تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: July 9, 2019

ادارن کي تڪراري بڻائڻ جي ڪوشش ڪئي پئي وڃي، منهن ٽوڙ جواب ڏنو وڃي: عمران خان

اسلام آباد(ويب ڊيسڪ) وزير اعظم عمران خان چيو اهي ته احساس پروگرام کي سڄي ملڪ تائين ڦهلايو ويندو، احساس پروگرا جا فائدا سڄي ملڪ کي ملندا. تفصيل موجب وزير اعظم جي صدارت هيٺ  احساس پروگرا اسٽيئرنگ ڪميٽي جو اجلاس ٿيو، ڊاڪٽر ثانيه نشتر طرفان اسٽيئرنگ ڪميٽي جي اجلاس ۾ تفصيلي بريفنگ ڏني وئي. اجلاس ۾ وزير اعظم جي ترجمان نديم افض چن، خيبرپختونخواهه جي وڏي وزير محمود خان، گلگت بلتستان جي وڏي وزير وزير اعظم آزاد ڪشمي راجا فاروق حيدر سميت ٻين وفاقي وزيرن شرڪت ڪئي. وزير اعظم عمران خان چيو ته احساس پروگرام جو مقصد پيڙهيل طبقي جي زندگي کي بهتر ڪرڻو آهي، حڪومت احساس پروگرام جي لاءِ 190 ارب رپيا مختص ڪيا آهن. هن چيو ته احساس پروگرام جي تحت نوجوان کي واپار جي لاءِ قرض ڏنو ويندو، پروگرام جي تحت بيروزگار نوجوانن کي هنر سيکاريا ويندا.

ٻيئ طرف  وزيراعظم عمران خان چيو آهي ته اعليٰ عدليه کي احتساب عدالت جي جج ارشد ملڪ جي مبينا وڊيو واري معاملي جو نوٽيس وٺڻ گهرجي، وزيراعظم جي صدارت ۾حڪومتي ترجمانن جو اجلاس ٿيو، جنهن ۾ ملڪي سياسي ۽ معاشي صورتحال تي ڳالهيون ڪيون ويون، ذريعن موجب وزيراعظم اجلاس دوران چيو ته ملڪي وقار ۽ قومي ادارن تي حملا برداشت نه ڪنداسين، ادارن کي تڪراري بڻائڻ جي ڪنهن به سازش کي ڪامياب ٿيڻ نه ڏينداسين. ذريعن موجب وزيراعظم عمران خان چيو ته عدليه تي دٻاءُ نوازليگ جو ماضي ۽ تاريخ آهي، هي نئون پاڪستان آهي، ان ۾ عدليه ۽ ججز آزاد آهن، حڪومت آڏو جوابده ناهن. وزيراعظم چيو ته اپوزيشن حڪومتي قدمن تي اعتراض اٿاري سگهي ٿي، تنهنڪري جج جي وڊيو وارو معاملو عدليه تي ڇڏڻ چاهيون ٿا. ذريعن جو چوڻ آهي ته وزيراعظم عمران خان چيو ته اعليٰ عدليه کي احتساب عدالت جي جج ارشد ملڪ جي مبينا وڊيو ليڪ ٿيڻ واري معاملي جو نوٽيس وٺڻ گهرجي، مبينا وڊيو جي فرانزڪ آڊٽ ضروري آهي، چاهيون ٿا ته عدليه حڪم ڏئي. عدليه جيڪو فيصلو ڪندي، حڪومت سهڪار ڪندي.ذريعن موجب وزيراعظم چيو ته اپوزيشن جيڪو به حربو استعمال ڪري، پر احتساب جو عمل جاري رهندو. نئين پاڪستان ۾ اپوزيشن جو ڪو به حربو ڪارگر ثابت نه ٿيندو. اجلاس دوران وزيراعظم عمران خان معاشي قدمن تي حڪومتي موقف واضح انداز ۾ پهچائڻ جي هدايت جاري ڪئي.

