تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: July 11, 2019

سنڌ ۾ گورنر راڄ لڳائڻ جي ترديد، هي مون کان اين آر او جا ٽي لفظ ٻڌڻ چاهن ٿا: عمران خان

ڪراچي ( ويب ڊيسڪ ) وزيراعظم عمران خان پنهنجي معاشي ٽيم سان گڏ هڪ ڏينهن جي دوري تي ڪراچي پهچي ويو آهي. وفاقي وزير علي زيدي، حماد اظهر، فيصل واوڊا سميت واپاري بابت صلاحڪار عبدالرزاق دائود ۽ ناڻي وارو صلاحڪار عبدالحفيظ شيخ، ڊاڪٽر عشرت حسين ۽ ايف بي آر چيئرمين شبر زيد به وزيراعظم سان گڏ ڪراچي آيا آهن. وزيراعظم عمران خان سان گورنر هائوس ۾ واپارين ۽ آٽو موٽوو سيڪٽر جي وفد ملاقات ڪئي جنهن ۾ سراج قاسم تيلي، جنيد اسماعيل مڪده، زبير موتي والا ۽ ٻيا به موجود هئا جڏهن ته حڪومت ٽيم مان گورنر سندس عمران اسماعيل ، بورڊ آف انويسٽمنٽ جو چيئرمين سيد زبير حيدرگيلاني، اسٽيٽ بئنڪ جو گورنر رضا باقر، سڌارن بابت صلاحڪار عشرت حسين، ايف بي آر چيئرمين شبر زيدي، واپار بابت صلاحڪار عبدالرزاق دائود، ناڻي وارو صلاحڪار ڊاڪٽر عبدالحفيظ شيخ، اقتصادي معاملن بابت وفاقي وزير حماد اظهر، سامونڊي معاملن بابت وزير علي زيدي ۽ آبي وسلين وارو وزير فيصل واوڊا به موجود هو . ملاقات ۾ وفدن طرفان ٽيڪس نظام ۾ سڌارن، مهانگائي تي ظابطو، اسمگلنگ جي روڪٿام، ڪاروبار ۾ سولائي، سيڙپڪاري کي هٿي، روزگار جا موقعا وڌائڻ جي حوالي سان به تجويزون پيش ڪيون ويون. ان موقعي تي واپارين سان ڳالهه ٻولهه ڪندي وزيراعظم جو چوڻ هو ته منهنجي اچڻ جو مقصد اهو ئي اهي ته اوهان مسئلا حل ڪريان، منهنجي سڄي ٽيم هتي موجود آهي ته جيئن مسئلن جو فوري حل ڪڍيو وڃي، اسان جي پهرين ترجيح غربت جو خاتمو ۽ معاشي عمل کي تيز ڪرڻ آهي جنهن ۾ توهان جي مدد گهرجي. عمران خان چيو ته ڪاروباري برداري ڀائيواري بڻجي حڪومت سان گڏجي ڪم ڪري.  ٻئي طرف وزير اعظم عمران خان چيو آهي ته بزنس ڪميونٽي سان گڏجي ملڪ کي مٿي کڻي وينداسين، هي مون کان اين آر او جا ٽي لفظ ٻڌڻ چاهن ٿا.اهڙن خيالن جو اظها هن ڪراچي ۾ ميڊيا سان ڳالهائيندي ڪيو. وزير اعظم چيو ته هڪ سال ۾ جيترو ٽيڪس گڏ ٿيو ان جو اڌ قرضن جي وياج تي ادا ڪيو. وزير اعظم چيو ته جيستائين ملڪ پنهنجي پاڻ کي تبديل نٿو ڪري، اسان قرضن ۾ ٻڏندا وينداسين، دنيا ۾ صنعتون وڌي رهيون آهن پر هتي پوئتي وڃي رهيون آهن، صنعتڪارن سان ملاقات جو مقصد هو ته انڊسٽريلائزيشن کي