تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: July 4, 2019

جيڪو وڻين ڪن، ملڪ کي قرضي ڪندڙن کان جواب وٺندس: عمران خان

راولپنڊي (ويب ڊيسڪ) وزيراعظم عمران خان چيو آهي ته ڪنهن به بادشاهه کان سفارش ڪرايو، جنهن وٽ مرضي وڃو، جنهن جا به پير دٻايو پر اين آر او نه ڏيندس. راولپنڊي ۾ سر سيد ايڪسپريس جي افتتاحي تقريب کي خطاب ڪندي عمران خان ريلوي واري وزير شيخ رشيد ۽ سندس وزارت کي مبارڪ ڏيندي چيو ته جنهن جنون سان توهان پاڪستان ريلوي کي بهتر ڪرڻ جي ڪوشش ڪري رهيا آهيو سڄو پاڪستان توهان کي دعا ڏيندو. هن چيو ته عام ماڻهو لاءِ سڀ کان آسان سفر جو طريقو ريلوي آهي، جيڪو سستو به آهي، سڀني مهذب معاشرن ۾ ريلوي تي خاص ڌيان ڏنو ويندو آهي، جن ماڻهن وٽ گاڏيون ناهن، جيڪي ماڻهو ڊگهو سفر نٿا ڪري سگهن، انهن لاءِ ريلوي جو سفر بهترين آهي ۽ مون کي هر نئين ٽرين جي شروعات تي خوشي ٿيندي آهي. سندس چوڻ هو ته ريلوي جو 36 ارب رپين جو خسارو هو، جنهن کي گهٽ ڪري 32 ارب تائين آندو ويو آهي، ان جو مطلب آهي ته ڪير به ايمانداري سان ڪم ڪري ته بهتري اچي ويندي، ملڪ جو هڪ هڪ ادارو رڪارڊ خساري ۾ هلي رهيو هو، پي آءِ اي، ريلوي، بجلي ۽ گئس ڪهڙو سبب هو جو ائين ٿيو، شيخ رشيد واضح ڪيو ته ان پويان ڪرپشن هئي. وزيراعظم چيو ته ملڪ ۾ وسيلن جي کوٽ ناهي، ڪرپشن سبب غربت ايندي آهي، ڀارت ۾ ريلوي ۾ اربين رپيا نعفو ٿيندو آهي، جڏهن ته هتي خساري ۾ هلندو آهي، اتي به ڪرپشن هئي ته خسارو هو، اسان جو ملڪ اڄ ڏکئي وقت ۾ آهي، ڇو ته 10 ورهين ۾ ٻن حڪومتون 6 سئو ارب رپين کان قرض 3 هزار ارب رپين تائين کڻي ويون، شريف ۽ زرداري خاندان، انهن جي ٻارن جا ٻار ارب پتي بڻجي ويا آهن. عمران خان چيو اهي گوڙ ڪن ٿا ته انتقامي ڪارروائيون ٿي رهيون آهن، انتقامي ڪارروائي منهنجي خلاف ٿي، مان جڏهن پاناما جي ڳالهه ڪئي ته مون تي سپريم ڪورٽ ۾ 2 ڪيس ڪيا ويا، 32 ايف آءِ آرز ڪاٽيون ويون ۽ 6 ڪيس اليڪشن ڪميشن ۾ ڪيا ويا،  ڇو ته چئي رهيو هيس جواب ڏنو. هن چيو ته انهن تي مان ڪي به ڪيس ناهن ڪيا، اهي ڪيس پراڻا آهن، جڏهن مون تي ڪيس هئا ته مان جواب ڏنو ۽ ثابت ٿيو ته مان صادق ۽ امين آهيان، اهي ڀلي جيترو به گوڙ ڪن، مان قوم سان واعدو ڪيو هو ته انهن کان جواب وٺندس، جيڪو وڻيو ڪيو اين آر او جي ڇوٽ نه ڏيندس، جنهن به بادشاهه کان سفارش ڪرايو، جنهن جا به پير دٻايو مان جواب گهرندس، مان ان لاءِ جواب گهري رهيو آهيان ڇو ته مون کي خبر آهي اڄ منهنجي قوم ڏکيائين کي منهن ڏئي رهي آهي. سندس چوڻ هو ته نئون پاڪستان ٺهڻ شروع ٿي ويو آهي، ڪڏهن ته وڏن ڦورن ۾ ڪنهن هٿ نه وڌو، ڪڏهن اهڙن ماڻهن جو احتساب نه ٿيو، جيلن ۾ رڳو غريب ماڻهو نظر آيندا آهن، هڪ شخص جو سپريم ڪورٽ ۾ ڪيس هو ته هو رمضان ۾ عوام اڳيان کاڌو کائي رهيو هو، هو 6 سال جيل ۾ رهيو ۽ جيل ۾ ئي مري ويو. عمران خان چيو ته جيڪي ماڻهو اربين رپين جي چوري ڪري ملڪ مان پئسو ٻاهر کڻي ويا چون ٿا ته ٻاهران کاڌو اچڻ گهرجي، وي آءِ پي جيل هجڻ گهرجي، اي سي هجڻ گهرجي، هتي ته 80 سيڪڙو ماڻهن وٽ اي سي ناهي پر جيل ۾ اي سي ۽ ٽي وي به گهرجي، جيڪڏهن شريف ۽ زرداري خاندان چوري ڪيل اڌ رقم به واپس ڪري رپيو مٿي ۽ ڊالر هيٺ اچي ويندو. وزيراعظم چيو پيغام ڏنو پيو وڃي ته چوري ڪرڻي آ ته وڏي چوري ڪيو، رڳو ننڍا چور ڀوڳي رهيا آهن پر جيل ۾ وڏي ۽ ننڍي چور سان هڪ جهڙو ورتاءُ ڪيو ويندو، اسان کي عام ماڻهو جي زندگي بهتر ڪرڻي آهي، عام ماڻهو پيڙهجندو رهيو آهي، تعليم به رڳو امير طبقي لاءِ آهي، ملڪ جو ڏيوالو غريبن نه پر انهن ڪجهه ماڻهن ڪيو جيڪي اڄ ڀڄي رهيا آهن ۽ چئي رهيا آهن ته انتقامي ڪارروائي ڪئي پئي وڃي.