 

سليڪٽڊ حق کسڻ چاهي ٿو، 18هين ترميم ڏانهن ڪنهن کي اک به کڻڻ نه ڏينداسين: بلاول زرداري

لوئر دير (ويب ڊيسڪ) پ پ چيئرمين بلاول ڀٽو زرداري چيو آهي ته عمران خان کي سليڪٽ ڪندڙ به پريشان آهن ته ڪهڙي نالائق کي وٺي آيا آهيون. لوئر دير ۾ جلسي کي خطاب ڪندي بلاول ڀٽو زرداري چيو ته عوام جي دلين ۾ اهو ئي جيئرو رهي سگهي ٿو جنهن عوام کي پنهنجو مڃيو هجي، ڇا اڄ ڪير ضياءُ الحق ۽ پرويز مشرف جو نالو کڻڻ وارو آهي، ضياءَ ۽ مشرف جو دور رڳو ڪاري دور جي نالي سان ياد ڪيو ويندو آهي. هن چيو ته عمران خان انصاف جي ڳالهه ڪندو هو، اڄ ان جي سياست انتقام جي سياست آهي ۽ اڄ اسان جو مقابلو سليڪٽڊ وزيراعظم سان آهي، جيڪو اسان کان حق کسڻ چاهي ٿو، ماڻهو پهرين ئي سال ۾ حڪومت جي وڃڻ جون دعائون ڪري رهيا آهن، اڄ هر طبقو پريشان آهي، ايتري تائين جو عمران خان کي سليڪٽ ڪندڙ به پريشان آهن ته ملڪ ڪهڙي نالائق حوالي ڪري ڇڏيوسين ۽ اڄ ان جي نالائقي لڪائڻ لاءِ عوام تي بار وڌو پيو وڃي. سندس چوڻ هو ته عوام دشمن بجيٽ ۾ بجلي، گئس، ڊالر، کير، دوائون، کاڌو پيتي جون شيون سڀ ڪجهه مهانگو ڪيو ويو آهي، عمران خان عوام جي خوشحالي جي ڳالهه ڪندو هو، اڄ عوام کي معاشي بحران ۾ وجهي ڇڏيو اٿائين، چوندو هو ماڻهو مون جهڙي ايماندار شخص کي ٽيڪس ڏندا، جڏهن وزيراعظم بڻجندس ته سڀ ٺيڪ ٿي يوندو پر اڄ صورتحال ان جي ابتڙ آهي، عمران خان ميڊيا جي آزادي جي ڳالهه ڪندو هو پر اڄ ميڊيا جو آواز دٻائي رهيو آهي، چوندو هو خودڪشي ڪري ڇڏيندس پر اڄ ملڪ کي آءِ ايم ايف وٽ گروي رکي ڇڏيو اٿائين. پ پ چيئرمين چيو ته عمران خان! ٻڌي ڇڏيو، منهنجي پارٽي يا خاندان کي جيل موڪلي ڇڏيو پر اصولن تي ٺاهه نٿو ٿي سگهي ۽ نه ئي 18هين ترميم ۽ جمهوريت تي ڪا سوديبازي ٿي سگهي ٿي، مان ذوالفقار علي ڀٽو ۽ بينظير ڀٽو جو مشن جاري رکندس، عوام منهنجي همت ۽ سرمايو آهي، اسان سڀ گڏجي قائد ۽ ڀٽو جو پاڪستان ٺاهينداسين.

 

