تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: July 8, 2019

وڊيو جي فارنزڪ آڊٽ ڪرائڻ جو اعلان، چور مچائي شور جو نظريو نه هلندو: فردوس عاشق اعواڻ

سيالڪوٽ (م.ڊ/اين اين آءِ) وفاقي حڪومت مسلم ليگ (ن) جي نائب صدر مريم نواز پاران پيش ڪيل احتساب عدالت جي جج ارشد ملڪ جي مبينا ڳجهي ويڊيو جي فرانزڪ جاچ ڪرائڻ جو فيصلو ڪيو آهي ته مريم صفدر اعواڻ جي ڳجهي ويڊيو رڳو جج ارشد ملڪ تي نه پر عدليه تي حملو آحي جاچ جي ذريعي هن ميڊيا هائوس جي نشاندهي ڪئي ويندي. تفصيل موجب وزيراعظم جي سڌ سماءَ جي مددگار فردوس عاشق اعواڻ مريم نواز پاران جاري ڪيل مبينا وڊيو ٽيپ کي قوم کي گمراهه ڪرڻ جي ڪوشش قرار ڏيندي چيو آهي ته هي هڪ جج تي نه پر سڄي عدليا تي حملو آهي، هي ءَ هاءِ ڪورٽ سان رجوع ڪرڻ وقت ڇو پيش نه ڪئي وئي، ان ذريعي همدرديون حاصل ڪرڻ ۽ ن ليگ جي ڪرندڙ ساک بچائڻ جي ڪوشش ڪئي وئي پر هي ناڪام ٿيندي، پهرين ڳالهه ته اها آهي ته ڪنهن سان ڳالهه ٻولهه ڪندي ان کي ٽيپ ڪرڻ قانوني لحاظ کان ڏوهه آهي، هن مبينا آڊيو وڊيو جو فرانزڪ آڊٽ ٿيندو ۽ ڏٺو ويندو ته جج ۽ ادارن جي حوالي سان جيڪي ڳالهيون ڪيون ويون انهن جي سچائي ڪهڙي آهي، مبينا آڊيو وڊيو ٽيمپرڊ آهي يا سچ آهي، اسان قوم کان ڪجهه نه لڪائينداسين، اهڙن خيالن جو اظهار هن مقامي هوٽل ۾ تاجرن اڳواڻن سان ملاقات کان اڳ ميڊيا سان ڳالهائيندي ڪيو، هن چيو ته مريم نواز معزز جج جي حوالي سان وڊيو جاري ڪري ادارن کي بدنام ڪرڻ جي ناپاڪ ڪوشش ڪئي، اهڙا قدم ملڪ سان عداوت جي برابر آهن، مريم نواز جج تي الزام هڻي عوام جون همدرديون حاصل ڪرڻ جي ڪوشش ڪئي آهي،ميڊيا تي تماشو لڳائڻ بدران ٽيپ عدالت ۾ کڻي وڃي ۽ جيڪڏهن دامن صاف آهي ته شريف خاندان جي سمورن ماڻهن کي پاڪستان گهرايو وڃي ۽ عدالتن ۾ پيش ٿين، ڀائٽي پنهنجي چاچي کي بلڊوز ڪري قوم جي جذبن سان کيڏ کيڏي ۽ ملڪ جي عوام کي گمراهه ڪرڻ جي ڪوشش ڪئي، نواز شريف جيل ۾ ۽ باقيات مريم صفدر جي شڪل ۾ هڪ ٽيپ کڻي اچي پر اها ٽيپ وچ چوڪ تي