تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: July 2, 2019

ن ليگ اسان نه مريم نواز پاڻ ٽوڙي، سنڌ مان ويندڙ پئسو دبئي مان نڪري ٿو: وفاقي سرڪار

اسلام آباد/راولپنڊي (اين اين آءِ/ ويب ڊيسڪ ) سڌ سماءَ بابت وزيراعظم جي خاص مددگار فردوس عاشق اعواڻ چيو آهي ته راڻا ثناءَ الله طرفان پنهنجي صفن ۾ بغاوت جو اعتراف مسلم ليگ ن جي سياسي مورچي ۾ ڏار آهي. ٽويٽر تي جاري ڪيل بيان ۾ فردوس عاشق اعواڻ چيو ته پنجاب جي اسيمبلي ميمبرن جي وزيراعظم سان ملاقات مسلم ليگ ن قيادت جي آمراڻي سوچ خلاف بغاوت آهي، اهي ميمبر مورثي غلامي لاءِ تيار نه آهن. هن چيو ته مسلم ليگ ن وٽ ڪو به نظريو ۽ قيادت ناهي، جمهوريت ۽ آئين جي بالادستي جو پٽڪو پٽيندڙن جي منهن مان مڊٽرم چونڊن جي ڳالهه ڪهڙي جمهوريت آهي. فردوس عاشق اعواڻ چيو ته مغليه شاهي خاندان خلاف بغاوت جي علم جو مطلب نئين پاڪستان جي قافلي، نظريي ۽ قيادت تي اعتماد آهي.