سياسي جماعتن جي ڪمزورين جو انعام عمران آهي، حڪومت وڃڻ واري آهي: آصف زرداري

اسلام آباد(م.ڊ) اڳوڻي صدر آصف زرداري چيو آهي ته سياسي جماعتن جي ڪمزورين جو انعام عمران خان آهي. پارليامينٽ هائوس ۾ ميڊيا سان ڳالهائيندي آصف زرداري چيو ته عمران خان جي حڪومت وڃي رهي آهي، جنهن ۾ چار کان پنج مهينا لڳندا، صحافي سوال ڪيو ته جيڪڏهن هي حڪومت وڃي رهي آهي ته پوءِ ڪير ايندو؟ جواب ۾ آصف زرداري چيو ته عمران خان جي حڪومت بٽڻ دٻائڻ سان نه، جدوجهد سان ويندي ۽ اپوزيشن جدوجهد ڪري رهي آهي. اسان جي جدوجهد سان عمران خان جي حڪومت نومبر کان اڳ هلي ويندي. آصف زرداري چيو ته مستقبل بلاول ڀٽو ۽ مريم نواز جو آهي ۽ هاڻي اسان انهن کي گائيڊ لائين ڏينداسين، مريم نواز اسان جي نياڻين جهڙي آهي، کيس مشورو ڏيندا رهنداسين. اڳوڻي صدر آصف زرداري راجا ظفر الحق بابت سوال جي جواب ۾ چيو ته سينيٽ ۾ اڪثريت نون ليگ جي آهي، ٿي سگهي ٿو ته نئون چيئرمين انهن جو ئي ٿئي ۽ راجا ظفر الحق بابت مريم نواز کان سوال پڇيو، مونکان نه. اپوزيشن اتحاد جي حوالي سان سوال جو جواب ڏيندي آصف زرداري چيو ته سياست ۾ اسان کان غلطيون به ٿيون آهن، ڪوشش هوندي ته اڳتي غلطيون نه ٿين. اپوزيشن جماعتون اڳتي هوشيار رهنديون،ڇو ته اسان جي ڪمزورين جو انعام ئي عمران خان آهي. آصف زرداري چيو ته شروع کان چوان پيو ته نوازشريف جي طبيعت خراب آهي، نوازشريف کي گهٽ ۾ گهٽ گهر ۾ نظربند ڪيو وڃي. آصف زرداري چيو ته پروڊڪشن آرڊرز جاري نه ڪرڻ پارلياماني روايتن جي خلاف آهي، اهي جيترو پارليامينٽ کي ڪمزور ڪندا، پاڻ ڀوڳيندا، اڄ ٿي سگهي ٿو ته منهنجا آخري پروڊڪشن آرڊر هجن. پر 2020 پاڪستان جي بهتري جو سال هوندو. اڳوڻي صدر چيو ته حڪومت آءِ ايم ايف، ورلڊ بينڪ ۽ ايشيئن بينڪ کان قرض وٺي رهي آهي. اهي اهڙا ادارا آهن، جيڪي سفارتخانه ضبط ۽ ايئر لائين روڪي ڇڏيندا، ناڻي وارو صلاحڪار ٽيڪنوڪريٽ آهي، اهو اهي ڳالهيون نه ٿو سمجهي. آصف زرداري چيو ته ملڪ ۾ سويلين مارشل لا آهي، آل پارٽيز حڪومت ٺهندي يا اليڪشن ٿيندي، اهو وقت ٻڌائيندو، هڪ سوال جي جواب ۾ آصف زرداري چيو ته ڪجهه خاص ماڻهو آهن، جيڪي ڊراءِ ڪلين نه ٿا ٿين، پر ڊراءِ ڪلين باوجود جن ۾ مير رهجي وڃي ٿو، اهي پڪڙيا پيا وڃن.

 