ختم ٿي وئي، هن چيو ته مبينا وڊيو ٽيپ ۾ جج سان گڏ نظر ايندڙ ناصر بٽ جي حوالي سان هن دعويٰ ڪئي ته ناصر بٽ روپوش ۽ غنڊا گينگ جو مک آهي، هو 5 ماڻهن کي قتل ڪرڻ کانپوءِ 302 جي قتل ڪيس ۾ روپوش آهي، روپوش قاتل، منشيات وڪرو ڪندڙن جو نيٽ ورڪ هو جنهن سياست کي ڍال بڻايو، 20 سالن ناصر بٽ روپوش رهيو ۽ ضلع صبحاني جي گارڊ جا فرض ادا ڪندو رهيو، راڄ ڪماري ضلعه صبحاني جي باڊي گارڊ جي ڪردار کي واضح ڪري ڇڏيو، شهباز شريف جو ناٺي علي عمران ۽ پٽ ملڪ کان ٻاهر آهن، شهباز شريف ناٺي ۽ پٽ کي عدالت ۾ پيش ڪري بيگناهي ثابت ڪري، سوال ڪيو وڃي ٿو ته ڪروڙين ڊالر ڪيئن آيا ۽ ٻاهر ڪيئن ويا ته چون ٿا ته خبر نه آهي، هن چيو ته قيامت جي نشاني آهي ته پيءُ چوي ٿو ته ٻارن کان پڇا ڪريو، ٻار چون ٿا ته بابي کان پڇا ڪريو، هن چيو ته اڳوڻين حڪمرانن جي عياشين جي قيمت اڄ عام پاڪستاني ادا ڪري رهيو آهي، معيشت کي زهر جا ٽيڪا لڳائيندا رهيا ۽ اڄ بار عوام کي کڻڻو پئجي رهيو آهي، عمران خان کي رستي تان هٽائڻ لاءِ 32 ڪيس داخل ڪيا ويا، پر عمران خان نه ملڪ ڇڏيو ۽ نه ئي عدالتن تي حملو ڪرايو، عمران خان ٻاهر پيسو ڪمايو ۽ ملڪ ۾ آڻي عدالت ۾ سمورا ثبوت پيش ڪيا، جنهن کانپوءِ عدالت مان صادق ۽ امين جو سرٽيفڪيٽ مليو.  ٻئي طرف سڌ سماءَ بابت خاص مددگار فردوس عاشق اعواڻ چيو آهي ته آڊيو ۽ وڊيو ٽيپ ٺاهڻ ۽ هلائيندڙ ٻئي ڪردار سند يافتا ڪوڙا آهن. ٽويٽر تي هڪ بيان ۾ فردوس عاشق اعواڻ چيو ته هاڪ قاتل ۽ گنڊا گينگ جو سربراهه جڏهن ته ٻيو ڪيلبري فونٽ جو مشهور جعلساز آهي، هي اهي ڪردار آهن جيڪي بي ناميدار آهن. خاص مددگار چيو ته سرڪاري ناڻي کي مال غنيمت سمجهي ڦرڻ ۽ عوام جي وسيلن تي ڌاڙا هڻندڙن کان ڦريل رقم جي واپسي جاري رهندي.  فردوس عاشق اعواڻ چيو ته نواز شريف جيل ۾ آهي ته مريم نواز ٻڌائي ته ڪهڙي حيثيت ۾ بنا ڪنهن حق ايترو عرصو سرڪاري بلٽ پروف گاڏي استعمال ڪندي رهي جنهن کي سرڪاري ناڻي تي ڌاڙو هڻن جي عادت هجي تنهن کي کيسي مان خرچ ڪرڻ ڏکيو هوندو آهي.

