تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: July 12, 2019

صادق آباد اسٽيشن ويجهو مسافر ٽرين ۽ مال گاڏي ۾ ٽڪر، 21 مسافر فوت، 84 زخمي

رحيم يار خان (اين اين آءِ) صادق آباد ولهار ريلوي اسٽيسن ويجهو بيٺل مال گاڏي سان اڪبر بگٽي ايڪسپريس زوردار ڌماڪي سان ٽڪرائجي ويئي جنهن جي نتيجي ۾ 21 مسافر فوت ۽ 80 کان وڌيڪ زخمي ٿي پيا زخمين ۾ ڪيترن ئي جي حالت ڳڻتي جوڳي آهي جنهن سبب فوتين جو انگ وڌڻ جو خدشو آهي حادثو ايترو ته خوفناڪ هو جو ٻنهي ٽرينن جا 4-4 گاڏا هڪ ٻئي ۾ دٻجي تباهه ٿي ويا ۽ اڪبر ايڪسپريس جي انجڻ مڪمل طور تي تباهه ٿي مقامي ماڻهن پاڪ فوج جي جوانن ريسڪيو 1122 ۽ ٻين ايمبولنسز آپريشن ۾ حصو ورتو خميس تي لاهور کان ڪوئيٽا ويندڙ اڪبر ايڪسپريس رحيم يار خان ويجهو ولهار اسٽيشن جي حد ۾ بيٺل مال گاڏي سان ٽڪرائجي ويئي جنهن جي نتيجي ۾ ٿڏي تي 11 ماڻهو فوت 80 کان وڌيڪ زخمي ٿي پيا 3 کان 4 گاڏا پٽڙي تان لهي ويا 6 کان 7 گاڏا سخت متاثر ٿيا اطلاع ملڻ تي ريسڪيو اهلڪارن ٿڏي تي پهچي ڪم ڪيو ذريعن موجب ريسڪيو اهلڪارن گاڏن ۾ ڦاٿل ماڻهن کي ڳري مشينري کان بچائي ورتي ڊي سي رحيم يار خان جميل احمد ۽ ڊي پي او عمر سلامت رحيم يار خان امدادي ڪمن جي نگراني ڪري رهيا هئا ٻئي پاسي صادق آباد اسپتال جي ميڊيڪل آفيسر مسافر 7 کان وڌيڪ زخمي اسپتال ۾ آندا ويا ٻين سخت زخمين کي شيخ زيد اسپتال رحيم يار خان پهچايو ويو اسپتال جي ذريعن موجب حادثي ۾ زخمي ٿيل وڌيڪ 8 ڄڻا فوت ٿي ويا جنهن سان فوتين جو انگ 21 ٿي ويو اسپتال ذريعن موجب ٽرين حادثن جي زخمين ۾ 57 مرد 14 عورتن ۽ 11 ٻارڙا شامل آهن ٽرين حادثي جي 55 زخمين کي شروعاتي طبي امداد ڏيڻ کان پوءِ فارغ ڪيو ويو فوتي مسافرن مان 8 جي سڃاڻپ ٿي چڪي آهي جڏهن ته ٻين جي سڃاڻپ جو عمل جاري آهي فوتي مسافرن ۾ ياسر فيصل آباد، ارشاد احمد ميرپور ماٿيلو، ضياءالله نوشهرو، فراز، محمد افضل فيصل آباد، رحيم يار خان حبيبه ڌي انتظار چنيوٽ، رفيقان زال محمد يوسف چنيوٽ، امتياز ولد مختيار ظاهر پير رحيم يار خان ايڊيشنل جنمرل مئنيجر ريلوي زبير شفيع مطابق اڪبر ايڪسپريس جو ڊرائيور عبدالخالق ۽ اسسٽنٽ ڊرائيور اسپتال ۾ علاج هيٺ آهن زبير شفيع ٻڌايو ته اڪبر ايڪسپريس جي 10 مان 4 گاڏا پٽڙي تان لٿا آهن حادثي کان پوءِ ٽرين تي ٽرينن جي اچ وڄ بند ٿي ويئي هئي جڏهن ته ساڍي 8 وڳي ٽريڪ کي بحال ڪيو ويو ٻئي پاسي اکين ڏٺل شاهدن ٻڌايو ته حادثي صبح اٽڪل 4 وڳي پيش آيو ٽرين ۾ سوار ڪافي مسافر ستل هئا گاڏي کي حادثو ڪانٽو تبديل نه ڪرڻ جي صورت ۾ پيش آيو آهي اسٽيشن وارا پنهنجي ڊيوٽي نه ڪري رهيا هئا. جيڪڏهن پنهنجي ڊيوٽي تي هجن ها ته جاني نقصان نه ٿئي ها.

