارروائي ڪندي ان تي وڪيل صفائي چيو ته فيصلو سپريم ڪورٽ جو نه پر ڪميشن جي فائڊنگ تي هجي جنهن تي چيف جسٽس چيو ته مان اوهان کي انهيءَ طرف وٺي اچڻ چاهيون پئي ڪميشن جي فائڊنگ تي ڪائي عدالت نوٽيس نٿي وٺي سگهي. وڪيل چيو ته ارشد ملڪ جو طريقيڪار اها ڳالهه ثابت ڪري ٿو ته هو بدعنوان ڪمن ۾ ملوث رهيو آهي هڪ پرڏيهي فيصلي ۾ قرار ڏنو ويو جج جي تعصب ۾ ٻيهر ٽرائيل ٿيندو هن چيوت ه ٽي وي چينل تي اهڙي قسم جا ٽاڪ شوز هوندا آهن مان ڪمري کان ٻاهر هليو ويندو آهيان ان تي چيف جسٽس ريمارڪس ڏنا ته ڪمرو ڇڏڻ بدران هڪ بٽڻ هوندو آهي ان کي دٻائي ٽي وي بند ڪندا ڪريو چيف جسٽس جو ان ريمارڪس تي عدالت جي ڪمري ۾ ٽهڪ ٻڌا ويا ٻڌڻي دوران درخواست گذار سپريم ڪورٽ جي جج تي ٻڌل ڪميشن ٺاهڻ جو مطالبو ڪيو ان تي عدالت چيو ته حڪومت کي به ڪميشن ٺاهڻ جو اختيار آهي. پر اوهان چئي رهيا آيو ته عدليه ڪميشن بڻائي چيف جسٽس ريمارڪس ڏنا ته احتساب عدالت جو جج لاهور هاءِ ڪورٽ جي ماتحت هو وفاقي حڪومت ڊيپوٽيشن تي ان جي مقرري ڪئي جڏهن ته هي وڊيو جو معاملو آهي فورم ڪهڙو هوندو هن چيو ته ٻيون ڳالهيون عوامي ڳالهيون آهن ڪنهن جي وڊيو ڪيئن ٺاهيون ڪيئن عوام آڏو آئي ان کي ڏسڻو آهي چيف جسٽس ريمارڪس ڏنا ته جڏهن سڀ ڪجهه سپريم ڪورٽ ڪري ٿي ته اعتراض ٿئي ٿو پر جڏهن اسان هٿ ڪڍون ٿا ته سپريم ڪورٽ ڪري اسان کي فيصلو ڪرڻو آهي معاملو ۾ ڪٿي هٿ وجهڻو آهي ڪٿي نه هن چيو ته جج جي مس ڪنڊڪٽ کي به ڏسڻو آهي اسان کي ڏسڻو آهي ته ڪٿي مداخلت ڪرڻي آهي جلد اسان ڪجهه شيون طئي ڪنداسين ٻڌڻي دوران چيف جسٽس چيو ته وڊيو درست يا ناهي ان ڳالهه جو يقين ٿيڻ گهرجي هن چيو ته وڊيو ۽ آڊيو جي قابل قبول هجڻ جا ڪيترائي پهلو ڏسڻا هوندا آهن ان ۾ ڪيترا ماڻهو ملوث آهن چيف جسٽس چيو ته جج صاحب جي مس ڪنڊڪٽ جو معاملو به آهي توهين عدالت جو معاملو فراموش نٿو ڪري سگهجي چيف جسٽس چيو ته سڀ ڪجهه اسان مٿان وڌو ويو هن چيو ته جڏهن اسان ڪجهه ڪريون ٿا ته چون ٿا سپريم ڪورٽ ۾ هي ڪري ڇڏيو هاڻي اسان هٿ روڪي ڇڏيو ته سپريم ڪورٽ ئي ڪجهه ڪري چيف جسٽس چيو ته ڇيو ويو ته فيصلي کان اڳ جج تي دٻاءُوڌو ويو ۽ اهو به چيو ويو ته فيصلي کان پوءِ به دٻاءُ وڌو ويو سمورا پهلو اسان ڏسنداسين جنهن کان عدالت هن معاملي تي اٽارني جنرل کان تجويزون طلب ڪندي ڪيس جي وڌيڪ ٻڌڻي 23 جولاءِ تائين ملتوي ڪري ڇڏي.