سائنس اينڊ ٽيڪنالاجي جي وفاقي وزير فواد چوڌري چيو آهي ته عمران اسماعيل جادوگر ماڻهو آهي، سنڌ ۾ اسان جا نمبر پورا آهن، جڏهن عمران خان چوندو ته سنڌ ۾ تبديلي ايندي، 9.8 ارب قرض جي صورت ۾ واپس ڪيو، جڏهن ايترو قرض واپس ڏيڻو هجي ته عوام کي رليف ڏيڻ سولو نه آهي، زرداري ۽ نواز شريف کنڊ مافيا جا ماڻهو آهن، انهن زراعت تباهه ڪري ڇڏي آهي، 2 ارب تيل سان گڏ هڪ ارب ڊالر جي ملڪ ۾ دال گهرايون ٿا، زرداري ۽ ٻين جي گرفتاري تي خوشي آهي، بلوچستان جي ايم اين ايز کي اربين رپيا ڏنا ويا ان جو حساب ڏيڻ گهرجي، وزيراعظم ڪافي اهم ڪميشن ٺاهيو آهي، گذريل 10 سال حڪومت ڪندڙ سڀ اندر ويندا، سومر تي وفاقي وزير فواد چوڌري پير مهر علي شاهه يونيورسٽي ۾ تقريب کي خطاب ڪندي چيو ته اسان جي ملڪ ۾ زرعي يونيورسٽي سٺو ڪم ڪري رهي آهي، سياسي ڳالهيون روزانو ڪريون ٿا، پر انهن درسگاهن ۾ باراني علائقن جي فصلن تي ڪم ٿي رهيو آهي، هن چيو ته پوٺ هار ۾ انگرو ۽ زينتون جو ڪامياب تجربو ڪيو آهي، هن چيو ته اسان روز ڊالر ۽ مهانگائي وڌڻ جون ڳالهيون ڪريون ٿا، اسان ڪا به شيءِ ملڪ ۾ پيدا نه پيا ڪريون ۽ 2 ارب جو تيل گهرايون ٿا، هن چيو ته زرداري ۽ نواز شريف کنڊ مافيا جا ماڻهو آهن، انهن زراعت تباهه ڪري ڇڏي آهي، 2 ارب تيل سان گڏ هڪ ارب ڊالر جي ملڪ ۾ دال گهرايون ٿا، زرداري ۽ ٻين جي گرفتاري تي خوشي آهي، بلوچستان جي ايم اين ايز کي اربين رپيا ڏنا ويا ان جو حساب ڏيڻ گهرجي، وزيراعظم ڪافي اهم ڪميشن ٺاهيو آهي، گذريل 10 سال حڪومت ڪندڙ سڀ اندر ويندا، هن چيو ته ڪجهه بلوچ سردارن جا ڪلارڪ مهانگيون گهڙيون پائي گهمن ٿا، وفاقي وزير چيو ته وزيراعظم اهم ڪميشن ٺاهيو آهي ۽ گذريل 10 سال حڪومت ڪندڙ سڀ اندر ويندا، هن چيو ته انهن مان ڪو به ماڻهو ٻاهر نه رهندو، دولت کي ٻاهر وڃڻ کان روڪڻ آهي، هيٺين درجي تي تپيدار ۽ ٿاڻيدار جي ڪرپشن ختم ڪرڻي آهي، مٿين درجي جي ڪرپشن اٽڪل ختم ٿي چڪي آهي. وفاقي وزير چيو ته اسان ٻئي واعدا پورا ڪنداسين، ملڪ ۾ احتساب جاري آهي، شفاف حڪومت ۽ گڊ گورننس جو ماحول جاري آهي ان مان گهڻو صوبائي ڪم آهي، هن چيو ته ريسرچ جي ادارن کي مستحڪم ڪرڻو آهي، وفاقي وزير چيو ته خانگي سيڪٽر کي سائنس اينڊ ٽيڪنالاجي سان ڳنڍي رهيا آهيون، هن چيو ته نيب کي بلاول کي گرفتار ڪرڻ جو فيصلو ڪرڻو آهي، نيب کي ڏسڻو آهي ته بلاول جو اهو ئي اڪائونٽ آهي جنهن مان ايان علي ڏانهن پيسا ويندا رهيا، هن چيو ته ڇانگا مانگا جي سياست تڏهن ٿئي جڏهن اسان ماڻهن کي گهرائيندا هجون هن چيو ته ن ليگ کي ٽوڙڻ جو اهم ڪردار مريم نواز ادا ڪيو آهي، مريم نواز شهباز شريف جي قيادت تي راتاهو هنيو آهي، ماڻهو پريشان آهن ته ڇا ڪريون، شهباز شريف ميثاق معيشت تي ڳالهه ڪئي ته مريم نواز ان جي مخالفت ڪئي، اڳوڻي ترجمان ملڪ احمد خان ڳالهه ڪئي ته مريم نواز ان کي ڇٿي ڇڏيو، هن چيو ته ن ليگ مان جيڪي اسان وٽ ايندا ته اسان انهن کي ڪم ڪرڻ جو آشيانو ڏينداسين، هن چيو ته چوڌري نثار جو جڏهن وقت هو ته ڪڪڙ وانگر آنن تي ويٺو رهيو ۽ انهن آنن تان نه اٿيو، اختر مينگل صاحب جو سڀ کان وڏو مسئلو مسنگ پرسن هو، هن چيو ته جڏهن عمران خان چوندو ته سنڌ ۾ تبديلي ايندي. سائنس اينڊ ٽيڪنالاجي جي وزير کي يونيورسٽي انتظاميا سونيئر پيش ڪيو.

 