 

صادق سنجراڻي ڪيڏانهن نه ويندو، مفاد پرست جمهوريت کي تباهه ڪرڻ چاهين ٿا: عمران خان

اسلام آباد (اين اين آءِ/ويب ڊيسڪ) وزيراعظم عمران خان ”نئون پاڪستان هائوسنگ منصوبي“ تحت اسلام آباد ۾ 18 هزار 500 گهرن جي اڏاوت جي پيڙهه جو پٿر رکي ڇڏيو. پيڙهه جو پٿر رکڻ واري تقريب کي خطاب ڪندي وزيراعظم چيو ته پگهار کڻندڙ وچولو طبقو بئنڪن کان قرض وٺي پنهنجا گهر ٺاهي سگهي ٿو. هن چيو ته ملڪ جو غريب ماڻهو پنهنجو گهر ٺاهڻ جي سگهه نٿو رکي پر منصوبي تحت گهرن جي قيمت عام ماڻهو جي پهچ ۾ هوندي، حڪومت منصوبي لاءِ ايراضي فراهم ڪندي. عمران خان اشارو ڏنو ته 18 هزار 5 سئو مان 10 هزار گهرن لاءِ رکيا ويندا، ڪچين آبادين جي رهواسين لاءِ به اسڪيم شروع ڪري رهيا آهيون ۽ اسڪيم جي شروعات اسلام آباد جي ٻن ڪچين آبادين کان ڪئي ويندي. سندس چوڻ هو ته قانوني ڏکيائين سبب پاڪستان ۾ رڳو 0.25 سيڪڙو ماڻهو ئي گهر ٺاهڻ لاءِ قرض وٺندا رهيا آهن، جڏهن ته سڄي دنيا ۾ لون وٺي پنهنجو گهر اڏيندا آهن. وزيراعظم چيو ته هائوسنگ منصوبي ۾ ٻاهرين ملڪن جا گهڻا سيڙپڪار دلچسپي وٺي رهيا آهن، جيڪي ماڻهو چون ٿا اهو ناممڪن آهي اهي ڏسندا ته هر سال ان منصوبي ۾ تيزي ايندي ۽ انهن ماڻهن کي موقعو ملندو، جيڪي ڪڏهن پنهنجو گهر ٺاهڻ جو سوچي نه سگهيا هئا. هن چيو ته اسان کي 5 ورهين ۾ 50 لک گهر ٺاهڻا آهن، گهرن جي اڏاوت هڪ ڏکيو منصوبو آهي، جيڪڏهن اهو ڏکيو نه هجي ها ته گذريل حڪومتون ان تي عمل ڪري چڪيون هجن ها.  ٻئي طرف