 

نواز شريف جو ڪيس ٻڌڻ وقت رشوت جون آڇون به ٿيون ۽ ڌمڪيون به مليون: جج ارشد ملڪ

اسلام آباد (اين اين آءِ) اڳوڻي وزيراعظم نواز شريف کي العزيزيه ريفرنس ۾ سزا ڏيندڙ احتساب عدالت نمبر 2 جي جج ارشد ملڪ مريم نواز پاران ويڊيو ذريعي الزامن تي وضاحت پيش ڪندي چيو ته مبينا ويڊيو مفروضن تي ٻڌل آهي ناصر بٽ ۽ سندس ڀاءُ سان پراڻِي ڄاڻ سڄاڻ آهي ٻئي ڀارت مختلف وقتن ۾ مون سان ملاقات ڪري سگهيا آهن ويڊيو ۾ مختلف موقعن ۽ عنوانن تي ڪيل ڳالهه ٻولهه کي ٽوڙي مروڙي پيش ڪيو ويو پهريان مون کي رشوت جي آڇ ڪئي وئي سهڪار نه ڪرڻ جي صورت ۾ سخت نتيجا ڀوڳڻ جون ڌمڪيون به ڏنيون ويون جيڪڏهن مان دٻاءَ ۾ اچي فيصلو ڪيان ها ته هڪ ڪيس ۾ آزادي ۽ ٻئي ۾ سزا نه ڏيان ها مبينا ويڊيو جي معاملي ۾ ملوث ماڻهن خلاف ڪارروائي ٿيڻ گهرجي آچر تي نواز شريف جي ڌيءَ مريم نواز پاران آندل ويڊيو ۽ آئيڊيو تي وضاحت پيش ڪندي چيو ته مان ارشد ملڪ اسلام آباد ۾ احتساب عدالت ۾ جج طور فرض نڀائي رهيو آهيان هن چيو ته مان گذريل ڏينهن مريم صفدر جي پريس ڪانفرنس ۽ مون سان جوڙيل ويڊيوز ڏٺيون آهن ڇو ته هن پريس ڪانفرنس جي ذريعي مون مٿان سنگين الزام هڻي منهنجي اداري، منهنجي ذات ۽ منهنجي خاندان جي ساک متاثر ڪرڻ جي سازش ٿي رهي آهي تنه نڪري ان ڏس ۾ حقيقتون سامهون آڻڻ چاهيان ٿو هن چيو ته مان راولپنڊي جو رهواسي آهيان جتي مان جج ٿيڻ کان اڳ وڪالت ڪندو رهيو آهيان هن چيو ته ڄاڻايل ويڊيوز ۾ ڏيکاريل ڪردار ناصر بٽ جو تعلق به هن ئي شهر سان ئي آهي ۽ منهنجي ان سان پراڻي ڄاڻ سڃاڻ آهي. هن چيو ته مريم صفدر صاحبه جي پريس ڪانفرنس ۾ ڏيکاريل ويڊيوز نه رڳو حقيقتن جي ابتڙ آهي پر ان ۾ مختلف موقعن ۽ عنوانن تي ڪيل ڳالهه ٻولهه کي ٽوڙي مروڙي پيش ڪرڻ جي ڪوشش ڪئي وئي آهي هن چيو ته مريم صفدر صاحبه جي پريس ڪانفرنس کانپوءِ اهو ضروري آهي ته سچ آڏو آندو وڃي اهو اهو ته نواز شريف صاحب ۽ ان جي خاندان جي خلاف ڪيسن جي ٻڌڻي دوران مون کي انهن جي نمائندن پاران ڪيترائي ڀيرا رشوت جي آڇ ڪئي وئي پر سهڪار نه ڪرڻ جي صورت ۾ سخت نتيجا ڀوڳڻ جون ڌمڪيون به ڏنيون ويون جن کي مان سختي سان رد ڪندي حق تي قائم رهڻ جو پڪو پهه پنهنجي جان ۽ مال کي الله جي حوالي ڪري ڇڏيو هن چيو ته مان انصاف ڪندي ثبوتن جي بنياد تي نواز شريف کي العزيزيه ڪيس ۾ سزا ٻڌائي ۽ فليگ شپ ريفرنس ۾ آزاد ڪيو هن چيو ته مان اهو به واضح ڪيان ٿو ته مون تي سڌو يا اڻ سڌو نه ته ڪو ئي دٻاءُ هو نه ئي ڪا لالچ هئي هن چيو ته مان هي فيصلا خدا کي حاضر ناظر ڄاڻي قانون ۽ ثبوتن جي بنياد تي ڪيا هن چيو ته هي پريس ڪانفرنس رڳو منهنجي فيصلن کي تڪراري بنائڻ ۽ سياسي فائدا حاصل ڪرڻ لاءِ ڪئي وئي آهي ان ۾ ڏيکاريل ويڊيو ڪوڙي آهي پر ان ۾ ملوث ماڻهن خلاف قانوني ڪارروائي ٿيڻ گهرجي.