 

عمران خان ۾ “فاشسٽ” آهي، ان ۾ “هٽلر” جا سڀ جراثيم موجود آهن: شهبا شريف

لاهور(ويب ڊيسڪ) پاڪستان مسلم ليگ ن جي صدر ۽ قومي اسيمبلي ۾ مخالف ڌر اڳواڻ شهباز شريف جو چوڻ آهي ته راڻا ثناءُ الله کي ڪجهه ٿيو ته عمران خان ۽ ان جي حڪومت ذميوار هوندي. لاهور ۾ راڻا ثناءُ الله جي وارثن سان گڏ پريس ڪانفرنس ڪندي شهباز شريف چيو ته اِها وقت جي ضرورت آهي ته اسان راڻا ثناءُ الله جي خاندان جو ساٿ ڏيو ۽ انهن کي ان ڳالهه جو احساس نه ٿيڻ ڏيو ته پنجاب پي ايم ايل اين لاهور چيپٽر جو صدر جيل ۾ ويو ته هو اڪيلو ناهي، ائين ناهي مسلم ليگ ن جي سڄي قيادت هن سان گڏ آهي. شهباز شريف چيو ته عمران خان بدترين سوچ ۽ سازشن کي منهن ڏئي چڪو آهي، سڄي قوم ڏسي رهي آهي ته  هي بي بنياد ڪيس آهي. مسلم ليگ ن جي صدر چيو ته ان کان پهرين نيب پوري ڪوشش جي باوجود ڪرپشن ۽ ڪڪ بڪيس جو ڪيس نه بڻائي سگهيو ۽ راڻا صاحب چيو هو ته عمران خان هن وقت پنجاب ۾ ڊي جي ڪرپشن جيڪو هان نيب جو ڊپٽي چيئرمين آهي اُن کي سخت هدايت ڪئي هئي ته راڻا ثناءُ الله جي خلاف بدعنواني جو ڪيس گهرجي. هن چيو ته عمران خان ان ۾ ناڪام ٿي ويو ته هن پاڻ مخبر بڻجي 15 ڪلو هيروئن جو ڪيس بڻايو آهي ۽ سڄي قوم ان تي حيران ۽ پريشان آهي. شهباز شريف چيو ته جڏهن کان راڻا ثناءُ الله کي جوڊيشل ريمانڊ تي موڪليو ويو آهي، اسان کي سندس گهرواري ۽ ٻين ذريعن کان اطلاع مليا آهن ته هن کي پيئڻ جي لاءِ پاڻي ۽ ماني نه پئي ڏني وڃي، اڄ سندس گهرواري ماني کڻي ڪلاڪن جا ڪلاڪ بيٺي رهي، پر راڻا ثناءُ الله کي ماني، پاڻي ۽ دوائون پهچائڻ جي اجازت نه ڏني وئي. سندس چوڻ هو ته نئين پاڪستان ۾ عمران خان جو مديني واري رياست جو تصور آهي جتي جيل ۾ ماني ۽ پاڻي به نه پيو ڏنو وڃي. مسلم ليگ ن جي صدر چيو ته راڻا ثناءُ الله جي دل جي سرجري ٿي آهي ۽ مون کي اڄ هن جي گهرواري ٻڌايو ته سندس کاٻي اک ۾ ڪجهه مهينا پهرين انفيڪشن ٿيڻ جي ڪري سندس بينائي متاثر ٿي آهي ۽ هو ان جي دوا کائيندو هو، ان کان سواءِ هن جي چيلهه ۾ به سور آهي ۽ راڻا ثناءُ الله ڪڏهن اسان به ذڪر ناهي ڪيو. شهباز شريف چيو ته عمران خان توهان فاشسٽ آهيو، توهان ۾ هٽلر جا جراثيم آهن پر جيڪڏهن توهان قيدي سان جيڪو هڪ قومي اسيمبلي جو ميمبر آهي، ان جي حياتي ۽ بيماري سان کيڏندا ته نه دنيا معاف ڪندي ۽ نه خدا. هن وڌيڪ چيو ته آئون مطالبو ٿو ڪيان ته راڻا ثناءُ الله کي دوائون، ماني ۽ پاڻي حوالي ڪيو وڃي ۽ زندگي جون ضرورتون ڏنيون وڃن.

 

ايل او سي ڀرسان ڌماڪو، پاڪ فوج جا 5 جوان شهيد، هڪ زخمي

مظفر آباد (ويب ڊيسڪ) آزاد ڪشمير ۾ ڌماڪيدار مواد ڦاٽڻ سان پاڪ فوج جا 5 جوان شهيد ٿي ويا. آءِ ايس پي آر موجب ڌماڪيدار مادو ڦاٽڻ جو واقعو ايل او سي کان ڪجهه ميٽر پري جهمب سيڪٽر ۾ برنالا جي علائقي ۾ پيش آيو. آءِ ايس پي آر جو چوڻ آهي ته واقعي ۾ هڪ فوجي جوان زخمي به ٿيو آهي. ڌماڪي ۾ شهيد ٿيندڙن جي سڃاڻپ صوبيدار محمد صادق، سپاهي محمد طيب، سپاهي زوهيب، سپاهي غلام قاسم ۽ نائيڪ شير زمان جا نالن سان ٿي آهي. آءِ ايس پي آر موجب ڌماڪي جي نوعيت جو پتو لڳايو پيو وڃي، ڀارت ٻه طرفي سيز فائر معاهدي ۽ عالمي قاعدن جي ڀڃڪڙي ڪري رهيو آهي، واقعو ڀارت طرفان رياستي حمايت يافته دهشتگردي جو ثبوت آهي.