وزيراعظم عمران خان، سينيٽ جي چيئرمين صادق سنجراڻي کي خاطري ڪرائي آهي ته ان جي خلاف بي اعتمادي واري رٿ کي گڏجي ناڪام بڻائينداسين، ميڊيا رپورٽ موجب وزيراعظم عمران خان سان سينيٽ جي چيئرمين صادق سنجراڻي ملاقات ڪئي جنهن ۾ سندس خلاف مخالف ڌر پاران پيش ڪيل بي اعتمادي واري رٿ ۽ سياسي صورتحال تي ڳالهيون ڪيون ويون ذريعن موجب ان ملاقات ۾ اعظم سواتي، پرويز خٽڪ ۽ شبلي فراز به موجود هئا. سينيٽ جي چيئرمين مخالف ڌر جي بي اعتمادي واري رٿ بابت صلاح مشورا ڪيا جڏهن ته اعظم سواتي ۽ شبلي فراز وزيراعظم کي نمبر گيم بابت ڄاڻ ڏني ان موقعي تي وزيراعظم جو چوڻ هو ته سينيٽ جي چيئرمين خلاف بي اعتمادي واري رٿ کي ناڪام ڪرڻ لاءِ پراعتماد آهيون هن چيو ته مفاد پرست ماڻهو جمهوريت کي تباهه ڪرڻ چاهين ٿا. جمهوريت جو راڳ ڳائيندڙ ٻڌائين ته سينيٽ جي چيئرمين کي هٽائڻ ڪهڙو جمهوري قدر آهي. وزيراعظم سينيٽ جي چيئرمين کي چيو ته سنجراڻي صاحب اوهان ايوان بهتر نموني سان هلائي رهيا آهيو پريشان نه ٿيو اوهان جي خلاف بي اعتمادي واري رٿ کي اسان سڀ گڏجي ناڪام بڻائينداسين.

 

حاصل بزنجو سينيٽ چيئرمين نامزد، حڪمران سينيٽ اجلاس سڏائڻ کان ڀڄي رهيا آهن: رهبر ڪميٽي

اسلام آباد (ويب ڊيسڪ) ريل حادثن تي اپوزيشن ريلوي واري وزير شيخ رشيد کان استعيفيٰ سميت سندس خلاف ڪيس داخل ڪري گرفتاريءَ جو به مطالبو ڪيو آهي. پ پ چيئرمين بلاول ڀٽو زرداري ٽرين حادثي تي ڏُک جو اظهار ڪندي چيو ته حادثن تي استعيفائن جا عمران خان وڏا مثال ڏنا، هاڻ پنهنجي وزير کان به استعيفيٰ وٺي. اپوزيشن ليڊر شهباز شريف ريل حادثي ۾ فوتگين تي افسوس جو اظهار ڪيو ۽ چيو ته هڪٻئي پويان حادثا ڳڻتي جوڳا آهن، ناقص رٿابندي ۽ ڪمزور ٽريڪ حادثن جو سبب بڻجي رهيا آهن، ذميوارن خلاف ڪارروائي ڪئي وڃي. ن ليگ سيڪريٽري جنرل احسن اقبال حادثي تي افسوس جو اظهار ڪندي چيو ته وزيراعظم استعيفيٰ ته نٿو وٺي سگهي پر ريلوي ڪنهن اهڙي شخص حوالي ڪري جنهن وٽ وزارت لاءِ وقت هجي، وزيراعظم کي گهرجي ته هو جعلي ڪارڪردگي جي حوصلا شڪني ڪري. اڳوڻي وزيراعظم شاهد خاقان عباسي چيو ته ٽرينن جا حادثا ۽ ماڻهو مرڻ ڳڻتي جوڳو عمل آهي، حادثي جا سبب ڄاڻي ذميوارن جي پڪڙ ڪئي وڃي. ن ليگ اڳواڻ طلال چوڌري ريلوي واري وزير شيخ رشيد کان استعيفيٰ جو مطالبو ڪندي چيو ته عمران نيازي شيخ رشيد جي وزارت کي گار گند ڏئي، ريلوي ڪنهن ٻئي وزير کي ڏئي، خوشامدي نيازي ايڪسپريس هلائڻ کان اڳ عوام جي حفاظت يقيني بنائڻ جو انتظام ڪري. هوڏانهن ن ليگ طرفان ٽرين حادثي تي شيخ رشيد خلاف ڪيس داخل ڪرڻ ۽ سندس گرفتاري جي مطالبي جو ٺهراءُ پنجاب اسيمبلي ۾ جمع ڪرايو ويو. ن ليگ اڳواڻ حنا پرويز بٽ طرفان جمع ڪرايل ٺهراءَ ۾ چيو ويو ته اڪبر ايڪسپريس ۽ مال گاڏي ٽڪرجڻ جو ذميوار شيخ رشيد کي سمجهون ٿا، ريلوي واري وزير کي پنهنجي عهدي تي رهڻ جو ڪو اخلاقي جواز ناهي. ٺهراءَ ۾ وڌيڪ چيو ويو آهي ته ريلوي کاتي جي نااهلي جي جيتري به مذمت ڪجي اها گهٽ آهي.