 

خان صاحب شڪست جو اعتراف ڪري قوم کان معافي وٺي: مرتضيٰ وهاب

ڪراچي (16 جولاءِ  2019 ) اطلاعات، قانون ۽ اينٽي ڪرپشن کاتن بابت وزيراعليٰ سنڌ جي صلاحڪار بئريسٽر مرتضيٰ وهاب چيو آهي ته خان صاحب جي عوام دشمن پاليسين سان 22 ڪروڙ عوام جو استحصال ٿي رهيو آهي حڪومت جي معاشي پاليسي جي ناڪامي جو اعتراف اسٽيٽ بينڪ جي رپورٽ ۾ ڪيو ويو آهي مهانگائي ۾ اضافو ۽ معاشي بدحالي حڪومت جي پاليسين ڪري آهي. اسٽيٽ بينڪ پنهنجي رپورٽ ۾ اعتراف ڪيو آهي ته ايندڙ وقت ۾ صورتحال وڌيڪ خراب ٿيندي غريب عوام جون معاشي حالتون وڌيڪ خراب ٿينديون ان لاءِ خان صاحب پنهنجي شڪست جو اعتراف ڪري ۽ قوم کان معافي وٺي. اهڙن خيالن جو اظهار هن سنڌ اسيمبلي ۾ ميڊيا ڪارنر تي صحافين سان ڳالهه ٻولهه ڪندي ڪيو. هن چيو ته اسٽيٽ بينڪ جي رپورٽ چوي ٿي ٻاهرين سيڙپڪاري  اڌو اڌ گهٽجي وئي آهي واپار جا هدف پورا نه ٿي سگهيا ٻاهرين سيڙپڪاري ۽ ايڪسپورٽ وڌڻ بجائي خطرناڪ حد تائين گهٽجي رهي آهي.ملڪ کي مٽا سٽا واري ناڻي جي ضرورت آهي اسٽيت بينڪ جي رپورٽ چوي ٿي ايندڙ سال تائين بهتري جي اميد ناهي هن چيو ته معيشيت نه هلندي ته روزگار ڪيئن ملندو ڪاروباري طبقو هڙتال تي آهي ڪارخانه نه پيا هلن انڪري غريب بکيو ۽ بيروزگار ٿيندو هن چيو ته خان صاحب انڪري مطمئن آهي ڇا ڪاڻ ته ان جا خرچ ٻيا برداشت ڪري رهيا آهن خان صاحب کي ٻارن جي تعليم جي فڪر آهي نه ٻين خرچن جي پرواهه آهي. اطلاعات واري صلاحڪار چيو ته خان صاحب هڪ ٻيو يو ٽرن ورتو آهي خان صاحب ۽ ان جي حڪومت جي ڪهڙي ڳالهه تي يقين ڪجي چونڊن کان اڳ پنجاهه لک گهر ٺاهڻ جا دعوا ڪندو هو هاڻي چوي ٿو ڏيڍ سال ۾ ڏهه هزار گهر بنائينداسين. خان صاحب وڏا خوبصورت خواب ڏيکاريا هئا. هاڻي جيڪڏهن غلطي تسليم ڪري ته حالتون بهتر ٿي سگهن خان صاحب ڪو اهڙو ڪم ناهي ڪيو جنهن تي کين انعام ملي البت غريب کان ڦر لٽ ڪرڻ ۽ پنهنجي بيرزگار دوستن کي روزگار ڏيڻ تي هن کي انعام ضرور ملڻ کپي هڪ سوال جي جواب ۾ هن چيو ته بلاول ڀٽو زرداري ملڪ جي مختلف شهرن ۾ وڃي رهيو آهي هو مهانگائي خلاف ريليون ڪڍي رهيو آهي هن چونڊ ضابطي جي ڀڃڪڙي ناهي ڪئي پر گهوٽڪي چونڊن ۾ پيپلزپارٽي جو مخالف اميدوار قانون جي ڀڃڪڙي ڪري رهيو آهي پيپلزپارٽي شفاف ۽ منصفاڻي چونڊن تي يقين رکندي آهي اطلاعات واري صلاحڪار شيخ رشيد جي بيان تي مذمت ڪندي چيو ته هڪٻئي پٺيان ٽرين حادثن ۾ انساني جانين جي نقصان تي شيخ رشيد جو ضمير ملامت ناهي ڪندو شيخ رشيد جي اهڙي ضمير تي ڪجهه نٿو چئي سگهجي ريلوي کي زمين سنڌ حڪومت ڏني آهي ريلوي واري زمين شيخ رشيد جي ذاتي ملڪيت ناهي هن چيو ته سنڌ حڪومت کي هائوسنگ منصوبي جي تفصيل شيئر ناهي ڪئي وئي سنڌ جو گورنر جواب ڏئي ته ڪٿي ڪيئن گهر بڻجي رهيا آهن هڪ سوال جي جواب ۾ هن چيو ته خان صاحب ۽ صوبائي حڪومت جا وزير چونڊن کان اڳ ۽ پوءِ پرائيوٽ جيٽ ۾ گهمي رهيا آهن هڪٻئي سوال جي جواب ۾ هن چيو ته خبر ناهي وزيراعظم پنهنجي آمريڪا واري دوري تي عافيه صديقي جي معاملي تي ڳالهائيندو يا نه آخر ۾ هن وادي نيلم ۾ قيمتي انساني جانين ۽ ملڪيتن جي نقصان تي ڏک جو اظهار ڪندي چيو ته وفاقي سرڪار وادي نيلم ۾ رليف آپريشن وڌيڪ تيز ڪري