هاڻ ڪنهن سرڪاري عمارت ۾ باهه نه لڳندي، رڪارڊ نه سڙندو: مراد سعيد

اسلام آباد (ويب ڊيسڪ) وفاقي وزير مراد سعيد چيو آهي ته ن ليگ ۽ پ پ وارن هڪٻئي تي ڪرپشن جا الزام هنيا ۽ پوءِ چُپ ٿي ويا، ڪرپشن تي ڪنهن جي به خاموشي نه رهندي. اسلام آباد ۾ وزيراعظم جي خاص مددگار شهزاد اڪبر سان گڏ پريس ڪانفرنس ڪندي مراد سعيد جو چوڻ هو ته وزيراعظم قرضن تي چيو اهو پئسو ڪٿي خرچ ڪيو ويو؟ 2015 ۾ جيڪو پراجيڪٽ ڏيڻو هو ان جو ايم او يو 2 سال اڳ ئي ٿي ويو هو، شاهد خاقان عباسي جو ڪيس به هلي رهيو آهي، ان جي حقيقت به سامهون آڻينداسين. هن چيو ته احسن اقبال جي ڀاءُ کي پنجاب هارٽي ڪلچر ٽاسڪ فورس جو چيئرمين بڻايو ويو، پ پ وارن پنهنجي تڪ لاڙڪاڻي جي روڊن کي به نه بخشيو، ڪانٽريڪٽس جي جاچ ڪئي وئي ته اهي به جعلي اڪائونٽن وارا نڪتا، هاڻ ڪنهن سرڪاري عمارت ۾ باهه نه لڳندي، رڪارڊ نه سڙندو. سندس چوڻ هو ته جاتي امرا جي فينسنگ تي 36 ڪروڙ رپيا خرچ ڪيا ويا، عجيب حڪمران هئا، جن پنهنجي علاج جو خرچ به عوام کان وصول ڪيو.  ٻئي طرف وزيراعظم جي خاص مددگار شهزاد اڪبر جو چوڻ آهي ته جج جي مبينا ويڊيو جي ڪا به قانوني حيثيت ناهي. اسلام آباد ۾ موصلات واري وفاقي وزير مراد سعيد سان گڏ پريس ڪانفرنس دوران شهزاد اڪبر چيو ته جيڪي اڄ ڀيڻ ڀاءُ بڻجي رهيا آهن اهي 90 جي ڏهاڪي ۾ هڪ ٻئي کي جيلن ۾ وجهندا رهيا، جن حالتن مان گذري رهيا آهن ان پٺيان سندن ئي ڪارناما آهن، ماضي جي غلطين کي ٺيڪ ڪرڻ تائين اڳتي نٿا وڌي سگهون، ماضي کي اڳيان رکي سمجهڻ گهرجي ته ڪهڙي قسم جون سازشون ڪيون پيون وڃن. شهزاد اڪبر جو چوڻ هو ته عدالت ۾ ڪو به جواب نه ڏنو ويو ۽ هاڻ بي گناهي جا نعرا هنيا پيا وڃن، ڏوهاري کي پڪڙڻ ۽ کين سزا ڏيڻ حڪومت جي ذميواري آهي، ملڪ کي لٽيندڙ چورن جو احتساب ٿيندو، ايندڙ ڏينهن ۾ سندن وڏيون وڏيون چوريون سامهون آڻينداسين، ڪڪ بيڪس ۽ ڪميشن جا ثبوت به کڻي اينداسين. وزيراعظم جي خاص مددگار جو چوڻ آهي ته نواز شريف چوي ٿو ته آئون ان شخص تي اعتبار ناهيان ڪندو جنهن کي خريد نه ڪيو هجي. احتساب عدالت جي جج جي مبينا ويڊيو بابت شهزاد اڪبر چيو ته جج جي مبينا ويڊيو جي ڪا به قانوني حيثيت ناهي، جج خلاف ويڊيو ان پيش ڪئي جيڪو جعلسازي ۾ سزا يافته آهي، سپريم ڪورٽ نوٽيس وٺي ويڊيو معاملي تي پاڻ جاچ ڪري.

 

آئي ايم ايف کان پوءِ ايشيائي ترقياتي بئنڪ به پاڪستان لاءِ 10 ارب ڊالر قرض جو اعلان ڪري ڇڏيو

اسلام آباد (ويب ڊيسڪ) عالمي مالياتي فنڊ (آءِ ايم ايف) کانپوءِ ايشيائي ترقياتي بئنڪ (اي ڊي بي) به پاڪستان کي اربين ڊالر قرض ڏيڻ جو اعلان ڪري ڇڏيو. اي ڊي بي جي پڌرائي موجب ايشيائي ترقياتي بئنڪ 5 سالن دوران پاڪستان کي 10 ارب ڊالر قرض ڏيندي ۽ اها رقم پاڪستان لاءِ رعايتي قرض هوندي. پڌرائيءَ ۾ چيو ويو آهي ته قرض جي مد ۾ رقم مختلف ترقياتي رٿائن لاءِ فراهم ڪئي ويندي، قرض بابت پاڪستان ۽ ايشيائي ترقياتي بئنڪ وچ ۾ ڳالهيون ٿيون، جن ۾ ڪنٽري پارٽنرشپ تحت حڪمت عملي جي حوالي سان صلاح مشورو ڪيو ويو. واضح رهي ته ڪجهه ڏينهن اڳ آءِ ايم ايف به پاڪستان لاءِ 6 ارب ڊالرن جي قرض پروگرام جي منظوري ڏني هئي.

 

منھنجو مقصد ڪراچيءَ کي بھتر ڪرڻ ۽ شھر کي پاڻي فراھم ڪرڻ آھي جيڪو سنڌ حڪومت اڪيلي نٿي ڪري سگھي: وڏو وزير