 

وفاق هن سال به اين ايف سي جي مد ۾ 105 ارب رپيا گهٽ ڏناۡ: مراد علي شاهه

سکر (اين اين آءِ) سنڌ جيو ڏي وزير سيد مراد علي شاهه چيو آهي ته مريم نواز جي پريس ڪانفرنس ۽ ان ۾ ڏيکاريل ويڊيو ٽپس عدالتي معاملو آهي جنهن تي مان نه ڳالهائيندس پر ڇو ته عدليه جو معاملو آهي ته عدليه ان جي مڪمل جاچ ڪندي ۽ ڪرڻ گهرجي ڇو ته ان معاملي تي ڪيترائي سواليه نشان اٿن ٿا ۽ عدليه تي ڪارو ڇٽو نه هجڻ گهرجي اهڙن خيالن جو اظهار هن سکر بئراج تي ايريگيشن کاتي پاران ڏني ويندڙ بريفنگ کانپوءِ ميڊيا سان ڳالهائيندي ڪيو هن چيو ته سنڌ ۾ ٻوڏ جو خطرو ته پنهنجي جڳهه پر هتي ته پاڻي جي کوٽ آهي ۽ آبادگار سخت پريشان آهن ان لاءِ جيڪو پاڻي موجود آهي ان جي منصفاڻي ورڇ جي هدايت ڪري ڇڏي آهي هن چيو ته سنڌ ۾ اڌ کان وڌيڪ وزارتون خالي ٿيڻ جون ڳالهيون بي بنياد آهن مان وڏو وزير آهيان ۽ سموريون وزارتون مون وٽ آهن ۽ منهنجو اهو اختيار آهي ته مان ڪهڙي وزير کي ڪيترا کاتا ڏيان ٿو هڪ، ٻه يا ڏهه ڏيان منهنجو اختيار آهي 18 هين ترميم کانپوءِ اسان 18 وزير لڳائي سگهون ٿا وڏي وزير چيو ته ڄام سيف الله ڌاريجو جي پارٽي ۾ شامل ٿيڻ واري تقريب ۾ پارٽي نائب صدر جي حيثيت سان شرڪت ڪئي جيڪڏهن گهوٽڪي ۾ ٿيندڙ ننڍي چونڊ تي اثر انداز ٿيڻو هجي ها ته ڄام سيف الله جو گهر گهوٽڪي ۾ اتي به تقريب  ڪرايون ها پارٽي جو نائب صدر آهيان، وڏو وزير به آهيان پنهنجو ڪم ته بند نه ٿو ڪري سگهان مداخلت ته اها آهي جو اوهان جو وفاقي وزير لاڏاڻو ڪري ويو تڏهن به اوهان وفاقي ڪابينا جو اجلاس جاري رکيو ۽ تعزيت ڪرڻ به ان وقت آيا جڏهن اتي ننڍي چونڊ جو اعلان ڪيو ويو اها آهي مداخلت ان لاءِ اها ڳالهه مان سڀني جي آڏو چٽي ڪري رهيو آهيان هن وفاق پاران سنڌ جون ٽي اسپتالون صوبي کي واپس ڪرڻ جي فيصلي بابت پڇيل سوال جي جواب ۾ چيو ته اهي ته پهريان ئي اسان وٽ هيون وفاق وٽ ته انهن اسپتالن کي سنڀالڻ جي دل ئي نه هئي ۽ ان ته بجيٽ ۾ انهن ٽنهي اسپتالن لاءِ هڪ رپيو به نه رکيو هو جڏهن ته اسان انهن اسپتالن لاءِ بجيٽ ۾ ساڍا 16 ارب رپيا رکيا آهن جيتوڻيڪ وفاق هن سال به اسان کي اين ايف سي جي مد ۾   105 ارب رپيا گهٽ ڏنا آهن وفاق ته ان حوالي سان ڪا ئي دليري ئي نه ڏيکاري رڳو هڪ نوٽيفڪيشن جاري ڪرڻ جي، سندس چوڻ هو ته ڪمشنر سکر جي بدلي اليڪشن ڪميشن جي ضابطه اخلاق جي ڀڃڪڙي ناهي ضابطه اخلاق رڳو ضلعن لاءِ هوندو آهي جڏهن ته اسان اليڪشن ڪميشن جي درخواست تي سندس بدلي روڪي ڇڏي آهي سندس چوڻ هو ته سنڌ ۾ ماڪڙ تي ڪنٽرول ڪرڻ لاءِ قدم کڻي رهيا آهيون ۽ ان ڏس ۾ 315 ملين رپيا جاري ڪرڻ جي منظوري ڏئي ڇڏي آهي ان حوالي سان وفاق کان به مدد گهري آهي اسان کي هر حال ۾ ٽن مهينن ۾ ماڪڙ تي ڪنٽرول ڪرڻ آهي جنهن لاءِ جهازن جي ضرورت آهي اڳ اسان وٽ 16 جهاز هوندا هئا ته اسان ٻاهر وڃي به مدد ڪندا هياسين سندس چوڻ هو ته مولانا فضل الرحمان پنهنجي ڳالهه تي پڪو آهي ڇو ته اسان خيبرپختونخواهه ۾ سندس حمايت ڪئي هئي ۽ هو اسان جي گهوٽڪي ۾ مدد ڪندو اسان کي اميد آهي ته سندس پارٽي به اسان جي مدد ڪندي.