آصف زرداري پارڪ لين ڪيس ۾ به گرفتار، حڪومت هلندي نه پيو ڏسان: اڳوڻو صدر

اسلام آباد ( ويب ڊيسڪ ) نيب اڳوڻي صدر آصف علي زرداري کي پارڪ لين ڪيس ۾ به گرفتار ڪري ورتو آهي. نيب جعلي اڪائونٽس ڪيس ۾ گرفتار اڳوڻي صدر آصف علي زرداري جي ٻئي ڪيس ۾ به گرفتاري ظاهر ڪري ڇڏي. آصف علي زرداري احتساب عدالت ۾ پيش ٿيندو ته نيب طرفان پارڪ لين ڪيس ۾ به سندس جسماني رمانڊ حاصل ڪيو ويندو.  اڳوڻي صدر آصف علي زرداري پارڪ لين ۽ بلٽ پروف گاڏين جي ڪيسن ۾ اسلام آباد هاءِ ڪورٽ ۾ داخل ضمانت جون درخواستون واپس ورتيون هيون. اڳوڻو آصف علي زرداري جعلي بئنڪ اڪائونٽس ۽ ميگا مني لانڊرنگ ڪيس ۾ پهريون ئي گرفتار آهي.  اڳوڻي صدر آصف علي زرداري ۽ سندس پٽ بلاول ڀٽو زرداري تي الزام آهي ته هنن پنهنجي ڪمپني پارڪ لين اسٽيٽس پرائيويٽ لميٽيڊ ذريعي 2009ع ۾ اسلام آباد جي مهانگي 2460 ڪنال زمين رڳو 6 ڪروڙ 20 لک رپين ۾ خريد ڪئي جڏهن ته ان جي قيمت 2 ارب رپيه کان به وڌيڪ هئي. اهو سودو پاڪستان ڄائي آمريڪي شهري ناصر خان ذريعي ڪيو ويو جنهن کي آصف زرداري جو فرنٽ مين قرار ڏنو ويو. آصف علي زرداري تي الزام آهي ته هن اڍائي هزار ڪنال زمين زبردستي حاصل ڪئي ۽ 300 خاندانن کي بي دخل ڪيو.   ٻئي طرف پاڪستان پيپلز پارٽي جي شريڪ چيئرمين ۽ ملڪ جي اڳوڻي صدر آصف علي زرداري چيو آهي ته مون تي ڪيس نواز شريف ڪيو پر ان کي ايستائين پهچائڻ وارا ٻيا آهن. خانگي ٽي وي چينل جي خاص ٽرانسميشن ۾ ڳالهائيندي آصف علي زرداري کان صحافي سوال ڪيو ته ڇا توهان کي ياد آهي ته گذريل سال انٽرويو دوران توهان کان پڇو هو ته مون خبرون ٻڌيون آهن ته توهان گرفتار ٿيندا، ته توهان چيو هو ته ها اچو گرفتارڪيو ۽ اوهان گرفتار ٿي چڪا آهيو ۽ هن وقت پروڊڪشن آرڊر تي آهيو، ڇا توهان کي اندازو آهي ته توهان جي گرفتاري ڪيستائين هلندي؟  آصف علي زرداري صحافي کي جواب ڏيندي چيو ته آئون نٿو سمجهان ته هيءَ حڪومت ئي هلندي، گرفتاري ته ڇا هي حڪومت ئي ايترو نه هلندي. صحافي سوال ڪيو ته حڪومت ته بجيٽ به پاس ڪرائي ڇڏي آهي، جواب ۾ آصف زرداري چيو ته  بجيٽون ته ٿينديون رهنديون آهن حڪومت کي اسان ڪيرائڻ چاهيون ٿا پر پارليامينٽ کي نقصان نٿا رسائيڻ چاهيو، ٿي سگهي ٿو ڪير ٻيو سليڪٽڊ وزير اعظم ٿي پيو يا ڪو وزير سليڪٽڊ ٿئي. صحافي سوال ڪيو ته توهان جيڪو هر هر سليڪٽڊ  لفظ استعمال ڪيو ٿا ته وزير اعظم سليڪٽڊ آهي ته ڇا  پارليامينٽ به سليڪٽڊ آهي؟ آصف زرداري جواب ڏنو ته هان سڀ سليڪٽڊ آهن. صحافي سوال ڪيو ته پوءِ توهان پارليامينٽ کي نٿو ڪيرائڻ چاهيون؟ ان تي هن جواب ڏنو ته پارليامينٽ کي ان ڪري نٿو ڪيرائڻ ڇو جو هي جيڪو سلسلو آهي اسان ان کي ختم نٿا ڪرڻ چاهيون.  صحافي سوال ڪيو ته هي ڪيترائي حڪومتي وزير ايستائين جو عمران خان به چوي ٿو ته جيڪي گرفتاريون ٿيون آهن انهن ۾ اسان جو ڪو به هٿ ناهي آصف زرداري جنهن ڪيس ۾ گرفتار ٿيو آهي اُهو ته نواز شريف ٺاهيو هو خبر ناهي هي ڇو مون کي ذميوار  ٿا چون.  جواب ۾ اڳوڻي صدر چيو ته هاءِ ڙي خان صاحب جي معصوميت، نه اها ڳالهه چئي سگهجي ته جاچ شروع ٿي هئي پر ان کي ايترو اڳتي وڌائڻ وارا ٻيا آهن.