اڳتي وڌايو وڃي، سيڙپڪاري جي لاءِ مختلف ملڪن سان ايم او يو ڪيا آهن. هن چيو ته ماهوار خسارو 2 ارب ڊالرن کان گهٽ ٿي هڪ ارب ڊالر تي اچي ويو آهي، آمريڪا وڃي رهيون آهيان پاڪستاني سفارتخاني ۾ رهندس، حڪومتي خرچ گهٽ ڪري رهيو آهيان. وزير اعظم چيو ته ملڪ ۾ 10 کان 12 ارب ڊالر جي مني لانڊرنگ ٿي رهي آهي، چوري، ڪرپشن، مني لانڊرنگ تي سزا نه ڏينداسين، ته ملڪ جو ڪو به مستقبل نه هوندو چين پنج سالن ۾ هزارين ماڻهن کي ڪرپشن تي جيلن ۾ وڌو، جيڪڏهن ڪرپٽ ماڻهن جو احتساب نه ڪنداسين ته هي ملڪ کي اڳتي وڌڻ نه ڏينداسين، پهرين ڏينهن کان هي سڀ بليڪ ميل ڪري رهيا آهن، افراتفري مچائي رکي آهي، هي مون کان اين آر او جا لفظ ٻڌڻ چاهن ٿا. ماضي ۾ جيڪو اين آر او ڏنو ويو، ان سان ملڪ تباهه ٿيو، جيڪي چون ٿا ته حڪومت  ڪيرائي ڇڏيو اُهي ماڻهو اين آر او چاهن ٿا انهن جي ڪرپشن جي ڪري اڄ حالتون ڏکيون آهن، عوام ڏکيائي ۾ آهي، شبر زيدي ۽ مون ذميواري کنئي آهي ايف بي آر کي ٺيڪ ڪنداسين، ساڍا 5 هزار ارب رپيا ٽيڪس جو هدف گڏجي پورو ڪنداسين، ٽيڪس نه ملڻ ۽ نوٽ ڇاپڻا پيا ته ملڪ هائپر انفليشن جو شڪار ٿي ويندو آهي. هڪ سوال جي جواب ۾ هن چيو ته سنڌ ۾ گورنر راڄ لڳائڻ جي ڪنهن ڳالهه ناهي ڪئي ۽ نه ئي ائين ٿيندو، آصف زرداري صدر طور دبئي جا 40 دورا ڪيا، هو ڇا ڪرڻ ويندو هو؟ نواز شريف لنڊن جا 20 خانگي دورا ڪيا ڇو ته هن جا محل ٻاهر آهن. پهرين ڏينهن کان هي سڀ گڏ آهن ته حڪومت ڪيرايو حالانڪ زرداري ۽ نواز شريف پاڻ هڪ ٻئي تي ڪيس بڻايا. وزير اعظم چيو ته 60 سالن ۾ ملڪ تي 6 هزار ارب رپيا قرض هو، انهن ماڻهن 10 سالن ۾ قرض 30 هزار ارب رپين تائين پهچائي ڇڏيو،  اڄ انهن کي خوف آهي، هي جمهوريت کي بچائڻ جي لاءِ گڏ ٿيڻ جون ڳالهيون ڪري رهيا آحن، هن قوم کي ڦريو ويو، هي حڪومت کي بليڪ ميل ڪرڻ جي لاءِ گڏ ٿي رهيا آهن، مولانا فضل الرحمان ملڪي سياست جو 12 هون رانديگر آهي، جن ملڪن ۾ غربت وڌيڪ آهي اُتي به زرداري ۽ نواز شريف جهڙا ويٺا آهن، حديبيه پيپر مل ڪيس ۾ پيسا مني لانڊرنگ جي ذريعي ٻاهر موڪليا ويا پوءِ اُتان ٽي ٽي سان واپس آيا. هن چيو ته دوست ملڪن اسان کي ريڪارڊ پيڪيج ڏنا آهن، دوست ملڪ پيڪيج نه ڏيڻ ها ته اسان جو ڏيوالو نڪري چڪو هجي ها، مون کي چيو پيو وڃي ته ملڪ ڦريندڙن کي ڇڏي اڳتي وڌو، ائين نٿو ٿي سگهي ڇو ته اِهو ملڪ سان غداري جي برابر آهي.