 

سليڪٽڊ جا آواز جلسا روڪڻ سان بند نه ٿيندا، جج صاحب کي ڌر نه بڻجڻ گهرجي: ترجمان ن ليگ

لاهور ( ويب ڊيسڪ ) مسلم ليگ ن جي ترجمان مريم اورنگزيب چيو آهي ته سليڪٽڊ جا آواز جلسا روڪڻ سان بند نه ٿيندا. هڪ بيان ۾ مسلم ليگ ن جي ترجمان مريم اورنگزيب چيو ته عمران خان صاحب جلسي جي اجازت تنهن ڪري نه ٿو ڏئي جو کيس نواز شريف جي نعرن جي گونج مان ڊڄ ٿئي ٿو. هن چيو ته پارليامينٽ ۽ پي ٽي وي تي حملا ڪندڙ هڪ جلسي جي اجازت نه ڏئي رهيا آهن، عمران خان ملڪ کي 120 ڏينهن بند ڪيا، کيس مريم نواز جي هڪ جلسي مان خوف ڇو آهي؟  سندس چوڻ هو ته عمران خان مريم نواز جو ايترو خوف جو جلسي واري هنڌ پاڻي ڇڏيو ويو آهي،  عمران خان توهان چيو ته توهان موت به برداشت ڪري سگهو ٿا.  مريم اورنگزيب چيو ته عمران خان جلسي جي اجازت تنهن ڪري نه ٿو ڏئي جو کيس نواز شريف جي نعرن جي گونج مان ڊڄي ٿئي ٿو.  هن چيو ته سليڪٽڊ ۽ عليما باجي چور جا آواز جلسا روڪڻ سان بند نه ٿيندا، عمران خان صاحب جلسو ٿيندو انشاءَ الله هي نواز شريف جا شير آهن، عمران خان صاحب ٽي وي هلائي رکجان ۽ شينهن جو سمنڊ ڏسجان. مريم اورنگزيب چيو ته مريم نواز منڊي بهاوالدين ۾ هر صورت ۾ جلسو ڪندي. مسلم ليگ ن جي ترجمان مريم اورنگزيب چيو آهي ته فيصلي وانگر جج جي پريس رليز به دٻاءَ جو نتيجو آهي. هڪ بيان ۾ مريم اورنگزيب چيو ته جج صاحب کي ڌر نه بڻجڻ گهرجي ڇو ته هو پاڻ وڊيو ۾ ملوث آهي. هن چيو ته جج صاحب مظلوم آهي،  بار بار دٻاءُ وجهي هن کان اهي شيون ڪرايون ويون. سندس چوڻ هو ته  نواز شريف جي ماڻهن جج صاحب کي رشوت جي آڇ ڪئي ۽ ڌمڪيون ڏنيون ته ٽرائل ۾ ڇو نه ٻڌايو ويو.  مريم اورنگزيب چيو ته مريم نواز چئي ڇڏيو آهي ته وڊيو جهڙي فورم تي کڻي وڃڻي آهي ڀلي کنئي وڃي.