 

 

 

 

اسٽيٽ بئنڪ نئين مانيٽري پاليسي جاري ڪندي سود جي شرح ۾ هڪ سيڪڙو واڌ جو اعلان

ڪراچي (ويب ڊيسڪ) اسٽيٽ بئنڪ آف پاڪستان نئين مانيٽري پاليسي جاري ڪندي سود جي شرح ۾ هڪ سيڪڙو واڌ جو اعلان ڪري ڇڏيو، جنهن کانپوءِ سود جي شرح 13.25 سيڪڙو ٿي وئي. ڪراچي ۾ اسٽيٽ بئنڪ جي گورنر رضا باقر ايندڙ ٻه مهينن لاءِ مانيٽري پاليسي جو اعلان ڪندي چيو ته سود جي شرح ۾ واڌ مهانگائي کي نظر ۾ رکندي ڪئي وئي، جيڪا 17 جولاءِ کان لاڳو ٿيندي. هن چيو ته سود جي شرح ۾ 120 پوائنٽن جي اضافي ٿيڻ سان ڪجهه عمل اهڙا آهن، جن سبب مهانگائي ۾ واڌ ٿيندي، جڏهن ته ڪجهه عملن سبب انفليشن ۾ به گهٽتائي جو امڪان آهي، مانيٽري پاليسي ڪميٽي جو گذريل اجلاس 20 مئي تي ٿيو هو، جنهن کانپوءِ مٽاسٽا جي شرح ۾ تبديلي آئي، جنهن سبب مهانگائي تي به اثر ٿيو. سندس چوڻ هو ته بجيٽ ۾ گئس، بجلي ۽ ٻين شين جي اگهن ۾ واڌ ۽ ٻين قدمن سبب ايندڙ ٻن ٽن مهينن ۾ اگهن ۾ هڪ ڀيرو ٻيهر اضافي جو امڪان آهي، مهانگائي وڌڻ سان گڏ ڪجهه عمل اهڙا آهن، جن بابت اسان غور ڪيو آهي ته سود جي شرح ۾ اضافو نه ڪرڻ گهرجي، ان ۾ گهرج ۾ گهٽتائي اچي رهي آهي، ٻيو اهو ته مالياتي بجيٽ ۾ ٽيڪس وصولين ۽ قيمتن ۾ اضافي سبب واهپيدارن جي خريد جي قوت ۾ گهٽتائي ايندي، جنهن ۾ مهانگائي گهٽجندي، انهن ٻنهي عملن جي بنياد تي هلندڙ مالي سال مهانگائي ۾ 11 کان 12 سيڪڙو تائين واڌ جو امڪان آهي، جنهن سبب سود جي شرح ۾ واڌ جو فيصلو ڪيو ويو. رضا باقر ٻڌايو ته هلندڙ مالي سال جي پهرين ٽن مهينن ۾ مهانگائي جي شرح ۾ ڪجهه اضافو ٿيندو پر اسان جو ڪاٿو آهي ته ٻين ٽن مهينن ۾ مٽاسٽا جي شرح ۾ گهٽتائي ايندي، جون 2020 کان شروع ٿيندڙ مالي سال ۾ مهانگائي جي شرح ۾ گهڻي حد تائين گهٽتائي ايندي

 

قرض جي بار هيٺ دٻيل ڪا به قوم خوشحال نٿي ٿي سگهي، قرض مان ڇٽڪاري لاءِ ٽيڪس جو دائرو وڌائڻو پوندو: شاهه محمود

اسلام آباد ( ويب ڊيسڪ ) پرڏيهي وزير شاهه محمود قريشي چيو آهي ته قرض مان ڇٽڪاري لاءِ ٽيڪس  جو دائرو وڌائڻو پوندو. پنهنجي هڪ بيان ۾ شاهه محمود قريشي چيو ته قرض جي بار هيٺ دٻيل ڪا به قوم خوشحال نٿي ٿي سگهي، قرض مان ڇٽڪاري لاءِ ٽيڪس جو دائرو وڌائڻو پوندو، معيشت کي دستاويز شڪل ڏيڻي پوندي. هن چيو ته ٽيڪس جي ادائيگي لاءِ اسان سڀني کي ڪردار ادا ڪرڻو پوندو، ٽيڪس جي ادائيگين لاءِ ٻين کي به همٿايو، پاڪستان خوشحال ٿيندو ته اسان خوشحال ٿينداسين.