ڪراچي  (اين اين آءِ) سنڌ جي وڏي وزير سيد مراد علي شاھھ چيو آھي تھ مان ھتي ابراھيم حيدريءَ ۾ مرحوم حاجي شفيع ڄاموٽ جي لاڏاڻي تي سندس گھرڀاتين، خاندان، مٽن مائٽن ۽ برادريءَ سان تعزيت ڪرڻ پھتو آھيان. حاجي شفيع ڄاموٽ جي شخصيت کان اوھان واقف آھيو، ھُو ھڪ بهترين انسان ھو، اسان اسيمبليءَ ۾ 2013ع کان 2018 تائين گڏ ھئاسين ۽ اسان جو خانداني لاڳاپو تمام پراڻو آھي. ولي محمد ڄاموٽ صاحب کان ٿيندي حاجي محمد شفع ڄاموٽ ۽ ھاڻي محمود عالم ڄاموٽ اسان جو ايم پي اي آھي ۽ ھو اسان سان گڏ آھي ۽ منھنجي مرحوم والد صاحب جا شفيع ڄاموٽ سان پراڻي سياستدان ھئڻ جي حيثيت ۽ سندن برادريءَ سان پراڻا لاڳاپا ھئا. حاجي شفيع ڄاموٽ جو خال ڀرڻ تمام گھڻو مشڪل آھي. ھن پنھنجي علائقي جي ماڻھن لاءِ خاص طور تي ماھيگيرن جي مسئلن بابت آواز اٿاريو. ھن چيو تھ اھو ھڪ وڏو صدمو آھي. ڌڻي سڳورو سندن خاندان کي صبر عطا فرمائي. ھڪ سوال جي جواب ۾ وڏي وزير سيد مراد علي شاھ چيو تھ منھنجو مقصد ڪراچيءَ کي بھتر ڪرڻ آھي ۽ شھر کي پاڻي فراھم ڪرڻ آھي جيڪو سنڌ حڪومت اڪيلي سر نٿي ڪري سگھي، اسان کي وفاقي حڪومت جي سھڪار جي ضرورت آھي. ھن وڌيڪ چيو تھ مان ڳالھائيندس تھ پاڻيءَ تي تمام ڊگھي ڳالھھ ٿي ويندي، مان ھاڻي به انھن کان اھا درخواست ڪندس ته اھي ان مسئلي تي اسان جو ساٿ ڏين، اھو ڪو ذاتي معاملو نھ آھي. ھڪ سوال جي جواب ۾ ھن چيو تھ گرين لائين رٿا وفاقي حڪومت بڻائي رھي ھئي ۽ چيو ويو تھ گذريل سال 2018ع جي مارچ ۾ مڪمل ڪيو ويندو ۽ اوھان بسون گھرايو، اسان بسون انڪري نھ آنديون  تھ ان رٿا کي مارچ 2018ع ۾ مڪمل ٿيندي نھ پيا ڏسون، ٻيھر چيو ويو تھ جون 2018ع تائين مڪمل ڪيو ويندو. بسون آڻڻ وارو سائين ڪانٽريڪٽ ھيو جنھن کي مون موخر ڪيو ڇاڪاڻ تھ جيڪڏھن آرڊر ڏيان ھا تھ پھرين جولاءِ کان اڄ تائين ان ڪمپنيءَ کي رقم ادا ڪرڻي پئي ھا. ھن وڌيڪ چيو تھ پوءِ نئي حڪومت اچي وئي، سيپٽمبر 2018ع کي وفاقي حڪومت چيو تھ بسون اسان آڻينداسين، اسان چيو اھا سٺي ڳالھ آھي ڪراچيءَ لاءِ وفاقي حڪومت خرچ ڪرڻ چاھي ٿي تھ ڪري ان وقت کان ويندي اڄ جيڪا سال جي مجموعي گھرج آھي ان جو 20 کان 25 سيڪڙو انھن بجيٽ ۾ رکيو آھي، ھاڻي خبر نھ آھي ڪڏھن ان رٿا کي مڪمل ڪيو ويندو. ھن چيو تھ اورينج لائين بلڪل اسان جي ذميواري آھي، مان اھو مڃان ٿو ان ۾ دير ٿي ان جو ڪارڻ گرين لائين رٿا جو مڪمل نھ ٿيڻ آھي، ڇاڪاڻ تھ اورينج لائين ۽ گرين لائين ھڪ ٻئي گڏ آپريٽ ڪيون وينديون ۽ اھي الڳ نٿيون ٿي سگھن. اورينج لائين 5 ڪلو ميٽرن جو ھڪ ننڍو ٽڪڙو آھي جيڪو گرين لائين سان گڏ ھلندو ۽ منھنجو اھو وعدو آھي تھ جڏھن گرين لائين تيار ٿيندي ان کان پھرين اورينج لائين تيار ٿي ويندي تھ جيئن اتي ڪنھن بھ قسم جي تاخير نھ ٿئي، ان سان گڏ مون ٽرانسپورٽ کاتي کي چيو آھي تھ ڏٺو وڃي تھ اورينج لائين الڳ ھلائي سگھجي ٿي