 

آڪٽوبر 2018ع کان مئي 2019ع تائين 106 ارب گڏ ڪيا: پاور دويزن جي دعويٰ

اسلام آباد(ويب ڊيسڪ) پاور ڊويزن بجلي چوري جي خلاف مهم، ريڪوري، هدف، بل ادا نه ڪندڙن کان وصولين ۽ ٻين بندوبستن جي جي ڪري آڪٽوبر 2018ع کان مئي 2019ع (8 مهينن) ۾ گذريل سال يعنيٰ آڪٽوبر 2017ع کان مئي 2018ع جي ڀيٽ ۾ 106 ارب رپين جو واڌو روينيو حاصل ڪري ورتو. پاور ڊويزن ۾ هڪ اعليٰ سطح اجلاس ۾ سيڪريٽري پاور ڊويزن جي صدارت هيٺ اجلاس ٿيو جنهن ۾ بجلي جي ورڇ وارين ڪمپنين جي ڪارڪردگي جو جائزو ورتو ويو، اجلاس ۾ سمورن چيف ايگزيڪٽو آفيسرن ۽ پاور ڊويزن جي اعليٰ عهديدارن شرڪت ڪئي. اجلاس کي ٻڌايو ويو ته انهن 8 مهينن ۾ چوري جي خلاف ڀرپور مهم جي ڪري مثبت نتيجا سامهون آيا. ان حوالي سان ٻڌايو ويو ته 106 ارب واڌو روينيو ۾ 74.37 ارب رڳو چوڌري، ڪرپشن ۽ بل ادا نه ڪندڙن يج خلاف مهم جي ڪري گڏ ڪيا ويا. اجلاس کي ٻڌايو ويو ته 8 مهينن ۾ ڪل 705 ارب رپين جو روينيو گڏ ڪيو ويو جڏهن ته گذريل سال جي 8 مهينن ۾ 598 ارب رپيا هئا. ان کان سواءِ رسائڻ ۽ ورڇ واري نظام ۾ به بهتري جي لاءِ عملي بندوبست ڪيا ويا. پاور ڊويزن جي اجلاس ۾ ٻڌايو ويو ته بجلي ورهائيندڙ ڪمپنين جي ٽرانسميشن ۽ ڊسٽري بيوشن لاسز ( لائن لاسز) ۾ 0.86 سيڪڙو گهٽتائي ٿي جيڪا 15.96 سيڪڙو تي اچي وئي جڏهن ته گذريل سال يعنيٰ آڪٽوبر 2017ع کان مئي 2018ع ۾ لائن لاسز 16.82 سيڪڙو رڪارڊ ڪيو ويو هو. اجلاس دوران سيڪريٽري پاور ڊويزن گذريل ٽن مهين دوران مختلف بجلي ورهائڻ وارين ڪمپنين ۾ ٿيل ڊيوٽي دوران سر وڃائيندڙ حادثن تي سخت خدشن جو اظهار ڪيو. هن سمورين بجلي ورهائيندڙ ڪمپنين جي اهلڪارن جي حفاظت کي يقيني بڻائڻ جي لاءِ جديد اوزارن ۽ تربيت جون هدايتون جاري ڪيون. اجلاس ۾ سمورين بجلي ورهائيندڙ ڪمپنين کي ان ضمن ۾ پنهنجي مانيٽرنگ ۽ اهلڪارن جي ذميواري وڌيڪ مضبوط بڻائڻ جي هدايت به جاري ڪئي وئي. ان ضمن ۾ ٻڌايو ويو ته اجلاس ۾ پيپڪو جي سطح تي هڪ مانيٽرنگ، تربيت ۽ جائزي جي لاءِ اعليٰ سطح ڪميٽي بڻائڻ جي به هدايت جاري ڪئي وئي جيڪا اهلڪارن جي بچاءَ بابت خاص قدم کڻندي. سيڪريٽري پاور ڊويزن اجلاس دوران ان امر جو ذڪر ڪيو ته ڪنهن به صورت ۾ اهلڪارن جي سر جي حفاظت تي سمجهوتو نه ڪيو ويندو. اجلاس کي جاري بل ادا نه ڪندڙن جي خلاف مهم جي باري ۾ به آگاهه ڪيو ويو. اجلاس ۾ اِهو فيصلو به ڪيو ويو ته جن صارفن جون رهتون هڪ سال کان وڌيڪ پراڻيون آهن انهن جي بجلي بنا امتياز ڪاٽي وڃي.