 

پ پ جو روڊن تي اچڻ جو اعلان، نيازي جو هر واعدو ۽ هر دعويٰ ڪوڙي نڪتي: بلاول زرداري

سکر (اين اين آءِ) پ پ چيئرمين بلاول ڀٽو زرداري خميس تي مهانگائي جي خلاف ڌرڻي جو اعلان ڪندي چيو آهي ته آصف زرداري کلندي جيل هليو ويو، فريال ٽالپر قرباني ڏني، قيادت کي مستقبل ۾ به جيتريون قربانيون ڏيڻون پيون اسان تيار آهيون. اهڙن خيالن جو اظهار پ پ چيئرمين سکر ۾ پ پ جي ورڪرز ڪنويشن کي خطاب دوران ڪيو. بلاول ڀٽو جي تقرير جي شروعات بينظير ڀٽو کي زبردست ڀيٽا پيش ڪندي ڪئي. هن جو وڌيڪ چوڻ هو ته عوام لاءِ پيپلز پارٽي اڻ ڳڻيون قربانيون ڏنيون آهن. بلاول ڀٽو پنهنجي خطاب ۾ وڌيڪ چيو ته عمران خان جو هر هڪ واعدو ۽ هر دعويٰ ڪوڙي نڪتي، هڪ ڪروڙ نوڪرين جو واعدو ڪوڙو نڪتو عوام دوست بجيٽ ۾ هڪ نوڪري به ناهي دشمن بجيٽ ۾ هڪ گهر به ناهي، 50 لک گهر ڏيڻ جو واعدو به ڪوڙو نڪتو بجيٽ ۾ ڪرپٽ کي کليل ڇوٽ ڏيڻ ۽ قرباني جي جانور تائين جو مني ٽريل گهرڻ ڪهڙو نظام آهي هن چيو ته جيستائين اسان جا جمهوري آئيني حق محفوظ نه هوندا معاشي حق به محفوظ نه ٿا ٿي سگهن آصف علي زرداري عالمي، معاشي بحران جي باوجود پينشن ۽ پگهارن ۾ اضافو ڪيو جيڪڏهن پاڪستان پيپلز پارٽي سان سياسي ويڙهه آهي ته ان جو مطلب اهو ناهي ته سڄي صوبي کي ٽارگيٽ ڪيو وڃي. پنجاب، بلوچستان، خيبرپختونخواهه ۽ سنڌ جو معاشي قتل ڪيو پيو وڃي. خميس تي سکر ۾ مهانگائي جي خلاف ڌرڻو هنيو ويندو ۽ سکر کان پنجاب بارڊر تائين ريلي ڪڍي ويندي پ پ چيئرمين چيو ته فوج کي پولنگ اسٽيشن ۾ بيهاري اداري کي تڪراري بڻايو پيو وڃي. هڪ عمران لاءِ فوج کي تڪراري ڇو ڪيو پيو وڃي، فاٽا لاءِ فوج کي پولنگ اسٽيشن کان هٽائڻ جو فيصلو سٺي ڳالهه آهي اميد ڪريان ٿو ته گهوٽڪي جي پولنگ اسٽيشنز تان به فوج کي ٻاهر رکڻ جو فيصلو ڪيو ويندو.

 