يا نه، ٽيڪنيڪل ماھر ھڪ ٻئي سان متفق نھ ھئا، ان تي مون چيو آھي تھ ان تي غور ويچار ڪيو وڃي ۽ مون کي رپورٽ ڏني وڃي تھ جيئن ان کي جلد مڪمل ڪري سگھي. ريڊ لائين بابت ڳالھائيندي ھن چيو تھ گذريل ٻن ٽن سالن کان ايشين ڊولپمينٽ بينڪ سان ڳالھائي رھيا ھئاسين ۽ ھاڻي انھن ان رٿا کي منظور ڪيو آھي ۽ ان سان گڏ جيڪا ييلو لائين آھي ان تي ورلڊ بينڪ سان گڏ لون ايگريمنيٽ ڪيو ويو آھي پر ايڪنڪ ۾ رڪيل آھي وفاقي حڪومت ان کي اڃا منظور ناھي ڪيو، منظور ٿيڻ بعد ريڊ لائين ۽ ييلو لائين تي ڪم شروع ڪيو ويندو ۽ ڀرپور طريقي سان جيڪڏھن ڪم ڪيو وڃي تھ 18 مھينن کان ٻن سالن اندر اھي رٿائون مڪمل ٿي وينديون. مان ڳالھيون اوھان کي ٻڌايان تھ جنوري 2019ع ۾ سپريم ڪورٽ فيصلو ڪيو تھ وفاقي حڪومت اسپتالن کي پنھنجي تحويل ۾ وٺي ڇڏي مون ان وقت ئي چيو ھو تھ انھن اسپتالن کي سنڌ حڪومت کي ھلائيندي. وفاقي حڪومت اھي  نٿي ھلائي سگھي، انڪري اسان انھن اسپتالن تي سيڙپڪاري ڪئي آھي، جيڪو شخص خرچ ڪندو آھي ان کي احساس ھوندو آھي تھ ھاڻ ان کي ڪھڙي ريت اڳتي وڌائجي. بلاول ڀٽو زرداريءَ جي خاص ھدايت تي اين آءِ سي وي ڊي، جي پي ايم سي ۽ اين آءِ سي ايڇ لاءِ اپاءَ ورتا ويا ھئا. اھا مون کي پھرين ڏينھن کان اميد ھئي تھ اسان کي انھن کي ھلائينداسين. سپريم ڪورٽ چيو تھ 90 ڏينھن اندر تحويل ۾ ورتا وڃن پر ان بابت وفاقي حڪوت ان معاملي تي اسان سان ڪڏھن ڳالھايو نھ ڪئي ۽ ان سان گڏ سپريم ڪورٽ اھو پڻ چيو تھ سنڌ حڪومت جي انھن اسپتالن تي خرچ ڪيل رقم وفاقي حڪومت واپس ڪندي، انھن اسلام آباد مان مئي مھيني ۾ ھڪ نوٽيفڪيشن ڪڍيو تھ اسپتال اسان (وفاقي حڪومت) جا آھن ۽ بجيٽ ۾ انھن اسپتالن لاءِ ھڪ رپيو بھ نھ رکيو. اسان کي خبر ھئي تھ اھي اسپتال اسان کي ئي ھلائڻا آھن، انڪري اسان بجيٽ ۾ رقم رکي ۽ ڀرپور طريقي سان انھن جي فنڊنگ جاري آھي، انشاءَ اللھ تعاليٰ اسپتالن کي سٺي طريقي سان ھلائينداسين. سول اسپتال ۾ ڪجھھ مسئلا ضرور آھن انھن کي حل ڪرڻ لاءِ اپاءَ وٺي رھيا آھيون. ملير پريس ڪلب بابت ھڪ سوال جي جواب ۾ اوھان صحافي اسان جا آھيو، اوھان سان ذيادتي ٿيڻ نھ ڏينداسين. وڏي وزير چيو تھ ھن وقت اھم مسئلو اھو آھي تھ ھن سال جا جيڪي ايف بي آر جو ھدف مقرر ڪيل ھو ان کي حاصل ناھن ڪيا ويا، اھو تاريخ ۾ پھريون ڀيرو آھي تھ گذريل سال کان ھن سال تمام گھٽ رقم جمع ٿي آھي. وزيراعظم اڄ کان ٽي مھينا اڳ ڪراچي آيو ھو ۽ 162 ارب رپين جو اعلان ڪيو ھو ۽ اڃا تائين ھڪ رپيو بھ ناھي ڏنو ويو. ڪڏھن اھي جادو جي ڳالھھ ڪندا آھن ۽ ڪڏھن اھي حڪمت جي ڳالھھ ڪندا آھن. مريم نواز پاران جيڪا وڊيو ڪلپ سامھون آئي آھي ان جي مڪمل طور تي جاچ ٿيڻ گھرجي اھا رڳو جوڊيشري کي ڪرڻ گھرجي ڪنھن ٻئي اداري کي نھ ڪرڻ گھرجي. جوڊيشريءَ تي اسان يقين ڪندا آھيون، جيڪڏھن اھا سھي يا غلط آھي اھڙي حساب سان ڪارروائي ڪئي وڃي.