 

راڻا ثناءُ الله خلاف سياسي انتقامي ڪارروائي جو بيان رد ، ڪٿي به سنسرشپ نٿا لڳائڻ چاهيون: فردوس عاشق

اسلام آباد/لاهور(ويب ڊيسڪ) مددگار سڌُ سماءَ ۽ نشريات بابت خاص مددگار فردوس عاشق اعواڻ ميڊيا سان ڳالهائيندي چيو ته راڻا ثناءُ الله عدالت ۾ بي گناهي ثابت ڪري، اي اين ايف به عدالت ۾ سمورا ثبوت آندا، معاشري ۾ زهر ڦهلائيندڙن جي اصليت سامهون اچڻ گهرجي. فردوس عاشق اعواڻ چيو ته طاقتور کي اختيار آهي ته هو وڏو ڪارنامو سرانجام ڏئي، وڏو شخص وڏو ڪم پنهنجي گاڏي ۾ ئي ڪري سگهي ٿو، نشو پهچائيندڙ سهولتڪارن کي به پڪڙڻو آهي، اڌ آبادي منشيات جو شڪار ٿي چڪي آهي، جيڪو ملڪ ۾ جنگ وڙهي ٿو ان جي حوصلا افزائي ڪرڻ گهرجي. هن چيو ته راڻا ثناءُ الله کي جن پڪڙيو انهن ملڪ جي عوام سان وفاداري نڀائي، ماضي ۾ پنجاب کي سياسي مخالفن کي چيڀاٽڻ جو ذريعو بڻايو ويو، ڪنهن کي ناهي خبر ته پابندي مڙهيل تنظيمن سان هن جا ڪيئن لاڳاپا هئا، ڪنهن کي خبر ناهي ته ماڊل ٽائون ڪيس ۾ هن جو ڪردار ڪهڙو هو. سڌُ سماءَ ۽ نشريات بابت خاص مددگار چيو ته راڻا ثناءُ الله کي پڪڙيندڙ آفيسر تعريف جي قابل آهن، آفيسرن مافيا سان ٽڪر ورتو آهي انهن سان گڏ رهڻ جي ضرورت آهي. فردوس عاشق اعواڻ چيو ته ايف بي آر کي آزاد ڪيو آهي ته بنا نالي ملڪيتون سامهون اچڻ شروع ٿي ويون آهن، ايف بي آر زرداري خاندان جي بنا نالي ملڪيت ضبط ڪئي آهي. هن چيو ته ن ليگ جي اڳواڻ چوڌري تنوير جي به 6 هزار ڪينال ايراضي ضبط ڪئي آهي، هر شخص کي ٽيڪس نيٽ جو حصو بڻجڻو پوندو.

فردوس عاشق اعواڻ چيو آهي ته  ڪٿي سنسرشپ نٿا لڳائڻ چاهيون، ذميوار ميڊيا چاهيون ٿا. سوشل ميڊيا کي مانيٽر ڪرڻ جو ڪو نظام ناهي. تفصيل موجب سينيٽ جي سينيٽ جي سڌُ سماءَ ۽ نشريات بابت اسٽيڊنگ ڪميٽي جو اجلاس ڪميٽي چيئرمين فيصل جاويد جي صدارت هيٺ ٿيو، اجلاس ۾ سياسي قيادت جي ڪردار ڪشي جو معاملو بحث هيٺ آيو. سڌُ سماءَ ۽ نشريات بابت خاص مددگار فردوس عاشق اعواڻ جو چوڻ هو ته فيڪ نيوز، ڪنهن کي نشانو بڻائڻ يا ٽمپرنگ تي ڳڻتي آهي، ڪٿي سنسرشپ نٿا لڳائڻ چاهيون، ذميوار ميڊيا چاهيون ٿا. خاص مددگار چيو ته اڄوڪي حالتن ۾ پيمرا ۾ به بهتري آڻڻ جي ضرورت آهي، سوشل ميڊيا کي مانيٽر ڪرڻ جو ڪو نظام ناهي. پاڪستان ٽيلي ڪميونيڪيشن اٿارٽي (پي ٽي اي) کي ڪوڙين خبرن تي حڪمت عملي تيار ڪرڻ جو چيو هو. سوشل ميڊيا تي اِن گائيڊڊ ميزائل هلي رهيا هوندا آهن. سينيٽر رحمان ملڪ چيو ته ڪوڙين خبرن جي ڪري ڪردارڪشي ٿيندي آهي، رڳو پنهنجي نه پر سمورين پارٽين جي ڳالهه ڪري رهيو آهيان. فردوس عاشق اعواڻ ڪميٽي کي بريفنگ ڏيندي ٻڌايو ته پي ٽي وي جي ملازمن جي پينشنز 2016ع کان رڪيل هئي، ملازمن کي ڏيڻ جي لاءِ پگهارون ناهن پينشن ڪٿان ڏيون. پي ٽي وي جي گيٽ تي ملازمن تي احتجاج ڏسي افسوس ٿيندو آهي. هن ٻڌايو ته هڪ سال جي پينشن جاري ڪري اڳتي جي منصوبابندي ڪئي آهي، پينشنرر کي ادائيگين جي لاءِ 70 ڪروڙ رپيا جاري ڪيا آهن. سندس وڌيڪ چوڻ هو ته سوشل ميڊيا تي ڪردار ڪشي تي مانيٽرنگ پيمرا نه پر آءِ ٽي جو ڪم آهي. سوشل ميڊيا تي ناڪاري خبرون ۽ پروپيگنڊه روڪڻ جا بندوبست ضروري آهن.