 

بينظير انڪم سپورٽ پروگرام ڪنهن به صورت ۾ ختم ٿيڻ نه ڏينداسين: بلاول زرداري

سکر (اين اين آءِ) پ پ چيئرمين بلاول ڀٽو زرداري چيو آهي ته دنيا چوي ٿي ته بينظير انڪم سپورٽ پروگرام ختم نه ڪرڻ ڏينداسين تقريب کي خطاب ڪندي پي پي چيئرمين چيو ته غربت ختم ڪريو پروگرام سنڌ لاءِ انقلابي پروگرام آهي، پ پ جو غربت ختم ڪريو پروگرام سڄي سنڌ ۾ پکڙجي ويو آهي هن چيو ته عالمي بينڪ به چوي ٿي ته بينظير انڪم سپورٽ پروگرام ختم ٿيڻ نه ڏينداسين هن چيو ته عورتن جي دلين مان بينظير ڀٽو جو نالو ڪيئن ختم ڪندا، غربت ختم ڪريو پروگرام وڌيڪ پکڙجندو هن چيو ته هن پروگرام تحت 10 لک گهراڻن کي منظم ڪيو آهي 1 لک 80 هزار عورتن کي بنا وياج قرض ڏنا، 50 هزار گهر ٺهرايا 50 هزار عورتن کي ووڪيشنل سکيا ڏني وئي. هن چي وته اسان نئين بجيٽ ۾ پيشا رکيا آهن ته هي پروگرام گهوٽڪي ۽ ٻين يونين ڪائونسلن ۾ آندو وڃي، بلاول ڀٽو چيو ته هن پروگرام تحت غريبن کي پنهنجن پيرن تي بيهارينداسين، ذوالفقار علي ڀٽو پورهيتن کي انڊسٽرين جو مالڪ بڻائي ڇڏيو هو هن چيو ته ذوالفقار علي ڀٽو سڄي ملڪ ۾ نوجوانن کي روزگار ڏنو ۽ جڏهن هتي روزگار نه ملندو هو ته مفت پاسپورٽ ڏئي پرڏيهه وڃڻ لاءِ موقعا پيدا ڪيا هن چيو ته سڄي ملڪ ۾ ليڊي هيلٿ ورڪرز ڪم ڪري رهيون آهن 2009 کان غربت ختم ڪريو پروگرام هلي رهيو آهي ۽ اڃا به هلندو بلاول چيو ته ايندڙ حڪومت پ پ جي هوندي هن چيو ته اسان قبائلي علائقن ۾ ملڪ جي ڪنڊڪڙڇ ۾ عورتن کي پنهنجن پيرن تي بيهارينداسين هن چيو ته بينظير انڪم سپورٽ پروگرام جو نالو مٽائي احساس رکيو پيو وڃي هن پروگرام کي ڀلي ڇا به ٿئي ختم ٿيڻ نه ڏينداسين. هن چيو ته گڏجي ڪم ڪنداسين ته صفائي جا مسئلا نه ٿيندا، گڏجي ڪم ڪنداسين ته صحت جا ۽ پيئڻ جي پاڻي جا مسئلا نه ٿيندا ۽ سنڌ جي ٻارڙن جي مستقبل محفوظ ٿي سگهندو. بلاول چيو ته جڏهن اسان گڏجي ڪم ڪنداسين ته سنڌ ۾ هڪ ٻيو انقلاب ايندو ،سنڌ جي معيشت، حڪومت کي بهتر ڪنداسين مان اوهان جو ساٿ ڏيڻ چاهيان ٿو جيستائني عوام مون سان گڏ آهي ڪا به ڏکيائي نه ٿيندي ڪو به منهنجي آڏو نه ٿو بيهي سگهي پ پ چيرئمين چيو ته اسان هن نظام جو مقابلو ڪنداسين. جيڪي سمجهن ٿا ته هڪ ڪروڙ نوڪرين جو ڏٽو ڏئي اهي غريب عوام کان نوڪريون کسي تبديلي آڻي سگهن ٿا.