 

 

 

اين رينڊ 60 سال اڳ جيڪو لکيو هو اڄوڪيون حالتون اهڙيون ئي آهن: عمران خان

اسلام آباد(ويب ڊيسڪ) وزير اعظم عمران خان پاڪستان جي موجوده صورتحال تي روس ڄائي آمريڪا جي ناليواري مصنف اين رينڊ جو لکيل حوالو ڏيندي چيو ته اين رينڊ 60 سال اڳ جيڪو لکيو اُهو اڄ جي حالتن تي پورو لٿو آهي. وزير اعظم عمران خان سماجي رابطن واري ويب سائيٽ ٽوئيٽر تي پنهنجي ٽوئيٽ ۾ اين رينڊ جو لکيل حوالو ڏنو جيڪو هن 60 سال اڳ لکيو هو. عمران خان اين رينڊ جو لکيل ٽوئيٽ ڪيو جنهن ۾ سندس چوڻ هو ته جڏهن ڪا شئي بڻائڻ جي لاءِ انهن ماڻهن کان اجازت وٺڻي پئي جيڪا پاڻ ڪنهن به نه ٺاهيندا هجن، جڏهن پيسا انهن وٽ وڃي رهيا هجن جيڪي چڱائي جي لاءِ نه پر مفادن جي لاءِ ڪم ڪندا هجن، جڏهن قانون به توهان جي خلاف انهن کي تحفظ ڏيندو هجي، جڏهن بدعنواني کي ايوارڊ ۽ ديانتداري ذات جي قرباني هجي. وزير اعظم لکيو ته پاڪستان تحريڪ انصاف کي به اهڙي ئي وقت ۾ حڪومت ڀڄ ڊڪ سنڀالڻي پئي. هن وڌيڪ لکيو ته اين رينڊ 60 سال اڳ جيڪو لکيو هو اڄوڪيون حالتون اهڙيون ئي آهن.

 

پيمرا جو مريم نواز جي پريس ڪانفرنس تي نوٽيس، لائيو نشر ڪندڙ ٽي وي چينلن کي نوٽيس جاري

ملتان/اسلام آباد(ويب ڊيسڪ) پاڪستان ميڊيا ريگوليٽري اٿارٽي جي ترجمان چيو آهي ته مريم نواز عدليه ۽ رياستي ادارن جي خلاف پريس ڪانفرنس ڪئي جنهن کي نشر ڪرڻ قانون جي ڀڃڪڙي آهي. تفصيل موجب پيمرا مريم نواز جي پريس ڪانفرنس جو نوٽيس وٺندي ان کي لائيو ڪندڙ ٽي وي چينلن کي نوٽيس جاري ڪري ڇڏيا آهن جنهن ۾ چيو ويو آهي ته مريم نواز جي عدليه، رياستي ادارن جي خلاف پريس ڪانفرنس لائيو ڏيکاري وئي. پيمرا طرفان جاري ٿيل نوٽيس ۾ چيو ويو آهي ته اهڙي پريس ڪانفرنس کي ٽي وي تي نشر ڪرڻ پيمرا قانون جي ڀڃڪڙي آهي.  ٻئي طرف پرڏيهي وزير شاهه محمود قريشي چيو آهي ته مريم نواز کي منڊي بهاو الدين ۾ جلسي کان ناهي روڪيو ويو. تفصيل موجب ملتان ۾ پرڏيهي وزير شاهه محمود قريشي ميڊيا سان ڳالهائيندي چيو ته مريم نواز کي منڊي بهاو الدين ۾ جلسي کان ناهي روڪيو ويو، کيس سيڪرورٽي سبب تي جلسي جي جاءِ تبديل ڪرڻ جو چيو ويو. شاهه محمود قريشي جو چوڻ هو ته جنهن ويڊيو جو ذڪر ٿي رهيو آهي جج صاحب ان جي نفي ڪري ڇڏي آهي، پر ويڊيو جي فرانزڪ ٿي ويندي ته کير جو کير ۽ پاڻي جو پاڻي ٿي ويندو.