 

 

ڪرپشن جي رقم موت کانپوءِ به جمع ڪرائڻي پوندي: چيف جسٽس

اسلام آباد ( ويب ڊيسڪ ) سپريم ڪورٽ مرحوم  پوليس آفيسر ۽ سندس گھرواري جي ڪرپشن ڪيس ۾ ڏنڊ خلاف اپيل رد ڪندي ڏنڊ ادا ڪرڻ جو حڪم ڏئي ڇڏيو آهي. سپريم ڪورٽ جي چيف جسٽس آصف سعيد کوسا مرحوم ڊي ايس پي جميل اختر ۽ سندس گهر واري جي اپيلن تي ٻڌڻي ڪئي. ٻڌڻي دوران چيف جسٽس آصف سعيد رمارڪس ڏيندي چيو ته ڪرپشن جي رقم تي واپس ڪرڻي پوندي،  ڏنڊ جي رقم ڪرپشن کان گهٽ آهي، اڍائي ڪروڙ جو پلاٽ ورتو ويو ۽ هاڻي پلاٽ جي موجوده ماليت اڍائي ارب کان وڌيڪ هوندي. هن چيو ته ٻه هزار ٽي ۾ چيو ويو ته 3 ڪروڙ ڏنڊ اڄوڪي حساب سان گهٽ آهي.  نيب جي وڪيل عدلات کي آگاهه ڪيو ته جميل اختر ڪياني 1959ع ۾ ڀرتي ۽ 1995ع ۾ ڊي ايس پي پوليس تان رٽائرڊ ٿيو، مسمات رياض جي وڪيل چيو ته ڏنڊ جي 3 ڪروڙ رپيه رقم ادا نه ٿا ڪري سگهن.  جوابدارن جي وڪيل چيو ته نيب اسان جي 1995ع کانپوءِ اڪائونٽ به ضبط ڪري ورتا آهن، چيف جسٽس آصف سعيد کوسا چيو ته ڏنڊ جي رقم گهٽ نه پر وڌيڪ ٿي سگهي ٿي، ڪرپشن جو سڄي ڄمار ماڻهو استعمال ڪندا آهن، اهو اشو ناهي ته اثاثن تي مذا ڪيا ويا، نو ڪروڙ جا اثاثا ڪڏهن ۽ ڪيئن ٺهيا.  هن چيو ته ڪرپشن جي رقم موت کانپوءِ به جمع ڪرائڻي پوندي.

 

سي اين جي اگهن ۾ اضافي خلاف ڪراچي جي ٽرانسپورٽرن طرفان هڙتال جو اعلان

ڪراچي( ويب ڊيسڪ ) سي اين جي اگهه ۾ اضافي خلاف ڪراچي ٽرانسپورٽ اتحاد سڀاڻي کان هڙتال جو فيصلو ڪيو آهي، جڏهن ته آن لائن ٽيڪس سروس ڪريم به ڀاڙن ۾ پنج سيڪڙو اضافي جو فيصلو ڪيو آهي.  ڪراچي ٽرانسپورٽ اتحاد جي صدر ارشاد بخاري چيو ته سي اين جي اگهن ۾ ڳاٽي ٽوڙ اضافي کانپوءِ بسون هلائڻ ممڪن ناهي،  ڀاڙن ۾ اضافو بعد ۾ طئه ڪيو ويندو. هن چيو ته سي اين جي پمپس مالڪ هلڪي هلڪي اگهه وڌائي رهيا آهن.  ٻئي طرف آن لائن ٽيڪسي سروس ڪريم به سي اين جي اگهن ۾ اضافي کانپوءِ ڀاڙن ۾ اضافي جو فيصلو ڪيو آهي. ڪريم سروس طرفان ڪراچي ڊرائيورن کي نوٽيس جاري ڪيو ويو آهي ته سنڌ ۾ ٽيڪس وڌڻ کانپوءِ اضافي قيمت عوام کان اضافي ڀاڙن جي صورت ۾ ورتي وڃي.