نيب پنهنجو ڪم سپريم ڪورٽ کان ڇو ڪرائڻ چاهي ٿو؟: چيف جسٽس

اسلام آباد ( ويب ڊيسڪ ) چيف جسٽس پاڪستان آصف سعيد کوسا رمارڪس ڏيندي چيو آهي ته نيب پنهنجو ڪم سپريم ڪورٽ کان ڇو ڪرائڻ چاهي ٿو. چيف جسٽس پاڪستان آصف سعيد کوسا جي سربراهي ۾ سپريم ڪورٽ جي ٽي رڪني بئنچ ايديشنل ڪلڪٽر ٽيڪس لاهور محمد اقبال احمد جي بريت خلاف نيب اپيل جي ٻڌڻي ٿي. سپريم ڪورٽ ٻڌڻي کانپوءِ نيب جي اپيل رد ڪري ڇڏي. عدالت فيصلو ٻڌايو ته فريادي الزام ثابت ڪرڻ ۾ ناڪام رهيو پر جيڪڏهن جوابدار خلاف ٻيو ڪيس آهي ته نيب پنهنجي جاچ جاري رکي. نيب پراسيڪيوٽر دليل ڏيندي چيو ته محمد اقبال احمد 8 بي نامي ملڪيتون غيرقانوني طور خريد ڪيون ۽ اڳتي وڪرو ڪيون. چيف جسٽس نيب پراسيڪيوٽر کي چيو ته الزام ثابت ڪرڻ ته توهان جو ڪم آهي، نيب پنهنجو ڪم سپريم ڪورٽ کان ڇو ڪرائڻ چاهي ٿو، توهان جي پنهنجي حڪومت آهي پنهنجو ڪم پاڻ ڪريو، اسان پهريان به چيو آهي ته توهان جي ڪم نه اينداسين، جيڪڏهن مالڪ ۽ بي نامي دار پاڻ چئي رهيا آهن ته ملڪيت اسان جي ناهي ته پوءِ نيب وٽ ڪهڙو ثبوت آهي، توهان جي غلطي آهي ته 342 جا درست سوال عدالت ۾ پيش نه ڪيوَ. احتساب عدالت محمد اقبال احمد کي 2006ع ۾ 10 سال قيد ۽ هڪ ڪروڙ ڏنڊ هنيو هو پر هاءِ ڪورٽ جوابدار کي بري ڪري ڇڏيو هو. نيب جوابدار جي بريت خلاف سپريم ڪورٽ سان رابطو ڪيو جنهن نيب جي اپيل رد ڪري ڇڏي.

 

عمران صاحب کي هاڻي پرڏيهي دورن لاءِ به پنڻو پوندو : ن ليگ

اسلام آباد (اين اين آءِ) پاڪستان مسلم ليگ (ن) جي ترجمان مريم اورنگزيب چيو آهي ته عمران صاحب هر جڳهه تان موڪل، شاباس، گهر ويهي نوازشريف جي ٻاهرين ملڪن جي دورن جي خرچن جو حساب ڪريو هڪ بيان ۾ مريم اورنگزيب چيو ته عمران صاحب اهو ئي فرق هوندو آهي سليڪٽڊ ۽ چونڊيل ۾ هن چيو ته عمران صاحب اهو فرق هوندو آهي جڏهن ملڪ 2.5 سيڪڙو تي ترقي ڪري رهيو هوندو آهي ۽ جڏهن ملڪ 5.8 سيڪڙو تي ترقي ڪري رهيو هجي هن چيو ته عمران صاحب شاباش گهر ويهي ڪوڙ ڳالهايو، الزام لڳايو ۽ اوهان کي جيئن وڻي تيئن ڪريو هن چيو ته عمران صاحب نه ڇڏجو انهن کي جن اوهان کي گهرائڻ کان انڪار ڪري ڇڏيو هن چيو ته عمران صاحب گهٻرائجو نه اوهان ته موت برداشت ڪري وٺو ٿا هن چيو ته عمران صاحب اوهان جي ڪري ملڪ بدنام ٿي رهيو آهي.

 

پنهنجا چار آنا خرچ نه ڪندڙن قوم جي دولت مان ڪروڙين رپيا ٽپ ڏئي ڇڏي: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي مددگار ڊاڪتر فردوس عاشق اعواڻ چيو آهي ته اڳوڻن حڪمرانن جا پرڏيهي دوران مال مفت دل بي رحم جي برابر آهن غريبن جي مال تي ٻاهر وڃي مزا وٺڻ ۽ سير ڪرڻ جو يوم حسام پهچي چڪو آهي اربع تي ڊاڪٽر فردوس عاشق اعواڻ ٽيوٽر تي پنهنجي بيان ۾ چيو ته پنهنجو هڪ رپيو به نه خرچ ڪندڙ قوم جي دولت مان ڪروڙين رپين جو ٽپ ڏيئي ڇڏيو هن چيو ته دولت لٽينڊر ٽپ ۾ قوم جو مال نه ڏين ها ته اڄ قوم غريب نه هجي ها هن چيو ته اڳوڻا حڪمران قوم جي مال تي بادشاهه بڻجي گهمندا هئا هن چيو ته اڄ هن ڦرلٽ کي بي شرمي سان استحقاق قرار ڏين ٿا هن چيو ته گاڏيون سرڪاري، ٻاهرين ملڪ ذاتي دورا به قوم جي کيسي مان ڪيا ويا ان جي حساب جو وارو آيو ته روئي رهيا آهن هن چيو ته هاڻي روئڻ ڪهڙي ڪم جو حساب ڪتاب ڏيڻ کان سواءِ جند نه ڇٽندي.