 

مون وٽ ٻه ٽي آڊيوز ٻيون به آهن ”معاملي کي هر فورم تي کڻي وينديس“:مريم نواز جو اعلان

لاهور (ويب ڊيسڪ) ن ليگ نائب صدر مريم نواز چيو آهي ته مون وٽ ٻه ٽي آڊيوز ٻيون به موجود آهن، قانوني مشاورت جاري آهي، معاملو سپريم ڪورٽ يا ڪنهن به فورم تي ٿيو ته کڻي وينديس. خانگي ٽي وي چئنل جي پروگرام ۾ ڳالهائيندي مريم نواز جو چوڻ هو ته مون کي اميد آهي ته اسان جي عدليا ۾ انصاف پسند جج موجود آهن، اسان جا وڪيل موجود آهن ۽ اسان جي قانوني مشاورت جاري آهي، معاملي کي هر سطح تي کڻي وينداسين. هن چيو ته اسان گهڙي گهڙي عدالت جو در کڙڪايو، هر ڀيري فيصلو نئين سزا جي صورت ۾ سامهون آيو، بي ڏوهه کي سزا ڏيڻ جو بار وڏو هوندو آهي.

 

احتساب ڪرڻو آهي ته شروعات مون کان ڪريو، آئون وزيراعظم هيس ۽ 46 وزير هئا: شاهد خاقان عباسي

اٽڪ ( ويب ڊيسڪ ) اڳوڻي وزيراعظم شاهد خاقان عباسي جو چوڻ آهي ته احتساب ڪرڻو آهي ته شروعات مون کان ڪريو، آئون وزيراعظم هيس ۽ 46 وزير هئا. اڳوڻي وزيراعظم ۽ مسلم ليگ ن جي اڳواڻ شاهد خاقان عباسي جو اٽڪ ۾ پارٽي جي ورڪرز ڪنونشن کي خطاب ڪندي چوڻ هو ته احتساب ڪرڻو آهي ته شروعات مون کان ڪريو، آئون وزيراعظم هيس ۽ 46 وزير هئا، اسان آمرن جي ڌمڪين ۽ جيلن کان نه گهٻرايو ته سليڪٽڊ کان ڇا ڊڄنداسين. هن چيو ته سليڪٽڊ وزيراعظم اهو ڪجهه ئي ڏئي سگهي ٿو جيڪو عمران ملڪ کي ڏنو آهي، اڄ حالت اها آهي ته جنهن ڪرپٽ ماڻهو حياتي بچائڻي آهي اهو تحريڪ انصاف ۾ شامل ٿيو وڃي. ن ليگ اڳواڻ شاهد خان عباسي چيو ته ويڊيو فلم ۾ منصف پاڻ چئي رهيو آهي ته هن دٻاءُ تحت فيصلو ڪيو، سندس ضمير کيس ملامت ڪري ٿو، ايستائين ته هر شيءَ ۾ سو موٽو هوندو هو، ته پوءِ اڄ ڪير پڇڻ وارو ڇو ڪونهي؟ ان جو جواب آهي ڪنهن وٽ؟ سندس چوڻ هو ته اسان نواز جي نه انصاف جي ڳالهه ڪريون ٿا، اڄ ملڪ جي وزيراعظم جي ڪيس ۾ انصاف نٿو ٿي سگهي ته پوءِ ڪهڙي پاڪستاني کي انصاف ملندو؟ شاهد خاقان عباسي چيو ته عمران خان جيڪو قرض ڏهن مهينن ۾ ورتو ايترو قرض ڪڏهن ڪنهن پنجن ورهين ۾ ناهن ورتو . مسلم ليگ ن جي اڳواڻ جو چوڻ هو ته بجيٽ جي فوري طور ملڪ جي هر ضلعي ۾ آواز بلند ڪيو ويندو، ملڪ ۾ ترقي اڌ ٿي ۽ مهانگائي ٽي سيڪڙو ٿيڻ جو سبب عوام اسان کي پڇي ٿو، عوام نئون پاڪستان وساري چڪو آهي ۽ پراڻي پاڪستان جي ڳولا ڪئي پئي وڃي. سليڪٽڊ وزيراعظم کي بوگس چونڊن ۾ آندو ويو آهي سندس دل ۾ چور آهي، هي ملڪ جون حالتون سڌاري نٿو سگهي.