 

سنڌ سرڪار 120 کان وڌيڪ آفيسرن 19 هين مان 20 ۽ هڪ آفيسر کي 20 هين مان 21 هين گريڊ ۾ ترقيون ڏيڻ جي منظوري ڏئي ڇڏي

ڪراچي(م.ڊ) سنڌ سرڪار 120 کان وڌيڪ آفيسرن 19 هين مان 20 ۽ هڪ آفيسر کي 20 هين مان 21 هين گريڊ ۾ ترقيون ڏيڻ جي منظوري ڏئي ڇڏي، سنڌ جي وڏي وزير سيد مراد علي سليڪشن بورڊ ون جو اجلاس ٿيو. جنهن دوران ترقين جي حوالي سان غور ويچار بعد 120 کان وڌيڪ آفيسرن کي ترقيون ڏيڻ جي منظوري ڏني وئي، 20 هين گريڊ جي پي ايس ايس گروپ جي آفيسر بدر جميل مينڌرو کي 21 هين گريڊ ۾ ترقي ڏيڻ جي منظوري ڏني وئي، صحت کاتي جي 91 کان وڌيڪ ميل ۽ 20 کان مٿي فيميل ڊاڪٽرز کي 19 هين مان 20 هين گريڊ ۾ ترقي ڏيڻ جي منظوري ڏني وئي. جن آفيسرن جي 19 هين مان 20 هين گريڊ ۾ ترقي جي منظوري ڏني وئي، انهن ۾ زراعت کاتي جي مختلف شعبن سان واسطو رکندڙ 8 آفيسر به شامل آهن، آبپاشي کاتي جي عزيز الله ميمڻ ڊي جي ۽ اشتياق حسين کي چيف انجنيئر واري عهدي تي ترقي ڏيڻ جي منظوري ڏني وئي، پبلڪ هيلٿ انجنيئرنگ واري کاتي جي اڪبر بلوچ ۽ شمس الدين شيخ کي 20 هين گريڊ ۾ ترقي ڏيڻ جي منظوري ڏني وئي. سليڪشن بورڊ ون جي اجلاس ۾ چيف سيڪريٽري سنڌ سيد ممتاز علي شاهه، چيئرمين پلاننگ اينڊ ڊولپمينٽ ناهيد شاهه، سينيئر ميمبر بورڊ آف روينيو شمس الدين سومرو، ناڻي کاتي جي سيڪريٽري نجم شاهه، سيڪريٽري سروسز نويد شيخ، وڏي وزير جو پرنسپل سيڪريٽري جمال ابڙو ۽ ٻين اختيارين شرڪت ڪئي.

 

 