 

آءِ ايم ايف کان پاڪستان کي قرض جي پهرين قسط ملي وئي: اسٽيٽ بئنڪ

اسلام آباد ( ويب ڊيسڪ ) عالمي مالياتي فنڊ ( آءِ ايم ايف ) 6 ارب ڊالر جي معاشي پئڪج تحت پاڪستان کي 99 ڪروڙ 10 لک ڊالرن جي پهرين قسط فراهم ڪري ڇڏي آهي. آءِ ايم ايف طرفان 6 ارب ڊالرن جي معاشي پئڪج مان هڪ ارب ڊالر فوري طور تي پاڪستان کي ڏيڻ جو اعلان ڪيو ويو هو جنهن تحت پاڪستان کي پهرين قسط فراهم ڪئي وئي آهي. اسٽيٽ بئنڪ موجب آءِ ايم ايف طرفان 99 ڪروڙ 10 ڊالرن جي پهرين قسط جاري ڪئي وئي آهي جنهن سان ملڪي مٽاسٽا وارا ذخيرا 15 ارب 4 ڪروڙ 31 لک ڊالرن جا ٿي ويا آهن.

 

اسان جي پاليسين جو محور عوام آهي، خطي ۾ امن تي توجهه آهي، پاڪستان هڪ اڀرندڙ معيشت آهي: شاهه محمود قريشي

اسلام آباد ( ويب ڊيسڪ ) پرڏيهي وزير شاهه محمود قريشي دولت مشترڪه جي اجلاس کي خطاب ڪندي چيو آهي ته اسان جي پاليسين جو محور عوام آهي، خطي ۾ امن تي توجهه آهي، پاڪستان هڪ اڀرندڙ معيشت آهي جنهن ۾ 65 سيڪڙو آبادي نوجوان آهي. پرڏيهي وزير شاهه محمود قريشي دولت مشترڪه جي اجلاس کي خطاب ڪندي چيو ته دولت مشترڪه اجلاس تي انتظاميا کي وڌايون پيش ڪيان ٿو. اميد آهي ته ڪامن ويلٿ فورم کي وڌيڪ بهتر ۽ نتيجا ڏيندڙ بڻائڻ ۾ مدد ملندي. پرڏيهي وزير چيو ته سال 2018ع جي طئي ٿيل هدفن تي پاڪستان جي جي قدمن کان آگاهه ڪندس، رڪنيت بحالي تي پاڪستان هاڪاري ۽ جٽادار قدم کنيا آهن. هن چيو ته جولائي 2018ع ۾ پاڪستان ۾ ٽئين عام چونڊ ٿي، سول حڪومت ٻي چونڊيل حڪومت کي اقتدار منتقل ڪيو. يورپين يونين ۽ ڪامن ويلٿ مانيٽرز چونڊن کي شفاف قرار ڏنو، عورتن جي نمائندگي سول سروس، قانون ۽ ٻين شعبن ۾ وڌي. پرڏيهي وزير جو چوڻ هو ته 11 آگسٽ تي اقليتن جو ڏينهن خاص طور ملهايو ويندو آهي، پاڪستان 27 لک افغان مهاجرن کي پناهه ڏئي رهيو آهي، واضح ڪيان ٿو ته پاڪستان رڳو قانوني لڏپلاڻ جو حامي آهي. وڌندڙ ڊرآمدي حوصلا شڪني واري ماحول ۾ يقين رکون ٿا.  اسان جي پاليسين جو محور عوام آهي، خطي ۾ امن تي توجهه آهي.