 

واپاري برادري جي خدشن کي ختم ڪنداسين پر جنهن کي واپار ڪرڻو آهي ان کي ٽيڪس ته ڏيڻو ئي پوندو: ايف بي آر چيئرمين

لاهور(ويب ڊيسڪ) ايف بي آر جي چيئرمين چيو آهي ته ٽيڪسز جي حوالي سان واپاري برادري جي خدشن کي ختم ڪنداسين پر جنهن کي واپار ڪرڻو آهي ان کي ٽيڪس ته ڏيڻو ئي پوندو. فيڊرل بورڊ آف روينيو جي چيئرمين شبر زيدي چيو آهي ته گيهه جي قيمت به وڌندي، کنڊ ۽ سيمنٽ جي ڊيلرن تي لاڳو ٽرن اوور ٽيڪس 1.5 سيڪڙو کان گهٽ ڪري 0.25 سيڪڙو ڪري ڇڏيو آهي، افغان ٽرانزٽ ٽريڊ جي غلط استعمال، اسمگلنگ ۽ انڊر انوائسنگ جو مسئلو حل ڪرڻ کان سواءِ صنعت نٿي هلي سگهي. ايف جي آر جي چيئرمي چيو ته ٽيڪسز جي حوالي سان واپاري برادري جا خدشا ختم ڪنداسين جنهن کي واپار ڪرڻو آهي ان کي ٽيڪس ته ڏيڻو ئي پوندو. هن چيو ته ريٽيلرز جي لاءِ 3 حصن تي ٻڌل ٽيڪس جو نئون نظام جوڙيو ويو آهي. شبر زيدي چيو ته ايف بي آر ننڍي ۽ وچولي درجي جي اسٽيل ميلٽرز جي لاءِ الڳ قانون سازي تي غور ڪندو. سندس وڌيڪ چوڻ هو ته 3.41 لک بجلي جا صارف آهن جنهن مان 44 هزار رجسٽرڊ آهن ۽ 19 هزار سيلز ٽيڪس ۾ رجسٽرڊ آهن.

 

چوندا هئا ته اچو مان ڪنٽينر ڏيندس، مان جو نڪتي آهيان ته ڊڄن ڇو پيا: مريم نواز

لاهور(ويب ڊيسڪ) مسلم  ليگ ن جي نائب صدر مريم نواز چيو آهي ته جج صاحب ويڊيو کان انڪار نه ڪرڻ جي تصديق ڪري ڇڏي.مسلم ليگ ن جي نائب صدر مريم نواز سماجي رابطن واري ويب سائيٽ ٽوئيٽر تي فاضل جج صاحب کي مخاطب ڪندي چيو ته آئون سمجهي چڪي آهيان ته اڄ به توهان فيصلي جيان تيار ٿيل پريس ريليز تي توهان مجبوري ۾ صحيح ڪئي هوندي، توهان جي وڏي مهرباني جو توهان ويڊيو کان انڪار نه ڪرڻ جي تصديق ڪري ڇڏي. پنهنجي هڪ ٻئي ٽوئيٽ ۾ شاعراڻي انداز ۾ مريم چيو ته خيرات واري ڪرسي تي مرو ڇو ٿا؟ عمل نٿا ڪري سگهو ته ڳالهيون ڪيو ڇو ٿا؟ چوندا هئا ته اچو آئون ڪنٽينر ڏيندس، آئون جو نڪتي آهيان ته ڊڄو ڇو ٿا؟. هڪ ٻئي ٽوئيٽ ۾ مريم نواز چيو ته خوف نه انسان کي سک سان حڪومت ڪرڻ ڏيندو آهي نه ئي سک سان جيئڻ ڏيندو آهي. مريم نواز چيو آهي ته حڪمران چوندا هئا ته اسان احتجاج لاءِ ڪنٽينر ڏينداسين پر هاڻي مان نڪتي آهيان ته ڊڄي ڇو رهيا آهن.  مريم نواز چيو ته پن سن واري ڪرسي تي مري ڇو رهيا آهيو، عمل ناهي ته ڪوڙيون ڳالهيون ڇو ڪري رهيا آهيو؟ هن چيو ته چوندا هئا ته اچو مان ڪنٽينر ڏيندس، مان جو نڪتي آهيان ته ڊڄي ڇو رهيا آهيو. مريم نواز چيو ته خوف انسان کي نه سک سان جيئڻ ڏيندو آهي ۽ نه وري سک سان حڪومت ڪرڻ ڏيندو آهي.