 

سياسي ۽ عسڪري قيادت ۾ ملاقات، ملڪي صورتحال تي ڳالهيون، اين آر او لاءِ ڪنهن جي سفارش نه هلندي: عمران خان

لاهور/ اسلام آباد (ويب ڊيسڪ) وزيراعظم عمران خان ۽ آرمي چيف جنرل قمر جاويد باجوا وچ ۾ ملاقات ٿي آهي، جنهن ۾ مختلف معاملن تي ڳالهيون ڪيون ويون.وزيراعظم عمران خان ۽ آرمي چيف جنرل قمر جاويد باجوا وچ ۾ ملاقات وزيراعظم آفيس ۾ ٿي. ملاقات ۾ ملڪي سلامتي جي صورتحال سميت ٻين معاملن تي خيالن جي ڏي وٺ ڪئي وئي. ٻئي طرف  وزيراعظم عمران خنا چيو آهي ته اڳوڻي صدر پرويز مشرف اين آر او ڏئي ن ليگ ۽ پ پ کي بچايو پر هاڻ ڪنهن جي سفارش نه هلندي. وزيراعظم جي صدارت هيٺ سمگلنگ جي روڪٿام بابت اجلاس ٿيو، جنهن ۾ آرمي چيف جنرل قمر جاويد باجوا، گهرو وزير اعجاز شاهه ۽ ٻين اختيارين شرڪت ڪئي. اجلاس ۾ راڻا ثناءُ الله جي گرفتاري کانپوءِ جي صورتحال، سمگلنگ جي روڪٿام ۽ حددخلين تي ڳالهه ٻولهه ٿي، جڏهن ته گهرو وزارت ۽ ايف بي آر اختيارين بريفنگ به ڏني. وزيراعظم چيو ته گذريل حڪومت 14 ارب ڊالرن جا ڪمرشل قرضا ورتا هئا ۽ انهن قرضن جو سود وڌيڪ هو، اسان جي حڪومت کي ملڪ جو سڀ کان وڏو خسارو مليو ۽ هيل تائين اسان 10 مهينن ۾ 10 ارب ڊالر ڏئي چڪا آهيون، جيڪڏهن نه ڏيون ها ته ملڪ جو ڏيوالو نڪري وڃي ها، ملڪ جو ڏيوالو ٿيڻ کان بچائڻ لاءِ گڏيل عرب امارتن، قطر ۽ سعودي عرب اسان جي مدد ڪئي. سندس چوڻ هو ته اڳوڻن دورن ۾ رپئي کي هٿرادو طور مٿي رکڻ جي ڪوشش ڪئي وئي، گذريل حڪومت رپئي کي مٿي رکڻ لاءِ هڪ سال ۾ 7 ارب ڊالر خرچ ڪيا، پي ٽي آءِ حڪومت سان آءِ ايم ايف ڊالر جو قدر وڌائڻ جو ڪو شرط نه رکيو، جون ۾ ڪلوزنگ ٿيندي آهي ان سبب انٽر بئنڪ ۾ ڊالر تي دٻاءُ هو، جيئن رپيو ڪِرندو آهي ڊالر جو اگهه وڌڻ شروع ٿي ويندو آهي. هن چيو ته اسٽيٽ ڊپارٽمينٽ موجب پاڪستان مان هر سال 10 ارب ڊالر مني لانڊرنگ ذريعي ٻاهر ويندا آهن، ايتري وڏي پئماني تي مني لانڊرنگ نه ٿئي ها ته ملڪي حالتون هيئن نه هجن ها، ماضي جا سڀ حڪمران مني لانڊرنگ ۾ ملوث آهن، انهن کي پاڪستان کي ڪا ڳڻتي نه هئي، آصف زرداري دبئي جا 40 چڪر هنيا ۽ هڪ سال ۾ 45 ٻاهريان دورا ڪيا، نواز شريف 64 ڪروڙ رپين جا ٻاهريان دورا ڪيا ۽ اڄ ملڪ کي ڪنگال ڇڏي ويندڙ اسان کان حساب گهري رهيا آهن. وزيراعظم چيو ته اسان ايان علي جهڙا واقعا روڪڻ جي ڀرپور ڪوشش ڪري رهيا آهيون، ڊالر جي سمگلنگ روڪڻ لاءِ اڄ سڀ کان وڏي ميٽنگ ٿي آهي، ماضي ۾ پرويز مشرف ن ليگ ۽ پ پ کي اين آر او ڏئي بچايو هو، ملڪ کي سڀ کان وڌيڪ نقصان انهن اين آر او پهچايو پر هاڻ واضح ڪرڻ چاهيان ٿو ته اين آر او لاءِ ڪنهن جي به سفارش نه هلندي.