ٻئي طرف وزيراعظم جي سڌ سماءَ بابت خاص مددگار فردوس عاشق اعواڻ چيو آهي ته شهباز شريف کي پي اي سي جي سربراهي تي فارغ ڪيو ويو، گلو بٽ جي سرپرستن جي واتان رياستي دهشتگردي جي ڳالهه سنگين مذاق آهي، عوام تي گوليون وسائيندڙ الله جي پڪڙ ۾ اچي رهيا آهن. ٽويٽر تي بيان جاري ڪندي فردوس عاشق اعواڻ چيو ته ماڊل ٽائون ۾ هٿين خالي ماڻهن تي گوليون هلايون ويون،  ماڊل ٽائون معصوم شهيدن جي سڏڪن، لڙڪن آسمان کي لوڏي ڇڏيو، عوام تي گوليون وسائيندڙ الله جي پڪڙ ۾ اچي رهيا آهن. هن چيو ته شهباز شريف کي پي اي سي جي سربراهي تان فارغ ڪيو ويو،  نئين پارلياماني ليڊر جي چونڊ ڪئي وئي، اهڙو قدم شهباز شريف جي پارٽي جو سندس دماغي چيمبر تي بي اعتمادي آهي،  سلمان ۽ ناٺي جي واپس اچي جواب ڏيڻ تائين توهان جي چيمبر تي بار رهندو. فردوس عاشق اعواڻ چيو ته شهباز صاحب پبلڪ اڪائونٽس ڪميٽي جي سربراهي تان فراغت ۽ نئين پارلياماني ليڊر جي مقرري توهان جي پارٽي جو توهان جي دماغي چيمبر تي عدم اعتماد آهي، اسان کي اندازو آهي ته جيستائين سلمان شهباز ۽ نياڻو عمران واپس اچي ٽڪي ۽ چمڙي جو جواب نه ٿا ڏين توهان جي چيمبر تي بار رهندو.

 

 

پاڪستان امن ۽ ترقي جي هاڪاري رستي ڏانهن وڌي رهيو آهي: آرمي چيف

راولپنڊي (ويب ڊيسڪ) آرمي چيف جنرل قمر جاويد باجوا چيو آهي ته پاڪستان امن ۽ ترقي جي هاڪاري رستي ڏانهن وڌي رهيو آهي. آءِ ايس پي آر موجب آرمي چيف جنرل قمر جاويد باجوا جي صدارت هيٺ ڪور ڪمانڊرز ڪانفرنس جي ايڇ ڪيو راولپنڊي ۾ ٿي، جنهن ۾ جيو اسٽريٽيجڪ ۽ ڀارت، افغانستان، ايران سميت علائقائي سيڪيورٽي صورتحال جو جائزو ورتو ويو، ان کانسواءِ ڪانفرنس ۾ قومي سلامتي جي صورتحال تي به غور ويچار ڪيو ويو. آءِ ايس پي آر جو چوڻ هو ته آرمي چيف ڪور ڪمانڊرز ڪانفرنس ۾ قومي معيشت کي مضبوط ۽ بهتر بڻائڻ جي ڏکين پر انتهائي ضروري حڪومتي قدمن بابت آگاهه ڪيو. پاڪ فوج جي سربراهه چيو ته پاڪستان امن ۽ ترقي جي هاڪاري رستي ڏانهن وڌي رهيو آهي، ملڪ پائيدار امن ۽ خوشحالي جي هاڪاري رستي تي اڳتي وڌندو رهندو.

 