 

جسٽس ارشد ملڪ جي سامهون آيل ويڊيو تي هڪ جوڊيشل ڪميشن ٺاهيو وڃي ۽ قوم کي حقيقتن کان آگاهه ڪيو وڃي: سراج الحق

لاهور (اين اين آءِ) امير جماعت اسلامي پاڪستان سينيٽر سراج الحق چيف جسٽس آف پاڪستان کان مطالبو ڪيو آهي ته جسٽس ارشد ملڪ جي سامهون ايندڙ ويڊيو تي هڪ جڊيشل ڪميشن ٺاهيو وڃي ۽ قوم کي حقيقتن کان ڄاڻ ڏني وڃي آزاد عدليه رياست جو هڪ ٿنڀ آهي عوام غربت ۽ مهانگائي ته برداشت ڪري سگهي ٿو ۽ نانصافي ۽ عدليه جي ناڪامي برداشت نه ٿو ڪري سگهي. هي ويڊيو سڄي عدالتي نظام تي سواليه نشان آهي حڪومتي رياستي ادارن کي تڪراري بڻائي رهي آهي حڪمران بنا سوچڻ ۽ سمجهڻ جي ڳالهائين ٿا ۽ پوءِ يوٽرن وٺن ٿا ۽ آخرڪار ادارن جي پويان لڪي وڃن ٿا وڏين وڏين دعوائن ۽ واعدن سان آيل حڪومت هڪ سال ۾ مڪمل طور تي ناڪام ٿي وئي آهي ۽ هاڻي عوام به هن حڪومت مان مايوس ٿي چڪو آهي هڪ سال ۾ اهو فيصلو نه ٿي سگهيو ته موجوده حڪومت سليڪٽيڊ آهي يا اليڪٽيڊ سچ ته اهو آهي ته روزانو ٽيڪسن مٿان ٽيڪس هنيا پيا وڃن. اهڙن خيالن جو اظهار هن مرڪزي شورا جي ٽن ڏينهن واري اجلاس کانپوءِ منصوره ۾ پريس ڪانفرنس کي خطاب ڪندي ڪيو.

 

 

احتساب عدالت جي جج  ارشد ملڪ جي وڊيو تڪرار تي سپريم ڪورٽ نوٽيس وٺي: نيئر بخاري جو مطالبو

اسلام آباد ( ويب ڊيسڪ ) پ پ احتساب عدالت جي جج  ارشد ملڪ جي وڊيو تڪرار تي سپريم ڪورٽ کان نوٽيس وٺڻ جو مطالبو ڪيو آهي. هڪ بيان ۾ پ پ جي جنرل سيڪريٽري نيئر بخاري چيو ته عدليه جي ساک تي سوال اٿارڻ افسوس جوڳو عمل آهي، سپريم ڪورٽ احتساب عدالت جي جج جي وڊيو ليڪ ٿيڻ تي کليل ٻڌڻي ڪري. هن چيو ته پ پ ماضي جون حقيقتون سامهون آڻڻ جو مطالبو ڪري ٿي ۽ شهيد ذوالفقار علي ڀٽو جو روح ڪيترن ئي سالن کان انصاف جو منتظر آهي. سندس چوڻ هو ته  جسٽس نسيم حسين شاهه جو اعتراف رڪارڊ تي موجود آهي، جسٽس رٽائرڊ عبدالقيوم جي ڳالهه ٻولهه به ظاهر ٿي چڪي آهي،  جڏهن ته نيب چيئرمين جاويد اقبال هڪ طرفي احتساب سبب تڪراري ٿي چڪو آهي.  هن چيو ته آزاد عدليه جو تصور يقيني بڻائڻ لاءِ سپريم ڪورٽ پنهنجو ڪردار ادا ڪري. پ پ اڳواڻ نفيسا شاهه چيو ته احتساب عدالت جي جج بابت مريم نواز جو انڪشاف ثبوت آهي، نيب کانپوءِ احتساب عدالتن جي ساک سواليه نشان بڻجي چڪي آهي. هن چيو ته سليڪٽڊ وزيراعظم عمران خان حوصلو ڪري اڃا ته پارٽي شروع ٿي آهي.