 

 

 

سعودي عرب جو پاڪستان کي دير سان ادائيگي تي تيل جي فراهمي شروع ڪرڻ جو اعلان

اسلام آباد (ويب ڊيسڪ) سعودي عرب پاڪستان کي اڄ کان دير سان ادائيگي تي تيل جي فراهمي شروع ڪرڻ جو اعلان ڪري ڇڏيو. سعودي سفارتخاني موجب پاڪستان کي اڄ کان ماهوار 275 ملين ڊالرن جو تيل فراهم ڪيو ويندو ۽ سعودي عرب 3 سالن تائين پاڪستان کي 9 ارب 90 ڪروڙ ڊالرن جو تيل ڏيندو. سفارتخاني طرفان ٻڌايو ويو ته سعودي عرب گذريل سال پاڪستان لاءِ اقتصادي پيڪيج جو اعلان ڪيو هو، پيڪيج ۾ ٻاهرين ادائيگين لاءِ 3 ارب ڊالر به شامل هئا، جڏهن ته پاڪستان ۽ سعودي عرب وچ ۾ ڪُل 20 ارب ڊالرن جا معاهدا ٿيا. واضح رهي ته وزيراعظم عمران خان گذريل سال اقتدار سنڀالڻ کانپوءِ سعودي عرب جو دورو ڪيو هو، جنهن دوران سعودي عرب طرفان پاڪستان لاءِ پيڪيج جو اعلان ڪيو ويو.

 

وفاقي حڪومت جي عوام دشمن بجيٽ غريبن کي هيٺاهين زندگي گذارڻ تي مجبور ڪري ڇڏيو آهي؛ مرتضيٰ وهاب