 

حڪومت مون کي هر قيمت تي گرفتار يا نظربند ڪرڻ چاهي ٿي: مريم نواز

لاهور(اين اين آءِ) ن ليگ جي نائب صدر مريم نواز چيو آهي ته حڪمران مون کي هر قيمت تي گرفتار يا نظر بند ڪرڻ چاهين ٿا پر مسئلو اهو آهي ته منهنجي خلاف ڪجهه آهي ئي نه تنهنڪري ويچارن کي ڪو ڪوڙو ڪيس جنهن ۾ مون کي هڪ دفعو سزا ٿي چڪي ۽ جنهن کي هاءِ ڪورٽ معطل ڪري چڪي ٻيهر کولڻو پيو هي قدم ڇو ته غيرقانوني ۽ کل جوڳا آهن تنهن ڪري هلندو نه ۽ مان پيش نه ٿي هڪ ته کين گرفتاري پليٽ ۾ رکي انهن جو مقصد پورو نه ٿيڻ چاهيان ٿي ٻيو عدالت ۾ ناقابل ترديد حقيقتون آڏو رکڻ ۽ سليڪٽيڊ جي هٿيار نيب جي غلط ڪمن کي عوام آڏو آڻڻ جو موقعو وڄائڻ نه ٿي چاهيان.

 

آصف زرداري جو چئن مهينن ۾ نالو ختم ٿي ويندو، سندس خلاف اٿي بيهڻ تي بدين جو پاڻي بند ڪيو ويو: ذوالفقار مرزا

کوسڪي (م.ڊ) جي ڊي اي اڳواڻ ذوالفقار مرزا چيو آهي ته آصف زرداري جو چئن مهينن ۾ نالو ختم ٿي ويندو، ملڪ ۾ پهريون ڀيرو ڦورن ۽ لُٽيرن جو احتساب ٿي رهيو آهي. کوسڪي ۾ ميڊيا سان ڳالهائيندي ذوالفقار مرزا چيو ته بدين جي ماڻهن سان گڏجي آصف زرداري ۽ فريال ٽالپر خلاف اُٿي بيٺو هئس، اُن ڪري بدين جو پاڻي بند ڪيو ويو ۽ سڀ کان وڌيڪ منهنجو پاڻي بند ڪيو ويو آهي. هڪ سوال جي جواب ۾ هُن چيو ته چئن مهينن ۾ آصف زرداري جو نالو ختم ٿي ويندو، سلام پيش ڪريان ٿو وزيراعظم عمران خان کي، جيڪو پنجاهه سالن کان ڦرلٽ ڪندڙ چورن ۽ ڌاڙيلن کي نٿو بچائي. هُن چيو ته پهريون ڀيرو حقدار کي پنهنجو حق ملي رهيو آهي، چورن ۽ ڌاڙيلن جو پهريون ڀيرو احتساب ٿي رهيو آهي.

 

اوگرا سوئي ناردرن لاءِ ايل اين جي 0.34 ڊالر في ايم ايم بي ٽي يو مهانگي ڪري ڇڏي، نوٽيفڪيشن جاري

اسلام آباد (ويب ڊيسڪ) آئل اينڊ گئس ريگيوليٽري اٿارٽي (اوگرا) ايل اين جي مهانگي ڪرڻ جو نوٽيفڪيشن جاري ڪري ڇڏيو. نوٽيفڪيشن موجب سوئي ناردرن لاءِ ايل اين جي 0.34 ڊالر في ايم ايم بي ٽي يو مهانگي ڪئي وئي آهي، جنهن کانپوءِ هاڻ ان جي قيمت 11.35 ڊالر في ايم ايم بي ٽي يو ٿي وئي آهي. اهڙي ريت سوئي سدرن لاءِ ايل اين جي 0.42 ڊالر في ايم ايم بي ٽي يو مهانگي ڪئي وئي آهي، جنهن کانپوءِ سوئي سدرن لاءِ ايل اين جي اگهه 11.37 ڊالر في ايم ايم بي ٽي يو مقرر ٿي ويو آهي. سوئي ناردرن لاءِ جون ۾ ايل اين جي جي قيمت 11.01 ڊالر، جڏهن ته سوئي سدرن لاءِ ايل اين جي جو اگهه 10.95 ڊالر في ايم ايم بي ٽي يو مقرر هو.