سنڌ حڪومت ۾ تبديلي پي ٽي آءِ قيادت لاءِ ڀوائتو خواب ثابت ٿيو ، ھاڻ جادوئي ٽوٽڪن تي لهي آيا آهن: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاھھ چيو آھي تھ سنڌ جي صوبائي حڪومت ۾ تبديلي پي ٽي آءِ جي قيادت لاءِ ھڪ ڀوائتو خواب ثابت ٿيو آھي، ھاڻ اھي جادوئي ٽوٽڪا استعمال ڪرڻ جي ڪوشش ڪري رھيا آھن پر انھن جا اھي جادوئي ٽوٽڪا سنڌ ۾ ڪم نھ ٿا ڪري سگھن. ھن اھا ڳالھھ اڄ ٻن مختلف ھنڌن الجامع سيفيھ المھلات البرھانيھ جو دورو ڪرڻ ۽ ان بعد تعمير ھيٺ شھيد ملت انڊرپاس، طارق روڊ انٽرسيڪشن انڊرپاس جو معائنو ڪرڻ کانپوءِ ميڊيا سان ڳالھائيندي ڪيون. ان موقعي تي مڪاني ادارن وارو صوبائي وزير سعيد غني ۽ سڌسماءَ وارو صلاحڪار مرتضيٰ وھاب سندس گڏ ھئا. وڏي وزير ھڪ سوال جي جواب ۾ چيو تھ پي ٽي آءِ جي قيادت جو خواب جو سنڌ ۾ تبديلي آندي وڃي پر انھن جو اھو خواب ڪڏھن بھ پورو نھ ٿيندو ڇاڪاڻ تھ انھن جي صوبائي اسيمبليءَ ۾ انگن واري اڪثريت نھ آھي. انھن ھاڻ جادوئي ٽوٽڪن بابت ڳالھائي رھيا آھن ۽ کيڏندا رھيا آھن جنھن تحت انھن مرڪز ۾ حڪومت بڻائي آھي. ھن خوشگوار پر تنقيدي انداز ۾ چيو تھ سندس چوڻ آھي تھ انھن جا جادوئي ٽوٽڪا سنڌ ۾ ڪم نٿا ڪري سگھن. ھن چيو تھ وفاقي حڪومت سنڌ حڪومت خلاف سازش ڪري رھي آھي. ھن چيو تھ جيڪڏھن اوھان صوبن کي ڪمزور ڪري رھيا آھيو تھ ان جو مطلب تھ اوھان وفاق کي ڪمزور ڪري رھيا آھيو، ھن اھا ڳالھھ وفاقي حڪومت کي واضح طور ٻڌائيندي ڪئي. ھڪ ٻئي سوال جي جواب ۾ مراد علي شاھھ چيو تھ اھو شخص جنھن کي حڪومت جو ڪوبھ تجربو نھ آھي ۽ ان کي ان جي سسٽم وزيراعظم بڻايو آھي. ھن چيو تھ ھاڻي طاقت جي نشي ۾ ھن (وزيراعظم) پاڪستان جي ماڻھن تي تجربا ڪرڻ شروع ڪيا آھن. ھن چيو تھ ھن پنھنجي پھرين تجربي ۾ ملڪ اندر اگھن ۾ تمام گھڻي واڌ ڪندي غريب ماڻھن جي منھن مان مانيءَ جو ڳڀو پڻ کسي ورتو آھي. مراد عيل شاھھ چيو تھ وزيراعظم ھر ھڪ کي چور ۽ ڌاڙيل سمجھي پيو پر ھُو اھا ڳالھھ وساري ڇڏي آھي تھ ھن پاڻ نيب ڪيسن کي منھن ڏنو آھي. ھن چيو تھ اوھان ھاڻي ڪڏھن بھ ماڻھن تي ڌٻاءُ وجھي حڪومت ڪري سگھو ٿا ۽ نھ ئي آواز ڌٻائي سگھو ٿا پر اوھان کي گھرجي تھ سڀني سان سٺي ريت واري برتاءَ سان پيش اچو ۽ حڪمران طور تي پيش اچو. ھن چيو تھ ڌمڪين ۽ ڌٻاءَ ذريعي ماڻھن کي خاموش ۽ انھن جي حقن لاءِ اٿندڙ آواز کي روڪي نھ ٿا سگھو. ھڪ سوال جي جواب ۾ وڏي وزير چيو تھ ھُو ذاتي طور ت ايمنسٽي اسڪيمن جي خلاف آھي ڇاڪاڻ تھ انھن اسڪيمن تحت حڪومت غيرقانوني طريقي سان حاصل ڪيل دولت کي قانوني شڪل ڏيندا آھن. ھن چيو تھ سياستدانن کي اسڪيم مان فائدو حاصل ڪرڻ جو حق نھ آھي. ھن چيو تھ جڏھن انھن جي ايمنسٽي اسڪيم ناڪام ٿي ويندي تھ اھي ماڻھن جي گھرن تي چڙھائي شروع ڪندا. ھن چيو تھ اھڙي قسم جي ماحول ۾ ماڻھو خوف محسوس ڪري رھيا آھن ۽ ماڻھن سندن سيڙپڪاري ۽ ڪاروبار ٻين ملڪن ڏانھن منتقل ڪرڻ شروع ڪندا.راڻا ثناءَ اللھ جي گرفتاريءَ بابت ھڪ سوال جي جواب ۾ سيد مراد علي شاھھ مذمت ڪندي چيو تھ اھڙي قسم جي سياسي انتقام سان حڪومت جي ساک وڌيڪ متاثر ٿيندي. ھن چيو تھ اوھان (وزيراعظم) ھڪ آمر وانگر ڪم ڪري رھيا آھيو ۽ سياسي ماڻھن کي ھاڃو پھچائي رھيا آھيو ۽ اھا چڱي ڳالھھ نھ آھي ۽ ان جو خاتمو سنگين صورتحال تي ٿيندو. مراد علي شاھھ چيو تھ رانا ثناءُ اللھ جي گرفتاري وزيراعظم جي خلاف چارج شيٽ ثابت ٿيندي.ڪراچيءَ ۾ ھڪ سياسي جماعت پاران سنڌ حڪومت خلاف بينر لڳائڻ بابت ھڪ سوال جي جواب ۾ وڏي وزير چيو تھ اھي ھڪ ڀيرو ڪراچيءَ جي ماڻھن کي ھاءِ جيڪ ڪرڻ جي ناڪام ڪوشش ڪري رھيا آھن. ھن چيو تھ انھن ڪڏھن بھ ھن شھر جي ماڻھن جي حقن لاءِ آواز بلند نھ ڪئي آھي پر انھن سدائين سندن ووٽن کي مايوس ڪيو آھي. ھن چيو تھ سندس حڪومت شھر ۾ ترقياتي ڪمن لاءِ ڪوشان آھي ۽ ماڻھن جي خدمت بنا فرق جي ڪري رھي آھي. ھن چيو تھ اسان کي ڄاڻ آھي تھ اسان جو شھيد ملت واري علائقي طارق روڊ، يونيورسٽي روڊ، شاھراھھ فيصل ۽ شھر جي مختلف علائقن مان ڪوبھ ايم پي اي نھ آھي پر ان جي باوجود اسان روڊن جو نيٽورڪ ٻيھر بڻائي رھيا آھيون، پاڻيءَ جون نيون لائينون وڇائي رھيا آھيون ۽ مخلص طريقي سان ماڻھن جي ٻين مسئلن کي حل ڪرڻ لاءِ ڪوششون وٺي رھيا آھيون. انھن ماڻھن (جن سندس حڪومت خلاف بينر لڳايا آھن) ھميشھ غير تعميري نفرت پکيڙي آھي ۽ شھر ۾ عدم استحام واري سياست ڪئي آھي ۽ اھو ھڪ کليل راز آھي. ھن چيو تھ ڪراچيءَ جا رھواسي پنھنجن دوست کي سڃاڻيندا آھن ۽ اھي ڪڏھن بھ انھن جي فريب ۽ دوکي ۾ نھ ايندا. ھن چيو تھ سندس ھن شھر جا سمورا مسئلا جھڙوڪ پاڻي، صفائي، نڪاسيءَ آب کي حل ڪندو ۽ سيڙپڪاريءَ واري ماحول کي بھتر بڻائيندو. مراد علي شاھھ چيو تھ سندس ضلعي وسطيءَ جو دورو ڪيو آھي جيڪو گند ڪچري ۾ ڀريل آھي. ھن پڇا ڪئي تھ ڊي ايم سي سينٽرل جو چيئرمين ڪير آھي؟ ايم ڪيو ايم جو آھي. ھن چيو تھ اسان انھن کي فنڊ فراھم ڪيا آھن ۽ انھن جا پنھنجا وسيلا آھن ۽ صفائي سٿرائيءَ جي حوالي سان وڏي انگ ۾ عملو پڻ آھي تھ پوءِ اھي ڇو نھ پنھنجي چيئرمين کان صفائيءَ بابت پڇا نھ پيا ڪن. ھن چيو تھ اھا سياست آھي ۽ اھي ماڻھو ٻين ماڻھن جي چوڻ تي کيڏي رھيا آھن.ڪي ايم سي جي ڪارڪردگيءَ بابت وڏي وزير چيو تھ اھي گذريل ڪيترن ئي ورھين کان پنھنجو روينيو جي ھدف کي حاصل ڪرڻ ۾ ناڪام رھيا آھن. ھن چيو تھ روينيو جا نوان وسيلا تلاش ڪيا وڃن ۽ ان ۾ اضافو ڪيو وڃي ۽ وصولين جو ھدف حاصل ڪيو وڃي. ھُو (ميئر) سدائين پنھنجي ناڪامين کي لڪائڻ لاءِ سنڌ حڪومت تي الزام مڙھندو آھي. ھن چيو تھ ڪي ايم سي پنھنجي غيرترقياتي خرچ ۽ سندن وڌيڪ ڀرتي ڪيل عملي، سندن فنڊن ۽ وسيلن کي مناسب استعمال بدران انھن پنھنجون اکيون صوبائي حڪومت تي رکيون آھن جيڪو غلط آھي. ھن چيو تھ وفاقي حڪومت کي پنھنجي وصولين ۾ شارٽ فال کي منھن ڏئي رھي آھي ان ڪري انھن صوبي ڏانھن گھٽ فنڊ منتقل ڪيا آھن. ھن چيو تھ اسان مالي ڏکيائين کي منھن ڏئي رھيا آھيون پر ان جي باوجود ڪي ايم سي خاطرخواھھ فنڊ ڏنا آھن تھ جيئن اھي ھن شھر جي ماڻھن جي خدمت ڪري سگھن پر اھي (ڪي ايم سي) ھن شھر جي ماڻھن جي خدمت ڪرڻ ۾ مخلص نھ آھي. ھن چيو تھ عدالت سنڌ حڪومت کي چيو آھي تھ اھي مارچ تائين جا ڪي ايم سي جا 580 ملين رپين جي بجليءَ جي بلن جي ادائيگيءَ لاءِ طريقيڪار واضح ڪيو وڃي. ھن چيو تھ صوبائي حڪومت 580 ملين رپين جي بجلي جي بلن جي مد ۾ 320 ملين رپيا ادا ڪري ڇڏيا آھن ۽ باقي رھيل رقم بھ ادا ڪئي ويندي پر صوبائي حڪومت ڪي ايم سي جا بجلي بل ادا ڪندي رھندي. ھن سوال ڪيو تھ ڪي ايم سي ڇو پنھنجا ذريعا استعمال نھ ٿي ڪري. ھن چيو تھ وزيراعظم ڪراچيءَ لاءِ 65 بلين رپين جي پيڪج جو اعلان ڪيو ھو ۽ پي ٽي آءِ جي ڪجھھ ميمبرن 45 بلين رپيا آڻڻ جي دعوا پڻ ڪئي پر جڏھن بجيٽ آيو تھ اھو 12 بلين تائين محدود رھيو. ھن چيو تھ اوھان ڇو تھ اسان جي وفاقي حڪومت کان پنھنجو جائز حصو وٺڻ جي حوالي سان مدد ڪري رھيا آيھو، ھن اھو سوال ايم ڪيو ايم جي قيادت سان ڪيو. ھن چيو تھ ايم ڪيو ايم جا چونڊيل نمائندا ڇو نھ ڪي فور بابت حڪومت سان ڳالھائن جنھن جي وفاقي حڪومت فنڊنگ روڪي ڇڏي آھي،. ھن چيو تھ ھن وقت 400 کان 450 ايم جي ڊي پاڻي شھر کي فراھم ٿي رھيو آھي جڏھن تھ ان جي مقابلي ۾ شھر جي ضرورت 1200 ايم جي ڊي آھي. ھن چيو تھ پاڻيءَ جي کوٽ جي ان مسئلي جو حل رڳو ڪي فور رٿا جي تڪميل آھي. مراد علي شاھھ چيو تھ وفاقي حڪومت سنڌ حڪومت سان گڏ ڪي فور ۽ ٻين رٿائن تي ڳالھائڻ لاءِ تيار نھ آھي.ھڪ سوال جي جواب ۾ وڏي وزير چيو تھ سندس خورشيد جمالي (خانگي پاور پلانٽ ڪنسلٽنٽ) بابت ڪابھ ڄاڻ نھ آھي تھ ھن نيب سان پلي بارگين لاءِ درخواست ڪئي آھي. ھن چيو تھ مون پاور پلانٽ جي حوالي سان ڪجھھ بھ نھ ڪيو آھي. ھن چيو تھ مان ان وقت رڳو صوبائي وزير ھيم نھ ئي مون پاور پلانٽ جي پروڪيومنٽ يا لڳائڻ شروع ڪيو ھو. ھن چيو تھ ڪجھھ سياسي اداڪار سندس خلاف بي بنياد پروپيگنڊا ڪري رھيا آھن. ھن چيو تھ مان اھڙي قسم جي پروپيگنڊا سان ڊنل نھ آھيان ڇاڪاڻ تھ ان جي ڪابھ بنياد نھ آھي.ھڪ سوال جي جواب ۾ وڏي وزير چيو تھ مون ٻڌو آھي تھ پي ٽي آءِ سندس خلاف اليڪشن ڪميشن آف پاڪستان درخواست داخل ڪئي آھي تھ گھوٽڪيءَ ۾ ننڍي چونڊن جي ڀڃڪڙي ڪئي آھي. ھن چيو تھ مون ڄام سيف اللھ ڌاريجو جي ڪراچيءَ ۾ واقع گھر ويو وڃڻ ٿيو جتي ھن پيپلز پارٽيءَ ۾ شامل ٿيڻ جو اعلان ڪيو. ھن چيو تھ اسان انھن جي گھوٽڪي ۾ واقع گھر نھ ويا ھئاسين تھ ڪيئن ضابطھ اخلاق جي ڀڃڪڙي ٿي. ھن چيو تھ سندس جيڪڏھن اي سي پي کين خط موڪليو تھ ھُو ان جو جواب ڏيندو. ھن چيو تھ جڏھن اليڪشن جي شيڊول جو اعلان ڪيو تھ وزيراعظم گھوٽڪي ويو ۽ وفاقي وزير علي محمد خان مھر جي لاڏاڻي تي تعزيت ڪئي. ھن چيو تھ اھو ضابطھ اخلاق جي ڀڃڪڙي ھئي.انھيءَ کان اڳ وڏي وزير سيد مراد علي شاھھ تعمير ٿيندڙ شھيد ملت، طارق روڊ، انٽرسيڪشن جو دورو ڪيو ۽ ھلندڙ ڪم ۽ ڪم جي معيار جو معائنو ڪيو. وڏي وزير کي پروجيڪٽ تي ٿيندڙ ڪمن جي حوالي سان تفصيلي آگاھي ڏني وئي. اھو منصوبو 437 ملين رپين جي لاڳت سان شروع ڪيو ويو ۽ ان جو اٽڪل 75 سيڪڙو ڪم مڪمل ڪيو ويو آھي. وڏي وزير پروجيڪٽ ڊائريڪٽر نياز سومرو کي ھدايت ڪئي تھ ھُو آگسٽ 2019 تائين ھن رٿا کي مڪمل ڪيو وڃي. ھن حيدر علي انٽرسيڪشن تي تعمير ٿيندڙ انڊرپاس جو پڻ دورو ڪيو جيڪو 478 ملين رپين جي لاڳت سان شروع ڪيو ويو آھي، وڏي وزير کي پروجيڪٽ ڊائريڪٽر نياز سومرو تفصيلي بريفنگ ڏني. ان رٿا جو 60 سيڪڙو ڪم مڪمل ڪيو ويو آھي ۽ اھو نومبر 2019ع جي شروع ۾ مڪمل ٿي ويندو.