 

قوم ڪنهن سياسي ايڊوينچرز جي سٽ نه ٿي صحيح سگهي،اڳوڻي حڪومت ۾ ادارن کي تباهه ڪيو ويو : فردوس عاشق اعواڻ

اسلام آباد (اين اين آءِ) وزيراعظم جي سڌ سماءِ بابت خاص مددگار فرودس عاشق اعواڻ چيو آهي ته ڪجهه سياسي پنڊت سينيٽ کي پنهنجي خواهش موجب هلائڻ تي ضد ڪري رهيا آهن قوم سياسي ايڊوينچرز ازم جي سٽ نه ٿي صحيح سگهي اڳوڻي حڪومت ۾ ادارن کي تباهه ڪيو ويو، حڪومت سنجراڻي سان گڏ بيٺل آهي اپوزيشن سياسي طور تي ڪجهه حاصل نه ڪري سگهندي ميڊيا نمائندن سان ڳالهائيندي فرودس عاشق اعواڻ چيو ته اڳوڻي حڪومت ۾ پاڪستان ۾ جمهوريت کي ڍال بڻائي ادارن کي ڪمزور ڪيو ويو هن چيو ته سياسي اداڪارن ادارن کي ڪمزور ڪري انهن کي پنهنجي ماتحت ڪري ڇڏيو هن چيو ته سياست جا ٻارنهن رانديگر ٻاهر ويهي پارليامينٽ کي ڊڪٽيٽ ڪرڻ چاهين ٿا پر اهي ڪامياب نه ٿيندا هن چيو ته عام سياستدانن جي سوچ ايندڙ اليڪشن تائين محدود هوندي آهي پر اصل ليڊر ايندڙ مستقبل جي نوجوانن لاءِ سوچيندو آهي هن چيو ته اصل ليڊرن کي ووٽ بينڪ بدران قوم جي مستقبل جي ڳڻتي هوندي آهي هن چيو ته ادارن کي پنهنجي ماتحت رکندڙن لاءِ سينيٽ جو آزاد ڪردار اڻٽر رهيو آهي هن چيو ته اپوزيشن سينيٽ جي چيئرمين خلاف بي اعتمادي واري رٿ جمع ڪرائي ڇڏي آهي عوام سوال ڪري رهيو آهي ته صادق سنجراڻي انهن جي شان ۾ ڪهڙي گستاخي ڪئي آهي ڇا سينيٽ جي چيئرمين آئين جي ڀڃڪڙي ڪئي؟

 

شيخ رشيد ريل حادثي کي انساني غفلت جو نتيجو قرار ڏئي ڇڏيو، فوت ٿيندڙن جي وارثن کي 15 لک رپيا ڏيڻ جو اعلان