ڪراچي(اسٽاف رپورٽر) اطلاعات، قانون ۽ اينٽي ڪرپشن کاتن بابت وزيراعليٰ سنڌ جي صلاحڪار بئريسٽر مرتضيٰ وهاب چيو آهي ته هاڻوڪي حڪومت عوام دشمن بجيٽ پيش ڪيو آهي جنهن جي بلاول ڀٽو سخت مخالفت ڪئي آهي هن چيو ته مزدور ۽ هاري سان ظلم ٿي رهيو آهي بجيٽ حڪومت نه پر پي ٽي آئي ۽ آئي ايم ايف جو جڙيل بجيٽ آهي جڏهن ته بجيٽ کانپوءِ مني بجيٽ آندو ويو سي اين جي اگهن ۾ 22 رپيا في ڪلو واڌارو ڪيو ويو. سي اين جي جي اگهن ۾ واڌاري سان عام ماڻهو متاثر ٿيندو. گيس جي اگهن ۾ واڌاري سان 22 ڪروڙ عوام جون رڙيون نڪرنديون گيس جي اگهن ۾ واڌاري سان صنعتون متاثر آهن. ميڊيا سان ڳالهه ٻولهه ڪندي بئريسٽر مرتضيٰ وهاب چيو ته گيس جا اگهه وڌائي سرمايا ڪارن کي مجبور ڪري ڇڏيو آهي سرمايا ڪاري بند ڪري ڇڏي سرماياڪاري بند ڪرڻ سان غريب جي چلهه نه ٻرندي نه ئي مٽا سٽا وارو ناڻو ايندو ملڪ جو وڏو مسئلو مٽا سٽا آهي پر حڪومت ان سٽ تي نظر ناهي ايندي. هاڻوڪي  حڪومت عوام دشمن بجيٽ پاس ڪيو. وزيراعظم عمران خان عوام سان ڪيل ڪو واعدو پورو ناهي ڪيو پي ٽي آئي حڪومت گذريل هفتي عوام دشمن بجيٽ پيش ڪيو پيپلزپارٽي ڀرپور طريقي سان ان عوام دشمن بجيٽ جي مخالفت ڪئي پيپلزپارٽي جي عوام دوست تجويزن کي حڪومت رد ڪيو ان مان ظاهر ٿيو ته بجيٽ ڪنهن ٻئي بڻايو آهي ڇنڇر واري ڏينهن بجيٽ پاس ٿئي ٿي ۽ سومر واري ڏينهن ماڻهن کي خبر پئي ته سي اين جي جا اگهه وڌي ويا آهن گذريل ڏهن مهينن ۾ 263 سيڪڙو گيس جي اگهن ۾ واڌارو ڪيو ويو آهي ان جا واضح اثر عام ماڻهن جي زندگي تي پوندا ڏهه مهينا گذارڻ کانپوءِ ناڻو مٽا سٽا وڌائڻ جي حوالي سان حڪومت جي ڪا واضح سٽ نظر نه ٿي اچي پر ملڪي سرمايا ڪارن کي پريشان ڪيو پيو وڃي هو مجبور ٿي پنهنجي صنعتن کي بند ڪرڻ جو سوچي رهيا آهن افسوس آهي ته حڪومت عوام سان ڪيل واعدا پورا نه ڪيا. بئريسٽر مرتضيٰ وهاب چيو ته وزيراعطم مملڪتي معاملن تي ڌيان ڏيڻ بجائي اپوزيشن جي اڳواڻن کي ٽوڙڻ جي ڪوشش تي ڌي ڏئي رهيو آهي هن چيو ته سيف الله ڌاريجو پهريون به پي پي ۾ هيو ۽ ٻيهر به پي پي ۾ شموليت اختيار ڪئي وزيراعظم گهوٽڪي ويو هو هن سردارن سان ملاقات ڪئي هئي گهوٽڪي ۾ جيڪو اڳواڻ پيپلزپارٽي جي اڳواڻ سامهون چونڊ وڙهي رهيو آهي اهو اڄ به گهوٽڪي جو چيئرمين آهي باري پتافي چونڊ وڙهڻ کان پهريون استيفيٰ ڏني هئي حڪومت جادو ٽوڻي بنا انگ اکرن تي هلنديون آهن پي ٽي آئي جادو ٽوڻي تي يقين رکندي آهي پيپلزپارٽي جمهوريت تي يقين رکندي آهي گهوٽڪي ضمني اليڪشن ۾ اميدوار گهوٽڪي ڊسٽرڪ جو چيئرمين آهي اليڪشن م اميدوار ۽ ايگزيڪٽو اٿارٽي تي مقرر آهن اليڪشن ڪميشن اميدوار جو ڊسٽرڪ ڪونسل جي چيئرمين خلاف نوٽس وٺن جو مطالبو فواد چوهدري چيو ته پيپلزپارٽي جادو ٽوڻي تي يقين ناهي رکندي خبرون اهي هيون ته گورنر سنڌ تبديل پيو ٿئي .هن چيو ته هارس ٽريڊنگ پي ٽي آئي جو شيوو آهي سنڌ جا اسيمبلي اڳواڻ بهادر ۽ شعور وارا آهن ماضي ۾ جهانگير ترين جو جهاز 50 رپيا في ڪلو ميٽر جي حصاب سان هلندو رهيو ۽ هاڻي به پي ٽي آئي حڪومت عوام دشمن فيصلا ڪري رهي آهي پيپلزپاٽي عوام جي جماعت آهي ان کي پاڪستان جي عوام جو ڏک ۽ احساس آهي اهڙي طرح عمران خان نيازي عوام سان ظلم ڪندو رهيو ته عوام کي روڊن تي اچڻ کان ڪو روڪي نه سگهندو عوام پريشان ۽ بدحال آهي پر وزيراعطم عمران خان نيازي جي ڪابينه عيش عشرت جي زندگي گزاري رهي آهي اهو ڪهڙو ٻٽو معيار آهي نيازي صاحب عوام سان ڪيل واعدا پورا ڪيو نت ته عاوم جي غضب سان توهان کي ڊڄڻ کپي.