 

آءِ ايم ايف بجيٽ معيشت جو ساهه ڪڍڻ شروع ڪري ڇڏيو، مخالفن کي گرفتار ڪري معاشي قتل عام تان ڌيان نه ٿو هٽائي سگهجي: بلاول زرداري

ڪراچي( ويب ڊيسڪ ) پ پ چيئرمين بلاول ڀٽو زرداري چيو آهي ته آءِ ايم ايف بجيٽ معيشت جو ساهه ڪڍڻ شروع ڪري ڇڏيو آهي، عمران خان پنهنجي مخالفن کي گرفتار ڪري معاشي قتل عام تان ڌيان نه ٿو هٽائي سگهي. ٽويٽر تي بيان جاري ڪندي بلاول ڀٽو زرداري چيو ته آءِ ايم ايف جي بجيٽ معاشي جو قتل ڪرڻ شروع ڪري ڇڏي آهي. هن چيو ته حڪومت جا فسطائيت تي ٻڏل طريقا به هاڻي وڌندا ويندا. سندس چوڻ هو ته عمران خان سوچي ٿو ته هو تنقيد ڪندڙن کي گرفتار ڪندو ته عوام معاشي قتل عام تي ڌيان نه ڏئي سگهندا ، روم جا شهري بک مرندا هئا ته بادشاهه سيزر گليڊيئٽر ويڙهاڪن جي راند ذريعي عوام جو ڌيان هٽائيندو هو.

 

آصف زرداري پارڪ لين ڪيس ۾ باقاعده جوابدار نامزد، نيب بورڊ ريفرنس داخل ڪرڻ جي منظوري ڏئي ڇڏي

اسلام آباد ( ويب ڊيسڪ ) اڳوڻي صدر آصف علي زرداري کي جعلي اڪائونٽس جي پهرين ريفرنس ۾ باقاعده نامزد ڪيو ويو آهي. نيب بورڊ اڳوڻي صدر آصف علي زرداري خلاف ريفرنس داخل ڪرڻ جي منظوري ڏئي ڇڏي آهي. نيب چيئرمين جسٽس رٽائرڊ جاويد اقبال جي صدارت هيٺ ايگزيڪيوٽو بورڊ جو اجلاس ٿيو جنهن ۾ بورڊ جعلي اڪائونٽس جي پهرين ڪيس ۾ آصف زرداري خلاف ريفرنس داخل ڪرڻ جي منظوري ڏئي ڇڏي.  نيب جو چوڻ آهي ته آصف زرداري پارڪ لين ڪيس ۾ گرفتار آهي. نيب چيئرمين جاويد اقبال چيو ته بدعنواني ملڪ ترقي ۾ سڀ کان وڏي رنڊڪ آهي، ڪرپشن ڪيسن کي انجام تائين پهچائڻ سندن پهرين ترجيح آهي.