اسلام آباد (اين اين آءِ) ريلوي وزير شيخ رشيد فوتي ماڻهن جي وارثن لاءِ 15 لک رپيا سخت زخمين لاءِ 5 لک ۽ معمولي زخمين لاءِ 2 لک رپيا امداد جو اعلان ڪيو آهي خميس تي ميڊيا سان ڳالهه ٻولهه ڪندي ريلوي وزير اڪبر ايڪسپريس سان پيش آيل حادثي تي ڏک جو اظهار ڪندي چيو ته حادثو انساني غفلت جو نتيجو آهي ان ۾ ڪانٽي وارو ملوث آهي واقعي جي جاچ جو حڪم ڏيئي ڇڏيو آهي هن چيو ته ريلوي ۾ وڏي ڪرپشن آهي جنهن کي ختم ڪرڻ ۾ وقت لڳي ٿو حادثي جي مڪمل جاچ ٿيڻي آهي کاتي ۾ ٻاهران ماڻهو نٿا اچن شيخ رشيد چيو ته جي ايم ريلوي ۽ لاڳاپيل عملدارن کي حادثي واري هنڌ روانو ڪيو ويو آهي رليف ۽ ريسڪيو جو ڪم ضلعي انتظاميه جي مدد سان ٿي رهيو آهي. هن چيو ته حادثو جو جائزو وٺي رهيا آهيون ريلوي عملدارن کي رليف ۽ رسڪيو جو ڪم تيز ڪرڻ جو حڪم ڏنو آهي امدادي ڪئمپ قائم ڪري ڇڏي آهي رليف ٽرين روانو ڪري ڇڏي آهي پي ايس ريلوي سکر مان حادثي واري هنڌ تي پهتو آهي شيخ رشيد ٻڌايو ته حيدراباد ٽرين حادثي تي 2 سيڪشن آفيسرن کي نوٽيس جاري ڪيو آهي ٻن ماڻهن کي کاتي مان ڪڍيو ويو آهي هن چيو ته نئون سسٽم ۽ نوان ماڻهو آندا آهن نيون ٽرينون شروع ڪيون ويون اهن پر نئون ٽريڪ ناهي وڌو ويو ماڻهو ڇتين تي ويهي سفر ڪندا هئا نيون ٽرينون شامل ڪري ڇتين تي سفر ڪندڙن کي هاڻي اندر گاڏن ۾ ويهاري ڇڏيو اهي.

 

مريد عباس قتل ڪيس جون ڪڙيون سمگلنگ ۽ مني لانڊرنگ سان ملڻ جو انڪشاف

ڪراچي( ويب ڊيسڪ ) ٽي وي اينڪر مريد عباس جي قتل ڪيس ۾ ڇرڪائيندڙ انڪشاف ۽ ڪڙيون سمگلنگ ۽ مني لانڊرنگ تائين پهتيون آهن. ايس ايس پي طارق ڌاريجي موجب جوابدار عاطف زمين ڪجهه سال اڳ هڪ ٽائر ڪمپني ۾ ملازم هو جيڪو هاڻي ٽائرن جي سمگلنگ جي ڌنڌي سميت مني لانڊرنگ ۾ به ملوث آهي جنهن جون شاهديون به مليون آهن.  هن چيو ته اينڪر پرسن سميت 80 کان وڌيڪ ماڻهن جوابدار عاطف وٽ هڪ ارب کان وڌيڪ جي سيڙپڪاري ڪئي جنهن ۾ مريد عباس جي 7 ڪروڙ جي سيڙپڪاري آهي.  هن چيو ته ميڊيا سان تعلق رکندڙ 42 ماڻهن سميت 42 ماڻهن سميت مريد عباس جي دوستن به نفعي تي پئسا ڏئي رکيا هئا. ٻئي طرف پوليس ٻٽي قتل جي واردات جو ٽيون ڪيس سرڪار جي فرياد تي داخل ڪيو آهي، ڪيس غير قانوني هٿيار رکڻ جي شق تحت جوابدار عاطف خلاف داخل ڪيو ويو.  پوليس موجب جوابدار عاطف زمان پنهنجي ڀاءُ جو پسٽول استعمال ڪيو ۽ ڪنهن ٻئي جو هٿيار گڏ رکڻ غير قانوني آهي. پوليس موجب مريد عباس ڪيس ۾ هن وقت تائين ٽي ڪيس داخل ٿي چڪا آهن.