 

عمران خان هر ڪم جادو ۽ تعويز سان ڪندو آهي، ائين ملڪ ناهن هلندا : خورشيد شاهه

سکر ( ويب ڊيسڪ ) پ پ اڳواڻ سيد خورشيد شاهه جو چوڻ آهي ته عمران خان هر ڪم، هر مسئلي کي جادو ۽ تعويز سان ڪندو آهي ائين ملڪ ناهن هلندا. سکر ۾ ميڊيا سان ڳالهائيندي پ پ اڳواڻ خورشيد شاهه چيو ته حڪومت ماڻهن تي ظلم ڪيو، عوام سان ڌوڪو ڪيو آهي، مهانگائي ٿيندي آهي پر ايتري ناهي ٿيندي، عوام ۽ سمورا سياستدان گڏجي به هن ملڪ کي سنڀالي نٿا سگهن،  جڏهن ڊالر 120 جو هو ته مون چيو هو ته ڊالر جون ۾ 160 تائين ويندو پر هاڻ اهو 180 تائين ويندو ڇاڪاڻ جو حڪومت آءِ ايم ايف سان معاهدو ڪيو آهي. خورشيد شاهه جو چوڻ هو ته اسان ان ڏينهن کان چئي رهيا آهيون، جنهن ڏينهن کان عمران خان حڪومت جون سموريون داعوائون ڪوڙيون ثابت ٿي ويون، پيپلز پارٽي جو مطالبو آهي ته عوام کي سڪون فراهم ڪيو وڃي ۽ مهانگائي کي وڌائڻ بدران گهٽايو وڃي، عمران خان هر ڪم، هر مسئلي کي جادو ۽ تعويز سن ڪندو آهي ۽ ائين ملڪ ناهن هلندا.

 

حڪمران نواز شريف کان ڊڄي رهيا آهن، سڀني کي جيلن ۾ وجهو پر خلق خدا جو آواز ڪيئن بند ڪندئو: مريم اورنگزيب

اسلام آباد ( ويب ڊيسڪ ) مسلم ليگ ن جي ترجمان مريم اورنگزيب چيو آهي ته حڪومت سڀني کي جيلن ۾ وجهي رهي آهي پر خلق خدا جو آواز ڪيئن بند ڪندئو. ن ليگ جي ترجمان مريم اورنگزيب جو چوڻ آهي ته حڪمران نواز شريف کان ڊڄي رهيا آهن، نااهل ۽ نالائق حڪومت کي هلائڻ لاءِ نواز شريف کي جيل ۾ وڌو ويو، ڪيترن شينهن کي جيلن ۾ وجهندئو، هر گهر مان شينهن نڪرندو، شينهن ڪنهن کان به اين آر او ناهن گهرندا، مسلم ليگ ن جا شينهن نواز شريف جي طاقت آهن، سڀني کي جيلن ۾ وجهو خلق خدا جو آواز ڪيئن بند ڪندئو. مريم اورنگزيب چيو ته راڻا ثناءَ الله کي گرفتار ڪري 15 ڪلو هيروئن وڌي وئي، راڻا ثناءَ الله وٽان هٿ آيل هيروئن جي ڪا به تصوير آهي نه ويڊيو، هاڻ چون ٿا شاهد خاقان عباسي، خواجه آصف گرفتار ٿيندا، چور پي ٽي آءِ ۾ انڪري ويا آهن ته نيب جي نظر مٿن نه پوي، عمران صاحب! توهان نواز شريف جي نياڻي کان ڊڄو ٿا، عمران صاحب عليمه باجي ۽ جهانگير ترين کي اين آر او ڏنو