افغان امن عمل مان ڀارت جو ٻاهر ٿيڻ پاڪستان جي ڪاميابي آهي: ٽائيمز آف انڊيا

نئين دهلي ( ويب ڊيسڪ ) سفارتي محاذ تي پاڪستان کي وڌيڪ هڪ وڏي ڪاميابي ملي آهي ۽ اربين ڊالرن جي سيڙپڪاري باوجود ڀارت افعان امن عمل مان مڪمل طور ٻاهر ٿي ويو آهي، وزيراعظم عمران خان جي آمريڪي دوري سان ڀارت ۾ ڳڻتي جي لهڙ ڊوڙي وئي آهي. ڀارتي اخبار ٽائمز آف انڊيا افغان امن عمل ۾ ڀارت جي مڪمل طور ٻاهر ٿيڻ تي پاڪستان جي سفارتي ڪاميابي قبول ڪندي وزيراعظم عمران خان جي آمريڪي دوري کي ڀارت لاءِ پريشان ڪندڙ قرار ڏئي ڇڏيو آهي. ڀارتي اخبار اعتراف ڪيو ته افغان امن عمل جي نتيجي ۾ پاڪستان، آمريڪا، روس ۽ چين سان گڏجي طالبان سان امن ٺاهه کي آخري شڪل ڏئي رهيا آهن. ٻئي طرف اربين ڊالرن جي سيڙپڪاري ۽ گهرا مفاد هئڻ باوجود ڀارت جي وجود کي مڪمل طور نظرانداز ڪيو ويو آهي. ٽائيمز آف انڊيا به اهو به لکيو آهي ته سموري افغان عمل ۾ هندستان نه نظر اچي ٿو ۽ نه وري سندس خدشن جو ڪو نشان ملي ٿو، تازي صورتحال مان واضح آهي ته پاڪستان خطي ۾ مرڪزي حيثيت اختيار ڪري ويو آهي، ڀارت کي افغانستان جي مستقبل بابت فيصليو ڪرڻ جي عمل کان ٻاهر ڪيو ويو آهي. اخبار وڌيڪ دعويٰ ڪئي ته پاڪستان خطي جي جيو پوليٽڪس ۾ سينٽر اسٽيج جي حيثيت اختيار ڪري ويو آهي ۽ ان حوالي سان ڀارتي ڳڻتي تي ڪنهن به سطح تي سنجيدگيءَ جو اظهار نه پيو ڪيو وڃي.  ٽائيمز آف انڊيا لکيو آهي ته پاڪستان صورتحال مان مڪمل طور مطمئن  ۽ خوش نظر اچي رهيو آهي، آمريڪا ۽ سندس اتحادي سعودي عرب، امارات ۽ قطر  پاڪستان جي ڀرپور مدد ڪري رهيا آهن، آءِ ايم ايف پاڪستان لاءِ امدادي پئڪيج جاري ڪري ڇڏيو آهي، چين ۽ پاڪستان به هڪ ٻئي طرف ڏسي رهيا آهن پر ڀارت منظر تان غائب آهي، پاڪستان پاڻ کي خطي لاءِ اهم ۽ اڻٽر ملڪ ثابت ڪيو آهي.

 

 

جيڪب آباد ۾ ڪارنهن جي تهمت هڻي نوجوان ۽ ناري قتل، جوابدار فرار

جيڪب آباد (رپورٽر) جيڪب آباد ۾ ڪارنهن جي تهمت ۾ ٻٽو قتل ٿيو آهي. مولا داد ٿاڻي جي حد ۾ ڳوٺ نواز علي مغيري ۾ هٿياربندن نوجوان سُڌير مغيري ۽ ناري اميران زال محمد رفيق لاشاري کي قتل ڪري ڇڏيو. فائرنگ بعد جوابدار فرار ٿي ويا. مقتول نوجوان جي وارثن الزام هنيو آهي ته سُڌير کي لاشاري برادري سان واسطو رکندڙ هٿياربندن ڪارنهن جي الزام ۾ قتل ڪيو آهي. نوجوان ۽ ناري جا لاش سول اسپتال جيڪب آباد نيا ويا، جتان پوسٽ مارٽم بعد لاش وارثن حوالي ڪيا ويا. علائقي ۾ چئوٻول آهن ته نوجوان لاشاري برادري جي ماڻهن وٽ هارپو ڪندو هو، ناري جا مائٽ کيس گهر اچڻ کان روڪيندا هئا. پوليس جو چوڻ آهي ته واقعو ڪارنهن معاملي تان پيش آيو آهي.

 

بلوچستان ۾ ڪوئلي جي کاڻ ۾ دٻجي ويل وڌيڪ چئن پورهيتن جا لاش هٿ

ڪوئٽا ( ويب ڊيسڪ ) بلوچستان جي علائقي ڊيگاري ۾ ڪوئلي جي کاڻ ۾ ڦاٿل چئن پورهيتن جا لاش ڪڍيا ويا آهن، جڏهن ته باقي ماڻهن کي ڪڍڻ لاءِ امدادي ڪارروايون جاري آهن. بلوچستان جي علائقي ڊيگاري ۾ ڪوئلي جي کاڻ ۾ ڦاٿل پورهيتن کي ڪڍڻ لاءِ امدادي آپريشن جاري آهي. ذريعن موجب ڪوئلي جي کاڻ ۾ 41 ڪلاڪن کانپوءِ چئن پورهيتن جا لاش ڪڍيا ويا آهن، جڏهن ته هڪ پورهيت کي زنده ڪڍيو ويو جنهن کي ڳڻتي جوڳي حالت ۾ سول اسپتال ۾ منتقل ڪيو ويو آهي. ٻئي طرف بلوچستان جي وڏي وزير جي هدايت تي صوبائي ڊيزاسٽر مئنيجمينٽ اٿارٽي جي ٽيم ڊيگاري پهچي وئي آهي ۽ ريسڪيو آپريشن ۾ حصو وٺي رهي آهي.