 

 

نواز شريف کي شهباز ۽ مريم کي رهبر ڪميٽي سان هلڻ ۽ حڪومت مخالف ريليون ۽ ورڪز ڪنوينشن جاري رکڻ جي هدايت

لاهور ( ويب ڊيسڪ ) مسلم ليگ ن جي نائب صدر مريم نواز چيو آهي ته وفاق جي علامت نواز شريف ڪنهن به صوبي کي محرومي جو احساس ٿيڻ نه ڏنو، نواز شريف هاڻي سينيٽ چيئرمين لاءِ وري بلوچستان جي حق ۾ راءِ ڏني آهي. مسلم ليگ ن جي نائب صدر مريم نواز ڪوٽ لکپت جيل ۾ پنهنجي والد نواز شريف سان ملاقات ڪئي جنهن ۾ سياسي صورتحال، سينيٽ چيئرمين جي تبديلي ۽ نيب جي ڪيسن تي ڳالهيون ڪيون ويون. نواز شريف شهباز شريف ۽ مريم نواز کي رهبر ڪميٽي سان گڏ هلڻ جي هدايت ڪئي. اڳوڻي وزيراعظم نواز شريف مريم نواز کي هر صورت ۾ 19 جولاءِ تي احتساب عدالت ۾ پيش ٿيڻ جي هدايت ڪئي جڏهن ته حڪومت مخالف ريليون ۽ ورڪز ڪنوينشن جاري رکڻ جي هدايت ڪئي. نواز شريف چيو ته رهبر ڪميٽي سينيٽ چيئرمين لاءِ حاصل بزنجي کي نامزد ڪيو ته مسلم ليگ ن حمايت ڪندي. مريم نواز ميڊيا سان ڳالهائيندي چيو ته وفاق جي علامت نواز شريف ڪڏهن به ڪنهن صوبي کي محرومي جو احساس ٿيڻ نه ڏنو، نواز شريف هاڻي سينيٽ چيئرمين لاءِ وري بلوچستان جي حق ۾ راءِ ڏني. هن چيو ته سمورن صوبن کي گڏ کڻي هلندڙ نواز شريف اڳ به بلوچستان ۾ حڪومت جي قرباني ڏني، سمورن صوبن کي هن آندو ويجهو، اسان سڀني جي دلين جي ڌڙڪن آهي نواز شريف.

 

سوات کان لاهور ويندڙ مسافر بس اٽڪ ويجهو حادثي جو شڪار، 13 مسافر فوت، 20 زخمي

اٽڪ ( ويب ڊيسڪ ) سوات کان لاهور ويندڙ مسافر بس اٽڪ ويجهو حادثي جو شڪار ٿي وئي جنهن جي نتيجي ۾ 13 مسافر فوت ۽ 20 کان وڌيڪ زخمي ٿي پيا آهن. زخمين ۽  فوتين کي اسپتال منتقل ڪيو ويو آهي، بس براهمه انٽرچينج وٽ روڊ تي ترڪڻ سبب حادثي جو شڪار ٿي. حادثي جو شڪار ٿيندڙ بس ۾ 59 مسافر سوار هئا، پوليس واقعي جي وڌيڪ جاچ ڪري رهي آهي.

 

سوات ۾ گهر مٿان پهاڙي ڇپ ڪري پئي، ماءُ ۽ 4 ٻارن سميت 6 ڄڻا فوت

سوات ( ويب ڊيسڪ ) پاٽين بانڊه مٽلتان ۾ پهاڙي ڇپ ڪرڻ سبب 6 ڄڻا فوت ٿي ويا. پوليس موجب سوات جي علائقي پاٽين بانڊه مٽلتان ۾ گهر مٿان پهاڙي ڇپ ڪري پئي جنهن جي نتيجي ۾ 2 عورتون ۽ 4 ٻارڙا فوت ٿي ويا جڏهن ته هڪ ڄڻو زخمي پڻ ٿي پيو. پوليس جو چوڻ آهي ته فوت ٿيندڙن ۾ ماءُ ۽ 4 ٻارڙا به شامل آهن جڏهن ته گهر جو سربراهه سخت زخمي ٿي پيو آهي، حادثي کانپوءِ مقامي ماڻهن پنهنجي مدد پاڻ تحت لاشن ۽ زخمي کي ملبي هيٺان ڪڍي اسپتال پهچايو.