 

 

 

 

اينٽي نارڪوٽڪس فورس ن ليگ اڳواڻ راڻا ثناءُ الله کي گرفتار ڪري ورتو

لاهور (ويب ڊيسڪ) اينٽي نارڪوٽڪس فورس (اي اين ايف) ن ليگ اڳواڻ راڻا ثناءُ الله کي حراست ۾ وٺي ڇڏيو. ذريعن موجب ن ليگ پنجاب جو صدر فيصل آباد کان لاهور وڃي رهيو هو ته اي اين ايف کيس سکيڪي ڀرسان حراست ۾ ورتو. ذريعن جو چوڻ آهي ته راڻا ثناءُ الله کي منشيات فروشن سان رابطي جي بنياد تي حراست ۾ ورتو ويو آهي ۽ کانئس پڇا ڳاڇا جاري آهي. اي اين ايف لاهور ن ليگ اڳواڻ کي گرفتار ڪرڻ جي تصديق ڪري ڇڏي آهي پر اهو ناهي ٻڌايو ويو ته کيس ڪهڙي الزام ۾ گرفتار ڪيو ويو آهي. اي اين ايف ترجمان جو چوڻ هو ته راڻا ثناءُ الله سان گڏ سندس سيڪيورٽي گارڊ به هئا، ڪجهه دير کانپوءِ تحريري طور گرفتاري جا سبب ٻڌايا ويندا. هوڏانهن ن ليگ اڳواڻ محمد زبير چيو آهي ته راڻا ثناءُ الله جو موبائل فون بند وڃي رهيو آهي ۽ ساڻس ڪنهن به قسم جو رابطو نه پيو ٿئي.

 

راڻا ثناءُالله سان اي اين ايف جو ڪهڙو تعلق؟ ن ليگ ۽ پ پ قيادت پاران گرفتاري سياسي انتقام قرار

لاهور(ويب ڊيسڪ) مسلم ليگ ن جي نائب صدر مريم نواز چيو آهي ته راڻا ثناءُالله سان اي اين ايف جو ڪهڙو تعلق آهي، هن کي پنهنجي دبنگ ۽ دليراڻي موقف جي ڪري گرفتار ڪيو ويو. تفصيل موجب مسلم ليگ ن جي نائب صد مريم نواز سماجي رابطن واري ويب سائيٽ ٽوئيٽر تي لکيو ته راڻا ثناءُ الله سان اي اين ايف جو ڪهڙو تعلق آهي، صورتحال ان کان وڌي بي تُڪي نٿي ٿي سگهي. مريم نواز پنهنجي پروفائل تصوير به تبديل ڪري راڻا ثناءُ الله جي تصوير لڳائي ڇڏي.  ان کان اڳ مريم نواز پنهنجي ٽوئيٽ ۾ چيو ته حڪمران پارٽي ن ليگ جي فڪر ڇڏي عوامي مسئلن تي ڌيان ڏئي، انهن جي نااهلي ۽ نالائقي سڀ ڪجهه تباهه ڪري ڇڏيو آهي. مريم نواز جو چوڻ هو ته عوام کي فاقن تائين پهچائي ڇڏيو، حڪومت شريف فيملي جي فڪر ڇڏي ڏئي. گڏ رهڻ شريف فيملي جي رت ۾ شامل آهي.